Library·Brahmāṇḍa Purāṇa·3·3.12
इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने भण्डासुरप्रादुर्भावो नामैकादशो ऽध्यायः रुद्रकोपानलाज्जातो यतो भण्डो महाबलः । तस्माद्रौद्रस्वभावो हि दानवश्चाभवत्ततः
iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne bhaṇḍāsuraprādurbhāvo nāmaikādaśo 'dhyāyaḥ rudrakopānalājjāto yato bhaṇḍo mahābalaḥ / tasmādraudrasvabhāvo hi dānavaścābhavattataḥ
Sanskrit only: no published translation is held for this verse.
अथागच्छन्महातेजाः शुक्रो दैत्यपुरोहितः । समायाताश्च शतशो दैतेयाः सुमहाबलाः
athāgacchanmahātejāḥ śukro daityapurohitaḥ / samāyātāśca śataśo daiteyāḥ sumahābalāḥ
Sanskrit only: no published translation is held for this verse.
अथाहूय मयं भण्डो दैत्यवंश्यादिशिल्पिनम् । नियुक्तो भृगुपुत्रेण निजगादार्थवद्वचः
athāhūya mayaṃ bhaṇḍo daityavaṃśyādiśilpinam / niyukto bhṛguputreṇa nijagādārthavadvacaḥ
Sanskrit only: no published translation is held for this verse.
यत्र स्थित्वा तु दैत्येन्द्रैस्त्रैलोक्यं शासितं पुरा । तद्गत्वा शोणितपुरं कुरुष्व त्वं यथापुरम्
yatra sthitvā tu daityendraistrailokyaṃ śāsitaṃ purā / tadgatvā śoṇitapuraṃ kuruṣva tvaṃ yathāpuram
Sanskrit only: no published translation is held for this verse.
तच्छ्रुत्वा वचनं शिल्पी स गत्वाथ पुरं महत् । चक्रे ऽमरपुरप्रख्यं मनसैवेक्षणेन तु
tacchrutvā vacanaṃ śilpī sa gatvātha puraṃ mahat / cakre 'marapuraprakhyaṃ manasaivekṣaṇena tu
Sanskrit only: no published translation is held for this verse.
अथाभिषिक्तः शुक्रेण दैतेयैश्च महाबलैः । शुशभे परया लक्ष्म्या तेजसा च समन्वितः
athābhiṣiktaḥ śukreṇa daiteyaiśca mahābalaiḥ / śuśabhe parayā lakṣmyā tejasā ca samanvitaḥ
Sanskrit only: no published translation is held for this verse.
हिरण्याय तु यद्दत्तं किरीटं ब्रह्मणा पुरा । सजीवमविनाश्यं च दैत्येन्द्रैरपि भूषितम् । दधौ भृगुसुतोत्सृष्टं भण्डो बालार्कसन्निभम्
hiraṇyāya tu yaddattaṃ kirīṭaṃ brahmaṇā purā / sajīvamavināśyaṃ ca daityendrairapi bhūṣitam / dadhau bhṛgusutotsṛṣṭaṃ bhaṇḍo bālārkasannibham
Sanskrit only: no published translation is held for this verse.
चामरे चन्द्रसंकाशे सजीवे ब्रह्म निर्मिते । न रोगो न च दुःखानि संदधौ यन्निषेवणात्
cāmare candrasaṃkāśe sajīve brahma nirmite / na rogo na ca duḥkhāni saṃdadhau yanniṣevaṇāt
Sanskrit only: no published translation is held for this verse.
तस्यातपत्रं प्रददौ ब्रह्मणैव पुरा कृतम् । यस्य च्छायानिषण्णास्तु बाध्यन्ते नास्त्रकोटिभिः
tasyātapatraṃ pradadau brahmaṇaiva purā kṛtam / yasya cchāyāniṣaṇṇāstu bādhyante nāstrakoṭibhiḥ
Sanskrit only: no published translation is held for this verse.
धनुश्च विजयं नाम शङ्खं च रिपुघातिनम् । अन्यान्यपि महार्हाणि भूषणानि प्रदत्तवान्
dhanuśca vijayaṃ nāma śaṅkhaṃ ca ripughātinam / anyānyapi mahārhāṇi bhūṣaṇāni pradattavān
Sanskrit only: no published translation is held for this verse.
