Brahmāṇḍa Purāṇa 2.24

इति श्रीब्रह्माण्डे महापुराणे वायुप्रोक्ते मध्यभागे तृतीय उपोद्धातपादे त्रयोविंशतितमो ऽध्यायः वसिष्ठ उवाच इत्युक्तस्तेन भूपाल रामो मतिमतां वरः । निरूप्य मनसा भूयस्तमुवाचाभिविस्मितम्

iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde trayoviṃśatitamo 'dhyāyaḥ vasiṣṭha uvāca ityuktastena bhūpāla rāmo matimatāṃ varaḥ / nirūpya manasā bhūyastamuvācābhivismitam

Sanskrit only: no published translation is held for this verse.

राम उवाच कस्त्वं ब्रूहि महाभाग न वै प्राकृतपूरुषः । इन्द्रस्येवानुभावेन वपुरालक्ष्यते तव

rāma uvāca kastvaṃ brūhi mahābhāga na vai prākṛtapūruṣaḥ / indrasyevānubhāvena vapurālakṣyate tava

Sanskrit only: no published translation is held for this verse.

विचित्रार्थपदौदार्यगुणगांभीर्यजातिभिः । सर्वज्ञस्यैव ते वाणी श्रूयते ऽतिमनोहरा

vicitrārthapadaudāryaguṇagāṃbhīryajātibhiḥ / sarvajñasyaiva te vāṇī śrūyate 'timanoharā

Sanskrit only: no published translation is held for this verse.

इन्द्रो वह्निर्यमो धाता वरुणो वा धनाधिपः । ईशानस्तपनो ब्रह्मा वायुः सोमो गुरुर्गुहः

indro vahniryamo dhātā varuṇo vā dhanādhipaḥ / īśānastapano brahmā vāyuḥ somo gururguhaḥ

Sanskrit only: no published translation is held for this verse.

एषामन्यतमः प्रायो भवान्भवितुमर्हति । अनुभावेन जातिस्ते हृदिशङ्कां तनोति मे

eṣāmanyatamaḥ prāyo bhavānbhavitumarhati / anubhāvena jātiste hṛdiśaṅkāṃ tanoti me

Sanskrit only: no published translation is held for this verse.

मायावी भगवान्विष्णुः श्रूयते पुरुषोत्तमः । को वा त्वं वपुषानेन ब्रूहि मां समुपागतः

māyāvī bhagavānviṣṇuḥ śrūyate puruṣottamaḥ / ko vā tvaṃ vapuṣānena brūhi māṃ samupāgataḥ

Sanskrit only: no published translation is held for this verse.

अथ वा जगतां नाथः सर्वज्ञः परमेश्वरः । परमात्मात्मसंभूतिरात्मारामः सनातनः

atha vā jagatāṃ nāthaḥ sarvajñaḥ parameśvaraḥ / paramātmātmasaṃbhūtirātmārāmaḥ sanātanaḥ

Sanskrit only: no published translation is held for this verse.

स्वच्छन्दचारी भगवाञ्छिवः सर्वजगन्मयः । वपुषानेन संयुक्ते भवान्भवितुमर्हति

svacchandacārī bhagavāñchivaḥ sarvajaganmayaḥ / vapuṣānena saṃyukte bhavānbhavitumarhati

Sanskrit only: no published translation is held for this verse.

नान्यस्येदृग्भवेल्लोके प्रभावानुगतं वपुः । जात्यर्थसौष्ठवोपेता वाणी चौदार्यशालिनी

nānyasyedṛgbhavelloke prabhāvānugataṃ vapuḥ / jātyarthasauṣṭhavopetā vāṇī caudāryaśālinī

Sanskrit only: no published translation is held for this verse.

मन्ये ऽहं भक्तवात्सल्याद्वानेन वपुषाहरः । प्रत्यक्षतामुपगतो संदेहो ऽस्मत्परीक्षया

manye 'haṃ bhaktavātsalyādvānena vapuṣāharaḥ / pratyakṣatāmupagato saṃdeho 'smatparīkṣayā

Sanskrit only: no published translation is held for this verse.

