Library·Brahmāṇḍa Purāṇa·3·3.10
इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने अमृतमन्थनं नाम नवमो ऽध्यायः हयग्रीव उवाच अथ देवा महेन्द्राद्या विष्णुना प्रभविष्मुना । अङ्गीकृता महाधीराः प्रमोदं परमं ययुः
iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne amṛtamanthanaṃ nāma navamo 'dhyāyaḥ hayagrīva uvāca atha devā mahendrādyā viṣṇunā prabhaviṣmunā / aṅgīkṛtā mahādhīrāḥ pramodaṃ paramaṃ yayuḥ
Sanskrit only: no published translation is held for this verse.
मलकाद्यास्तु ते सर्वे दैत्या विष्णुपराङ्मुखाः । संत्यक्ताश्च श्रिया देव्या भृशमुद्वेगमागताः
malakādyāstu te sarve daityā viṣṇuparāṅmukhāḥ / saṃtyaktāśca śriyā devyā bhṛśamudvegamāgatāḥ
Sanskrit only: no published translation is held for this verse.
ततो जगृहिरे दैत्या धन्वन्तरिकरस्थितम् । परमामृतसाराढ्यं कलशं कनकोद्भवम् । अथासुराणां देवानामन्योन्यं कलहो ऽभवत्
tato jagṛhire daityā dhanvantarikarasthitam / paramāmṛtasārāḍhyaṃ kalaśaṃ kanakodbhavam / athāsurāṇāṃ devānāmanyonyaṃ kalaho 'bhavat
Sanskrit only: no published translation is held for this verse.
एतस्मिन्नन्तरे विष्णुः सर्वलोकैकरक्षकः । सम्यगाराधयामासललितां स्वैक्यरूपिणीम्
etasminnantare viṣṇuḥ sarvalokaikarakṣakaḥ / samyagārādhayāmāsalalitāṃ svaikyarūpiṇīm
Sanskrit only: no published translation is held for this verse.
सुराणामसुराणां च रणं वीक्ष्य सुदारुणम् । ब्रह्मा निजपदं प्राप शंभुः कैलासमास्थितः
surāṇāmasurāṇāṃ ca raṇaṃ vīkṣya sudāruṇam / brahmā nijapadaṃ prāpa śaṃbhuḥ kailāsamāsthitaḥ
Sanskrit only: no published translation is held for this verse.
मलकं योधयामास दैत्यानामधिपं वृषा । असुरैश्च सुराः सर्वे सांपरायमकुर्वत
malakaṃ yodhayāmāsa daityānāmadhipaṃ vṛṣā / asuraiśca surāḥ sarve sāṃparāyamakurvata
Sanskrit only: no published translation is held for this verse.
भगवानपि योगीन्द्रः समाराध्य महेश्वरीम् । तदेकध्यानयोगेन तद्रूपः समजायत
bhagavānapi yogīndraḥ samārādhya maheśvarīm / tadekadhyānayogena tadrūpaḥ samajāyata
Sanskrit only: no published translation is held for this verse.
सर्वसंमोहिनी सा तु साक्षाच्छृङ्गारनायिका । सर्वशृङ्गारवेषाढ्या सर्वाभरणभूषिता
sarvasaṃmohinī sā tu sākṣācchṛṅgāranāyikā / sarvaśṛṅgāraveṣāḍhyā sarvābharaṇabhūṣitā
Sanskrit only: no published translation is held for this verse.
सुराणामसुराणां च निवार्य रणमुल्वणम् । मन्दस्मितेन दैतेयान्मोहयन्ती जगद ह
surāṇāmasurāṇāṃ ca nivārya raṇamulvaṇam / mandasmitena daiteyānmohayantī jagada ha
Sanskrit only: no published translation is held for this verse.
अलं युद्धेन किं शस्त्रेर्मर्मस्थानविभेदिभिः । निष्ठुरैः किं वृथालापैः कण्ठशोषणहेतुभिः
alaṃ yuddhena kiṃ śastrermarmasthānavibhedibhiḥ / niṣṭhuraiḥ kiṃ vṛthālāpaiḥ kaṇṭhaśoṣaṇahetubhiḥ
Sanskrit only: no published translation is held for this verse.
