Library·Bhaviṣya Purāṇa (part)·4·4.0·4.0.94
।। श्रीकृष्ण उवाच अनंतव्रतमस्त्यन्यत्सर्वपापहरं शिवम् ।। सर्वकामप्रदं नृणां स्त्रीणां चैव युधिष्ठिर
|| śrīkṛṣṇa uvāca anaṃtavratamastyanyatsarvapāpaharaṃ śivam || sarvakāmapradaṃ nṛṇāṃ strīṇāṃ caiva yudhiṣṭhira
Sanskrit only: no published translation is held for this verse.
शुक्लपक्षे चतुर्दश्यां मासि भाद्रपदे शुभे ।। तस्यानुष्ठानमात्रेण सर्वपापैः प्रमुच्यते
śuklapakṣe caturdaśyāṃ māsi bhādrapade śubhe || tasyānuṣṭhānamātreṇa sarvapāpaiḥ pramucyate
Sanskrit only: no published translation is held for this verse.
।। युधिष्ठिर उवाच कृष्ण कोऽयं त्वयाख्यातो ह्यनंत इति विश्रुतः ।। किं शेषनाग आहोस्विदनंतस्तक्षकः स्मृतः
|| yudhiṣṭhira uvāca kṛṣṇa ko'yaṃ tvayākhyāto hyanaṃta iti viśrutaḥ || kiṃ śeṣanāga āhosvidanaṃtastakṣakaḥ smṛtaḥ
Sanskrit only: no published translation is held for this verse.
परमात्माथ वानंत उताहो ब्रह्म उच्यते ।। क एषोऽनंतसंज्ञो वै तथ्यं ब्रूहि केशव
paramātmātha vānaṃta utāho brahma ucyate || ka eṣo'naṃtasaṃjño vai tathyaṃ brūhi keśava
Sanskrit only: no published translation is held for this verse.
।। श्रीकृष्ण उवाच अनंत इत्यहं पार्थ मम नाम निबोधय ।। आदित्यादिषु वारेषु यः काल उपपद्यते
|| śrīkṛṣṇa uvāca anaṃta ityahaṃ pārtha mama nāma nibodhaya || ādityādiṣu vāreṣu yaḥ kāla upapadyate
Sanskrit only: no published translation is held for this verse.
कलाकाष्ठामुहूर्तादि दिनरात्रिशरीरवान् ।। पक्षमासर्तुवर्षादि युगकल्पव्यवस्थया
kalākāṣṭhāmuhūrtādi dinarātriśarīravān || pakṣamāsartuvarṣādi yugakalpavyavasthayā
Sanskrit only: no published translation is held for this verse.
योऽयं कालो मयाख्यातस्तव धर्मभृतां वर ।। सोऽहं कालोऽवतीर्णोऽत्र भुवो भारावतारणात्
yo'yaṃ kālo mayākhyātastava dharmabhṛtāṃ vara || so'haṃ kālo'vatīrṇo'tra bhuvo bhārāvatāraṇāt
Sanskrit only: no published translation is held for this verse.
दानवानां विनाशाय वसुदेवकुलोद्भवम् ।। मां विद्ध्यनंतं पार्थ त्वं विष्णुं जिष्णुं हरं शिवम्
dānavānāṃ vināśāya vasudevakulodbhavam || māṃ viddhyanaṃtaṃ pārtha tvaṃ viṣṇuṃ jiṣṇuṃ haraṃ śivam
Sanskrit only: no published translation is held for this verse.
ब्रह्माणं भास्करं शेषं सर्वव्यापिनमीश्वरम् ।। विश्वरूपं महात्मानं सृष्टिसंहारकारकम्
brahmāṇaṃ bhāskaraṃ śeṣaṃ sarvavyāpinamīśvaram || viśvarūpaṃ mahātmānaṃ sṛṣṭisaṃhārakārakam
Sanskrit only: no published translation is held for this verse.
प्रत्ययार्थं मयाख्यातं सोऽहं पार्थ न संशयः ।। ।। युधिष्ठिर उवाच अनन्तव्रतमाहात्म्यविधिं वद विदां वर
pratyayārthaṃ mayākhyātaṃ so'haṃ pārtha na saṃśayaḥ || || yudhiṣṭhira uvāca anantavratamāhātmyavidhiṃ vada vidāṃ vara
Sanskrit only: no published translation is held for this verse.
