Library·Bhaviṣya Purāṇa (part)·3·3.2·3.2.28
।। सूत उवाच अथ ते वर्णयिष्यामि कथां साधूपचारिताम् ।। नृपोपदेशतः साधुः कृतार्थोऽभूद्वणिग्यथा।।
|| sūta uvāca atha te varṇayiṣyāmi kathāṃ sādhūpacāritām || nṛpopadeśataḥ sādhuḥ kṛtārtho'bhūdvaṇigyathā||
Sanskrit only: no published translation is held for this verse.
मणिपूरपती राजा चन्द्रचूडो महायशाः ।। सह प्रजाभिरानर्च सत्यनारायणं प्रभुम्
maṇipūrapatī rājā candracūḍo mahāyaśāḥ || saha prajābhirānarca satyanārāyaṇaṃ prabhum
Sanskrit only: no published translation is held for this verse.
अथ रत्नपुरस्थायी साधुर्लक्षपतिर्वणिक् ।। धनैरापूर्य तरणीः सह गच्छन्नदीतटे
atha ratnapurasthāyī sādhurlakṣapatirvaṇik || dhanairāpūrya taraṇīḥ saha gacchannadītaṭe
Sanskrit only: no published translation is held for this verse.
ददर्श बहुलं लोकं नानाग्रामविलासिनम् ।। मणिमुक्ताविरचितैर्वितानैस्समलंकृतम्
dadarśa bahulaṃ lokaṃ nānāgrāmavilāsinam || maṇimuktāviracitairvitānaissamalaṃkṛtam
Sanskrit only: no published translation is held for this verse.
वेदवादांश्च शुश्राव गीतवादित्रसंगतान् ।। रम्यं स्थानं समालोक्य कर्णधारं समादिशत्
vedavādāṃśca śuśrāva gītavāditrasaṃgatān || ramyaṃ sthānaṃ samālokya karṇadhāraṃ samādiśat
Sanskrit only: no published translation is held for this verse.
विश्रामयात्र तरणीरिति पश्यामि कौतुकम् ।। भर्त्रादिष्टस्तथा चक्रे कर्णधारः सभृत्यकैः
viśrāmayātra taraṇīriti paśyāmi kautukam || bhartrādiṣṭastathā cakre karṇadhāraḥ sabhṛtyakaiḥ
Sanskrit only: no published translation is held for this verse.
तटसीम्नः समुत्तीर्य मल्ललीलाविलासिनः ।। कर्णधारा नगा वीरा युयुधुर्मल्ललीलया
taṭasīmnaḥ samuttīrya mallalīlāvilāsinaḥ || karṇadhārā nagā vīrā yuyudhurmallalīlayā
Sanskrit only: no published translation is held for this verse.
स्वयमुत्तीर्य सामात्यो लोकान्पप्रच्छ सादरम् ।। यज्ञस्थानं समालोक्य प्रशस्तं समुदो ययौ
svayamuttīrya sāmātyo lokānpapraccha sādaram || yajñasthānaṃ samālokya praśastaṃ samudo yayau
Sanskrit only: no published translation is held for this verse.
किमत्र क्रियते सभ्या भवद्भिर्लोकपूजितैः ।। सभ्या ऊचुश्च ते सर्वे सत्यनारायणो विभुः
kimatra kriyate sabhyā bhavadbhirlokapūjitaiḥ || sabhyā ūcuśca te sarve satyanārāyaṇo vibhuḥ
Sanskrit only: no published translation is held for this verse.
पूज्यते बंधुभिः सार्धं राज्ञा लोकानुकंपिना ।। प्राप्तं निष्कटकं राज्यं सत्यनारायणार्चनात्
pūjyate baṃdhubhiḥ sārdhaṃ rājñā lokānukaṃpinā || prāptaṃ niṣkaṭakaṃ rājyaṃ satyanārāyaṇārcanāt
Sanskrit only: no published translation is held for this verse.
धनार्थी लभते द्रव्यं पुत्रार्थी सुतमुत्तमम् ।। ज्ञानार्थी लभते चक्षुर्निर्भयः स्याद्भयातुरः
dhanārthī labhate dravyaṃ putrārthī sutamuttamam || jñānārthī labhate cakṣurnirbhayaḥ syādbhayāturaḥ
Sanskrit only: no published translation is held for this verse.
सर्वान्कामानवाप्नोति नरः सत्यसुरार्च नात् ।। विधानं तु ततः श्रुत्वा चैलं बद्ध्वा गलेऽसकृत्
sarvānkāmānavāpnoti naraḥ satyasurārca nāt || vidhānaṃ tu tataḥ śrutvā cailaṃ baddhvā gale'sakṛt
Sanskrit only: no published translation is held for this verse.
