इति श्रीब्रह्माण्डे महापुराणे वायुप्रोक्ते मध्यभागे तृतीय उपोद्धातपादे श्राद्धकल्पो नाम विंशतितमो ऽध्यायः ॥ २०॥ समाप्तश्चायं श्राद्धकल्पः । वसिष्ठ उवाच इत्थं प्रवर्त्तमानस्य जमदग्नेर्महात्मनः । वर्षाणि कतिचिद्राजन्व्यतीयुरमितौजसः
iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde śrāddhakalpo nāma viṃśatitamo 'dhyāyaḥ // 20// samāptaścāyaṃ śrāddhakalpaḥ / vasiṣṭha uvāca itthaṃ pravarttamānasya jamadagnermahātmanaḥ / varṣāṇi katicidrājanvyatīyuramitaujasaḥ
Sanskrit only: no published translation is held for this verse.
रामो ऽपि नृपशार्दूल सर्वधर्मभृतां वरः । वेदवेदाङ्गतत्त्वज्ञः सर्वशास्त्रविशारदः
rāmo 'pi nṛpaśārdūla sarvadharmabhṛtāṃ varaḥ / vedavedāṅgatattvajñaḥ sarvaśāstraviśāradaḥ
Sanskrit only: no published translation is held for this verse.
पित्रोश्चकार शुश्रूषां विनीतात्मा महामतिः । प्रीतिं च निजचेष्टाभिरन्वहं पर्यवर्त्तयत्
pitroścakāra śuśrūṣāṃ vinītātmā mahāmatiḥ / prītiṃ ca nijaceṣṭābhiranvahaṃ paryavarttayat
Sanskrit only: no published translation is held for this verse.
इत्थं प्रवर्त्तमानस्य वर्षाणि कतिचिन्नृप । पित्रोः शुश्रूषयानैषीद्रामो मतिमतां वरः
itthaṃ pravarttamānasya varṣāṇi katicinnṛpa / pitroḥ śuśrūṣayānaiṣīdrāmo matimatāṃ varaḥ
Sanskrit only: no published translation is held for this verse.
स कदाचिन्महातेजाः पितामह गुहं प्रति । गन्तुं व्यवसितो राजन्दैवेन च नियोजितः
sa kadācinmahātejāḥ pitāmaha guhaṃ prati / gantuṃ vyavasito rājandaivena ca niyojitaḥ
Sanskrit only: no published translation is held for this verse.
निपीड्य शिरसा पित्रोश्चरणौ भृगुपुङ्गवः । उवाच प्राञ्जलिर्भूतवा सप्रश्रयमिदं वचः
nipīḍya śirasā pitroścaraṇau bhṛgupuṅgavaḥ / uvāca prāñjalirbhūtavā sapraśrayamidaṃ vacaḥ
Sanskrit only: no published translation is held for this verse.
कञ्चिदर्थमहं तात मातरं त्वां च साम्प्रतम् । विज्ञापयितुमिच्छामि मम तच्छ्रोतुमर्हथः
kañcidarthamahaṃ tāta mātaraṃ tvāṃ ca sāmpratam / vijñāpayitumicchāmi mama tacchrotumarhathaḥ
Sanskrit only: no published translation is held for this verse.
पितामहमहं द्रष्टुमुत्कण्ठितमनाश्चिरम् । तस्मात्तत्पार्श्वमधुना गमिष्ये वामनुज्ञया
pitāmahamahaṃ draṣṭumutkaṇṭhitamanāściram / tasmāttatpārśvamadhunā gamiṣye vāmanujñayā
Sanskrit only: no published translation is held for this verse.
आहूतश्चासकृत्तात सोत्कण्ठं प्रीयमाणया । पितामह्या बहुमुखैरिच्छन्त्या मम दर्शनम्
āhūtaścāsakṛttāta sotkaṇṭhaṃ prīyamāṇayā / pitāmahyā bahumukhairicchantyā mama darśanam
Sanskrit only: no published translation is held for this verse.