न केवलं भवान् व्याधस्तेषां नेदृग्विधाकृतिः । तस्मात्तुभ्यं नमस्तस्मै सुरुपं संप्रदर्शय

na kevalaṃ bhavān vyādhasteṣāṃ nedṛgvidhākṛtiḥ / tasmāttubhyaṃ namastasmai surupaṃ saṃpradarśaya

Sanskrit only: no published translation is held for this verse.

आविष्कुर्वन्प्रसीदात्ममहिमानुगुणं वपुः । ममानेकविधा शङ्कामुच्येत येन मानसी

āviṣkurvanprasīdātmamahimānuguṇaṃ vapuḥ / mamānekavidhā śaṅkāmucyeta yena mānasī

Sanskrit only: no published translation is held for this verse.

प्रसीद सर्वभावेन बुद्धिमोहौ ममाधुना । प्रणाशय स्वरूपस्य ग्रहणादेव केवलम्

prasīda sarvabhāvena buddhimohau mamādhunā / praṇāśaya svarūpasya grahaṇādeva kevalam

Sanskrit only: no published translation is held for this verse.

प्रार्थयेत्वां महाभाग प्रणम्य शिरसासकृत् । कस्त्वं मे दर्शयात्मानं बद्धो ऽयं ते मयाञ्जलिः

prārthayetvāṃ mahābhāga praṇamya śirasāsakṛt / kastvaṃ me darśayātmānaṃ baddho 'yaṃ te mayāñjaliḥ

Sanskrit only: no published translation is held for this verse.

इत्युक्त्वा तं महाभाग ज्ञातुमिच्छन्भृगूद्वहः । उपविश्य ततो भूमौ ध्यानमास्ते समाहितः

ityuktvā taṃ mahābhāga jñātumicchanbhṛgūdvahaḥ / upaviśya tato bhūmau dhyānamāste samāhitaḥ

Sanskrit only: no published translation is held for this verse.

बद्धपद्मासनो मौनी यतवाक्कायमानसः । निरुद्धप्राणसंचारो दध्यौ चिरमुदारधीः

baddhapadmāsano maunī yatavākkāyamānasaḥ / niruddhaprāṇasaṃcāro dadhyau ciramudāradhīḥ

Sanskrit only: no published translation is held for this verse.

सन्नियम्येन्द्रियग्रामं मनो हृदि निरुध्य च । चिन्तयामास देवेशं ध्यानदृष्ट्या जगद्गुरुम्

sanniyamyendriyagrāmaṃ mano hṛdi nirudhya ca / cintayāmāsa deveśaṃ dhyānadṛṣṭyā jagadgurum

Sanskrit only: no published translation is held for this verse.

अपश्यच्च जगन्नाथमात्मसंधानचक्षुषा । स्वभक्तानुग्रहकरं मृगव्याधस्वरूपिणम्

apaśyacca jagannāthamātmasaṃdhānacakṣuṣā / svabhaktānugrahakaraṃ mṛgavyādhasvarūpiṇam

Sanskrit only: no published translation is held for this verse.

तत उन्मील्य नयने शीघ्रमुत्थाय भार्गवः । ददर्श देवं तेनैव वपुषा पुरतः स्थितम्

tata unmīlya nayane śīghramutthāya bhārgavaḥ / dadarśa devaṃ tenaiva vapuṣā purataḥ sthitam

Sanskrit only: no published translation is held for this verse.

आत्मनो ऽनुग्रहार्थाय शरण्यं भक्तवत्सलम् । आविर्भूतं महाराज दृष्ट्वा रामः ससंभ्रमम्

ātmano 'nugrahārthāya śaraṇyaṃ bhaktavatsalam / āvirbhūtaṃ mahārāja dṛṣṭvā rāmaḥ sasaṃbhramam

Sanskrit only: no published translation is held for this verse.

रोमाञ्छोद्भिन्नसर्वाङ्गो हर्षाश्रुप्लुतलोचनः । पपात पादयोर्भूमौ भक्त्या तस्य महामतिः

romāñchodbhinnasarvāṅgo harṣāśruplutalocanaḥ / papāta pādayorbhūmau bhaktyā tasya mahāmatiḥ

Sanskrit only: no published translation is held for this verse.

स गद्गदमुवाचैनं संभ्रमाकुलया गिरा । शरणं भव शर्वेति शङ्करेत्यसकृन्नृप

sa gadgadamuvācainaṃ saṃbhramākulayā girā / śaraṇaṃ bhava śarveti śaṅkaretyasakṛnnṛpa

Sanskrit only: no published translation is held for this verse.

