Brahmāṇḍa Purāṇa 2.63

नात्यर्थं धार्मिको ऽभूत्स धर्म्ये सति युगे तथा । सगरस्तु सुतो बाहोर्जज्ञे सह गरेण वै

nātyarthaṃ dhārmiko 'bhūtsa dharmye sati yuge tathā / sagarastu suto bāhorjajñe saha gareṇa vai

Sanskrit only: no published translation is held for this verse.

भृगोराश्रममासाद्य ह्यौर्वैण परिरक्षितः । अग्नेयमस्त्रं लब्ध्वा तु भार्गवात्सगरो नृपः

bhṛgorāśramamāsādya hyaurvaiṇa parirakṣitaḥ / agneyamastraṃ labdhvā tu bhārgavātsagaro nṛpaḥ

Sanskrit only: no published translation is held for this verse.

जघान पृथिवीं गत्वा तालजङ्घान्सहैहयान् । शकानां पह्लवानां च धर्मं निरसदच्युतः

jaghāna pṛthivīṃ gatvā tālajaṅghānsahaihayān / śakānāṃ pahlavānāṃ ca dharmaṃ nirasadacyutaḥ

Sanskrit only: no published translation is held for this verse.

क्षत्रियाणां तथा तेषां पारदानां च धर्मवित् । ऋषय ऊचुः कथं स सगरो राजा गरेण सह जज्ञिवान्

kṣatriyāṇāṃ tathā teṣāṃ pāradānāṃ ca dharmavit / ṛṣaya ūcuḥ kathaṃ sa sagaro rājā gareṇa saha jajñivān

Sanskrit only: no published translation is held for this verse.

किमर्थं वा शकादीनां क्षत्रियाणां महौजसाम् । धर्मान्कुलोचितान्क्रुद्धो राजा निरसदच्युतः

kimarthaṃ vā śakādīnāṃ kṣatriyāṇāṃ mahaujasām / dharmānkulocitānkruddho rājā nirasadacyutaḥ

Sanskrit only: no published translation is held for this verse.

सुत उवाच बाहोर्व्यसनिनस्तस्य त्दृतं राज्यं पुरा किल । हैहयैस्तालजङ्घैश्च शकैः सार्द्धं समागतैः

suta uvāca bāhorvyasaninastasya tdṛtaṃ rājyaṃ purā kila / haihayaistālajaṅghaiśca śakaiḥ sārddhaṃ samāgataiḥ

Sanskrit only: no published translation is held for this verse.

यवनाः पारदाश्चैव कांबोजाः पह्लवास्तथा । हैहयार्थं पराक्रान्ता एते पञ्च गणास्तदा

yavanāḥ pāradāścaiva kāṃbojāḥ pahlavāstathā / haihayārthaṃ parākrāntā ete pañca gaṇāstadā

Sanskrit only: no published translation is held for this verse.

त्दृतराज्यस्तदाबाहुः संन्यस्य स तदा गृहम् । वनं प्रविश्य धर्मात्मा सह पत्न्या तपो ऽचरत्

tdṛtarājyastadābāhuḥ saṃnyasya sa tadā gṛham / vanaṃ praviśya dharmātmā saha patnyā tapo 'carat

Sanskrit only: no published translation is held for this verse.

कदाचिदप्यकल्पः स तोयार्थं प्रस्थितो नृपः । वृद्धत्वाद्दुर्बलत्वाच्च ह्यन्तरा स ममार च

kadācidapyakalpaḥ sa toyārthaṃ prasthito nṛpaḥ / vṛddhatvāddurbalatvācca hyantarā sa mamāra ca

Sanskrit only: no published translation is held for this verse.

पत्नी तु यादवी तस्य सगर्भा पृष्ठतो ऽप्यगात् । सपत्न्या तु गरस्तस्यै दत्तो गर्भजिघांसया

patnī tu yādavī tasya sagarbhā pṛṣṭhato 'pyagāt / sapatnyā tu garastasyai datto garbhajighāṃsayā

Sanskrit only: no published translation is held for this verse.

सा तु भर्तुश्चितां कृत्वा वह्निं तं समारोहयत् । और्वस्तं भार्गवो दृष्ट्वा कारुण्याद्धि न्यवर्त्तयत्

sā tu bhartuścitāṃ kṛtvā vahniṃ taṃ samārohayat / aurvastaṃ bhārgavo dṛṣṭvā kāruṇyāddhi nyavarttayat

Sanskrit only: no published translation is held for this verse.

