Brahmāṇḍa Purāṇa 2.46

इति श्रीब्रह्माण्डे महापुराणे वायुप्रोक्ते मध्यमभागे सगरोपाख्याने भार्गवचरिते पञ्चचत्वारिंशत्तमोध्यायः ॥ ४५॥ वसिष्ठ उवाच सगच्छन्पथि शुश्राव मुनिभ्यस्त त्त्वमादितः । राजपुत्रव्यवसितं पित्रौः स्वर्गतिमेव च

iti śrībrahmāṇḍe mahāpurāṇe vāyuprokte madhyamabhāge sagaropākhyāne bhārgavacarite pañcacatvāriṃśattamodhyāyaḥ // 45// vasiṣṭha uvāca sagacchanpathi śuśrāva munibhyasta ttvamāditaḥ / rājaputravyavasitaṃ pitrauḥ svargatimeva ca

Sanskrit only: no published translation is held for this verse.

पितुस्तु जीवहरणं शिरोहरणमेव च । तन्मृतेरेव मरणं श्रुत्वा मातुश्च केवलम्

pitustu jīvaharaṇaṃ śiroharaṇameva ca / tanmṛtereva maraṇaṃ śrutvā mātuśca kevalam

Sanskrit only: no published translation is held for this verse.

विललाप महाबाहुर्दुःखशोकसमन्वितः । तमथाश्वासयामास तुल्यदुःखो ऽकृतव्रणः

vilalāpa mahābāhurduḥkhaśokasamanvitaḥ / tamathāśvāsayāmāsa tulyaduḥkho 'kṛtavraṇaḥ

Sanskrit only: no published translation is held for this verse.

हेतुभिः शास्त्रनिर्दिष्टैर् वीर्यसामर्थ्यसूचकैः । युक्तिलौकिकदृष्टान्तैस्तच्छोकं संव्यशामयत्

hetubhiḥ śāstranirdiṣṭair vīryasāmarthyasūcakaiḥ / yuktilaukikadṛṣṭāntaistacchokaṃ saṃvyaśāmayat

Sanskrit only: no published translation is held for this verse.

सांत्वितस्तेन मैधावी धृतिमालंब्य भार्गवः । प्रययौ सहितः सख्या भ्रातॄणां तु दिदृक्षया

sāṃtvitastena maidhāvī dhṛtimālaṃbya bhārgavaḥ / prayayau sahitaḥ sakhyā bhrātṝṇāṃ tu didṛkṣayā

Sanskrit only: no published translation is held for this verse.

स तान्दृष्ट्वाभिवाद्यैतान्दुःखितान्दुःखकर्शितः । शोकामषयुतस्तैश्च सह त्स्थौ दिनत्रयम्

sa tāndṛṣṭvābhivādyaitānduḥkhitānduḥkhakarśitaḥ / śokāmaṣayutastaiśca saha tsthau dinatrayam

Sanskrit only: no published translation is held for this verse.

ततो ऽस्य सुमाहान्क्रोधः स्मरतो निधनं पितुः । बभूव सहसा सर्वलोकसंहरणक्षमः

tato 'sya sumāhānkrodhaḥ smarato nidhanaṃ pituḥ / babhūva sahasā sarvalokasaṃharaṇakṣamaḥ

Sanskrit only: no published translation is held for this verse.

मातुरर्थे कृतां पूर्वं प्रतिज्ञां सत्यसंगरः । दृढीचकार हृदये सर्वक्षत्रवधोद्यतः

māturarthe kṛtāṃ pūrvaṃ pratijñāṃ satyasaṃgaraḥ / dṛḍhīcakāra hṛdaye sarvakṣatravadhodyataḥ

Sanskrit only: no published translation is held for this verse.

क्षत्रवंश्यानशेषेण हत्वा तद्देहलोहितैः । करिष्ये तर्पणं पित्रोरिति निश्चित्य भार्गवः

kṣatravaṃśyānaśeṣeṇa hatvā taddehalohitaiḥ / kariṣye tarpaṇaṃ pitroriti niścitya bhārgavaḥ

Sanskrit only: no published translation is held for this verse.

भ्रातॄणां चैव सर्वेषामाख्यायात्मसमीहितम् । प्रययौ तदनुज्ञातः कृत्वा संस्थांपितुः क्रियाम्

bhrātṝṇāṃ caiva sarveṣāmākhyāyātmasamīhitam / prayayau tadanujñātaḥ kṛtvā saṃsthāṃpituḥ kriyām

Sanskrit only: no published translation is held for this verse.

अकृतव्रणसंयुक्तः प्राप्य माहिष्मतीं ततः । तद्बाह्योपवने स्थित्वा सस्मार स महोदरम्

akṛtavraṇasaṃyuktaḥ prāpya māhiṣmatīṃ tataḥ / tadbāhyopavane sthitvā sasmāra sa mahodaram

Sanskrit only: no published translation is held for this verse.