तस्य सिंहासनं प्रादादक्षय्यं सूर्यसन्निभम् । ततः सिंहासनासीनः सर्वाभरणभूषितः । बभूवातीव तेजस्वी रत्नमुत्तेजितं यथा
tasya siṃhāsanaṃ prādādakṣayyaṃ sūryasannibham / tataḥ siṃhāsanāsīnaḥ sarvābharaṇabhūṣitaḥ / babhūvātīva tejasvī ratnamuttejitaṃ yathā
Sanskrit only: no published translation is held for this verse.
बभूवुरथ दैतेयास्तयाष्टौ तु महाबलाः । इन्द्रशत्रुरमित्रघ्नो विद्युन्माली विभीषणः । उग्रकर्मोग्रधन्वा च विजयश्रुति पारगः
babhūvuratha daiteyāstayāṣṭau tu mahābalāḥ / indraśatruramitraghno vidyunmālī vibhīṣaṇaḥ / ugrakarmogradhanvā ca vijayaśruti pāragaḥ
Sanskrit only: no published translation is held for this verse.
सुमोहिनी कुमुदिनी चित्राङ्गी सुंदरी तथा । चतस्रो वनितास्तस्य बभूवुः प्रियदर्शनाः
sumohinī kumudinī citrāṅgī suṃdarī tathā / catasro vanitāstasya babhūvuḥ priyadarśanāḥ
Sanskrit only: no published translation is held for this verse.
तमसेवन्त कालज्ञा देवाः सर्वे सवासवाः । स्यन्दनास्तुरगा नागाः पादाताश्च सहस्रशः
tamasevanta kālajñā devāḥ sarve savāsavāḥ / syandanāsturagā nāgāḥ pādātāśca sahasraśaḥ
Sanskrit only: no published translation is held for this verse.
संबभूवुर्महाकाया महान्तो जितकाशिनः । बभूवुर्दानवाः सर्वे भृगुपुत्रमतानुगाः
saṃbabhūvurmahākāyā mahānto jitakāśinaḥ / babhūvurdānavāḥ sarve bhṛguputramatānugāḥ
Sanskrit only: no published translation is held for this verse.
अर्चयन्तो महादेवमास्थिताः शिवशासने । बभूवुर्दानवास्तत्र पुत्रपौत्रधनान्विताः । गृहेगृहे च यज्ञाश्च संबभूवुः समन्ततः
arcayanto mahādevamāsthitāḥ śivaśāsane / babhūvurdānavāstatra putrapautradhanānvitāḥ / gṛhegṛhe ca yajñāśca saṃbabhūvuḥ samantataḥ
Sanskrit only: no published translation is held for this verse.
ऋचो यजूंषि सामानि मीमांसान्यायकादयः । प्रवर्तन्ते स्म दैत्यानां भूयः प्रतिगृहं तदा
ṛco yajūṃṣi sāmāni mīmāṃsānyāyakādayaḥ / pravartante sma daityānāṃ bhūyaḥ pratigṛhaṃ tadā
Sanskrit only: no published translation is held for this verse.
यथाश्रमेषु मुख्येषु मुनीनां च द्विजन्मनाम् । तथा यज्ञेषु दैत्यानां बुभुजुर्हव्यभोजिनः
yathāśrameṣu mukhyeṣu munīnāṃ ca dvijanmanām / tathā yajñeṣu daityānāṃ bubhujurhavyabhojinaḥ
Sanskrit only: no published translation is held for this verse.
एवं कृतवतो ऽप्यस्य भण्डस्य जितकाशिनः । षष्टिवर्षसहस्राणि व्यतीतानि क्षणार्धवत्
evaṃ kṛtavato 'pyasya bhaṇḍasya jitakāśinaḥ / ṣaṣṭivarṣasahasrāṇi vyatītāni kṣaṇārdhavat
Sanskrit only: no published translation is held for this verse.
वर्धमानमथो दैत्यं तपसा च बलेन च । हीयमानबलं चेन्द्रं संप्रेक्ष्य कमलापतिः
vardhamānamatho daityaṃ tapasā ca balena ca / hīyamānabalaṃ cendraṃ saṃprekṣya kamalāpatiḥ
Sanskrit only: no published translation is held for this verse.
