Brahmāṇḍa Purāṇa 1.34

इति श्रीब्रह्माण्डे महापुराणे वायुप्रोक्ते पूर्वभागे द्वितीये ऽनुषङ्गपादे ऋषिलक्षणं नाम त्रयस्त्रिन्त्तमो ऽध्यायः वायुरुवाच ऋषयस्तद्वचः श्रुत्वा सूतमाहुस्तदुत्तरम् । कथं वेदाः पुनर्व्यस्तास्तन्नो ब्रूहि महामते

iti śrībrahmāṇḍe mahāpurāṇe vāyuprokte pūrvabhāge dvitīye 'nuṣaṅgapāde ṛṣilakṣaṇaṃ nāma trayastrinttamo 'dhyāyaḥ vāyuruvāca ṛṣayastadvacaḥ śrutvā sūtamāhustaduttaram / kathaṃ vedāḥ punarvyastāstanno brūhi mahāmate

Sanskrit only: no published translation is held for this verse.

सूत उवाच द्वापरे तु पुरावृत्ते मनोः स्वायंभुवान्तरे । ब्रह्मा मनुमुवाचेदं रक्षवेदं महामते

sūta uvāca dvāpare tu purāvṛtte manoḥ svāyaṃbhuvāntare / brahmā manumuvācedaṃ rakṣavedaṃ mahāmate

Sanskrit only: no published translation is held for this verse.

परिवृत्तं युगं तात स्वल्पवीर्या द्विजातयः । संवृता युगदोषेण सर्वे चैव यथाक्रमम्

parivṛttaṃ yugaṃ tāta svalpavīryā dvijātayaḥ / saṃvṛtā yugadoṣeṇa sarve caiva yathākramam

Sanskrit only: no published translation is held for this verse.

तस्य मानं युगवशादल्पं चैव हि दृश्यते । दशसाहस्रभागेन ह्यवशिष्टं कृतोदितम्

tasya mānaṃ yugavaśādalpaṃ caiva hi dṛśyate / daśasāhasrabhāgena hyavaśiṣṭaṃ kṛtoditam

Sanskrit only: no published translation is held for this verse.

वाय तेजो बलं चाल्पं सर्वं चैव प्रणश्यति । वेदक्रिया हि कार्याः स्युर्माभूद्वेदविनाशनम्

vāya tejo balaṃ cālpaṃ sarvaṃ caiva praṇaśyati / vedakriyā hi kāryāḥ syurmābhūdvedavināśanam

Sanskrit only: no published translation is held for this verse.

वेदे नाशमनुप्राप्ते यज्ञो नाशं गमिष्यति । यज्ञे नष्टे वेदनाशस्ततः सर्वं प्रणश्यति

vede nāśamanuprāpte yajño nāśaṃ gamiṣyati / yajñe naṣṭe vedanāśastataḥ sarvaṃ praṇaśyati

Sanskrit only: no published translation is held for this verse.

आद्यो वेदश्च तुष्पादः शतसाहस्रसंमितः । पुनर्दशगुणः कृष्णो यज्ञो वै सर्वकामधुक्

ādyo vedaśca tuṣpādaḥ śatasāhasrasaṃmitaḥ / punardaśaguṇaḥ kṛṣṇo yajño vai sarvakāmadhuk

Sanskrit only: no published translation is held for this verse.

एवमुक्तस्तथेत्युक्त्वा मनुर्लौकहिते रतः । वेदमेकं चतुष्पादं चतुर्द्धा व्यभजत्प्रभुः

evamuktastathetyuktvā manurlaukahite rataḥ / vedamekaṃ catuṣpādaṃ caturddhā vyabhajatprabhuḥ

Sanskrit only: no published translation is held for this verse.

ब्रह्मणो वचनात्तात लोकानां हितकाम्यया । तदहं वर्त्तमानेन युष्माकं वेदकल्पनम्

brahmaṇo vacanāttāta lokānāṃ hitakāmyayā / tadahaṃ varttamānena yuṣmākaṃ vedakalpanam

Sanskrit only: no published translation is held for this verse.