तस्याश्रमे तु गर्भं सा गरेण च तदा सह । व्यजायत महाबाहुं सगरं नाम धर्मिकम्

tasyāśrame tu garbhaṃ sā gareṇa ca tadā saha / vyajāyata mahābāhuṃ sagaraṃ nāma dharmikam

Sanskrit only: no published translation is held for this verse.

और्वस्तु जातकर्मादीन्कृत्वा तस्य महात्मनः । अध्याप्य वेदाञ्छास्त्राणि ततो ऽस्त्रं प्रत्यपादयत्

aurvastu jātakarmādīnkṛtvā tasya mahātmanaḥ / adhyāpya vedāñchāstrāṇi tato 'straṃ pratyapādayat

Sanskrit only: no published translation is held for this verse.

ततः शकान्स यवनान्कांबोजान्पारदांस्तथा । पह्लवांश्चैव निःशेषान्कर्तुं व्यवसितो नृपः

tataḥ śakānsa yavanānkāṃbojānpāradāṃstathā / pahlavāṃścaiva niḥśeṣānkartuṃ vyavasito nṛpaḥ

Sanskrit only: no published translation is held for this verse.

ते हन्यमाना वीरेण सगरेण महात्मना । वसिष्ठं शरणं सर्वे संप्राप्ताः शरणैषिणः

te hanyamānā vīreṇa sagareṇa mahātmanā / vasiṣṭhaṃ śaraṇaṃ sarve saṃprāptāḥ śaraṇaiṣiṇaḥ

Sanskrit only: no published translation is held for this verse.

वसिष्ठो वीक्ष्य तान्युक्तान्विनयोन महामुनिः । सगरं वारयामास तेषां दत्त्वाभयं तथा

vasiṣṭho vīkṣya tānyuktānvinayona mahāmuniḥ / sagaraṃ vārayāmāsa teṣāṃ dattvābhayaṃ tathā

Sanskrit only: no published translation is held for this verse.

सगरः स्वां प्रतिज्ञां च गुरोर्वाक्यं निशम्य च । जघान धर्मं वै तेषां वेषान्यत्वं चकार ह

sagaraḥ svāṃ pratijñāṃ ca gurorvākyaṃ niśamya ca / jaghāna dharmaṃ vai teṣāṃ veṣānyatvaṃ cakāra ha

Sanskrit only: no published translation is held for this verse.

अर्द्धं शाकानां शिरसो मुण्डयित्वा व्यसर्जयत् । यवनानां शिरः सर्वं कांबोजानां तथैव च

arddhaṃ śākānāṃ śiraso muṇḍayitvā vyasarjayat / yavanānāṃ śiraḥ sarvaṃ kāṃbojānāṃ tathaiva ca

Sanskrit only: no published translation is held for this verse.

पारदा मुक्तकेशाश्च पह्लवाः श्मश्रुधारिणः । निःस्वाध्यायवषट्काराः कृतास्तेन महात्मना

pāradā muktakeśāśca pahlavāḥ śmaśrudhāriṇaḥ / niḥsvādhyāyavaṣaṭkārāḥ kṛtāstena mahātmanā

Sanskrit only: no published translation is held for this verse.

शका यवन कांबोजाः पह्लवाः पारदैः सह । कलिस्पर्शा महिषिका दार्वस्छोलाः खशास्तथा

śakā yavana kāṃbojāḥ pahlavāḥ pāradaiḥ saha / kalisparśā mahiṣikā dārvascholāḥ khaśāstathā

Sanskrit only: no published translation is held for this verse.

सर्वे ते क्षत्रियगणा धर्मस्तेषां निराकृतः । वसिष्ठवचनात्पूर्वं सगरेण महात्मना

sarve te kṣatriyagaṇā dharmasteṣāṃ nirākṛtaḥ / vasiṣṭhavacanātpūrvaṃ sagareṇa mahātmanā

Sanskrit only: no published translation is held for this verse.

स धर्मविजयी राजा विजित्येमां वसुन्धराम् । अश्वं वै चारयामास वाजिमेधाय दीक्षितः

sa dharmavijayī rājā vijityemāṃ vasundharām / aśvaṃ vai cārayāmāsa vājimedhāya dīkṣitaḥ

Sanskrit only: no published translation is held for this verse.

तस्य चारयतः सो ऽश्वः समुद्रे पूर्वदक्षिणे । वेलासमीपे ऽपहृतो भूमिं चैव प्रवेशितः

tasya cārayataḥ so 'śvaḥ samudre pūrvadakṣiṇe / velāsamīpe 'pahṛto bhūmiṃ caiva praveśitaḥ

Sanskrit only: no published translation is held for this verse.

