Library·Bhaviṣya Purāṇa (part)·3·3.2·3.2.29
।। सूत उवाच तापत्रयहरं विष्णोश्चरितं तस्य ते शिवम् ।। शृण्वंति सुधियो नित्यं ते वसंति हरेः पदम् ।।
|| sūta uvāca tāpatrayaharaṃ viṣṇoścaritaṃ tasya te śivam || śṛṇvaṃti sudhiyo nityaṃ te vasaṃti hareḥ padam ||
Sanskrit only: no published translation is held for this verse.
प्रतिकूले हरौ तस्मिन्यास्यन्ति निरयान्बहून् ।। तत्प्रिया कमला देवी चत्वारस्तस्य चात्मजाः
pratikūle harau tasminyāsyanti nirayānbahūn || tatpriyā kamalā devī catvārastasya cātmajāḥ
Sanskrit only: no published translation is held for this verse.
धर्मो यज्ञो नृपश्चौरः सर्वे लक्ष्मीप्रियंकराः ।। विप्रेभ्यश्चातिथिभ्यश्च यद्दानं धर्म उच्यते
dharmo yajño nṛpaścauraḥ sarve lakṣmīpriyaṃkarāḥ || viprebhyaścātithibhyaśca yaddānaṃ dharma ucyate
Sanskrit only: no published translation is held for this verse.
मातृभ्यो देवताभ्यश्च स्वधा स्वाहेति वै मखः ।। धर्मस्यैव मखस्यैव रक्षको नृपतिः स्मृतः
mātṛbhyo devatābhyaśca svadhā svāheti vai makhaḥ || dharmasyaiva makhasyaiva rakṣako nṛpatiḥ smṛtaḥ
Sanskrit only: no published translation is held for this verse.
द्वयोर्हन्ता हि चोरः स ते सर्वे धर्मकिंकराः ।। यत्र सत्यं ततो धर्मस्तत्र लक्ष्मीः स्थिरा भवेत्
dvayorhantā hi coraḥ sa te sarve dharmakiṃkarāḥ || yatra satyaṃ tato dharmastatra lakṣmīḥ sthirā bhavet
Sanskrit only: no published translation is held for this verse.
सत्यहीनस्य तत्साधोर्धनं यत्तद्ग्रहे स्थितम् ।। हृतवानवनीपालः चौरैर्भार्यातिदुःखिता
satyahīnasya tatsādhordhanaṃ yattadgrahe sthitam || hṛtavānavanīpālaḥ caurairbhāryātiduḥkhitā
Sanskrit only: no published translation is held for this verse.
वासोलंकरणादीनि विक्रीय बुभुजे किल ।। नास्ति तत्पच्यते किंचित्तदा कष्टमगाहत
vāsolaṃkaraṇādīni vikrīya bubhuje kila || nāsti tatpacyate kiṃcittadā kaṣṭamagāhata
Sanskrit only: no published translation is held for this verse.
अथैकस्मिन्दिने कन्या भोजनाच्छादनं विना ।। गता विप्रगृहेऽपश्यत्सत्यनारायणार्चनम्
athaikasmindine kanyā bhojanācchādanaṃ vinā || gatā vipragṛhe'paśyatsatyanārāyaṇārcanam
Sanskrit only: no published translation is held for this verse.
प्रार्थयंतं जगन्नाथं दृष्ट्वा सा प्रार्थयद्धरिम् ।। सत्यनारायण हरे पिता भर्ता च मे गृहम्
prārthayaṃtaṃ jagannāthaṃ dṛṣṭvā sā prārthayaddharim || satyanārāyaṇa hare pitā bhartā ca me gṛham
Sanskrit only: no published translation is held for this verse.
आगच्छत्वर्चयिष्यामि भवंतमिति वाचये ।। तथास्तु ब्राह्मणैरुक्ता ततः सा त्वाश्रमं ययौ
āgacchatvarcayiṣyāmi bhavaṃtamiti vācaye || tathāstu brāhmaṇairuktā tataḥ sā tvāśramaṃ yayau
Sanskrit only: no published translation is held for this verse.
