Bhaviṣya Purāṇa (part) 3.2.33

।। ऋषय ऊचुः वाग्जं कर्म स्मृतं सूत वेद पाठः सनातनः ।। बहुत्वात्सर्ववेदानां श्रोतुमिच्छामहे वयम्

|| ṛṣaya ūcuḥ vāgjaṃ karma smṛtaṃ sūta veda pāṭhaḥ sanātanaḥ || bahutvātsarvavedānāṃ śrotumicchāmahe vayam

Sanskrit only: no published translation is held for this verse.

केन स्तोत्रेण वेदानां पाठस्य फलमाप्नुयात् ।। पापानि विलयं यांति तन्मे वद विचक्षण

kena stotreṇa vedānāṃ pāṭhasya phalamāpnuyāt || pāpāni vilayaṃ yāṃti tanme vada vicakṣaṇa

Sanskrit only: no published translation is held for this verse.

।। सूत उवाच विक्रमादित्यराज्ये तु द्विजः कश्चिदभूद्भुवि ।। व्याधकर्मेति विख्यातो ब्राह्मण्यां शूद्रतोऽभवत् ।।

|| sūta uvāca vikramādityarājye tu dvijaḥ kaścidabhūdbhuvi || vyādhakarmeti vikhyāto brāhmaṇyāṃ śūdrato'bhavat ||

Sanskrit only: no published translation is held for this verse.

त्रिपाठिनो द्विजस्यैव भार्या नाम्ना हि कामिनी ।। मैथुनेच्छावती नित्यं मदाघूर्णितलोचना

tripāṭhino dvijasyaiva bhāryā nāmnā hi kāminī || maithunecchāvatī nityaṃ madāghūrṇitalocanā

Sanskrit only: no published translation is held for this verse.

द्विजस्सप्तशतीपाठे वृत्त्यर्थी कर्हिचिद्गतः ।। ग्रामे देवलके रम्ये वहुवैश्यनिषेविते

dvijassaptaśatīpāṭhe vṛttyarthī karhicidgataḥ || grāme devalake ramye vahuvaiśyaniṣevite

Sanskrit only: no published translation is held for this verse.

तत्र मासो गतः कालो नाययौ स स्वमंदिरम् ।। तदा तु कामिनी दुष्टा रूपयौवनसंयुता

tatra māso gataḥ kālo nāyayau sa svamaṃdiram || tadā tu kāminī duṣṭā rūpayauvanasaṃyutā

Sanskrit only: no published translation is held for this verse.

दृष्ट्वा निषादं सबलं काष्ठभारोपजीविनम् ।। तस्मै दत्त्वा पञ्च मुद्रा बुभुजे कामपीडिता

dṛṣṭvā niṣādaṃ sabalaṃ kāṣṭhabhāropajīvinam || tasmai dattvā pañca mudrā bubhuje kāmapīḍitā

Sanskrit only: no published translation is held for this verse.

तदा गर्भं दधौ सा च व्याधिवीर्येण संचि तम् ।। पुत्रोऽभूद्दशमासांते जातकर्म पिताकरोत्

tadā garbhaṃ dadhau sā ca vyādhivīryeṇa saṃci tam || putro'bhūddaśamāsāṃte jātakarma pitākarot

Sanskrit only: no published translation is held for this verse.

द्वादशाब्दे गते काले स धूर्तो वेदवर्जितः ।। व्याधकर्मकरो नित्यं व्याधकर्मा ह्यतोभवत्।।

dvādaśābde gate kāle sa dhūrto vedavarjitaḥ || vyādhakarmakaro nityaṃ vyādhakarmā hyatobhavat||

Sanskrit only: no published translation is held for this verse.

निष्कासितौ द्विजेनैव मातृपुत्रौ द्विजाधमौ ।। त्रिपाठी ब्रह्मचर्यं तु कृतवान्धर्मतत्परः

niṣkāsitau dvijenaiva mātṛputrau dvijādhamau || tripāṭhī brahmacaryaṃ tu kṛtavāndharmatatparaḥ

Sanskrit only: no published translation is held for this verse.

प्रत्यहं चंडिकापाठं कृत्वा विंध्यगिरौ वसन् ।। जीवन्मुक्तोभवच्छीघ्रं जगदंबाप्रसादतः

pratyahaṃ caṃḍikāpāṭhaṃ kṛtvā viṃdhyagirau vasan || jīvanmuktobhavacchīghraṃ jagadaṃbāprasādataḥ

Sanskrit only: no published translation is held for this verse.

निषादस्य गृहे चोभौ वने गत्वोषतुर्मुदा ।। प्रत्यहं जारभावेन बहुद्रव्यमुपार्जितम् ।।

niṣādasya gṛhe cobhau vane gatvoṣaturmudā || pratyahaṃ jārabhāvena bahudravyamupārjitam ||

Sanskrit only: no published translation is held for this verse.

