Brahmāṇḍa Purāṇa 2.37

इति श्रीब्रह्माण्डे महापुराणे वायुप्रोक्ते मध्यभागे तृतीय उपोद्धातपादे भार्गवचरिते षट्त्रिंशत्तमो ऽध्यायः ॥ ३६॥ वसिष्ठ उवाच दृष्ट्वा परशुरामस्तु तदाश्चर्यं महाद्भुतम् । जगाद सर्ववृत्तान्तं मृगयोस्तु यथाश्रुतम्

iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde bhārgavacarite ṣaṭtriṃśattamo 'dhyāyaḥ // 36// vasiṣṭha uvāca dṛṣṭvā paraśurāmastu tadāścaryaṃ mahādbhutam / jagāda sarvavṛttāntaṃ mṛgayostu yathāśrutam

Sanskrit only: no published translation is held for this verse.

तच्छ्रुत्वा भगवान्साक्षादगस्त्यः कुंभसंभवः । मोदमान उवाचेदं भार्गवं पुरतः स्थितम्

tacchrutvā bhagavānsākṣādagastyaḥ kuṃbhasaṃbhavaḥ / modamāna uvācedaṃ bhārgavaṃ purataḥ sthitam

Sanskrit only: no published translation is held for this verse.

अगस्त्य उवाच शृणु राम महाभाग कार्याकार्विशारद । हितं वदामि यत्ते ऽद्य तत्कुरुष्व समाहितः

agastya uvāca śṛṇu rāma mahābhāga kāryākārviśārada / hitaṃ vadāmi yatte 'dya tatkuruṣva samāhitaḥ

Sanskrit only: no published translation is held for this verse.

इतो विदूरे सुमहत्स्थानं विष्णोः सुदुर्लभम् । पदानि यत्र दृश्यन्ते न्यस्तानि सुमाहात्मना

ito vidūre sumahatsthānaṃ viṣṇoḥ sudurlabham / padāni yatra dṛśyante nyastāni sumāhātmanā

Sanskrit only: no published translation is held for this verse.

यत्र गङ्गा समुद्भूता वामस्य महात्मनः । पदाग्रात्क्रमतो लोकांस्तद्बलेस्तु विनिग्रहे

yatra gaṅgā samudbhūtā vāmasya mahātmanaḥ / padāgrātkramato lokāṃstadbalestu vinigrahe

Sanskrit only: no published translation is held for this verse.

तत्र गत्वा स्तवं चेदं मासमैकमनन्यधीः । पठस्व नियमेनैव नियतो नियताशनः

tatra gatvā stavaṃ cedaṃ māsamaikamananyadhīḥ / paṭhasva niyamenaiva niyato niyatāśanaḥ

Sanskrit only: no published translation is held for this verse.

यत्त्वया कवचं पूर्वमभ्यस्तं सिद्धिमिच्छता । शत्रूणां निग्रहार्थाय तच्च ते सिद्धिदं भवेत्

yattvayā kavacaṃ pūrvamabhyastaṃ siddhimicchatā / śatrūṇāṃ nigrahārthāya tacca te siddhidaṃ bhavet

Sanskrit only: no published translation is held for this verse.

वसिष्ठ उवाच एव मुक्तो ह्यगस्त्येन रामः शत्रुनिबर्हणः । नमस्कृत्य मुनीं शान्तं निर्जगामाश्रमाद्बहिः

vasiṣṭha uvāca eva mukto hyagastyena rāmaḥ śatrunibarhaṇaḥ / namaskṛtya munīṃ śāntaṃ nirjagāmāśramādbahiḥ

Sanskrit only: no published translation is held for this verse.

पुनस्तेनैव मार्गेण संप्राप्तस्तत्र सत्वरम् । यत्रोत्तरात्पदन्यासान्निर्गता स्वर्णदी नृप

punastenaiva mārgeṇa saṃprāptastatra satvaram / yatrottarātpadanyāsānnirgatā svarṇadī nṛpa

Sanskrit only: no published translation is held for this verse.

तत्र वासं प्रकल्प्यासावकृतव्रणसंयुतः । समभ्यस्यत्स्तवं दिव्यं कृष्मप्रेमामृताभिधम्

tatra vāsaṃ prakalpyāsāvakṛtavraṇasaṃyutaḥ / samabhyasyatstavaṃ divyaṃ kṛṣmapremāmṛtābhidham

Sanskrit only: no published translation is held for this verse.

नित्यं व्रजपतेस्तस्य स्तोत्रं तुष्टो ऽभवद्धरिः । जगाम दर्शनं तस्य जामदग्न्यस्य भूपते

nityaṃ vrajapatestasya stotraṃ tuṣṭo 'bhavaddhariḥ / jagāma darśanaṃ tasya jāmadagnyasya bhūpate

Sanskrit only: no published translation is held for this verse.

