Library·Bhaviṣya Purāṇa (part)·3·3.2·3.2.22
पुरा सत्ययुगे भ्रातर्ब्राह्मणा यज्ञतत्पराः ।। अजेनैव हि यष्टव्यमिति ज्ञात्वा परां श्रुतिम् ।।3.2.22.१
purā satyayuge bhrātarbrāhmaṇā yajñatatparāḥ || ajenaiva hi yaṣṭavyamiti jñātvā parāṃ śrutim ||3.2.22.1
Sanskrit only: no published translation is held for this verse.
।। वैताल उवाच भो राजन्बिल्वतीग्रामे गंगायामुनमध्यगे ।। अहं पूर्वभवे चासं क्षत्रसिंहो महीपतिः
|| vaitāla uvāca bho rājanbilvatīgrāme gaṃgāyāmunamadhyage || ahaṃ pūrvabhave cāsaṃ kṣatrasiṃho mahīpatiḥ
Sanskrit only: no published translation is held for this verse.
तस्य ग्रामे वसद्विप्रो वेदवेदांगपारगः ।। शंभुदत्त इति ख्यातो रुद्रभक्तिपरायणः
tasya grāme vasadvipro vedavedāṃgapāragaḥ || śaṃbhudatta iti khyāto rudrabhaktiparāyaṇaḥ
Sanskrit only: no published translation is held for this verse.
उभकौ तनयौ तस्य सर्वविद्याविशारदौ ।। विष्णुभक्तः स्मृतो ज्येष्ठो नाम्ना लीलाधरो बली ।। शाक्तोऽभवत्तदनुजो मोहनो नाम श्रुतः
ubhakau tanayau tasya sarvavidyāviśāradau || viṣṇubhaktaḥ smṛto jyeṣṭho nāmnā līlādharo balī || śākto'bhavattadanujo mohano nāma śrutaḥ
Sanskrit only: no published translation is held for this verse.
कदाचित्क्षत्रसिंहस्तु यज्ञार्थी यज्ञहेतवे ।। शंभुदत्तं समाहूय ससुतं धर्मकोविदम् ।। स्वयं च कारयामास च्छागमेधं सुरप्रियम्
kadācitkṣatrasiṃhastu yajñārthī yajñahetave || śaṃbhudattaṃ samāhūya sasutaṃ dharmakovidam || svayaṃ ca kārayāmāsa cchāgamedhaṃ surapriyam
Sanskrit only: no published translation is held for this verse.
शंभुदत्तस्तु वृद्धात्मा शिवभक्तिपरायणः ।। चतुश्चक्रांश्च संस्थाप्य कलशं कार्यसिद्धिदम्
śaṃbhudattastu vṛddhātmā śivabhaktiparāyaṇaḥ || catuścakrāṃśca saṃsthāpya kalaśaṃ kāryasiddhidam
Sanskrit only: no published translation is held for this verse.
हव्यैः सुसंस्कृतै रम्यैश्चकार हवनं मुदा ।। छागमाहूय विधिवत्पूजयामास भूपतिः
havyaiḥ susaṃskṛtai ramyaiścakāra havanaṃ mudā || chāgamāhūya vidhivatpūjayāmāsa bhūpatiḥ
Sanskrit only: no published translation is held for this verse.
लीलाधरस्तु तं दृष्ट्वा छागं च मरणोन्मुखम् ।। दयालुर्वेष्णवो धीमानब्रवीद्वचनं रुषा
līlādharastu taṃ dṛṣṭvā chāgaṃ ca maraṇonmukham || dayālurveṣṇavo dhīmānabravīdvacanaṃ ruṣā
Sanskrit only: no published translation is held for this verse.
दारुणं नरकं योग्यमनया जीवहिंसया ।। सर्वेशो भगवान्विष्णुहिंसायज्ञेन दुष्यति
dāruṇaṃ narakaṃ yogyamanayā jīvahiṃsayā || sarveśo bhagavānviṣṇuhiṃsāyajñena duṣyati
Sanskrit only: no published translation is held for this verse.
