Bhaviṣya Purāṇa (part) 3.2.27

।। सूत उवाच अथेतिहासं शृणुत यथा भिल्लाः कृतार्थिनः ।। विचरंतो वने नित्यं निषादाः काष्ठवाहिनः

|| sūta uvāca athetihāsaṃ śṛṇuta yathā bhillāḥ kṛtārthinaḥ || vicaraṃto vane nityaṃ niṣādāḥ kāṣṭhavāhinaḥ

Sanskrit only: no published translation is held for this verse.

वनात्काष्ठानि विक्रेतुं पुरीं काशीं ययुः क्वचित्।। एकस्तृषाकुलो यातो विष्णुदासाश्रमं तदा

vanātkāṣṭhāni vikretuṃ purīṃ kāśīṃ yayuḥ kvacit|| ekastṛṣākulo yāto viṣṇudāsāśramaṃ tadā

Sanskrit only: no published translation is held for this verse.

ददर्श विपुलैश्वर्यं सेवितं च द्विजैर्हरिम् ।। जलं पीत्वा विस्मितोऽभूद्भिक्षुकस्य कुतो धनम्

dadarśa vipulaiśvaryaṃ sevitaṃ ca dvijairharim || jalaṃ pītvā vismito'bhūdbhikṣukasya kuto dhanam

Sanskrit only: no published translation is held for this verse.

यो दृष्टोऽकिंचनो विप्रो दृश्यतेऽद्य महाधनः।। इति संचिंत्य हृदये स पप्रच्छ द्विजोत्तमम्

yo dṛṣṭo'kiṃcano vipro dṛśyate'dya mahādhanaḥ|| iti saṃciṃtya hṛdaye sa papraccha dvijottamam

Sanskrit only: no published translation is held for this verse.

ऐश्वर्यं ते कुतो ब्रह्मन्दुर्गतिस्ते कुतो गता ।। आज्ञापय महाभाग श्रोतुमिच्छामि तत्त्वतः

aiśvaryaṃ te kuto brahmandurgatiste kuto gatā || ājñāpaya mahābhāga śrotumicchāmi tattvataḥ

Sanskrit only: no published translation is held for this verse.

।। सदानंद उवाच सत्यनारायणस्यांग सेवया किं न लभ्यते ।। न किंचित्सुखमाप्नोति विना तस्यानुकंपया

|| sadānaṃda uvāca satyanārāyaṇasyāṃga sevayā kiṃ na labhyate || na kiṃcitsukhamāpnoti vinā tasyānukaṃpayā

Sanskrit only: no published translation is held for this verse.

।।निषाद उवाच अहो किमिति माहात्म्यं सत्यनारायणार्चने ।। विधानं सोपचारं च ह्युपदेष्टुं त्वमर्हसि

||niṣāda uvāca aho kimiti māhātmyaṃ satyanārāyaṇārcane || vidhānaṃ sopacāraṃ ca hyupadeṣṭuṃ tvamarhasi

Sanskrit only: no published translation is held for this verse.

साधूनां समचित्तानामुपकारवतां सताम् ।। न गोप्यं विद्यते किंचिदार्तानामार्तिनाशनम्

sādhūnāṃ samacittānāmupakāravatāṃ satām || na gopyaṃ vidyate kiṃcidārtānāmārtināśanam

Sanskrit only: no published translation is held for this verse.

इति पृष्टो विधिं वक्तुमितिहासमथाब्रवीत् ।। चन्द्रचूडो महीपालः केदारमणिपूरके

iti pṛṣṭo vidhiṃ vaktumitihāsamathābravīt || candracūḍo mahīpālaḥ kedāramaṇipūrake

Sanskrit only: no published translation is held for this verse.

ममाश्रमं समायातः सत्यनारायणार्चने ।। विधानं श्रोतुकामोऽसौ मामाह सादरं वचः

mamāśramaṃ samāyātaḥ satyanārāyaṇārcane || vidhānaṃ śrotukāmo'sau māmāha sādaraṃ vacaḥ

Sanskrit only: no published translation is held for this verse.

मया यत्कथितंतस्मै तन्निबोध निषादज ।। संकल्प्य मनसा कामं निष्कामो वा जनः क्वचित्

mayā yatkathitaṃtasmai tannibodha niṣādaja || saṃkalpya manasā kāmaṃ niṣkāmo vā janaḥ kvacit

Sanskrit only: no published translation is held for this verse.

गोधूमचूर्णं पादार्धं सेटकाद्यैः सुचूर्णकम् ।। संस्कृतं मधुगंधाज्यैर्नैवेद्यं विभवेऽर्पयेत्

godhūmacūrṇaṃ pādārdhaṃ seṭakādyaiḥ sucūrṇakam || saṃskṛtaṃ madhugaṃdhājyairnaivedyaṃ vibhave'rpayet

Sanskrit only: no published translation is held for this verse.

पंचामृतेन संस्नाप्य चन्दनाद्यैश्च पूजयेत् ।। पायसापूपसंयावदधिक्षीरमथोहरेत्

paṃcāmṛtena saṃsnāpya candanādyaiśca pūjayet || pāyasāpūpasaṃyāvadadhikṣīramathoharet

Sanskrit only: no published translation is held for this verse.

उच्चावचः फलैः पुष्पैर्धूपदीपैमर्नोरमैः ।। पूजयेत्परया भक्त्या विभवे सति विस्तरैः

uccāvacaḥ phalaiḥ puṣpairdhūpadīpaimarnoramaiḥ || pūjayetparayā bhaktyā vibhave sati vistaraiḥ

Sanskrit only: no published translation is held for this verse.

