Library·Bhaviṣya Purāṇa (part)·4·4.0·4.0.130
दीपदानविधिवर्णनम् ।। युधिष्ठिर उवाच भगवन्केन तपसा व्रतेन नियमेन वा ।। दानेन केन वा लोके प्रोज्ज्वल्त्वं प्रजायते
dīpadānavidhivarṇanam || yudhiṣṭhira uvāca bhagavankena tapasā vratena niyamena vā || dānena kena vā loke projjvaltvaṃ prajāyate
Sanskrit only: no published translation is held for this verse.
अतितेजो महद्दीप्तं दीप्तांशुकिरणोज्ज्वलम् ।। शरीरं जायते येन तन्मे वक्तुमथार्हसि
atitejo mahaddīptaṃ dīptāṃśukiraṇojjvalam || śarīraṃ jāyate yena tanme vaktumathārhasi
Sanskrit only: no published translation is held for this verse.
।। श्रीकृष्ण उवाच मथुरायां पुरा पार्थ पिङ्गलो नाम तापसः ।। आगतः स च मे पत्न्या जाम्बवत्या प्रपूजितः
|| śrīkṛṣṇa uvāca mathurāyāṃ purā pārtha piṅgalo nāma tāpasaḥ || āgataḥ sa ca me patnyā jāmbavatyā prapūjitaḥ
Sanskrit only: no published translation is held for this verse.
प्रष्टश्च प्रश्रमेवैतं स चावोचद्यथातथम् ।। तयापि मे समाख्यातं तत्सर्वं ते वदाम्यहम्
praṣṭaśca praśramevaitaṃ sa cāvocadyathātatham || tayāpi me samākhyātaṃ tatsarvaṃ te vadāmyaham
Sanskrit only: no published translation is held for this verse.
यदायदा नृपश्रेष्ठ पुण्यकालः प्रपद्यते ।। संक्रातौ सूर्यग्रहणे चन्द्रपर्वणि वैधृतौ
yadāyadā nṛpaśreṣṭha puṇyakālaḥ prapadyate || saṃkrātau sūryagrahaṇe candraparvaṇi vaidhṛtau
Sanskrit only: no published translation is held for this verse.
उत्तरे त्वयने प्राप्ते दक्षिणे विषुवे तथा ।। एकादश्यां शुक्लपक्षे चतुर्दश्यां दिनक्षये
uttare tvayane prāpte dakṣiṇe viṣuve tathā || ekādaśyāṃ śuklapakṣe caturdaśyāṃ dinakṣaye
Sanskrit only: no published translation is held for this verse.
सप्तम्यामथ वाष्टम्यां स्नात्वा व्रतपरो नरः ।। नारी वा भूमिदेवेभ्यः प्रयच्छेत्प्रयतांगणे ।। घृतकुंभेन दीपेन प्रज्वलंतं प्रदीपकम्
saptamyāmatha vāṣṭamyāṃ snātvā vrataparo naraḥ || nārī vā bhūmidevebhyaḥ prayacchetprayatāṃgaṇe || ghṛtakuṃbhena dīpena prajvalaṃtaṃ pradīpakam
Sanskrit only: no published translation is held for this verse.
।। युधिष्टिर् उवाच भूमिदेवा इति प्रोक्तं यत्त्वया मधुसूदन ।। किमेतत्कौतुकं मेऽस्ति संशयं छेत्तुमर्हसि
|| yudhiṣṭir uvāca bhūmidevā iti proktaṃ yattvayā madhusūdana || kimetatkautukaṃ me'sti saṃśayaṃ chettumarhasi
Sanskrit only: no published translation is held for this verse.
।। श्रीकृष्ण उवाच पुरा कृतयुगस्यादौ त्रिशंकुर्नाम पार्थिवः ।। स स्वर्गं गन्तुकामोऽभूच्छरीरेण नरोत्तम ।। ततश्चण्डालतां नीतो वशिष्ठेन महात्मना
|| śrīkṛṣṇa uvāca purā kṛtayugasyādau triśaṃkurnāma pārthivaḥ || sa svargaṃ gantukāmo'bhūccharīreṇa narottama || tataścaṇḍālatāṃ nīto vaśiṣṭhena mahātmanā
Sanskrit only: no published translation is held for this verse.