ससर्ज सहसा काञ्चिन्मायां लोकविमोहिनीम् । तामुवाच ततो मायां देवदेवो जनार्दनः
sasarja sahasā kāñcinmāyāṃ lokavimohinīm / tāmuvāca tato māyāṃ devadevo janārdanaḥ
Sanskrit only: no published translation is held for this verse.
त्वं हि सर्वाणि भूतानि मोहयन्ती निजौजसा । विचरस्व यथाकामं त्वां न ज्ञास्यति कश्चन
tvaṃ hi sarvāṇi bhūtāni mohayantī nijaujasā / vicarasva yathākāmaṃ tvāṃ na jñāsyati kaścana
Sanskrit only: no published translation is held for this verse.
त्वं तु शीघ्रमितो गत्वा भण्डं दैतेयनायकम् । मोहयित्वाचिरेणैव विषयानुपभोक्ष्यसे
tvaṃ tu śīghramito gatvā bhaṇḍaṃ daiteyanāyakam / mohayitvācireṇaiva viṣayānupabhokṣyase
Sanskrit only: no published translation is held for this verse.
एवं लब्ध्वा वरं माया तं प्रणम्य जनार्दनम् । ययाचे ऽप्सरसो मुख्याः सहायार्थं तु काश्चन
evaṃ labdhvā varaṃ māyā taṃ praṇamya janārdanam / yayāce 'psaraso mukhyāḥ sahāyārthaṃ tu kāścana
Sanskrit only: no published translation is held for this verse.
तया संप्रार्थितो भूयः प्रेषयामास काश्चन । ताभिर्विश्वाचिमुख्याभिः सहिता सा मृगेक्षणा । प्रययौ मानसस्याग्यं तटमुज्ज्वलभूरुहम्
tayā saṃprārthito bhūyaḥ preṣayāmāsa kāścana / tābhirviśvācimukhyābhiḥ sahitā sā mṛgekṣaṇā / prayayau mānasasyāgyaṃ taṭamujjvalabhūruham
Sanskrit only: no published translation is held for this verse.
यत्र क्रीडति दैत्येन्द्रो निजनारीभिरन्वितः । तत्र सा मृगशावाक्षी मूले चंपकशाखिनः । निवासमकरोद्रम्यं गायन्ती मधुरस्वरम्
yatra krīḍati daityendro nijanārībhiranvitaḥ / tatra sā mṛgaśāvākṣī mūle caṃpakaśākhinaḥ / nivāsamakarodramyaṃ gāyantī madhurasvaram
Sanskrit only: no published translation is held for this verse.
अथागतस्तु दैत्येन्द्रो बलिभिर्भन्त्रिभिर्वृतः । श्रुत्वा तु वीणानिनदं ददर्श च वराङ्गनाम्
athāgatastu daityendro balibhirbhantribhirvṛtaḥ / śrutvā tu vīṇāninadaṃ dadarśa ca varāṅganām
Sanskrit only: no published translation is held for this verse.
तां दृष्ट्वा चारुसर्वाङ्गीं विद्युल्लेखामिवापराम् । मायामये महागर्ते पतितो मदनाभिधे
tāṃ dṛṣṭvā cārusarvāṅgīṃ vidyullekhāmivāparām / māyāmaye mahāgarte patito madanābhidhe
Sanskrit only: no published translation is held for this verse.
अथास्य मन्त्रिणो ऽभूवन्त्दृदये स्मरतापि ताः
athāsya mantriṇo 'bhūvantdṛdaye smaratāpi tāḥ
Sanskrit only: no published translation is held for this verse.
तेन दैतेयनाथेन चिरं संप्रर्थिता सती । तैश्च संप्रर्थितास्ताश्च प्रतिशूश्रुवुरञ्जसा
tena daiteyanāthena ciraṃ saṃprarthitā satī / taiśca saṃprarthitāstāśca pratiśūśruvurañjasā
Sanskrit only: no published translation is held for this verse.
यास्त्वलभ्या महायज्ञैरश्वमेधादिकैरपि । ता लब्ध्वा मोहिनीमुख्या निर्वृतिं परमां ययुः
yāstvalabhyā mahāyajñairaśvamedhādikairapi / tā labdhvā mohinīmukhyā nirvṛtiṃ paramāṃ yayuḥ
Sanskrit only: no published translation is held for this verse.
