Brahmāṇḍa Purāṇa 2.33

इति श्रीब्रह्माण्डे महापुराणे वायुप्रोक्ते मध्यभागे तृतीय उपोद्धातपादे भार्गवचरिते द्वात्रिंशत्तमो ऽध्यायः ॥ ३२॥ सगर उवाच श्रुतं सर्वं मुनिश्रेष्ठ कीर्त्यमानं त्वया विभो । कवचं वद सर्वत्र त्रैलोक्यविजयप्रदम्

iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde bhārgavacarite dvātriṃśattamo 'dhyāyaḥ // 32// sagara uvāca śrutaṃ sarvaṃ muniśreṣṭha kīrtyamānaṃ tvayā vibho / kavacaṃ vada sarvatra trailokyavijayapradam

Sanskrit only: no published translation is held for this verse.

वसिष्ठ उवाच शृणु वत्स प्रवक्ष्यामि कवचं परमाद्भुतम् । मन्त्र च सिद्धिद शश्वत्साधकानां सुखावहम्

vasiṣṭha uvāca śṛṇu vatsa pravakṣyāmi kavacaṃ paramādbhutam / mantra ca siddhida śaśvatsādhakānāṃ sukhāvaham

Sanskrit only: no published translation is held for this verse.

गोपीजनपदस्यात वल्लभाय समुच्चरेत् । स्वाहान्तो ऽयं महामन्त्रो दशार्णो भुक्तिमुक्तिदः

gopījanapadasyāta vallabhāya samuccaret / svāhānto 'yaṃ mahāmantro daśārṇo bhuktimuktidaḥ

Sanskrit only: no published translation is held for this verse.

सदाशिवस्त्वस्य ऋषिः पङ्क्तिश्छन्द उदाहृतम् । देवता कृष्ण उदितो विनियोगो ऽखिलाप्तये

sadāśivastvasya ṛṣiḥ paṅktiśchanda udāhṛtam / devatā kṛṣṇa udito viniyogo 'khilāptaye

Sanskrit only: no published translation is held for this verse.

त्रैलोक्यविजयस्याथ कवचस्य प्रजापतिः । ऋषिश्छन्दश्च जगती देवो राजेश्वरः स्वयम्

trailokyavijayasyātha kavacasya prajāpatiḥ / ṛṣiśchandaśca jagatī devo rājeśvaraḥ svayam

Sanskrit only: no published translation is held for this verse.

त्रैलोक्यविजयप्राप्तौ विनियोगः प्रकीर्त्तितः । प्रणवो मेशिरः पातु श्रीकृष्णाय नमः सदा

trailokyavijayaprāptau viniyogaḥ prakīrttitaḥ / praṇavo meśiraḥ pātu śrīkṛṣṇāya namaḥ sadā

Sanskrit only: no published translation is held for this verse.

पायात्कपालं कृष्णाय स्वाहेति सततं मम । कृष्णेति पातु नेत्रे मे कृष्णस्वाहेति तारकाम्

pāyātkapālaṃ kṛṣṇāya svāheti satataṃ mama / kṛṣṇeti pātu netre me kṛṣṇasvāheti tārakām

Sanskrit only: no published translation is held for this verse.

हरये नम इत्येष भ्रूलतां पातु मे सदा । ॐ गोविन्दाय स्वाहेति नासिकां पातु संततम्

haraye nama ityeṣa bhrūlatāṃ pātu me sadā / oṃ govindāya svāheti nāsikāṃ pātu saṃtatam

Sanskrit only: no published translation is held for this verse.

गोपालाय नमो गण्डं पातु मे सततं मनुः । क्लीं कृष्णाय नमः कर्णौं पातु कल्पतरुर्मम

gopālāya namo gaṇḍaṃ pātu me satataṃ manuḥ / klīṃ kṛṣṇāya namaḥ karṇauṃ pātu kalpatarurmama

Sanskrit only: no published translation is held for this verse.

श्रीं कृष्णाय नमः पातु नित्यं मे ऽधरयुग्मकम् । ॐ गोपीशाय स्वाहेति दन्तपङ्क्तिं ममावतु

śrīṃ kṛṣṇāya namaḥ pātu nityaṃ me 'dharayugmakam / oṃ gopīśāya svāheti dantapaṅktiṃ mamāvatu

Sanskrit only: no published translation is held for this verse.

श्रीकृष्णेति रदच्छिद्रं पातुमे त्र्यक्षरो मनुः । ॐ श्रीकृष्णाय स्वाहेति जिह्विकां पातु मे सदा

śrīkṛṣṇeti radacchidraṃ pātume tryakṣaro manuḥ / oṃ śrīkṛṣṇāya svāheti jihvikāṃ pātu me sadā

Sanskrit only: no published translation is held for this verse.

रामेश्वराय स्वाहेति तालुकं पातु मे सदा । राधिकेशाय स्वाहेति कण्ठं मे पातु सर्वदा

rāmeśvarāya svāheti tālukaṃ pātu me sadā / rādhikeśāya svāheti kaṇṭhaṃ me pātu sarvadā

Sanskrit only: no published translation is held for this verse.