मात्रा निर्भर्त्सितेयंतं कालं कुत्र स्थिता शुभे ।। वृत्तांतं कथयामास सत्यनारायणार्चने
mātrā nirbhartsiteyaṃtaṃ kālaṃ kutra sthitā śubhe || vṛttāṃtaṃ kathayāmāsa satyanārāyaṇārcane
Sanskrit only: no published translation is held for this verse.
कलौ प्रत्यक्ष फलदः सर्वदा क्रियते नरैः ।। कर्तुमिच्छाम्यहं मातरनुज्ञातुं त्वमर्हसि
kalau pratyakṣa phaladaḥ sarvadā kriyate naraiḥ || kartumicchāmyahaṃ mātaranujñātuṃ tvamarhasi
Sanskrit only: no published translation is held for this verse.
देशमायातु जनकः स्वामी च मम कामना ।। रात्रौ निश्चित्य मनसा प्रभाते सा कलावती
deśamāyātu janakaḥ svāmī ca mama kāmanā || rātrau niścitya manasā prabhāte sā kalāvatī
Sanskrit only: no published translation is held for this verse.
शीलपालस्य गुप्तस्य गेहे प्राप्ता धनार्थिनी ।। बंधो किंचिद्धनं देहि येन सत्यार्चनं भवेत्
śīlapālasya guptasya gehe prāptā dhanārthinī || baṃdho kiṃciddhanaṃ dehi yena satyārcanaṃ bhavet
Sanskrit only: no published translation is held for this verse.
इति श्रुत्वा शीलपालः पंचनिष्कं धनं ददौ ।। त्वत्पितुश्च ऋणं शेषं मयीत्येव कलावति
iti śrutvā śīlapālaḥ paṃcaniṣkaṃ dhanaṃ dadau || tvatpituśca ṛṇaṃ śeṣaṃ mayītyeva kalāvati
Sanskrit only: no published translation is held for this verse.
इत्युक्त्वा सोऽनृणो भूत्वा गयाश्राद्धाय संययौ ।। सुतापि तेन द्रव्येण कृतं सत्यार्चनं शुभम्
ityuktvā so'nṛṇo bhūtvā gayāśrāddhāya saṃyayau || sutāpi tena dravyeṇa kṛtaṃ satyārcanaṃ śubham
Sanskrit only: no published translation is held for this verse.
लीलावती सह तया भक्त्याकार्षीत्प्रपूजनम्।। पूजनेन विशेषेण तुष्टो नारायणोऽभवत्
līlāvatī saha tayā bhaktyākārṣītprapūjanam|| pūjanena viśeṣeṇa tuṣṭo nārāyaṇo'bhavat
Sanskrit only: no published translation is held for this verse.
नर्मदातीरनगरे नृपः सुष्वाप मंदिरे ।। रात्रिशेषे सुपर्यंके निद्रां कुर्वति राजनि ।। उवाच विप्ररूपेण बोधयञ्छ्लक्ष्णया गिरा
narmadātīranagare nṛpaḥ suṣvāpa maṃdire || rātriśeṣe suparyaṃke nidrāṃ kurvati rājani || uvāca viprarūpeṇa bodhayañchlakṣṇayā girā
Sanskrit only: no published translation is held for this verse.
उत्तिष्ठोत्तिष्ठ राजेन्द्र तौ साधू परिमोचय ।। अपराधं विना बद्धौ नो चेच्छं न भवेत्तव
uttiṣṭhottiṣṭha rājendra tau sādhū parimocaya || aparādhaṃ vinā baddhau no cecchaṃ na bhavettava
Sanskrit only: no published translation is held for this verse.
इत्येवं भूपतिश्चैव विप्ररूपेण बोधितः ।। तदा ह्यन्तर्दधे विष्णु र्विनिद्रो नृपतिस्तदा
ityevaṃ bhūpatiścaiva viprarūpeṇa bodhitaḥ || tadā hyantardadhe viṣṇu rvinidro nṛpatistadā
Sanskrit only: no published translation is held for this verse.