त्रिशंकुः सर्वमाचख्यौ विश्वामित्राय धीमते ।। सोऽपि मन्युवशाद्यज्ञं चकाराहूय देवताः
triśaṃkuḥ sarvamācakhyau viśvāmitrāya dhīmate || so'pi manyuvaśādyajñaṃ cakārāhūya devatāḥ
Sanskrit only: no published translation is held for this verse.
न ता हविः प्रत्यगृह्णंस्ततः क्रुद्धः कुशात्मजः ।। विश्वामित्रस्तु कोपेन चकारान्यान्सुरोत्तमान्
na tā haviḥ pratyagṛhṇaṃstataḥ kruddhaḥ kuśātmajaḥ || viśvāmitrastu kopena cakārānyānsurottamān
Sanskrit only: no published translation is held for this verse.
शृंगाटका न्नालिकेरान्पचनानानजौडकान् ।। मेधारथदवार्ताकतारिकूष्मण्डकोद्रवान्
śṛṃgāṭakā nnālikerānpacanānānajauḍakān || medhārathadavārtākatārikūṣmaṇḍakodravān
Sanskrit only: no published translation is held for this verse.
उष्ट्रान्मनुजदेवांश्च क्रोधान्मुनिरवासृजत् ।। चकारान्यान्सप्त ऋषीन्प्रतिमासं सुरोत्तमान्
uṣṭrānmanujadevāṃśca krodhānmuniravāsṛjat || cakārānyānsapta ṛṣīnpratimāsaṃ surottamān
Sanskrit only: no published translation is held for this verse.
ततः शक्रः समागम्य विश्वामित्रं प्रसाद्य वै ।। सृष्टिं निवारयामास ये सृष्टास्ते तथापि च
tataḥ śakraḥ samāgamya viśvāmitraṃ prasādya vai || sṛṣṭiṃ nivārayāmāsa ye sṛṣṭāste tathāpi ca
Sanskrit only: no published translation is held for this verse.
मर्त्य लोके च ते सर्वे देवा देवकुलेष्वथ ।। मंत्रैर्निबद्धाः पिण्डीषु स्थिता मूर्तिभृतो यथा
martya loke ca te sarve devā devakuleṣvatha || maṃtrairnibaddhāḥ piṇḍīṣu sthitā mūrtibhṛto yathā
Sanskrit only: no published translation is held for this verse.
ब्रह्मा विष्णुस्तथा रुद्रो ये चान्ये देवतागणाः ।। लोकानामुपकाराय मर्त्यलोकमुपागताः
brahmā viṣṇustathā rudro ye cānye devatāgaṇāḥ || lokānāmupakārāya martyalokamupāgatāḥ
Sanskrit only: no published translation is held for this verse.
प्रतिमासु स्थिताः शश्वद्भोगान्भुञ्जति शाश्वतान् ।। वरप्रदाश्च भक्तानामिति ते गुह्यमीरितम् ।।
pratimāsu sthitāḥ śaśvadbhogānbhuñjati śāśvatān || varapradāśca bhaktānāmiti te guhyamīritam ||
Sanskrit only: no published translation is held for this verse.
तेभ्यः पुरस्ताद्दातव्यो दीप्यमानः प्रदीपकः ।। सूर्याय रक्तवस्त्रेण पूर्णवर्तिं घृतैर्युताम् ।। चतुःप्रस्थैः प्रज्वलन्तीं मंत्रेणानेन दापयेत्
tebhyaḥ purastāddātavyo dīpyamānaḥ pradīpakaḥ || sūryāya raktavastreṇa pūrṇavartiṃ ghṛtairyutām || catuḥprasthaiḥ prajvalantīṃ maṃtreṇānena dāpayet
Sanskrit only: no published translation is held for this verse.
