Library·Brahmāṇḍa Purāṇa·2·2.30
इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादेर्ऽजुनोपाख्याने एकोनत्रिंशत्तमो ऽध्यायः ॥ २९॥ वासिष्ठ उवाच श्रुस्वैतत्सकलं राजा जमदग्निवधादिकम् । उद्विग्नचेताः सुभृशं चिन्तयामास नैकधा
iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāder'junopākhyāne ekonatriṃśattamo 'dhyāyaḥ // 29// vāsiṣṭha uvāca śrusvaitatsakalaṃ rājā jamadagnivadhādikam / udvignacetāḥ subhṛśaṃ cintayāmāsa naikadhā
Sanskrit only: no published translation is held for this verse.
अहो मे सुनृसंसस्य लोकयोरुभयोरपि । ब्रह्मस्वहरणे वाञ्छा तद्धत्या चातिगर्हिता
aho me sunṛsaṃsasya lokayorubhayorapi / brahmasvaharaṇe vāñchā taddhatyā cātigarhitā
Sanskrit only: no published translation is held for this verse.
अहो नाश्रौषमस्याहं ब्राह्मणस्य विजानतः । वचनं तर्हि तां जह्यां विमूढात्मा गतत्रपः
aho nāśrauṣamasyāhaṃ brāhmaṇasya vijānataḥ / vacanaṃ tarhi tāṃ jahyāṃ vimūḍhātmā gatatrapaḥ
Sanskrit only: no published translation is held for this verse.
इति संचितयन्नंव हृदयेन विदूयता । स्वपुरं प्रतिचक्राम सबलः सानुगस्ततः
iti saṃcitayannaṃva hṛdayena vidūyatā / svapuraṃ praticakrāma sabalaḥ sānugastataḥ
Sanskrit only: no published translation is held for this verse.
पुरीं प्रतिगते राज्ञि तस्मिन्सपरिवारके । आश्रमात्सहसा राजन्विनिश्चक्राम रेणुका
purīṃ pratigate rājñi tasminsaparivārake / āśramātsahasā rājanviniścakrāma reṇukā
Sanskrit only: no published translation is held for this verse.
अथ सक्षतसर्वाङ्गं रुधिरेण परिप्लुतम् । निश्चेष्टं परितं भूमौ ददर्श पतिमात्मनः
atha sakṣatasarvāṅgaṃ rudhireṇa pariplutam / niśceṣṭaṃ paritaṃ bhūmau dadarśa patimātmanaḥ
Sanskrit only: no published translation is held for this verse.
ततः सा विहतं मत्वा भर्त्तारं गतचेतनम् । अन्वाहतेवाशनिना मूर्छितान्यपतद्भुवि
tataḥ sā vihataṃ matvā bharttāraṃ gatacetanam / anvāhatevāśaninā mūrchitānyapatadbhuvi
Sanskrit only: no published translation is held for this verse.
चिरादिव पुनर्भूमेरुत्थायातीव दुःखिता । पतित्वोत्थाय सा भूयः सुस्वरं प्ररुरोद ह
cirādiva punarbhūmerutthāyātīva duḥkhitā / patitvotthāya sā bhūyaḥ susvaraṃ praruroda ha
Sanskrit only: no published translation is held for this verse.
विललाप च सात्यर्थं धरणीधूलिधूसरा । अश्रुपूर्ममुखी दीना पतिता शोकसागरे
vilalāpa ca sātyarthaṃ dharaṇīdhūlidhūsarā / aśrupūrmamukhī dīnā patitā śokasāgare
Sanskrit only: no published translation is held for this verse.
हा नाथ पिय धर्मज्ञ दाक्षिण्यामृतसागर । हा धिगत्यन्तशान्त त्वं नैव काङ्क्षेत चेदृशम्
hā nātha piya dharmajña dākṣiṇyāmṛtasāgara / hā dhigatyantaśānta tvaṃ naiva kāṅkṣeta cedṛśam
Sanskrit only: no published translation is held for this verse.
आश्रमादभिनिष्क्रान्तः सहसा व्यसानर्णवे । क्षिप्त्वानाथामगाधे मां क्व च यातो ऽसि मानद
āśramādabhiniṣkrāntaḥ sahasā vyasānarṇave / kṣiptvānāthāmagādhe māṃ kva ca yāto 'si mānada
Sanskrit only: no published translation is held for this verse.