स तं देशं सुतैः सर्वैः खानयामास पार्थिवः । आसेदुश्च ततस्तस्मिन्खनन्तस्ते महार्मवे

sa taṃ deśaṃ sutaiḥ sarvaiḥ khānayāmāsa pārthivaḥ / āseduśca tatastasminkhanantaste mahārmave

Sanskrit only: no published translation is held for this verse.

तमादिपुरुषं देवं हरिं कृष्णं प्रजापतिम् । विष्णुं कपिलरूपेण हंसं नारायणं प्रभुम्

tamādipuruṣaṃ devaṃ hariṃ kṛṣṇaṃ prajāpatim / viṣṇuṃ kapilarūpeṇa haṃsaṃ nārāyaṇaṃ prabhum

Sanskrit only: no published translation is held for this verse.

तस्य चक्षुः समासाद्य तेजस्तत्प्रतिपद्यते । दग्धाः पुत्रास्तदा सर्वेचत्वारस्त्ववशेषिताः

tasya cakṣuḥ samāsādya tejastatpratipadyate / dagdhāḥ putrāstadā sarvecatvārastvavaśeṣitāḥ

Sanskrit only: no published translation is held for this verse.

बर्हिकेतुः सुकेतुश्च तथा धर्मरथश्च यः । शूरः पञ्चजनश्चैव तस्य वंशकराः प्रभोः

barhiketuḥ suketuśca tathā dharmarathaśca yaḥ / śūraḥ pañcajanaścaiva tasya vaṃśakarāḥ prabhoḥ

Sanskrit only: no published translation is held for this verse.

प्रादाच्च तस्य भगवान्हरिर्नारायणो वरान् । अक्षयत्वं स्ववंशस्य वाजिमेधशतं तथा

prādācca tasya bhagavānharirnārāyaṇo varān / akṣayatvaṃ svavaṃśasya vājimedhaśataṃ tathā

Sanskrit only: no published translation is held for this verse.

विभुः पुत्रं समुद्रं च स्वर्गे वासं तथाक्षयम् । तं समुद्रो ऽश्वमादाय ववन्दे सरितांपतिः

vibhuḥ putraṃ samudraṃ ca svarge vāsaṃ tathākṣayam / taṃ samudro 'śvamādāya vavande saritāṃpatiḥ

Sanskrit only: no published translation is held for this verse.

सागरत्वं च लेभे स कर्मणा तेन तस्य वै । तं चाश्वमेधिकं सो ऽश्वं समुद्रात्प्राप्य पार्थिवः

sāgaratvaṃ ca lebhe sa karmaṇā tena tasya vai / taṃ cāśvamedhikaṃ so 'śvaṃ samudrātprāpya pārthivaḥ

Sanskrit only: no published translation is held for this verse.

आजहाराश्वमेधानां शतं चैव पुनः पुनः । षष्टिं पुत्रसहस्राणि दग्धान्यस्य रुषा विभो

ājahārāśvamedhānāṃ śataṃ caiva punaḥ punaḥ / ṣaṣṭiṃ putrasahasrāṇi dagdhānyasya ruṣā vibho

Sanskrit only: no published translation is held for this verse.

तेषां नारायणं तेजः प्रविष्टानि महात्मनाम् । पुत्राणां तु सहस्राणि षष्टिस्तु इति नः श्रुतम्

teṣāṃ nārāyaṇaṃ tejaḥ praviṣṭāni mahātmanām / putrāṇāṃ tu sahasrāṇi ṣaṣṭistu iti naḥ śrutam

Sanskrit only: no published translation is held for this verse.

ऋषय ऊचुः सगरस्यात्मजा नाना कथं जाता महाबलाः । विक्रान्ताः षष्टिसाहस्रा विधिना केन वा वद

ṛṣaya ūcuḥ sagarasyātmajā nānā kathaṃ jātā mahābalāḥ / vikrāntāḥ ṣaṣṭisāhasrā vidhinā kena vā vada

Sanskrit only: no published translation is held for this verse.

सुत उवाच द्वेपत्न्यौ सगरस्यास्तां तपसा दगधकिल्बिषे । ज्येष्ठा विदर्भदुहिता केशिनी नाम नामतः

suta uvāca dvepatnyau sagarasyāstāṃ tapasā dagadhakilbiṣe / jyeṣṭhā vidarbhaduhitā keśinī nāma nāmataḥ

Sanskrit only: no published translation is held for this verse.

कनीयसी तु या तस्यपत्नी परमधर्मिणी । अरिष्टनेमिदुहिता रूपेणाप्रतिमा भुवि

kanīyasī tu yā tasyapatnī paramadharmiṇī / ariṣṭanemiduhitā rūpeṇāpratimā bhuvi

Sanskrit only: no published translation is held for this verse.