तद्वि ष्णोः परमं पदं सदा पश्यंति सूरयः ।। दिवीव चक्षुराततम्
tadvi ṣṇoḥ paramaṃ padaṃ sadā paśyaṃti sūrayaḥ || divīva cakṣurātatam
Sanskrit only: no published translation is held for this verse.
पीतवस्त्रेण कृष्णाय श्वेतवस्त्रेण शूलिने ।। कौसुंभवस्त्रेणाढ्येन गौरीमुद्दिश्य दापयेत् ।।4.130.२० ।। वर्ति लाक्षारक्तेन दुर्गायै पूर्णवर्ति प्रबोधयेत् ।। नीलवस्त्रेण कामाय गणनाथाय खादिरैः
pītavastreṇa kṛṣṇāya śvetavastreṇa śūline || kausuṃbhavastreṇāḍhyena gaurīmuddiśya dāpayet ||4.130.20 || varti lākṣāraktena durgāyai pūrṇavarti prabodhayet || nīlavastreṇa kāmāya gaṇanāthāya khādiraiḥ
Sanskrit only: no published translation is held for this verse.
नागेभ्यः कृष्णवस्त्रेण ग्रहेभ्य इषिका युधाम् ।। देवांगना पितृभ्यस्तु पितृवर्तिं प्रबोधयेत्
nāgebhyaḥ kṛṣṇavastreṇa grahebhya iṣikā yudhām || devāṃganā pitṛbhyastu pitṛvartiṃ prabodhayet
Sanskrit only: no published translation is held for this verse.
विशेषं शृणु सूर्याय पूर्णवर्तिर्निगद्यते ।। शिवायेश्वरवर्तीति भोगवर्तिर्जनार्दने
viśeṣaṃ śṛṇu sūryāya pūrṇavartirnigadyate || śivāyeśvaravartīti bhogavartirjanārdane
Sanskrit only: no published translation is held for this verse.
पद्मवर्तिर्विरिंचाय गौर्य्यै सौभाग्यवर्तिका ।। नागेभ्यो नागवर्तीति ग्रहवर्तिर्युधिष्ठिर
padmavartirviriṃcāya gauryyai saubhāgyavartikā || nāgebhyo nāgavartīti grahavartiryudhiṣṭhira
Sanskrit only: no published translation is held for this verse.
नेत्रपट्टेन मधुना घृतेन मधुकुंडके ।। अर्चिते चर्चिते चैव ललितायै प्रबोधयेत्
netrapaṭṭena madhunā ghṛtena madhukuṃḍake || arcite carcite caiva lalitāyai prabodhayet
Sanskrit only: no published translation is held for this verse.
मंत्रेणानेन राजेन्द्र तन्निशामय वैदिकम्
maṃtreṇānena rājendra tanniśāmaya vaidikam
Sanskrit only: no published translation is held for this verse.
अग्रे त्वां काम्यया गिरा तुभ्यं ता गिरसस्तु विश्वाः ।। सुक्षितयः पृथक्पृथक्
agre tvāṃ kāmyayā girā tubhyaṃ tā girasastu viśvāḥ || sukṣitayaḥ pṛthakpṛthak
Sanskrit only: no published translation is held for this verse.
अग्ने कामाय जेगिरे अग्निप्रियेषु धामसु ।। कामो भूतस्य भव्यस्य सम्राडेको विराजति ताभ्यां नाम स्वाहा ।।
agne kāmāya jegire agnipriyeṣu dhāmasu || kāmo bhūtasya bhavyasya samrāḍeko virājati tābhyāṃ nāma svāhā ||
Sanskrit only: no published translation is held for this verse.
एवमेतेन विधिना यः प्रयच्छति दीपकम् ।। विस्तीर्णे विपुले पात्रे घृतकुम्भे नियोजितम्
evametena vidhinā yaḥ prayacchati dīpakam || vistīrṇe vipule pātre ghṛtakumbhe niyojitam
Sanskrit only: no published translation is held for this verse.