किं पुण्यं किं फलं चास्य ह्यनुष्ठानवतां नृणाम्।। केन वादौ पुरा चीर्णं मर्त्ये केन प्रकाशितम्
kiṃ puṇyaṃ kiṃ phalaṃ cāsya hyanuṣṭhānavatāṃ nṛṇām|| kena vādau purā cīrṇaṃ martye kena prakāśitam
Sanskrit only: no published translation is held for this verse.
एवं समस्तं विस्तार्य ब्रूह्यनंतव्रतं हरे ।। ।। श्रीकृष्ण उवाच आसीत्पुरा कृतयुगे सुमंतो नाम वै द्विजः
evaṃ samastaṃ vistārya brūhyanaṃtavrataṃ hare || || śrīkṛṣṇa uvāca āsītpurā kṛtayuge sumaṃto nāma vai dvijaḥ
Sanskrit only: no published translation is held for this verse.
वशिष्ठगोत्रे चोत्पन्नः सुरूपश्च भृगोः सुताम् ।। दीक्षां नामोपयेमे तां वेदोक्तविधिना ततः
vaśiṣṭhagotre cotpannaḥ surūpaśca bhṛgoḥ sutām || dīkṣāṃ nāmopayeme tāṃ vedoktavidhinā tataḥ
Sanskrit only: no published translation is held for this verse.
तस्याः कालेन संजाता दुहितानंतलक्षणा ।। शीला नाम सुशीला सा वर्धते पितृसद्मनि
tasyāḥ kālena saṃjātā duhitānaṃtalakṣaṇā || śīlā nāma suśīlā sā vardhate pitṛsadmani
Sanskrit only: no published translation is held for this verse.
माता च तस्याः कालेन हरदाहेन पीडिता ।। विननाश नदीतीरे मृता स्वर्गपुरं ययौ
mātā ca tasyāḥ kālena haradāhena pīḍitā || vinanāśa nadītīre mṛtā svargapuraṃ yayau
Sanskrit only: no published translation is held for this verse.
सुमंतोपि ततोन्यां वै धर्मपुंसः सुतां पुनः ।। उपयेमे विधानेन कर्कशां नाम नामतः
sumaṃtopi tatonyāṃ vai dharmapuṃsaḥ sutāṃ punaḥ || upayeme vidhānena karkaśāṃ nāma nāmataḥ
Sanskrit only: no published translation is held for this verse.
दुःशीलां कर्कशां चंडीं नित्यं कलहकारिणीम् ।। सापि शीला पितुर्गेहे गृहार्चनरता विभो
duḥśīlāṃ karkaśāṃ caṃḍīṃ nityaṃ kalahakāriṇīm || sāpi śīlā piturgehe gṛhārcanaratā vibho
Sanskrit only: no published translation is held for this verse.
कुड्यस्तंभतुलाधारदेहलीतोरणादिषु ।। चातुर्वर्णकरं वैश्यनीलपीतसितासितैः
kuḍyastaṃbhatulādhāradehalītoraṇādiṣu || cāturvarṇakaraṃ vaiśyanīlapītasitāsitaiḥ
Sanskrit only: no published translation is held for this verse.
स्वस्तिकैः शंखपद्मैश्च अर्चयन्ती पुनःपुनः ।। पित्रा दृष्टा सुमन्तेन स्त्रीचिह्ना यौवने स्थिता
svastikaiḥ śaṃkhapadmaiśca arcayantī punaḥpunaḥ || pitrā dṛṣṭā sumantena strīcihnā yauvane sthitā
Sanskrit only: no published translation is held for this verse.
कस्मै देया मया शीला विचार्यैवं सुदुःखितः ।। पिता ददौ मुनीन्द्राय कौंडिन्याय शुभे दिने
kasmai deyā mayā śīlā vicāryaivaṃ suduḥkhitaḥ || pitā dadau munīndrāya kauṃḍinyāya śubhe dine
Sanskrit only: no published translation is held for this verse.
स्मृत्युक्तशास्त्रविधिना विवाहमकरोत्तदा ।। निवर्त्योद्वाहिकं सर्वं प्रोक्तवान्कर्कशां द्विजः
smṛtyuktaśāstravidhinā vivāhamakarottadā || nivartyodvāhikaṃ sarvaṃ proktavānkarkaśāṃ dvijaḥ
Sanskrit only: no published translation is held for this verse.