सतां साप्तपदे मैत्रे मुषिताहं त्वया सह । यासि यत्र त्वमेकाकी तत्र मां नेतुमर्हसि
satāṃ sāptapade maitre muṣitāhaṃ tvayā saha / yāsi yatra tvamekākī tatra māṃ netumarhasi
Sanskrit only: no published translation is held for this verse.
दृष्ट्वा त्वामीदृशावस्थमचिराद्धृदयं मम । न दीर्यते महाभाग कठिनाः खलु योषितः
dṛṣṭvā tvāmīdṛśāvasthamacirāddhṛdayaṃ mama / na dīryate mahābhāga kaṭhināḥ khalu yoṣitaḥ
Sanskrit only: no published translation is held for this verse.
इत्येवं विलपन्ती सा रुदती च मुहुर्मुहुः । चुक्रोश रामरामेति भृशं दुःखपरिप्लुता
ityevaṃ vilapantī sā rudatī ca muhurmuhuḥ / cukrośa rāmarāmeti bhṛśaṃ duḥkhapariplutā
Sanskrit only: no published translation is held for this verse.
तावद्रामो ऽपि स वनात्समिद्भारसमन्वितः । अकृतव्रणसंयुक्तः स्वाश्रमाय न्यवर्त्तत
tāvadrāmo 'pi sa vanātsamidbhārasamanvitaḥ / akṛtavraṇasaṃyuktaḥ svāśramāya nyavarttata
Sanskrit only: no published translation is held for this verse.
अपश्यद्भयशंसीनि निमित्तानि बहूनि सः । पश्यन्नुद्विग्नहृदयस्तूर्णं प्रापाश्रमं विभुः
apaśyadbhayaśaṃsīni nimittāni bahūni saḥ / paśyannudvignahṛdayastūrṇaṃ prāpāśramaṃ vibhuḥ
Sanskrit only: no published translation is held for this verse.
तमायान्तमभिप्रेक्ष्य रुदती सा भृशातुरा । नविभूतेव शोकेन प्रारुदद्रेणुका पुनः
tamāyāntamabhiprekṣya rudatī sā bhṛśāturā / navibhūteva śokena prārudadreṇukā punaḥ
Sanskrit only: no published translation is held for this verse.
रामस्य पुरतो राजन्भर्तृव्यसनपीडिता । उभाभ्यामपि हस्ताभ्यामुदरं समताडयत्
rāmasya purato rājanbhartṛvyasanapīḍitā / ubhābhyāmapi hastābhyāmudaraṃ samatāḍayat
Sanskrit only: no published translation is held for this verse.
मार्गे विदितवृत्तान्तः सम्यग्रामो ऽपि मातरम् । कुररीमिव शोकार्त्ता दृष्ट्वा दुःखमुपेयिवान्
mārge viditavṛttāntaḥ samyagrāmo 'pi mātaram / kurarīmiva śokārttā dṛṣṭvā duḥkhamupeyivān
Sanskrit only: no published translation is held for this verse.
धैर्यमारोप्य मेधावी दुःशशोकपरिप्लुतः । नेत्राभ्यामश्रुपूर्णाभ्यां तस्थौ भूमावर्धोमुखः
dhairyamāropya medhāvī duḥśaśokapariplutaḥ / netrābhyāmaśrupūrṇābhyāṃ tasthau bhūmāvardhomukhaḥ
Sanskrit only: no published translation is held for this verse.
तं तथागतमालोक्य रामं प्राहाकृतव्रणः । किमिदं भृगुशार्दूल नैतत्वय्युपपाद्यते
taṃ tathāgatamālokya rāmaṃ prāhākṛtavraṇaḥ / kimidaṃ bhṛguśārdūla naitatvayyupapādyate
Sanskrit only: no published translation is held for this verse.
न त्वादृशा महाभाग भृशं शोचन्ति कुत्रचित् । धृतिमन्तो महान्तस्तु दुःखं कुर्वति न व्यये
na tvādṛśā mahābhāga bhṛśaṃ śocanti kutracit / dhṛtimanto mahāntastu duḥkhaṃ kurvati na vyaye
Sanskrit only: no published translation is held for this verse.