दंडवत्प्रणिपत्याह कामं सभ्यानमोदयत् ।। अनपत्योऽस्मि भगवन्वृथैश्वर्यो वृथोद्यमः
daṃḍavatpraṇipatyāha kāmaṃ sabhyānamodayat || anapatyo'smi bhagavanvṛthaiśvaryo vṛthodyamaḥ
Sanskrit only: no published translation is held for this verse.
पुत्रं वा यदि वा कन्यां लभेयं त्वत्प्रसादतः ।। पताकां कांचनीं कृत्वा पूजयिष्ये कृपानिधिम्
putraṃ vā yadi vā kanyāṃ labheyaṃ tvatprasādataḥ || patākāṃ kāṃcanīṃ kṛtvā pūjayiṣye kṛpānidhim
Sanskrit only: no published translation is held for this verse.
श्रुत्वा सभ्या अब्रुवंस्ते कामनासिद्धिरस्तु ते ।। हरिं प्रणम्य सभ्याश्च प्रसादं भुक्तवांस्तदा
śrutvā sabhyā abruvaṃste kāmanāsiddhirastu te || hariṃ praṇamya sabhyāśca prasādaṃ bhuktavāṃstadā
Sanskrit only: no published translation is held for this verse.
जगाम स्वालयं साधुर्मनसा चिंतयन्हरिम्।। स्वगृहे ह्यागते तस्मिन्नार्यो मंगलपाणयः
jagāma svālayaṃ sādhurmanasā ciṃtayanharim|| svagṛhe hyāgate tasminnāryo maṃgalapāṇayaḥ
Sanskrit only: no published translation is held for this verse.
मंगलानि विचित्राणि यथोचितमकारयन् ।। विवेशांतःपुरे साधुर्महाकौतुकमंगलः
maṃgalāni vicitrāṇi yathocitamakārayan || viveśāṃtaḥpure sādhurmahākautukamaṃgalaḥ
Sanskrit only: no published translation is held for this verse.
ऋतुस्नाता सती लीलावती पर्यचरत्पतिम् ।। गर्भं धृतवती साध्वी समये सुषुवे तु सा
ṛtusnātā satī līlāvatī paryacaratpatim || garbhaṃ dhṛtavatī sādhvī samaye suṣuve tu sā
Sanskrit only: no published translation is held for this verse.
कन्यां कमललोलाक्षीं बांधवामोदकारिणीम् ।। साधुः परां मुदं लेभे विततार धनं बहु
kanyāṃ kamalalolākṣīṃ bāṃdhavāmodakāriṇīm || sādhuḥ parāṃ mudaṃ lebhe vitatāra dhanaṃ bahu
Sanskrit only: no published translation is held for this verse.
विप्रानाहूय वेदज्ञान्कारयामास मंगलम् ।। लेखयित्वा जन्मपत्रीं नाम चक्रे कलावतीम्
viprānāhūya vedajñānkārayāmāsa maṃgalam || lekhayitvā janmapatrīṃ nāma cakre kalāvatīm
Sanskrit only: no published translation is held for this verse.
कलानिधिकले वासौ ववृधे सा कलावती ।। अष्टवर्षा भवेद्गौरी नववर्षा च रोहिणी
kalānidhikale vāsau vavṛdhe sā kalāvatī || aṣṭavarṣā bhavedgaurī navavarṣā ca rohiṇī
Sanskrit only: no published translation is held for this verse.
दशवर्षा भवेत्कन्या ततः प्रौढा रजस्वला ।। प्रौढां कालेन तां दृष्ट्वा विवाहार्थमचिन्तयत्
daśavarṣā bhavetkanyā tataḥ prauḍhā rajasvalā || prauḍhāṃ kālena tāṃ dṛṣṭvā vivāhārthamacintayat
Sanskrit only: no published translation is held for this verse.
नगरे कांचनपुरे वणिक्छंखपतिः श्रुतः ।। कुलीनो रूपसंपत्तिशीलौदार्यगुणान्वितः
nagare kāṃcanapure vaṇikchaṃkhapatiḥ śrutaḥ || kulīno rūpasaṃpattiśīlaudāryaguṇānvitaḥ
Sanskrit only: no published translation is held for this verse.
वरयामास तं साधुर्दुहितुः सदृशं वरम् ।। शुभे लग्ने बहुविधैर्मंगलैरग्निसन्निधौ
varayāmāsa taṃ sādhurduhituḥ sadṛśaṃ varam || śubhe lagne bahuvidhairmaṃgalairagnisannidhau
Sanskrit only: no published translation is held for this verse.