और्वस्ताभ्यां वरं प्रादात्तपसाराधितः प्रभुः । एका जनिष्यते पुत्रं वंशकर्त्तारमीप्सितम्

aurvastābhyāṃ varaṃ prādāttapasārādhitaḥ prabhuḥ / ekā janiṣyate putraṃ vaṃśakarttāramīpsitam

Sanskrit only: no published translation is held for this verse.

षष्टिं पुत्रसहस्राणि द्वितीया जनयिष्यति । मुनेस्तु वचनं श्रुत्वा केशिनी पुत्रमेककम्

ṣaṣṭiṃ putrasahasrāṇi dvitīyā janayiṣyati / munestu vacanaṃ śrutvā keśinī putramekakam

Sanskrit only: no published translation is held for this verse.

वंशस्य कारणं श्रेष्ठं जग्राह नृप संसदि । षष्टिं पुत्रसहस्राणि सुपर्णभगिनी तथा

vaṃśasya kāraṇaṃ śreṣṭhaṃ jagrāha nṛpa saṃsadi / ṣaṣṭiṃ putrasahasrāṇi suparṇabhaginī tathā

Sanskrit only: no published translation is held for this verse.

महाभागा प्रमुदिता जग्राह सुमतिस्तथा । अथ काले गते ज्येष्ठा ज्येष्ठं पुत्रं व्यजायत

mahābhāgā pramuditā jagrāha sumatistathā / atha kāle gate jyeṣṭhā jyeṣṭhaṃ putraṃ vyajāyata

Sanskrit only: no published translation is held for this verse.

असमञ्ज इति ख्यातं काकुत्स्थं सगरात्मजम् । सुमतिस्त्वपि जज्ञे वै गर्भतुंबं यशस्विनी

asamañja iti khyātaṃ kākutsthaṃ sagarātmajam / sumatistvapi jajñe vai garbhatuṃbaṃ yaśasvinī

Sanskrit only: no published translation is held for this verse.

षष्टिः पुत्रसहस्राणां तुंबमध्याद्विनिस्सृताः । घृतपूर्णेषु कुंभेषु तान्गर्भान्यदधात्ततः

ṣaṣṭiḥ putrasahasrāṇāṃ tuṃbamadhyādvinissṛtāḥ / ghṛtapūrṇeṣu kuṃbheṣu tāngarbhānyadadhāttataḥ

Sanskrit only: no published translation is held for this verse.

धात्रीश्चैकैकशः प्रादात्तावतीः पोषणे नृपः । ततो नवसु मासेषु समुत्तस्थुर्यथासुखम्

dhātrīścaikaikaśaḥ prādāttāvatīḥ poṣaṇe nṛpaḥ / tato navasu māseṣu samuttasthuryathāsukham

Sanskrit only: no published translation is held for this verse.

कुमारास्ते महाभागाः सगरप्रीतिवर्द्धनाः । कालेन महाता चैव यैवनं समुपाश्रिताः

kumārāste mahābhāgāḥ sagaraprītivarddhanāḥ / kālena mahātā caiva yaivanaṃ samupāśritāḥ

Sanskrit only: no published translation is held for this verse.

केशिन्यास्तनयो यो ऽन्यः सगरस्यात्मसंभवः । असमञ्ज इति ख्यातो वर्हिकेतुर्महाबलः

keśinyāstanayo yo 'nyaḥ sagarasyātmasaṃbhavaḥ / asamañja iti khyāto varhiketurmahābalaḥ

Sanskrit only: no published translation is held for this verse.

पौराणामहिते युक्तः पित्रा निर्वासितः पुरात् । तस्य पुत्र्ॐऽशुमान्नाम असमञ्जस्य वीर्यवान्

paurāṇāmahite yuktaḥ pitrā nirvāsitaḥ purāt / tasya putroṃ'śumānnāma asamañjasya vīryavān

Sanskrit only: no published translation is held for this verse.

तस्य पुत्रस्तु धर्मात्मा दिलीप इति विश्रुतः । दिलीपात्तु महातेजा वीरो जातो भगीरथः

tasya putrastu dharmātmā dilīpa iti viśrutaḥ / dilīpāttu mahātejā vīro jāto bhagīrathaḥ

Sanskrit only: no published translation is held for this verse.

येन गङ्गा सरिच्छ्रेष्ठा विमानैरुपशोभिता । इहानीता सुरेशाद्वै दुहितृत्वे च कल्पिता

yena gaṅgā saricchreṣṭhā vimānairupaśobhitā / ihānītā sureśādvai duhitṛtve ca kalpitā

Sanskrit only: no published translation is held for this verse.