नमो गोपीगणेशाय ग्रीवां मे पातु सर्वदा । ॐ गोपेशाय स्वाहेति स्कन्धौ पातु सदा मम

namo gopīgaṇeśāya grīvāṃ me pātu sarvadā / oṃ gopeśāya svāheti skandhau pātu sadā mama

Sanskrit only: no published translation is held for this verse.

नमः किशोरवेषाय स्वाहा पृष्ठं ममावतु । उदरं पातु मे नित्यं मुकुन्दाय नमो मनुः

namaḥ kiśoraveṣāya svāhā pṛṣṭhaṃ mamāvatu / udaraṃ pātu me nityaṃ mukundāya namo manuḥ

Sanskrit only: no published translation is held for this verse.

ह्नीं श्रीङ्क्लीङ्कृष्णाय स्वाहा करौ पातु सदा मम । ॐ विष्णवे नमः स्वाहा बाहुयुग्मं ममावतु

hnīṃ śrīṅklīṅkṛṣṇāya svāhā karau pātu sadā mama / oṃ viṣṇave namaḥ svāhā bāhuyugmaṃ mamāvatu

Sanskrit only: no published translation is held for this verse.

ॐ ह्रींभगवते स्वाहा नखपङ्क्तिं ममावतु । नमो नारायणायेति नखरन्ध्रं ममावतु

oṃ hrīṃbhagavate svāhā nakhapaṅktiṃ mamāvatu / namo nārāyaṇāyeti nakharandhraṃ mamāvatu

Sanskrit only: no published translation is held for this verse.

ॐ ह्रींश्रींपद्मनाभाय नाभिं पातु सदा मम । ॐ सर्वेशाय स्वाहेति केशान्मम सदावतु

oṃ hrīṃśrīṃpadmanābhāya nābhiṃ pātu sadā mama / oṃ sarveśāya svāheti keśānmama sadāvatu

Sanskrit only: no published translation is held for this verse.

नमः कृष्णाय स्वाहेति ब्रह्मरन्ध्रं सदावतु । ॐ माधवाय स्वाहेति भालं मे सर्वदावतु

namaḥ kṛṣṇāya svāheti brahmarandhraṃ sadāvatu / oṃ mādhavāya svāheti bhālaṃ me sarvadāvatu

Sanskrit only: no published translation is held for this verse.

ॐ ह्रींश्रींरसिकेशाय कटिं मम सदावतु । नमो गोपीजनेशाय ऊरू पातु सदा मम

oṃ hrīṃśrīṃrasikeśāya kaṭiṃ mama sadāvatu / namo gopījaneśāya ūrū pātu sadā mama

Sanskrit only: no published translation is held for this verse.

ॐ नमो दैत्यनाशाय स्वाहेत्यवतु जानुनी । यशोदानन्दनायेति नमोतो जङ्घके ऽवतु

oṃ namo daityanāśāya svāhetyavatu jānunī / yaśodānandanāyeti namoto jaṅghake 'vatu

Sanskrit only: no published translation is held for this verse.

रासारंभप्रियायेति स्वाहान्तो हीं ममावतु । वृन्दाप्रियाय स्वाहेति सकलाङ्गानि मे ऽवतु

rāsāraṃbhapriyāyeti svāhānto hīṃ mamāvatu / vṛndāpriyāya svāheti sakalāṅgāni me 'vatu

Sanskrit only: no published translation is held for this verse.

परिबुर्णमनाः कृष्मः प्राच्यां मां सर्वदावतु । स्वयं गोलोकनाथो मामाग्नेय्यां दिशि रक्षतु

pariburṇamanāḥ kṛṣmaḥ prācyāṃ māṃ sarvadāvatu / svayaṃ golokanātho māmāgneyyāṃ diśi rakṣatu

Sanskrit only: no published translation is held for this verse.

पूर्णब्रह्मस्वरूपश्च दक्षिणे मां सदावतु । नैरृत्यां पातु मां कृष्णाः पश्चिमे पातु मां हरिः

pūrṇabrahmasvarūpaśca dakṣiṇe māṃ sadāvatu / nairṛtyāṃ pātu māṃ kṛṣṇāḥ paścime pātu māṃ hariḥ

Sanskrit only: no published translation is held for this verse.

गोविन्दः पातु वायव्यामुत्तरे रसिकेश्वरः । ऐशान्यां मे सदा पातु वृन्दावनविहार कृत्

govindaḥ pātu vāyavyāmuttare rasikeśvaraḥ / aiśānyāṃ me sadā pātu vṛndāvanavihāra kṛt

Sanskrit only: no published translation is held for this verse.

