इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादे सगरस्यौर्वाश्रमगमनं नाम पञ्चशत्तमो ऽध्यायः ॥ ५०॥ सगर उवाच कुशलं मम सर्वत्र महर्षे नात्र संशयः । यस्य मे त्वमनुध्याता शमं भार्गवसत्तमः
iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde sagarasyaurvāśramagamanaṃ nāma pañcaśattamo 'dhyāyaḥ // 50// sagara uvāca kuśalaṃ mama sarvatra maharṣe nātra saṃśayaḥ / yasya me tvamanudhyātā śamaṃ bhārgavasattamaḥ
Sanskrit only: no published translation is held for this verse.
यस्तथा शिक्षितः पूर्वमस्त्रे शस्त्रे च सांप्रतम् । सो ऽहं कथमशक्तः स्यां सकलारिविनिग्रहे
yastathā śikṣitaḥ pūrvamastre śastre ca sāṃpratam / so 'haṃ kathamaśaktaḥ syāṃ sakalārivinigrahe
Sanskrit only: no published translation is held for this verse.
त्वं मे गुरुः सुहृद्दैवं बन्धुर्मित्रं च केवलम् । न ह्यन्यमभिजानामि त्वामृते पितरं च मे
tvaṃ me guruḥ suhṛddaivaṃ bandhurmitraṃ ca kevalam / na hyanyamabhijānāmi tvāmṛte pitaraṃ ca me
Sanskrit only: no published translation is held for this verse.
त्वयोपदिष्टेनास्त्रेण सकला भूभृतो मया । विजिता यदनुस्मृत्या शक्तिः सा तपसस्तव
tvayopadiṣṭenāstreṇa sakalā bhūbhṛto mayā / vijitā yadanusmṛtyā śaktiḥ sā tapasastava
Sanskrit only: no published translation is held for this verse.
तपसा त्वं जगत्सर्वं पुनासि परिपासि च । स्रष्टुं संहर्त्तुमपि च शक्नोष्येव न संशयः
tapasā tvaṃ jagatsarvaṃ punāsi paripāsi ca / sraṣṭuṃ saṃharttumapi ca śaknoṣyeva na saṃśayaḥ
Sanskrit only: no published translation is held for this verse.
महाननन्यसामान्यप्रभावस्तपसश्च ते । इह तस्यैकदेशो ऽपि दृश्यते विस्मयप्रदः
mahānananyasāmānyaprabhāvastapasaśca te / iha tasyaikadeśo 'pi dṛśyate vismayapradaḥ
Sanskrit only: no published translation is held for this verse.
पश्यसिंहासने बाल्यादुपेत्य मृगपोतकः । पिबत्यंभः शनैर्ब्रह्मन्निःशङ्कं ते तपोवने
paśyasiṃhāsane bālyādupetya mṛgapotakaḥ / pibatyaṃbhaḥ śanairbrahmanniḥśaṅkaṃ te tapovane
Sanskrit only: no published translation is held for this verse.
धयत्यत्रातिविस्रंभात् कृशापि हरिणी स्तनम् । करोति मृगशृङ्गाग्रे गण्डकण्डूयनं रुरुः
dhayatyatrātivisraṃbhāt kṛśāpi hariṇī stanam / karoti mṛgaśṛṅgāgre gaṇḍakaṇḍūyanaṃ ruruḥ
Sanskrit only: no published translation is held for this verse.
नवप्रसूतां हरिणीं हत्वा वृत्त्यै वनान्तरे । व्याघ्री त्वत्तपसावासे सैव पुष्णाति तच्छिशून्
navaprasūtāṃ hariṇīṃ hatvā vṛttyai vanāntare / vyāghrī tvattapasāvāse saiva puṣṇāti tacchiśūn
Sanskrit only: no published translation is held for this verse.
गजं द्रुतमनुद्रुत्य सिंहो यस्मादिदं वनम् । प्रविष्टो ऽनुसरन्तौ त्वद्भयादेकत्र तिष्ठतः
gajaṃ drutamanudrutya siṃho yasmādidaṃ vanam / praviṣṭo 'nusarantau tvadbhayādekatra tiṣṭhataḥ
Sanskrit only: no published translation is held for this verse.
नकुलस्त्वाशुमार्जारमयूरशशपन्नगाः । वृकसूकरशार्दूलशरभर्क्षप्लवङ्गमाः
nakulastvāśumārjāramayūraśaśapannagāḥ / vṛkasūkaraśārdūlaśarabharkṣaplavaṅgamāḥ
Sanskrit only: no published translation is held for this verse.
