Brahmāṇḍa Purāṇa 2.55

अभिनन्द्याशिषात्यर्थं लालयन्प्रशशंस ह

abhinandyāśiṣātyarthaṃ lālayanpraśaśaṃsa ha

Sanskrit only: no published translation is held for this verse.

अथ ऋत्विक्सदस्यैश्च सहितो राजसत्तमः । उपाक्रमत तं यज्ञे विधिवद्वेदपारगैः

atha ṛtviksadasyaiśca sahito rājasattamaḥ / upākramata taṃ yajñe vidhivadvedapāragaiḥ

Sanskrit only: no published translation is held for this verse.

ततः प्रववृते यज्ञः सर्वसंपद्गुणान्वितः । सम्यगौर्ववसिष्ठाद्यैर्मुनिभिः संप्रवर्त्तितः

tataḥ pravavṛte yajñaḥ sarvasaṃpadguṇānvitaḥ / samyagaurvavasiṣṭhādyairmunibhiḥ saṃpravarttitaḥ

Sanskrit only: no published translation is held for this verse.

हिरण्मयमयी वेदिः पात्राण्युच्चावचानि च । सुसमृद्धं यथाशास्त्रं यज्ञे सर्वं बभूव ह

hiraṇmayamayī vediḥ pātrāṇyuccāvacāni ca / susamṛddhaṃ yathāśāstraṃ yajñe sarvaṃ babhūva ha

Sanskrit only: no published translation is held for this verse.

एवं प्रवर्त्तितं यज्ञमृत्विजः सर्व एव ते । क्रमात्समापयामासुर्यजमानपुरस्सराः

evaṃ pravarttitaṃ yajñamṛtvijaḥ sarva eva te / kramātsamāpayāmāsuryajamānapurassarāḥ

Sanskrit only: no published translation is held for this verse.

समापयित्वा तं यज्ञं राजा विधिविदां वरः । यथावद्दक्षिणां चैव ऋत्विजां प्रददौ तदा

samāpayitvā taṃ yajñaṃ rājā vidhividāṃ varaḥ / yathāvaddakṣiṇāṃ caiva ṛtvijāṃ pradadau tadā

Sanskrit only: no published translation is held for this verse.

अथ ऋत्विक्सदस्यानां ब्राह्मणानां तथार्थिनाम् । तत्काङ्क्षितादभ्यधिकं प्रददौ वसु सर्वशः

atha ṛtviksadasyānāṃ brāhmaṇānāṃ tathārthinām / tatkāṅkṣitādabhyadhikaṃ pradadau vasu sarvaśaḥ

Sanskrit only: no published translation is held for this verse.

एवं संतर्प्य विप्रादीन्दक्षिणाभिर्यथाक्रमम् । क्षमापयामास गुरून्सदस्यान्प्रणिपत्य च

evaṃ saṃtarpya viprādīndakṣiṇābhiryathākramam / kṣamāpayāmāsa gurūnsadasyānpraṇipatya ca

Sanskrit only: no published translation is held for this verse.

ब्राह्मणाद्यैस्ततो वर्णैरृत्विग्भिश्च समन्वितः । वारकीयाकदंबैश्च सूतमागधवन्दिभिः

brāhmaṇādyaistato varṇairṛtvigbhiśca samanvitaḥ / vārakīyākadaṃbaiśca sūtamāgadhavandibhiḥ

Sanskrit only: no published translation is held for this verse.

अन्वीयमानः सस्त्रीकः श्वेतच्छत्रविराजितः । दोधूयमानचमरो वालव्यजनराजितः

anvīyamānaḥ sastrīkaḥ śvetacchatravirājitaḥ / dodhūyamānacamaro vālavyajanarājitaḥ

Sanskrit only: no published translation is held for this verse.

नानावादित्रनिर्घोषैर्बधिरीकृतदिङ्मुखः । स गत्वा सरयूतीरं यथाशाश्त्रं यथाविधि

nānāvāditranirghoṣairbadhirīkṛtadiṅmukhaḥ / sa gatvā sarayūtīraṃ yathāśāśtraṃ yathāvidhi

Sanskrit only: no published translation is held for this verse.

चकारावभृथस्नानं मुदितः सहबन्धुभिः । एवं स्नात्वा सपत्नीकः सुहृद्भिर्ब्राह्मणैः सह

cakārāvabhṛthasnānaṃ muditaḥ sahabandhubhiḥ / evaṃ snātvā sapatnīkaḥ suhṛdbhirbrāhmaṇaiḥ saha

Sanskrit only: no published translation is held for this verse.

वीणावेणुमृदङ्गादिनानावादित्रनिःस्वनैः । मङ्गल्यैर्वेदघोषैश्च सह विप्रजनेरितैः

vīṇāveṇumṛdaṅgādinānāvāditraniḥsvanaiḥ / maṅgalyairvedaghoṣaiśca saha viprajaneritaiḥ

Sanskrit only: no published translation is held for this verse.

संस्तूयमानः परितः सूतमागधबन्दिभिः । प्रविवेश पुरीं रम्यां हृष्टपुष्टजनायुतम्

saṃstūyamānaḥ paritaḥ sūtamāgadhabandibhiḥ / praviveśa purīṃ ramyāṃ hṛṣṭapuṣṭajanāyutam

Sanskrit only: no published translation is held for this verse.