पितॄन्पितामहस्यापि प्रियमेव प्रदर्शनम् । सदीयं तेन तत्पार्श्वं गन्तुं मामनुजानत
pitṝnpitāmahasyāpi priyameva pradarśanam / sadīyaṃ tena tatpārśvaṃ gantuṃ māmanujānata
Sanskrit only: no published translation is held for this verse.
वसिष्ठ उवाच इति तस्य वचः श्रुत्वा संभ्रान्तं समुदीरितम् । हर्षेण महता युक्तौ साश्रुनेत्रौ बभूवतुः
vasiṣṭha uvāca iti tasya vacaḥ śrutvā saṃbhrāntaṃ samudīritam / harṣeṇa mahatā yuktau sāśrunetrau babhūvatuḥ
Sanskrit only: no published translation is held for this verse.
तमालिङ्ग्य महाभागं मूर्ध्न्युपाघ्राय सादरम् । अभिनन्द्याशिषा तात ह्युभौ ताविदमाहतुः
tamāliṅgya mahābhāgaṃ mūrdhnyupāghrāya sādaram / abhinandyāśiṣā tāta hyubhau tāvidamāhatuḥ
Sanskrit only: no published translation is held for this verse.
पितामहगृहं तात प्रयाहि त्वं यथासुखम् । पितामहपितामह्योः प्रीतये दर्शनाय च
pitāmahagṛhaṃ tāta prayāhi tvaṃ yathāsukham / pitāmahapitāmahyoḥ prītaye darśanāya ca
Sanskrit only: no published translation is held for this verse.
तत्र गत्वा यथान्यायं तं शुश्रूषा परायणः । कञ्चित्कालं तयोर्वत्स प्रीतये वस तद्गृहे
tatra gatvā yathānyāyaṃ taṃ śuśrūṣā parāyaṇaḥ / kañcitkālaṃ tayorvatsa prītaye vasa tadgṛhe
Sanskrit only: no published translation is held for this verse.
स्थित्वा नातिचिरं कालं तयोर्भूयो ऽप्यनुशय । अत्रागच्छ महाभाग क्षेमेणास्मद्दिदृक्षया
sthitvā nāticiraṃ kālaṃ tayorbhūyo 'pyanuśaya / atrāgaccha mahābhāga kṣemeṇāsmaddidṛkṣayā
Sanskrit only: no published translation is held for this verse.
क्षणार्द्धमपि शक्ताः स्थो न विना पुत्रदर्शनम् । तस्मात्पितामह गृहे न चिरात्स्थातुमर्हसि
kṣaṇārddhamapi śaktāḥ stho na vinā putradarśanam / tasmātpitāmaha gṛhe na cirātsthātumarhasi
Sanskrit only: no published translation is held for this verse.
तदाज्ञयाथ वा पुत्र प्रपितामहसन्निधिम् । गतो ऽपि शीघ्रमागच्छ क्रमेण तदनुज्ञया
tadājñayātha vā putra prapitāmahasannidhim / gato 'pi śīghramāgaccha krameṇa tadanujñayā
Sanskrit only: no published translation is held for this verse.
वसिष्ठ उवाच इत्युक्तस्तौ परिक्रम्य प्रणम्य च महामतिः । पितरावप्यनुज्ञाप्य पितामहगृहं ततः
vasiṣṭha uvāca ityuktastau parikramya praṇamya ca mahāmatiḥ / pitarāvapyanujñāpya pitāmahagṛhaṃ tataḥ
Sanskrit only: no published translation is held for this verse.
स गत्वा भृगुवर्यस्य ऋचीकस्य महात्मनः । प्रविवेशाश्रमं रामो मुनिशिष्योपशोभितम्
sa gatvā bhṛguvaryasya ṛcīkasya mahātmanaḥ / praviveśāśramaṃ rāmo muniśiṣyopaśobhitam
Sanskrit only: no published translation is held for this verse.