विस्मितः सहसोत्थाय दध्यौ ब्रह्म सनातनम् ।। सभायां मंत्रिणे राजा स्वप्नहेतुं न्यवेदयत्
vismitaḥ sahasotthāya dadhyau brahma sanātanam || sabhāyāṃ maṃtriṇe rājā svapnahetuṃ nyavedayat
Sanskrit only: no published translation is held for this verse.
महामन्त्री च भूपालं प्राह सत्येन भो द्विज ।। मयापि दर्शितं स्वप्नं वृद्धविप्रेण बोधितम् ।। अतस्तौ हि समानीय संपृच्छ विधिवन्नृप
mahāmantrī ca bhūpālaṃ prāha satyena bho dvija || mayāpi darśitaṃ svapnaṃ vṛddhavipreṇa bodhitam || atastau hi samānīya saṃpṛccha vidhivannṛpa
Sanskrit only: no published translation is held for this verse.
आनीय साधुं पप्रच्छ सत्यमालंब्य भूपतिः ।। कुत्रत्यौ वां कुलं किं वा वसतिः कस्य वा पुरे
ānīya sādhuṃ papraccha satyamālaṃbya bhūpatiḥ || kutratyau vāṃ kulaṃ kiṃ vā vasatiḥ kasya vā pure
Sanskrit only: no published translation is held for this verse.
।। साधुरुवाच रम्ये रत्नपुरे वासो वणिग्जातौ जनिर्मम ।। वाणिज्यार्थं महाराज वाणिज्यं जीविकावयोः
|| sādhuruvāca ramye ratnapure vāso vaṇigjātau janirmama || vāṇijyārthaṃ mahārāja vāṇijyaṃ jīvikāvayoḥ
Sanskrit only: no published translation is held for this verse.
मणिमुक्तादि विक्रेतुं क्रेतुं वा तव पत्तने ।। प्राप्तौ दूतैश्च बद्ध्वावां त्वत्समीपमुपागतौ
maṇimuktādi vikretuṃ kretuṃ vā tava pattane || prāptau dūtaiśca baddhvāvāṃ tvatsamīpamupāgatau
Sanskrit only: no published translation is held for this verse.
प्रतिकूले विधौ को वा दशां नाप्नोति वै पुमान् ।। विनापराधं राजेन्द्र मणिचौरानवादयन्
pratikūle vidhau ko vā daśāṃ nāpnoti vai pumān || vināparādhaṃ rājendra maṇicaurānavādayan
Sanskrit only: no published translation is held for this verse.
आवां न चौरो राजेंद्र तत्त्वतस्त्वं विचारय ।। श्रुत्वा तन्निश्चयं ज्ञात्वा तयोर्बंधनकारणम्
āvāṃ na cauro rājeṃdra tattvatastvaṃ vicāraya || śrutvā tanniścayaṃ jñātvā tayorbaṃdhanakāraṇam
Sanskrit only: no published translation is held for this verse.
छेदयित्वा दृढं पाशं लोमशातिमकारयत् ।। कारयित्वा परिष्कारं भोजयामास तौ नृपः
chedayitvā dṛḍhaṃ pāśaṃ lomaśātimakārayat || kārayitvā pariṣkāraṃ bhojayāmāsa tau nṛpaḥ
Sanskrit only: no published translation is held for this verse.
नगरे पूजयामास वस्त्राभूषणवाहनैः ।। अब्रवीत्पूजितः साधुर्भूपतिं विनयान्वितः
nagare pūjayāmāsa vastrābhūṣaṇavāhanaiḥ || abravītpūjitaḥ sādhurbhūpatiṃ vinayānvitaḥ
Sanskrit only: no published translation is held for this verse.
कारागारे बहुविधं प्राप्तं दुःखमतः परम् ।। आज्ञापय महाराज देशं गंतुं कृपानिधे
kārāgāre bahuvidhaṃ prāptaṃ duḥkhamataḥ param || ājñāpaya mahārāja deśaṃ gaṃtuṃ kṛpānidhe
Sanskrit only: no published translation is held for this verse.