चतुर्व्यूहाधिपः साक्षात्कृष्णः कमललोचनः । किरीटंनार्कवर्णेन कुण्डलाभ्यां च राजितः

caturvyūhādhipaḥ sākṣātkṛṣṇaḥ kamalalocanaḥ / kirīṭaṃnārkavarṇena kuṇḍalābhyāṃ ca rājitaḥ

Sanskrit only: no published translation is held for this verse.

कौस्तुभोद्भासितोरस्कः पीतवासा धनप्रभः । मुरलीवादनपरः साक्षान्मोहनरूपधृक्

kaustubhodbhāsitoraskaḥ pītavāsā dhanaprabhaḥ / muralīvādanaparaḥ sākṣānmohanarūpadhṛk

Sanskrit only: no published translation is held for this verse.

तं दृष्ट्वा सहसोत्थाय जामदग्न्यो मुदान्वितः । प्रणम्य दण्डवद्भमौ तुष्टाव प्रयतो विभुम्

taṃ dṛṣṭvā sahasotthāya jāmadagnyo mudānvitaḥ / praṇamya daṇḍavadbhamau tuṣṭāva prayato vibhum

Sanskrit only: no published translation is held for this verse.

परशुराम् उवाच नमो नमः कारणविग्रहाय प्रपन्नपालाय सुरार्त्तिहारिणे । ब्रह्मेशविष्ण्विद्रमुखस्तुताय नतो ऽस्मि नित्यं परमेश्वराय

paraśurām uvāca namo namaḥ kāraṇavigrahāya prapannapālāya surārttihāriṇe / brahmeśaviṣṇvidramukhastutāya nato 'smi nityaṃ parameśvarāya

Sanskrit only: no published translation is held for this verse.

यं वेदवादैर्विविधप्रकारैर्निर्णेतुमीशानमुखा न शक्नुयुः । तं त्वामनिर्देश्यमचं पुराममनन्तमीडे भव मे दयापरः

yaṃ vedavādairvividhaprakārairnirṇetumīśānamukhā na śaknuyuḥ / taṃ tvāmanirdeśyamacaṃ purāmamanantamīḍe bhava me dayāparaḥ

Sanskrit only: no published translation is held for this verse.

यस्त्वेक ईशो निजवाञ्च्छितप्रदो धत्ते तनूर्लोकविहार रक्षणे । नाना विधा देवमनुष्यतिर्यग्यादः सु भूमेर्भरवारणाय

yastveka īśo nijavāñcchitaprado dhatte tanūrlokavihāra rakṣaṇe / nānā vidhā devamanuṣyatiryagyādaḥ su bhūmerbharavāraṇāya

Sanskrit only: no published translation is held for this verse.

तं त्वामहं भक्तजनानुरक्तं विरक्तमत्यन्तमपीन्दिरादिषु । स्वयं समक्षंव्यभिचारदुष्टचित्तास्वपि प्रेमनिबद्धमानसम्

taṃ tvāmahaṃ bhaktajanānuraktaṃ viraktamatyantamapīndirādiṣu / svayaṃ samakṣaṃvyabhicāraduṣṭacittāsvapi premanibaddhamānasam

Sanskrit only: no published translation is held for this verse.

यं वै प्रसन्ना असुराः सुरा नराः सकिन्नरास्तिर्यकेयोनयो ऽपि हि । गताः स्वरूपं निखलं विहाय ते देहस्त्र्यपत्यार्थममत्वमीश्वर

yaṃ vai prasannā asurāḥ surā narāḥ sakinnarāstiryakeyonayo 'pi hi / gatāḥ svarūpaṃ nikhalaṃ vihāya te dehastryapatyārthamamatvamīśvara

Sanskrit only: no published translation is held for this verse.

तं देवदेवं भजतामभीप्सितप्रदं निरीहं गुणवर्जितं च । अचिन्त्यमव्यक्तमघौघनाशनं प्राप्तो ऽरणं प्रेमनिधानमादरात्

taṃ devadevaṃ bhajatāmabhīpsitapradaṃ nirīhaṃ guṇavarjitaṃ ca / acintyamavyaktamaghaughanāśanaṃ prāpto 'raṇaṃ premanidhānamādarāt

Sanskrit only: no published translation is held for this verse.

तपन्ति तापैर्विविधैः स्वदेहमन्ये तु यज्ञैर्विविधैर्यजन्ति । स्वप्ने ऽपि ते रूपमलौकिकंविभो पश्यन्ति नैवार्थनिबद्धवासनाः

tapanti tāpairvividhaiḥ svadehamanye tu yajñairvividhairyajanti / svapne 'pi te rūpamalaukikaṃvibho paśyanti naivārthanibaddhavāsanāḥ

Sanskrit only: no published translation is held for this verse.