अहमेवात्र मध्यस्था युष्माकं च दिवौकसाम् । यूयं तथामी नितरामत्र हि क्लेशभागिनः
ahamevātra madhyasthā yuṣmākaṃ ca divaukasām / yūyaṃ tathāmī nitarāmatra hi kleśabhāginaḥ
Sanskrit only: no published translation is held for this verse.
सर्वेषां सममेवाद्य दास्याम्यमृतमद्भुतम् । मम हस्ते प्रदातव्यं सुधापात्रमनुत्तमम्
sarveṣāṃ samamevādya dāsyāmyamṛtamadbhutam / mama haste pradātavyaṃ sudhāpātramanuttamam
Sanskrit only: no published translation is held for this verse.
इति तस्या वचः श्रुत्वा दैत्यास्तद्वाक्यमोहिताः । पीयूषकलशं तस्यै ददुस्ते मुग्धचेतसः
iti tasyā vacaḥ śrutvā daityāstadvākyamohitāḥ / pīyūṣakalaśaṃ tasyai daduste mugdhacetasaḥ
Sanskrit only: no published translation is held for this verse.
सा तत्पात्रं समादाय जगन्मोहनरूपिणी । सुराणामसुराणां च वृथक्पङ्क्तिं चकार ह
sā tatpātraṃ samādāya jaganmohanarūpiṇī / surāṇāmasurāṇāṃ ca vṛthakpaṅktiṃ cakāra ha
Sanskrit only: no published translation is held for this verse.
द्वयोः पङ्क्त्योश्च मध्यस्थास्तानुवाच सुरासुरान् । तूष्णीं भवन्तु सर्वे ऽपि क्रमशो दीयते मया
dvayoḥ paṅktyośca madhyasthāstānuvāca surāsurān / tūṣṇīṃ bhavantu sarve 'pi kramaśo dīyate mayā
Sanskrit only: no published translation is held for this verse.
तद्वाक्यमुररीचक्रुस्ते सर्वे समवायिनः । सा तु संमोहिताश्लेषलोका दातुं प्रचक्रमे
tadvākyamurarīcakruste sarve samavāyinaḥ / sā tu saṃmohitāśleṣalokā dātuṃ pracakrame
Sanskrit only: no published translation is held for this verse.
क्वणत्कनकदर्वीका क्वणन्मङ्गलकङ्कणा । कमनीयविभूषाढ्या कला सा परमा बभौ
kvaṇatkanakadarvīkā kvaṇanmaṅgalakaṅkaṇā / kamanīyavibhūṣāḍhyā kalā sā paramā babhau
Sanskrit only: no published translation is held for this verse.
वामे वामे करांभोजे सुधाकलशमुज्ज्वलम् । सुधां तां देवतापङ्क्तौ पूर्वं दर्व्या तदादिशत्
vāme vāme karāṃbhoje sudhākalaśamujjvalam / sudhāṃ tāṃ devatāpaṅktau pūrvaṃ darvyā tadādiśat
Sanskrit only: no published translation is held for this verse.
दिशन्ती क्रमशास्तत्र चन्द्रभास्करसूचितम् । दर्वीकरेण चिच्छेद सैंहिकेयं तु मध्यगम् । पीतामृतशिरोमात्रं तस्य व्योम जगाम च
diśantī kramaśāstatra candrabhāskarasūcitam / darvīkareṇa ciccheda saiṃhikeyaṃ tu madhyagam / pītāmṛtaśiromātraṃ tasya vyoma jagāma ca
Sanskrit only: no published translation is held for this verse.
तं दृष्ट्वाप्यसुरास्तत्र तूष्णीमासन्विमोहिताः । एवं क्रमेण तत्सर्वं विबुधेभ्यो वितीर्य सा । असुराणां पुरः पात्रं सानिनाय तिरोदधे
taṃ dṛṣṭvāpyasurāstatra tūṣṇīmāsanvimohitāḥ / evaṃ krameṇa tatsarvaṃ vibudhebhyo vitīrya sā / asurāṇāṃ puraḥ pātraṃ sānināya tirodadhe
Sanskrit only: no published translation is held for this verse.
रिक्तपात्रं तु तं दृष्ट्वा सर्वे दैतेयदानवाः । उद्वेलं केवलं क्रोधं प्राप्ता युद्धचिकीर्षया
riktapātraṃ tu taṃ dṛṣṭvā sarve daiteyadānavāḥ / udvelaṃ kevalaṃ krodhaṃ prāptā yuddhacikīrṣayā
Sanskrit only: no published translation is held for this verse.