किञ्चिदायादिकं देयं जामातुः पारितोषिकम् ।। तच्छ्रुत्वा कर्कशा क्रुद्धा प्रोद्धृत्य गृहमण्डपम्
kiñcidāyādikaṃ deyaṃ jāmātuḥ pāritoṣikam || tacchrutvā karkaśā kruddhā proddhṛtya gṛhamaṇḍapam
Sanskrit only: no published translation is held for this verse.
कपाटे सुस्थिरं कृत्वा गम्यतामित्युवाच ह ।। भोज्यावशिष्टचूर्णेन पाथेयं च चकार सा
kapāṭe susthiraṃ kṛtvā gamyatāmityuvāca ha || bhojyāvaśiṣṭacūrṇena pātheyaṃ ca cakāra sā
Sanskrit only: no published translation is held for this verse.
कौंडिन्योपि विवाह्यैनां पथि गच्छञ्छनैःशनैः।। शीलां सुशीलामादाय नवोढां गोरथेन हि
kauṃḍinyopi vivāhyaināṃ pathi gacchañchanaiḥśanaiḥ|| śīlāṃ suśīlāmādāya navoḍhāṃ gorathena hi
Sanskrit only: no published translation is held for this verse.
मध्याह्ने भोज्यवेलायां समुत्तीर्य सरित्तटे ।। ददर्श शीला सा स्त्रीणां समूहं रक्तवाससाम्।।
madhyāhne bhojyavelāyāṃ samuttīrya sarittaṭe || dadarśa śīlā sā strīṇāṃ samūhaṃ raktavāsasām||
Sanskrit only: no published translation is held for this verse.
चतुर्दश्यामर्चयन्तं भक्त्या देवं पृथक्पृथक् ।। उपगम्य शनैः शीला पप्रच्छ स्त्रीकदंबकम्
caturdaśyāmarcayantaṃ bhaktyā devaṃ pṛthakpṛthak || upagamya śanaiḥ śīlā papraccha strīkadaṃbakam
Sanskrit only: no published translation is held for this verse.
नार्यः किमेतन्मे ब्रूत किंनाम व्रतमीदृशम् ।। ता ऊचुर्योषितः सर्वा अनन्तो नाम विश्रुतः
nāryaḥ kimetanme brūta kiṃnāma vratamīdṛśam || tā ūcuryoṣitaḥ sarvā ananto nāma viśrutaḥ
Sanskrit only: no published translation is held for this verse.
साब्रवीदहमप्येवं करिष्ये व्रतमुत्तमम् ।। विधानं कीदृशं तत्र किं दानं कस्य पूजनम्
sābravīdahamapyevaṃ kariṣye vratamuttamam || vidhānaṃ kīdṛśaṃ tatra kiṃ dānaṃ kasya pūjanam
Sanskrit only: no published translation is held for this verse.
।। स्त्रिय ऊचुः शीले पक्वान्नप्रस्थस्य पुन्नाम्नः सुकृतस्य तु ।। अर्द्धं विप्राय दातव्यमर्द्धमात्मनि भोजनम्
|| striya ūcuḥ śīle pakvānnaprasthasya punnāmnaḥ sukṛtasya tu || arddhaṃ viprāya dātavyamarddhamātmani bhojanam
Sanskrit only: no published translation is held for this verse.
कर्तव्यं तु सरित्तीरे कथां श्रुत्वा हरेरिमाम् ।। अनंतानंतमभ्यर्च्य मंडले गंधदीपकैः
kartavyaṃ tu sarittīre kathāṃ śrutvā harerimām || anaṃtānaṃtamabhyarcya maṃḍale gaṃdhadīpakaiḥ
Sanskrit only: no published translation is held for this verse.
धूपैः पुष्पैः सनैवेद्यैः पीतालक्तैश्चतुःशतैः ।। तस्याग्रतो दृढं सूत्रं कुंकुमाक्तं सुदोरकम्
dhūpaiḥ puṣpaiḥ sanaivedyaiḥ pītālaktaiścatuḥśataiḥ || tasyāgrato dṛḍhaṃ sūtraṃ kuṃkumāktaṃ sudorakam
Sanskrit only: no published translation is held for this verse.