स तस्मै रथचापाद्यं सहसाश्वसमन्वितम् । प्रेषयामास रामाय सर्वसंहननानि च

sa tasmai rathacāpādyaṃ sahasāśvasamanvitam / preṣayāmāsa rāmāya sarvasaṃhananāni ca

Sanskrit only: no published translation is held for this verse.

रामो ऽपि रथमारुह्य सन्नद्धः सशरं धनुः । गृहीत्वापूरयच्छङ्खं रुद्रदत्तममित्रजित्

rāmo 'pi rathamāruhya sannaddhaḥ saśaraṃ dhanuḥ / gṛhītvāpūrayacchaṅkhaṃ rudradattamamitrajit

Sanskrit only: no published translation is held for this verse.

ज्याघोषं च चकारोच्चै रोदसी कंपयन्निव । सहसाहोथ सारथ्यं चक्रे सारथिनां वरः

jyāghoṣaṃ ca cakāroccai rodasī kaṃpayanniva / sahasāhotha sārathyaṃ cakre sārathināṃ varaḥ

Sanskrit only: no published translation is held for this verse.

रथज्याशङ्खनादैस्तु वधात्पित्रोरमर्षिणः । तस्याभून्नगरी सर्वा संक्षुब्धाश्च नरद्विपाः

rathajyāśaṅkhanādaistu vadhātpitroramarṣiṇaḥ / tasyābhūnnagarī sarvā saṃkṣubdhāśca naradvipāḥ

Sanskrit only: no published translation is held for this verse.

रामं त्वागतमाज्ञाय सर्वक्षत्रकुलान्तकम् । संक्षुब्धाश्चक्रुरुद्योगं संग्रामाय नृपात्मजाः

rāmaṃ tvāgatamājñāya sarvakṣatrakulāntakam / saṃkṣubdhāścakrurudyogaṃ saṃgrāmāya nṛpātmajāḥ

Sanskrit only: no published translation is held for this verse.

अथ पञ्चरथाः शुराः शूरसेनादयो नृप । रामेण योद्धुं सहिता राजभिश्च क्रुरुद्यमम्

atha pañcarathāḥ śurāḥ śūrasenādayo nṛpa / rāmeṇa yoddhuṃ sahitā rājabhiśca krurudyamam

Sanskrit only: no published translation is held for this verse.

चतुरङ्गवलोपेतास्ततस्ते क्षत्रियर्षभाः । राममासादयामासुः पतङ्गा इव पावकम्

caturaṅgavalopetāstataste kṣatriyarṣabhāḥ / rāmamāsādayāmāsuḥ pataṅgā iva pāvakam

Sanskrit only: no published translation is held for this verse.

निवार्य तानापततो रथेनैकेन भार्गवः । युयुधे पार्थिवैः सर्वैः समरे ऽमितविक्रमः

nivārya tānāpatato rathenaikena bhārgavaḥ / yuyudhe pārthivaiḥ sarvaiḥ samare 'mitavikramaḥ

Sanskrit only: no published translation is held for this verse.

ततः पुनरभूद्युद्धं रामस्य सह राजभिः । जघान यत्र संक्रुद्धो राज्ञां शतमुदारधीः

tataḥ punarabhūdyuddhaṃ rāmasya saha rājabhiḥ / jaghāna yatra saṃkruddho rājñāṃ śatamudāradhīḥ

Sanskrit only: no published translation is held for this verse.

ततः स शूरसेनादीन्हत्वा सबलवाहनान् । त्रणेन पातयामास क्षितौ क्षत्रियमण्डलम्

tataḥ sa śūrasenādīnhatvā sabalavāhanān / traṇena pātayāmāsa kṣitau kṣatriyamaṇḍalam

Sanskrit only: no published translation is held for this verse.

ततस्ते भग्नसंकल्पा हतस्वबलवाहनाः । हतशिष्टा नृपतयो दुद्रुवुः सर्वतोदिशम्

tataste bhagnasaṃkalpā hatasvabalavāhanāḥ / hataśiṣṭā nṛpatayo dudruvuḥ sarvatodiśam

Sanskrit only: no published translation is held for this verse.

एवं विद्राव्य सैन्यानि हत्वा जित्वाथ संयुगे । जघान शतशो राज्ञः शूराञ्छरवराग्निना

evaṃ vidrāvya sainyāni hatvā jitvātha saṃyuge / jaghāna śataśo rājñaḥ śūrāñcharavarāgninā

Sanskrit only: no published translation is held for this verse.

ततः क्रोधपरीतात्मा दग्धुकामो ऽखिलां पुरीम् । उदैरयद्भार्गवो ऽस्त्रं कालाग्निसदृशप्रभम्

tataḥ krodhaparītātmā dagdhukāmo 'khilāṃ purīm / udairayadbhārgavo 'straṃ kālāgnisadṛśaprabham

Sanskrit only: no published translation is held for this verse.

