Bhaviṣya Purāṇa (part) 4.0.7

शकटव्रतमाहात्म्यवर्णनम् ।। श्रीकृष्ण उवाच यदेतत्ते समाख्यातं गंभीरं नरकार्णवम।। व्रतोपवासनियमप्लवेनोत्तीर्यते सुखम्

śakaṭavratamāhātmyavarṇanam || śrīkṛṣṇa uvāca yadetatte samākhyātaṃ gaṃbhīraṃ narakārṇavama|| vratopavāsaniyamaplavenottīryate sukham

Sanskrit only: no published translation is held for this verse.

दुर्ल्लभं प्राप्य मानुष्यं विद्युत्पतनचञ्चलम् ।। तथात्मानं समादध्याद्भ्रश्यते न पुनर्यथा

durllabhaṃ prāpya mānuṣyaṃ vidyutpatanacañcalam || tathātmānaṃ samādadhyādbhraśyate na punaryathā

Sanskrit only: no published translation is held for this verse.

दान व्रतमयी कीर्तिर्यस्य स्यादिह देहिनः ।। परलोकेऽपि स तया ज्ञायते ज्ञातिवर्द्धनः

dāna vratamayī kīrtiryasya syādiha dehinaḥ || paraloke'pi sa tayā jñāyate jñātivarddhanaḥ

Sanskrit only: no published translation is held for this verse.

ज्ञायते नेह नामुत्र व्रतस्वाध्यायवर्जितः ।। पुरुषः पुरुषव्याघ्र तस्माद्व्रतपरो भवेत्

jñāyate neha nāmutra vratasvādhyāyavarjitaḥ || puruṣaḥ puruṣavyāghra tasmādvrataparo bhavet

Sanskrit only: no published translation is held for this verse.

अत्र ते कथयिष्यामि इतिहासं पुरातनम् ।। सिद्धेन सह संवादमवंत्यां ब्राह्मणस्य हि

atra te kathayiṣyāmi itihāsaṃ purātanam || siddhena saha saṃvādamavaṃtyāṃ brāhmaṇasya hi

Sanskrit only: no published translation is held for this verse.

योगर्द्धिसिद्ध्या संसिद्धः कश्चित्सिद्धो महीतलम् ।। चचार विकृतं कृत्वा वपुः परमभीषणम्

yogarddhisiddhyā saṃsiddhaḥ kaścitsiddho mahītalam || cacāra vikṛtaṃ kṛtvā vapuḥ paramabhīṣaṇam

Sanskrit only: no published translation is held for this verse.

निगीर्णदंतो लंबोष्ठः पिंगाक्षस्तनुमूर्द्धजः ।। त्रुटितैक कर्णो दुर्वणः शीर्णवस्त्रो महोदरः

nigīrṇadaṃto laṃboṣṭhaḥ piṃgākṣastanumūrddhajaḥ || truṭitaika karṇo durvaṇaḥ śīrṇavastro mahodaraḥ

Sanskrit only: no published translation is held for this verse.

चिपिटाक्षः स्फुटितपाज्जंघाढ्यः कृशकूर्परः ।। दिशः पश्यति संहृष्टो बभ्रामोद्भ्रांतचित्तवत्

cipiṭākṣaḥ sphuṭitapājjaṃghāḍhyaḥ kṛśakūrparaḥ || diśaḥ paśyati saṃhṛṣṭo babhrāmodbhrāṃtacittavat

Sanskrit only: no published translation is held for this verse.

मूलजालिकविप्रेण दृष्टः पृष्टश्च को भवान् ।। कदा स्वर्गात्समायातः केन कार्येण मे वद

mūlajālikavipreṇa dṛṣṭaḥ pṛṣṭaśca ko bhavān || kadā svargātsamāyātaḥ kena kāryeṇa me vada

Sanskrit only: no published translation is held for this verse.

कच्चिद्दृष्टा त्वया रंभा भाभासितदिगंतरा ।। चित्तसंमोहनकरी देवानामेकसुन्दरी

kacciddṛṣṭā tvayā raṃbhā bhābhāsitadigaṃtarā || cittasaṃmohanakarī devānāmekasundarī

Sanskrit only: no published translation is held for this verse.