चतुर्दशग्रंथियुतं वामे स्त्री दक्षिणे पुमान् ।। मंत्रेणानेन राजेन्द्र यावद्वर्षं समाप्यते
caturdaśagraṃthiyutaṃ vāme strī dakṣiṇe pumān || maṃtreṇānena rājendra yāvadvarṣaṃ samāpyate
Sanskrit only: no published translation is held for this verse.
अनंत संसारमहासमुद्रे मग्नान्समभ्युद्धर वासुदेव ।। अनंतरूपे विनियोजितात्मा ह्यनंतरूपाय नमोनमस्ते
anaṃta saṃsāramahāsamudre magnānsamabhyuddhara vāsudeva || anaṃtarūpe viniyojitātmā hyanaṃtarūpāya namonamaste
Sanskrit only: no published translation is held for this verse.
अनेन दोरकं बद्ध्वा भोक्तव्यं स्वस्थमानसैः ।। ध्यात्वा नारायणं देवमनंतं विश्वरूपिणम्
anena dorakaṃ baddhvā bhoktavyaṃ svasthamānasaiḥ || dhyātvā nārāyaṇaṃ devamanaṃtaṃ viśvarūpiṇam
Sanskrit only: no published translation is held for this verse.
भुक्त्वा चांते व्रजेद्वेश्म हीदं प्रोक्तं व्रतं तव ।। सापि श्रुत्वा व्रतं चक्रे शीला बद्ध्वा सुदोरकम्
bhuktvā cāṃte vrajedveśma hīdaṃ proktaṃ vrataṃ tava || sāpi śrutvā vrataṃ cakre śīlā baddhvā sudorakam
Sanskrit only: no published translation is held for this verse.
भर्ता तस्याः समागत्य तां ददर्श महाधनाम् ।। पाथेयशेषं विप्राय दत्त्वा भुक्त्वा तथैव च
bhartā tasyāḥ samāgatya tāṃ dadarśa mahādhanām || pātheyaśeṣaṃ viprāya dattvā bhuktvā tathaiva ca
Sanskrit only: no published translation is held for this verse.
पुनर्जगाम सा हृष्टा गोरथेन स्वमाश्रमम् ।। भर्त्रा सहैव शनकैः प्रत्यक्षं तत्क्षणादभूत् ।। तेनानंतप्रभावेण शुभगोधनसंकुलः
punarjagāma sā hṛṣṭā gorathena svamāśramam || bhartrā sahaiva śanakaiḥ pratyakṣaṃ tatkṣaṇādabhūt || tenānaṃtaprabhāveṇa śubhagodhanasaṃkulaḥ
Sanskrit only: no published translation is held for this verse.
गृहाश्रमः श्रिया युक्तो धनधान्यसमायुतः ।। आकुलो व्याकुलो रम्यः सर्वत्रातिथिपूजनः
gṛhāśramaḥ śriyā yukto dhanadhānyasamāyutaḥ || ākulo vyākulo ramyaḥ sarvatrātithipūjanaḥ
Sanskrit only: no published translation is held for this verse.
सापि माणिक्यकाञ्चीभिर्मुक्ताहारविभूषिता ।। दिव्यांगवस्त्रसंछन्ना सावित्रीप्रतिमाभवत्
sāpi māṇikyakāñcībhirmuktāhāravibhūṣitā || divyāṃgavastrasaṃchannā sāvitrīpratimābhavat
Sanskrit only: no published translation is held for this verse.
कदाचिदुपविष्टेन दृष्टं बद्धं सुदोरकम् ।। शीलाया हस्तमूले तु साक्षेपं त्रोटितं रुषा
kadācidupaviṣṭena dṛṣṭaṃ baddhaṃ sudorakam || śīlāyā hastamūle tu sākṣepaṃ troṭitaṃ ruṣā
Sanskrit only: no published translation is held for this verse.
तेन कर्मविपाकेण तस्य सा श्रीः क्षयं गता ।। गोधनं तस्करैर्नीतं गृहं चाग्निविदाहितम्
tena karmavipākeṇa tasya sā śrīḥ kṣayaṃ gatā || godhanaṃ taskarairnītaṃ gṛhaṃ cāgnividāhitam
Sanskrit only: no published translation is held for this verse.
यद्यदेवागतं गेहे तत्र तत्रैव नश्यति ।। स्वजनैः कलहो मित्रैर्वचनं न जनैस्तथा
yadyadevāgataṃ gehe tatra tatraiva naśyati || svajanaiḥ kalaho mitrairvacanaṃ na janaistathā
Sanskrit only: no published translation is held for this verse.
