Bhaviṣya Purāṇa (part) 4.0.194

वराहदानविधिवर्णनम् ।। श्रीकृष्ण उवाच आदिवाराहदानं त कथयामि युधिष्ठिर ।। धरण्यै यत्पुरा प्रोक्तं वराहवपुषा मया

varāhadānavidhivarṇanam || śrīkṛṣṇa uvāca ādivārāhadānaṃ ta kathayāmi yudhiṣṭhira || dharaṇyai yatpurā proktaṃ varāhavapuṣā mayā

Sanskrit only: no published translation is held for this verse.

पुण्यं पवित्रमायुष्यं सर्व दानोत्तमोत्तमम् ।। महापापादिदोषघ्नं पूजितं धर्मसत्तमैः

puṇyaṃ pavitramāyuṣyaṃ sarva dānottamottamam || mahāpāpādidoṣaghnaṃ pūjitaṃ dharmasattamaiḥ

Sanskrit only: no published translation is held for this verse.

देयं संक्रमणे भानोर्ग्रहणे द्वादशीष्वथ।। यज्ञोत्सवविवाहेषु दुःस्वप्नाद्भुतदर्शने

deyaṃ saṃkramaṇe bhānorgrahaṇe dvādaśīṣvatha|| yajñotsavavivāheṣu duḥsvapnādbhutadarśane

Sanskrit only: no published translation is held for this verse.

यदा च जायते वित्तं चित्तं श्रद्धासमन्वितम् ।। तदैव दानकालः स्यादध्रुवं जीवितं यतः

yadā ca jāyate vittaṃ cittaṃ śraddhāsamanvitam || tadaiva dānakālaḥ syādadhruvaṃ jīvitaṃ yataḥ

Sanskrit only: no published translation is held for this verse.

कुरुक्षेत्रादितीर्थेषु गंगाद्यासु नदीषु च ।। पुरेषु च पवित्रेषु अरण्येषु वनेषु च

kurukṣetrāditīrtheṣu gaṃgādyāsu nadīṣu ca || pureṣu ca pavitreṣu araṇyeṣu vaneṣu ca

Sanskrit only: no published translation is held for this verse.

गोष्ठे देवालये वापि रथे वा स्वगृहांगणे ।। देयं पुराणविधिना ब्राह्मणाय कुटुंबिने

goṣṭhe devālaye vāpi rathe vā svagṛhāṃgaṇe || deyaṃ purāṇavidhinā brāhmaṇāya kuṭuṃbine

Sanskrit only: no published translation is held for this verse.

कुशैरास्तीर्य तां पार्थ प्रणवाक्षरमंत्रितैः ।। उपरिष्टात्तिलैस्तेषां वराहं परिकल्पयेत्

kuśairāstīrya tāṃ pārtha praṇavākṣaramaṃtritaiḥ || upariṣṭāttilaisteṣāṃ varāhaṃ parikalpayet

Sanskrit only: no published translation is held for this verse.

द्रौणैश्चतुर्भिः संपूर्णं तदर्धेनाथ वा पुनः ।। आढकेनाथ कुर्वीत वित्त शाठ्यं न कारयेत्

drauṇaiścaturbhiḥ saṃpūrṇaṃ tadardhenātha vā punaḥ || āḍhakenātha kurvīta vitta śāṭhyaṃ na kārayet

Sanskrit only: no published translation is held for this verse.

सुवर्णेन मुखं कार्यं भुजौ चक्रगदान्वितौ ।। राजतीं कारयेद्दंष्टां पद्मरागविभूषिताम्

suvarṇena mukhaṃ kāryaṃ bhujau cakragadānvitau || rājatīṃ kārayeddaṃṣṭāṃ padmarāgavibhūṣitām

Sanskrit only: no published translation is held for this verse.

शंखं च स्थापयेत्पार्श्वे वनमालां हिरण्मयीम् ।। पुष्पैर्वा कारयेद्विद्वान्पादौ रूप्यमयौ तथा

śaṃkhaṃ ca sthāpayetpārśve vanamālāṃ hiraṇmayīm || puṣpairvā kārayedvidvānpādau rūpyamayau tathā

Sanskrit only: no published translation is held for this verse.

दंष्ट्राग्रलग्नवसुधां सौवर्णीं कारयेच्छुभाम् ।। सर्वधान्यरसोपेतां वस्त्रालंकृतविग्रहाम्

daṃṣṭrāgralagnavasudhāṃ sauvarṇīṃ kārayecchubhām || sarvadhānyarasopetāṃ vastrālaṃkṛtavigrahām

Sanskrit only: no published translation is held for this verse.

प्रच्छाद्य वस्त्रैर्देवेशं वराहं सर्वकामदम् ।। रोमराजिं कुशैः कृत्वा गंधपुष्पैरथार्चयेत्

pracchādya vastrairdeveśaṃ varāhaṃ sarvakāmadam || romarājiṃ kuśaiḥ kṛtvā gaṃdhapuṣpairathārcayet

Sanskrit only: no published translation is held for this verse.