स्वाध्यायघोषैर्विपुलैः सर्वतः प्रतिनादितम् । प्रशान्तवैर सत्त्वाढ्यं सर्वसत्त्वमनोहरम्
svādhyāyaghoṣairvipulaiḥ sarvataḥ pratināditam / praśāntavaira sattvāḍhyaṃ sarvasattvamanoharam
Sanskrit only: no published translation is held for this verse.
स प्रविश्यश्रमं रम्यमृचीकं स्थितमासने । ददर्श रामो राजेन्द्र स पितामहमग्रतः
sa praviśyaśramaṃ ramyamṛcīkaṃ sthitamāsane / dadarśa rāmo rājendra sa pitāmahamagrataḥ
Sanskrit only: no published translation is held for this verse.
जाज्वल्यमानं तपसा धिष्ण्यस्थमिव पावकम् । उपासितं सत्यवत्या यथा दक्षिणायऽध्वरम्
jājvalyamānaṃ tapasā dhiṣṇyasthamiva pāvakam / upāsitaṃ satyavatyā yathā dakṣiṇāya'dhvaram
Sanskrit only: no published translation is held for this verse.
स्वसमीपमुपायान्तं राममालोक्य तौ नृप । सुचिरं तं विमर्शेतां समाज्ञापूर्वदर्शनौ
svasamīpamupāyāntaṃ rāmamālokya tau nṛpa / suciraṃ taṃ vimarśetāṃ samājñāpūrvadarśanau
Sanskrit only: no published translation is held for this verse.
को ऽयमेष तपोराशिः सर्वलत्रणपूजितः । बालो ऽयं बलवान्भातिगांभीर्यात्प्रश्रयेण च
ko 'yameṣa taporāśiḥ sarvalatraṇapūjitaḥ / bālo 'yaṃ balavānbhātigāṃbhīryātpraśrayeṇa ca
Sanskrit only: no published translation is held for this verse.
एवं तयोश्चिन्तयतोः सहर्षं हृदि कौतुकात् । आससाद शनै रामः समीपे विनयान्वितः
evaṃ tayościntayatoḥ saharṣaṃ hṛdi kautukāt / āsasāda śanai rāmaḥ samīpe vinayānvitaḥ
Sanskrit only: no published translation is held for this verse.
स्वनामगोत्रे मतिमानुक्त्वा पित्रोर्मुदान्वितः । संस्पृशंश्चरणौ मूर्ध्ना हस्ताभ्यां चाभ्यवादयत्
svanāmagotre matimānuktvā pitrormudānvitaḥ / saṃspṛśaṃścaraṇau mūrdhnā hastābhyāṃ cābhyavādayat
Sanskrit only: no published translation is held for this verse.
ततस्तौ प्रीतमनसौ समुथाप्य च सत्तमम् । आशीर्भिरभिनन्देतां पृथक् पृथगुभावपि
tatastau prītamanasau samuthāpya ca sattamam / āśīrbhirabhinandetāṃ pṛthak pṛthagubhāvapi
Sanskrit only: no published translation is held for this verse.
तमाश्लिष्याङ्कमारोप्य हर्णाश्रुप्लुतलोचनौ । वीक्षन्तौ तन्मुखांभोजं परं हर्षमवापतुः
tamāśliṣyāṅkamāropya harṇāśruplutalocanau / vīkṣantau tanmukhāṃbhojaṃ paraṃ harṣamavāpatuḥ
Sanskrit only: no published translation is held for this verse.
ततः सुखोपविष्टं तमात्मवंशसमुद्वहम् । अनामयमपृच्छेतां तावुभौ दंपती तदा
tataḥ sukhopaviṣṭaṃ tamātmavaṃśasamudvaham / anāmayamapṛcchetāṃ tāvubhau daṃpatī tadā
Sanskrit only: no published translation is held for this verse.