अत्राप्युदाहरन्तीमं श्लोकं पौराणिका जनाः । भगीरथस्तु तां गङ्गामानयामास कर्मभिः

atrāpyudāharantīmaṃ ślokaṃ paurāṇikā janāḥ / bhagīrathastu tāṃ gaṅgāmānayāmāsa karmabhiḥ

Sanskrit only: no published translation is held for this verse.

तस्माद्भागीरथी गङ्गा कथ्यते वंशवित्तमैः । भगीरथसुतश्चापि श्रुतो नाम बभूवह

tasmādbhāgīrathī gaṅgā kathyate vaṃśavittamaiḥ / bhagīrathasutaścāpi śruto nāma babhūvaha

Sanskrit only: no published translation is held for this verse.

नाभागस्तस्य दायादो नित्यं धर्मपरायणः । अम्बरीषः सुतस्तस्य सिंधुद्वीपस्ततो ऽभवत्

nābhāgastasya dāyādo nityaṃ dharmaparāyaṇaḥ / ambarīṣaḥ sutastasya siṃdhudvīpastato 'bhavat

Sanskrit only: no published translation is held for this verse.

पूर्वे वंशपुराणज्ञा गायन्तीति परिश्रुतम् । नाभागेरंबरीषस्य भुजाभ्यां परिपालिता

pūrve vaṃśapurāṇajñā gāyantīti pariśrutam / nābhāgeraṃbarīṣasya bhujābhyāṃ paripālitā

Sanskrit only: no published translation is held for this verse.

बभूव वसुधात्यर्थं तापत्रयविवर्जिता । अयुतायुः सुतस्तस्य सिंधुद्वीपस्य वीर्यवान्

babhūva vasudhātyarthaṃ tāpatrayavivarjitā / ayutāyuḥ sutastasya siṃdhudvīpasya vīryavān

Sanskrit only: no published translation is held for this verse.

अयुतायोस्तु दायाद ऋतुपर्णो महायशाः । दिव्याक्षहृदयज्ञो ऽसौ राजा नलसखो बली

ayutāyostu dāyāda ṛtuparṇo mahāyaśāḥ / divyākṣahṛdayajño 'sau rājā nalasakho balī

Sanskrit only: no published translation is held for this verse.

नलौ द्वाविति विख्यातौ पुराणेषु दृढव्रतौ । वीरसेनात्मजश्चैव यश्चेक्ष्वाकुकुलोद्वहः

nalau dvāviti vikhyātau purāṇeṣu dṛḍhavratau / vīrasenātmajaścaiva yaścekṣvākukulodvahaḥ

Sanskrit only: no published translation is held for this verse.

ऋतुपर्णस्य पुत्रो ऽभूत्सर्वकामो जनेश्वरः । सुदासस्तस्य तनयो राजा इन्द्रसखो ऽभवत्

ṛtuparṇasya putro 'bhūtsarvakāmo janeśvaraḥ / sudāsastasya tanayo rājā indrasakho 'bhavat

Sanskrit only: no published translation is held for this verse.

सुदासस्य सुतः प्रोक्तः सौदासो नाम पार्थिवः । ख्यातः कल्माषपादो वै नाम्ना सित्रसहश्च सः

sudāsasya sutaḥ proktaḥ saudāso nāma pārthivaḥ / khyātaḥ kalmāṣapādo vai nāmnā sitrasahaśca saḥ

Sanskrit only: no published translation is held for this verse.

वसिष्ठस्तु महातेजाः क्षेत्रे कल्माषपादके । अश्मकं जनयामास त्विक्ष्वाकुकुलवृद्धये

vasiṣṭhastu mahātejāḥ kṣetre kalmāṣapādake / aśmakaṃ janayāmāsa tvikṣvākukulavṛddhaye

Sanskrit only: no published translation is held for this verse.

अश्मकस्यौरसो यस्तु मूलकस्तत्सुतो ऽभवत् । अत्राप्युदाहरन्तीमं मूलकं वै नृपं प्रति

aśmakasyauraso yastu mūlakastatsuto 'bhavat / atrāpyudāharantīmaṃ mūlakaṃ vai nṛpaṃ prati

Sanskrit only: no published translation is held for this verse.

स हि रामभयाद्राजा स्त्रीभिः परिवृतो ऽवसत् । विवस्त्रस्त्राणमिच्छन्वै नारीकवच ईश्वरः

sa hi rāmabhayādrājā strībhiḥ parivṛto 'vasat / vivastrastrāṇamicchanvai nārīkavaca īśvaraḥ

Sanskrit only: no published translation is held for this verse.