नवग्रहमखः कार्यो होम श्चात्र तिलैः स्मृतः ।। एवं संस्थाप्य विधिवत्ततः स्तोत्रमुदीरयेत्

navagrahamakhaḥ kāryo homa ścātra tilaiḥ smṛtaḥ || evaṃ saṃsthāpya vidhivattataḥ stotramudīrayet

Sanskrit only: no published translation is held for this verse.

वराहेश प्रदुष्टानि सर्वपापफलानि च ।। मर्द्दमर्द्द महादंष्ट्र भास्वत्कन ककुंडल

varāheśa praduṣṭāni sarvapāpaphalāni ca || marddamardda mahādaṃṣṭra bhāsvatkana kakuṃḍala

Sanskrit only: no published translation is held for this verse.

शंखचक्रासिहस्ताय हिरण्याक्षांतकाय च ।। दंष्ट्रोद्धृतधराभृते त्रयीमूर्तिमते नमः

śaṃkhacakrāsihastāya hiraṇyākṣāṃtakāya ca || daṃṣṭroddhṛtadharābhṛte trayīmūrtimate namaḥ

Sanskrit only: no published translation is held for this verse.

इत्युच्चार्य नमस्कृत्य प्रदक्षिणमनु व्रजेत् ।। ततस्तं ब्राह्मणे दद्याद्वस्त्रालंकारभूषितम् ।।

ityuccārya namaskṛtya pradakṣiṇamanu vrajet || tatastaṃ brāhmaṇe dadyādvastrālaṃkārabhūṣitam ||

Sanskrit only: no published translation is held for this verse.

प्ररिग्रहस्तु तस्योक्तः पादयोः परमर्षिभिः ।। अनेन विधिना दत्त्वा प्रणिपत्य क्षमा पयेत्

prarigrahastu tasyoktaḥ pādayoḥ paramarṣibhiḥ || anena vidhinā dattvā praṇipatya kṣamā payet

Sanskrit only: no published translation is held for this verse.

एवं दत्त्वा महीनाथ वराहं सर्वकामदम् ।। यत्फलं समवाप्नोति पार्थ तत्केन वर्ण्यते

evaṃ dattvā mahīnātha varāhaṃ sarvakāmadam || yatphalaṃ samavāpnoti pārtha tatkena varṇyate

Sanskrit only: no published translation is held for this verse.

सर्वदानेषु यत्पुण्यं सर्वक्रतुषु यत्फलम्।। तत्फलं समवाप्नोति दत्त्वा देवं जनार्दनम्

sarvadāneṣu yatpuṇyaṃ sarvakratuṣu yatphalam|| tatphalaṃ samavāpnoti dattvā devaṃ janārdanam

Sanskrit only: no published translation is held for this verse.

यथाशक्त्या समुद्धृता वराहेण वसुंधरा।। यथाकुलं समुद्धत्य विष्णुलोके महीयते। ।

yathāśaktyā samuddhṛtā varāheṇa vasuṃdharā|| yathākulaṃ samuddhatya viṣṇuloke mahīyate| |

Sanskrit only: no published translation is held for this verse.

ब्राह्मणक्षत्रियविशां स्त्रीणां शूद्रजनस्य च ।। एतत्साधारणं दानं शैववैष्णवयोगिनाम्

brāhmaṇakṣatriyaviśāṃ strīṇāṃ śūdrajanasya ca || etatsādhāraṇaṃ dānaṃ śaivavaiṣṇavayoginām

Sanskrit only: no published translation is held for this verse.

विप्राय वेदविदुषे नृवराहरूपं दत्त्वा तिलामलसुवर्णमयं सवस्त्रम् ।। उद्धृत्य पूर्वपुरुषान्सकलत्रमित्रः प्राप्नोति सिद्धभुवनं सुरसिद्धजुष्टम्

viprāya vedaviduṣe nṛvarāharūpaṃ dattvā tilāmalasuvarṇamayaṃ savastram || uddhṛtya pūrvapuruṣānsakalatramitraḥ prāpnoti siddhabhuvanaṃ surasiddhajuṣṭam

Sanskrit only: no published translation is held for this verse.

इति श्रीभविष्ये महापुराण उत्तरपर्वणि श्रीकृप्णयुधिष्ठिरसंवादे वराहदानविधिवर्णनं नाम चतुर्नवत्युत्तरशततमोऽध्यायः

iti śrībhaviṣye mahāpurāṇa uttaraparvaṇi śrīkṛpṇayudhiṣṭhirasaṃvāde varāhadānavidhivarṇanaṃ nāma caturnavatyuttaraśatatamo'dhyāyaḥ

Sanskrit only: no published translation is held for this verse.