पितरौ ते कुशलिनो वत्स किंभ्रातरस्तथा । अनायासेन ते वृत्तिर्वर्तते चाथ कर्हिचित्
pitarau te kuśalino vatsa kiṃbhrātarastathā / anāyāsena te vṛttirvartate cātha karhicit
Sanskrit only: no published translation is held for this verse.
समस्ताभ्यां ततो राजन्नाचचक्षे यथोदितः । तथा स्वानुगतं पित्रोर्भ्रातॄणां चैव चेष्टितम्
samastābhyāṃ tato rājannācacakṣe yathoditaḥ / tathā svānugataṃ pitrorbhrātṝṇāṃ caiva ceṣṭitam
Sanskrit only: no published translation is held for this verse.
एवं तयोर्महाराज सत्प्रीतिजनितैगुणैः । प्रीयमाणो ऽवसद्रामः पितुः पित्रोर्न्निवेशने
evaṃ tayormahārāja satprītijanitaiguṇaiḥ / prīyamāṇo 'vasadrāmaḥ pituḥ pitrornniveśane
Sanskrit only: no published translation is held for this verse.
स तस्मिन्सर्वभूतानां मनोनयननन्दनः । उवास कतिचिन्मासांस्तच्छुश्रूषापरायणः
sa tasminsarvabhūtānāṃ manonayananandanaḥ / uvāsa katicinmāsāṃstacchuśrūṣāparāyaṇaḥ
Sanskrit only: no published translation is held for this verse.
अथानुज्ञाप्य तौ राजन्भृगुवर्यो महामनाः । पितामहगुरोर्गन्तुमियेषाश्रयमाश्रमम्
athānujñāpya tau rājanbhṛguvaryo mahāmanāḥ / pitāmahagurorgantumiyeṣāśrayamāśramam
Sanskrit only: no published translation is held for this verse.
स ताभ्यां प्रीतियुक्ताभ्यामाशीर्भिरभिनन्दितः । यथा चाभ्यां प्रदिष्टेन यया वौर्वाश्रमं प्रति
sa tābhyāṃ prītiyuktābhyāmāśīrbhirabhinanditaḥ / yathā cābhyāṃ pradiṣṭena yayā vaurvāśramaṃ prati
Sanskrit only: no published translation is held for this verse.
तं नमस्कृत्य विधिवच्च्यवनं च महातपाः । सप्रहर्षं तदाज्ञातः प्रययावाश्रमं भृगोः
taṃ namaskṛtya vidhivaccyavanaṃ ca mahātapāḥ / sapraharṣaṃ tadājñātaḥ prayayāvāśramaṃ bhṛgoḥ
Sanskrit only: no published translation is held for this verse.
स गत्वामुनिमुख्यस्य भृगोराश्रममण्डलम् । ददर्श शान्तचेतोभिर्मुनिभिः सर्वतो वृतम्
sa gatvāmunimukhyasya bhṛgorāśramamaṇḍalam / dadarśa śāntacetobhirmunibhiḥ sarvato vṛtam
Sanskrit only: no published translation is held for this verse.
सुस्निग्धशीतलच्छायैः सर्वर्तुकगुणान्वितैः । तरुभिः संवृतं प्रीतः फलपुष्पोत्तरान्वितैः
susnigdhaśītalacchāyaiḥ sarvartukaguṇānvitaiḥ / tarubhiḥ saṃvṛtaṃ prītaḥ phalapuṣpottarānvitaiḥ
Sanskrit only: no published translation is held for this verse.
नानाखगकुलारावैर्मनःश्रोत्रसुखावहैः । ब्रह्मघोषैश्च विविधैः सर्वतः प्रतिनादितम्
nānākhagakulārāvairmanaḥśrotrasukhāvahaiḥ / brahmaghoṣaiśca vividhaiḥ sarvataḥ pratināditam
Sanskrit only: no published translation is held for this verse.