विसस्मरुस्तदा वेदांस्तथा देवमुमापतिम् । विजहुस्ते तथा यज्ञक्रियाश्चान्याः शुभावहाः
visasmarustadā vedāṃstathā devamumāpatim / vijahuste tathā yajñakriyāścānyāḥ śubhāvahāḥ
Sanskrit only: no published translation is held for this verse.
अवमानहतश्चासीत्तेषामपि पुरोहितः । मुहूर्त्तमिव तेषां तु ययावब्दायुतं तदा
avamānahataścāsītteṣāmapi purohitaḥ / muhūrttamiva teṣāṃ tu yayāvabdāyutaṃ tadā
Sanskrit only: no published translation is held for this verse.
मोहितेष्वथ दैत्येषु सर्वे देवाः सवासवाः । विमुक्तोपद्रवा ब्रह्मन्नामोदं परमं ययुः
mohiteṣvatha daityeṣu sarve devāḥ savāsavāḥ / vimuktopadravā brahmannāmodaṃ paramaṃ yayuḥ
Sanskrit only: no published translation is held for this verse.
कदाचिदथ देवेन्द्रं वीक्ष्य सिंहासने स्थितम् । सर्वदेवैः परिवृतं नारदो मुनिराययौ
kadācidatha devendraṃ vīkṣya siṃhāsane sthitam / sarvadevaiḥ parivṛtaṃ nārado munirāyayau
Sanskrit only: no published translation is held for this verse.
प्रणम्य मुनिशार्दूलं ज्वलन्तमिव पावकम् । कृताञ्जलिपुटो भूत्वा देवेशो वाक्यमब्रवीत्
praṇamya muniśārdūlaṃ jvalantamiva pāvakam / kṛtāñjalipuṭo bhūtvā deveśo vākyamabravīt
Sanskrit only: no published translation is held for this verse.
भगवन्सर्वधर्मज्ञ परापरविदां वर । तत्रैव गमनं ते स्याद्यं धन्यं कर्तुमिच्छसि
bhagavansarvadharmajña parāparavidāṃ vara / tatraiva gamanaṃ te syādyaṃ dhanyaṃ kartumicchasi
Sanskrit only: no published translation is held for this verse.
भविष्यच्छोभनाकारं तवागमनकारणम् । त्वद्वाक्यामृतमाकर्ण्य श्रवणानन्दनिर्भरम् । अशेषदुःखान्युत्तीर्य कृतार्थः स्यां मुनीश्वर
bhaviṣyacchobhanākāraṃ tavāgamanakāraṇam / tvadvākyāmṛtamākarṇya śravaṇānandanirbharam / aśeṣaduḥkhānyuttīrya kṛtārthaḥ syāṃ munīśvara
Sanskrit only: no published translation is held for this verse.
नारद उवाच अथ संमोहितो भण्डो दैत्येन्द्रो विष्णुमायया । तया विमुक्तो लोकांस्त्रीन्दहेताग्निरिवापरः
nārada uvāca atha saṃmohito bhaṇḍo daityendro viṣṇumāyayā / tayā vimukto lokāṃstrīndahetāgnirivāparaḥ
Sanskrit only: no published translation is held for this verse.
अधिकस्तव तेजोभिरस्त्रैर्मायाबलेन च । तस्य तेजो ऽपहारस्तु कर्तव्यो ऽतिबलस्य तु
adhikastava tejobhirastrairmāyābalena ca / tasya tejo 'pahārastu kartavyo 'tibalasya tu
Sanskrit only: no published translation is held for this verse.
विनाराधनतो देव्याः पराशक्तेस्तु वासव । अशक्यो ऽन्येन तपसा कल्पकोटिशतैरपि
vinārādhanato devyāḥ parāśaktestu vāsava / aśakyo 'nyena tapasā kalpakoṭiśatairapi
Sanskrit only: no published translation is held for this verse.
पुरैवोदयतः शत्रोराराधयत बालिशाः । आराधिता भगवती सा वः श्रेयो विधास्यति
puraivodayataḥ śatrorārādhayata bāliśāḥ / ārādhitā bhagavatī sā vaḥ śreyo vidhāsyati
Sanskrit only: no published translation is held for this verse.