शोकः सर्वेन्द्रियाणां हि परिशोषप्रदायकः । त्यज शोकं महाबाहो न तत्पात्रं भवदृशाः
śokaḥ sarvendriyāṇāṃ hi pariśoṣapradāyakaḥ / tyaja śokaṃ mahābāho na tatpātraṃ bhavadṛśāḥ
Sanskrit only: no published translation is held for this verse.
एहिकामुष्मिकार्थानां नूनमेकान्तरोधकः । शोकस्तस्यावकाशं त्वं कथं त्दृदि नियच्छसि
ehikāmuṣmikārthānāṃ nūnamekāntarodhakaḥ / śokastasyāvakāśaṃ tvaṃ kathaṃ tdṛdi niyacchasi
Sanskrit only: no published translation is held for this verse.
तत्त्वं धैर्यधनो भूत्वा परिसांत्वय मातरम् । रुदतीं बत वैधव्यशं कापहतचेतनाम्
tattvaṃ dhairyadhano bhūtvā parisāṃtvaya mātaram / rudatīṃ bata vaidhavyaśaṃ kāpahatacetanām
Sanskrit only: no published translation is held for this verse.
नैवागमनमस्तीह व्यतिक्रान्तस्य वस्तुनः । तस्मादतीतमखिलं त्यक्त्वा कृत्यं विचिन्तय
naivāgamanamastīha vyatikrāntasya vastunaḥ / tasmādatītamakhilaṃ tyaktvā kṛtyaṃ vicintaya
Sanskrit only: no published translation is held for this verse.
इत्येवं सांत्वमानश्च तेन दुःशसमन्वितः । रामः संस्तंभयामास शनैरात्मानमात्मना
ityevaṃ sāṃtvamānaśca tena duḥśasamanvitaḥ / rāmaḥ saṃstaṃbhayāmāsa śanairātmānamātmanā
Sanskrit only: no published translation is held for this verse.
दुःखशोकपरीता हि रेणुका त्वरुदन्मुहः । त्रिःसप्तकृत्वो हस्ताभ्यामुदरं समताडयत्
duḥkhaśokaparītā hi reṇukā tvarudanmuhaḥ / triḥsaptakṛtvo hastābhyāmudaraṃ samatāḍayat
Sanskrit only: no published translation is held for this verse.
तावत्तदन्तिकं रामः समभ्येत्याश्रुलोचनः । रुदतीमलमंबेति सांत्वयामास मातरम्
tāvattadantikaṃ rāmaḥ samabhyetyāśrulocanaḥ / rudatīmalamaṃbeti sāṃtvayāmāsa mātaram
Sanskrit only: no published translation is held for this verse.
उवाचापनयन्दुःखाद्भर्तृशोकपरायणाम् । त्रिःसप्तकृत्वो यदिदं त्वया वक्षः समाहतम्
uvācāpanayanduḥkhādbhartṛśokaparāyaṇām / triḥsaptakṛtvo yadidaṃ tvayā vakṣaḥ samāhatam
Sanskrit only: no published translation is held for this verse.
तावतसंख्यमहं तस्मात्क्षत्त्रजारमशेषतः । हनिष्ये भुवि सर्वत्र सत्यमेतद्ब्रविमि ते
tāvatasaṃkhyamahaṃ tasmātkṣattrajāramaśeṣataḥ / haniṣye bhuvi sarvatra satyametadbravimi te
Sanskrit only: no published translation is held for this verse.
तस्मात्त्वं शोकमुत्सृज्य धैर्यमातिष्ट सांप्रतम् । नास्त्येव नूनमायातमतिक्रान्तस्य वस्तुनः
tasmāttvaṃ śokamutsṛjya dhairyamātiṣṭa sāṃpratam / nāstyeva nūnamāyātamatikrāntasya vastunaḥ
Sanskrit only: no published translation is held for this verse.
इत्युक्ता रेणुका तेन भृशं दुःखान्वितापि सा । कृच्छ्राद्धैर्यं समालंब्य तथेति प्रत्यभाषत
ityuktā reṇukā tena bhṛśaṃ duḥkhānvitāpi sā / kṛcchrāddhairyaṃ samālaṃbya tatheti pratyabhāṣata
Sanskrit only: no published translation is held for this verse.