मन्वन्तरेण वक्ष्यमि व्यतीतानां प्रकल्पनम् । प्रत्यक्षेण वरोक्षंवै तन्निबोधत सत्तमाः

manvantareṇa vakṣyami vyatītānāṃ prakalpanam / pratyakṣeṇa varokṣaṃvai tannibodhata sattamāḥ

Sanskrit only: no published translation is held for this verse.

अस्मिन्युगे तदा व्यासः पाराशर्यः परन्तपः । द्वैपायन इति ख्यातो विष्णोरंशः सनातनः

asminyuge tadā vyāsaḥ pārāśaryaḥ parantapaḥ / dvaipāyana iti khyāto viṣṇoraṃśaḥ sanātanaḥ

Sanskrit only: no published translation is held for this verse.

ब्रह्मणा चोदितः सो ऽस्मिन् वेदं वक्तुं प्रचक्रमे । अथ शिष्यान्सजग्राह चतुरो वेदकारणात्

brahmaṇā coditaḥ so 'smin vedaṃ vaktuṃ pracakrame / atha śiṣyānsajagrāha caturo vedakāraṇāt

Sanskrit only: no published translation is held for this verse.

जैमिनिं च सुमन्तुं च वैशंपायनमेव च । चतुर्थं पैलमेतेषां पञ्चमं लोमहर्षणम्

jaiminiṃ ca sumantuṃ ca vaiśaṃpāyanameva ca / caturthaṃ pailameteṣāṃ pañcamaṃ lomaharṣaṇam

Sanskrit only: no published translation is held for this verse.

ऋग्वेदश्रावकं पैलमग्रहीद्विधिवद्द्विजाः । यजुर्वेदप्रवक्तारं वैशंपायनमेव च

ṛgvedaśrāvakaṃ pailamagrahīdvidhivaddvijāḥ / yajurvedapravaktāraṃ vaiśaṃpāyanameva ca

Sanskrit only: no published translation is held for this verse.

जैमिनिं सामवेदार्थश्रावकं सो ऽन्वपद्यत । तथैवाथर् ववेदस्य सुमन्तुमृषिसत्तमम्

jaiminiṃ sāmavedārthaśrāvakaṃ so 'nvapadyata / tathaivāthar vavedasya sumantumṛṣisattamam

Sanskrit only: no published translation is held for this verse.

इतिहासपुराणस्य कलपवाक्यस्य चैव हि । मां चैव प्रतिजग्राह भगवानीश्वरः प्रभुः

itihāsapurāṇasya kalapavākyasya caiva hi / māṃ caiva pratijagrāha bhagavānīśvaraḥ prabhuḥ

Sanskrit only: no published translation is held for this verse.

एक आसीद्यजुर्वेदस्तं चतुर्द्धा व्यकल्पयत् । चातुर्हेत्रमभूत्तस्मिंस्तेन यज्ञमकल्पयत्

eka āsīdyajurvedastaṃ caturddhā vyakalpayat / cāturhetramabhūttasmiṃstena yajñamakalpayat

Sanskrit only: no published translation is held for this verse.

आध्वर्यवं यजुर्भिस्तु ऋग्भिर्हेत्रं तथैव च । औद्गात्रं सामभिश्चक्रे ब्रह्मत्वं चाप्यथर्वभिः

ādhvaryavaṃ yajurbhistu ṛgbhirhetraṃ tathaiva ca / audgātraṃ sāmabhiścakre brahmatvaṃ cāpyatharvabhiḥ

Sanskrit only: no published translation is held for this verse.

ततः स ऋच उद्धृत्य ऋग्वेदं समकल्पयत् । होतृकं कल्पयत्तेन यजुर्वेदं जगत्पतिः

tataḥ sa ṛca uddhṛtya ṛgvedaṃ samakalpayat / hotṛkaṃ kalpayattena yajurvedaṃ jagatpatiḥ

Sanskrit only: no published translation is held for this verse.