समन्त्राहुतिहोमोत्थधूमगन्धेन सर्वतः । निरस्तनिखिलाघौघं वनान्तरविसर्पिणा
samantrāhutihomotthadhūmagandhena sarvataḥ / nirastanikhilāghaughaṃ vanāntaravisarpiṇā
Sanskrit only: no published translation is held for this verse.
समित्कुशाहरैर्दण्डमेखलाजिनमण्डितैः । अभितः शोभितं राजन्रम्यैर्मुनिकुमारकैः
samitkuśāharairdaṇḍamekhalājinamaṇḍitaiḥ / abhitaḥ śobhitaṃ rājanramyairmunikumārakaiḥ
Sanskrit only: no published translation is held for this verse.
प्रसूनजलसंपूर्मपात्रहस्ताभिरन्तरा । शोभितं मुनिकल्याभिश्चरन्तीभिरितस्ततः
prasūnajalasaṃpūrmapātrahastābhirantarā / śobhitaṃ munikalyābhiścarantībhiritastataḥ
Sanskrit only: no published translation is held for this verse.
सपोतहरिणीयूथैर्विस्रंभादविशङ्किभिः । उटजाङ्गणपर्यन्ततरुच्छायास्वधिष्ठितम्
sapotahariṇīyūthairvisraṃbhādaviśaṅkibhiḥ / uṭajāṅgaṇaparyantatarucchāyāsvadhiṣṭhitam
Sanskrit only: no published translation is held for this verse.
रोमन्थतः परामृष्टियूथ साक्षिकमुत्प्रदैः । प्रारब्धताण्डवं केकीमयूरैर्मधुरस्वरैः
romanthataḥ parāmṛṣṭiyūtha sākṣikamutpradaiḥ / prārabdhatāṇḍavaṃ kekīmayūrairmadhurasvaraiḥ
Sanskrit only: no published translation is held for this verse.
प्रविकीर्णकणोद्देशं मृगशब्दैः समीपगैः । अनालीढातपच्छायाशुष्यन्नीवारराशिभिः
pravikīrṇakaṇoddeśaṃ mṛgaśabdaiḥ samīpagaiḥ / anālīḍhātapacchāyāśuṣyannīvārarāśibhiḥ
Sanskrit only: no published translation is held for this verse.
हूयमानानलं काले पूज्यमानातिथिव्रजम् । अभ्यस्यमानच्छन्दौघं चिन्त्यमानगमोदितम्
hūyamānānalaṃ kāle pūjyamānātithivrajam / abhyasyamānacchandaughaṃ cintyamānagamoditam
Sanskrit only: no published translation is held for this verse.
पठ्यमानाखिलस्मार्त्तं श्रौतार्थप्रविचारणम् । प्रारब्धपितृदेवेज्यं सर्वभूतमनोहरम्
paṭhyamānākhilasmārttaṃ śrautārthapravicāraṇam / prārabdhapitṛdevejyaṃ sarvabhūtamanoharam
Sanskrit only: no published translation is held for this verse.
तपस्विजनभूयिष्ठमाकापुरुषसेवितम् । तपोवृद्धिकरं पुण्यं सर्वसत्त्वसुखास्पदम्
tapasvijanabhūyiṣṭhamākāpuruṣasevitam / tapovṛddhikaraṃ puṇyaṃ sarvasattvasukhāspadam
Sanskrit only: no published translation is held for this verse.
तपोधनानन्दकरं ब्रह्मलोकमिवापरम् । प्रसूनसौरभभ्राम्यन्मधुपारावनादितम्
tapodhanānandakaraṃ brahmalokamivāparam / prasūnasaurabhabhrāmyanmadhupārāvanāditam
Sanskrit only: no published translation is held for this verse.