ततः स्वरुपधृक् शंभुस्तद्भक्तिपरितोषितः । राममुत्थापयामास प्रणा मावनतं भुवि

tataḥ svarupadhṛk śaṃbhustadbhaktiparitoṣitaḥ / rāmamutthāpayāmāsa praṇā māvanataṃ bhuvi

Sanskrit only: no published translation is held for this verse.

उत्थापितो जगद्धात्रा स्वहस्ताभ्यां भृगूद्वहः । तुष्टाव देवदेवेशं पुरः स्थित्वा कृताजलिः

utthāpito jagaddhātrā svahastābhyāṃ bhṛgūdvahaḥ / tuṣṭāva devadeveśaṃ puraḥ sthitvā kṛtājaliḥ

Sanskrit only: no published translation is held for this verse.

राम उवाच नमस्ते देवदेवाय शङ्करायादिमूर्त्तये । नमः शर्वाय शान्ताय शाश्वताय नमोनमः

rāma uvāca namaste devadevāya śaṅkarāyādimūrttaye / namaḥ śarvāya śāntāya śāśvatāya namonamaḥ

Sanskrit only: no published translation is held for this verse.

नमस्ते नीलकण्ठाय नीललोहितमूर्त्तये । नमस्ते भूतनाथाय भूतवासाय ते नमः

namaste nīlakaṇṭhāya nīlalohitamūrttaye / namaste bhūtanāthāya bhūtavāsāya te namaḥ

Sanskrit only: no published translation is held for this verse.

व्यक्ताव्यक्तस्वरूपाय महादेवाय मीढुषे । शिवाय बहुरूपाय त्रिनेत्राय नमोनमः

vyaktāvyaktasvarūpāya mahādevāya mīḍhuṣe / śivāya bahurūpāya trinetrāya namonamaḥ

Sanskrit only: no published translation is held for this verse.

शरणं भव मे शर्व त्वद्भक्तस्य जगत्पते । भूयो ऽनन्याश्रयाणां तु त्वमेव हि परायणम्

śaraṇaṃ bhava me śarva tvadbhaktasya jagatpate / bhūyo 'nanyāśrayāṇāṃ tu tvameva hi parāyaṇam

Sanskrit only: no published translation is held for this verse.

यन्मयापकृतं देव दुरुक्तं वापि शङ्कर । अजानता त्वां भगवन्मम तत्क्षन्तुमर्हसि

yanmayāpakṛtaṃ deva duruktaṃ vāpi śaṅkara / ajānatā tvāṃ bhagavanmama tatkṣantumarhasi

Sanskrit only: no published translation is held for this verse.

अनन्यवेद्यरुपस्य सद्भावमिहकः पुमान् । त्वामृते तव सर्वेश सम्यक् शक्रोति वेदितुम्

ananyavedyarupasya sadbhāvamihakaḥ pumān / tvāmṛte tava sarveśa samyak śakroti veditum

Sanskrit only: no published translation is held for this verse.

तस्मात्त्वं सर्वभावेन प्रसीद मम शङ्कर । नान्यास्ति मे गतिस्तुभ्यं नमो भूयो नमो नमः

tasmāttvaṃ sarvabhāvena prasīda mama śaṅkara / nānyāsti me gatistubhyaṃ namo bhūyo namo namaḥ

Sanskrit only: no published translation is held for this verse.

वसिष्ठ उवाच इति संस्तूयमानस्तु कृताञ्जलिपुटं पुरः । तिष्ठन्तमाह भगवान्प्रसन्नात्मा जगन्मयः

vasiṣṭha uvāca iti saṃstūyamānastu kṛtāñjalipuṭaṃ puraḥ / tiṣṭhantamāha bhagavānprasannātmā jaganmayaḥ

Sanskrit only: no published translation is held for this verse.

भगवानुवाच प्रीतो ऽस्मि भवते तात तपसानेन सांप्रतम् । भक्त्या चैवानपायिन्या ह्यपि भार्गवसत्तम

bhagavānuvāca prīto 'smi bhavate tāta tapasānena sāṃpratam / bhaktyā caivānapāyinyā hyapi bhārgavasattama

Sanskrit only: no published translation is held for this verse.