सामभिः सामवेदं च तेनौद्गात्रमकल्पयत् । रा५स्त्वथर्ववेदेन सर्वकर्माण्यकारयत्

sāmabhiḥ sāmavedaṃ ca tenaudgātramakalpayat / rā5stvatharvavedena sarvakarmāṇyakārayat

Sanskrit only: no published translation is held for this verse.

आख्यानैश्चाप्युपाख्यानैर्गाथाभिः कल्पजोक्तिभिः । पुरामसंहितां चक्रे पुराणार्थविशारदः

ākhyānaiścāpyupākhyānairgāthābhiḥ kalpajoktibhiḥ / purāmasaṃhitāṃ cakre purāṇārthaviśāradaḥ

Sanskrit only: no published translation is held for this verse.

यच्छिष्टं तु यजुर्वेदे तेन य५मयुञ्जत । यजनात्स यजुर्वेद इति शास्त्रविनिश्चयः

yacchiṣṭaṃ tu yajurvede tena ya5mayuñjata / yajanātsa yajurveda iti śāstraviniścayaḥ

Sanskrit only: no published translation is held for this verse.

पादानामुद्धतत्वाच्च यजूंषि विषमाणि च । शतेनोद्धतवीर्यस्तु ऋत्विग्भिर्वेदपारगैः

pādānāmuddhatatvācca yajūṃṣi viṣamāṇi ca / śatenoddhatavīryastu ṛtvigbhirvedapāragaiḥ

Sanskrit only: no published translation is held for this verse.

प्रयुज्यते ह्यश्वमेधस्तेन वा पुष्यते तु सः । ऋचो गृहीत्वा पैलस्तु व्यभजत्तु द्विधा पुनः

prayujyate hyaśvamedhastena vā puṣyate tu saḥ / ṛco gṛhītvā pailastu vyabhajattu dvidhā punaḥ

Sanskrit only: no published translation is held for this verse.

द्वे कृत्वा संहिते चैव शिष्याभ्या मददाद्विबुः । इन्द्रप्रमत्तये चैकां द्वितीयां बाष्कलाय च

dve kṛtvā saṃhite caiva śiṣyābhyā madadādvibuḥ / indrapramattaye caikāṃ dvitīyāṃ bāṣkalāya ca

Sanskrit only: no published translation is held for this verse.

चतस्रः संहिताः कृत्वा बाष्कलो द्विजसत्तमः । शिष्यानध्यापया मास शुश्रुषाभिरतान्हितान्

catasraḥ saṃhitāḥ kṛtvā bāṣkalo dvijasattamaḥ / śiṣyānadhyāpayā māsa śuśruṣābhiratānhitān

Sanskrit only: no published translation is held for this verse.

बोध्यां तु प्रथमां शाखां द्वितीयामग्निमातरम् । पाराशरीं तृतीयां तु या५वल्क्यामथापराम्

bodhyāṃ tu prathamāṃ śākhāṃ dvitīyāmagnimātaram / pārāśarīṃ tṛtīyāṃ tu yā5valkyāmathāparām

Sanskrit only: no published translation is held for this verse.

इन्द्रप्रमतिरेकां तु संहितामृषिसत्तमः । अध्यापयन्महाभागं माण्डूकेयं यशस्विनम्

indrapramatirekāṃ tu saṃhitāmṛṣisattamaḥ / adhyāpayanmahābhāgaṃ māṇḍūkeyaṃ yaśasvinam

Sanskrit only: no published translation is held for this verse.

स्त्यस्रवसमग्र्यं तु पुत्रं स तु महायशाः । सत्यस्रवाः सत्यहितं पुत्रमध्यापयद्विभुः

styasravasamagryaṃ tu putraṃ sa tu mahāyaśāḥ / satyasravāḥ satyahitaṃ putramadhyāpayadvibhuḥ

Sanskrit only: no published translation is held for this verse.