सृगाला गवयागावो हरिणा महिषास्तथा । वने ऽत्र सहजं वैरं हित्वा मैत्रीमुपागताः
sṛgālā gavayāgāvo hariṇā mahiṣāstathā / vane 'tra sahajaṃ vairaṃ hitvā maitrīmupāgatāḥ
Sanskrit only: no published translation is held for this verse.
एवंविधा तपःशक्तिर्लोकविस्मयदायिनी । न क्वापि दृश्यते ब्रह्मंस्त्वामृते भुवि दुर्लभा
evaṃvidhā tapaḥśaktirlokavismayadāyinī / na kvāpi dṛśyate brahmaṃstvāmṛte bhuvi durlabhā
Sanskrit only: no published translation is held for this verse.
अहं तु त्वत्प्रसादेन विजित्य वसुधामि माम् । रिपुभिः सह विप्रर्षे स्वराज्यं समुपागतः
ahaṃ tu tvatprasādena vijitya vasudhāmi mām / ripubhiḥ saha viprarṣe svarājyaṃ samupāgataḥ
Sanskrit only: no published translation is held for this verse.
वश्यामात्यस्त्रिवर्गे ऽपि यथायोग्यकृतादरः । त्वयोपदिष्टमार्गेण सम्यग्राज्यमपालयम्
vaśyāmātyastrivarge 'pi yathāyogyakṛtādaraḥ / tvayopadiṣṭamārgeṇa samyagrājyamapālayam
Sanskrit only: no published translation is held for this verse.
एवं प्रवर्त्तमानस्य मम राज्ये ऽवतिष्ठतः । भवद्दिदृक्षा संजाता सापेक्षा भृगुपुङ्गव
evaṃ pravarttamānasya mama rājye 'vatiṣṭhataḥ / bhavaddidṛkṣā saṃjātā sāpekṣā bhṛgupuṅgava
Sanskrit only: no published translation is held for this verse.
किं त्वद्य मयि पर्याप्तमनपत्यतयैव मे । पितृपिण्डप्रदानेन सह संरक्षणं भुवः
kiṃ tvadya mayi paryāptamanapatyatayaiva me / pitṛpiṇḍapradānena saha saṃrakṣaṇaṃ bhuvaḥ
Sanskrit only: no published translation is held for this verse.
तदिदं दुःशमत्यर्थमनिवार्यं मनोगतम् । नानयो ऽपहर्त्तां लोकंऽस्मिन् ममेति त्वामुपागतः
tadidaṃ duḥśamatyarthamanivāryaṃ manogatam / nānayo 'paharttāṃ lokaṃ'smin mameti tvāmupāgataḥ
Sanskrit only: no published translation is held for this verse.
इत्युक्तः सगरेणाथ स्थित्वा सो ऽतर्मनाः क्षणम् । उवाच भगवानौर्वः सनिदेशमिदं वचः
ityuktaḥ sagareṇātha sthitvā so 'tarmanāḥ kṣaṇam / uvāca bhagavānaurvaḥ sanideśamidaṃ vacaḥ
Sanskrit only: no published translation is held for this verse.
नियम्य सह भार्याभ्यां किञ्चित्कालमिहावस । अवाप्स्यति ततो ऽभीष्टं भवान्नात्र विचारमा
niyamya saha bhāryābhyāṃ kiñcitkālamihāvasa / avāpsyati tato 'bhīṣṭaṃ bhavānnātra vicāramā
Sanskrit only: no published translation is held for this verse.
स च तत्रावसत्प्रीतस्तच्छुश्रूषापरायमः । पत्नीभ्यां सह धर्मात्मा भक्तियुक्तश्चिरं तदा
sa ca tatrāvasatprītastacchuśrūṣāparāyamaḥ / patnībhyāṃ saha dharmātmā bhaktiyuktaściraṃ tadā
Sanskrit only: no published translation is held for this verse.
राजपत्न्यौ च ते तस्य सर्वकालमतन्द्रिते । मुनेरतनुतां प्रीतिं विनयाचारभक्तिभिः
rājapatnyau ca te tasya sarvakālamatandrite / muneratanutāṃ prītiṃ vinayācārabhaktibhiḥ
Sanskrit only: no published translation is held for this verse.