मूलकस्यापि धर्मात्मा राजा शतरथः स्मृतः । तस्माच्छतरथाज्जज्ञे राजा त्विडविडो बली

mūlakasyāpi dharmātmā rājā śatarathaḥ smṛtaḥ / tasmācchatarathājjajñe rājā tviḍaviḍo balī

Sanskrit only: no published translation is held for this verse.

आसीत्त्वैडविडः श्रीमान्कृशशर्मा प्रतापवान् । पुत्रो विश्वसहस्रस्य पुत्रीकस्यां व्यजायत

āsīttvaiḍaviḍaḥ śrīmānkṛśaśarmā pratāpavān / putro viśvasahasrasya putrīkasyāṃ vyajāyata

Sanskrit only: no published translation is held for this verse.

दिलीपस्तस्य पुत्रो ऽभूत्खट्वाङ्ग इति विश्रुतः । येन स्वर्गादिहागत्य मुहूर्त्तं प्राप्य जीवितम्

dilīpastasya putro 'bhūtkhaṭvāṅga iti viśrutaḥ / yena svargādihāgatya muhūrttaṃ prāpya jīvitam

Sanskrit only: no published translation is held for this verse.

त्रयो ऽभिसंहिता लोका बुद्ध्या सत्येन चैव हि । दीर्घबाहुः सुतस्तस्य रघुस्तस्मादजायत

trayo 'bhisaṃhitā lokā buddhyā satyena caiva hi / dīrghabāhuḥ sutastasya raghustasmādajāyata

Sanskrit only: no published translation is held for this verse.

अजः पुत्रो रघोश्चापि तस्माज्जज्ञे स वीर्यवान् । राजा दशरथो नाम इक्ष्वाकुकुलनन्दनः

ajaḥ putro raghoścāpi tasmājjajñe sa vīryavān / rājā daśaratho nāma ikṣvākukulanandanaḥ

Sanskrit only: no published translation is held for this verse.

रामो दाशरथिर्वीरो धर्मज्ञो लोकविश्रुतः । भरतो लक्ष्मणश्चैव शत्रुघ्नश्च महाबलः

rāmo dāśarathirvīro dharmajño lokaviśrutaḥ / bharato lakṣmaṇaścaiva śatrughnaśca mahābalaḥ

Sanskrit only: no published translation is held for this verse.

माधवं लवणं हत्वा गत्वा मधुवनं च तत् । शत्रुघ्रेन पुरी तत्र मथुरा विनिवेशिता

mādhavaṃ lavaṇaṃ hatvā gatvā madhuvanaṃ ca tat / śatrughrena purī tatra mathurā viniveśitā

Sanskrit only: no published translation is held for this verse.

सुबाहुः शूरसे नश्च शत्रुघ्नस्य सुतावुभौ । पालयामासतुस्तौ तु वैदेह्यौ मथुरां पुरीम्

subāhuḥ śūrase naśca śatrughnasya sutāvubhau / pālayāmāsatustau tu vaidehyau mathurāṃ purīm

Sanskrit only: no published translation is held for this verse.

अङ्गदश्चन्द्रकेतुश्च लक्ष्मणस्यात्मजावुभौ । हिमवत्पर्वतस्यान्ते स्फीतौ जनपदौ तयोः

aṅgadaścandraketuśca lakṣmaṇasyātmajāvubhau / himavatparvatasyānte sphītau janapadau tayoḥ

Sanskrit only: no published translation is held for this verse.

अङ्गदस्याङ्गदाख्याता देशे कारयते पुरी । चन्द्रकेतोस्तु विख्याता चन्द्रचक्रा पुरी शुभा

aṅgadasyāṅgadākhyātā deśe kārayate purī / candraketostu vikhyātā candracakrā purī śubhā

Sanskrit only: no published translation is held for this verse.

भरतस्यात्मजौ वीरौ तक्षः पुष्कर एव च । गान्धारविषये सिद्धे तयोः पुर्यो महात्मनोः

bharatasyātmajau vīrau takṣaḥ puṣkara eva ca / gāndhāraviṣaye siddhe tayoḥ puryo mahātmanoḥ

Sanskrit only: no published translation is held for this verse.

तक्षस्य दिक्षु विख्याता नाम्ना तक्षशिला पुरी । पुष्करस्यापि वीरस्य विख्याता पुष्करावती

takṣasya dikṣu vikhyātā nāmnā takṣaśilā purī / puṣkarasyāpi vīrasya vikhyātā puṣkarāvatī

Sanskrit only: no published translation is held for this verse.