इन्द्रादयः सुराः सर्वे सुधापानाद्बलोत्तराः । दुर्वलैरसुरैः सार्धं समयुद्ध्यन्त सायुधाः
indrādayaḥ surāḥ sarve sudhāpānādbalottarāḥ / durvalairasuraiḥ sārdhaṃ samayuddhyanta sāyudhāḥ
Sanskrit only: no published translation is held for this verse.
ते विध्यमानाः शतशो दानवेन्द्राः सुरोत्तमैः । दिगन्तान्कतिचिज्जग्मुः पातालं कतिचिद्ययुः
te vidhyamānāḥ śataśo dānavendrāḥ surottamaiḥ / digantānkaticijjagmuḥ pātālaṃ katicidyayuḥ
Sanskrit only: no published translation is held for this verse.
दैत्यं मलकनामानं विजित्य विबुधेश्वरः । आत्मीयां श्रियमाजह्रे श्रीकटाक्ष समीक्षितः
daityaṃ malakanāmānaṃ vijitya vibudheśvaraḥ / ātmīyāṃ śriyamājahre śrīkaṭākṣa samīkṣitaḥ
Sanskrit only: no published translation is held for this verse.
पुनः सिंहासनं प्राप्य महेन्द्रः सुरसेवितः । त्रैलोक्यं पालयामास पूर्ववत्पूर्वदेवजित्
punaḥ siṃhāsanaṃ prāpya mahendraḥ surasevitaḥ / trailokyaṃ pālayāmāsa pūrvavatpūrvadevajit
Sanskrit only: no published translation is held for this verse.
निर्भया निखिला देवास्त्रैलोक्ये सचराचरे । यथाकामं चरन्ति स्म सर्वदा हृष्टचेतसः
nirbhayā nikhilā devāstrailokye sacarācare / yathākāmaṃ caranti sma sarvadā hṛṣṭacetasaḥ
Sanskrit only: no published translation is held for this verse.
तदा तदखिलं दृष्ट्वा मोहिनीचरितं मुनिः । विस्मितः कामचारी तु कैलासं नारदो गतः
tadā tadakhilaṃ dṛṣṭvā mohinīcaritaṃ muniḥ / vismitaḥ kāmacārī tu kailāsaṃ nārado gataḥ
Sanskrit only: no published translation is held for this verse.
नन्दिना च कृतानुज्ञः प्रणम्य परमेश्वरम् । तेन संभाव्यमानो ऽसौ तुष्टो विष्टरमास्त सः
nandinā ca kṛtānujñaḥ praṇamya parameśvaram / tena saṃbhāvyamāno 'sau tuṣṭo viṣṭaramāsta saḥ
Sanskrit only: no published translation is held for this verse.
आसनस्थं महादेवो मुनिं स्वेच्छाविहारिणम् । पप्रच्छ पार्वतीजानिः स्वच्छस्फटिकसन्निभः
āsanasthaṃ mahādevo muniṃ svecchāvihāriṇam / papraccha pārvatījāniḥ svacchasphaṭikasannibhaḥ
Sanskrit only: no published translation is held for this verse.
भगवन्सर्ववृत्तज्ञ पवित्रीकृतविष्टर । कलहप्रिय देवर्षे किं वृत्तं तत्र नाकिनाम्
bhagavansarvavṛttajña pavitrīkṛtaviṣṭara / kalahapriya devarṣe kiṃ vṛttaṃ tatra nākinām
Sanskrit only: no published translation is held for this verse.
सुराणामसुराणां वा विजयः समजायत । किं वाप्यमृतवृत्तान्तं विष्णुना वापि किं कृतम्
surāṇāmasurāṇāṃ vā vijayaḥ samajāyata / kiṃ vāpyamṛtavṛttāntaṃ viṣṇunā vāpi kiṃ kṛtam
Sanskrit only: no published translation is held for this verse.
इति पृष्टो महेशेन नारदो मुनिसत्तमः । उवाच विस्मयाविष्टः प्रसन्नवदनेक्षणः
iti pṛṣṭo maheśena nārado munisattamaḥ / uvāca vismayāviṣṭaḥ prasannavadanekṣaṇaḥ
Sanskrit only: no published translation is held for this verse.
