Library·Brahmāṇḍa Purāṇa·2·2.36
इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादे भार्गवच रिते पञ्चत्रिंशत्तमो ऽध्यायः ॥ ३५॥ वसिष्ठ उवाच अवगत्य स वै सर्वं कारणं प्रीतमानसः । उवाच भार्गवं राममगस्त्यः कुंभसंभवः
iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde bhārgavaca rite pañcatriṃśattamo 'dhyāyaḥ // 35// vasiṣṭha uvāca avagatya sa vai sarvaṃ kāraṇaṃ prītamānasaḥ / uvāca bhārgavaṃ rāmamagastyaḥ kuṃbhasaṃbhavaḥ
Sanskrit only: no published translation is held for this verse.
अगस्त्य उवाच शृणु राम महाभाग कथयामि हितं तव । मन्त्रस्य सिद्धिं येन त्वं शीघ्रमेव समाप्नुयाः
agastya uvāca śṛṇu rāma mahābhāga kathayāmi hitaṃ tava / mantrasya siddhiṃ yena tvaṃ śīghrameva samāpnuyāḥ
Sanskrit only: no published translation is held for this verse.
भक्तेस्तु लक्षणं ज्ञात्वा त्रिविधाया महामते । यो यतेत नरस्तस्य सिद्धिर्भवति सत्वरम्
bhaktestu lakṣaṇaṃ jñātvā trividhāyā mahāmate / yo yateta narastasya siddhirbhavati satvaram
Sanskrit only: no published translation is held for this verse.
एकदाहमनुप्राप्तो ऽनन्तदर्शनकाङ्क्षया । पातालं नागराचैन्द्रैः शोभितं परया मुदा
ekadāhamanuprāpto 'nantadarśanakāṅkṣayā / pātālaṃ nāgarācaindraiḥ śobhitaṃ parayā mudā
Sanskrit only: no published translation is held for this verse.
तत्र दृष्टा महाभाग मया सिद्धाः समन्ततः । सनकाद्या नारदश्च गौतमो जाजलिःक्रतुः
tatra dṛṣṭā mahābhāga mayā siddhāḥ samantataḥ / sanakādyā nāradaśca gautamo jājaliḥkratuḥ
Sanskrit only: no published translation is held for this verse.
ऋभुर्हंसो ऽरुणिश्चैव वाल्मीकिः शक्तिरासुरिः । एते ऽन्ये च महासिद्धा वात्स्यायनमुखा द्विज
ṛbhurhaṃso 'ruṇiścaiva vālmīkiḥ śaktirāsuriḥ / ete 'nye ca mahāsiddhā vātsyāyanamukhā dvija
Sanskrit only: no published translation is held for this verse.
उपासत ह्युपा सीना ज्ञानार्थं फणिनायकम् । तं नमस्कृत्य नागैन्द्रैः सह सिद्धैर्महात्मभिः
upāsata hyupā sīnā jñānārthaṃ phaṇināyakam / taṃ namaskṛtya nāgaindraiḥ saha siddhairmahātmabhiḥ
Sanskrit only: no published translation is held for this verse.
उपविष्टः कथात्तत्र शृण्वानो वैष्णवीर्मुदा । येयं भूमिर्महाभाग भूतधात्री स्वरूपिणी
upaviṣṭaḥ kathāttatra śṛṇvāno vaiṣṇavīrmudā / yeyaṃ bhūmirmahābhāga bhūtadhātrī svarūpiṇī
Sanskrit only: no published translation is held for this verse.
निविष्टा पुरतस्तस्य शृण्वन्ती ताः कथाः सदा । यद्यत्पृच्छति सा भूमिः शेषं साक्षान्महीधरम्
niviṣṭā puratastasya śṛṇvantī tāḥ kathāḥ sadā / yadyatpṛcchati sā bhūmiḥ śeṣaṃ sākṣānmahīdharam
Sanskrit only: no published translation is held for this verse.
शृण्वन्ति ऋषयः सर्वे तत्रस्था तदनुग्रहात् । मया तत्र श्रुतं वत्स कृष्णप्रेमामृतं शुभम्
śṛṇvanti ṛṣayaḥ sarve tatrasthā tadanugrahāt / mayā tatra śrutaṃ vatsa kṛṣṇapremāmṛtaṃ śubham
Sanskrit only: no published translation is held for this verse.