दास्ये चाभि मतं सवे भवते ऽहं त्वया वृतम् । भक्तो हि मे त्वमत्यर्थं नात्र कार्या विचारणा

dāsye cābhi mataṃ save bhavate 'haṃ tvayā vṛtam / bhakto hi me tvamatyarthaṃ nātra kāryā vicāraṇā

Sanskrit only: no published translation is held for this verse.

मयैवावगतं सर्वं त्दृदि वत्ते ऽद्यवर्त्तते । तस्माद्ब्रवीमि यत्त्वाहं तत्कुरुष्वाविशङ्कितम्

mayaivāvagataṃ sarvaṃ tdṛdi vatte 'dyavarttate / tasmādbravīmi yattvāhaṃ tatkuruṣvāviśaṅkitam

Sanskrit only: no published translation is held for this verse.

नास्त्राणां धारणे वत्स विद्यते शक्तिरद्य ते । रौद्राणां तेन भूयो ऽपि तपो घोरं समाचर

nāstrāṇāṃ dhāraṇe vatsa vidyate śaktiradya te / raudrāṇāṃ tena bhūyo 'pi tapo ghoraṃ samācara

Sanskrit only: no published translation is held for this verse.

परीत्य पृथिवीं सर्वां सर्वतीर्थेषु च क्रमात् । स्रात्वा पवित्रदेहस्त्तवं सर्वाण्यस्त्राण्यवाप्स्यसि

parītya pṛthivīṃ sarvāṃ sarvatīrtheṣu ca kramāt / srātvā pavitradehasttavaṃ sarvāṇyastrāṇyavāpsyasi

Sanskrit only: no published translation is held for this verse.

इत्युक्त्वान्तर्दधे देवस्तेनैव वपुषा विभुः । रामस्य पश्यतो राजन्क्षणेन भवभागकृत्

ityuktvāntardadhe devastenaiva vapuṣā vibhuḥ / rāmasya paśyato rājankṣaṇena bhavabhāgakṛt

Sanskrit only: no published translation is held for this verse.

अन्तर्हिते जगन्नाथे रामो नत्वा तु शङ्करम् । परीत्यवसुधां सर्वां तीर्थस्नाने ऽकरोन्मनः

antarhite jagannāthe rāmo natvā tu śaṅkaram / parītyavasudhāṃ sarvāṃ tīrthasnāne 'karonmanaḥ

Sanskrit only: no published translation is held for this verse.

ततः स पृथिवीं सर्वां परिक्रम्य यथाक्रमम् । चकार सर्वतीर्थेषु स्नानं विधिवदात्मवान्

tataḥ sa pṛthivīṃ sarvāṃ parikramya yathākramam / cakāra sarvatīrtheṣu snānaṃ vidhivadātmavān

Sanskrit only: no published translation is held for this verse.

तीर्थेषु क्षेत्रमुख्येषु तथा देवालयेषु च । पितॄन्देवांश्च विधिवदतर्पयदतन्द्रितः

tīrtheṣu kṣetramukhyeṣu tathā devālayeṣu ca / pitṝndevāṃśca vidhivadatarpayadatandritaḥ

Sanskrit only: no published translation is held for this verse.

उपवासतपोहोमजपस्नानादिसुक्रियाः । तीर्थेषु विधिवत्कुर्वन्परिचक्राम मेदिनीम्

upavāsatapohomajapasnānādisukriyāḥ / tīrtheṣu vidhivatkurvanparicakrāma medinīm

Sanskrit only: no published translation is held for this verse.

एवं क्रमेण तीर्थेषु स्नात्वा चैव वसुंधराम् । प्रदक्षिणीकृत्य शनैः शुद्धदेहो ऽभवन्नृप

evaṃ krameṇa tīrtheṣu snātvā caiva vasuṃdharām / pradakṣiṇīkṛtya śanaiḥ śuddhadeho 'bhavannṛpa

Sanskrit only: no published translation is held for this verse.

परीत्यैवं वसुमतीं भार्गवः शंभुशासनात् । जगाम् भूयस्तं देशं यत्र पूर्वमुवास सः

parītyaivaṃ vasumatīṃ bhārgavaḥ śaṃbhuśāsanāt / jagām bhūyastaṃ deśaṃ yatra pūrvamuvāsa saḥ

Sanskrit only: no published translation is held for this verse.