श्रुत्वा साधुवचो राजा प्राह कोशाधिकारिणम् ।। मुद्राभिस्तरणीः सद्यः पूरयाशु मदाज्ञया
śrutvā sādhuvaco rājā prāha kośādhikāriṇam || mudrābhistaraṇīḥ sadyaḥ pūrayāśu madājñayā
Sanskrit only: no published translation is held for this verse.
जामात्रा सहितः साधुर्गीतवादित्रमंगलैः ।। स्वदेशं चलितोऽद्यापि न चक्रे हरिसेवनम्
jāmātrā sahitaḥ sādhurgītavāditramaṃgalaiḥ || svadeśaṃ calito'dyāpi na cakre harisevanam
Sanskrit only: no published translation is held for this verse.
सत्यनारायणो देवः प्रत्यक्षफलदः कलौ ।। स एव तापसो भूत्वा चक्रे साधुविडंबनम्
satyanārāyaṇo devaḥ pratyakṣaphaladaḥ kalau || sa eva tāpaso bhūtvā cakre sādhuviḍaṃbanam
Sanskrit only: no published translation is held for this verse.
।। तापस उवाच धर्मः किं नौषु ते साधो मामनादृत्य यासि भोः ।। प्रत्युत्तरमदात्साधुः क्षिप नौकाश्च सत्वरम्
|| tāpasa uvāca dharmaḥ kiṃ nauṣu te sādho māmanādṛtya yāsi bhoḥ || pratyuttaramadātsādhuḥ kṣipa naukāśca satvaram
Sanskrit only: no published translation is held for this verse.
भोः स्वामिन्मे धनं नास्ति लतापत्रादिपूरितम् ।। नौभिर्गच्छामि स्वस्थानं विरोधे नात्र किं फलम्
bhoḥ svāminme dhanaṃ nāsti latāpatrādipūritam || naubhirgacchāmi svasthānaṃ virodhe nātra kiṃ phalam
Sanskrit only: no published translation is held for this verse.
इत्युक्तस्तापसः प्राह तथास्त्विति वचः क्षणात् ।। धनमंतर्दधे साधोर्लतापत्रावशेषितम्
ityuktastāpasaḥ prāha tathāstviti vacaḥ kṣaṇāt || dhanamaṃtardadhe sādhorlatāpatrāvaśeṣitam
Sanskrit only: no published translation is held for this verse.
धनं नौकासु नास्तीति साधुश्चिंतातुरोऽभवत् ।। किमिदं कस्य वा हेतोर्धनं कुत्र गतं मम
dhanaṃ naukāsu nāstīti sādhuściṃtāturo'bhavat || kimidaṃ kasya vā hetordhanaṃ kutra gataṃ mama
Sanskrit only: no published translation is held for this verse.
वज्रपाताहत इव भृशं दुःखितमानसः ।। क्व यास्यामि क्व तिष्ठामि किं करोमि धनं कुतः
vajrapātāhata iva bhṛśaṃ duḥkhitamānasaḥ || kva yāsyāmi kva tiṣṭhāmi kiṃ karomi dhanaṃ kutaḥ
Sanskrit only: no published translation is held for this verse.
इति मूर्छागतः साधुर्विललाप पुनःपुनः ।। जामात्रा बोधितः पश्चात्तापसं तं जगाम ह
iti mūrchāgataḥ sādhurvilalāpa punaḥpunaḥ || jāmātrā bodhitaḥ paścāttāpasaṃ taṃ jagāma ha
Sanskrit only: no published translation is held for this verse.
गले वसनमादाय प्रणनाम स तापसम् ।। को भवानिति पप्रच्छ देवो गंधर्व ईश्वरः
gale vasanamādāya praṇanāma sa tāpasam || ko bhavāniti papraccha devo gaṃdharva īśvaraḥ
Sanskrit only: no published translation is held for this verse.
देवदेवोऽथवा कोऽपि न जाने तव विक्रमम् ।। आज्ञापय महाभाग तद्विडम्बनकारणम्
devadevo'thavā ko'pi na jāne tava vikramam || ājñāpaya mahābhāga tadviḍambanakāraṇam
Sanskrit only: no published translation is held for this verse.