श्वेतव्यजन सच्छत्रपताकाध्वजमालिनीम् । सिक्तसंमृष्टभूभागापणशोभासमन्विताम्

śvetavyajana sacchatrapatākādhvajamālinīm / siktasaṃmṛṣṭabhūbhāgāpaṇaśobhāsamanvitām

Sanskrit only: no published translation is held for this verse.

कैलासाद्रिप्रकाशाभिरुज्ज्वलां सौधपङ्क्तिभिः । स तत्रागरुधूपोत्थगन्धामोदितदिङ्मुखम्

kailāsādriprakāśābhirujjvalāṃ saudhapaṅktibhiḥ / sa tatrāgarudhūpotthagandhāmoditadiṅmukham

Sanskrit only: no published translation is held for this verse.

विकीर्यमाणः परितः पौरनारीजनैर्मुहुः । लाजवर्षेण सानन्दं वीक्षमाणश्च नागरैः

vikīryamāṇaḥ paritaḥ pauranārījanairmuhuḥ / lājavarṣeṇa sānandaṃ vīkṣamāṇaśca nāgaraiḥ

Sanskrit only: no published translation is held for this verse.

उपदाभिरनेकाभिस्तत्रतत्र वणिग्जनैः । संभाव्यमानः शनकैर्जगम स्वपुरं प्रति

upadābhiranekābhistatratatra vaṇigjanaiḥ / saṃbhāvyamānaḥ śanakairjagama svapuraṃ prati

Sanskrit only: no published translation is held for this verse.

स प्रविश्य गृहं रम्यं सर्वमण्डलमण्डितम् । सम्यक्संभावयामास सुहृदो ब्राह्मणानपि

sa praviśya gṛhaṃ ramyaṃ sarvamaṇḍalamaṇḍitam / samyaksaṃbhāvayāmāsa suhṛdo brāhmaṇānapi

Sanskrit only: no published translation is held for this verse.

संसेव्यमानश्च तदा नानादेशेश्वरैर्नृपैः । सभायां राजशार्दूलो रेमे शक्र इवापरः

saṃsevyamānaśca tadā nānādeśeśvarairnṛpaiḥ / sabhāyāṃ rājaśārdūlo reme śakra ivāparaḥ

Sanskrit only: no published translation is held for this verse.

एवं सुहृद्भिः सहितः पूरयित्वा मनोरथम् । सगरः सह भार्याभ्यां रेमे नृपवरोत्तमः

evaṃ suhṛdbhiḥ sahitaḥ pūrayitvā manoratham / sagaraḥ saha bhāryābhyāṃ reme nṛpavarottamaḥ

Sanskrit only: no published translation is held for this verse.

अंशुमन्तं ततः पौत्रं मुदा विनयशालिनम् । वसिष्ठानुमते राजा यौवराज्ये ऽभ्यषेचयत्

aṃśumantaṃ tataḥ pautraṃ mudā vinayaśālinam / vasiṣṭhānumate rājā yauvarājye 'bhyaṣecayat

Sanskrit only: no published translation is held for this verse.

पौरजानपदानां तु बन्धूनां सुहृदामपि । स प्रियो ऽभवदत्यर्थमुदारैश्च गुणैर्नृपः

paurajānapadānāṃ tu bandhūnāṃ suhṛdāmapi / sa priyo 'bhavadatyarthamudāraiśca guṇairnṛpaḥ

Sanskrit only: no published translation is held for this verse.

प्रजास्तमन्वरज्यन्त बालमप्यमितौजसम् । नवं च शुक्लपक्षादौशीतांशुमचिरोदितम्

prajāstamanvarajyanta bālamapyamitaujasam / navaṃ ca śuklapakṣādauśītāṃśumaciroditam

Sanskrit only: no published translation is held for this verse.

स तेन सहितः श्रीमान्सुत्दृद्भिश्च नृपोत्तमः । भार्याभ्यामनुरूपाभ्यां रममाणो ऽवसच्चिरम्

sa tena sahitaḥ śrīmānsutdṛdbhiśca nṛpottamaḥ / bhāryābhyāmanurūpābhyāṃ ramamāṇo 'vasacciram

Sanskrit only: no published translation is held for this verse.

युवैव राजशार्दूलः साक्षाद्धर्म इवापरः । पालयामास वसुधां सशैलवनकाननाम्

yuvaiva rājaśārdūlaḥ sākṣāddharma ivāparaḥ / pālayāmāsa vasudhāṃ saśailavanakānanām

Sanskrit only: no published translation is held for this verse.

एवं महानहिमदीधितिवंशमौलिरत्नाय यमानवपुरुत्तरकोसलेशः । पूर्णेन्दुवत्सकललोकमनो ऽभिरामः सार्द्ध प्रजाभिरखिलाभिरलं जहर्ष

evaṃ mahānahimadīdhitivaṃśamauliratnāya yamānavapuruttarakosaleśaḥ / pūrṇenduvatsakalalokamano 'bhirāmaḥ sārddha prajābhirakhilābhiralaṃ jaharṣa

Sanskrit only: no published translation is held for this verse.