स्तोत्रं तत्ते प्रवक्ष्यामि यस्यार्थं त्वमिहागतः । वाराहाद्यवताराणां चरितं पापनाशनम्
stotraṃ tatte pravakṣyāmi yasyārthaṃ tvamihāgataḥ / vārāhādyavatārāṇāṃ caritaṃ pāpanāśanam
Sanskrit only: no published translation is held for this verse.
सुखदं मोक्षदं चैव ज्ञानविज्ञान कारणम् । श्रुत्वा सर्वं धरा वत्स प्रत्दृष्टा तं धराधरम्
sukhadaṃ mokṣadaṃ caiva jñānavijñāna kāraṇam / śrutvā sarvaṃ dharā vatsa pratdṛṣṭā taṃ dharādharam
Sanskrit only: no published translation is held for this verse.
उवाच प्रणता भूयो ज्ञातुं कृष्णविचेष्टितम् । धरण्युवाच अलङ्कृतं जन्म पुंसामपि नन्दव्रजौकसाम्
uvāca praṇatā bhūyo jñātuṃ kṛṣṇaviceṣṭitam / dharaṇyuvāca alaṅkṛtaṃ janma puṃsāmapi nandavrajaukasām
Sanskrit only: no published translation is held for this verse.
तस्य देवस्य कृष्णस्य लीलाविग्रहधारिणः । जयोपाधिनियुक्तानि संति नामान्यनेकशः
tasya devasya kṛṣṇasya līlāvigrahadhāriṇaḥ / jayopādhiniyuktāni saṃti nāmānyanekaśaḥ
Sanskrit only: no published translation is held for this verse.
तेषु नामानि मुख्यानि श्रोतुकामा चिरादहम् । तत्तानि ब्रूहि नामानि वासुदेवस्य वासुके
teṣu nāmāni mukhyāni śrotukāmā cirādaham / tattāni brūhi nāmāni vāsudevasya vāsuke
Sanskrit only: no published translation is held for this verse.
नातः परतरं पुण्यं त्रिषु लोकेषु विद्यते । शेष उवाच वसुंधरे वरारोहे जनानामस्ति मुक्तिदम्
nātaḥ parataraṃ puṇyaṃ triṣu lokeṣu vidyate / śeṣa uvāca vasuṃdhare varārohe janānāmasti muktidam
Sanskrit only: no published translation is held for this verse.
सर्वमङ्गलमूर्द्धन्यमणिमाद्यष्टसिद्धिदम् । महापातककोटिघ्न सर्वतीर्थफलप्रदम्
sarvamaṅgalamūrddhanyamaṇimādyaṣṭasiddhidam / mahāpātakakoṭighna sarvatīrthaphalapradam
Sanskrit only: no published translation is held for this verse.
समस्तजपयज्ञानां फलदं पापनाशनम् । शृणु देवि प्रवक्ष्यामि नाम्नामष्टोतरं शतम्
samastajapayajñānāṃ phaladaṃ pāpanāśanam / śṛṇu devi pravakṣyāmi nāmnāmaṣṭotaraṃ śatam
Sanskrit only: no published translation is held for this verse.
महस्रनाम्नां पुण्यानां त्रिरावृत्त्या तु यत्फलम् । एकावृत्त्या तु कृष्णस्य नामैकं तत्प्रयच्छति
mahasranāmnāṃ puṇyānāṃ trirāvṛttyā tu yatphalam / ekāvṛttyā tu kṛṣṇasya nāmaikaṃ tatprayacchati
Sanskrit only: no published translation is held for this verse.
तस्मात्पुण्यतरं चैतत्स्तोत्रं पातकनाशनम् । नाम्नामष्टोत्तरशतस्याहमेव ऋषिः प्रिये
tasmātpuṇyataraṃ caitatstotraṃ pātakanāśanam / nāmnāmaṣṭottaraśatasyāhameva ṛṣiḥ priye
Sanskrit only: no published translation is held for this verse.