यांति ते ब्रह्मसदनं विमानेनार्कवर्चसा ।। तिष्ठंति द्योतमानास्ते यावदाभूतसंप्लवम्
yāṃti te brahmasadanaṃ vimānenārkavarcasā || tiṣṭhaṃti dyotamānāste yāvadābhūtasaṃplavam
Sanskrit only: no published translation is held for this verse.
सदीपे तु यथा देशे चक्षूंषि बलवन्ति हि ।। तथा दीपस्य दातारो भवंति सफलेक्षणाः।।
sadīpe tu yathā deśe cakṣūṃṣi balavanti hi || tathā dīpasya dātāro bhavaṃti saphalekṣaṇāḥ||
Sanskrit only: no published translation is held for this verse.
यथैवोर्ध्वं गतिर्नित्यं राजन्दीपशिखासु वै ।। दीपदातुस्तथैवोर्ध्वं गतिर्भवति शोभना
yathaivordhvaṃ gatirnityaṃ rājandīpaśikhāsu vai || dīpadātustathaivordhvaṃ gatirbhavati śobhanā
Sanskrit only: no published translation is held for this verse.
घृतेन दीपो दातव्यो राजंस्तैलेन वा पुनः ।। वसामज्जादिभिर्देयो न तु दीपः कथञ्चन
ghṛtena dīpo dātavyo rājaṃstailena vā punaḥ || vasāmajjādibhirdeyo na tu dīpaḥ kathañcana
Sanskrit only: no published translation is held for this verse.
दीपस्तैलेन कर्तव्यो न तु कर्म विजानता ।। निर्वापणं च दीपस्य हिंसनं च विगर्हितम्
dīpastailena kartavyo na tu karma vijānatā || nirvāpaṇaṃ ca dīpasya hiṃsanaṃ ca vigarhitam
Sanskrit only: no published translation is held for this verse.
यः कुर्यात्कर्मणा तेन स्यादसौ पुष्पितेक्षणः ।। दीपहर्ता भवत्यंधः काणो निर्वापको भवेत्
yaḥ kuryātkarmaṇā tena syādasau puṣpitekṣaṇaḥ || dīpahartā bhavatyaṃdhaḥ kāṇo nirvāpako bhavet
Sanskrit only: no published translation is held for this verse.
पद्मसूत्रोद्भवां वर्तिं गंधतैलेन दीपिताम् ।। विरोगः सुभगश्चैव दत्त्वा भवति मानवः
padmasūtrodbhavāṃ vartiṃ gaṃdhatailena dīpitām || virogaḥ subhagaścaiva dattvā bhavati mānavaḥ
Sanskrit only: no published translation is held for this verse.
प्रज्वाल्य देवदेवस्य कर्पूरेण तु दीपकम् ।। अश्वमेधमवाप्नोति कुलं चैव समुद्धरेत्
prajvālya devadevasya karpūreṇa tu dīpakam || aśvamedhamavāpnoti kulaṃ caiva samuddharet
Sanskrit only: no published translation is held for this verse.
एतन्मयोक्तं तव दीपदानफलं समग्रं कुरुवंशचन्द्र ।। श्रुत्वा यथावत्सततं हि देया दीपास्त्वया विप्रसुरालयेषु
etanmayoktaṃ tava dīpadānaphalaṃ samagraṃ kuruvaṃśacandra || śrutvā yathāvatsatataṃ hi deyā dīpāstvayā viprasurālayeṣu
Sanskrit only: no published translation is held for this verse.
अत्राप्युदाहरन्तीममितिहासं पुरातनम् ।। दीपदानाल्ललितया यदवाप्तं पुराऽनघ
atrāpyudāharantīmamitihāsaṃ purātanam || dīpadānāllalitayā yadavāptaṃ purā'nagha
Sanskrit only: no published translation is held for this verse.