ततो रामो महाबाहुः पितुः सह सहोदरैः । अग्नौ सत्कर्त्तुमारेभे देहं राजन्यथविधि
tato rāmo mahābāhuḥ pituḥ saha sahodaraiḥ / agnau satkarttumārebhe dehaṃ rājanyathavidhi
Sanskrit only: no published translation is held for this verse.
भर्तृशोकपरिताङ्गी रेणुकापि दृढव्रता । पुत्रान्सर्वान्समाहूय त्विदं वचनमब्रवीत्
bhartṛśokaparitāṅgī reṇukāpi dṛḍhavratā / putrānsarvānsamāhūya tvidaṃ vacanamabravīt
Sanskrit only: no published translation is held for this verse.
रेणुकोवाच । अहं व-पितरं पुत्राः स्वर्गतं पुण्यशीलिनम् । अनुगन्तुमिहेच्छामि तन्मे ऽनुज्ञातुमर्हथ
reṇukovāca / ahaṃ va-pitaraṃ putrāḥ svargataṃ puṇyaśīlinam / anugantumihecchāmi tanme 'nujñātumarhatha
Sanskrit only: no published translation is held for this verse.
असह्यदुःशं वैधव्यं सहमाना कथं पुनः । भर्त्रा विरहिता तेन प्रवर्त्तिष्ये विनिन्दिता
asahyaduḥśaṃ vaidhavyaṃ sahamānā kathaṃ punaḥ / bhartrā virahitā tena pravarttiṣye vininditā
Sanskrit only: no published translation is held for this verse.
तस्मादनुगमिष्यामि भर्त्तारं दयितं मम । यथा तेन प्रवर्त्तिष्ये परत्रापि सहानिशम्
tasmādanugamiṣyāmi bharttāraṃ dayitaṃ mama / yathā tena pravarttiṣye paratrāpi sahāniśam
Sanskrit only: no published translation is held for this verse.
ज्वलन्तमिममेवाग्निं संप्रविश्य चिरादिव । भर्तुर्मम भविष्यामि पितृलोकप्रियातिथिः
jvalantamimamevāgniṃ saṃpraviśya cirādiva / bharturmama bhaviṣyāmi pitṛlokapriyātithiḥ
Sanskrit only: no published translation is held for this verse.
अनुवादमृते पुत्रा भवद्भिस्तत्र कर्मणि । प्रतिभूय न वक्तव्यं यदि मत्प्रियमिच्छथ
anuvādamṛte putrā bhavadbhistatra karmaṇi / pratibhūya na vaktavyaṃ yadi matpriyamicchatha
Sanskrit only: no published translation is held for this verse.
इत्येवमुक्त्वा वचनं रेणुका दृढनिश्चया । अग्निं प्रविश्य भर्त्तारमनुगन्तुं मनोदधे
ityevamuktvā vacanaṃ reṇukā dṛḍhaniścayā / agniṃ praviśya bharttāramanugantuṃ manodadhe
Sanskrit only: no published translation is held for this verse.
एतस्मिन्नेव काले तु रेणुकां तनयैः सह । समाभाष्यातिगंभीरा वागुवाचाशरीरीणी
etasminneva kāle tu reṇukāṃ tanayaiḥ saha / samābhāṣyātigaṃbhīrā vāguvācāśarīrīṇī
Sanskrit only: no published translation is held for this verse.
हे रेणुके स्वतनयैर्गिरं मे ऽवहिता शृणु । मा कार्षीः साहसं भद्रे प्रवक्ष्यामि प्रियं तव
he reṇuke svatanayairgiraṃ me 'vahitā śṛṇu / mā kārṣīḥ sāhasaṃ bhadre pravakṣyāmi priyaṃ tava
Sanskrit only: no published translation is held for this verse.
साहसो नैव कर्त्तव्यः केनाप्यात्महितैषिणा । न मर्त्तव्यन्त्वया सर्वो जीवन्भद्राणि पश्यति
sāhaso naiva karttavyaḥ kenāpyātmahitaiṣiṇā / na marttavyantvayā sarvo jīvanbhadrāṇi paśyati
Sanskrit only: no published translation is held for this verse.