भक्त्या शुश्रूषया चैव तयोस्तुष्टो महामुनिः । राजपत्न्यौ समाहूय इदं वचनम ब्रवीत्
bhaktyā śuśrūṣayā caiva tayostuṣṭo mahāmuniḥ / rājapatnyau samāhūya idaṃ vacanama bravīt
Sanskrit only: no published translation is held for this verse.
भवत्यौ वरमस्मत्तो व्रियतां काममीप्सितम् । दास्यामि तं न संदेहो यद्यपि स्यात्सुदुर्ल्लभम्
bhavatyau varamasmatto vriyatāṃ kāmamīpsitam / dāsyāmi taṃ na saṃdeho yadyapi syātsudurllabham
Sanskrit only: no published translation is held for this verse.
ततः प्रणम्यशिरसा ते ऽप्युभे तं महामुनिम् । ऊचतुर्भगवान्पुत्रान्कामयावेति सादरम्
tataḥ praṇamyaśirasā te 'pyubhe taṃ mahāmunim / ūcaturbhagavānputrānkāmayāveti sādaram
Sanskrit only: no published translation is held for this verse.
ततस्ते भगवानाह भवतीभ्यां मया पुनः । राज्ञश्चप्रियकामेन वरो दत्तो ऽयमीप्सितः
tataste bhagavānāha bhavatībhyāṃ mayā punaḥ / rājñaścapriyakāmena varo datto 'yamīpsitaḥ
Sanskrit only: no published translation is held for this verse.
पुत्रवत्यौ महाभागे भवत्यौ मत्प्रसादतः । भवेतां ध्रुवमन्यच्च श्रूयतां वचनं मम
putravatyau mahābhāge bhavatyau matprasādataḥ / bhavetāṃ dhruvamanyacca śrūyatāṃ vacanaṃ mama
Sanskrit only: no published translation is held for this verse.
पुत्रो भविष्यत्येकस्यामेकः सो ऽनतिधार्मिकः । तथापि तस्य कल्पान्तं संभूतिश्च भविष्यति
putro bhaviṣyatyekasyāmekaḥ so 'natidhārmikaḥ / tathāpi tasya kalpāntaṃ saṃbhūtiśca bhaviṣyati
Sanskrit only: no published translation is held for this verse.
षष्टिः पुत्रसहस्राणामपरस्यां च जायते । अकृतार्थाश्च ते सर्वे विनङ्क्ष्यन्त्यचिरादिव
ṣaṣṭiḥ putrasahasrāṇāmaparasyāṃ ca jāyate / akṛtārthāśca te sarve vinaṅkṣyantyacirādiva
Sanskrit only: no published translation is held for this verse.
एवंविधगुणेपेतो वरौ दत्तौ मया युवाम् । अभीप्सितं तु यद्यस्याः स्वेच्छया तत्प्रकीर्त्यताम्
evaṃvidhaguṇepeto varau dattau mayā yuvām / abhīpsitaṃ tu yadyasyāḥ svecchayā tatprakīrtyatām
Sanskrit only: no published translation is held for this verse.
एवमुक्ते तु मुनिना वैदर्भ्यान्वयवर्द्धनम् । वरयामास तनयं पुत्रानन्यास्तथा परा
evamukte tu muninā vaidarbhyānvayavarddhanam / varayāmāsa tanayaṃ putrānanyāstathā parā
Sanskrit only: no published translation is held for this verse.
इति दत्त्वा वरं राज्ञे सगराय महामुनिः । सभार्यामनुमान्यैनं विससर्ज पुरीं प्रति
iti dattvā varaṃ rājñe sagarāya mahāmuniḥ / sabhāryāmanumānyainaṃ visasarja purīṃ prati
Sanskrit only: no published translation is held for this verse.
मुनिना समनुज्ञातः कृत कृत्यो महीपतिः । रथमारुह्य वेगेन सप्रियः प्रययौ पुरीम्
muninā samanujñātaḥ kṛta kṛtyo mahīpatiḥ / rathamāruhya vegena sapriyaḥ prayayau purīm
Sanskrit only: no published translation is held for this verse.
स प्रविश्य पुरीं रम्यां त्दृष्टपुष्टजनावृताम् । आनन्दितः पौरजनै रेमे परमया मुदा
sa praviśya purīṃ ramyāṃ tdṛṣṭapuṣṭajanāvṛtām / ānanditaḥ paurajanai reme paramayā mudā
Sanskrit only: no published translation is held for this verse.