सर्वं जानासि भगवन्सर्वज्ञो ऽसि यतस्ततः । तथापि परिपृष्टेन मया तद्वक्ष्यते ऽधुना
sarvaṃ jānāsi bhagavansarvajño 'si yatastataḥ / tathāpi paripṛṣṭena mayā tadvakṣyate 'dhunā
Sanskrit only: no published translation is held for this verse.
तादृशे समरे घोरे सति दैत्यदिवौकसाम् । आदिनारायमः श्रीमान्मोहिनीरूपमादधे
tādṛśe samare ghore sati daityadivaukasām / ādinārāyamaḥ śrīmānmohinīrūpamādadhe
Sanskrit only: no published translation is held for this verse.
तामुदारविभूषाढ्यां मूर्तां शृङ्गारदेवताम् । सुरासुराः समालोक्य विरताः समरोध्यमात्
tāmudāravibhūṣāḍhyāṃ mūrtāṃ śṛṅgāradevatām / surāsurāḥ samālokya viratāḥ samarodhyamāt
Sanskrit only: no published translation is held for this verse.
तन्मायामोहिता दैत्याः सुधापात्रं च याचिताः । कृत्वा तामेव मध्यस्थामर्पयामासुरञ्जसा
tanmāyāmohitā daityāḥ sudhāpātraṃ ca yācitāḥ / kṛtvā tāmeva madhyasthāmarpayāmāsurañjasā
Sanskrit only: no published translation is held for this verse.
तदा देवी तदादाय मन्दस्मितमनोहरा । देवेभ्य एव पीयूषमशेषं विततार सा
tadā devī tadādāya mandasmitamanoharā / devebhya eva pīyūṣamaśeṣaṃ vitatāra sā
Sanskrit only: no published translation is held for this verse.
तिरोहितामदृष्ट्वा तां दृष्ट्वा शून्यं च पात्रकम् । ज्वलन्मन्युमुखा दैत्या युद्धाय पुनरुत्थिताः
tirohitāmadṛṣṭvā tāṃ dṛṣṭvā śūnyaṃ ca pātrakam / jvalanmanyumukhā daityā yuddhāya punarutthitāḥ
Sanskrit only: no published translation is held for this verse.
अमरैरमृतास्वादादत्युल्वणपराक्रमैः । पराजिता महादैत्या नष्टाः पातालमभ्ययुः
amarairamṛtāsvādādatyulvaṇaparākramaiḥ / parājitā mahādaityā naṣṭāḥ pātālamabhyayuḥ
Sanskrit only: no published translation is held for this verse.
इमं वृत्तान्तमाकर्ण्य भवानीपतिख्ययः । नारदं प्रेषयित्वाशु तदुक्तं सततं स्मरन्
imaṃ vṛttāntamākarṇya bhavānīpatikhyayaḥ / nāradaṃ preṣayitvāśu taduktaṃ satataṃ smaran
Sanskrit only: no published translation is held for this verse.
अज्ञातः प्रमथैः सर्वैः स्कन्दनन्दिविनायकैः । पार्वतीसहितो विष्णुमाजगाम सविस्मयः
ajñātaḥ pramathaiḥ sarvaiḥ skandanandivināyakaiḥ / pārvatīsahito viṣṇumājagāma savismayaḥ
Sanskrit only: no published translation is held for this verse.
क्षीरोदतीरगं दृष्ट्वा सस्त्रीकं वृषवाहनम् । भोगिभोगासनाद्विष्णुः समुत्थाय समागतः
kṣīrodatīragaṃ dṛṣṭvā sastrīkaṃ vṛṣavāhanam / bhogibhogāsanādviṣṇuḥ samutthāya samāgataḥ
Sanskrit only: no published translation is held for this verse.
वाहनादवरुह्येशः पार्वत्या सहितः स्थितम् । तं दृष्ट्वा शीघ्रमागत्य संपूज्यार्घ्यादितो मुदा
vāhanādavaruhyeśaḥ pārvatyā sahitaḥ sthitam / taṃ dṛṣṭvā śīghramāgatya saṃpūjyārghyādito mudā
Sanskrit only: no published translation is held for this verse.
सस्नेहं गाढमालिङ्ग्य भवानीपतिमच्युतः । तदागमनकार्यं च पृष्टवान्विष्टरश्रवाः
sasnehaṃ gāḍhamāliṅgya bhavānīpatimacyutaḥ / tadāgamanakāryaṃ ca pṛṣṭavānviṣṭaraśravāḥ
Sanskrit only: no published translation is held for this verse.