गत्वा मद्वचनाद्वाच्या निर्वाच्या दोषदर्शिभिः ।। आवंत्यस्त्वां कुशलिनीं पृच्छति स्म द्विजो त्तमः

gatvā madvacanādvācyā nirvācyā doṣadarśibhiḥ || āvaṃtyastvāṃ kuśalinīṃ pṛcchati sma dvijo ttamaḥ

Sanskrit only: no published translation is held for this verse.

सिद्धः प्रसिद्धं तं विप्रं प्राहेदं विस्मयान्वितः ।। कथं त्वयाहं विज्ञातः स्वर्गादभ्यागतः स्फुटम्

siddhaḥ prasiddhaṃ taṃ vipraṃ prāhedaṃ vismayānvitaḥ || kathaṃ tvayāhaṃ vijñātaḥ svargādabhyāgataḥ sphuṭam

Sanskrit only: no published translation is held for this verse.

ब्राह्मणस्तमथोवाच विज्ञातोऽसि मया यथा ।। तथा तेऽहं प्रवक्ष्यामि क्षीणाघौघावधारय

brāhmaṇastamathovāca vijñāto'si mayā yathā || tathā te'haṃ pravakṣyāmi kṣīṇāghaughāvadhāraya

Sanskrit only: no published translation is held for this verse.

गात्रत्रयं विरूपं स्याद्द्वितीयं वा स्वरूपतः।। दृष्ट्वा सर्वांग वैरूप्यं विज्ञातोऽसि ततो मया

gātratrayaṃ virūpaṃ syāddvitīyaṃ vā svarūpataḥ|| dṛṣṭvā sarvāṃga vairūpyaṃ vijñāto'si tato mayā

Sanskrit only: no published translation is held for this verse.

दुर्ल्लंघ्या प्रकृतिः साक्षादनुभूतकरी भवेत् ।। प्रकृतेरन्यथाभावः सर्वथा लक्ष्यते जनैः

durllaṃghyā prakṛtiḥ sākṣādanubhūtakarī bhavet || prakṛteranyathābhāvaḥ sarvathā lakṣyate janaiḥ

Sanskrit only: no published translation is held for this verse.

विप्रस्यैवं वचः श्रुत्वा जगामादर्शनं शनैः ।। पुनः कैश्चिदहोरात्रैराजगाम स तां पुरीम्

viprasyaivaṃ vacaḥ śrutvā jagāmādarśanaṃ śanaiḥ || punaḥ kaiścidahorātrairājagāma sa tāṃ purīm

Sanskrit only: no published translation is held for this verse.

मूलजालकविप्रेण पृष्टः प्राहामरावतीम् ।। गतोऽहं पृष्टवांस्तत्र रंभां विभ्रमकारिणीम्

mūlajālakavipreṇa pṛṣṭaḥ prāhāmarāvatīm || gato'haṃ pṛṣṭavāṃstatra raṃbhāṃ vibhramakāriṇīm

Sanskrit only: no published translation is held for this verse.

शक्रस्यावसरे वृत्ते व्रजन्त्याः स्वगृहं मया ।। त्वत्संदेशः समाख्यातः सावदत्को न वेद्मि तम्

śakrasyāvasare vṛtte vrajantyāḥ svagṛhaṃ mayā || tvatsaṃdeśaḥ samākhyātaḥ sāvadatko na vedmi tam

Sanskrit only: no published translation is held for this verse.

विद्यया कलया चापि पौरुषेण व्रतेन च ।। तपसा वा पुमान्मर्त्यो दिवि विज्ञायते चिरम्

vidyayā kalayā cāpi pauruṣeṇa vratena ca || tapasā vā pumānmartyo divi vijñāyate ciram

Sanskrit only: no published translation is held for this verse.

ब्राह्मणस्तमथोवाच मुग्धा दग्धाग्निसंभवा ।। न भक्षयामि शकटं व्रतेनैतेन वेत्ति माम्

brāhmaṇastamathovāca mugdhā dagdhāgnisaṃbhavā || na bhakṣayāmi śakaṭaṃ vratenaitena vetti mām

Sanskrit only: no published translation is held for this verse.

