Brahmāṇḍa Purāṇa 2.13

चन्द्रभागा च सिद्धुश्च शुभे मानससंभवे । सागरं पश्चिमं यातो दिव्यः सिंधुनदो वरः

candrabhāgā ca siddhuśca śubhe mānasasaṃbhave / sāgaraṃ paścimaṃ yāto divyaḥ siṃdhunado varaḥ

Sanskrit only: no published translation is held for this verse.

पर्वतो हिमवान्नाम नानाधातुविभूषितः । आयतो वै सहस्राणि योजनानां बहुनि तु

parvato himavānnāma nānādhātuvibhūṣitaḥ / āyato vai sahasrāṇi yojanānāṃ bahuni tu

Sanskrit only: no published translation is held for this verse.

सिद्धचारणसंकीर्णा देवर्षिगणसेविता । तत्र पुष्करिणी रम्या सुषुम्णा नाम नामतः

siddhacāraṇasaṃkīrṇā devarṣigaṇasevitā / tatra puṣkariṇī ramyā suṣumṇā nāma nāmataḥ

Sanskrit only: no published translation is held for this verse.

दशवर्षसहस्राणि तस्यां स्नातस्तु जीवति । श्राद्धं भवति चानन्तं तत्र दत्तं महोदयम्

daśavarṣasahasrāṇi tasyāṃ snātastu jīvati / śrāddhaṃ bhavati cānantaṃ tatra dattaṃ mahodayam

Sanskrit only: no published translation is held for this verse.

तारयेच्च सदा श्राद्धे दशपूर्वान्दशापरान् । सर्वत्र हिमवान्पुण्यो गङ्गा पुण्या समन्ततः

tārayecca sadā śrāddhe daśapūrvāndaśāparān / sarvatra himavānpuṇyo gaṅgā puṇyā samantataḥ

Sanskrit only: no published translation is held for this verse.

समुद्रगाः समुद्राश्च सर्वे पुण्याः समन्ततः । एवमादिषु चान्येषु श्राद्धं निर्वर्तयेद्बुधः

samudragāḥ samudrāśca sarve puṇyāḥ samantataḥ / evamādiṣu cānyeṣu śrāddhaṃ nirvartayedbudhaḥ

Sanskrit only: no published translation is held for this verse.

पुतो भवति वै स्नात्वा हुत्वा दत्त्वा तथैव च । शेलसानुषु शृङ्गेषु कन्दरेषु गुहासु च

puto bhavati vai snātvā hutvā dattvā tathaiva ca / śelasānuṣu śṛṅgeṣu kandareṣu guhāsu ca

Sanskrit only: no published translation is held for this verse.

उपह्वरनितंबेषु तथा प्रस्रवणेषु च । पुलिनेष्वापगानां च तथैव प्रभवेषु च

upahvaranitaṃbeṣu tathā prasravaṇeṣu ca / pulineṣvāpagānāṃ ca tathaiva prabhaveṣu ca

Sanskrit only: no published translation is held for this verse.

महोदधौ गवां गोष्टे संगमेषु वनेषु च । सुसंमृष्टोपलिप्तेषु त्दृद्येषु सुरभिष्वथ

mahodadhau gavāṃ goṣṭe saṃgameṣu vaneṣu ca / susaṃmṛṣṭopalipteṣu tdṛdyeṣu surabhiṣvatha

Sanskrit only: no published translation is held for this verse.

गोमयेनोपलिप्तेषु विविक्तेषु गृहेषु च । कुर्याच्छ्राद्धमथैतेषु नित्यमेव यथाविधि

gomayenopalipteṣu vivikteṣu gṛheṣu ca / kuryācchrāddhamathaiteṣu nityameva yathāvidhi

Sanskrit only: no published translation is held for this verse.

प्राग्दक्षिणां दिशं गत्वा सर्वकामचिकीर्षया । एवमेतेषु सर्वेषु श्राद्धं कुर्यादतन्द्रितः

prāgdakṣiṇāṃ diśaṃ gatvā sarvakāmacikīrṣayā / evameteṣu sarveṣu śrāddhaṃ kuryādatandritaḥ

Sanskrit only: no published translation is held for this verse.

एतेष्वेव तु मेधावी ब्राह्मीं सिद्धिमवाप्नुयात् । त्रैवर्णविहितैः स्थाने धर्मे वर्णाश्रमे रतैः

eteṣveva tu medhāvī brāhmīṃ siddhimavāpnuyāt / traivarṇavihitaiḥ sthāne dharme varṇāśrame rataiḥ

Sanskrit only: no published translation is held for this verse.

