Brahmāṇḍa Purāṇa 2.1

हास्ये कशिर्हि विज्ञेयो वाङ्मनः कश्यमुच्यते । कश्यं मद्यं स्मृतं विप्रैः कश्यपानां तु कश्यपः

hāsye kaśirhi vijñeyo vāṅmanaḥ kaśyamucyate / kaśyaṃ madyaṃ smṛtaṃ vipraiḥ kaśyapānāṃ tu kaśyapaḥ

Sanskrit only: no published translation is held for this verse.

कशेति नाम यद्वाचो वाचा क्रूरमुदात्दृतम् । दक्षाभिशप्तः कुपितः कश्यपस्तेन सो ऽभवत्

kaśeti nāma yadvāco vācā krūramudātdṛtam / dakṣābhiśaptaḥ kupitaḥ kaśyapastena so 'bhavat

Sanskrit only: no published translation is held for this verse.

तस्माच्च कश्यपायोक्तो ब्रह्मणा परमेष्ठिना । तस्मै प्राचेतसो दक्षः कन्यास्ताः प्रत्यपादयत्

tasmācca kaśyapāyokto brahmaṇā parameṣṭhinā / tasmai prācetaso dakṣaḥ kanyāstāḥ pratyapādayat

Sanskrit only: no published translation is held for this verse.

सर्वाश्च ब्रह्मवादिन्यः सर्वा वै लोकमातरः । इत्येतमृषिसर्गं तु पुण्यं यो वेद वारुणम्

sarvāśca brahmavādinyaḥ sarvā vai lokamātaraḥ / ityetamṛṣisargaṃ tu puṇyaṃ yo veda vāruṇam

Sanskrit only: no published translation is held for this verse.

आयुष्मान्पुण्यवाञ्छुद्धः सुखमाप्नोति शाश्वतम् । धारणाच्छ्रवणाद्वापि सर्वपापैः प्रमुच्यते

āyuṣmānpuṇyavāñchuddhaḥ sukhamāpnoti śāśvatam / dhāraṇācchravaṇādvāpi sarvapāpaiḥ pramucyate

Sanskrit only: no published translation is held for this verse.