तस्यैतद्वचनं श्रुत्वा स सिद्धः सुविशुद्धधीः ।। प्रहस्यामंत्र्य तं विप्रं जगामादर्शनं पुनः

tasyaitadvacanaṃ śrutvā sa siddhaḥ suviśuddhadhīḥ || prahasyāmaṃtrya taṃ vipraṃ jagāmādarśanaṃ punaḥ

Sanskrit only: no published translation is held for this verse.

कदाचिच्च रता तेन स्वर्गमार्गं यदृच्छया ।। दृष्ट्वा रंभां द्विजप्रोक्तं सर्वमेव निवेदितम्

kadācicca ratā tena svargamārgaṃ yadṛcchayā || dṛṣṭvā raṃbhāṃ dvijaproktaṃ sarvameva niveditam

Sanskrit only: no published translation is held for this verse.

।। रंभोवाच को न जानामि तं विप्रं शकटव्रतचारिणम् ।। मूलजालैर्वर्तयंतं महाकालवनाश्रयम्

|| raṃbhovāca ko na jānāmi taṃ vipraṃ śakaṭavratacāriṇam || mūlajālairvartayaṃtaṃ mahākālavanāśrayam

Sanskrit only: no published translation is held for this verse.

दर्शनादथ संभाषादुपकारात्सहासनात् ।। चतुर्धा स्नेहनिर्बंधो नृणां संजायतेऽधिकः

darśanādatha saṃbhāṣādupakārātsahāsanāt || caturdhā snehanirbaṃdho nṛṇāṃ saṃjāyate'dhikaḥ

Sanskrit only: no published translation is held for this verse.

न दर्शनं न संभाषा कदाचित्सह तेन मे ।। नामश्रवणमात्रेण स्नेहः संदर्शितो महान्

na darśanaṃ na saṃbhāṣā kadācitsaha tena me || nāmaśravaṇamātreṇa snehaḥ saṃdarśito mahān

Sanskrit only: no published translation is held for this verse.

इत्येवमुक्त्वा रंभोरू रंभा जंभारिणोंतिकम् ।। विस्मयोत्फुल्लनयना जगाम गजगामिनी

ityevamuktvā raṃbhorū raṃbhā jaṃbhāriṇoṃtikam || vismayotphullanayanā jagāma gajagāminī

Sanskrit only: no published translation is held for this verse.

गत्वा निवेदयामास स्नेहव्रतविचेष्टितम् ।। पुरतो रुद्धहृदया ब्राह्मणस्य च धीमतः

gatvā nivedayāmāsa snehavrataviceṣṭitam || purato ruddhahṛdayā brāhmaṇasya ca dhīmataḥ

Sanskrit only: no published translation is held for this verse.

शक्रः प्रोवाच चार्वंगीं गीर्वाणहृदयंगमाम् ।। किमानयामि तं विप्रं समीपं तव सुव्रतम्

śakraḥ provāca cārvaṃgīṃ gīrvāṇahṛdayaṃgamām || kimānayāmi taṃ vipraṃ samīpaṃ tava suvratam

Sanskrit only: no published translation is held for this verse.

दिव्यमाल्यांबरधरं दिव्यस्रगुनुलेपनम् ।। विमानवरमारोप्य दर्शयामास तं पुनः

divyamālyāṃbaradharaṃ divyasragunulepanam || vimānavaramāropya darśayāmāsa taṃ punaḥ

Sanskrit only: no published translation is held for this verse.

तत्रस्थः स द्विजो भोगीविभुनक्ति सह रंभया ।। शकटव्रतमाहात्म्यमित्येतत्ते मयोदितम्

tatrasthaḥ sa dvijo bhogīvibhunakti saha raṃbhayā || śakaṭavratamāhātmyamityetatte mayoditam

Sanskrit only: no published translation is held for this verse.

राज्यश्रियं जगति सर्वजनोपभोग्यामाप्नोति शक्रशिवकेशवयोर्निवासम्।। नाप्राप्यमस्ति भुवने सुदृढव्रतानां तस्मात्सदा व्रतपरेण नरेण भाव्यम्

rājyaśriyaṃ jagati sarvajanopabhogyāmāpnoti śakraśivakeśavayornivāsam|| nāprāpyamasti bhuvane sudṛḍhavratānāṃ tasmātsadā vratapareṇa nareṇa bhāvyam

Sanskrit only: no published translation is held for this verse.