गाथां चैवात्र गायन्ति ये पुराण विदो जनाः । रामेण बद्धां सत्यार्थां महात्म्यात्तस्य धीमतः

gāthāṃ caivātra gāyanti ye purāṇa vido janāḥ / rāmeṇa baddhāṃ satyārthāṃ mahātmyāttasya dhīmataḥ

Sanskrit only: no published translation is held for this verse.

श्यामो युवा लोहिताक्षो दीप्तास्यो मीतभाषितः । आजानुबाहुः सुमुखः सिंहस्कन्धो महाभुजः

śyāmo yuvā lohitākṣo dīptāsyo mītabhāṣitaḥ / ājānubāhuḥ sumukhaḥ siṃhaskandho mahābhujaḥ

Sanskrit only: no published translation is held for this verse.

दशवर्षसहस्राणि रामो राज्यमकारयत् । ऋक्सामयजुषां घोषो यो घोषश्च महास्वनः

daśavarṣasahasrāṇi rāmo rājyamakārayat / ṛksāmayajuṣāṃ ghoṣo yo ghoṣaśca mahāsvanaḥ

Sanskrit only: no published translation is held for this verse.

अव्युच्छिन्नो ऽभवद्राज्ये दीयतां भुज्यतामिति । जनस्थाने वसन्कार्यं त्रिदशानां चकार सः

avyucchinno 'bhavadrājye dīyatāṃ bhujyatāmiti / janasthāne vasankāryaṃ tridaśānāṃ cakāra saḥ

Sanskrit only: no published translation is held for this verse.

तमागस्कारिणं पूर्वं पौलस्त्यं मनुजर्षभः । सीतायाः पदमन्विच्छन्निजघान महायशाः

tamāgaskāriṇaṃ pūrvaṃ paulastyaṃ manujarṣabhaḥ / sītāyāḥ padamanvicchannijaghāna mahāyaśāḥ

Sanskrit only: no published translation is held for this verse.

सत्त्ववान्गुणसंपन्नो दीप्यमानः स्वतेजसा । अतिसूर्यं च वह्निं च रामो दाशरथिर्बभौ

sattvavānguṇasaṃpanno dīpyamānaḥ svatejasā / atisūryaṃ ca vahniṃ ca rāmo dāśarathirbabhau

Sanskrit only: no published translation is held for this verse.

एवमेष महाबाहोस्तस्य पुत्रौ बभूवतुः । कुशो लव इति ख्यातो तयोर्देशौ निबोधत

evameṣa mahābāhostasya putrau babhūvatuḥ / kuśo lava iti khyāto tayordeśau nibodhata

Sanskrit only: no published translation is held for this verse.

कुशस्य कोशला राज्यं पुरी चापि कुशस्थली । रम्या निवेशिता तेन विन्ध्यपर्वतसानुषु

kuśasya kośalā rājyaṃ purī cāpi kuśasthalī / ramyā niveśitā tena vindhyaparvatasānuṣu

Sanskrit only: no published translation is held for this verse.

उत्तराकोशले राज्य लवस्य च महात्मनः । श्रावस्तिर्लोकविख्याता कुशवंशं निबोधत

uttarākośale rājya lavasya ca mahātmanaḥ / śrāvastirlokavikhyātā kuśavaṃśaṃ nibodhata

Sanskrit only: no published translation is held for this verse.

कुशस्य पुत्रो धर्मात्मा ह्यतिथिः सुप्रियातिथिः । अतिथेरपि विख्यातो निषधो नाम पार्थिवः

kuśasya putro dharmātmā hyatithiḥ supriyātithiḥ / atitherapi vikhyāto niṣadho nāma pārthivaḥ

Sanskrit only: no published translation is held for this verse.

निषधस्य नलः पुत्रो नलस्य तु नाभाः सुतः । नभसः पुण्डरीकस्तु क्षेम धन्वा ततः स्मृतः

niṣadhasya nalaḥ putro nalasya tu nābhāḥ sutaḥ / nabhasaḥ puṇḍarīkastu kṣema dhanvā tataḥ smṛtaḥ

Sanskrit only: no published translation is held for this verse.

क्षेमधन्वसुतो राजा देवानीकः प्रतापवान् । आसीदहीनगुर्नाम देवानीकात्मजः प्रभुः

kṣemadhanvasuto rājā devānīkaḥ pratāpavān / āsīdahīnagurnāma devānīkātmajaḥ prabhuḥ

Sanskrit only: no published translation is held for this verse.

अहीन गोस्तु दायादः पारियात्रो महायशाः । दलस्तस्यात्मजश्चापि तस्माज्जज्ञे बलो नृपः

ahīna gostu dāyādaḥ pāriyātro mahāyaśāḥ / dalastasyātmajaścāpi tasmājjajñe balo nṛpaḥ

Sanskrit only: no published translation is held for this verse.