सो ऽपि सत्यहितः पुत्रं पुनरध्यापयद्द्विजाः । सत्यश्रियं महात्मानं सत्य धर्मपरायणम्

so 'pi satyahitaḥ putraṃ punaradhyāpayaddvijāḥ / satyaśriyaṃ mahātmānaṃ satya dharmaparāyaṇam

Sanskrit only: no published translation is held for this verse.

अभवंस्तस्य शिष्या वै त्रयस्तु सुमहौजसः । सत्यश्रियाश्च विद्वांसः शास्त्रग्रहणतत्पराः

abhavaṃstasya śiṣyā vai trayastu sumahaujasaḥ / satyaśriyāśca vidvāṃsaḥ śāstragrahaṇatatparāḥ

Sanskrit only: no published translation is held for this verse.

शाकल्यः प्रथमस्तेषां तस्मादन्यो रथीतरः । बाष्कलिश्च भरद्वाज इति शाखाप्रवर्त्तकाः

śākalyaḥ prathamasteṣāṃ tasmādanyo rathītaraḥ / bāṣkaliśca bharadvāja iti śākhāpravarttakāḥ

Sanskrit only: no published translation is held for this verse.

देवमित्रस्तु शाकल्यो ज्ञानाहङ्कारगर्वितः । जनकस्य स यज्ञे वै विनाशामगमद्द्विजाः

devamitrastu śākalyo jñānāhaṅkāragarvitaḥ / janakasya sa yajñe vai vināśāmagamaddvijāḥ

Sanskrit only: no published translation is held for this verse.

शांशपायन उवाच कथं विनाशमगमत्स मुनिर्ज्ञानगर्वितः । जनकस्याश्वमेधे तु कथ वादाभ्यजायत

śāṃśapāyana uvāca kathaṃ vināśamagamatsa munirjñānagarvitaḥ / janakasyāśvamedhe tu katha vādābhyajāyata

Sanskrit only: no published translation is held for this verse.

किमर्थं वाभवद्वादः केन सार्द्धमथापि वा । एतत्सर्वं यथा वृत्तमाचक्ष्त्र विदितं तव

kimarthaṃ vābhavadvādaḥ kena sārddhamathāpi vā / etatsarvaṃ yathā vṛttamācakṣtra viditaṃ tava

Sanskrit only: no published translation is held for this verse.

सूत उवाच जनकस्याश्वमेधे तु महानासीत्समागमः । ऋषीणां हि सहस्राणि तत्राजग्मुरनेकशः

sūta uvāca janakasyāśvamedhe tu mahānāsītsamāgamaḥ / ṛṣīṇāṃ hi sahasrāṇi tatrājagmuranekaśaḥ

Sanskrit only: no published translation is held for this verse.

राजर्षेर्जनकस्याथ तं यज्ञं हि दिदृक्षवः । आगतान्ब्राह्मणान्दृष्ट्वा जिज्ञासास्याभवत्ततः

rājarṣerjanakasyātha taṃ yajñaṃ hi didṛkṣavaḥ / āgatānbrāhmaṇāndṛṣṭvā jijñāsāsyābhavattataḥ

Sanskrit only: no published translation is held for this verse.

को न्वेषां ब्राह्मणश्रेष्ठः कथं मे निश्चयो भवेत् । इति निश्चित्य मनसा बुद्धिं चक्रे जनाधिपः

ko nveṣāṃ brāhmaṇaśreṣṭhaḥ kathaṃ me niścayo bhavet / iti niścitya manasā buddhiṃ cakre janādhipaḥ

Sanskrit only: no published translation is held for this verse.

गवां सहस्रमादाय सुवर्णमधिकं ततः । ग्रामान्रत्नानि दासीस्छ मुनीन्प्राह नराधिपः

gavāṃ sahasramādāya suvarṇamadhikaṃ tataḥ / grāmānratnāni dāsīscha munīnprāha narādhipaḥ

Sanskrit only: no published translation is held for this verse.