।। तापस उवाच आत्मा चैवात्मनः शत्रुस्तथात्र च प्रियोऽप्रियः ।। त्यज मौढ्यमति साधो प्रवादं मा वृथा कृथाः
|| tāpasa uvāca ātmā caivātmanaḥ śatrustathātra ca priyo'priyaḥ || tyaja mauḍhyamati sādho pravādaṃ mā vṛthā kṛthāḥ
Sanskrit only: no published translation is held for this verse.
इति विज्ञापितः साधुर्न बुबोध महाधनः ।। पुनः स तापसः प्राह कृपया पूर्वकर्मतः
iti vijñāpitaḥ sādhurna bubodha mahādhanaḥ || punaḥ sa tāpasaḥ prāha kṛpayā pūrvakarmataḥ
Sanskrit only: no published translation is held for this verse.
चंद्रचूडो यदानर्च सत्यनारायणं नृपः ।। अनपत्येन सुचिरं पुत्रकन्यार्थिना त्वया
caṃdracūḍo yadānarca satyanārāyaṇaṃ nṛpaḥ || anapatyena suciraṃ putrakanyārthinā tvayā
Sanskrit only: no published translation is held for this verse.
प्रार्थितं न स्मृतं ह्येव इदानीं तप्यसे वृथा ।। सत्यनारायणो देवो विश्वव्यापी फलप्रदः
prārthitaṃ na smṛtaṃ hyeva idānīṃ tapyase vṛthā || satyanārāyaṇo devo viśvavyāpī phalapradaḥ
Sanskrit only: no published translation is held for this verse.
तमनादृत्य दुर्बुद्धे कुतः सम्यग्भवेत्तव ।। पुरालब्धवरं स्मृत्वा सस्मार जगदीश्वरम्
tamanādṛtya durbuddhe kutaḥ samyagbhavettava || purālabdhavaraṃ smṛtvā sasmāra jagadīśvaram
Sanskrit only: no published translation is held for this verse.
सत्यनारायणं देवं तापसं तं ददर्श ह ।। प्रणम्य भुवि कायेन परिक्रम्य पुनःपुनः ।। तुष्टाव तापसं तत्र साधुर्गद्गदया गिरा
satyanārāyaṇaṃ devaṃ tāpasaṃ taṃ dadarśa ha || praṇamya bhuvi kāyena parikramya punaḥpunaḥ || tuṣṭāva tāpasaṃ tatra sādhurgadgadayā girā
Sanskrit only: no published translation is held for this verse.
।। साधुरुवाच सत्यरूपं सत्यसंधं सत्यनारायणं हरिम् ।। यत्सत्यत्वेन जगतस्तं सत्यं त्वां नमाम्यहम्
|| sādhuruvāca satyarūpaṃ satyasaṃdhaṃ satyanārāyaṇaṃ harim || yatsatyatvena jagatastaṃ satyaṃ tvāṃ namāmyaham
Sanskrit only: no published translation is held for this verse.
त्वन्मायामोहितात्मानो न पश्यंत्यात्मनः शुभम् ।। दुःखांभोधौ सदा मग्ना दुःखे च सुखमानिनः
tvanmāyāmohitātmāno na paśyaṃtyātmanaḥ śubham || duḥkhāṃbhodhau sadā magnā duḥkhe ca sukhamāninaḥ
Sanskrit only: no published translation is held for this verse.
मूढोहं धनगर्वेण मदांधीकृतलोचनः ।। न जाने स्वात्मनः क्षेमं कथं पश्यामि मूढधीः
mūḍhohaṃ dhanagarveṇa madāṃdhīkṛtalocanaḥ || na jāne svātmanaḥ kṣemaṃ kathaṃ paśyāmi mūḍhadhīḥ
Sanskrit only: no published translation is held for this verse.