अनंताक्षेपदोषेण दारिद्र्यं पतितं गृहे ।। न कश्चिद्वदते लोकस्तेन सार्द्धं युधिष्ठिर
anaṃtākṣepadoṣeṇa dāridryaṃ patitaṃ gṛhe || na kaścidvadate lokastena sārddhaṃ yudhiṣṭhira
Sanskrit only: no published translation is held for this verse.
ततो जगाम कौंडिन्यो निर्वेदाद्वनगह्वरम् ।। मनसा ध्यायतेनंतं कदा द्रक्ष्यामि केशवम्
tato jagāma kauṃḍinyo nirvedādvanagahvaram || manasā dhyāyatenaṃtaṃ kadā drakṣyāmi keśavam
Sanskrit only: no published translation is held for this verse.
व्रतं निरशनं गृह्य ब्रह्मचर्यं जपन्हरिम् ।। विह्वलः प्रययौ पार्थ अरण्यं जनवर्जितम्
vrataṃ niraśanaṃ gṛhya brahmacaryaṃ japanharim || vihvalaḥ prayayau pārtha araṇyaṃ janavarjitam
Sanskrit only: no published translation is held for this verse.
तत्रापश्यन्महावृक्षं फलितं पुष्पितं तथा ।। तमपृच्छत्त्वयानंतः कच्चिदृष्टो महाद्रुम ।। तद्ब्रूहि सोप्युवाचेदं नानंतं वेद्म्यहं द्विज
tatrāpaśyanmahāvṛkṣaṃ phalitaṃ puṣpitaṃ tathā || tamapṛcchattvayānaṃtaḥ kaccidṛṣṭo mahādruma || tadbrūhi sopyuvācedaṃ nānaṃtaṃ vedmyahaṃ dvija
Sanskrit only: no published translation is held for this verse.
एवं निरीक्षितस्तेन गां ददर्श सवत्सकाम् ।। तृणमध्ये प्रधावन्तीमितश्चेतश्च पांडव
evaṃ nirīkṣitastena gāṃ dadarśa savatsakām || tṛṇamadhye pradhāvantīmitaścetaśca pāṃḍava
Sanskrit only: no published translation is held for this verse.
सोब्रवीद्धेनुके ब्रूहि यद्यनंतस्त्वयेक्षितः ।। गौरुवाचाथ कौंडिन्य नानंतं वेद्म्यहं विभो
sobravīddhenuke brūhi yadyanaṃtastvayekṣitaḥ || gauruvācātha kauṃḍinya nānaṃtaṃ vedmyahaṃ vibho
Sanskrit only: no published translation is held for this verse.
ततो जगामाथ वने गोवृषं शाद्वले स्थितम् ।। दृष्ट्वा पप्रच्छ गोस्वामिन्ननंतो लक्षितस्त्वया
tato jagāmātha vane govṛṣaṃ śādvale sthitam || dṛṣṭvā papraccha gosvāminnanaṃto lakṣitastvayā
Sanskrit only: no published translation is held for this verse.
गोवृषस्तमुवाचाथ नानन्तो वीक्षितो मया ।। ततो व्रजन्ददर्शाग्रे रम्यं पुष्करिणीद्वयम्
govṛṣastamuvācātha nānanto vīkṣito mayā || tato vrajandadarśāgre ramyaṃ puṣkariṇīdvayam
Sanskrit only: no published translation is held for this verse.
अन्योन्यजलकल्लोलवीचिभिः परिशोभितम् ।। छन्नं कुमुदकह्लारैः कुमुदोत्पलमंडितम्
anyonyajalakallolavīcibhiḥ pariśobhitam || channaṃ kumudakahlāraiḥ kumudotpalamaṃḍitam
Sanskrit only: no published translation is held for this verse.
सेवितं भ्रमरैर्हंसैश्चक्रैः कारंडवैर्बकैः ।। ते अपृच्छं द्विजोनन्तो भवद्भ्यां नोपलक्षितः
sevitaṃ bhramarairhaṃsaiścakraiḥ kāraṃḍavairbakaiḥ || te apṛcchaṃ dvijonanto bhavadbhyāṃ nopalakṣitaḥ
Sanskrit only: no published translation is held for this verse.
