Brahmāṇḍa Purāṇa 3.13

इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने ललिताप्रादुर्भावो नाम द्वादशो ऽध्यायः देवा ऊचुः जय देवि जगन्मातर्जय देवि परात्परे । जय कल्याणनिलये जय कामकलात्मिके

iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne lalitāprādurbhāvo nāma dvādaśo 'dhyāyaḥ devā ūcuḥ jaya devi jaganmātarjaya devi parātpare / jaya kalyāṇanilaye jaya kāmakalātmike

Sanskrit only: no published translation is held for this verse.

जयकारि च वामाक्षि जय कामाक्षि सुन्दरि । जयाखिलसुराराध्ये जय कामेशि मानदे

jayakāri ca vāmākṣi jaya kāmākṣi sundari / jayākhilasurārādhye jaya kāmeśi mānade

Sanskrit only: no published translation is held for this verse.

जय ब्रह्ममये देवि ब्रह्मात्मकरसात्मिके । जय नारायणि परे नन्दिताशेषविष्टपे

jaya brahmamaye devi brahmātmakarasātmike / jaya nārāyaṇi pare nanditāśeṣaviṣṭape

Sanskrit only: no published translation is held for this verse.

जय श्रीकण्ठदयिते जय श्रीललितेंबिके । जय श्रीविजये देवि विजय श्रीसमृद्धिदे

jaya śrīkaṇṭhadayite jaya śrīlaliteṃbike / jaya śrīvijaye devi vijaya śrīsamṛddhide

Sanskrit only: no published translation is held for this verse.

जातस्य जायमानस्य इष्टापूर्तस्य हेतवे । नमस्तस्यै त्रिजगतां पालयित्र्यै परात्परे

jātasya jāyamānasya iṣṭāpūrtasya hetave / namastasyai trijagatāṃ pālayitryai parātpare

Sanskrit only: no published translation is held for this verse.

कलामुहूर्तकाष्ठाहर् मासर्तुशरदात्मने । नमः सहस्रशीर्षायै सहस्रमुखलोचने

kalāmuhūrtakāṣṭhāhar māsartuśaradātmane / namaḥ sahasraśīrṣāyai sahasramukhalocane

Sanskrit only: no published translation is held for this verse.

नमः सहस्रहस्ताब्जपादपङ्कजशोभिते । अणोरणुतरे देवि महतो ऽपि महीयसि

namaḥ sahasrahastābjapādapaṅkajaśobhite / aṇoraṇutare devi mahato 'pi mahīyasi

Sanskrit only: no published translation is held for this verse.

परात्परतरे मातस्तेजस्तेजीयसामपि । अतलं तु भवेत्पादौ वितलं जानुनी तव

parātparatare mātastejastejīyasāmapi / atalaṃ tu bhavetpādau vitalaṃ jānunī tava

Sanskrit only: no published translation is held for this verse.

रसातलं कटीदेशः कुक्षिस्ते धरणी भवेत् । हृदयं तु भुवर्लोकः स्वस्ते मुखमुदाहृतम्

rasātalaṃ kaṭīdeśaḥ kukṣiste dharaṇī bhavet / hṛdayaṃ tu bhuvarlokaḥ svaste mukhamudāhṛtam

Sanskrit only: no published translation is held for this verse.

दृशश्चन्द्रार्कदहना दिशस्ते बाहव्ॐबिके । मरुतस्तु तवोच्छ्वासा वाचस्ते श्रुतयो ऽखिलाः

dṛśaścandrārkadahanā diśaste bāhavoṃbike / marutastu tavocchvāsā vācaste śrutayo 'khilāḥ

Sanskrit only: no published translation is held for this verse.

क्रीडा ते लोकरचना सखा ते चिन्मयः शिवः । आहारस्ते सदानन्दो वासस्ते हृदये सताम्

krīḍā te lokaracanā sakhā te cinmayaḥ śivaḥ / āhāraste sadānando vāsaste hṛdaye satām

Sanskrit only: no published translation is held for this verse.

दृश्यादृश्य स्वरूपाणि रूपाणि भुवनानि ते । शिरोरुहा घनास्ते तु तारकाः कुसुमानि ते

dṛśyādṛśya svarūpāṇi rūpāṇi bhuvanāni te / śiroruhā ghanāste tu tārakāḥ kusumāni te

Sanskrit only: no published translation is held for this verse.

धर्माद्या बाहवस्ते स्युरधर्माद्यायुधानि ते । यमाश्च नियमाश्चैव करपादरुहास्तथा

dharmādyā bāhavaste syuradharmādyāyudhāni te / yamāśca niyamāścaiva karapādaruhāstathā

Sanskrit only: no published translation is held for this verse.

स्तनौ स्वाहास्वधाकरौ लोकोज्जीवनकारकौ । प्राणायामस्तु ते नासा रसना ते सरस्वती

stanau svāhāsvadhākarau lokojjīvanakārakau / prāṇāyāmastu te nāsā rasanā te sarasvatī

Sanskrit only: no published translation is held for this verse.