ज्वालाकवलिताशेषपुरप्राकारमालिनीम् । पुरीं सहस्त्यश्वनरां स ददाहास्त्रपावकः

jvālākavalitāśeṣapuraprākāramālinīm / purīṃ sahastyaśvanarāṃ sa dadāhāstrapāvakaḥ

Sanskrit only: no published translation is held for this verse.

दह्यमानां पुरीं दृष्ट्वा प्राणत्राणपरायणः । जीवनाय जगामाशु वीतिहोत्रो भयातुरः

dahyamānāṃ purīṃ dṛṣṭvā prāṇatrāṇaparāyaṇaḥ / jīvanāya jagāmāśu vītihotro bhayāturaḥ

Sanskrit only: no published translation is held for this verse.

अस्त्राग्निना पुरीं सर्वां दग्ध्वा हत्वा च शात्रवान् । प्राशयानो ऽखिलान् लोकान् साक्षात्काल इवान्तकः

astrāgninā purīṃ sarvāṃ dagdhvā hatvā ca śātravān / prāśayāno 'khilān lokān sākṣātkāla ivāntakaḥ

Sanskrit only: no published translation is held for this verse.

अकृतव्रणसंयुक्तः सहसाहेन चान्वितः । जगामरथघोषेण कंपयन्निव मेदिनीम्

akṛtavraṇasaṃyuktaḥ sahasāhena cānvitaḥ / jagāmarathaghoṣeṇa kaṃpayanniva medinīm

Sanskrit only: no published translation is held for this verse.

विनिघ्नन् क्षत्रियान्सर्वान् संशाम्य पृथिवीतले । महेन्द्राद्रिं ययौ रामस्तपसे धतमानसः

vinighnan kṣatriyānsarvān saṃśāmya pṛthivītale / mahendrādriṃ yayau rāmastapase dhatamānasaḥ

Sanskrit only: no published translation is held for this verse.

तस्मिन्नष्टचतुष्कं च यावत्क्षत्रसमुद्गमम् । प्रत्येत्य भूयस्तद्धत्यै बद्धदीक्षो धृतव्रतः

tasminnaṣṭacatuṣkaṃ ca yāvatkṣatrasamudgamam / pratyetya bhūyastaddhatyai baddhadīkṣo dhṛtavrataḥ

Sanskrit only: no published translation is held for this verse.

क्षत्रक्षेत्रेषु भूयश्च क्षत्रमुत्पादितं द्विजैः । निजघान पुनर्भूमौ राज्ञ शतसहस्रशः

kṣatrakṣetreṣu bhūyaśca kṣatramutpāditaṃ dvijaiḥ / nijaghāna punarbhūmau rājña śatasahasraśaḥ

Sanskrit only: no published translation is held for this verse.

वर्षद्वयेन भूयो ऽपि कृत्वा निःक्षत्रियां महीम् । षट्चतुष्टयवर्षान्तं तपस्तेपे पुनश्च सः

varṣadvayena bhūyo 'pi kṛtvā niḥkṣatriyāṃ mahīm / ṣaṭcatuṣṭayavarṣāntaṃ tapastepe punaśca saḥ

Sanskrit only: no published translation is held for this verse.

भूयो ऽपि राजन् संबुद्धं क्षत्रमुत्पादितं द्विजैः । जघान भूमौ निःशेषं साक्षात्काल इवान्तकः

bhūyo 'pi rājan saṃbuddhaṃ kṣatramutpāditaṃ dvijaiḥ / jaghāna bhūmau niḥśeṣaṃ sākṣātkāla ivāntakaḥ

Sanskrit only: no published translation is held for this verse.

कालेन तावता भूयः समुत्पन्नं नृपात्त्वयम् । निघ्नंश्चचार पृथिवीं वर्षद्वयमनारतम्

kālena tāvatā bhūyaḥ samutpannaṃ nṛpāttvayam / nighnaṃścacāra pṛthivīṃ varṣadvayamanāratam

Sanskrit only: no published translation is held for this verse.

अलं रामेण राजेन्द्र स्मरता निधनं पितुः । त्रिः सप्तकृत्वः पृथिवी तेन निःक्षत्रिया कृता

alaṃ rāmeṇa rājendra smaratā nidhanaṃ pituḥ / triḥ saptakṛtvaḥ pṛthivī tena niḥkṣatriyā kṛtā

Sanskrit only: no published translation is held for this verse.

त्रिःसप्तकृत्वस्तन्माता यदुरः स्वमताडयत् । तावद्रामेण तस्मात्तु क्षत्रमुत्सादितं भुवि

triḥsaptakṛtvastanmātā yaduraḥ svamatāḍayat / tāvadrāmeṇa tasmāttu kṣatramutsāditaṃ bhuvi

Sanskrit only: no published translation is held for this verse.