गत्वा राजन्सतत्रैव स्थित्वा देवमुमापतिम् । भक्त्या संपूजयामास तपोभिर्न्नियमैरपि

gatvā rājansatatraiva sthitvā devamumāpatim / bhaktyā saṃpūjayāmāsa tapobhirnniyamairapi

Sanskrit only: no published translation is held for this verse.

एतस्मिन्नेव काले तु देवानामसुरैः सह । बभूव सुचिरं राजन्संग्रामो रोमहर्षणः

etasminneva kāle tu devānāmasuraiḥ saha / babhūva suciraṃ rājansaṃgrāmo romaharṣaṇaḥ

Sanskrit only: no published translation is held for this verse.

ततो देवान्पराजित्य युद्धे ऽतिबलिनो ऽसुराः । अवापुरमरैश्वर्यमशेषमकुतोभयाः

tato devānparājitya yuddhe 'tibalino 'surāḥ / avāpuramaraiśvaryamaśeṣamakutobhayāḥ

Sanskrit only: no published translation is held for this verse.

युद्धे पराजिता देवाः सकला वासवादयः । शङ्करं शरणं चग्मुर्हतैश्वर्या ह्यरातिभिः

yuddhe parājitā devāḥ sakalā vāsavādayaḥ / śaṅkaraṃ śaraṇaṃ cagmurhataiśvaryā hyarātibhiḥ

Sanskrit only: no published translation is held for this verse.

तोषयित्वा जगन्नाथं प्रणामजय संस्तवैः । प्रार्थयामासुरसुरान्हन्तुं देवाः पिनाकिनम्

toṣayitvā jagannāthaṃ praṇāmajaya saṃstavaiḥ / prārthayāmāsurasurānhantuṃ devāḥ pinākinam

Sanskrit only: no published translation is held for this verse.

ततस्तेषां प्रतिश्रुत्य दानवानां वधं नृप । देवानां वरदः शंभुर्महो दरमुवाच ह

tatasteṣāṃ pratiśrutya dānavānāṃ vadhaṃ nṛpa / devānāṃ varadaḥ śaṃbhurmaho daramuvāca ha

Sanskrit only: no published translation is held for this verse.

हिमद्रेर्दक्षिणे भागे रामो नाम महातपाः । मुनिपुत्रो ऽतितेजस्वी मामुद्दिश्य तपस्यति

himadrerdakṣiṇe bhāge rāmo nāma mahātapāḥ / muniputro 'titejasvī māmuddiśya tapasyati

Sanskrit only: no published translation is held for this verse.

तत्र गत्वात्वमद्यैव निवेद्य मम शासनम् । महोदर तपस्यन्तं तमिहानय माचिरम्

tatra gatvātvamadyaiva nivedya mama śāsanam / mahodara tapasyantaṃ tamihānaya māciram

Sanskrit only: no published translation is held for this verse.

इत्याज्ञप्रस्तथेत्युक्त्वा प्रणभ्येशं महोदरः । जगाम वायुवेगेन यत्र रामो व्यवस्थितः

ityājñaprastathetyuktvā praṇabhyeśaṃ mahodaraḥ / jagāma vāyuvegena yatra rāmo vyavasthitaḥ

Sanskrit only: no published translation is held for this verse.

समासाद्य स तं देशं दृष्ट्वा रामं महामुनिम् । तपस्यन्तमिदं वाक्यमुवाच विनयान्वितः

samāsādya sa taṃ deśaṃ dṛṣṭvā rāmaṃ mahāmunim / tapasyantamidaṃ vākyamuvāca vinayānvitaḥ

Sanskrit only: no published translation is held for this verse.

द्रष्टुमिच्छति शम्भुस्त्वां भृगुवर्यं तदाज्ञया । आगतो ऽहं तदागच्छ तत्पादांबुजसन्निधिम्

draṣṭumicchati śambhustvāṃ bhṛguvaryaṃ tadājñayā / āgato 'haṃ tadāgaccha tatpādāṃbujasannidhim

Sanskrit only: no published translation is held for this verse.

