Bhaviṣya Purāṇa (part) 3.2.9

।। सूत उवाच भो शौनक महाबुद्धे वैतालेन महीपतिः ।। महाप्रवीणश्च मतस्तमाह स च भूपतिम्

|| sūta uvāca bho śaunaka mahābuddhe vaitālena mahīpatiḥ || mahāpravīṇaśca matastamāha sa ca bhūpatim

Sanskrit only: no published translation is held for this verse.

राजन्कामपुरे रम्ये वीरसिंहो महीपतिः ।। न्यायतो धर्मतश्चैव तत्र राज्यमचीकरत्

rājankāmapure ramye vīrasiṃho mahīpatiḥ || nyāyato dharmataścaiva tatra rājyamacīkarat

Sanskrit only: no published translation is held for this verse.

हिरण्यदत्तस्तत्रैव वैश्यो धनमदान्वितः ।। कामालसा तस्य सुता रूपयौवनशालिनी

hiraṇyadattastatraiva vaiśyo dhanamadānvitaḥ || kāmālasā tasya sutā rūpayauvanaśālinī

Sanskrit only: no published translation is held for this verse.

अवसत्सुखतो नित्यं वसंते कुसुमप्रिया ।। कदाचित्कुसुमार्थं वै वनं भ्रमरनादितम्

avasatsukhato nityaṃ vasaṃte kusumapriyā || kadācitkusumārthaṃ vai vanaṃ bhramaranāditam

Sanskrit only: no published translation is held for this verse.

गच्छन्तीं तां समालोक्य धर्मदत्तात्मजो बली ।। सोमदत्त इति ख्यातः पस्पर्श मदनालसाम्

gacchantīṃ tāṃ samālokya dharmadattātmajo balī || somadatta iti khyātaḥ pasparśa madanālasām

Sanskrit only: no published translation is held for this verse.

सा तु तं निर्जने स्थाने प्रोवाच विनयान्विता ।। कन्यकाहं महावीर त्यज मां धर्मतोद्य भोः

sā tu taṃ nirjane sthāne provāca vinayānvitā || kanyakāhaṃ mahāvīra tyaja māṃ dharmatodya bhoḥ

Sanskrit only: no published translation is held for this verse.

विवाहे सति पूर्वं त्वां भजामि दशमेऽहनि ।। अतो दशदिनस्यैवादेशं देहि दयानिधे

vivāhe sati pūrvaṃ tvāṃ bhajāmi daśame'hani || ato daśadinasyaivādeśaṃ dehi dayānidhe

Sanskrit only: no published translation is held for this verse.

तथेति मत्वा तां त्यक्त्वा निजगेहं समागतः ।। कामालसा तु तद्ग्रामे पित्रा दत्ता वराय च

tatheti matvā tāṃ tyaktvā nijagehaṃ samāgataḥ || kāmālasā tu tadgrāme pitrā dattā varāya ca

Sanskrit only: no published translation is held for this verse.

मदपालाय वैश्याय मणिग्रीवसुताय च ।। श्वशुरस्य गृहं गत्वा स्वमित्रं प्रत्यचिन्तयत्

madapālāya vaiśyāya maṇigrīvasutāya ca || śvaśurasya gṛhaṃ gatvā svamitraṃ pratyacintayat

Sanskrit only: no published translation is held for this verse.

नवमेऽहनि तत्स्वामी गृहीत्वा कामिनीं बलात् ।। कामातुरः स पत्नीं तामालिलिंग मदान्वितः

navame'hani tatsvāmī gṛhītvā kāminīṃ balāt || kāmāturaḥ sa patnīṃ tāmāliliṃga madānvitaḥ

Sanskrit only: no published translation is held for this verse.

अरुदत्सा तु तत्पत्नी मित्रवाक्येन कर्षिता ।। तामुवाच तदा वैश्यः शांतिपूर्वमिदं वचः

arudatsā tu tatpatnī mitravākyena karṣitā || tāmuvāca tadā vaiśyaḥ śāṃtipūrvamidaṃ vacaḥ

Sanskrit only: no published translation is held for this verse.

किं रोदिषि मदापूर्णे सत्यं कथय शोभने ।। सा तु सत्यवती प्राह यथाजातं हि कानने

kiṃ rodiṣi madāpūrṇe satyaṃ kathaya śobhane || sā tu satyavatī prāha yathājātaṃ hi kānane

Sanskrit only: no published translation is held for this verse.

यदि नायामि पार्श्वे त्वां सोमदत्त धनोत्तम ।। तदा वैधव्यतां प्राप्य भजामि वृजिनं हि तत्

yadi nāyāmi pārśve tvāṃ somadatta dhanottama || tadā vaidhavyatāṃ prāpya bhajāmi vṛjinaṃ hi tat

Sanskrit only: no published translation is held for this verse.

इति वाक्येन बद्धाहं यास्याम्यद्य तदंतिके ।। इति श्रुत्वा च तत्स्वामी तामाज्ञाप्य मुदान्वितः

iti vākyena baddhāhaṃ yāsyāmyadya tadaṃtike || iti śrutvā ca tatsvāmī tāmājñāpya mudānvitaḥ

Sanskrit only: no published translation is held for this verse.