इति श्रुत्वा वचस्तस्य ज्येष्ठबंधोश्च मोहनः ।। मृदुपूर्वं जहासोच्चैर्वचनं प्राह नम्रधीः
iti śrutvā vacastasya jyeṣṭhabaṃdhośca mohanaḥ || mṛdupūrvaṃ jahāsoccairvacanaṃ prāha namradhīḥ
Sanskrit only: no published translation is held for this verse.
तिलाधिकमजं मत्वा हव्ये ते तु मनो दधुः ।। तदा शक्रादयो देवा वह्निमध्ये समागताः
tilādhikamajaṃ matvā havye te tu mano dadhuḥ || tadā śakrādayo devā vahnimadhye samāgatāḥ
Sanskrit only: no published translation is held for this verse.
ऊचुस्ते मधुरं वाक्यं त्वन्मतं निष्फलप्रदम् ।। अजच्छागः स्मृतो वेदैस्तेन यष्टव्यमन्तरम् ।।
ūcuste madhuraṃ vākyaṃ tvanmataṃ niṣphalapradam || ajacchāgaḥ smṛto vedaistena yaṣṭavyamantaram ||
Sanskrit only: no published translation is held for this verse.
श्रुत्वेति वचनं तेषां विस्मिता मुनयोऽभवन् ।। एतस्मिन्नंतरे तत्र पितृयोनिरमावसुः
śrutveti vacanaṃ teṣāṃ vismitā munayo'bhavan || etasminnaṃtare tatra pitṛyoniramāvasuḥ
Sanskrit only: no published translation is held for this verse.
विमानं परमारुह्य मुनीन्प्रोवाच निर्भयः ।। छाग मेधेन यष्टव्यं सुराणां तृप्तिहेतवे
vimānaṃ paramāruhya munīnprovāca nirbhayaḥ || chāga medhena yaṣṭavyaṃ surāṇāṃ tṛptihetave
Sanskrit only: no published translation is held for this verse.
इति श्रुत्वा वचस्तस्य तथा कृत्वा शिवं ययुः ।। तस्मात्त्वं च मया सार्द्धं यज्ञं कुरु महामते
iti śrutvā vacastasya tathā kṛtvā śivaṃ yayuḥ || tasmāttvaṃ ca mayā sārddhaṃ yajñaṃ kuru mahāmate
Sanskrit only: no published translation is held for this verse.
इति श्रुत्वा वचो घोरं लीलाधर उदारधीः ।। मोहनं प्राह धर्मात्मा यज्ञस्त्रेतायुगेऽभवत्
iti śrutvā vaco ghoraṃ līlādhara udāradhīḥ || mohanaṃ prāha dharmātmā yajñastretāyuge'bhavat
Sanskrit only: no published translation is held for this verse.
रजोगुणमयो लोकस्त्रेतायां संबभूव ह ।। हिंसा सत्ययुगे नासीद्धर्मस्तत्र चतुष्पदः
rajoguṇamayo lokastretāyāṃ saṃbabhūva ha || hiṃsā satyayuge nāsīddharmastatra catuṣpadaḥ
Sanskrit only: no published translation is held for this verse.
हव्येन तर्पिता देवा न मांसे रक्तसंभवैः।। इति श्रुत्वा क्षत्रसिंहस्त्यक्त्वा छागं भयातुरम्
havyena tarpitā devā na māṃse raktasaṃbhavaiḥ|| iti śrutvā kṣatrasiṃhastyaktvā chāgaṃ bhayāturam
Sanskrit only: no published translation is held for this verse.
फलाऽद्यैः कारयामास तदा पूर्णाहुतीर्नृप ।। एतस्मिन्नन्तरे देवी तामसी क्रोधमूर्छिता ।। नगरं दाहयामास नरनारीसमन्वितम्
phalā'dyaiḥ kārayāmāsa tadā pūrṇāhutīrnṛpa || etasminnantare devī tāmasī krodhamūrchitā || nagaraṃ dāhayāmāsa naranārīsamanvitam
Sanskrit only: no published translation is held for this verse.