तच्छ्रुत्वा वचनं तस्य शीघ्रमुत्थाय भार्गवः । तदाज्ञां शिरसानन्द्य तथेति प्रत्यभाषत

tacchrutvā vacanaṃ tasya śīghramutthāya bhārgavaḥ / tadājñāṃ śirasānandya tatheti pratyabhāṣata

Sanskrit only: no published translation is held for this verse.

ततो रामं त्वरोपेतः शंभुपार्श्वं महोदरः । प्रापयामास सहसा कैलासे नागसत्तमे

tato rāmaṃ tvaropetaḥ śaṃbhupārśvaṃ mahodaraḥ / prāpayāmāsa sahasā kailāse nāgasattame

Sanskrit only: no published translation is held for this verse.

सहितं सकलैर्भूतैरिन्द्राद्यैश्च सहामरैः । ददर्श भार्गवश्रेष्ठः शङ्करं भक्तवत्सलम्

sahitaṃ sakalairbhūtairindrādyaiśca sahāmaraiḥ / dadarśa bhārgavaśreṣṭhaḥ śaṅkaraṃ bhaktavatsalam

Sanskrit only: no published translation is held for this verse.

संस्तूयमानं मुनिभिर्नारदाद्यैस्तपोधनैः । गन्धर्वैरुपगायद्भिर्नृत्यद्भिश्चाप्सरोगणैः

saṃstūyamānaṃ munibhirnāradādyaistapodhanaiḥ / gandharvairupagāyadbhirnṛtyadbhiścāpsarogaṇaiḥ

Sanskrit only: no published translation is held for this verse.

उपास्यमानं देवेशं गजचर्मधृताम्बरम् । भस्मोद्धूलितसर्वाङ्गं त्रिनेत्रं चन्द्रशेखरम्

upāsyamānaṃ deveśaṃ gajacarmadhṛtāmbaram / bhasmoddhūlitasarvāṅgaṃ trinetraṃ candraśekharam

Sanskrit only: no published translation is held for this verse.

धृतपिङ्गजटाभारं नागाभरमभूषितम् । प्रलम्बोष्ठभुजं सौम्यं प्रसन्नमुखपङ्कजम्

dhṛtapiṅgajaṭābhāraṃ nāgābharamabhūṣitam / pralamboṣṭhabhujaṃ saumyaṃ prasannamukhapaṅkajam

Sanskrit only: no published translation is held for this verse.

आस्थितं काञ्चने पट्टे गीर्वाणसमितौ नृप । उपासर्पत्तु देवेशं भृगुवर्यः कृताञ्जलिः

āsthitaṃ kāñcane paṭṭe gīrvāṇasamitau nṛpa / upāsarpattu deveśaṃ bhṛguvaryaḥ kṛtāñjaliḥ

Sanskrit only: no published translation is held for this verse.

श्रीकण्ठदर्शनोद्वत्तरोमाञ्चाञ्चितविग्रहः । बाष्पत्तु सिक्तकायेन स तु गत्वा हरान्तिकम्

śrīkaṇṭhadarśanodvattaromāñcāñcitavigrahaḥ / bāṣpattu siktakāyena sa tu gatvā harāntikam

Sanskrit only: no published translation is held for this verse.

भक्त्या ससंभ्रमं वाचा हर्षगद्गदयासकृत् । नमस्ते देवदेवेति व्यालपन्नाकुलाक्षरम्

bhaktyā sasaṃbhramaṃ vācā harṣagadgadayāsakṛt / namaste devadeveti vyālapannākulākṣaram

Sanskrit only: no published translation is held for this verse.

पपात संस्पृशन्मूर्ध्ना चरणौ पुरविद्विषः । पश्यतां देववृन्दानां मध्ये भृगुकुलोद्वहम्

papāta saṃspṛśanmūrdhnā caraṇau puravidviṣaḥ / paśyatāṃ devavṛndānāṃ madhye bhṛgukulodvaham

Sanskrit only: no published translation is held for this verse.

तमुत्थाप्य शिवः प्रीतः प्रसन्नमुखपङ्कजम् । रामं मधुरया वाचा प्रहसन्नाह सादरम्

tamutthāpya śivaḥ prītaḥ prasannamukhapaṅkajam / rāmaṃ madhurayā vācā prahasannāha sādaram

Sanskrit only: no published translation is held for this verse.