उलूको नाम धर्मात्मा बलपुत्रो बभूव ह । वज्रनाभः सुतस्तस्य शङ्खणस्तस्य चात्मजः

ulūko nāma dharmātmā balaputro babhūva ha / vajranābhaḥ sutastasya śaṅkhaṇastasya cātmajaḥ

Sanskrit only: no published translation is held for this verse.

शङ्खणस्य सुतो विद्वान् व्युषिताश्व इति श्रुतः । व्युषिताश्वसुतश्चापि राजा विश्वसहः किल

śaṅkhaṇasya suto vidvān vyuṣitāśva iti śrutaḥ / vyuṣitāśvasutaścāpi rājā viśvasahaḥ kila

Sanskrit only: no published translation is held for this verse.

हिरण्यनाभः कौशल्यो वरिष्ठस्तत्सुतो ऽभवत् । पौष्यञ्जेश्च स वै शिष्यः स्मृतः प्राच्येषु सामसु

hiraṇyanābhaḥ kauśalyo variṣṭhastatsuto 'bhavat / pauṣyañjeśca sa vai śiṣyaḥ smṛtaḥ prācyeṣu sāmasu

Sanskrit only: no published translation is held for this verse.

शतानि संहितानां तु पञ्च यो ऽधीतवांस्ततः । तस्मादधिगतो योगो याज्ञवल्क्येन धीमता

śatāni saṃhitānāṃ tu pañca yo 'dhītavāṃstataḥ / tasmādadhigato yogo yājñavalkyena dhīmatā

Sanskrit only: no published translation is held for this verse.

पुष्पस्तस्य सुतो विद्वान्ध्रुवसंधिश्च तत्सुतः । सुदर्शनस्तस्य सुतो ह्यग्निवर्मः सुदर्शनात्

puṣpastasya suto vidvāndhruvasaṃdhiśca tatsutaḥ / sudarśanastasya suto hyagnivarmaḥ sudarśanāt

Sanskrit only: no published translation is held for this verse.

अग्निवर्णस्य शीघ्रस्तु शीघ्रकस्य मरुः स्मृतः । मरुस्तु योगमास्थाय कलापग्राममास्थितः

agnivarṇasya śīghrastu śīghrakasya maruḥ smṛtaḥ / marustu yogamāsthāya kalāpagrāmamāsthitaḥ

Sanskrit only: no published translation is held for this verse.

एकोनविंशप्रयुगे क्षत्रप्रावर्त्तकः प्रभुः । प्रभुसुतो मरोः पुत्रः सुसंधिस्तस्य चात्मजः

ekonaviṃśaprayuge kṣatraprāvarttakaḥ prabhuḥ / prabhusuto maroḥ putraḥ susaṃdhistasya cātmajaḥ

Sanskrit only: no published translation is held for this verse.

सुसंधेश्च तथा मर्षः सहस्वान्नाम नामतः । आसीत्सहस्वतः पुत्रो राजा विश्रुतवानिति

susaṃdheśca tathā marṣaḥ sahasvānnāma nāmataḥ / āsītsahasvataḥ putro rājā viśrutavāniti

Sanskrit only: no published translation is held for this verse.

तस्यासीद्विश्रुतवतः पुत्रो राजा बृहद्बलः । एते हीक्ष्वाकुदायादा राजानः शतशः स्मृताः

tasyāsīdviśrutavataḥ putro rājā bṛhadbalaḥ / ete hīkṣvākudāyādā rājānaḥ śataśaḥ smṛtāḥ

Sanskrit only: no published translation is held for this verse.

वंशे प्रधाना ये तस्मिन्प्राधान्येन तु कीर्त्तिताः । पठन्सम्यगिमां सृष्टिमादित्यस्य विवस्वतः

vaṃśe pradhānā ye tasminprādhānyena tu kīrttitāḥ / paṭhansamyagimāṃ sṛṣṭimādityasya vivasvataḥ

Sanskrit only: no published translation is held for this verse.

प्रजावानेति सायुज्यं मनोर्वेवस्वतस्य सः । श्राद्धदेवस्य देवस्य प्रजानां पुष्टिदस्य च

prajāvāneti sāyujyaṃ manorvevasvatasya saḥ / śrāddhadevasya devasya prajānāṃ puṣṭidasya ca

Sanskrit only: no published translation is held for this verse.

विपाप्मा विरजाश्चैव आयुष्माञ्जायते ऽच्युतः

vipāpmā virajāścaiva āyuṣmāñjāyate 'cyutaḥ

Sanskrit only: no published translation is held for this verse.