छन्दो ऽनुष्टुब्देवता तु योगः कृष्णप्रियावहः । श्रीकृष्णः कमलानाथो वासुदेवः सनातनः
chando 'nuṣṭubdevatā tu yogaḥ kṛṣṇapriyāvahaḥ / śrīkṛṣṇaḥ kamalānātho vāsudevaḥ sanātanaḥ
Sanskrit only: no published translation is held for this verse.
वसुदेवात्मजः पुण्यो लीलामानुषविग्रहः । श्रीवत्सकौस्तभधरो यशोदावत्सलो हरिः
vasudevātmajaḥ puṇyo līlāmānuṣavigrahaḥ / śrīvatsakaustabhadharo yaśodāvatsalo hariḥ
Sanskrit only: no published translation is held for this verse.
चतुर्भुजात्तचक्रासिगदाशङ्खाद्युदायुधः । देवकीनन्दनः श्रीशो नन्दगोपप्रियात्मजः
caturbhujāttacakrāsigadāśaṅkhādyudāyudhaḥ / devakīnandanaḥ śrīśo nandagopapriyātmajaḥ
Sanskrit only: no published translation is held for this verse.
यमुनावेगसंहारी बलभद्रप्रियानुजः । पूतनाजीवितहरः शकटासुरभञ्जनः
yamunāvegasaṃhārī balabhadrapriyānujaḥ / pūtanājīvitaharaḥ śakaṭāsurabhañjanaḥ
Sanskrit only: no published translation is held for this verse.
नन्दप्रजजनानन्दी सच्चिदानन्दविग्रहः । नवनीतविलिप्ताङ्गो नवनीतनटो ऽनघः
nandaprajajanānandī saccidānandavigrahaḥ / navanītaviliptāṅgo navanītanaṭo 'naghaḥ
Sanskrit only: no published translation is held for this verse.
नवनीतलवाहारी मुचुकुन्दप्रसादकृत् । षोडशस्त्रीसहस्रेशस्त्रिभङ्गी मधुराकृतिः
navanītalavāhārī mucukundaprasādakṛt / ṣoḍaśastrīsahasreśastribhaṅgī madhurākṛtiḥ
Sanskrit only: no published translation is held for this verse.
शुकवागमृताब्धीन्दुर्गोविन्दो गोविदांपतिः । वत्सपालनसंचारी धेनुकासुरमर्द्दनः
śukavāgamṛtābdhīndurgovindo govidāṃpatiḥ / vatsapālanasaṃcārī dhenukāsuramarddanaḥ
Sanskrit only: no published translation is held for this verse.
तृणीकृततृणावर्त्तो यमलार्जुनभञ्जनः । उत्तालतालभेत्ता च तमालश्यामला कृतिः
tṛṇīkṛtatṛṇāvartto yamalārjunabhañjanaḥ / uttālatālabhettā ca tamālaśyāmalā kṛtiḥ
Sanskrit only: no published translation is held for this verse.
गोपगोपीश्वरो योगी सूर्यकोटिसमप्रभः । इलापतिः परञ्ज्योतिर्यादवेन्द्रो यदूद्वहः
gopagopīśvaro yogī sūryakoṭisamaprabhaḥ / ilāpatiḥ parañjyotiryādavendro yadūdvahaḥ
Sanskrit only: no published translation is held for this verse.
वनमाली पीतवासाः पारिजातापहरकः । गोवर्द्धनाचलोद्धर्त्ता गोपालः सर्वपालकः
vanamālī pītavāsāḥ pārijātāpaharakaḥ / govarddhanācaloddharttā gopālaḥ sarvapālakaḥ
Sanskrit only: no published translation is held for this verse.
अजो निरञ्जनः कामजनकः कञ्जलोचनः । मधुहा मथुरानाथो द्वारकानाथको बली
ajo nirañjanaḥ kāmajanakaḥ kañjalocanaḥ / madhuhā mathurānātho dvārakānāthako balī
Sanskrit only: no published translation is held for this verse.