सर्वतो वीज्यमानेन विविधेन नभस्वता । एवंविधगुणोपेतं पश्यन्नाश्रममुत्तमम्
sarvato vījyamānena vividhena nabhasvatā / evaṃvidhaguṇopetaṃ paśyannāśramamuttamam
Sanskrit only: no published translation is held for this verse.
प्रविवेश विनीतात्मा सुकृतीवामरालयम् । संप्रविश्यश्रमोपान्तं रामः स्वप्रपितामहम्
praviveśa vinītātmā sukṛtīvāmarālayam / saṃpraviśyaśramopāntaṃ rāmaḥ svaprapitāmaham
Sanskrit only: no published translation is held for this verse.
ददर्श परितो राजन्मुनिशिष्यशतावृतम् । व्याख्यानवेदिकामध्ये निविष्टं कुशविष्टरे । सितश्मश्रुजटाकूर्चब्रह्मसूत्रोपशोभितम्
dadarśa parito rājanmuniśiṣyaśatāvṛtam / vyākhyānavedikāmadhye niviṣṭaṃ kuśaviṣṭare / sitaśmaśrujaṭākūrcabrahmasūtropaśobhitam
Sanskrit only: no published translation is held for this verse.
वामेतरोरुमध्यास्त वामजङ्घेन जानुना
vāmetarorumadhyāsta vāmajaṅghena jānunā
Sanskrit only: no published translation is held for this verse.
योगपट्टेन संवीतस्वदेहमृषिपुङ्गवम् । व्याख्यानमुद्राविलसत्सव्यपाणितलांबुजम्
yogapaṭṭena saṃvītasvadehamṛṣipuṅgavam / vyākhyānamudrāvilasatsavyapāṇitalāṃbujam
Sanskrit only: no published translation is held for this verse.
योगपट्टोपरिन्यस्तविभ्राजद्वामपाणिकम् । सम्यगारण्यवाक्यानां सूक्ष्मतत्त्वार्थसंहतिम्
yogapaṭṭoparinyastavibhrājadvāmapāṇikam / samyagāraṇyavākyānāṃ sūkṣmatattvārthasaṃhatim
Sanskrit only: no published translation is held for this verse.
विवृत्य मुनिमुख्येभ्यः श्रावयन्तं तपोनिधिम् । पितुः पितामहं द्दष्ट्वा रामस्तस्य महात्मनः
vivṛtya munimukhyebhyaḥ śrāvayantaṃ taponidhim / pituḥ pitāmahaṃ ddaṣṭvā rāmastasya mahātmanaḥ
Sanskrit only: no published translation is held for this verse.
शनैरिवमहाराज समीपं समुपागमत् । तमागतमुपालक्ष्य तत्प्रभावप्रधर्षिताः
śanairivamahārāja samīpaṃ samupāgamat / tamāgatamupālakṣya tatprabhāvapradharṣitāḥ
Sanskrit only: no published translation is held for this verse.
शङ्कामवापुर्मुनयो दूरादेवाखिला नृप । तावदूभृगुरमेयात्मा तदागमनतोषितः
śaṅkāmavāpurmunayo dūrādevākhilā nṛpa / tāvadūbhṛgurameyātmā tadāgamanatoṣitaḥ
Sanskrit only: no published translation is held for this verse.
निवृत्तान्यकथालापस्तं पश्यन्नास पार्थिव । रामो ऽपि तमुपागम्य विनयावनताननः
nivṛttānyakathālāpastaṃ paśyannāsa pārthiva / rāmo 'pi tamupāgamya vinayāvanatānanaḥ
Sanskrit only: no published translation is held for this verse.
अवन्दत यथान्ययमुपेन्द्र इव वेधसम् । अभिवाद्य यथान्यायं ख्यातिं च विनयान्वितः
avandata yathānyayamupendra iva vedhasam / abhivādya yathānyāyaṃ khyātiṃ ca vinayānvitaḥ
Sanskrit only: no published translation is held for this verse.