तस्माद्धैर्यधना भूत्वा भव त्वं कालकाङ्क्षिणी । निमित्तमन्तरीकृत्य किञ्चिदेव शुचिस्मिते
tasmāddhairyadhanā bhūtvā bhava tvaṃ kālakāṅkṣiṇī / nimittamantarīkṛtya kiñcideva śucismite
Sanskrit only: no published translation is held for this verse.
अचिरेणैव भर्त्ता ते भविष्यति सचेतनः । उत्पन्नजीवितेन त्वं कामं प्राप्स्यसि शोभने । भवित्री चिररात्राय बहुकल्याण भाजनम्
acireṇaiva bharttā te bhaviṣyati sacetanaḥ / utpannajīvitena tvaṃ kāmaṃ prāpsyasi śobhane / bhavitrī cirarātrāya bahukalyāṇa bhājanam
Sanskrit only: no published translation is held for this verse.
वसिष्ठ उवाच इति तद्वचनं श्रुत्वा धृतिमालंब्य रेणुका । तद्वाक्यगौरवाद्धर्षमवापुस्तनयाश्च ते
vasiṣṭha uvāca iti tadvacanaṃ śrutvā dhṛtimālaṃbya reṇukā / tadvākyagauravāddharṣamavāpustanayāśca te
Sanskrit only: no published translation is held for this verse.
ततोनीत्वा पितुर्देहमाश्रमाभ्यन्तरं मुनेः । शाययित्वा निवाते तु परितः समुपाविशन्
tatonītvā piturdehamāśramābhyantaraṃ muneḥ / śāyayitvā nivāte tu paritaḥ samupāviśan
Sanskrit only: no published translation is held for this verse.
तेषां तत्रोपविष्टानामप्रहृष्टात्मचेतसाम् । निमत्तानि शुभान्यासन्ननेकानि महान्ति च
teṣāṃ tatropaviṣṭānāmaprahṛṣṭātmacetasām / nimattāni śubhānyāsannanekāni mahānti ca
Sanskrit only: no published translation is held for this verse.
तेन ते किञ्चिदाश्वस्तचेतसो मुनिपुङ्गवाः । निषेदुः सहिता मात्रा काङ्क्षन्तो जीवितं पितुः
tena te kiñcidāśvastacetaso munipuṅgavāḥ / niṣeduḥ sahitā mātrā kāṅkṣanto jīvitaṃ pituḥ
Sanskrit only: no published translation is held for this verse.
एतस्मिन्नन्तरे राजन्भृगुवंशधरो मुनिः । विधेर्बलेन मतिमांस्तत्रागच्छद्यदृच्छया
etasminnantare rājanbhṛguvaṃśadharo muniḥ / vidherbalena matimāṃstatrāgacchadyadṛcchayā
Sanskrit only: no published translation is held for this verse.
अथर्वणां विधिः सा क्षाद्वेदवेदाङ्गपारगः । सर्वशास्त्रार्थवित्प्राज्ञः सकलासुरवन्दितः
atharvaṇāṃ vidhiḥ sā kṣādvedavedāṅgapāragaḥ / sarvaśāstrārthavitprājñaḥ sakalāsuravanditaḥ
Sanskrit only: no published translation is held for this verse.
मृतसंजीविनीं विद्यां यो वेद मुनिदुर्लभाम् । यथाहतान्मृतान्देवैरुत्थापयति दानवान्
mṛtasaṃjīvinīṃ vidyāṃ yo veda munidurlabhām / yathāhatānmṛtāndevairutthāpayati dānavān
Sanskrit only: no published translation is held for this verse.
शास्त्रमोशनसं येन राज्ञां राज्यफलप्रदम् । प्रणीतमनुजीवन्ति सर्वे ऽद्यापीह पार्थिवाः
śāstramośanasaṃ yena rājñāṃ rājyaphalapradam / praṇītamanujīvanti sarve 'dyāpīha pārthivāḥ
Sanskrit only: no published translation is held for this verse.
स तदाश्रममासाद्य प्रविष्टो ऽन्तर्महामुनिः । ददर्श तदवस्थांस्तान्सर्वान्दुःखपरिप्लुतान्
sa tadāśramamāsādya praviṣṭo 'ntarmahāmuniḥ / dadarśa tadavasthāṃstānsarvānduḥkhapariplutān
Sanskrit only: no published translation is held for this verse.