ये वै त्वदीयं चरणं भवश्रमान्निर्विण्मचित्ता विधिवत्स्मरन्ति । नमन्ति भक्त्याथ समर्चयन्ति वै परस्परं संसदि वर्णयन्ति

ye vai tvadīyaṃ caraṇaṃ bhavaśramānnirviṇmacittā vidhivatsmaranti / namanti bhaktyātha samarcayanti vai parasparaṃ saṃsadi varṇayanti

Sanskrit only: no published translation is held for this verse.

तेनैकजन्मोद्भवपङ्कभेदनप्रसक्तचित्ता भवत्ॐऽघ्रिपद्मे । तरन्ति चान्यानपि तारयन्ति हि भवौषधं नाम सुधा तवेश

tenaikajanmodbhavapaṅkabhedanaprasaktacittā bhavatoṃ'ghripadme / taranti cānyānapi tārayanti hi bhavauṣadhaṃ nāma sudhā taveśa

Sanskrit only: no published translation is held for this verse.

अहं प्रभो कामनिबद्धचित्तो भवन्तमार्यं विविधप्रयत्नैः । आराधयं नाथ भवानभिज्ञः किं ते ह विज्ञाप्यमिहास्ति लोके

ahaṃ prabho kāmanibaddhacitto bhavantamāryaṃ vividhaprayatnaiḥ / ārādhayaṃ nātha bhavānabhijñaḥ kiṃ te ha vijñāpyamihāsti loke

Sanskrit only: no published translation is held for this verse.

वसिष्ठ उवाच इत्येवं जामदग्न्यं तु स्तुवन्तं प्रणतं पुरः । उवाचागाधया वाचा मोहयन्निव मायया

vasiṣṭha uvāca ityevaṃ jāmadagnyaṃ tu stuvantaṃ praṇataṃ puraḥ / uvācāgādhayā vācā mohayanniva māyayā

Sanskrit only: no published translation is held for this verse.

कृष्ण उवाच हन्त राम महाभाग सिद्धं ते कार्यमुत्तमम् । कवचस्य स्तवस्यापि प्रभावादवधारय

kṛṣṇa uvāca hanta rāma mahābhāga siddhaṃ te kāryamuttamam / kavacasya stavasyāpi prabhāvādavadhāraya

Sanskrit only: no published translation is held for this verse.

हत्वा तं कार्त्तवीर्यं हि राजानं दृप्तमानसम् । साधयित्वा पितुर्वैरं कुरु निःक्षत्रियां महीम्

hatvā taṃ kārttavīryaṃ hi rājānaṃ dṛptamānasam / sādhayitvā piturvairaṃ kuru niḥkṣatriyāṃ mahīm

Sanskrit only: no published translation is held for this verse.

मम चक्रावतारो हि कार्त्तवीर्यो धरातले । कृतकार्यो द्विजश्रेष्ट तं समापय मानद

mama cakrāvatāro hi kārttavīryo dharātale / kṛtakāryo dvijaśreṣṭa taṃ samāpaya mānada

Sanskrit only: no published translation is held for this verse.

अद्य प्रभृति लोके ऽस्मिन्नंशावेशेन मे भवान् । चरिष्यति यथा कालं कर्त्ता हर्त्ता स्वयं प्रभुः

adya prabhṛti loke 'sminnaṃśāveśena me bhavān / cariṣyati yathā kālaṃ karttā harttā svayaṃ prabhuḥ

Sanskrit only: no published translation is held for this verse.

चतुर्विशे युगे वत्स त्रेतायां रघुवंशजः । रामो नाम भविष्यामि चतुर्व्यूहः सनातनः

caturviśe yuge vatsa tretāyāṃ raghuvaṃśajaḥ / rāmo nāma bhaviṣyāmi caturvyūhaḥ sanātanaḥ

Sanskrit only: no published translation is held for this verse.

कौसल्यानन्दजनको राज्ञो दशरथादहम् । तदा कौशिकयज्ञं तु साधयित्वा सलक्ष्मणः

kausalyānandajanako rājño daśarathādaham / tadā kauśikayajñaṃ tu sādhayitvā salakṣmaṇaḥ

Sanskrit only: no published translation is held for this verse.

गमिष्यामि महाभाग जनकस्य पुर महत् । तत्रेशचापं निर्भज्य परिणीय विदेहजाम्

gamiṣyāmi mahābhāga janakasya pura mahat / tatreśacāpaṃ nirbhajya pariṇīya videhajām

Sanskrit only: no published translation is held for this verse.

तदा यास्यन्नयोध्यां ते हरिष्ये तेज उन्मदम् । वसिष्ठ उवाच कृष्ण एवं समदिश्य जामदग्न्यं तपोनिधिम् । पश्यत्ॐऽतर्दधे तत्र रामस्य मुमहात्मनः

tadā yāsyannayodhyāṃ te hariṣye teja unmadam / vasiṣṭha uvāca kṛṣṇa evaṃ samadiśya jāmadagnyaṃ taponidhim / paśyatoṃ'tardadhe tatra rāmasya mumahātmanaḥ

Sanskrit only: no published translation is held for this verse.