ऊचतुः पुष्करिण्यौ तं नानंतं विद्वहे द्विज ।। ततो ब्रह्मन्ददर्शाग्रे गर्दभं कुञ्जरं तथा
ūcatuḥ puṣkariṇyau taṃ nānaṃtaṃ vidvahe dvija || tato brahmandadarśāgre gardabhaṃ kuñjaraṃ tathā
Sanskrit only: no published translation is held for this verse.
तावप्युक्तौ सुमंतेन तस्यापि विनिवेदितम् ।। नावाभ्यां वीक्षितोनंतस्तच्छ्रुत्वा निषसाद ह
tāvapyuktau sumaṃtena tasyāpi viniveditam || nāvābhyāṃ vīkṣitonaṃtastacchrutvā niṣasāda ha
Sanskrit only: no published translation is held for this verse.
तस्मिन्क्षणे मुनिवरे कौंडिन्ये ब्राह्मणोत्तमे ।। कृपयानंतदेवोपि प्रत्यक्षः समजायत ।।
tasminkṣaṇe munivare kauṃḍinye brāhmaṇottame || kṛpayānaṃtadevopi pratyakṣaḥ samajāyata ||
Sanskrit only: no published translation is held for this verse.
वृद्धब्राह्मणरूपेण इत एहीत्युवाच तम् ।। प्रवेशयित्वा स्वगृहं गृहीत्वा दक्षिणे करे
vṛddhabrāhmaṇarūpeṇa ita ehītyuvāca tam || praveśayitvā svagṛhaṃ gṛhītvā dakṣiṇe kare
Sanskrit only: no published translation is held for this verse.
तां पुरीं दर्शयामास दिव्यनारीनरैर्युताम् ।। तस्यां निविष्टमात्मानं वरसिंहासने नृप
tāṃ purīṃ darśayāmāsa divyanārīnarairyutām || tasyāṃ niviṣṭamātmānaṃ varasiṃhāsane nṛpa
Sanskrit only: no published translation is held for this verse.
पार्श्वस्थशंखचक्रासिगदागरुडशोभितम् ।। दर्शयामास विप्राय पूर्वोक्तं विश्वरूपिणम्
pārśvasthaśaṃkhacakrāsigadāgaruḍaśobhitam || darśayāmāsa viprāya pūrvoktaṃ viśvarūpiṇam
Sanskrit only: no published translation is held for this verse.
विभूतिभेदैश्चानन्तमनन्तं परमेश्वरम् ।। तं दृष्ट्वा तु द्विजोनन्तमुवाच परया मुदा
vibhūtibhedaiścānantamanantaṃ parameśvaram || taṃ dṛṣṭvā tu dvijonantamuvāca parayā mudā
Sanskrit only: no published translation is held for this verse.
पापोहं पापकर्माहं पापात्मा पापसम्भवः ।। पाहि मां पुण्डरीकाक्ष सर्वपापहरो भव
pāpohaṃ pāpakarmāhaṃ pāpātmā pāpasambhavaḥ || pāhi māṃ puṇḍarīkākṣa sarvapāpaharo bhava
Sanskrit only: no published translation is held for this verse.
अद्य मे सफलं जन्म जीवितं च सुजीवितम् ।। चूतवृक्षो वृषः कस्तु का गौः पुष्करिणीद्वयम् ।। गर्दभं कुञ्जरं चैव देव मे ब्रूहि तत्त्वतः
adya me saphalaṃ janma jīvitaṃ ca sujīvitam || cūtavṛkṣo vṛṣaḥ kastu kā gauḥ puṣkariṇīdvayam || gardabhaṃ kuñjaraṃ caiva deva me brūhi tattvataḥ
Sanskrit only: no published translation is held for this verse.
।। अनंत उवाच चूतवृक्षो हि विप्रोसौ विद्वान्यो वेदगर्वितः ।। विद्यादानं नोपकुर्वञ्छिष्येभ्यस्तरुतां गतः
|| anaṃta uvāca cūtavṛkṣo hi viprosau vidvānyo vedagarvitaḥ || vidyādānaṃ nopakurvañchiṣyebhyastarutāṃ gataḥ
Sanskrit only: no published translation is held for this verse.