एतस्मिन्नेव काले तु राजपत्न्यावुभे नृप । राज्ञे प्रावोचतां गर्भं मुदा परमया युते
etasminneva kāle tu rājapatnyāvubhe nṛpa / rājñe prāvocatāṃ garbhaṃ mudā paramayā yute
Sanskrit only: no published translation is held for this verse.
ववृधे च तयोर्गर्भः शुक्लपक्षे यथोडुराट् । सह संतोषसंपत्त्या पित्रोः पौरजनस्य च
vavṛdhe ca tayorgarbhaḥ śuklapakṣe yathoḍurāṭ / saha saṃtoṣasaṃpattyā pitroḥ paurajanasya ca
Sanskrit only: no published translation is held for this verse.
संपूर्णे तु ततः काले मुहूर्ते केशिनीशुभे । असूयताग्निगर्भाभं कुमारममितद्युतिम्
saṃpūrṇe tu tataḥ kāle muhūrte keśinīśubhe / asūyatāgnigarbhābhaṃ kumāramamitadyutim
Sanskrit only: no published translation is held for this verse.
जातकर्मादिकं तस्य कृत्वा चैव यथाविधि । असमञ्चस इत्येव नाम तस्या करोन्नृपः
jātakarmādikaṃ tasya kṛtvā caiva yathāvidhi / asamañcasa ityeva nāma tasyā karonnṛpaḥ
Sanskrit only: no published translation is held for this verse.
सुमतिश्चापि तत्काले गर्भालाबमसूयत । संप्रसूतं तु तं त्यक्तं दृष्ट्वा राजाकरोन्मनः
sumatiścāpi tatkāle garbhālābamasūyata / saṃprasūtaṃ tu taṃ tyaktaṃ dṛṣṭvā rājākaronmanaḥ
Sanskrit only: no published translation is held for this verse.
तज्ज्ञात्वा भगवानौर्वस्तत्रागच्छद्यदृच्छया । सम्यक् संभावितो राज्ञा तमुवाच त्वरान्वितः
tajjñātvā bhagavānaurvastatrāgacchadyadṛcchayā / samyak saṃbhāvito rājñā tamuvāca tvarānvitaḥ
Sanskrit only: no published translation is held for this verse.
गर्भालाबुरयं राजन्न त्यक्तुं भवतार्हति । पुत्राणां षष्टिसाहस्रबीजभूतो यतस्तव
garbhālāburayaṃ rājanna tyaktuṃ bhavatārhati / putrāṇāṃ ṣaṣṭisāhasrabījabhūto yatastava
Sanskrit only: no published translation is held for this verse.
तस्मात्तत्सकलीकृत्य घृतकुंभेषु यत्नतः । निःक्षिप्य सपिधानेषु रक्षणीयं पृथक्पृथक्
tasmāttatsakalīkṛtya ghṛtakuṃbheṣu yatnataḥ / niḥkṣipya sapidhāneṣu rakṣaṇīyaṃ pṛthakpṛthak
Sanskrit only: no published translation is held for this verse.
सम्यगेवं कृते राजन्भवतो मत्प्रसादतः । यथोक्तसंख्या पत्राणां भविष्यति न संशयः
samyagevaṃ kṛte rājanbhavato matprasādataḥ / yathoktasaṃkhyā patrāṇāṃ bhaviṣyati na saṃśayaḥ
Sanskrit only: no published translation is held for this verse.
काले पूर्णे ततः कुम्भान्भित्त्वा निर्यान्ति ते पृथक् । एवं ते षष्टिसाहस्रं पुत्राणां जायते नृप
kāle pūrṇe tataḥ kumbhānbhittvā niryānti te pṛthak / evaṃ te ṣaṣṭisāhasraṃ putrāṇāṃ jāyate nṛpa
Sanskrit only: no published translation is held for this verse.
इत्युक्त्वा भगवानौर्वस्तत्रैवान्तरधाद्विभुः । राजा च तत्तथा चक्रे यथौर्वेण समीरितम्
ityuktvā bhagavānaurvastatraivāntaradhādvibhuḥ / rājā ca tattathā cakre yathaurveṇa samīritam
Sanskrit only: no published translation is held for this verse.