सर्वानहं प्रपन्नो वः शिरसा श्रेष्ठभागिनः । यदेतदाहृतं वित्तं यो वा श्रेष्ठतमो भवेत्

sarvānahaṃ prapanno vaḥ śirasā śreṣṭhabhāginaḥ / yadetadāhṛtaṃ vittaṃ yo vā śreṣṭhatamo bhavet

Sanskrit only: no published translation is held for this verse.

तस्मै तदुपनीतं मे वित्त वित्तं द्विजोत्तमाः । जनकस्य वचः श्रुत्वा ऋषयस्ते श्रुतिक्षमाः

tasmai tadupanītaṃ me vitta vittaṃ dvijottamāḥ / janakasya vacaḥ śrutvā ṛṣayaste śrutikṣamāḥ

Sanskrit only: no published translation is held for this verse.

दृष्ट्वा धनं महासारं धनगृध्ना जिघृक्षवः । आह्वयाञ्चक्रिरे ऽन्योन्यं वेदज्ञानमदोल्बणान्

dṛṣṭvā dhanaṃ mahāsāraṃ dhanagṛdhnā jighṛkṣavaḥ / āhvayāñcakrire 'nyonyaṃ vedajñānamadolbaṇān

Sanskrit only: no published translation is held for this verse.

मनसा गतवित्तास्ते ममैतद्धनमित्युत । ममैतन्न तवेत्यन्यो ब्रूहि वा किं विकत्थसे

manasā gatavittāste mamaitaddhanamityuta / mamaitanna tavetyanyo brūhi vā kiṃ vikatthase

Sanskrit only: no published translation is held for this verse.

इत्येवं धनदोषेण वादांश्चकुरनेकशः । अथान्यस्तत्रवै विद्वान्ब्रह्मणस्तु सुतः कविः

ityevaṃ dhanadoṣeṇa vādāṃścakuranekaśaḥ / athānyastatravai vidvānbrahmaṇastu sutaḥ kaviḥ

Sanskrit only: no published translation is held for this verse.

याज्ञवल्क्यो महातेजास्तपस्वी ब्रह्मवित्तमः । ब्रह्मण्ॐऽशसमुत्पन्नो वाक्यं प्रोवाच सुस्वरम्

yājñavalkyo mahātejāstapasvī brahmavittamaḥ / brahmaṇoṃ'śasamutpanno vākyaṃ provāca susvaram

Sanskrit only: no published translation is held for this verse.

शिष्यं ब्रह्मविदां श्रेष्ठं धनमेतद्गृहाण वै । नयस्व च गृहंवत्स ममैतन्नात्र संशयः

śiṣyaṃ brahmavidāṃ śreṣṭhaṃ dhanametadgṛhāṇa vai / nayasva ca gṛhaṃvatsa mamaitannātra saṃśayaḥ

Sanskrit only: no published translation is held for this verse.

सर्ववादेष्वहं वक्ता नान्यः कश्चित्तु मत्समः । यो वा न प्रीयते विद्वान्समाह्वयतु माचिरम्

sarvavādeṣvahaṃ vaktā nānyaḥ kaścittu matsamaḥ / yo vā na prīyate vidvānsamāhvayatu māciram

Sanskrit only: no published translation is held for this verse.

ततो ब्रह्मार्णवः क्षुब्दः समुद्र इव संप्लवे । तानुवाच ततः स्वस्थो याज्ञवल्क्यो हसन्निव

tato brahmārṇavaḥ kṣubdaḥ samudra iva saṃplave / tānuvāca tataḥ svastho yājñavalkyo hasanniva

Sanskrit only: no published translation is held for this verse.

क्रोधं मा कार्ष्ट विद्वांसो भवन्तः सत्यवादिनः । वदामहे यथाशक्ति जिज्ञासंतः परस्परम्

krodhaṃ mā kārṣṭa vidvāṃso bhavantaḥ satyavādinaḥ / vadāmahe yathāśakti jijñāsaṃtaḥ parasparam

Sanskrit only: no published translation is held for this verse.