क्षमस्व मम दौरात्म्यं तपो धाम्ने हरे नमः।। आज्ञापयात्मदास्यं मे येन ते चरणौ स्मरे
kṣamasva mama daurātmyaṃ tapo dhāmne hare namaḥ|| ājñāpayātmadāsyaṃ me yena te caraṇau smare
Sanskrit only: no published translation is held for this verse.
इति स्तुत्वा लक्षमुद्राः स्थापिताः स्वपुरोधसि ।। गत्वावासं पूजयिष्ये सत्यनारायणं प्रभुम्
iti stutvā lakṣamudrāḥ sthāpitāḥ svapurodhasi || gatvāvāsaṃ pūjayiṣye satyanārāyaṇaṃ prabhum
Sanskrit only: no published translation is held for this verse.
तुष्टो नारायणः प्राह वांछा पूर्णा भवेत्तु ते ।। पुत्रपौत्रसमायुक्तो भुक्त्वा भोगांस्त्वनुत्तमान् ।। अंते सांनिध्यमासाद्य मोदसे त्वं मया सह
tuṣṭo nārāyaṇaḥ prāha vāṃchā pūrṇā bhavettu te || putrapautrasamāyukto bhuktvā bhogāṃstvanuttamān || aṃte sāṃnidhyamāsādya modase tvaṃ mayā saha
Sanskrit only: no published translation is held for this verse.
इत्युक्त्वान्तर्दधे विष्णुः साधुश्च स्वाश्रमं ययौ ।। सप्ताहेन गृहं प्राप्तः सत्यदेवेन रक्षितः
ityuktvāntardadhe viṣṇuḥ sādhuśca svāśramaṃ yayau || saptāhena gṛhaṃ prāptaḥ satyadevena rakṣitaḥ
Sanskrit only: no published translation is held for this verse.
आगत्य नगराभ्याशे प्राहि णोद्द्रुतमाश्रमम् ।। गृहमागत्य दूतोपि प्राह लीलावतीं प्रति
āgatya nagarābhyāśe prāhi ṇoddrutamāśramam || gṛhamāgatya dūtopi prāha līlāvatīṃ prati
Sanskrit only: no published translation is held for this verse.
जामात्रा सहितः साधुः कृतकृत्यः समागतः ।। सत्यनारायणार्चायां स्थिता साध्वी सकन्यका
jāmātrā sahitaḥ sādhuḥ kṛtakṛtyaḥ samāgataḥ || satyanārāyaṇārcāyāṃ sthitā sādhvī sakanyakā
Sanskrit only: no published translation is held for this verse.
पूजाभारं सुतायै सा दत्त्वा नौकांतिकं ययौ ।। सखीगणैः परिवृता कृतकौतुकमंगला
pūjābhāraṃ sutāyai sā dattvā naukāṃtikaṃ yayau || sakhīgaṇaiḥ parivṛtā kṛtakautukamaṃgalā
Sanskrit only: no published translation is held for this verse.
कलावती त्ववज्ञाय प्रसादं सत्वरा ययौ ।। पातुं पतिमुखांभोजं चकोरीव दिनात्यये
kalāvatī tvavajñāya prasādaṃ satvarā yayau || pātuṃ patimukhāṃbhojaṃ cakorīva dinātyaye
Sanskrit only: no published translation is held for this verse.
अवज्ञानात्प्रसादस्य नौकाशंखपतेरथ ।। निमग्ना जलमध्ये तु जामात्रा सह तत्क्षणात्
avajñānātprasādasya naukāśaṃkhapateratha || nimagnā jalamadhye tu jāmātrā saha tatkṣaṇāt
Sanskrit only: no published translation is held for this verse.
मग्नं जामातरं पश्यन्विललाप स मूर्च्छितः ।। लीलावती तु तद्दृष्ट्वा मूर्च्छिता विललाप ह
magnaṃ jāmātaraṃ paśyanvilalāpa sa mūrcchitaḥ || līlāvatī tu taddṛṣṭvā mūrcchitā vilalāpa ha
Sanskrit only: no published translation is held for this verse.