अथ ते तु भृगुं दृष्ट्वा वंशम्य पितरं मुदा । उत्थायास्मै ददुश्चापि सत्कृत्य परमासनम्
atha te tu bhṛguṃ dṛṣṭvā vaṃśamya pitaraṃ mudā / utthāyāsmai daduścāpi satkṛtya paramāsanam
Sanskrit only: no published translation is held for this verse.
स चाशीर्भिस्तु तान्सर्वानभिनन्द्य महामुनिः । पप्रच्छ किमिदं वृत्तं तत्सर्वं ते न्यवेदयन्
sa cāśīrbhistu tānsarvānabhinandya mahāmuniḥ / papraccha kimidaṃ vṛttaṃ tatsarvaṃ te nyavedayan
Sanskrit only: no published translation is held for this verse.
तच्छ्रुत्वा स भृगुः शीघ्रं जलमादाय मन्त्रवित् । संजीविन्या विनया तं सिषेच प्रोच्चरन्निदम्
tacchrutvā sa bhṛguḥ śīghraṃ jalamādāya mantravit / saṃjīvinyā vinayā taṃ siṣeca proccarannidam
Sanskrit only: no published translation is held for this verse.
यज्ञस्य तपसो वीय ममापि शुभमस्ति चेत् । तेनासौ जीवताच्छीघ्रं प्रसुप्त इवचोत्थितः
yajñasya tapaso vīya mamāpi śubhamasti cet / tenāsau jīvatācchīghraṃ prasupta ivacotthitaḥ
Sanskrit only: no published translation is held for this verse.
एवमुक्ते शुभे वाक्ये भृगुणा साधुकारिणा । समुत्तस्थावथार्चीकः साक्षाद्ग्ररुरिवापरः
evamukte śubhe vākye bhṛguṇā sādhukāriṇā / samuttasthāvathārcīkaḥ sākṣādgrarurivāparaḥ
Sanskrit only: no published translation is held for this verse.
दृष्ट्वा तत्र स्थितं वन्द्यं भृगुं स्वस्य पितामहम् । ननाम भक्त्या नृपते कृताञ्जलिरुवाच ह
dṛṣṭvā tatra sthitaṃ vandyaṃ bhṛguṃ svasya pitāmaham / nanāma bhaktyā nṛpate kṛtāñjaliruvāca ha
Sanskrit only: no published translation is held for this verse.
जमदग्निरुवाच धन्यो ऽहं कृतकृत्यो ऽहं सफलं जीवितं च मे
jamadagniruvāca dhanyo 'haṃ kṛtakṛtyo 'haṃ saphalaṃ jīvitaṃ ca me
Sanskrit only: no published translation is held for this verse.
यत्पश्ये चरणौ ते ऽद्य सुरासुरनमस्कृतौ । भगवन्किं करोम्यद्य शुश्रूषां तव मानद
yatpaśye caraṇau te 'dya surāsuranamaskṛtau / bhagavankiṃ karomyadya śuśrūṣāṃ tava mānada
Sanskrit only: no published translation is held for this verse.
पुनीह्यात्मकुलं स्वस्य चरणांबुकणैर्विभो । इत्युक्त्वा सहसाऽनीतं रामेणार्ध्यं मुदान्वितः
punīhyātmakulaṃ svasya caraṇāṃbukaṇairvibho / ityuktvā sahasā'nītaṃ rāmeṇārdhyaṃ mudānvitaḥ
Sanskrit only: no published translation is held for this verse.
प्रददौ पादयोस्तस्य भक्त्यान मितकन्धरः । तज्जलं शिरसाधत्त सकुटुंबो महामनाः
pradadau pādayostasya bhaktyāna mitakandharaḥ / tajjalaṃ śirasādhatta sakuṭuṃbo mahāmanāḥ
Sanskrit only: no published translation is held for this verse.
अथ सत्कृत्य स भृगुं पप्रच्छ विनयान्वितः । भगवन् किं कृतं तेन राज्ञा दुष्टेन पातकम्
atha satkṛtya sa bhṛguṃ papraccha vinayānvitaḥ / bhagavan kiṃ kṛtaṃ tena rājñā duṣṭena pātakam
Sanskrit only: no published translation is held for this verse.