वेदवादित्रनिनदैर्ददौ कन्यां यथाविधि ।। मणिमुक्ताप्रवालानि वसनं भूषणानि च
vedavāditraninadairdadau kanyāṃ yathāvidhi || maṇimuktāpravālāni vasanaṃ bhūṣaṇāni ca
Sanskrit only: no published translation is held for this verse.
महामोदमनाः साधुर्मंगलार्थं ददौ च ह ।। प्रेम्णा निवासयामास गृहे जामातरं ततः
mahāmodamanāḥ sādhurmaṃgalārthaṃ dadau ca ha || premṇā nivāsayāmāsa gṛhe jāmātaraṃ tataḥ
Sanskrit only: no published translation is held for this verse.
तं मेने पुत्रवत्साधुः स च तं पितृवत्सुधीः ।। अतीते भूयसः काले सत्यनारायणार्चनम्
taṃ mene putravatsādhuḥ sa ca taṃ pitṛvatsudhīḥ || atīte bhūyasaḥ kāle satyanārāyaṇārcanam
Sanskrit only: no published translation is held for this verse.
विस्मृत्य सह जामात्रा वाणिज्याय ययौ पुनः ।। ।। सूत उवाच अथ साधुः समादाय रत्नानि विविधानि च
vismṛtya saha jāmātrā vāṇijyāya yayau punaḥ || || sūta uvāca atha sādhuḥ samādāya ratnāni vividhāni ca
Sanskrit only: no published translation is held for this verse.
नौकाः संस्थाप्य स ययौ देशाद्देशान्तरं प्रति ।। नगरं नर्मदातीरे तत्र वासं चकार सः
naukāḥ saṃsthāpya sa yayau deśāddeśāntaraṃ prati || nagaraṃ narmadātīre tatra vāsaṃ cakāra saḥ
Sanskrit only: no published translation is held for this verse.
कुर्वन्क्रयं विक्रयं च चिरं तस्थौ महामनाः ।। कर्मणा मनसा वाचा न कृतं सत्यसेवनम्
kurvankrayaṃ vikrayaṃ ca ciraṃ tasthau mahāmanāḥ || karmaṇā manasā vācā na kṛtaṃ satyasevanam
Sanskrit only: no published translation is held for this verse.
ततः कर्मविपाकेन तापमापाचिराद्वणिक् ।। कस्मिंश्चिद्दिवसे रात्रौ राज्ञो गेहे तमोवृते:
tataḥ karmavipākena tāpamāpācirādvaṇik || kasmiṃściddivase rātrau rājño gehe tamovṛte:
Sanskrit only: no published translation is held for this verse.
ज्ञात्वा निद्रागतान्सर्वान्हृतं चौरैर्महाधनम् ।। प्रभाते वाचितो राजा सूतमागधबंदिभिः ।।
jñātvā nidrāgatānsarvānhṛtaṃ caurairmahādhanam || prabhāte vācito rājā sūtamāgadhabaṃdibhiḥ ||
Sanskrit only: no published translation is held for this verse.
प्रातःकृत्यं नृपः कृत्वा सदः संप्राविशच्च सः ।। ततस्तत्र समायातः किंकरो राजवल्लभः
prātaḥkṛtyaṃ nṛpaḥ kṛtvā sadaḥ saṃprāviśacca saḥ || tatastatra samāyātaḥ kiṃkaro rājavallabhaḥ
Sanskrit only: no published translation is held for this verse.
उवाच स तदा वाक्यं शृणुष्व त्वं धरा पते ।। मुक्तामालाश्च बहुधा रत्नानि विविधानि च
uvāca sa tadā vākyaṃ śṛṇuṣva tvaṃ dharā pate || muktāmālāśca bahudhā ratnāni vividhāni ca
Sanskrit only: no published translation is held for this verse.
मुमुषुश्चौरा गतास्सर्वे न जानीमो वयं नृप ।। इति विज्ञापितो राजा पुण्यश्लोक शिखामणिः
mumuṣuścaurā gatāssarve na jānīmo vayaṃ nṛpa || iti vijñāpito rājā puṇyaśloka śikhāmaṇiḥ
Sanskrit only: no published translation is held for this verse.
उवाच क्रोधताम्राक्षो यूयं संयात मा चिरम् ।। सचौरं द्रव्यमादाय मत्पार्श्वं त्वमुपानय
uvāca krodhatāmrākṣo yūyaṃ saṃyāta mā ciram || sacauraṃ dravyamādāya matpārśvaṃ tvamupānaya
Sanskrit only: no published translation is held for this verse.