ततः कलावती दृष्ट्वा पपात भुवि मूर्च्छिता ।। रंभेव वातविहता कान्तकान्तेतिवादिनी
tataḥ kalāvatī dṛṣṭvā papāta bhuvi mūrcchitā || raṃbheva vātavihatā kāntakāntetivādinī
Sanskrit only: no published translation is held for this verse.
हा नाथ प्रिय धर्मज्ञ करुणाकरकौशल ।। त्वया विरहिता पत्या निराशा विधिना कृता ।। पत्युरर्द्धं गतं कस्मादर्द्धांगं जीवनं कथम्
hā nātha priya dharmajña karuṇākarakauśala || tvayā virahitā patyā nirāśā vidhinā kṛtā || patyurarddhaṃ gataṃ kasmādarddhāṃgaṃ jīvanaṃ katham
Sanskrit only: no published translation is held for this verse.
।। सूत उवाच कलावती चारुकलासु कौशला प्रवालरक्तांघ्रितलातिकोमला ।। सरोजनेत्रांबुकणान्विमुंचती मुक्तावलीभिस्तनकुड्मलांचिता
|| sūta uvāca kalāvatī cārukalāsu kauśalā pravālaraktāṃghritalātikomalā || sarojanetrāṃbukaṇānvimuṃcatī muktāvalībhistanakuḍmalāṃcitā
Sanskrit only: no published translation is held for this verse.
हा सत्यनारायण सत्यसिंधो मग्नं हि मामु द्धर तद्वियोगे ।। श्रुत्वार्तशब्दं भगवानुवाच वचस्तदाकाशसमुद्भवं च
hā satyanārāyaṇa satyasiṃdho magnaṃ hi māmu ddhara tadviyoge || śrutvārtaśabdaṃ bhagavānuvāca vacastadākāśasamudbhavaṃ ca
Sanskrit only: no published translation is held for this verse.
साधो कलावती क्षिप्रं मत्प्रसादं हि भोजयेत् ।। तत्पश्चादिह संप्राप्य पतिं प्राप्स्यति मा शुचः
sādho kalāvatī kṣipraṃ matprasādaṃ hi bhojayet || tatpaścādiha saṃprāpya patiṃ prāpsyati mā śucaḥ
Sanskrit only: no published translation is held for this verse.
इत्याकाशे वचः श्रुत्वा विस्मिता तच्चकार सा ।। नारायणस्य कृपया पतिं प्राप्ता कलावती
ityākāśe vacaḥ śrutvā vismitā taccakāra sā || nārāyaṇasya kṛpayā patiṃ prāptā kalāvatī
Sanskrit only: no published translation is held for this verse.
तत्रैव साधुः साह्लादो भक्त्या परमया युतः ।। पूजनं लक्षमुद्राभिः सत्यदेवस्य चाकरोत्
tatraiva sādhuḥ sāhlādo bhaktyā paramayā yutaḥ || pūjanaṃ lakṣamudrābhiḥ satyadevasya cākarot
Sanskrit only: no published translation is held for this verse.
तेन व्रतप्रभावेन पुत्रपौत्रसमन्वितः ।। भुक्त्वा भोगान्मुदा युक्तो मृतः स्वर्गपुरं ययौ
tena vrataprabhāvena putrapautrasamanvitaḥ || bhuktvā bhogānmudā yukto mṛtaḥ svargapuraṃ yayau
Sanskrit only: no published translation is held for this verse.
इतिहासमिमं भक्त्या शृणुयाद्यो हि मानवः ।। सोऽपि विष्णुप्रियतरः कामसिद्धिमवाप्नुयात् ।।
itihāsamimaṃ bhaktyā śṛṇuyādyo hi mānavaḥ || so'pi viṣṇupriyataraḥ kāmasiddhimavāpnuyāt ||
Sanskrit only: no published translation is held for this verse.
इति ते कथितं विप्र व्रतानामुत्तमं व्रत।। कलिकाले परं पुण्यं ब्राह्मणस्य मुखोद्भवम्
iti te kathitaṃ vipra vratānāmuttamaṃ vrata|| kalikāle paraṃ puṇyaṃ brāhmaṇasya mukhodbhavam
Sanskrit only: no published translation is held for this verse.