एवं संबोधितस्तेन शक्रो देवगणेश्वरः । तं मुनिं पूजयामास सर्वदेवैः समन्वितः । तपसे कृतसन्नाहो ययौ हैमवतं तटम्
evaṃ saṃbodhitastena śakro devagaṇeśvaraḥ / taṃ muniṃ pūjayāmāsa sarvadevaiḥ samanvitaḥ / tapase kṛtasannāho yayau haimavataṃ taṭam
Sanskrit only: no published translation is held for this verse.
तत्र भागीरथीतीरे सर्वर्तुकुसुमोज्ज्वले । पराशक्तेर्महापूजां चक्रे ऽखिलसुरैः समम् । इन्द्रप्रस्थमभून्नाम्रा तदाद्यखिलसिद्धिदम्
tatra bhāgīrathītīre sarvartukusumojjvale / parāśaktermahāpūjāṃ cakre 'khilasuraiḥ samam / indraprasthamabhūnnāmrā tadādyakhilasiddhidam
Sanskrit only: no published translation is held for this verse.
ब्रह्मात्मजोपदिष्टेन कुर्वतां विधिना पराम् । देव्यास्तु महतीं पूजां जपध्यानरतात्मनाम्
brahmātmajopadiṣṭena kurvatāṃ vidhinā parām / devyāstu mahatīṃ pūjāṃ japadhyānaratātmanām
Sanskrit only: no published translation is held for this verse.
उग्रे तपसि संस्थानामनन्या र्पितचेतसाम् । दशवर्षसहस्राणि दशाहानि च संययुः
ugre tapasi saṃsthānāmananyā rpitacetasām / daśavarṣasahasrāṇi daśāhāni ca saṃyayuḥ
Sanskrit only: no published translation is held for this verse.
मोहितानथ तान्दृष्ट्वा भृगुपुत्रो महामतिः । भण्डासुरं समभ्येत्य निजगाद पुरोहितः
mohitānatha tāndṛṣṭvā bhṛguputro mahāmatiḥ / bhaṇḍāsuraṃ samabhyetya nijagāda purohitaḥ
Sanskrit only: no published translation is held for this verse.
त्वामेवाश्रित्य राचैन्द्र सदा दानवसत्तमाः । निर्भयास्त्रिषु लोकेषु चरन्तीच्छविहारिणः
tvāmevāśritya rācaindra sadā dānavasattamāḥ / nirbhayāstriṣu lokeṣu carantīcchavihāriṇaḥ
Sanskrit only: no published translation is held for this verse.
जातिमात्रं हि भवतो हन्ति सर्वान्सदा हरिः । तेनैव निर्मिता माया यया संमोहितो भवान्
jātimātraṃ hi bhavato hanti sarvānsadā hariḥ / tenaiva nirmitā māyā yayā saṃmohito bhavān
Sanskrit only: no published translation is held for this verse.
भवन्तं मोहितं दृष्ट्वा रन्ध्रान्वेषण तत्परः । भवतां विजयार्थाय करोतीन्द्रो महत्तपः
bhavantaṃ mohitaṃ dṛṣṭvā randhrānveṣaṇa tatparaḥ / bhavatāṃ vijayārthāya karotīndro mahattapaḥ
Sanskrit only: no published translation is held for this verse.
यदि तुष्टा जगद्धात्री तस्यैव विजयो भवेत् । इमां मायामयीं त्यक्त्वा मन्त्रिभिः सहितो भवान् । गत्वा हैमवतं शैलं परेषां विघ्नमाचर
yadi tuṣṭā jagaddhātrī tasyaiva vijayo bhavet / imāṃ māyāmayīṃ tyaktvā mantribhiḥ sahito bhavān / gatvā haimavataṃ śailaṃ pareṣāṃ vighnamācara
Sanskrit only: no published translation is held for this verse.
एवमुक्तस्तु गुरुणा हित्वा पर्यङ्कमुत्तमम् । मन्त्रिवृद्धानु पाहूय यथावृत्तान्तमाह सः
evamuktastu guruṇā hitvā paryaṅkamuttamam / mantrivṛddhānu pāhūya yathāvṛttāntamāha saḥ
Sanskrit only: no published translation is held for this verse.
तच्छ्रुत्वा नृपतिं प्राह श्रुतवर्मा विमृश्य च । षष्टिवर्षसहस्राणां राज्यं तव शिवार्पितम्
tacchrutvā nṛpatiṃ prāha śrutavarmā vimṛśya ca / ṣaṣṭivarṣasahasrāṇāṃ rājyaṃ tava śivārpitam
Sanskrit only: no published translation is held for this verse.