नो चेद्धनिष्ये सगणानिति दूतान्समादिशत् ।। नृपवाक्यं समाकर्ण्य प्रजग्मुस्ते च किंकराः
no ceddhaniṣye sagaṇāniti dūtānsamādiśat || nṛpavākyaṃ samākarṇya prajagmuste ca kiṃkarāḥ
Sanskrit only: no published translation is held for this verse.
बहुयत्नैर्न संशोध्य द्रव्यं चोरसमन्वितम् ।। एकीभूत्वा निशि तदा महाचिंतातुरोऽभवत्
bahuyatnairna saṃśodhya dravyaṃ corasamanvitam || ekībhūtvā niśi tadā mahāciṃtāturo'bhavat
Sanskrit only: no published translation is held for this verse.
हन्ता मां सगणं राजा किं करोमि कुतः सुखम् ।। नृपदंडाच्च मे मृत्युः प्रेतत्वाय भवेदिह
hantā māṃ sagaṇaṃ rājā kiṃ karomi kutaḥ sukham || nṛpadaṃḍācca me mṛtyuḥ pretatvāya bhavediha
Sanskrit only: no published translation is held for this verse.
नर्मदायां च मरणं शिवलोकप्रदायकम् ।। इत्येवं संमतं कृत्वा नर्मदायास्तटं ययुः
narmadāyāṃ ca maraṇaṃ śivalokapradāyakam || ityevaṃ saṃmataṃ kṛtvā narmadāyāstaṭaṃ yayuḥ
Sanskrit only: no published translation is held for this verse.
विदेशिनोऽस्य वणिजो ददर्श विपुलं धनम् ।। मुक्ताहारं गले तस्य लुंठितं वणिजोऽस्य च
videśino'sya vaṇijo dadarśa vipulaṃ dhanam || muktāhāraṃ gale tasya luṃṭhitaṃ vaṇijo'sya ca
Sanskrit only: no published translation is held for this verse.
चौरोऽयमिति निश्चित्य तौ बबंधात्मरक्षणात् ।। सधनं सह जामात्रा नृपान्तिकमुपानयत्
cauro'yamiti niścitya tau babaṃdhātmarakṣaṇāt || sadhanaṃ saha jāmātrā nṛpāntikamupānayat
Sanskrit only: no published translation is held for this verse.
प्रतिकूले हरौ तस्मिन्राज्ञापि न विचारितम् ।। धनागारे धनं नीत्वा बध्नीत तौ सुदुर्मती
pratikūle harau tasminrājñāpi na vicāritam || dhanāgāre dhanaṃ nītvā badhnīta tau sudurmatī
Sanskrit only: no published translation is held for this verse.
कारागारे लोहमयैः शृंखलैरंगपादयोः ।। इति राजाज्ञया दूतास्तथा चक्रुर्निबंधनम्
kārāgāre lohamayaiḥ śṛṃkhalairaṃgapādayoḥ || iti rājājñayā dūtāstathā cakrurnibaṃdhanam
Sanskrit only: no published translation is held for this verse.
जामात्रा सहितः साधुर्विललाप भृशं मुहुः ।। हा पुत्र तात तातेति जामातः क्व धनं गतम्
jāmātrā sahitaḥ sādhurvilalāpa bhṛśaṃ muhuḥ || hā putra tāta tāteti jāmātaḥ kva dhanaṃ gatam
Sanskrit only: no published translation is held for this verse.
क्व स्थिता च सुता भार्या पश्य धातुर्विपर्ययम् ।। निमग्नौ दुःखजलधौ को वां पास्यति संकटात्
kva sthitā ca sutā bhāryā paśya dhāturviparyayam || nimagnau duḥkhajaladhau ko vāṃ pāsyati saṃkaṭāt
Sanskrit only: no published translation is held for this verse.
मया बहुतरं धातुर्विप्रियं हि पुराकृतम् ।। तत्कर्मणः प्रभावोऽयं न जाने कस्य वा फलम्
mayā bahutaraṃ dhāturvipriyaṃ hi purākṛtam || tatkarmaṇaḥ prabhāvo'yaṃ na jāne kasya vā phalam
Sanskrit only: no published translation is held for this verse.
समं श्वशुरजामात्रौ द्वादशेषु विषादिनौ
samaṃ śvaśurajāmātrau dvādaśeṣu viṣādinau
Sanskrit only: no published translation is held for this verse.