वृन्दावनान्तसंचारी तुलसीदामभूषणः । स्यमन्तकमणेर्हर्त्ता नरनारायणात्मकः
vṛndāvanāntasaṃcārī tulasīdāmabhūṣaṇaḥ / syamantakamaṇerharttā naranārāyaṇātmakaḥ
Sanskrit only: no published translation is held for this verse.
कुब्जाकृष्टांबरधरो मायी परमपूरुषः । मुष्टिकासुरचाणूरमल्लयुद्धविशारदः
kubjākṛṣṭāṃbaradharo māyī paramapūruṣaḥ / muṣṭikāsuracāṇūramallayuddhaviśāradaḥ
Sanskrit only: no published translation is held for this verse.
संसारवैरी कंसारिर्मुरारिर्नरकान्तकः । अनादि ब्रह्मचारी च कृष्णाव्यसनकर्षकः
saṃsāravairī kaṃsārirmurārirnarakāntakaḥ / anādi brahmacārī ca kṛṣṇāvyasanakarṣakaḥ
Sanskrit only: no published translation is held for this verse.
शिशुपालशिरस्छेत्ता दुर्योधनकुलान्तकृत । विदुराक्रूरवरदो विश्वरूपप्रदर्शकः
śiśupālaśiraschettā duryodhanakulāntakṛta / vidurākrūravarado viśvarūpapradarśakaḥ
Sanskrit only: no published translation is held for this verse.
सत्यवाक्सत्यसंकल्पः सत्यभामारतो जयी । सुभद्रापूर्वजो विष्णुर्भीष्ममुक्तिप्रदायकः
satyavāksatyasaṃkalpaḥ satyabhāmārato jayī / subhadrāpūrvajo viṣṇurbhīṣmamuktipradāyakaḥ
Sanskrit only: no published translation is held for this verse.
जगद्गुरुर्जगन्नाथो वेणुवाद्य विशारदः । वृषभासुरविध्वंसी बकारिर्बाणबाहुकृत्
jagadgururjagannātho veṇuvādya viśāradaḥ / vṛṣabhāsuravidhvaṃsī bakārirbāṇabāhukṛt
Sanskrit only: no published translation is held for this verse.
युधिष्टिरप्रतिष्ठाता बर्हिबर्हावतंसकः । पार्थसारथिरव्यक्तो गीतामृतमहोदधिः
yudhiṣṭirapratiṣṭhātā barhibarhāvataṃsakaḥ / pārthasārathiravyakto gītāmṛtamahodadhiḥ
Sanskrit only: no published translation is held for this verse.
कालीयफणिमाणिक्यरञ्जितः श्रीपदांबुजः । दामोदरो यज्ञभोक्ता दानवैद्रविनाशनः
kālīyaphaṇimāṇikyarañjitaḥ śrīpadāṃbujaḥ / dāmodaro yajñabhoktā dānavaidravināśanaḥ
Sanskrit only: no published translation is held for this verse.
नारायणः परं ब्रह्म पन्नगाशनवाहनः । जलक्रीडासमासक्तगोपीवस्त्रापहारकः
nārāyaṇaḥ paraṃ brahma pannagāśanavāhanaḥ / jalakrīḍāsamāsaktagopīvastrāpahārakaḥ
Sanskrit only: no published translation is held for this verse.
पुण्यश्लोकस्तीर्थपादो वेदवेद्यो दयानिधिः । सर्वतीर्थान्मकः सर्वग्रहरूपी परात्परः
puṇyaślokastīrthapādo vedavedyo dayānidhiḥ / sarvatīrthānmakaḥ sarvagraharūpī parātparaḥ
Sanskrit only: no published translation is held for this verse.
इत्येवं कृष्णदेवस्य नाम्नामष्टोत्तरं शतम् । कृष्णोन कृष्णभक्तेन श्रुत्वा गीतामृतं पुरा
ityevaṃ kṛṣṇadevasya nāmnāmaṣṭottaraṃ śatam / kṛṣṇona kṛṣṇabhaktena śrutvā gītāmṛtaṃ purā
Sanskrit only: no published translation is held for this verse.