तांश्च संभावयामास मुनीन्रामोयथावयः । तैश्च सर्वैर्मुदोपेतैराशीर्भिरभिवर्द्धितः
tāṃśca saṃbhāvayāmāsa munīnrāmoyathāvayaḥ / taiśca sarvairmudopetairāśīrbhirabhivarddhitaḥ
Sanskrit only: no published translation is held for this verse.
उपाविवेश मेधावी भूमौ तेषामनुज्ञया । उपविष्टं ततो राममाशीर्भिरभिनन्दितम्
upāviveśa medhāvī bhūmau teṣāmanujñayā / upaviṣṭaṃ tato rāmamāśīrbhirabhinanditam
Sanskrit only: no published translation is held for this verse.
पप्रच्छकुशलप्रश्नं तमालोक्य भृगुस्तदा । कुशलं खलु ते वत्स पित्रोश्च किमनामयम्
papracchakuśalapraśnaṃ tamālokya bhṛgustadā / kuśalaṃ khalu te vatsa pitrośca kimanāmayam
Sanskrit only: no published translation is held for this verse.
भ्रातॄणां चैव भवतःपितुः पित्रोस्तथैव च । किमर्थमागतो ऽत्र त्वमधुनामम सन्निधिम्
bhrātṝṇāṃ caiva bhavataḥpituḥ pitrostathaiva ca / kimarthamāgato 'tra tvamadhunāmama sannidhim
Sanskrit only: no published translation is held for this verse.
केनापि वा त्वमादिष्टः स्वयमेवाथवागतः । ततोरामो यथान्यायं तस्मै सर्वमशेषतः
kenāpi vā tvamādiṣṭaḥ svayamevāthavāgataḥ / tatorāmo yathānyāyaṃ tasmai sarvamaśeṣataḥ
Sanskrit only: no published translation is held for this verse.
कथयामास यत्पृष्टं तदा तेन महात्मना । पितुर्मातुश्च वृत्तान्त भ्रातॄणां च महात्मनाम्
kathayāmāsa yatpṛṣṭaṃ tadā tena mahātmanā / piturmātuśca vṛttānta bhrātṝṇāṃ ca mahātmanām
Sanskrit only: no published translation is held for this verse.
पितुः प्रित्रोश्चकौशल्य दर्शनं च तयोर्नृप । एतदन्यच्च सकलं भृगोः सप्रश्रयं मुदा
pituḥ pritroścakauśalya darśanaṃ ca tayornṛpa / etadanyacca sakalaṃ bhṛgoḥ sapraśrayaṃ mudā
Sanskrit only: no published translation is held for this verse.
न्यवेदयद्यथान्यायमात्मनश्च समीहितम् । श्रुत्वैतदखिलं राजन्रामेण समुदीरितम्
nyavedayadyathānyāyamātmanaśca samīhitam / śrutvaitadakhilaṃ rājanrāmeṇa samudīritam
Sanskrit only: no published translation is held for this verse.
तं च दृष्ट्वा विशेषेण भृगुः प्रीतो ऽभ्यनन्दत । एवं तस्य प्रियं कुर्वन्नुत्कृष्टैरात्मकर्मभिः
taṃ ca dṛṣṭvā viśeṣeṇa bhṛguḥ prīto 'bhyanandata / evaṃ tasya priyaṃ kurvannutkṛṣṭairātmakarmabhiḥ
Sanskrit only: no published translation is held for this verse.
तत्राश्रमे ऽवसद्रामो दिनानि कतिचिन्नृप । ततः कदाचिदेकान्ते रामं मुनिवरोत्तमः
tatrāśrame 'vasadrāmo dināni katicinnṛpa / tataḥ kadācidekānte rāmaṃ munivarottamaḥ
Sanskrit only: no published translation is held for this verse.