सुष्वाप सा तु तत्पार्श्वे ह्यगमत्कामविह्वला ।। तदा चौरस्तु तां दृष्ट्वा सर्वाभरणभूषिताम्

suṣvāpa sā tu tatpārśve hyagamatkāmavihvalā || tadā caurastu tāṃ dṛṣṭvā sarvābharaṇabhūṣitām

Sanskrit only: no published translation is held for this verse.

वचश्चोवाच लोभात्मा कुत्र यासि च सुन्दरि ।। केनैवापेक्षिता रात्रौ सत्यं कथय भामिनि

vacaścovāca lobhātmā kutra yāsi ca sundari || kenaivāpekṣitā rātrau satyaṃ kathaya bhāmini

Sanskrit only: no published translation is held for this verse.

कामालसा तु तं चौरमुवाच मदविह्वला ।। रक्षिता कामबाणेन स्वमित्रं प्रति यामि भोः

kāmālasā tu taṃ cauramuvāca madavihvalā || rakṣitā kāmabāṇena svamitraṃ prati yāmi bhoḥ

Sanskrit only: no published translation is held for this verse.

चौरस्तामाह भोः सुभ्रूर्भूषण देहि मेऽबले ।। चौरोऽहं ते धनग्राही सा श्रुत्वा वाक्यमब्रवीत्

caurastāmāha bhoḥ subhrūrbhūṣaṇa dehi me'bale || cauro'haṃ te dhanagrāhī sā śrutvā vākyamabravīt

Sanskrit only: no published translation is held for this verse.

आलिंग्योपपतिं मित्रं तुभ्यं दास्यामि भूषणम् ।। तथेत्युक्त्वा तु तेनैव सोमदत्तं समागता

āliṃgyopapatiṃ mitraṃ tubhyaṃ dāsyāmi bhūṣaṇam || tathetyuktvā tu tenaiva somadattaṃ samāgatā

Sanskrit only: no published translation is held for this verse.

दृष्ट्वा तामब्रवीद्वैश्यः कथं याता स्मरालसे ।। सत्यं कथय मे शीघ्रं तत्पश्चात्त्वां भजाम्यहम्

dṛṣṭvā tāmabravīdvaiśyaḥ kathaṃ yātā smarālase || satyaṃ kathaya me śīghraṃ tatpaścāttvāṃ bhajāmyaham

Sanskrit only: no published translation is held for this verse.

कामालसा तु तच्छ्रुत्वा यथा जातं तथाऽब्रवीत् ।। श्रुत्वा स ज्ञानहृदयो विष्णुदेवेन बोधितः

kāmālasā tu tacchrutvā yathā jātaṃ tathā'bravīt || śrutvā sa jñānahṛdayo viṣṇudevena bodhitaḥ

Sanskrit only: no published translation is held for this verse.

मत्वा पतिव्रतां नारीं परिक्रम्य व्यसर्जयत् ।। चौरस्तु कारणं श्रुत्वा विष्णुदेवेन बोधितः

matvā pativratāṃ nārīṃ parikramya vyasarjayat || caurastu kāraṇaṃ śrutvā viṣṇudevena bodhitaḥ

Sanskrit only: no published translation is held for this verse.

गेहे प्रवेशयामास तत्पतिर्यत्र तिष्ठति ।। सा तु कामालसा देवी स्वपातिव्रत्य धर्मिणी

gehe praveśayāmāsa tatpatiryatra tiṣṭhati || sā tu kāmālasā devī svapātivratya dharmiṇī

Sanskrit only: no published translation is held for this verse.

बुभुजे विषयान्दिव्यान्देवदेवेन चोदितान् ।। इत्युक्त्वा स तु वैतालो नृपतिं प्राह कोविदम् ।। कस्य सत्यं स्मृतं श्रेष्ठं तेषां मध्ये वदस्व मे

bubhuje viṣayāndivyāndevadevena coditān || ityuktvā sa tu vaitālo nṛpatiṃ prāha kovidam || kasya satyaṃ smṛtaṃ śreṣṭhaṃ teṣāṃ madhye vadasva me

Sanskrit only: no published translation is held for this verse.

।। सूत उवाच इत्युक्तः स तु भूपालो वैतालमिदमब्रवीत्

|| sūta uvāca ityuktaḥ sa tu bhūpālo vaitālamidamabravīt

Sanskrit only: no published translation is held for this verse.

चौरस्य सत्यता श्रेष्ठा यथा जाता तथा शृणु ।। नृपभीत्या स वैश्यस्तु तां नारीं न तु भुक्तवान्

caurasya satyatā śreṣṭhā yathā jātā tathā śṛṇu || nṛpabhītyā sa vaiśyastu tāṃ nārīṃ na tu bhuktavān

Sanskrit only: no published translation is held for this verse.

वैधव्यभीत्या सा देवी स्वमित्रं प्रति चागता ।। धर्मभीत्या च तत्स्वामी स्वपत्नीं न तु भुक्तवान्

vaidhavyabhītyā sā devī svamitraṃ prati cāgatā || dharmabhītyā ca tatsvāmī svapatnīṃ na tu bhuktavān

Sanskrit only: no published translation is held for this verse.

चौरस्तु सत्यभीत्या वै त्यक्त्वा तां मुदमागतः

caurastu satyabhītyā vai tyaktvā tāṃ mudamāgataḥ

Sanskrit only: no published translation is held for this verse.