सा गौर्वसुन्धरा दृष्टा निष्फला या त्वयेक्षिता ।। स हर्षो वृषभो दृष्टो लाभार्थं यस्त्वया वृतः
sā gaurvasundharā dṛṣṭā niṣphalā yā tvayekṣitā || sa harṣo vṛṣabho dṛṣṭo lābhārthaṃ yastvayā vṛtaḥ
Sanskrit only: no published translation is held for this verse.
धर्माधर्मव्यवस्थानं तच्च पुष्करिणीद्वयम् ।। खरः क्रोधस्त्वया दृष्टः कुंजरो धर्मदूषकः ।। ब्राह्मणोसावनंतोहं गुहासंसारगह्वरे
dharmādharmavyavasthānaṃ tacca puṣkariṇīdvayam || kharaḥ krodhastvayā dṛṣṭaḥ kuṃjaro dharmadūṣakaḥ || brāhmaṇosāvanaṃtohaṃ guhāsaṃsāragahvare
Sanskrit only: no published translation is held for this verse.
इत्युक्तं ते मया सर्वं विप्र गच्छ पुनर्गृहम्
ityuktaṃ te mayā sarvaṃ vipra gaccha punargṛham
Sanskrit only: no published translation is held for this verse.
चरानंतव्रतं तत्त्वं नव वर्षाणि पंच च ।। ततस्तुष्टः प्रदास्यामि नक्षत्रस्थानमुत्तमम्
carānaṃtavrataṃ tattvaṃ nava varṣāṇi paṃca ca || tatastuṣṭaḥ pradāsyāmi nakṣatrasthānamuttamam
Sanskrit only: no published translation is held for this verse.
भुक्त्वा च विपुलान्भोगान्सर्वान्कामान्यथेप्सितान् ।। पुत्रपौत्रैः परिवृतस्ततो मोक्षमवाप्स्यसि
bhuktvā ca vipulānbhogānsarvānkāmānyathepsitān || putrapautraiḥ parivṛtastato mokṣamavāpsyasi
Sanskrit only: no published translation is held for this verse.
इति दत्त्वा वरं देवस्तत्रैवांतर्हितोऽभवत्।। कौंडिन्योप्यागतो गेहं चचारानंतसद्व्रतम्
iti dattvā varaṃ devastatraivāṃtarhito'bhavat|| kauṃḍinyopyāgato gehaṃ cacārānaṃtasadvratam
Sanskrit only: no published translation is held for this verse.
शीलया सह धर्मात्मा भुक्त्वा भोगान्मनोरमान्।। अंते जगाम च स्वर्गं नक्षत्रं च पुनर्वसुम् ।। कल्पस्थानी च संभूतो दृश्यतेद्यापि स ज्वलन्। ।। अनंतव्रतधर्मेण सम्यक्चीणेंन कौरव
śīlayā saha dharmātmā bhuktvā bhogānmanoramān|| aṃte jagāma ca svargaṃ nakṣatraṃ ca punarvasum || kalpasthānī ca saṃbhūto dṛśyatedyāpi sa jvalan| || anaṃtavratadharmeṇa samyakcīṇeṃna kaurava
Sanskrit only: no published translation is held for this verse.
एतत्ते कथितं पार्थ व्रतानामुत्तमं व्रतम् ।। यत्कृत्वा सर्वपापेभ्यो मुच्यते नात्र संशयः
etatte kathitaṃ pārtha vratānāmuttamaṃ vratam || yatkṛtvā sarvapāpebhyo mucyate nātra saṃśayaḥ
Sanskrit only: no published translation is held for this verse.
ये च शृण्वंति सततं वाच्यमानं नरोत्तम ।। ते सर्वे पापनिर्मुक्ता यास्यंति परमां गतिम्
ye ca śṛṇvaṃti satataṃ vācyamānaṃ narottama || te sarve pāpanirmuktā yāsyaṃti paramāṃ gatim
Sanskrit only: no published translation is held for this verse.
संसारसागरगुहां सुसुखं विहर्तुं वांछंति ये कुरुकुलोद्भव शुद्धसत्त्वाः ।। संपूज्य ते त्रिभुवनेशमनंतदेवं बध्नंति दक्षिणकरे वरदोरकं मे
saṃsārasāgaraguhāṃ susukhaṃ vihartuṃ vāṃchaṃti ye kurukulodbhava śuddhasattvāḥ || saṃpūjya te tribhuvaneśamanaṃtadevaṃ badhnaṃti dakṣiṇakare varadorakaṃ me
Sanskrit only: no published translation is held for this verse.