आसीच्चित्ररथोनाम विदर्भेषु महीपतिः ।। तस्य पुत्रशतं राज्ञो जज्ञे पञ्चदशोत्तरम्
āsīccitrarathonāma vidarbheṣu mahīpatiḥ || tasya putraśataṃ rājño jajñe pañcadaśottaram
Sanskrit only: no published translation is held for this verse.
एकैव कन्या तस्यासील्ललिता नाम नामतः ।। सर्वलक्षणसम्पन्ना रूपेणाप्रतिमा भुवि
ekaiva kanyā tasyāsīllalitā nāma nāmataḥ || sarvalakṣaṇasampannā rūpeṇāpratimā bhuvi
Sanskrit only: no published translation is held for this verse.
तां ददौ काशिराजाय चार्वंगीं चारुधर्मणे ।। शतान्यन्यानि भार्याणां त्रीण्यासंश्चारुधर्मणः
tāṃ dadau kāśirājāya cārvaṃgīṃ cārudharmaṇe || śatānyanyāni bhāryāṇāṃ trīṇyāsaṃścārudharmaṇaḥ
Sanskrit only: no published translation is held for this verse.
तासां मध्येऽग्रमहिषी ललिता साप्यथाभवत्
tāsāṃ madhye'gramahiṣī lalitā sāpyathābhavat
Sanskrit only: no published translation is held for this verse.
विष्णोरायतने सा तु सहस्रं परिदीपकान् ।। प्रज्वालयन्त्यनुदिनं दिवारात्रमनिर्वृतम्
viṣṇorāyatane sā tu sahasraṃ paridīpakān || prajvālayantyanudinaṃ divārātramanirvṛtam
Sanskrit only: no published translation is held for this verse.
तामिस्रमाश्वयुक्पक्षं शुक्लपक्षं च कार्त्तिकम् ।। तस्याः प्रज्वलितो दीप उच्चस्थानकृतः शुभः
tāmisramāśvayukpakṣaṃ śuklapakṣaṃ ca kārttikam || tasyāḥ prajvalito dīpa uccasthānakṛtaḥ śubhaḥ
Sanskrit only: no published translation is held for this verse.
तस्मिन्काले तथा नित्यं ब्राह्मणावसथे च सा ।। व्यग्रा भवति सायाह्ने दीपप्रेषणतत्परा
tasminkāle tathā nityaṃ brāhmaṇāvasathe ca sā || vyagrā bhavati sāyāhne dīpapreṣaṇatatparā
Sanskrit only: no published translation is held for this verse.
चतुष्पथेषु रथ्यासु देवतायतनेषु च ।। चैत्यवृक्षेषु गोष्ठेषु पर्वतानां च मूर्द्धसु
catuṣpatheṣu rathyāsu devatāyataneṣu ca || caityavṛkṣeṣu goṣṭheṣu parvatānāṃ ca mūrddhasu
Sanskrit only: no published translation is held for this verse.
पुलिनेषु नदीनां च कूपमूलेषु पांडव ।। तां सपत्न्योऽथ संगम्य पप्रच्छुरिदमादृताः
pulineṣu nadīnāṃ ca kūpamūleṣu pāṃḍava || tāṃ sapatnyo'tha saṃgamya papracchuridamādṛtāḥ
Sanskrit only: no published translation is held for this verse.
ललिते वद भद्रं ते ललितं वचनं तथा ।। न तथा बलिपुष्पेषु न तथा द्विजपूजने
lalite vada bhadraṃ te lalitaṃ vacanaṃ tathā || na tathā balipuṣpeṣu na tathā dvijapūjane
Sanskrit only: no published translation is held for this verse.
भवत्याः सुमहान्यत्नो दीपप्रज्वालने यथा ।। तदेतत्कथयास्माकं ललिते कौतुकं परम्
bhavatyāḥ sumahānyatno dīpaprajvālane yathā || tadetatkathayāsmākaṃ lalite kautukaṃ param
Sanskrit only: no published translation is held for this verse.
