Brahmāṇḍa Purāṇa 2.6

इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धातपादे सूत उवाच अभवन्दनुपुत्रास्तु वंशे ख्याता महासुराः । विप्रचित्तिप्रधा नास्ते ऽचिन्तनीयपराक्रमाः

iti śrībrahmāṇḍe mahāpurāṇe vāyuprokte madhyamabhāge tṛtīya upoddhātapāde sūta uvāca abhavandanuputrāstu vaṃśe khyātā mahāsurāḥ / vipracittipradhā nāste 'cintanīyaparākramāḥ

Sanskrit only: no published translation is held for this verse.

सर्वे लब्धवराश्चैव ते तप्ततपसस्तथा । सत्यसंधाः पराक्रान्ताः क्रूरा मायाविनश्च ते

sarve labdhavarāścaiva te taptatapasastathā / satyasaṃdhāḥ parākrāntāḥ krūrā māyāvinaśca te

Sanskrit only: no published translation is held for this verse.

महाबलास्ते जवना ब्रह्मिष्ठा ये च साग्नयः । कीर्त्यमानान्मया सर्वान्प्राधान्येन निबोधत

mahābalāste javanā brahmiṣṭhā ye ca sāgnayaḥ / kīrtyamānānmayā sarvānprādhānyena nibodhata

Sanskrit only: no published translation is held for this verse.

द्विमूर्द्धा शंबरश्चैव तथा शङ्कुरथो विभुः । शङ्कुकर्णो विपादश्च गविष्ठो दुन्दुभिस्तथा

dvimūrddhā śaṃbaraścaiva tathā śaṅkuratho vibhuḥ / śaṅkukarṇo vipādaśca gaviṣṭho dundubhistathā

Sanskrit only: no published translation is held for this verse.

अयोमुखस्तु मघवान्कपिलो वामनो मयः । मरीचिरसिपाश्चैव महा मायो ऽशिरा भृशी

ayomukhastu maghavānkapilo vāmano mayaḥ / marīcirasipāścaiva mahā māyo 'śirā bhṛśī

Sanskrit only: no published translation is held for this verse.

विक्षोभश्च सुकेतुश्च केतुवीर्यशताह्वयौ । इन्द्रजिद्विविदश्चैव तथा भद्रश्च देवजित्

vikṣobhaśca suketuśca ketuvīryaśatāhvayau / indrajidvividaścaiva tathā bhadraśca devajit

Sanskrit only: no published translation is held for this verse.

एकचक्रो महा बाहुस्तारकश्च महाबलः । वैश्वानरः पुलोमा च प्रापणो ऽथ महाशिराः

ekacakro mahā bāhustārakaśca mahābalaḥ / vaiśvānaraḥ pulomā ca prāpaṇo 'tha mahāśirāḥ

Sanskrit only: no published translation is held for this verse.

स्वर्भानुर्वृषपर्वा च पुरुण्डश्च महासुरः । धृतराष्ट्रश्च सूर्यश्चचन्द्रमा इन्द्रतापनः

svarbhānurvṛṣaparvā ca puruṇḍaśca mahāsuraḥ / dhṛtarāṣṭraśca sūryaścacandramā indratāpanaḥ

Sanskrit only: no published translation is held for this verse.

सूक्ष्मश्चैव निचन्द्रश्च चूर्णनाभो महागिरिः । असिलोमा सुकेशश्च शठश्च मूलकोदरः

sūkṣmaścaiva nicandraśca cūrṇanābho mahāgiriḥ / asilomā sukeśaśca śaṭhaśca mūlakodaraḥ

Sanskrit only: no published translation is held for this verse.

जम्भो गगनमूर्द्धा चकुंभमानो महोदकः । प्रमदो ऽद्मश्च कुपथो ह्यश्वग्रीवश्च वीर्यवान्

jambho gaganamūrddhā cakuṃbhamāno mahodakaḥ / pramado 'dmaśca kupatho hyaśvagrīvaśca vīryavān

Sanskrit only: no published translation is held for this verse.

वैमृगः सविरूपाक्षः सुपथश्च हला हलौ । अक्षो हिरण्मयश्चैव शतग्रीवश्च शंबरः

vaimṛgaḥ savirūpākṣaḥ supathaśca halā halau / akṣo hiraṇmayaścaiva śatagrīvaśca śaṃbaraḥ

Sanskrit only: no published translation is held for this verse.

शरभः श्वलभश्चैव सूर्याचन्द्रमसावुभौ । असुराणां स्मृतावेतौ सुराणां च प्रभाविणौ

śarabhaḥ śvalabhaścaiva sūryācandramasāvubhau / asurāṇāṃ smṛtāvetau surāṇāṃ ca prabhāviṇau

Sanskrit only: no published translation is held for this verse.

इति पुत्रा दनोर्वंशप्रधानाः परिकीर्त्तिताः । तेषामपरिसंख्येयं पुत्रपौत्रमनन्तकम्

iti putrā danorvaṃśapradhānāḥ parikīrttitāḥ / teṣāmaparisaṃkhyeyaṃ putrapautramanantakam

Sanskrit only: no published translation is held for this verse.