तमुवाच महादेवो भगवन्पुरुषोत्तम । महायोगेश्वर श्रीमन्सर्वसौभाग्यसुन्दरम्
tamuvāca mahādevo bhagavanpuruṣottama / mahāyogeśvara śrīmansarvasaubhāgyasundaram
Sanskrit only: no published translation is held for this verse.
सर्वसंमोहजनकमवाङ्मनसगोचरम् । यद्रूपं भवतोपात्तं तन्मह्यं संप्रदर्शय
sarvasaṃmohajanakamavāṅmanasagocaram / yadrūpaṃ bhavatopāttaṃ tanmahyaṃ saṃpradarśaya
Sanskrit only: no published translation is held for this verse.
द्रष्टुमिच्छामि ते रूपं शृङ्गारस्याधिदैवतम् । अवश्यं दर्शनीयं मे त्वं हि प्रार्थितकामधृक्
draṣṭumicchāmi te rūpaṃ śṛṅgārasyādhidaivatam / avaśyaṃ darśanīyaṃ me tvaṃ hi prārthitakāmadhṛk
Sanskrit only: no published translation is held for this verse.
इति संप्रार्थितः शश्वन्महादेवेन तेन सः । यद्ध्यानवैभवाल्लब्धं रूपमद्वैतमद्भुतम्
iti saṃprārthitaḥ śaśvanmahādevena tena saḥ / yaddhyānavaibhavāllabdhaṃ rūpamadvaitamadbhutam
Sanskrit only: no published translation is held for this verse.
तदेवानन्यमनसा ध्यात्वा किञ्चिद्विहस्य सः । तथास्त्विति तिरो ऽधत्त महायोगेश्वरो हरिः
tadevānanyamanasā dhyātvā kiñcidvihasya saḥ / tathāstviti tiro 'dhatta mahāyogeśvaro hariḥ
Sanskrit only: no published translation is held for this verse.
शर्वो ऽपि सर्वतश्चक्षुर्मुहुर्व्यापारयन्क्वचित् । अदृष्टपूर्वमाराममभिरामं व्यलोकयत्
śarvo 'pi sarvataścakṣurmuhurvyāpārayankvacit / adṛṣṭapūrvamārāmamabhirāmaṃ vyalokayat
Sanskrit only: no published translation is held for this verse.
विकसत्कुसुमश्रेणीविनोदिमधुपालिकम् । चंपकस्तबकामोदसुरभीकृतदिक्तटम्
vikasatkusumaśreṇīvinodimadhupālikam / caṃpakastabakāmodasurabhīkṛtadiktaṭam
Sanskrit only: no published translation is held for this verse.
माकन्दवृन्दमाध्वीकमाद्यदुल्लोलकोकिलम् । अशोकमण्डलीकाण्डसताण्डवशिखण्डिकम्
mākandavṛndamādhvīkamādyadullolakokilam / aśokamaṇḍalīkāṇḍasatāṇḍavaśikhaṇḍikam
Sanskrit only: no published translation is held for this verse.
भृङ्गालिनवझङ्कारजितवल्लकिनिस्वनम् । पाटलोदारसौरभ्यपाटलीकुसुमोज्ज्वलम्
bhṛṅgālinavajhaṅkārajitavallakinisvanam / pāṭalodārasaurabhyapāṭalīkusumojjvalam
Sanskrit only: no published translation is held for this verse.
तमालतालहिन्तालकृतमालाविलासितम् । पर्यन्तदीर्घिकादीर्घपङ्कजश्रीपरिष्कृतम्
tamālatālahintālakṛtamālāvilāsitam / paryantadīrghikādīrghapaṅkajaśrīpariṣkṛtam
Sanskrit only: no published translation is held for this verse.
वातपातचलच्चारुपल्लवोत्फुल्लपुष्पकम् । सन्तानप्रसवामोदसन्तानाधिकवासितम्
vātapātacalaccārupallavotphullapuṣpakam / santānaprasavāmodasantānādhikavāsitam
Sanskrit only: no published translation is held for this verse.
तत्र सर्वत्र पुष्पाढ्ये सर्वलोकमनोहरे । पारिजाततरोर्मूले कान्ता काचिददृश्यत
tatra sarvatra puṣpāḍhye sarvalokamanohare / pārijātatarormūle kāntā kācidadṛśyata
Sanskrit only: no published translation is held for this verse.