इमे दैत्यगणैः क्रान्ताः स्वाधिष्ठानात्परिच्युताः । अशक्रुवन्तस्तान्हन्तुं गीर्वाणा मामुपागताः

ime daityagaṇaiḥ krāntāḥ svādhiṣṭhānātparicyutāḥ / aśakruvantastānhantuṃ gīrvāṇā māmupāgatāḥ

Sanskrit only: no published translation is held for this verse.

तस्मान्ममाज्ञया राम देवानां च प्रियेप्सया । जहि दैत्यगणान्सर्वान्समर्थस्त्वं हि मे मतः

tasmānmamājñayā rāma devānāṃ ca priyepsayā / jahi daityagaṇānsarvānsamarthastvaṃ hi me mataḥ

Sanskrit only: no published translation is held for this verse.

ततो रामो ऽब्रवीच्छर्वं प्रणिपत्य कृताञ्जलिः । शृण्वतां सर्वदेवानां सप्रश्रयमिदं वचः

tato rāmo 'bravīccharvaṃ praṇipatya kṛtāñjaliḥ / śṛṇvatāṃ sarvadevānāṃ sapraśrayamidaṃ vacaḥ

Sanskrit only: no published translation is held for this verse.

स्वामिन्न विदितं किं ते सर्वज्ञस्याखिलात्मनः । तथापि विज्ञापयतो वचनं मे ऽवधारय

svāminna viditaṃ kiṃ te sarvajñasyākhilātmanaḥ / tathāpi vijñāpayato vacanaṃ me 'vadhāraya

Sanskrit only: no published translation is held for this verse.

यदि शक्रादिभिर्देवैरखिलैरमरारयः । न शक्या हन्तुमेकस्य शक्याः स्यस्ते कथं मम

yadi śakrādibhirdevairakhilairamarārayaḥ / na śakyā hantumekasya śakyāḥ syaste kathaṃ mama

Sanskrit only: no published translation is held for this verse.

अनस्त्रज्ञो ऽस्मि देवेश युद्धानामप्यकोविदः । कथं हनिष्ये सकलान्सुरशत्रूननायुधः

anastrajño 'smi deveśa yuddhānāmapyakovidaḥ / kathaṃ haniṣye sakalānsuraśatrūnanāyudhaḥ

Sanskrit only: no published translation is held for this verse.

इत्युक्तस्तेन देवेशः सितं कालाग्निसप्रभम् । शैवमस्त्रमयं तेजो ददौ तस्मै महात्मने

ityuktastena deveśaḥ sitaṃ kālāgnisaprabham / śaivamastramayaṃ tejo dadau tasmai mahātmane

Sanskrit only: no published translation is held for this verse.

आत्मीयं परशुं दत्वा सर्वशस्त्राभिभावकम् । रामपाह प्रसन्नात्मा गीर्वाणानां तु शृण्वतम्

ātmīyaṃ paraśuṃ datvā sarvaśastrābhibhāvakam / rāmapāha prasannātmā gīrvāṇānāṃ tu śṛṇvatam

Sanskrit only: no published translation is held for this verse.

मत्प्रसादेन सकलान्सुरशत्रून्विनिघ्नतः । शक्तिर्भवतु ते सौम्य समस्तारिदुरासदा

matprasādena sakalānsuraśatrūnvinighnataḥ / śaktirbhavatu te saumya samastāridurāsadā

Sanskrit only: no published translation is held for this verse.

अनेनैवायुधेन त्वं गच्छ युध्यस्व शत्रुभिः । स्वयमेव च वेत्सि त्वं यथावद्युद्धकौशलम्

anenaivāyudhena tvaṃ gaccha yudhyasva śatrubhiḥ / svayameva ca vetsi tvaṃ yathāvadyuddhakauśalam

Sanskrit only: no published translation is held for this verse.

वसिष्ठ उवाच एवमुक्तस्ततो रामः शंभुना तं प्रणम्य च । जग्राह परशुं शैव विबुधारिवधोद्यतः

vasiṣṭha uvāca evamuktastato rāmaḥ śaṃbhunā taṃ praṇamya ca / jagrāha paraśuṃ śaiva vibudhārivadhodyataḥ

Sanskrit only: no published translation is held for this verse.

