Brahmāṇḍa Purāṇa 1.31

इत्येत ल्लक्षणं प्रोक्तं युगानां वै समासतः

ityeta llakṣaṇaṃ proktaṃ yugānāṃ vai samāsataḥ

Sanskrit only: no published translation is held for this verse.

अतीतानागतानां हि सर्वमन्वन्तरोष्विह । मन्वन्तरेण चैकेन सर्वाण्येवान्तराणि वै

atītānāgatānāṃ hi sarvamanvantaroṣviha / manvantareṇa caikena sarvāṇyevāntarāṇi vai

Sanskrit only: no published translation is held for this verse.

ख्यातानीह विजानीध्वं कल्पं कल्पेन चैव ह । अनागतेषु तद्वच्च तर्कः कार्यो विजानता

khyātānīha vijānīdhvaṃ kalpaṃ kalpena caiva ha / anāgateṣu tadvacca tarkaḥ kāryo vijānatā

Sanskrit only: no published translation is held for this verse.

मन्वन्तरेषु सर्वेषु अतीतानागतेष्विह । तुल्याभिमानिनः सर्वे नामरूपैर्भवन्त्युत

manvantareṣu sarveṣu atītānāgateṣviha / tulyābhimāninaḥ sarve nāmarūpairbhavantyuta

Sanskrit only: no published translation is held for this verse.

देवा ह्यष्टविधा ये वा इह मन्वन्तरेश्वराः । ऋषयो मनवश्चैव सर्वे तुल्याः प्रयोजनैः

devā hyaṣṭavidhā ye vā iha manvantareśvarāḥ / ṛṣayo manavaścaiva sarve tulyāḥ prayojanaiḥ

Sanskrit only: no published translation is held for this verse.

एवं वर्णाश्रमाणां तु प्रविभागं पुरा युगे । युगस्वभावांश्च तथा विधत्ते वै सदा प्रभुः

evaṃ varṇāśramāṇāṃ tu pravibhāgaṃ purā yuge / yugasvabhāvāṃśca tathā vidhatte vai sadā prabhuḥ

Sanskrit only: no published translation is held for this verse.

वर्णाश्रमविभागाश्च युगानि युगसिद्धयः । अनुषङ्गात्समाख्याताः सृष्टिसर्गं निबोधत । विस्तरेणानुपूर्व्या च स्थितिं वक्ष्ये युगेष्विह

varṇāśramavibhāgāśca yugāni yugasiddhayaḥ / anuṣaṅgātsamākhyātāḥ sṛṣṭisargaṃ nibodhata / vistareṇānupūrvyā ca sthitiṃ vakṣye yugeṣviha

Sanskrit only: no published translation is held for this verse.