Brahmāṇḍa Purāṇa 1.27

भस्मपाण्डुरदिग्धाङ्गो ध्यायते मनसा भवम् । यद्यकार्यसहस्राणि कृत्वा स्नायति भस्मना

bhasmapāṇḍuradigdhāṅgo dhyāyate manasā bhavam / yadyakāryasahasrāṇi kṛtvā snāyati bhasmanā

Sanskrit only: no published translation is held for this verse.

तत्सर्वं दहते भस्म यथाग्निस्तेजसा वनम् । तस्मा द्यत्नपरो भूत्वा त्रिकालमपि यः सदा

tatsarvaṃ dahate bhasma yathāgnistejasā vanam / tasmā dyatnaparo bhūtvā trikālamapi yaḥ sadā

Sanskrit only: no published translation is held for this verse.

भस्मना कुरुते स्नानं गाणपत्यं स गच्छति । संहृत्य च क्रतून्सर्वान्गृहीत्वामृतमुत्त मम्

bhasmanā kurute snānaṃ gāṇapatyaṃ sa gacchati / saṃhṛtya ca kratūnsarvāngṛhītvāmṛtamutta mam

Sanskrit only: no published translation is held for this verse.

ध्यायन्ति ये महादेवं लीनास्तद्भावभाविताः । उत्तरेणाथ पन्थानं ते ऽमृतत्वमवाप्नुयुः

dhyāyanti ye mahādevaṃ līnāstadbhāvabhāvitāḥ / uttareṇātha panthānaṃ te 'mṛtatvamavāpnuyuḥ

Sanskrit only: no published translation is held for this verse.

दक्षिणेनाथ पन्थानं ये श्मशानानि भेजिरे । अणिमा महिमा चैव लघिमा प्राप्तिरेव च

dakṣiṇenātha panthānaṃ ye śmaśānāni bhejire / aṇimā mahimā caiva laghimā prāptireva ca

Sanskrit only: no published translation is held for this verse.

गरिमा पञ्चमी चैव षष्ठं प्राकाम्यमेव च । ईशित्वं च वशित्वं च ह्यमरत्वं च ते गताः

garimā pañcamī caiva ṣaṣṭhaṃ prākāmyameva ca / īśitvaṃ ca vaśitvaṃ ca hyamaratvaṃ ca te gatāḥ

Sanskrit only: no published translation is held for this verse.

इन्द्रादयस्तथा देवाः कामिकं व्रतमास्थिताः । ऐश्वर्यं परमं प्राप्य सर्वे प्रथिततेजसः

indrādayastathā devāḥ kāmikaṃ vratamāsthitāḥ / aiśvaryaṃ paramaṃ prāpya sarve prathitatejasaḥ

Sanskrit only: no published translation is held for this verse.

व्यपगतमदमोहमुक्तरागास्तमेरहजदोषविवर्जितस्वभावाः । परिभवमिदमुत्तमं विदित्वा पशुपतिदयितमिदं व्रतं चरध्वम्

vyapagatamadamohamuktarāgāstamerahajadoṣavivarjitasvabhāvāḥ / paribhavamidamuttamaṃ viditvā paśupatidayitamidaṃ vrataṃ caradhvam

Sanskrit only: no published translation is held for this verse.

यः पठेद्वै शुचिर्भूत्वा श्रद्दधानो जितेन्द्रियः । सर्वपापविशुद्धात्मा रुद्रलोकं स गच्छति

yaḥ paṭhedvai śucirbhūtvā śraddadhāno jitendriyaḥ / sarvapāpaviśuddhātmā rudralokaṃ sa gacchati

Sanskrit only: no published translation is held for this verse.