इत्येत असुराः तक्रान्ता दैतेया दानवास्तथा । सुत्वानस्तु स्मृता दैत्या असुत्वानो दनोः सुताः

ityeta asurāḥ takrāntā daiteyā dānavāstathā / sutvānastu smṛtā daityā asutvāno danoḥ sutāḥ

Sanskrit only: no published translation is held for this verse.

इमे च वंशानुगता दनोः पुत्रान्वयाः स्मृताः । एकाक्षेश्वप्रभारिष्टः प्रलंबनरकावपि

ime ca vaṃśānugatā danoḥ putrānvayāḥ smṛtāḥ / ekākṣeśvaprabhāriṣṭaḥ pralaṃbanarakāvapi

Sanskrit only: no published translation is held for this verse.

इन्द्रबाधनकेशी च पुरुषः शेषवानुरुः । गरिष्ठश्च गवाक्षश्च तालकेतुश्च वीर्यवान्

indrabādhanakeśī ca puruṣaḥ śeṣavānuruḥ / gariṣṭhaśca gavākṣaśca tālaketuśca vīryavān

Sanskrit only: no published translation is held for this verse.

एते मनुष्या वध्यास्तु दनुपुत्रान्वयाः स्मृताः । दैत्यदानवसंयोगे जाता भीमपराक्रमाः

ete manuṣyā vadhyāstu danuputrānvayāḥ smṛtāḥ / daityadānavasaṃyoge jātā bhīmaparākramāḥ

Sanskrit only: no published translation is held for this verse.

सिंहिकायामथोत्पन्ना विप्रचित्तेः सुता इमे । सैंहिकेयाः समाख्याताश्चतुर्दश महासुराः

siṃhikāyāmathotpannā vipracitteḥ sutā ime / saiṃhikeyāḥ samākhyātāścaturdaśa mahāsurāḥ

Sanskrit only: no published translation is held for this verse.

शलश्च शलभश्चैव सव्यसिव्यस्तथैव च । इल्वलो नमुचिश्चैव वातापिस्तु सुपुञ्जिकः

śalaśca śalabhaścaiva savyasivyastathaiva ca / ilvalo namuciścaiva vātāpistu supuñjikaḥ

Sanskrit only: no published translation is held for this verse.

रहकल्पः कालनाभो भौमश्च कनकस्तथा । राहुर्ज्येष्ठस्तु तेषां वै सूर्यचन्द्रप्रमर्द्दनः

rahakalpaḥ kālanābho bhaumaśca kanakastathā / rāhurjyeṣṭhastu teṣāṃ vai sūryacandrapramarddanaḥ

Sanskrit only: no published translation is held for this verse.

इत्योते सिंहिकापुत्रा देवैरपि दुरासदाः । दारुणाभिजनाः क्रूराः सर्वे ब्रह्महणश्च ते

ityote siṃhikāputrā devairapi durāsadāḥ / dāruṇābhijanāḥ krūrāḥ sarve brahmahaṇaśca te

Sanskrit only: no published translation is held for this verse.

दश तानि सहस्राणिसैंहिकेया गणाः स्मृताः । निहता जामदग्न्येन भार्गवेण बलीयसा

daśa tāni sahasrāṇisaiṃhikeyā gaṇāḥ smṛtāḥ / nihatā jāmadagnyena bhārgaveṇa balīyasā

Sanskrit only: no published translation is held for this verse.

स्वर्भानोस्तु प्रभा कन्या पुलोम्नस्तु शची सुता । उपदानवी सदस्याथ शर्मिष्ठा वृषपर्वणः

svarbhānostu prabhā kanyā pulomnastu śacī sutā / upadānavī sadasyātha śarmiṣṭhā vṛṣaparvaṇaḥ

Sanskrit only: no published translation is held for this verse.

पुलोमा कालिका चैव वैश्वानरसुते उभे । प्रभायां नहुषः पुत्रो जयन्तस्तु शचीसुतः

pulomā kālikā caiva vaiśvānarasute ubhe / prabhāyāṃ nahuṣaḥ putro jayantastu śacīsutaḥ

Sanskrit only: no published translation is held for this verse.

पुरुं जज्ञे ऽथ शर्मिष्ठा दुष्यन्तसुपदानवी । वैश्वानरसुते एते पुलोमा कालका तथा

puruṃ jajñe 'tha śarmiṣṭhā duṣyantasupadānavī / vaiśvānarasute ete pulomā kālakā tathā

Sanskrit only: no published translation is held for this verse.

बह्वपत्ये उभे कन्ये मारीचस्य परिग्रहः । तयोः पुत्रसहस्राणि षष्टिर्दानवपुङ्गवाः

bahvapatye ubhe kanye mārīcasya parigrahaḥ / tayoḥ putrasahasrāṇi ṣaṣṭirdānavapuṅgavāḥ

Sanskrit only: no published translation is held for this verse.