व्याधकर्मा तु चौर्येण पितृमातृप्रियंकरः ।। एकदा दैवयोगेन शिवामंदिरमाययौ

vyādhakarmā tu cauryeṇa pitṛmātṛpriyaṃkaraḥ || ekadā daivayogena śivāmaṃdiramāyayau

Sanskrit only: no published translation is held for this verse.

चौरवृत्तिपरो धूर्तः स्त्रिया भूषणमाहरत् ।। कैश्चिज्जातः स नी? धूर्तो बहुमायाविशारदः

cauravṛttiparo dhūrtaḥ striyā bhūṣaṇamāharat || kaiścijjātaḥ sa nī? dhūrto bahumāyāviśāradaḥ

Sanskrit only: no published translation is held for this verse.

कदाचित्प्राप्तवांस्तत्र द्विजवस्त्रसमुद्गतम् ।। श्रुतमादिचरित्रं हि तेन शब्दप्रियेण वै

kadācitprāptavāṃstatra dvijavastrasamudgatam || śrutamādicaritraṃ hi tena śabdapriyeṇa vai

Sanskrit only: no published translation is held for this verse.

पाठपुण्यप्रभावेण धर्मबुद्धिस्ततोऽभवत् ।। दत्त्वा चौर्यधनं सर्वं तस्मै विप्राय पाठिने

pāṭhapuṇyaprabhāveṇa dharmabuddhistato'bhavat || dattvā cauryadhanaṃ sarvaṃ tasmai viprāya pāṭhine

Sanskrit only: no published translation is held for this verse.

शिष्यत्वमगमत्तत्राक्षरमैशं जजाप ह ।। बीजमंत्रप्रभावेण तदंगात्पापमुल्बणम्

śiṣyatvamagamattatrākṣaramaiśaṃ jajāpa ha || bījamaṃtraprabhāveṇa tadaṃgātpāpamulbaṇam

Sanskrit only: no published translation is held for this verse.

पठित्वाक्षरमालां च जजापादिचरित्रकम् ।। द्वादशाब्दमिते काले काश्यां गत्वा स तु द्विजः

paṭhitvākṣaramālāṃ ca jajāpādicaritrakam || dvādaśābdamite kāle kāśyāṃ gatvā sa tu dvijaḥ

Sanskrit only: no published translation is held for this verse.

अन्नपूर्णां महादेवीं तुष्टाव परया मुदा ।। रोचनाद्यैश्च संपूज्यां मुनिदेवनिषेविताम्

annapūrṇāṃ mahādevīṃ tuṣṭāva parayā mudā || rocanādyaiśca saṃpūjyāṃ munidevaniṣevitām

Sanskrit only: no published translation is held for this verse.

नित्यानंदकरी पराभयकरी सौंदर्यरत्नाकरी निर्धूताखिलपापपावनकरी काशीपुराधीश्वरी ।। नानालोककरी महाभयहरी विश्वंभरी सुन्दरी विद्यां देहि कृपावलंबनकरी मातान्नपूर्णेश्वरी

nityānaṃdakarī parābhayakarī sauṃdaryaratnākarī nirdhūtākhilapāpapāvanakarī kāśīpurādhīśvarī || nānālokakarī mahābhayaharī viśvaṃbharī sundarī vidyāṃ dehi kṛpāvalaṃbanakarī mātānnapūrṇeśvarī

Sanskrit only: no published translation is held for this verse.

स इत्यष्टोत्तरं जप्त्वा ध्यानस्तिमितलोचनः ।। सुष्वाप तत्र मुदितः स्वप्ने प्रादुरभूच्छिवा

sa ityaṣṭottaraṃ japtvā dhyānastimitalocanaḥ || suṣvāpa tatra muditaḥ svapne prādurabhūcchivā

Sanskrit only: no published translation is held for this verse.

दत्त्वा तस्मै हि ऋग्विद्यां पुनरंतरधीयत ।। उत्थाय स द्विजो धीमाँल्लब्ध्वा विद्यामनुत्तमाम्

dattvā tasmai hi ṛgvidyāṃ punaraṃtaradhīyata || utthāya sa dvijo dhīmā~llabdhvā vidyāmanuttamām

Sanskrit only: no published translation is held for this verse.

विक्रमादित्यभूपस्य यज्ञाचार्यो बभूव ह ।। यज्ञांते योगमास्थाय जगाम तु हिमालयम्

vikramādityabhūpasya yajñācāryo babhūva ha || yajñāṃte yogamāsthāya jagāma tu himālayam

Sanskrit only: no published translation is held for this verse.

एतत्ते वर्णितं विप्र पुण्यमादिचरित्रकम् ।। ब्रह्मीभूय यथा विप्रो लेभे सिद्धिमनुत्तमाम्

etatte varṇitaṃ vipra puṇyamādicaritrakam || brahmībhūya yathā vipro lebhe siddhimanuttamām

Sanskrit only: no published translation is held for this verse.