तस्मादप्यधिकं वीर गतमासीदनेकशः । अशक्यप्रतिकार्यो ऽयं यः कालशिवचोदितः
tasmādapyadhikaṃ vīra gatamāsīdanekaśaḥ / aśakyapratikāryo 'yaṃ yaḥ kālaśivacoditaḥ
Sanskrit only: no published translation is held for this verse.
अशक्यप्रतिकार्यो ऽयं तदभ्यर्चनतो विना । काले तु भोगः कर्त्तव्यो दुःखस्य च सुखस्य वा
aśakyapratikāryo 'yaṃ tadabhyarcanato vinā / kāle tu bhogaḥ karttavyo duḥkhasya ca sukhasya vā
Sanskrit only: no published translation is held for this verse.
अथाह भीमकर्माख्यो नोपेक्ष्यो ऽरिर्यथाबलम् । क्रियाविघ्ने कृते ऽस्माभिर्विजयस्ते भविष्यति
athāha bhīmakarmākhyo nopekṣyo 'riryathābalam / kriyāvighne kṛte 'smābhirvijayaste bhaviṣyati
Sanskrit only: no published translation is held for this verse.
तव युद्धे महाराज परार्थं बलहारिणी । दत्ता विद्या शिवेनैव तस्मात्ते विजयः सदा
tava yuddhe mahārāja parārthaṃ balahāriṇī / dattā vidyā śivenaiva tasmātte vijayaḥ sadā
Sanskrit only: no published translation is held for this verse.
अनुमेने च तद्वाक्यं भण्डो दानवनायकः । निर्गत्य सहसेनाभिर्ययौ हैमवतं तटम्
anumene ca tadvākyaṃ bhaṇḍo dānavanāyakaḥ / nirgatya sahasenābhiryayau haimavataṃ taṭam
Sanskrit only: no published translation is held for this verse.
तपोविघ्नकरान्दृष्ट्वा दानवाञ्जगदंबिका । अलङ्घ्यमकरोदग्रे महाप्राकारमुज्ज्वलम्
tapovighnakarāndṛṣṭvā dānavāñjagadaṃbikā / alaṅghyamakarodagre mahāprākāramujjvalam
Sanskrit only: no published translation is held for this verse.
तं दृष्ट्वा दानवेन्द्रो ऽपि किमेतदिति विस्मितः । संक्रुद्धो दानवास्त्रेण बभञ्जातिबलेन तु
taṃ dṛṣṭvā dānavendro 'pi kimetaditi vismitaḥ / saṃkruddho dānavāstreṇa babhañjātibalena tu
Sanskrit only: no published translation is held for this verse.
पुनरेव तदग्रे ऽभूदलङ्घ्यः सर्वदानवैः । वायव्यास्त्रेण तं धीरो बभञ्ज च ननाद च
punareva tadagre 'bhūdalaṅghyaḥ sarvadānavaiḥ / vāyavyāstreṇa taṃ dhīro babhañja ca nanāda ca
Sanskrit only: no published translation is held for this verse.
पौनः पुन्येन तद्भस्म प्राभूत्पुनरुपस्थितम् । एतद्दृष्ट्वा तु दैत्येन्द्रो विषण्मः स्वपुरं ययौ
paunaḥ punyena tadbhasma prābhūtpunarupasthitam / etaddṛṣṭvā tu daityendro viṣaṇmaḥ svapuraṃ yayau
Sanskrit only: no published translation is held for this verse.
तां च दृष्ट्वा जगद्धात्रीं दृष्ट्वा प्राकारमुज्ज्वलम् । भयाद्विव्यथिरे देवा विमुक्तसकलक्रियाः
tāṃ ca dṛṣṭvā jagaddhātrīṃ dṛṣṭvā prākāramujjvalam / bhayādvivyathire devā vimuktasakalakriyāḥ
Sanskrit only: no published translation is held for this verse.
तानुवाच ततः शक्रो दैत्येन्द्रो ऽयमिहागतः । अशक्यः समरे योद्धुमस्माभिरखिलैरपि
tānuvāca tataḥ śakro daityendro 'yamihāgataḥ / aśakyaḥ samare yoddhumasmābhirakhilairapi
Sanskrit only: no published translation is held for this verse.
