Brahmāṇḍa Purāṇa 2.3

वर्द्धन्ते तेजसा बुद्ध्या श्रुतेन च बलेन च । यद्यद्विभूतिमत्सत्त्वं श्रीमदूर्जितमेव वा

varddhante tejasā buddhyā śrutena ca balena ca / yadyadvibhūtimatsattvaṃ śrīmadūrjitameva vā

Sanskrit only: no published translation is held for this verse.

तत्तदेवावगच्छध्वं विष्णोस्तेज्ॐऽशसंभवम् । स एव जायतेंऽशेन केचिदिच्छन्ति मानवाः

tattadevāvagacchadhvaṃ viṣṇostejoṃ'śasaṃbhavam / sa eva jāyateṃ'śena kecidicchanti mānavāḥ

Sanskrit only: no published translation is held for this verse.

एके विवदमानास्तु दृष्टान्ताच्च ब्रुवन्ति हि । एषां न विद्यते भेदस्त्रयाणां द्युसदामिह

eke vivadamānāstu dṛṣṭāntācca bruvanti hi / eṣāṃ na vidyate bhedastrayāṇāṃ dyusadāmiha

Sanskrit only: no published translation is held for this verse.

जायन्ते पोहयन्त्यं शैरीश्वरा योगमायया

jāyante pohayantyaṃ śairīśvarā yogamāyayā

Sanskrit only: no published translation is held for this verse.

तस्मात्तेषां प्रचारे तु युक्तायुक्तं न विद्यते । भूतानुवादिना माद्या मध्यस्था भूतवादिनाम्

tasmātteṣāṃ pracāre tu yuktāyuktaṃ na vidyate / bhūtānuvādinā mādyā madhyasthā bhūtavādinām

Sanskrit only: no published translation is held for this verse.

भूतानुवादिनः सक्तस्त्रयश्चैव प्रवादिनाम् । परीक्ष्य चानुगृह्णन्ति निगृह्णन्ति खलान्स्वयम्

bhūtānuvādinaḥ saktastrayaścaiva pravādinām / parīkṣya cānugṛhṇanti nigṛhṇanti khalānsvayam

Sanskrit only: no published translation is held for this verse.

मत्तः पूर्व्वे च ते तस्मात्प्रभवश्च ततो ऽधिकाः । तथाधिकरणैरतैर्यथा तत्त्वनिदर्शकाः

mattaḥ pūrvve ca te tasmātprabhavaśca tato 'dhikāḥ / tathādhikaraṇairatairyathā tattvanidarśakāḥ

Sanskrit only: no published translation is held for this verse.

देवानां देवभूताश्च ते वै सर्वप्रवर्त्तकाः । कर्म्मणां महतां ते हि कर्त्तारो जगदीश्वराः

devānāṃ devabhūtāśca te vai sarvapravarttakāḥ / karmmaṇāṃ mahatāṃ te hi karttāro jagadīśvarāḥ

Sanskrit only: no published translation is held for this verse.

श्रुतिज्ञैः कारणैरेतैश्चतुर्भिः परिकीर्त्तिताः । बालिशास्ते न जानन्ति दैवतानि प्रभागशः

śrutijñaiḥ kāraṇairetaiścaturbhiḥ parikīrttitāḥ / bāliśāste na jānanti daivatāni prabhāgaśaḥ

Sanskrit only: no published translation is held for this verse.

इमं चोदाहरन्त्यत्र श्लोकं योगेश्वरान्प्रति । कुर्याद्योगबलं प्राप्य तैश्च सर्वैर्महांश्चरेत्

imaṃ codāharantyatra ślokaṃ yogeśvarānprati / kuryādyogabalaṃ prāpya taiśca sarvairmahāṃścaret

Sanskrit only: no published translation is held for this verse.

प्राप्नुयाद्विषयांश्चैव पुनश्चोर्द्ध्व तपश्चरेत् । संहरेत पुनः सर्व्वान्सूर्य्यो ज्योतिर्गणानिव

prāpnuyādviṣayāṃścaiva punaścorddhva tapaścaret / saṃhareta punaḥ sarvvānsūryyo jyotirgaṇāniva

Sanskrit only: no published translation is held for this verse.