महामायाप्रभावेण शंभुदत्तः शिवप्रियः ।। स भूत्वा च महोन्मादी त्यक्त्वा देहं दिवं ययौ
mahāmāyāprabhāveṇa śaṃbhudattaḥ śivapriyaḥ || sa bhūtvā ca mahonmādī tyaktvā dehaṃ divaṃ yayau
Sanskrit only: no published translation is held for this verse.
तदा लीलाधरो विप्रो दशपुत्रोपजीवकः ।। बालानध्यापयामास ग्रामे पद्मपुरे शुभे
tadā līlādharo vipro daśaputropajīvakaḥ || bālānadhyāpayāmāsa grāme padmapure śubhe
Sanskrit only: no published translation is held for this verse.
क्षत्रसिंहस्तु नृपतिर्मोहनान्तिकमाययौ ।। प्रसादं कारयामास देवमातुरनुग्रहम्
kṣatrasiṃhastu nṛpatirmohanāntikamāyayau || prasādaṃ kārayāmāsa devamāturanugraham
Sanskrit only: no published translation is held for this verse.
।। मोहन उवाच ।। ।।। बीजमन्त्रजपाद्ब्रह्मा ब्राह्मीं शक्तिमवाप्तवान् ।। तदंबायै नमस्तुभ्यं महावीरायै नमोनमः
|| mohana uvāca || ||| bījamantrajapādbrahmā brāhmīṃ śaktimavāptavān || tadaṃbāyai namastubhyaṃ mahāvīrāyai namonamaḥ
Sanskrit only: no published translation is held for this verse.
जप्त्वा सप्तशतीं विष्णुर्वैष्णवीं शक्तिमाप्तवान् ।। तदंबायै नमस्तुभ्यं महालक्ष्म्यै नमोनमः
japtvā saptaśatīṃ viṣṇurvaiṣṇavīṃ śaktimāptavān || tadaṃbāyai namastubhyaṃ mahālakṣmyai namonamaḥ
Sanskrit only: no published translation is held for this verse.
प्रणवास्तनया यस्यास्तुरीयपुरुषप्रिया ।। तदंबायै नमस्तुभ्यं प्रणवायै नमोनमः ।।
praṇavāstanayā yasyāsturīyapuruṣapriyā || tadaṃbāyai namastubhyaṃ praṇavāyai namonamaḥ ||
Sanskrit only: no published translation is held for this verse.
यया दृश्यमिदं जातं यया वै पाल्यते जगत् ।। यस्या देहे स्थितं विश्वं तदंबायै नमोनमः
yayā dṛśyamidaṃ jātaṃ yayā vai pālyate jagat || yasyā dehe sthitaṃ viśvaṃ tadaṃbāyai namonamaḥ
Sanskrit only: no published translation is held for this verse.
शची सिद्धिस्तथा मृत्युः प्रभा गीर्वाणसैनिकाः ।। स्वाहा च निर्ऋती रात्रिर्ऋद्धिर्भुक्तिस्त्वदुद्भवा ।। लोकपालप्रिया त्वं हि लोकमातर्नमोनमः
śacī siddhistathā mṛtyuḥ prabhā gīrvāṇasainikāḥ || svāhā ca nirṛtī rātrirṛddhirbhuktistvadudbhavā || lokapālapriyā tvaṃ hi lokamātarnamonamaḥ
Sanskrit only: no published translation is held for this verse.
तृष्णा तृप्ती रतिर्न्नीतिर्हिंसा क्षांतिर्मतिर्गतिः ।। निंदा स्तुतिस्तथेर्ष्या च लज्जा त्वं हि नमोनमः
tṛṣṇā tṛptī ratirnnītirhiṃsā kṣāṃtirmatirgatiḥ || niṃdā stutistatherṣyā ca lajjā tvaṃ hi namonamaḥ
Sanskrit only: no published translation is held for this verse.