ततः संवत्सरे पूर्णे घृतकुंभात्क्रमेण ते । भित्त्वाभित्त्वा पुनर्जज्ञुः सहसैवानुवासरम्
tataḥ saṃvatsare pūrṇe ghṛtakuṃbhātkrameṇa te / bhittvābhittvā punarjajñuḥ sahasaivānuvāsaram
Sanskrit only: no published translation is held for this verse.
एवं क्रमेण संजातास्तनयास्ते महीपते । ववृधुः संघशो राजन्षष्टिसाहस्रसंख्याया
evaṃ krameṇa saṃjātāstanayāste mahīpate / vavṛdhuḥ saṃghaśo rājanṣaṣṭisāhasrasaṃkhyāyā
Sanskrit only: no published translation is held for this verse.
अपृथग्धर्मचरणा महाबलपराक्रमाः । बभूवुस्ते दुराधर्षाः क्रूरात्मानो विशेषतः
apṛthagdharmacaraṇā mahābalaparākramāḥ / babhūvuste durādharṣāḥ krūrātmāno viśeṣataḥ
Sanskrit only: no published translation is held for this verse.
स नातिप्रीतिमांस्तेषु राजा मतिमतां वरः । केशिनीतनयं त्वेकं बहुमान सुतं प्रियम्
sa nātiprītimāṃsteṣu rājā matimatāṃ varaḥ / keśinītanayaṃ tvekaṃ bahumāna sutaṃ priyam
Sanskrit only: no published translation is held for this verse.
विवाहं विधिवत्तस्मै कारयामास पार्थिवः । सचाप्यानन्दयामास स्वगुणैः सुहृदो ऽखिलान्
vivāhaṃ vidhivattasmai kārayāmāsa pārthivaḥ / sacāpyānandayāmāsa svaguṇaiḥ suhṛdo 'khilān
Sanskrit only: no published translation is held for this verse.
एवं प्रवर्त मानस्य केशिनीतनयस्य तु । अजायत सुतः श्रीमानंशुमानिति विश्रुतः
evaṃ pravarta mānasya keśinītanayasya tu / ajāyata sutaḥ śrīmānaṃśumāniti viśrutaḥ
Sanskrit only: no published translation is held for this verse.
स बाल्य एव मतिमानुदारैः स्वगुणैर्भृशम् । प्रीणयामास सुत्दृदः स्वपितामहमेव च
sa bālya eva matimānudāraiḥ svaguṇairbhṛśam / prīṇayāmāsa sutdṛdaḥ svapitāmahameva ca
Sanskrit only: no published translation is held for this verse.
एतस्मिन्नन्तरे राज्ञस्तस्य पुत्रो ऽसमञ्जसः । आविष्टो नष्टचेष्टो ऽभूत्स पिशाचेन केन चित्
etasminnantare rājñastasya putro 'samañjasaḥ / āviṣṭo naṣṭaceṣṭo 'bhūtsa piśācena kena cit
Sanskrit only: no published translation is held for this verse.
स तु कश्चिदभूद्वैश्यः पूर्वजन्मनि धर्मवित् । कस्याचिद्विषये राज्ञः प्रभूतधनधान्यवान्
sa tu kaścidabhūdvaiśyaḥ pūrvajanmani dharmavit / kasyācidviṣaye rājñaḥ prabhūtadhanadhānyavān
Sanskrit only: no published translation is held for this verse.
स कदाचिदरण्येषु विचरन्निधिमुत्तमम् । दृष्ट्वा ग्रहीतुमारेभे वणिग्लोभवरिप्लुतः
sa kadācidaraṇyeṣu vicarannidhimuttamam / dṛṣṭvā grahītumārebhe vaṇiglobhavariplutaḥ
Sanskrit only: no published translation is held for this verse.
ततस्तद्रक्षको ऽभ्येत्य पिशाचः प्राह तं तदा । क्षुधितो ऽहं चिरादस्मिन्निवसन्निधिपालकः
tatastadrakṣako 'bhyetya piśācaḥ prāha taṃ tadā / kṣudhito 'haṃ cirādasminnivasannidhipālakaḥ
Sanskrit only: no published translation is held for this verse.
तस्मात्तत्परिहाराय मम दत्त्वा गवामिषम् । कामतः प्रतिगृह्णीष्व निधिमेनं ममाज्ञया
tasmāttatparihārāya mama dattvā gavāmiṣam / kāmataḥ pratigṛhṇīṣva nidhimenaṃ mamājñayā
Sanskrit only: no published translation is held for this verse.