यस्यातिथ्यं हि कृतवानहं सम्यग्विधानतः । साधुबुद्ध्यास दुष्टात्मा किं चकार महामते
yasyātithyaṃ hi kṛtavānahaṃ samyagvidhānataḥ / sādhubuddhyāsa duṣṭātmā kiṃ cakāra mahāmate
Sanskrit only: no published translation is held for this verse.
वसिष्ठ उवाच एवं स पृष्टो मतिमान्भृगुः सर्वविदीश्वरः । चिरं ध्यात्वा समालोच्य कारणं प्राह भूपते
vasiṣṭha uvāca evaṃ sa pṛṣṭo matimānbhṛguḥ sarvavidīśvaraḥ / ciraṃ dhyātvā samālocya kāraṇaṃ prāha bhūpate
Sanskrit only: no published translation is held for this verse.
भृगुरुवाच शृणु तात महाभाग बीजमस्य हि कर्मणः । यश्च वै कृतवान्पापं सर्वज्ञस्य तवानघ
bhṛguruvāca śṛṇu tāta mahābhāga bījamasya hi karmaṇaḥ / yaśca vai kṛtavānpāpaṃ sarvajñasya tavānagha
Sanskrit only: no published translation is held for this verse.
शप्तः पुरा वसिष्ठेन नाशार्थं स महीपतिः । द्विजापराधतो मूढ वीर्यं ते विनशिष्यते
śaptaḥ purā vasiṣṭhena nāśārthaṃ sa mahīpatiḥ / dvijāparādhato mūḍha vīryaṃ te vinaśiṣyate
Sanskrit only: no published translation is held for this verse.
तत्कथं वचनं तस्य भविष्यत्यन्यथा मुनेः । अयं रामो महावीर्यं प्रसह्यनृपपुङ्गवम्
tatkathaṃ vacanaṃ tasya bhaviṣyatyanyathā muneḥ / ayaṃ rāmo mahāvīryaṃ prasahyanṛpapuṅgavam
Sanskrit only: no published translation is held for this verse.
हनिष्यति महाबाहो प्रतिज्ञां कृतवान्पुरा । यस्मादुरः प्रतिहतं त्वया मातर्ममाग्रतः
haniṣyati mahābāho pratijñāṃ kṛtavānpurā / yasmāduraḥ pratihataṃ tvayā mātarmamāgrataḥ
Sanskrit only: no published translation is held for this verse.
एकविंशतिवारं हि भृशं दुःखपरीतया । त्रिः सप्तकृत्वो निःक्षत्रां करिष्ये पृथिवीमिमाम्
ekaviṃśativāraṃ hi bhṛśaṃ duḥkhaparītayā / triḥ saptakṛtvo niḥkṣatrāṃ kariṣye pṛthivīmimām
Sanskrit only: no published translation is held for this verse.
अतो ऽयं वार्यमाणो ऽपि त्वाया पित्रा निरन्तरम् । भाविनोर्ऽथस्य च बलात्करिष्यत्येव मानद
ato 'yaṃ vāryamāṇo 'pi tvāyā pitrā nirantaram / bhāvinor'thasya ca balātkariṣyatyeva mānada
Sanskrit only: no published translation is held for this verse.
स तु राजा महाभागो वृद्धानां पर्युपासिता । दत्तात्रेयाद्धरेरंशाल्लब्धबोधो महामतिः
sa tu rājā mahābhāgo vṛddhānāṃ paryupāsitā / dattātreyāddhareraṃśāllabdhabodho mahāmatiḥ
Sanskrit only: no published translation is held for this verse.
साक्षाद्भक्तो महात्मा च तद्वधे पातकं भवेत् । एवमुक्त्वा महाराज स भृगुर्ब्रह्मणः सुतः । यथागतं ययौ विद्वान्भविष्यत्कालपर्ययात्
sākṣādbhakto mahātmā ca tadvadhe pātakaṃ bhavet / evamuktvā mahārāja sa bhṛgurbrahmaṇaḥ sutaḥ / yathāgataṃ yayau vidvānbhaviṣyatkālaparyayāt
Sanskrit only: no published translation is held for this verse.