कौपस्थानं च संत्यागात्प्राप्यते पितृपूजनम् । तीर्थान्यनुसरन्वीरः श्रद्दधानः समाहितः

kaupasthānaṃ ca saṃtyāgātprāpyate pitṛpūjanam / tīrthānyanusaranvīraḥ śraddadhānaḥ samāhitaḥ

Sanskrit only: no published translation is held for this verse.

कृतपापो ऽपि शुध्येत किं पुनः शुभकर्मकृत् । तिर्यग्योनिं न गच्छेच्च कुदेशे च न जायते

kṛtapāpo 'pi śudhyeta kiṃ punaḥ śubhakarmakṛt / tiryagyoniṃ na gacchecca kudeśe ca na jāyate

Sanskrit only: no published translation is held for this verse.

स्वर्गी भवति विप्रो वै मोक्षोपायं च विन्दति । अश्रद्दधानः पापायुर्नास्तिको ऽच्छिन्नसंशयः

svargī bhavati vipro vai mokṣopāyaṃ ca vindati / aśraddadhānaḥ pāpāyurnāstiko 'cchinnasaṃśayaḥ

Sanskrit only: no published translation is held for this verse.

हेतुनिष्ठश्च पञ्चैते न तीर्थे फलभागिनः । गुरुतीर्थे परा सिद्धिस्तीर्थानां परमं पदम्

hetuniṣṭhaśca pañcaite na tīrthe phalabhāginaḥ / gurutīrthe parā siddhistīrthānāṃ paramaṃ padam

Sanskrit only: no published translation is held for this verse.

ध्यानं तीर्थं परं तस्माद्ब्रह्मतीर्थं सनातनम् । उपवासात्परं ध्यानमिन्द्रियाणां निवर्त्तनम्

dhyānaṃ tīrthaṃ paraṃ tasmādbrahmatīrthaṃ sanātanam / upavāsātparaṃ dhyānamindriyāṇāṃ nivarttanam

Sanskrit only: no published translation is held for this verse.

उपवासनिबद्धैर्हि प्राणैरेव पुनः पुनः । प्राणापानौ वशे कृत्वा वशगानीन्दियाणि च

upavāsanibaddhairhi prāṇaireva punaḥ punaḥ / prāṇāpānau vaśe kṛtvā vaśagānīndiyāṇi ca

Sanskrit only: no published translation is held for this verse.

बुद्धिं मनसि संयम्य सर्वेषां तु निवर्त्तनम् । प्रत्याहारं कृतं विद्धि मोक्षोपायमसंशयम्

buddhiṃ manasi saṃyamya sarveṣāṃ tu nivarttanam / pratyāhāraṃ kṛtaṃ viddhi mokṣopāyamasaṃśayam

Sanskrit only: no published translation is held for this verse.

इन्द्रियाणां मनो घोरं बुद्ध्यादीनां विवर्त्तनम् । अना हारो क्षयं याति विद्यादनशनं तपः

indriyāṇāṃ mano ghoraṃ buddhyādīnāṃ vivarttanam / anā hāro kṣayaṃ yāti vidyādanaśanaṃ tapaḥ

Sanskrit only: no published translation is held for this verse.

निग्रहे बुद्धिमन्सोरन्यबुद्धिर्न जायते । क्षीणेषु सर्वदोषेषु क्षीणेष्वेवेन्द्रियेषु च

nigrahe buddhimansoranyabuddhirna jāyate / kṣīṇeṣu sarvadoṣeṣu kṣīṇeṣvevendriyeṣu ca

Sanskrit only: no published translation is held for this verse.

परिनिर्वाति शुद्धात्मा यथा वह्निरनिधनः । कारणेभ्यो गुणेभ्यश्च व्यक्ताव्यक्ताच्च कुत्स्नशः

parinirvāti śuddhātmā yathā vahniranidhanaḥ / kāraṇebhyo guṇebhyaśca vyaktāvyaktācca kutsnaśaḥ

Sanskrit only: no published translation is held for this verse.

नियोजयति क्षेत्रज्ञं तेभ्योयोगेन योगवित् । तस्य नास्ति गतिः स्थानं व्यक्ताव्यक्ते च सर्वशः । न सन्नासन्न सदसन्नैव किञ्चिदवस्थितः

niyojayati kṣetrajñaṃ tebhyoyogena yogavit / tasya nāsti gatiḥ sthānaṃ vyaktāvyakte ca sarvaśaḥ / na sannāsanna sadasannaiva kiñcidavasthitaḥ

Sanskrit only: no published translation is held for this verse.