ततो ऽभ्युपगतास्तेषां वादाः शब्दैरनेकशः । सहस्रधा शुभैरर्थैः सुक्ष्मदर्शनसंभवैः

tato 'bhyupagatāsteṣāṃ vādāḥ śabdairanekaśaḥ / sahasradhā śubhairarthaiḥ sukṣmadarśanasaṃbhavaiḥ

Sanskrit only: no published translation is held for this verse.

लोके वेदे तथाध्यात्मविद्यास्थानैरलङ्कृतैः । संत्युत्तमगुणैर्युक्ता नृपस्यापि परीक्षकाः

loke vede tathādhyātmavidyāsthānairalaṅkṛtaiḥ / saṃtyuttamaguṇairyuktā nṛpasyāpi parīkṣakāḥ

Sanskrit only: no published translation is held for this verse.

वादाः समभवंस्तत्र धनहेतोर्महात्मनाम् । ऋषयस्त्वेकतः सर्वे याज्ञवल्क्यस्तथैकतः

vādāḥ samabhavaṃstatra dhanahetormahātmanām / ṛṣayastvekataḥ sarve yājñavalkyastathaikataḥ

Sanskrit only: no published translation is held for this verse.

सर्वे ते मुनयस्तेन याज्ञवल्क्येन धीमता । एकैकशस्ततः पृष्टा नैवोत्तरमथाब्रुवन्

sarve te munayastena yājñavalkyena dhīmatā / ekaikaśastataḥ pṛṣṭā naivottaramathābruvan

Sanskrit only: no published translation is held for this verse.

स विजित्य मुनीन्सर्वान् ब्रह्मराशिर्महामतिः । शाकल्यमिति होवाच वादकर्त्तारमञ्जसा

sa vijitya munīnsarvān brahmarāśirmahāmatiḥ / śākalyamiti hovāca vādakarttāramañjasā

Sanskrit only: no published translation is held for this verse.

शाकल्य वद वक्तव्यं किं ध्यायन्नवतिष्ठसे । पणस्तु यजमानेन बद्धो नीतो यथा धृतः

śākalya vada vaktavyaṃ kiṃ dhyāyannavatiṣṭhase / paṇastu yajamānena baddho nīto yathā dhṛtaḥ

Sanskrit only: no published translation is held for this verse.

एवं स धर्षितस्तेन रोषात्ताम्रास्यलोचनः । प्रोवाच याज्ञवल्क्यं सपुरुषं मुनिसन्निधौ

evaṃ sa dharṣitastena roṣāttāmrāsyalocanaḥ / provāca yājñavalkyaṃ sapuruṣaṃ munisannidhau

Sanskrit only: no published translation is held for this verse.

त्वमस्मास्तृणवत्कृत्वा तथैवान्यान्द्विजोत्तमान् । विद्याधनं महासारं स्वयङ्ग्राहं जिघृक्षसि

tvamasmāstṛṇavatkṛtvā tathaivānyāndvijottamān / vidyādhanaṃ mahāsāraṃ svayaṅgrāhaṃ jighṛkṣasi

Sanskrit only: no published translation is held for this verse.

शाकल्येनैवमुक्तस्तु याज्ञवल्क्यस्तमब्रवीत् । ब्रह्मिष्ठानां बलं विद्धि विद्यातत्त्वार्थदर्शनम्

śākalyenaivamuktastu yājñavalkyastamabravīt / brahmiṣṭhānāṃ balaṃ viddhi vidyātattvārthadarśanam

Sanskrit only: no published translation is held for this verse.

कामस्यार्थेन संबन्धस्तेनार्थं कामयामहे । कामप्रर्श्नधना विप्राः कामप्रश्नं वदामहे

kāmasyārthena saṃbandhastenārthaṃ kāmayāmahe / kāmaprarśnadhanā viprāḥ kāmapraśnaṃ vadāmahe

Sanskrit only: no published translation is held for this verse.