बालार्कपाटलाकारा नवयौवनदर्पिता । आकृष्टपद्मरागाभा चरणाब्जनखच्छदा
bālārkapāṭalākārā navayauvanadarpitā / ākṛṣṭapadmarāgābhā caraṇābjanakhacchadā
Sanskrit only: no published translation is held for this verse.
यावकश्रीविनिक्षेपपादलौहित्यवाहिनी । कलनिःस्वनमञ्जीरपदपद्ममनोहरा
yāvakaśrīvinikṣepapādalauhityavāhinī / kalaniḥsvanamañjīrapadapadmamanoharā
Sanskrit only: no published translation is held for this verse.
अनङ्गवीरतूणीरदर्पोन्मदनजङ्घिका । करिशुण्डाकदलिकाकान्तितुल्योरुशोभिनी
anaṅgavīratūṇīradarponmadanajaṅghikā / kariśuṇḍākadalikākāntitulyoruśobhinī
Sanskrit only: no published translation is held for this verse.
अरुणेन दुकूलेन सुस्पर्शेन तनीयसा । अलङ्कृतनितंबाढ्या जघनाभोगभासुरा
aruṇena dukūlena susparśena tanīyasā / alaṅkṛtanitaṃbāḍhyā jaghanābhogabhāsurā
Sanskrit only: no published translation is held for this verse.
नवमाणिक्यसन्नद्धहेमकाञ्जीविराजिता । नतनाभिमहावर्त्तत्रिवल्यूर्मिप्रभाझरा
navamāṇikyasannaddhahemakāñjīvirājitā / natanābhimahāvarttatrivalyūrmiprabhājharā
Sanskrit only: no published translation is held for this verse.
स्तनकुड्मलहिन्दोलमुक्तादामशतावृता । अतिपीवरवक्षोजभारभङ्गुरमध्यभूः
stanakuḍmalahindolamuktādāmaśatāvṛtā / atipīvaravakṣojabhārabhaṅguramadhyabhūḥ
Sanskrit only: no published translation is held for this verse.
शिरीषकोमलभुजा कङ्कणाङ्गदशालिनी । सोर्मिकां गुलिमन्मृष्टशङ्खसुन्दरकन्धरा
śirīṣakomalabhujā kaṅkaṇāṅgadaśālinī / sormikāṃ gulimanmṛṣṭaśaṅkhasundarakandharā
Sanskrit only: no published translation is held for this verse.
मुखदर्पणवृत्ताभचुबुकापाटलाघरा । शुचिभिः पङ्क्तिभिः शुद्धैर्विद्यारूपैर्विभास्वरैः
mukhadarpaṇavṛttābhacubukāpāṭalāgharā / śucibhiḥ paṅktibhiḥ śuddhairvidyārūpairvibhāsvaraiḥ
Sanskrit only: no published translation is held for this verse.
कुन्दकुड्मलसच्छायैर्दन्तैर्दर्शितचन्द्रिका । स्थूलमौक्तिकसन्नद्धनासाभरणभासुरा
kundakuḍmalasacchāyairdantairdarśitacandrikā / sthūlamauktikasannaddhanāsābharaṇabhāsurā
Sanskrit only: no published translation is held for this verse.
केतकान्तर्द्दलद्रोणिदीर्घदीर्घविलोचना । अर्धेन्दुतुलिताफाले सम्यक्कॢप्तालकच्छटा
ketakāntarddaladroṇidīrghadīrghavilocanā / ardhendutulitāphāle samyakkḷptālakacchaṭā
Sanskrit only: no published translation is held for this verse.
पालीवतंसमाणिक्यकुण्डलामण्डितश्रुतिः । नवकर्पूरकस्तूरीरसामोदितवीटिका
pālīvataṃsamāṇikyakuṇḍalāmaṇḍitaśrutiḥ / navakarpūrakastūrīrasāmoditavīṭikā
Sanskrit only: no published translation is held for this verse.
शरच्चरुनिशानाथमण्डलीमधुरानना । स्फुरत्कस्तूरितिलका नीलकुन्तलसंहतिः
śaraccaruniśānāthamaṇḍalīmadhurānanā / sphuratkastūritilakā nīlakuntalasaṃhatiḥ
Sanskrit only: no published translation is held for this verse.
सीमन्तरेखाविन्यस्तसिंदूरश्रेणिभासुरा
sīmantarekhāvinyastasiṃdūraśreṇibhāsurā
Sanskrit only: no published translation is held for this verse.