स्तोत्रं कृष्णप्रियकरं कृतं तस्मान्मया श्रुतम् । कृष्णप्रेमामृतं नाम परमानन्ददायकम्
stotraṃ kṛṣṇapriyakaraṃ kṛtaṃ tasmānmayā śrutam / kṛṣṇapremāmṛtaṃ nāma paramānandadāyakam
Sanskrit only: no published translation is held for this verse.
अत्युपद्रवदुः खघ्नं परमायुष्य वर्द्धनम् । दानं व्रतं तपस्तीर्थं यत्कृतं त्विह जन्मनि
atyupadravaduḥ khaghnaṃ paramāyuṣya varddhanam / dānaṃ vrataṃ tapastīrthaṃ yatkṛtaṃ tviha janmani
Sanskrit only: no published translation is held for this verse.
पठतां शृण्वतां चैव कोटिकोटिगुणं भवेत् । पुत्रप्रदमपुत्राणामगती नां गतिप्रदम्
paṭhatāṃ śṛṇvatāṃ caiva koṭikoṭiguṇaṃ bhavet / putrapradamaputrāṇāmagatī nāṃ gatipradam
Sanskrit only: no published translation is held for this verse.
धनवाहं दरिद्राणां जयेच्छूनां जयावहम् । शिशूनां गोकुलानां च पुष्टिदं पुण्यवर्द्धनम्
dhanavāhaṃ daridrāṇāṃ jayecchūnāṃ jayāvaham / śiśūnāṃ gokulānāṃ ca puṣṭidaṃ puṇyavarddhanam
Sanskrit only: no published translation is held for this verse.
बालरोगग्रहादीनां शमनं शान्तिकारकम् । अन्ते कृष्णस्मरणदं भवतापत्रयापहम्
bālarogagrahādīnāṃ śamanaṃ śāntikārakam / ante kṛṣṇasmaraṇadaṃ bhavatāpatrayāpaham
Sanskrit only: no published translation is held for this verse.
असिद्धसाधकं भद्रे जपादिकरमात्मनाम् । कृष्णाय यादवेन्द्राय ज्ञानमुद्राय योगिने
asiddhasādhakaṃ bhadre japādikaramātmanām / kṛṣṇāya yādavendrāya jñānamudrāya yogine
Sanskrit only: no published translation is held for this verse.
नाथाय रुक्मिणीशाय नमो वेदान्तवेदिने । इमं मन्त्रं महादेवि जपन्नेव दिवा निशम्
nāthāya rukmiṇīśāya namo vedāntavedine / imaṃ mantraṃ mahādevi japanneva divā niśam
Sanskrit only: no published translation is held for this verse.
सर्वग्रहानुग्रहभाक्सर्वप्रियतमो भवेत् । पुत्रपौत्रैः परिवृतः सर्वसिद्धिसमृद्धिमान्
sarvagrahānugrahabhāksarvapriyatamo bhavet / putrapautraiḥ parivṛtaḥ sarvasiddhisamṛddhimān
Sanskrit only: no published translation is held for this verse.
निषेव्य भोगानन्ते ऽपिकृष्णासायुज्यमाप्नुयात् । अगस्त्य उवाच एतावदुक्तो भागवाननन्तो मूर्त्तिस्तु संकर्षणसंज्ञिता विभो
niṣevya bhogānante 'pikṛṣṇāsāyujyamāpnuyāt / agastya uvāca etāvadukto bhāgavānananto mūrttistu saṃkarṣaṇasaṃjñitā vibho
Sanskrit only: no published translation is held for this verse.
धराधरो ऽलं जगतां धरायै निर्दिश्य भूयो विरराम मानदः । ततस्तु सर्वे सनकादयो ये समास्थितास्तत्परितः कथादृताः । आनन्द पूर्ण्णंबुनिधौ निमग्नाः सभाजयामासुरहीश्वरं तम्
dharādharo 'laṃ jagatāṃ dharāyai nirdiśya bhūyo virarāma mānadaḥ / tatastu sarve sanakādayo ye samāsthitāstatparitaḥ kathādṛtāḥ / ānanda pūrṇṇaṃbunidhau nimagnāḥ sabhājayāmāsurahīśvaraṃ tam
Sanskrit only: no published translation is held for this verse.