वृन्दाप्राणेश्वरः शश्वत्पातु मामूर्द्ध्वदेशतः । सदैव मामधः पातु बलिध्वंसी महाबलः

vṛndāprāṇeśvaraḥ śaśvatpātu māmūrddhvadeśataḥ / sadaiva māmadhaḥ pātu balidhvaṃsī mahābalaḥ

Sanskrit only: no published translation is held for this verse.

जले स्थले चान्तरिक्षे नृसिंहः पातु मां सदा । स्वप्ने जागरणे चैव पातु मां माधवः स्वयम्

jale sthale cāntarikṣe nṛsiṃhaḥ pātu māṃ sadā / svapne jāgaraṇe caiva pātu māṃ mādhavaḥ svayam

Sanskrit only: no published translation is held for this verse.

सर्वान्तरात्मा निर्लिप्तः पातु मां सर्वतो विभुः । इति ते कथितं भूप सर्वाघौघविनाशनम्

sarvāntarātmā nirliptaḥ pātu māṃ sarvato vibhuḥ / iti te kathitaṃ bhūpa sarvāghaughavināśanam

Sanskrit only: no published translation is held for this verse.

त्रैलोक्यविजयं नाम कवचं परमेशितुः । मया श्रुतं शिवमुखात्प्रवक्तव्यं न कस्यचित्

trailokyavijayaṃ nāma kavacaṃ parameśituḥ / mayā śrutaṃ śivamukhātpravaktavyaṃ na kasyacit

Sanskrit only: no published translation is held for this verse.

गुरुमभ्यर्च्य विधिवत्कवचं धारयेत्तु यः । कण्ठे वा दक्षिणे बाहौ सो ऽपि विष्णुर्न संशयः

gurumabhyarcya vidhivatkavacaṃ dhārayettu yaḥ / kaṇṭhe vā dakṣiṇe bāhau so 'pi viṣṇurna saṃśayaḥ

Sanskrit only: no published translation is held for this verse.

स साधको ऽवसद्यत्र तत्र वाणीरमे स्थिते । यदि स्यात्सिद्धकवचो जीवन्मुक्तो न संशयः

sa sādhako 'vasadyatra tatra vāṇīrame sthite / yadi syātsiddhakavaco jīvanmukto na saṃśayaḥ

Sanskrit only: no published translation is held for this verse.

निश्चितं कोटिवर्षाणां पूजायाः फलमाप्नुयात् । राजसूर्यसहस्राणि वाजपेयशतानि च

niścitaṃ koṭivarṣāṇāṃ pūjāyāḥ phalamāpnuyāt / rājasūryasahasrāṇi vājapeyaśatāni ca

Sanskrit only: no published translation is held for this verse.

महादानानि यान्येव भुवश्चापि प्रदक्षिणा । त्रैलोक्यविजयस्यास्य कलां नार्हन्ति षोडशीम्

mahādānāni yānyeva bhuvaścāpi pradakṣiṇā / trailokyavijayasyāsya kalāṃ nārhanti ṣoḍaśīm

Sanskrit only: no published translation is held for this verse.

व्रतोपवासनियमाः स्वाध्यायाध्ययने तथा । स्नानं च सर्वतीर्थेषु नास्यार्हन्ति कलामपि

vratopavāsaniyamāḥ svādhyāyādhyayane tathā / snānaṃ ca sarvatīrtheṣu nāsyārhanti kalāmapi

Sanskrit only: no published translation is held for this verse.

सिद्धत्वममरत्वं च दासत्वं श्रीहरेरपि । यदि स्यात्सिद्धकवचः सर्वं प्राप्नोति निश्चितम्

siddhatvamamaratvaṃ ca dāsatvaṃ śrīharerapi / yadi syātsiddhakavacaḥ sarvaṃ prāpnoti niścitam

Sanskrit only: no published translation is held for this verse.

स भवेत्सिद्धकवचो दशलक्षं जपेत्तु यः । यो भवेत्सिद्धकवचो विजयी स भवेद् ध्रुवम्

sa bhavetsiddhakavaco daśalakṣaṃ japettu yaḥ / yo bhavetsiddhakavaco vijayī sa bhaved dhruvam

Sanskrit only: no published translation is held for this verse.

राज्यं देयं शिरो देयं प्राणा देयाश्च भूपते । एतत्तु कवचं वत्स न देयं संकटे ऽपि च

rājyaṃ deyaṃ śiro deyaṃ prāṇā deyāśca bhūpate / etattu kavacaṃ vatsa na deyaṃ saṃkaṭe 'pi ca

Sanskrit only: no published translation is held for this verse.

मया प्रकाशितं यत्ते चैतेषां त्राणकारणात् । ममाज्ञाकरणाच्चैव तद्विद्धि कुलभास्कर । इदं धृत्वा तु कवचं चक्रवर्त्ती भवान्भव

mayā prakāśitaṃ yatte caiteṣāṃ trāṇakāraṇāt / mamājñākaraṇāccaiva tadviddhi kulabhāskara / idaṃ dhṛtvā tu kavacaṃ cakravarttī bhavānbhava

Sanskrit only: no published translation is held for this verse.