न तुष्येद्द्रव्यसंभारैर्भक्त्या केवलया यथा ।। भगवान्परितः पूर्णो न मानं वृणुयात्क्वचित्

na tuṣyeddravyasaṃbhārairbhaktyā kevalayā yathā || bhagavānparitaḥ pūrṇo na mānaṃ vṛṇuyātkvacit

Sanskrit only: no published translation is held for this verse.

दुर्योधनकृतां त्यत्क्वा राजपूजां जनार्दनः ।। विदुरस्याश्रमे वासमातिथ्यं जगृहे विभुः

duryodhanakṛtāṃ tyatkvā rājapūjāṃ janārdanaḥ || vidurasyāśrame vāsamātithyaṃ jagṛhe vibhuḥ

Sanskrit only: no published translation is held for this verse.

सुदाम्नस्तंडुलकणाञ्जग्ध्वा मानुष्यदुर्लभाः ।। संपदोऽदाद्धरिः प्रीत्या भक्तिमात्रमपेक्ष्यते

sudāmnastaṃḍulakaṇāñjagdhvā mānuṣyadurlabhāḥ || saṃpado'dāddhariḥ prītyā bhaktimātramapekṣyate

Sanskrit only: no published translation is held for this verse.

गोपो गृध्रो वणिग्व्याधो हनुमान्सविभीषणः ।। येऽन्ये पापात्मका दैत्या वृत्रकायाधवादयः

gopo gṛdhro vaṇigvyādho hanumānsavibhīṣaṇaḥ || ye'nye pāpātmakā daityā vṛtrakāyādhavādayaḥ

Sanskrit only: no published translation is held for this verse.

नारायणान्तिकं प्राप्य मोदंतेऽद्यापि यद्वशाः ।। इति श्रुत्वा नरपतिः पूजासंभारमादरात्

nārāyaṇāntikaṃ prāpya modaṃte'dyāpi yadvaśāḥ || iti śrutvā narapatiḥ pūjāsaṃbhāramādarāt

Sanskrit only: no published translation is held for this verse.

कृतवान्स धनं लब्ध्वा मोदते नर्मदातटे ।। निषाद त्वमपि प्रीत्या सत्यनारायणं भज

kṛtavānsa dhanaṃ labdhvā modate narmadātaṭe || niṣāda tvamapi prītyā satyanārāyaṇaṃ bhaja

Sanskrit only: no published translation is held for this verse.

इह लोके सुखं प्राप्य चान्ते सान्निध्यमाप्नुयाः ।। कृतकृत्यो निषादोऽभूत्प्रणम्य द्विजपुंगवम्

iha loke sukhaṃ prāpya cānte sānnidhyamāpnuyāḥ || kṛtakṛtyo niṣādo'bhūtpraṇamya dvijapuṃgavam

Sanskrit only: no published translation is held for this verse.

स गत्वा स्वगणानाह माहात्म्यं हरिसेवने ।। ते हृष्टमनसः सर्वे समयं चक्रुरादृताः

sa gatvā svagaṇānāha māhātmyaṃ harisevane || te hṛṣṭamanasaḥ sarve samayaṃ cakrurādṛtāḥ

Sanskrit only: no published translation is held for this verse.

सत्यनारायणे पूजां काष्ठलब्धेन यावता ।। वयं कुलैः करिष्यामः पुण्यवृक्षविधानतः

satyanārāyaṇe pūjāṃ kāṣṭhalabdhena yāvatā || vayaṃ kulaiḥ kariṣyāmaḥ puṇyavṛkṣavidhānataḥ

Sanskrit only: no published translation is held for this verse.

इति निश्चित्य मनसा काष्ठं विक्रीय लेभिरे ।। चतुर्गुणं धनं हृष्टाः स्वंस्वं भवनमाययुः

iti niścitya manasā kāṣṭhaṃ vikrīya lebhire || caturguṇaṃ dhanaṃ hṛṣṭāḥ svaṃsvaṃ bhavanamāyayuḥ

Sanskrit only: no published translation is held for this verse.

मुदा स्त्रीभ्यस्समाचख्युर्वृत्तांतं सर्वमादितः।। ताः श्रुत्वा हृष्टमनसः पूजनं चक्रुरादरात्

mudā strībhyassamācakhyurvṛttāṃtaṃ sarvamāditaḥ|| tāḥ śrutvā hṛṣṭamanasaḥ pūjanaṃ cakrurādarāt

Sanskrit only: no published translation is held for this verse.

कथान्ते प्रणमन्भक्त्या प्रसादं जगृहुस्ततः ।। स्वजातिभ्यः परेभ्यश्च ददुस्तच्चूर्णमुत्तमम्

kathānte praṇamanbhaktyā prasādaṃ jagṛhustataḥ || svajātibhyaḥ parebhyaśca dadustaccūrṇamuttamam

Sanskrit only: no published translation is held for this verse.

पूजाप्रभावतो भिल्लाः पुत्रदारादिभिर्युताः ।। लब्ध्वा भूमितले द्रव्यं ज्ञानचक्षुर्महोत्तमम्

pūjāprabhāvato bhillāḥ putradārādibhiryutāḥ || labdhvā bhūmitale dravyaṃ jñānacakṣurmahottamam

Sanskrit only: no published translation is held for this verse.

भुक्त्वा भोगान्यथेष्टन्ते दरिद्रान्धा द्विजोत्तम ।। जग्मुस्ते वैष्णवं धाम योगिनामपि दुर्लभम्

bhuktvā bhogānyatheṣṭante daridrāndhā dvijottama || jagmuste vaiṣṇavaṃ dhāma yogināmapi durlabham

Sanskrit only: no published translation is held for this verse.