ततः स शुशुभे रामो विष्णुतेर्ञ्जो ऽशसंभवः । रुद्रभक्त्या समायुक्तो द्युत्येव सवितुर्महः

tataḥ sa śuśubhe rāmo viṣṇuterñjo 'śasaṃbhavaḥ / rudrabhaktyā samāyukto dyutyeva saviturmahaḥ

Sanskrit only: no published translation is held for this verse.

सो ऽनुज्ञातस्त्रिनेत्रेण देवैः सर्वैः समन्वितः । जगाम हन्तुमसुरान्युद्धाय कृतनिश्चयः

so 'nujñātastrinetreṇa devaiḥ sarvaiḥ samanvitaḥ / jagāma hantumasurānyuddhāya kṛtaniścayaḥ

Sanskrit only: no published translation is held for this verse.

ततो ऽभवत्पुनर्युद्धं देवानामसुरैः सह । त्रैलोक्यविजयोद्युक्तै राजन्नतिभयङ्करम्

tato 'bhavatpunaryuddhaṃ devānāmasuraiḥ saha / trailokyavijayodyuktai rājannatibhayaṅkaram

Sanskrit only: no published translation is held for this verse.

अथ रामो महाबाहुस्तस्मिन्युद्धे सुदारुणे । कुद्धः परशुना तेन निजघान महासुरान्

atha rāmo mahābāhustasminyuddhe sudāruṇe / kuddhaḥ paraśunā tena nijaghāna mahāsurān

Sanskrit only: no published translation is held for this verse.

प्रहारैरशनिप्रख्यैर्निघ्नन्दैत्यान्सहस्रशः । चचार समरे रामः क्रुद्धः काल इवापरः

prahārairaśaniprakhyairnighnandaityānsahasraśaḥ / cacāra samare rāmaḥ kruddhaḥ kāla ivāparaḥ

Sanskrit only: no published translation is held for this verse.

हत्वा तु सकलान्दैत्यान्देवान्सर्वानहर्षयत् । क्षणेन नाशयामास रामः प्रहरतां वरः

hatvā tu sakalāndaityāndevānsarvānaharṣayat / kṣaṇena nāśayāmāsa rāmaḥ praharatāṃ varaḥ

Sanskrit only: no published translation is held for this verse.

रामेण हन्यमा नास्तु समस्ता दैत्यदानवाः । ददृशुः सर्वतो रामं हतशेषा भयान्विताः

rāmeṇa hanyamā nāstu samastā daityadānavāḥ / dadṛśuḥ sarvato rāmaṃ hataśeṣā bhayānvitāḥ

Sanskrit only: no published translation is held for this verse.

हतेष्वसुरसंघेषु विद्रुतेषु च कृत्स्नशः । राममामन्त्र्य विबुधाः प्रययुस्त्रिदिवं पुनः

hateṣvasurasaṃgheṣu vidruteṣu ca kṛtsnaśaḥ / rāmamāmantrya vibudhāḥ prayayustridivaṃ punaḥ

Sanskrit only: no published translation is held for this verse.

रामो ऽपि हत्वा दितिजानभ्यनुज्ञाप्य चामरान् । स्वमाश्रमं समापेदे तपस्यासक्तमानसः

rāmo 'pi hatvā ditijānabhyanujñāpya cāmarān / svamāśramaṃ samāpede tapasyāsaktamānasaḥ

Sanskrit only: no published translation is held for this verse.

मृगव्याधप्रतिकृतिं कृत्वा शम्भोर्महामतिः । भक्त्या संपूजयामास स तस्मिन्नाश्रमेवशी

mṛgavyādhapratikṛtiṃ kṛtvā śambhormahāmatiḥ / bhaktyā saṃpūjayāmāsa sa tasminnāśramevaśī

Sanskrit only: no published translation is held for this verse.

गन्धैः पुष्पैस्तथा हृद्यैर्नैवेद्यैरभिवन्दनैः । स्तोत्रैश्च विधिवद्भक्त्या परां प्रीतिमुपानयत्

gandhaiḥ puṣpaistathā hṛdyairnaivedyairabhivandanaiḥ / stotraiśca vidhivadbhaktyā parāṃ prītimupānayat

Sanskrit only: no published translation is held for this verse.