ऋषय ऊचुः नमो नमस्ते ऽखिलविश्वाभावन प्रपन्नभक्तार्त्तिहराव्ययात्मन् । धराधरायापि कृपार्णवाय शेषाय विश्वप्रभवे नमस्ते
ṛṣaya ūcuḥ namo namaste 'khilaviśvābhāvana prapannabhaktārttiharāvyayātman / dharādharāyāpi kṛpārṇavāya śeṣāya viśvaprabhave namaste
Sanskrit only: no published translation is held for this verse.
कृष्णामृतं नः परिपायितं विभो विधूतपापा भवता कृता वयम् । भवादृशा दीनदयालवो विभो समुद्धरन्त्येव निजान्हि संनतान्
kṛṣṇāmṛtaṃ naḥ paripāyitaṃ vibho vidhūtapāpā bhavatā kṛtā vayam / bhavādṛśā dīnadayālavo vibho samuddharantyeva nijānhi saṃnatān
Sanskrit only: no published translation is held for this verse.
एवं नमस्कृत्य फणीश पादयोर्मनो विधायाखिलकामपूरयोः । प्रदक्षिणीकृत्य धराधराधरं सर्वे वयं स्वावसथानुपागताः
evaṃ namaskṛtya phaṇīśa pādayormano vidhāyākhilakāmapūrayoḥ / pradakṣiṇīkṛtya dharādharādharaṃ sarve vayaṃ svāvasathānupāgatāḥ
Sanskrit only: no published translation is held for this verse.
इति ते ऽभिहितं राम स्तोत्रं प्रेमामृताभिधम् । कृष्णस्य राधाकान्तस्य सिद्धिदम्
iti te 'bhihitaṃ rāma stotraṃ premāmṛtābhidham / kṛṣṇasya rādhākāntasya siddhidam
Sanskrit only: no published translation is held for this verse.
इदं राम महाभाग स्तोत्रं परमदुर्लभम् । श्रुतं साक्षाद्भगवतः शेषात्कथयतः कथाः
idaṃ rāma mahābhāga stotraṃ paramadurlabham / śrutaṃ sākṣādbhagavataḥ śeṣātkathayataḥ kathāḥ
Sanskrit only: no published translation is held for this verse.
यावन्ति मन्त्रजालानि स्तोत्राणि कवचानि च
yāvanti mantrajālāni stotrāṇi kavacāni ca
Sanskrit only: no published translation is held for this verse.
त्रैलोक्ये तानि सर्वाणि सिद्ध्यन्त्येवास्य शीलनात् । वसिष्ठ उवाच एवमुक्त्वा महाराज कृष्णप्रेमामृतं स्तवम् । यावद्व्यरसींत्स मुनिस्तावत्स्वर्यानमागतम्
trailokye tāni sarvāṇi siddhyantyevāsya śīlanāt / vasiṣṭha uvāca evamuktvā mahārāja kṛṣṇapremāmṛtaṃ stavam / yāvadvyarasīṃtsa munistāvatsvaryānamāgatam
Sanskrit only: no published translation is held for this verse.
चतुर्भिरद्भुतैः सिद्धैः कामरूपैर्मनोजवैः । अनुयातमथोत्प्लुत्य स्त्रीपुंसौ हरिणौ तदा । अगस्त्यचरणौ नत्वा समारुरुहतुर्मुदा
caturbhiradbhutaiḥ siddhaiḥ kāmarūpairmanojavaiḥ / anuyātamathotplutya strīpuṃsau hariṇau tadā / agastyacaraṇau natvā samāruruhaturmudā
Sanskrit only: no published translation is held for this verse.
दिव्यदेहधरौ भूत्वा संखचक्रादिचिह्नितौ । गतौ च वैष्णवं लोकं सर्व देवन मस्कृतम् । पश्यतां सर्वभूतानां भार्गवागस्त्ययोस्तथा
divyadehadharau bhūtvā saṃkhacakrādicihnitau / gatau ca vaiṣṇavaṃ lokaṃ sarva devana maskṛtam / paśyatāṃ sarvabhūtānāṃ bhārgavāgastyayostathā
Sanskrit only: no published translation is held for this verse.