पणश्चैवास्य राजर्षेस्तस्मान्नीतं धनं मया । एतच्छ्रुत्वा वचस्तस्य शाकल्यः क्रोधमूर्च्छितः

paṇaścaivāsya rājarṣestasmānnītaṃ dhanaṃ mayā / etacchrutvā vacastasya śākalyaḥ krodhamūrcchitaḥ

Sanskrit only: no published translation is held for this verse.

या५वल्क्यमथोवाच कामप्रश्नार्थकृद्वचः । ब्रूहीदानीं मयोद्दिष्टान्कामप्रश्नान्यथार्थतः

yā5valkyamathovāca kāmapraśnārthakṛdvacaḥ / brūhīdānīṃ mayoddiṣṭānkāmapraśnānyathārthataḥ

Sanskrit only: no published translation is held for this verse.

ततः समभवद्वादस्तयोर्ब्रह्मविदोर्महान् । साग्रं प्रश्नसहस्रं तु शाकल्यः सो ऽकरोत्तदा

tataḥ samabhavadvādastayorbrahmavidormahān / sāgraṃ praśnasahasraṃ tu śākalyaḥ so 'karottadā

Sanskrit only: no published translation is held for this verse.

याज्ञवल्क्यो ऽब्रवीत्सर्वमृषीणां शृण्वतां तदा । शाकल्यस्त्वास निर्वादो याज्ञवल्क्यस्तमब्रवीत्

yājñavalkyo 'bravītsarvamṛṣīṇāṃ śṛṇvatāṃ tadā / śākalyastvāsa nirvādo yājñavalkyastamabravīt

Sanskrit only: no published translation is held for this verse.

प्रश्नमेकं ममापि त्वं शाकल्य वद कामिकम् । पणप्राप्यस्य वादस्य ब्रुवतोर्मृत्युरत्र वै

praśnamekaṃ mamāpi tvaṃ śākalya vada kāmikam / paṇaprāpyasya vādasya bruvatormṛtyuratra vai

Sanskrit only: no published translation is held for this verse.

सुसूक्ष्मज्ञानसंयुक्तं सांख्यंयोगमथापि वा । अध्यात्मस्य गतिं मुख्यां ध्यानमार्गमथापि वा

susūkṣmajñānasaṃyuktaṃ sāṃkhyaṃyogamathāpi vā / adhyātmasya gatiṃ mukhyāṃ dhyānamārgamathāpi vā

Sanskrit only: no published translation is held for this verse.

अथ संचोदितः प्रश्नो याज्ञवल्क्येन धीमता । शाकल्यस्तमविज्ञाय तथा मृत्युमवाप्तवान्

atha saṃcoditaḥ praśno yājñavalkyena dhīmatā / śākalyastamavijñāya tathā mṛtyumavāptavān

Sanskrit only: no published translation is held for this verse.

एवं स्मृतः स शाकल्यः प्रश्नव्याख्यानपीडितः । एवं विवादः सुमहानासीत्तेषां धनार्थिनाम्

evaṃ smṛtaḥ sa śākalyaḥ praśnavyākhyānapīḍitaḥ / evaṃ vivādaḥ sumahānāsītteṣāṃ dhanārthinām

Sanskrit only: no published translation is held for this verse.

ऋषीणामृषिभिः सार्द्धं याज्ञवल्क्यस्य चैव हि । याज्ञवल्क्यो धनं गृह्य यशो विख्याय चात्मनः । जगाम वै गृहं स्वच्छं शिष्यैः परिवृतो वशी

ṛṣīṇāmṛṣibhiḥ sārddhaṃ yājñavalkyasya caiva hi / yājñavalkyo dhanaṃ gṛhya yaśo vikhyāya cātmanaḥ / jagāma vai gṛhaṃ svacchaṃ śiṣyaiḥ parivṛto vaśī

Sanskrit only: no published translation is held for this verse.