वत्सागच्छेति तं राजन्नुपाह्वयदुपह्वरे । सो ऽभिगम्य तमासीनमभिवाद्य कृताञ्जलिः
vatsāgaccheti taṃ rājannupāhvayadupahvare / so 'bhigamya tamāsīnamabhivādya kṛtāñjaliḥ
Sanskrit only: no published translation is held for this verse.
तस्थौ तत्पुरतो रामः सुप्रीतेनान्तरात्मना । आशीर्भिरभिनन्द्याथ भृगुस्तं प्रीत मानसः
tasthau tatpurato rāmaḥ suprītenāntarātmanā / āśīrbhirabhinandyātha bhṛgustaṃ prīta mānasaḥ
Sanskrit only: no published translation is held for this verse.
प्राह नाधिगताशङ्कं राममालोक्य सादरम् । श्रुणु वत्स वचो मह्य यत्त्वां वक्ष्यामि सांप्रतम्
prāha nādhigatāśaṅkaṃ rāmamālokya sādaram / śruṇu vatsa vaco mahya yattvāṃ vakṣyāmi sāṃpratam
Sanskrit only: no published translation is held for this verse.
हितार्थं सर्वलोकानां तव चास्माकमेव च । गच्छ पुत्र ममादेशाद्धिमवन्तं महागिरिम्
hitārthaṃ sarvalokānāṃ tava cāsmākameva ca / gaccha putra mamādeśāddhimavantaṃ mahāgirim
Sanskrit only: no published translation is held for this verse.
अधुनैवाश्रमादस्मात्तपसे धृतमानसः । तत्रगत्वा महाभाग कृत्वाश्रमापदं शुभम्
adhunaivāśramādasmāttapase dhṛtamānasaḥ / tatragatvā mahābhāga kṛtvāśramāpadaṃ śubham
Sanskrit only: no published translation is held for this verse.
आराधय महादेवं तपसा नियमेन च । प्रीतिमुत्पाद्य तस्य त्वं भक्त्यानन्यगया चिरात्
ārādhaya mahādevaṃ tapasā niyamena ca / prītimutpādya tasya tvaṃ bhaktyānanyagayā cirāt
Sanskrit only: no published translation is held for this verse.
श्रेयो महदवाप्नोषि नात्र कार्या विजारणा । तरसा तव भक्त्या च प्रीतो भवति शङ्करः
śreyo mahadavāpnoṣi nātra kāryā vijāraṇā / tarasā tava bhaktyā ca prīto bhavati śaṅkaraḥ
Sanskrit only: no published translation is held for this verse.
करिष्यति च ते सर्वं मनसा यद्यदिच्छसि । तुष्टे तस्मिञ्जगन्नाथे शङ्करे भक्तवत्सले
kariṣyati ca te sarvaṃ manasā yadyadicchasi / tuṣṭe tasmiñjagannāthe śaṅkare bhaktavatsale
Sanskrit only: no published translation is held for this verse.
अस्त्रग्राममशेषं त्वं वणु पुत्र यथेप्सितम् । त्वया हितार्थं देवानां करणीयं सुदुष्करम्
astragrāmamaśeṣaṃ tvaṃ vaṇu putra yathepsitam / tvayā hitārthaṃ devānāṃ karaṇīyaṃ suduṣkaram
Sanskrit only: no published translation is held for this verse.
विद्यते ऽभ्यधिकं कर्म शस्त्रसाध्यमनेकशः । तस्मात्त्वं देवदेवेशं समाराधय शङ्करम्
vidyate 'bhyadhikaṃ karma śastrasādhyamanekaśaḥ / tasmāttvaṃ devadeveśaṃ samārādhaya śaṅkaram
Sanskrit only: no published translation is held for this verse.
भक्त्या परमया युक्तस्ततो ऽभीष्टमवाप्स्यसि
bhaktyā paramayā yuktastato 'bhīṣṭamavāpsyasi
Sanskrit only: no published translation is held for this verse.