मन्यामहे त्वयावश्यं दीपदानफलं श्रुतम्।। ।। ललितोवाच नाहं मत्सरिणी भद्रा न च रागादिदूषिता
manyāmahe tvayāvaśyaṃ dīpadānaphalaṃ śrutam|| || lalitovāca nāhaṃ matsariṇī bhadrā na ca rāgādidūṣitā
Sanskrit only: no published translation is held for this verse.
एकपत्याश्रिताः साध्व्यो भवत्यो मम मानदाः ।। अपृथग्धर्मचरणाः शृण्वन्तु गदितं मम
ekapatyāśritāḥ sādhvyo bhavatyo mama mānadāḥ || apṛthagdharmacaraṇāḥ śṛṇvantu gaditaṃ mama
Sanskrit only: no published translation is held for this verse.
मयैतद्दीपदानस्य यथेष्टं भुज्यते फलम् ।। हिरण्यदयिता भार्या शैलराजसुता वरा
mayaitaddīpadānasya yatheṣṭaṃ bhujyate phalam || hiraṇyadayitā bhāryā śailarājasutā varā
Sanskrit only: no published translation is held for this verse.
उमादेवीति मद्रेषु देविका सा सरिद्वरा ।। नराणामनुकम्पार्थं ब्रह्मणा ह्यवतारिता ।। श्रुता किं भवतीभिः सा देविका पापनाशिनी
umādevīti madreṣu devikā sā saridvarā || narāṇāmanukampārthaṃ brahmaṇā hyavatāritā || śrutā kiṃ bhavatībhiḥ sā devikā pāpanāśinī
Sanskrit only: no published translation is held for this verse.
तस्यां स्नात्वा सकृन्नद्यां गाणपत्यमवाप्नुयात्।। तस्यामथ नृसिंहाख्यं तीर्थं कल्मषनाशनम् ।। हरिणा नृसिंहवपुषा यत्र स्नानं कृतं पुरा
tasyāṃ snātvā sakṛnnadyāṃ gāṇapatyamavāpnuyāt|| tasyāmatha nṛsiṃhākhyaṃ tīrthaṃ kalmaṣanāśanam || hariṇā nṛsiṃhavapuṣā yatra snānaṃ kṛtaṃ purā
Sanskrit only: no published translation is held for this verse.
सौवीरराजस्य पुरा मैत्रेयोभूत्पुरोहितः ।। तेन चायतनं विष्णोः कारितं देविकातटे
sauvīrarājasya purā maitreyobhūtpurohitaḥ || tena cāyatanaṃ viṣṇoḥ kāritaṃ devikātaṭe
Sanskrit only: no published translation is held for this verse.
अहन्यहनि शुश्रूषां पुष्पधूपानुलेपनैः ।। दीपदानादिभिश्चैव चक्रे तत्र स वै द्विजः
ahanyahani śuśrūṣāṃ puṣpadhūpānulepanaiḥ || dīpadānādibhiścaiva cakre tatra sa vai dvijaḥ
Sanskrit only: no published translation is held for this verse.
कार्त्तिक्यां दीपकस्तत्र प्रदत्तस्तेन चैकदा ।। आसीन्निर्वाणभूयिष्ठो देवार्चासु रतो निशि
kārttikyāṃ dīpakastatra pradattastena caikadā || āsīnnirvāṇabhūyiṣṭho devārcāsu rato niśi
Sanskrit only: no published translation is held for this verse.
देवतायतनेऽवात्सं तत्राहमपि मूषिका ।। प्रदीपवर्तिहरणे कृतबुद्धिर्वराननाः
devatāyatane'vātsaṃ tatrāhamapi mūṣikā || pradīpavartiharaṇe kṛtabuddhirvarānanāḥ
Sanskrit only: no published translation is held for this verse.
गृहीताथ मया वर्तिर्वृकदंशो ररास च ।। नष्टा चाहं ततस्तस्य मार्जारस्य भयातुरा
gṛhītātha mayā vartirvṛkadaṃśo rarāsa ca || naṣṭā cāhaṃ tatastasya mārjārasya bhayāturā
Sanskrit only: no published translation is held for this verse.