इत्यष्टकप्रभावेण क्षत्रसिंहो महीपतिः ।। शिवलोकं गतः साधु र्वैतालत्वमवाप्तवान्
ityaṣṭakaprabhāveṇa kṣatrasiṃho mahīpatiḥ || śivalokaṃ gataḥ sādhu rvaitālatvamavāptavān
Sanskrit only: no published translation is held for this verse.
तस्मात्त्वं विक्रमादित्य भज दुर्गां सनातनीम् ।। शिवाज्ञया त्वहं प्राप्तस्त्वत्समीपे महीपते
tasmāttvaṃ vikramāditya bhaja durgāṃ sanātanīm || śivājñayā tvahaṃ prāptastvatsamīpe mahīpate
Sanskrit only: no published translation is held for this verse.
प्रश्नोत्तरेण भूपाल मया त्वं संपरीक्षितः ।। भुजयोस्ते स्थितिर्मे स्याज्जहि सर्वरिपून्भुवि
praśnottareṇa bhūpāla mayā tvaṃ saṃparīkṣitaḥ || bhujayoste sthitirme syājjahi sarvaripūnbhuvi
Sanskrit only: no published translation is held for this verse.
दस्युनष्टाः पुरीः सर्वाः क्षेत्राणि विविधानि च ।। शास्त्रमानेन संस्थाप्य समयं कुरु भो नृप
dasyunaṣṭāḥ purīḥ sarvāḥ kṣetrāṇi vividhāni ca || śāstramānena saṃsthāpya samayaṃ kuru bho nṛpa
Sanskrit only: no published translation is held for this verse.
यो नृपः सर्वतीर्थानि पुनरुद्धारयिष्यति ।। स हि मत्स्थापितं संवद्विपरीतं करिष्यति ।।
yo nṛpaḥ sarvatīrthāni punaruddhārayiṣyati || sa hi matsthāpitaṃ saṃvadviparītaṃ kariṣyati ||
Sanskrit only: no published translation is held for this verse.
विक्रमाख्यानकालोऽयं पुनर्धर्मं करोति हि ।। द्वादशाब्दशतं वर्षं द्वापरो हि प्रवर्तते
vikramākhyānakālo'yaṃ punardharmaṃ karoti hi || dvādaśābdaśataṃ varṣaṃ dvāparo hi pravartate
Sanskrit only: no published translation is held for this verse.
तदन्ते भुवि कृष्णांशो भविष्यति महा बली ।। कलेरुद्धरणार्थाय म्लेच्छवंशविवृद्धये
tadante bhuvi kṛṣṇāṃśo bhaviṣyati mahā balī || kaleruddharaṇārthāya mlecchavaṃśavivṛddhaye
Sanskrit only: no published translation is held for this verse.
सूताद्या मुनयः सर्वे नैमिषारण्यवासिनः ।। विशालायां समागत्य चक्रतीर्थनिवासिनः ।। भविष्यंति महाराज पुराणश्रवणे रताः
sūtādyā munayaḥ sarve naimiṣāraṇyavāsinaḥ || viśālāyāṃ samāgatya cakratīrthanivāsinaḥ || bhaviṣyaṃti mahārāja purāṇaśravaṇe ratāḥ
Sanskrit only: no published translation is held for this verse.
इत्युक्त्वा स तु वैतालस्तत्रैवान्तरधीयत ।। नृपतिर्विक्रमादित्यः परमानंदमाप्तवान्
ityuktvā sa tu vaitālastatraivāntaradhīyata || nṛpatirvikramādityaḥ paramānaṃdamāptavān
Sanskrit only: no published translation is held for this verse.
तस्माद्यूयं मुनिश्रेष्ठा ज्ञात्वा संध्यां समागताम् ।। शिवं भजत सर्वेशं ध्याननिष्ठासमन्विताः
tasmādyūyaṃ muniśreṣṭhā jñātvā saṃdhyāṃ samāgatām || śivaṃ bhajata sarveśaṃ dhyānaniṣṭhāsamanvitāḥ
Sanskrit only: no published translation is held for this verse.