पलायितानामपि नो गतिरन्या न कुत्रचित् । कुण्डं योजनविस्तारं सम्यक्कृत्वा तु शोभनम्
palāyitānāmapi no gatiranyā na kutracit / kuṇḍaṃ yojanavistāraṃ samyakkṛtvā tu śobhanam
Sanskrit only: no published translation is held for this verse.
महायागविधानेन प्रणिधाय हुताशनम् । यजामः परमां शाक्तिं महामासैर्वयं सुराः
mahāyāgavidhānena praṇidhāya hutāśanam / yajāmaḥ paramāṃ śāktiṃ mahāmāsairvayaṃ surāḥ
Sanskrit only: no published translation is held for this verse.
ब्रह्मभूता भविष्यामो भोक्ष्यामो वा त्रिविष्टपम् । एवमुक्तास्तु ते सर्वेदेवाः सेन्द्रपुरोगमाः
brahmabhūtā bhaviṣyāmo bhokṣyāmo vā triviṣṭapam / evamuktāstu te sarvedevāḥ sendrapurogamāḥ
Sanskrit only: no published translation is held for this verse.
विधिवज्जुहुवुर्मांसान्युत्कृत्योत्कृत्य मन्त्रतः । हुतेषु सर्वमांसेषु पादेषु च करेषु च
vidhivajjuhuvurmāṃsānyutkṛtyotkṛtya mantrataḥ / huteṣu sarvamāṃseṣu pādeṣu ca kareṣu ca
Sanskrit only: no published translation is held for this verse.
होतुमिच्छत्सु देवेषु कलेवरमशेषतः । प्रादुर्बभूव परमन्तेजः पुञ्जो ह्यनुत्तमः
hotumicchatsu deveṣu kalevaramaśeṣataḥ / prādurbabhūva paramantejaḥ puñjo hyanuttamaḥ
Sanskrit only: no published translation is held for this verse.
तन्मध्यतः समुदभूच्चक्राकारमनुत्तमम् । तन्मध्ये तु महादेवीमुदयार्कसमप्रभाम्
tanmadhyataḥ samudabhūccakrākāramanuttamam / tanmadhye tu mahādevīmudayārkasamaprabhām
Sanskrit only: no published translation is held for this verse.
जगदुज्जीवनकरीं ब्रह्मविष्णुशिवात्मिकाम् । सौन्दर्यसारसीमां तामानन्दरससागराम्
jagadujjīvanakarīṃ brahmaviṣṇuśivātmikām / saundaryasārasīmāṃ tāmānandarasasāgarām
Sanskrit only: no published translation is held for this verse.
जपाकुसुमसंकाशां दाडिमीकुसुमांबराम् । सर्वाभरणसंयुक्तां शृङ्गारैकरसालयाम्
japākusumasaṃkāśāṃ dāḍimīkusumāṃbarām / sarvābharaṇasaṃyuktāṃ śṛṅgāraikarasālayām
Sanskrit only: no published translation is held for this verse.
कृपातरङ्गितापाङ्गनयनालोककौमुदीम् । पाशाङ्कुशेक्षुकोदण्डपञ्चबाणलसत्कराम्
kṛpātaraṅgitāpāṅganayanālokakaumudīm / pāśāṅkuśekṣukodaṇḍapañcabāṇalasatkarām
Sanskrit only: no published translation is held for this verse.
तां विलोक्य महादेवीं देवाः सर्वे सवासवाः । प्रणेमुर्मुदितात्मानो भूयोभूयो ऽखिलात्मिकम्
tāṃ vilokya mahādevīṃ devāḥ sarve savāsavāḥ / praṇemurmuditātmāno bhūyobhūyo 'khilātmikam
Sanskrit only: no published translation is held for this verse.
तया विलोकिताः सद्यस्ते सर्वे विगतज्वराः । संपूर्णाङ्गा दृढतरा वज्रदेहा महाबलाः । तुष्टुवुश्च महादेवीमंबिकामखिलार्थदाम्
tayā vilokitāḥ sadyaste sarve vigatajvarāḥ / saṃpūrṇāṅgā dṛḍhatarā vajradehā mahābalāḥ / tuṣṭuvuśca mahādevīmaṃbikāmakhilārthadām
Sanskrit only: no published translation is held for this verse.