वक्त्रप्रांतेन पश्यंत्या स दीपः प्रेरितो मया ।। जज्वाल पूर्ववद्दीप्त्या तस्मिन्नायतने पुनः
vaktraprāṃtena paśyaṃtyā sa dīpaḥ prerito mayā || jajvāla pūrvavaddīptyā tasminnāyatane punaḥ
Sanskrit only: no published translation is held for this verse.
मृताहं च पुनर्जाता वैदर्भे राजकन्यका ।। जातिस्मरा महीपस्य महिषी चारुधर्मणः
mṛtāhaṃ ca punarjātā vaidarbhe rājakanyakā || jātismarā mahīpasya mahiṣī cārudharmaṇaḥ
Sanskrit only: no published translation is held for this verse.
एष प्रभावो दीपस्य कार्त्तिके मासि शोभनः ।। दत्तस्यायतने विष्णो र्यस्येयं व्युष्टिरुत्तमा
eṣa prabhāvo dīpasya kārttike māsi śobhanaḥ || dattasyāyatane viṣṇo ryasyeyaṃ vyuṣṭiruttamā
Sanskrit only: no published translation is held for this verse.
असंकल्पितमध्यस्य प्रेरणं यन्मया कृतम् ।। केशवे बालदीपस्य तस्येदं भुज्यते फलम्
asaṃkalpitamadhyasya preraṇaṃ yanmayā kṛtam || keśave bāladīpasya tasyedaṃ bhujyate phalam
Sanskrit only: no published translation is held for this verse.
एतस्मात्कार णाद्दीपानहमेतानहर्निशम् ।। प्रयच्छामि हरेर्गेहे जातमस्य महाफलम्
etasmātkāra ṇāddīpānahametānaharniśam || prayacchāmi harergehe jātamasya mahāphalam
Sanskrit only: no published translation is held for this verse.
एवमुक्त्वा सपत्नीः सा दीपदानपरायणा ।। बभूव देवदेवस्य केशव स्य गृहे सदा
evamuktvā sapatnīḥ sā dīpadānaparāyaṇā || babhūva devadevasya keśava sya gṛhe sadā
Sanskrit only: no published translation is held for this verse.
ततः कालेन महता सह राज्ञा महात्मना ।। विष्णुलोकमनुप्राप्ता पंचत्वं प्राय मानदा
tataḥ kālena mahatā saha rājñā mahātmanā || viṣṇulokamanuprāptā paṃcatvaṃ prāya mānadā
Sanskrit only: no published translation is held for this verse.
तं लोकमासाद्य नृपेण सार्द्धं सा राजपत्नी कमलाभनेत्रा ।। रेमे महीपालमुदा समेता दीपप्रदानात्सकलार्तिहीना
taṃ lokamāsādya nṛpeṇa sārddhaṃ sā rājapatnī kamalābhanetrā || reme mahīpālamudā sametā dīpapradānātsakalārtihīnā
Sanskrit only: no published translation is held for this verse.
दीपप्रदानमपि पुण्यतरं वदंति विप्राग्निगोसुरकुलैकगृहांगणेषु ।। तद्दानदीप्तवपुषाथ पथोंधकारे गच्छन्नरः पतति न स्खलते कदाचित्
dīpapradānamapi puṇyataraṃ vadaṃti viprāgnigosurakulaikagṛhāṃgaṇeṣu || taddānadīptavapuṣātha pathoṃdhakāre gacchannaraḥ patati na skhalate kadācit
Sanskrit only: no published translation is held for this verse.
इति श्रीभविष्ये महापुराण उत्तरपर्वणि श्रीकृष्णयुधिष्ठिरसंवादे दीपदानविधिवर्णनं नाम त्रिंशदुत्तरशततमोऽध्यायः
iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde dīpadānavidhivarṇanaṃ nāma triṃśaduttaraśatatamo'dhyāyaḥ
Sanskrit only: no published translation is held for this verse.