सतस्मै तत्परिश्रुत्य दास्यामीति गवामिषम् । आदत्त च निधिं तं तु पिशाचेनानुमोदितः
satasmai tatpariśrutya dāsyāmīti gavāmiṣam / ādatta ca nidhiṃ taṃ tu piśācenānumoditaḥ
Sanskrit only: no published translation is held for this verse.
न प्रादाच्च ततो मौढ्यात्तस्मै यत्तत्प्रतिश्रुतम् । प्रतिश्रुताप्रदानोत्थरोषं न श्रद्दधे नृप
na prādācca tato mauḍhyāttasmai yattatpratiśrutam / pratiśrutāpradānottharoṣaṃ na śraddadhe nṛpa
Sanskrit only: no published translation is held for this verse.
तमेवं सुचिरं कालं प्रतीक्ष्याशनकाङ्क्षया । अपनीतधनः सो ऽपि ममार व्यथितः क्षुधा
tamevaṃ suciraṃ kālaṃ pratīkṣyāśanakāṅkṣayā / apanītadhanaḥ so 'pi mamāra vyathitaḥ kṣudhā
Sanskrit only: no published translation is held for this verse.
वैश्यो ऽपि बालो मरणं संप्राप्य सगरस्य तु । बभूव काले केशिन्यां तनयो ऽन्वयवर्द्धनः
vaiśyo 'pi bālo maraṇaṃ saṃprāpya sagarasya tu / babhūva kāle keśinyāṃ tanayo 'nvayavarddhanaḥ
Sanskrit only: no published translation is held for this verse.
अशरीरः पिशाचे ऽपि पूर्ववैरमनुस्मरन् । वायुभूतो ऽविशद्देहं राजपुत्रस्य भूपते
aśarīraḥ piśāce 'pi pūrvavairamanusmaran / vāyubhūto 'viśaddehaṃ rājaputrasya bhūpate
Sanskrit only: no published translation is held for this verse.
तेनाविष्टस्ततः सो ऽपि क्रूरचित्तो ऽभवत्तदा । मतिविभ्रंशमासाद्य मुहुस्तेन बलात्कृतः
tenāviṣṭastataḥ so 'pi krūracitto 'bhavattadā / mativibhraṃśamāsādya muhustena balātkṛtaḥ
Sanskrit only: no published translation is held for this verse.
असमञ्जसत्वं नगरे चक्रे सो ऽपि नृशंसवत् । बालांश्च यूनः स्थविरान्योषितश्च सदा खलः
asamañjasatvaṃ nagare cakre so 'pi nṛśaṃsavat / bālāṃśca yūnaḥ sthavirānyoṣitaśca sadā khalaḥ
Sanskrit only: no published translation is held for this verse.
हत्वाहत्वा प्रचिक्षेप सरय्वामतिनिर्दयः । ततः पौरजनाः सर्वे दृष्ट्वा तस्य कदर्यताम्
hatvāhatvā pracikṣepa sarayvāmatinirdayaḥ / tataḥ paurajanāḥ sarve dṛṣṭvā tasya kadaryatām
Sanskrit only: no published translation is held for this verse.
बहुशो निकृतास्तेन गत्वा राज्ञे व्यजिज्ञापन् । राजा च तदुपश्रुत्य तमाहूय प्रयत्नतः
bahuśo nikṛtāstena gatvā rājñe vyajijñāpan / rājā ca tadupaśrutya tamāhūya prayatnataḥ
Sanskrit only: no published translation is held for this verse.
वारयामास बहुधा दुःखेन महतान्वितः । बहुशः प्रतिषिद्धो ऽपि पित्रा तेन महात्मना
vārayāmāsa bahudhā duḥkhena mahatānvitaḥ / bahuśaḥ pratiṣiddho 'pi pitrā tena mahātmanā
Sanskrit only: no published translation is held for this verse.
जले तप्ते च संतप्ताः संबभूवुर्यथा यवाः । नाशकत्तं यदा पापाद्विनिवर्त्तयितुं नृपः
jale tapte ca saṃtaptāḥ saṃbabhūvuryathā yavāḥ / nāśakattaṃ yadā pāpādvinivarttayituṃ nṛpaḥ
Sanskrit only: no published translation is held for this verse.
लोकापवादभीरुत्वाद्विषयानत्यजत्तदा
lokāpavādabhīrutvādviṣayānatyajattadā
Sanskrit only: no published translation is held for this verse.