चतुर्दश तथान्यानि हिरण्यपुरवासिनाम् । पौलोमाः कालकेयाश्च दानवाः सुमरा बलाः

caturdaśa tathānyāni hiraṇyapuravāsinām / paulomāḥ kālakeyāśca dānavāḥ sumarā balāḥ

Sanskrit only: no published translation is held for this verse.

अवध्या देवतानां ते निहताः सव्यमाचिना । मयस्य जाता रंभायां पुत्राः षट् च महाबलाः

avadhyā devatānāṃ te nihatāḥ savyamācinā / mayasya jātā raṃbhāyāṃ putrāḥ ṣaṭ ca mahābalāḥ

Sanskrit only: no published translation is held for this verse.

मायावी दुन्दुभिश्चैव पुत्रश्च महिषस्तथा । कालिकश्चाजकर्णश्चकन्या मन्दोदरी तथा

māyāvī dundubhiścaiva putraśca mahiṣastathā / kālikaścājakarṇaścakanyā mandodarī tathā

Sanskrit only: no published translation is held for this verse.

दैत्यानां दानवानां च सर्ग एष प्रकीर्त्तितः । अनायुषायाः पुत्रास्ते स्मृताः पञ्च महाबलाः

daityānāṃ dānavānāṃ ca sarga eṣa prakīrttitaḥ / anāyuṣāyāḥ putrāste smṛtāḥ pañca mahābalāḥ

Sanskrit only: no published translation is held for this verse.

अररुर्बलवृत्रौ च विज्वरश्च वृषस्तथा । अररोस्तनयः क्रूरो धुन्धुर्नाम महासुरः

ararurbalavṛtrau ca vijvaraśca vṛṣastathā / ararostanayaḥ krūro dhundhurnāma mahāsuraḥ

Sanskrit only: no published translation is held for this verse.

निहतः कुवलाश्वेन उत्तङ्कवचनाद्बिले । बलपुत्रौ महावीर्यौं तेजसाप्रतिमावुभौ

nihataḥ kuvalāśvena uttaṅkavacanādbile / balaputrau mahāvīryauṃ tejasāpratimāvubhau

Sanskrit only: no published translation is held for this verse.

निकुंभश्चक्रवर्मा च स कर्णः पूर्वजन्मनि । विजरस्यापि पुत्रौ द्वौ कालकश्च खरश्च तौ

nikuṃbhaścakravarmā ca sa karṇaḥ pūrvajanmani / vijarasyāpi putrau dvau kālakaśca kharaśca tau

Sanskrit only: no published translation is held for this verse.

वृषस्य तु पुनः पुत्राश्चत्वारः क्रूरकर्मणः । श्राद्धादो यज्ञहा चैव ब्रह्महा पशुहा तथा

vṛṣasya tu punaḥ putrāścatvāraḥ krūrakarmaṇaḥ / śrāddhādo yajñahā caiva brahmahā paśuhā tathā

Sanskrit only: no published translation is held for this verse.

क्रान्ता ह्यनायुषः पुत्रा वृत्र स्यापि निबोधत । जज्ञिरे ऽसुमहाघोरा वृत्रस्येन्द्रेण युध्यता

krāntā hyanāyuṣaḥ putrā vṛtra syāpi nibodhata / jajñire 'sumahāghorā vṛtrasyendreṇa yudhyatā

Sanskrit only: no published translation is held for this verse.

बका नाम समाख्याता राक्षसाः सुमहाबलाः । शतं तानि सहस्राणि महेन्द्रानुचराः स्मृताः

bakā nāma samākhyātā rākṣasāḥ sumahābalāḥ / śataṃ tāni sahasrāṇi mahendrānucarāḥ smṛtāḥ

Sanskrit only: no published translation is held for this verse.

सर्वे ब्रह्मविदः सौम्या धार्मिकाः सूक्ष्ममूर्त्तयः । प्रजास्वन्तर्गताः सर्वे निवसंति क्रुधावृताः

sarve brahmavidaḥ saumyā dhārmikāḥ sūkṣmamūrttayaḥ / prajāsvantargatāḥ sarve nivasaṃti krudhāvṛtāḥ

Sanskrit only: no published translation is held for this verse.

क्रोधा त्वप्रतिमान्पुत्रान् जज्ञे वै गायनोत्तमान् । सिद्धः पूर्णश्च वह्वीच पूर्णाशश्चैव वीर्यवान्

krodhā tvapratimānputrān jajñe vai gāyanottamān / siddhaḥ pūrṇaśca vahvīca pūrṇāśaścaiva vīryavān

Sanskrit only: no published translation is held for this verse.

ब्रह्मचारी शतगुणः सुपर्णश्चैव मप्तमः । विश्वावसुश्च भानुश्च सुचन्द्रो दशमस्तथा । इत्येते देवगन्धर्वाः क्रोधायाः परिरीर्त्तिताः

brahmacārī śataguṇaḥ suparṇaścaiva maptamaḥ / viśvāvasuśca bhānuśca sucandro daśamastathā / ityete devagandharvāḥ krodhāyāḥ parirīrttitāḥ

Sanskrit only: no published translation is held for this verse.