स्फरच्चन्द्रकलोत्तंसमदलोलविलोचना । सर्वशृङ्गारवेषाढ्या सर्वाभरणमण्डिता
spharaccandrakalottaṃsamadalolavilocanā / sarvaśṛṅgāraveṣāḍhyā sarvābharaṇamaṇḍitā
Sanskrit only: no published translation is held for this verse.
तामिमां कन्दुकक्रीडालोलामालोलभूषणाम् । दृष्ट्वा क्षिप्रमुमां त्यक्त्वा सो ऽन्वधावदथेश्वरः
tāmimāṃ kandukakrīḍālolāmālolabhūṣaṇām / dṛṣṭvā kṣipramumāṃ tyaktvā so 'nvadhāvadatheśvaraḥ
Sanskrit only: no published translation is held for this verse.
उमापि तं समोवेक्ष्य धावन्तं चात्मनः प्रियम् । स्वात्मानं स्वात्मर्सोन्दर्यं निन्दन्ती चातिविस्मिता । तस्थाववाङ्मुखी तूष्णीं लज्जासूयासमन्विता
umāpi taṃ samovekṣya dhāvantaṃ cātmanaḥ priyam / svātmānaṃ svātmarsondaryaṃ nindantī cātivismitā / tasthāvavāṅmukhī tūṣṇīṃ lajjāsūyāsamanvitā
Sanskrit only: no published translation is held for this verse.
गृहीत्वा कथमप्येनामालिलिग मुहुर्मुहुः । उद्धूयोद्धूय साप्येवं धावति स्म सुदूरतः
gṛhītvā kathamapyenāmāliliga muhurmuhuḥ / uddhūyoddhūya sāpyevaṃ dhāvati sma sudūrataḥ
Sanskrit only: no published translation is held for this verse.
पुनर्गृहीत्वा तामीशः कामं कामवशीसृतः । आश्र्लिष्टं चातिवेगेन तद्वीर्यं प्रच्युतं तदा
punargṛhītvā tāmīśaḥ kāmaṃ kāmavaśīsṛtaḥ / āśrliṣṭaṃ cātivegena tadvīryaṃ pracyutaṃ tadā
Sanskrit only: no published translation is held for this verse.
ततः समुत्थितो देवो महाशास्ता महाबलः । अनेककोटिदैत्येन्द्रगर्वनिर्वापणक्षमः
tataḥ samutthito devo mahāśāstā mahābalaḥ / anekakoṭidaityendragarvanirvāpaṇakṣamaḥ
Sanskrit only: no published translation is held for this verse.
तद्वीर्यबिन्दुसंस्पर्शात्सा भूमिस्तत्रतत्र च । रजतस्वर्मवर्णाभूल्लक्षणाद्विन्ध्यमर्दन
tadvīryabindusaṃsparśātsā bhūmistatratatra ca / rajatasvarmavarṇābhūllakṣaṇādvindhyamardana
Sanskrit only: no published translation is held for this verse.
तथैवान्तर्दधे सापि देवता विश्वमोहिनी । निवृत्तः स गिरीशो ऽपि गिरिं गौरीसखो ययौ
tathaivāntardadhe sāpi devatā viśvamohinī / nivṛttaḥ sa girīśo 'pi giriṃ gaurīsakho yayau
Sanskrit only: no published translation is held for this verse.
अथाद्भुतमिदं वक्ष्ये लोपामुद्रापते शृणु । यन्न कस्यचिदाख्यातं ममैव त्दृदयेस्थितम्
athādbhutamidaṃ vakṣye lopāmudrāpate śṛṇu / yanna kasyacidākhyātaṃ mamaiva tdṛdayesthitam
Sanskrit only: no published translation is held for this verse.
पुरा भण्डासुरो नाम सर्वदैत्यशिखामणिः । पूर्वं देवान्बहुविधान्यः शास्ता स्वेच्छया पटुः
purā bhaṇḍāsuro nāma sarvadaityaśikhāmaṇiḥ / pūrvaṃ devānbahuvidhānyaḥ śāstā svecchayā paṭuḥ
Sanskrit only: no published translation is held for this verse.
विशुक्रं नाम दैतेयं वर्गसंरक्षणक्षमम् । शुक्रतुल्यं विचारज्ञं दक्षांसेन ससर्ज सः
viśukraṃ nāma daiteyaṃ vargasaṃrakṣaṇakṣamam / śukratulyaṃ vicārajñaṃ dakṣāṃsena sasarja saḥ
Sanskrit only: no published translation is held for this verse.
वामांसेन विषाङ्गं च सृष्टवान्दुष्टशेखरम् । धूमिनीनामधेयां च भगिनीं भण्डदानवः
vāmāṃsena viṣāṅgaṃ ca sṛṣṭavānduṣṭaśekharam / dhūminīnāmadheyāṃ ca bhaginīṃ bhaṇḍadānavaḥ
Sanskrit only: no published translation is held for this verse.
भ्रातृभ्यामुग्रवीर्याभ्यां सहितो निहताहितः । ब्रह्माण्डं खण्डयामास शौर्यवीर्यसमुच्छ्रितः
bhrātṛbhyāmugravīryābhyāṃ sahito nihatāhitaḥ / brahmāṇḍaṃ khaṇḍayāmāsa śauryavīryasamucchritaḥ
Sanskrit only: no published translation is held for this verse.
ब्रह्मविष्णुमहेशाश्च तं दृष्ट्वा दीप्ततेजसम् । पलायनपराः सद्यः स्वे स्वे धाम्नि सदावसन्
brahmaviṣṇumaheśāśca taṃ dṛṣṭvā dīptatejasam / palāyanaparāḥ sadyaḥ sve sve dhāmni sadāvasan
Sanskrit only: no published translation is held for this verse.
तदानीमेव तद्बाहुमंमर्द्दन विमूर्च्छिताः । श्वसितुं चापि पटवो नाभवन्नाकिनां गणाः
tadānīmeva tadbāhumaṃmarddana vimūrcchitāḥ / śvasituṃ cāpi paṭavo nābhavannākināṃ gaṇāḥ
Sanskrit only: no published translation is held for this verse.
केचित्पातालगर्भेषु केचिदंबुधिवारिषु । केचिद्दिगन्तकोणेषु केचित्कुञ्जेषु भूभृताम्
kecitpātālagarbheṣu kecidaṃbudhivāriṣu / keciddigantakoṇeṣu kecitkuñjeṣu bhūbhṛtām
Sanskrit only: no published translation is held for this verse.
विलीना भृशवित्रस्तास्त्यक्तदारसुतस्त्रियः । भ्रष्टाधिकारा ऋभवो विचेरुश्छन्नवेषकाः
vilīnā bhṛśavitrastāstyaktadārasutastriyaḥ / bhraṣṭādhikārā ṛbhavo viceruśchannaveṣakāḥ
Sanskrit only: no published translation is held for this verse.
यक्षान्महोरगान्सिद्धान्साध्यान्समरदुर्मदान् । ब्रह्माणं पद्मनाभं च रुद्रं वज्रिणमेव च । मत्वा तृणायितान्सर्वांल्लोकान्भण्डः शशासह
yakṣānmahoragānsiddhānsādhyānsamaradurmadān / brahmāṇaṃ padmanābhaṃ ca rudraṃ vajriṇameva ca / matvā tṛṇāyitānsarvāṃllokānbhaṇḍaḥ śaśāsaha
Sanskrit only: no published translation is held for this verse.
अथ भण्डासुरं हन्तुं त्रैलोक्यं चापि रक्षितुम् । तृतीयमुदभूद्रूपं महायागानलान्मुने
atha bhaṇḍāsuraṃ hantuṃ trailokyaṃ cāpi rakṣitum / tṛtīyamudabhūdrūpaṃ mahāyāgānalānmune
Sanskrit only: no published translation is held for this verse.
यद्रूपशालिनीमाहुर्ललिता परदेवताम् । पाशाङ्कुशधनुर्वाणपरिष्कृतचतुर्भुजाम्
yadrūpaśālinīmāhurlalitā paradevatām / pāśāṅkuśadhanurvāṇapariṣkṛtacaturbhujām
Sanskrit only: no published translation is held for this verse.
सा देवी परम शक्तिः परब्रह्मस्वरूपिणी । जघान भण्डदैत्येन्द्रं युद्धे युद्धविशारदा
sā devī parama śaktiḥ parabrahmasvarūpiṇī / jaghāna bhaṇḍadaityendraṃ yuddhe yuddhaviśāradā
Sanskrit only: no published translation is held for this verse.