प्रत्याहारस्त्विद्रिंयाणि ध्यानं ते धीस्तु सत्तमा । मनस्ते धारणाशक्तिर्हृदयं ते समाधिकः

pratyāhārastvidriṃyāṇi dhyānaṃ te dhīstu sattamā / manaste dhāraṇāśaktirhṛdayaṃ te samādhikaḥ

Sanskrit only: no published translation is held for this verse.

महीरुहास्तेङ्गरुहाः प्रभातं वसनं तव । भूतं भव्यं भविष्यच्च नित्यं च तव विग्रहः

mahīruhāsteṅgaruhāḥ prabhātaṃ vasanaṃ tava / bhūtaṃ bhavyaṃ bhaviṣyacca nityaṃ ca tava vigrahaḥ

Sanskrit only: no published translation is held for this verse.

यज्ञरूपा जगद्धात्री विश्वरूपा च पावनी । आदौ या तु दयाभूता ससर्ज निखिलाः प्रजाः

yajñarūpā jagaddhātrī viśvarūpā ca pāvanī / ādau yā tu dayābhūtā sasarja nikhilāḥ prajāḥ

Sanskrit only: no published translation is held for this verse.

हृदयस्थापि लोकानामदृश्या मोहनात्मिका

hṛdayasthāpi lokānāmadṛśyā mohanātmikā

Sanskrit only: no published translation is held for this verse.

नामरूपविभागं च या करोति स्वलीलया । तान्यधिष्ठाय तिष्ठन्ती तेष्वसक्तार्थकामदा । नमस्तस्यै महादेव्यै सर्वशक्त्यै नमोनमः

nāmarūpavibhāgaṃ ca yā karoti svalīlayā / tānyadhiṣṭhāya tiṣṭhantī teṣvasaktārthakāmadā / namastasyai mahādevyai sarvaśaktyai namonamaḥ

Sanskrit only: no published translation is held for this verse.

यदाज्ञया प्रवर्तन्ते वह्निसूर्यैदुमारुताः । पृथिव्यादीनि भूतानि तस्यै देव्यै नमोनमः

yadājñayā pravartante vahnisūryaidumārutāḥ / pṛthivyādīni bhūtāni tasyai devyai namonamaḥ

Sanskrit only: no published translation is held for this verse.

या ससर्जादिधातारं सर्गादावादिभूरिदम् । दधार स्वयमेवैका तस्यै देव्यै नमोनमः

yā sasarjādidhātāraṃ sargādāvādibhūridam / dadhāra svayamevaikā tasyai devyai namonamaḥ

Sanskrit only: no published translation is held for this verse.

यथा धृता तु धरिणी ययाकाशममेयया । यस्यामुदेति सविता तस्यै देव्यै नमोनमः

yathā dhṛtā tu dhariṇī yayākāśamameyayā / yasyāmudeti savitā tasyai devyai namonamaḥ

Sanskrit only: no published translation is held for this verse.

यत्रोदेति जगत्कृत्स्नं यत्र तिष्ठति निर्भरम् । यत्रान्तमेति काले तु तस्यै देव्यै नमोनमः

yatrodeti jagatkṛtsnaṃ yatra tiṣṭhati nirbharam / yatrāntameti kāle tu tasyai devyai namonamaḥ

Sanskrit only: no published translation is held for this verse.

नमोनमस्ते रजसे भवायै नमोनमः सात्त्विकसंस्थितायै । नमोनमस्ते तमसे हरायै नमोनमो निर्गुणतः शिवायै

namonamaste rajase bhavāyai namonamaḥ sāttvikasaṃsthitāyai / namonamaste tamase harāyai namonamo nirguṇataḥ śivāyai

Sanskrit only: no published translation is held for this verse.

नमोनमस्ते जगदेकमात्रे नमोनमस्ते जगदेकपित्रे । नमोनमस्ते ऽखिलरूपतन्त्रे नमोनमस्ते ऽखिलयन्त्ररूपे

namonamaste jagadekamātre namonamaste jagadekapitre / namonamaste 'khilarūpatantre namonamaste 'khilayantrarūpe

Sanskrit only: no published translation is held for this verse.

नमोनमो लोकगुरुप्रधाने नमोनमस्ते ऽखिलवाग्विभूत्यै । नमो ऽस्तु लक्ष्म्यै जगदेकतुष्ट्यै नमोनमः शांभवि सर्वशक्त्यै

namonamo lokagurupradhāne namonamaste 'khilavāgvibhūtyai / namo 'stu lakṣmyai jagadekatuṣṭyai namonamaḥ śāṃbhavi sarvaśaktyai

Sanskrit only: no published translation is held for this verse.

अनादिमध्यान्तमपाञ्चभौतिकं ह्यवाङ्मनोगम्यमतर्क्यवैभवम् । अरूपमद्वन्द्वमदृष्टगोचरं प्रभावमग्र्यं कथमंब वर्णये

anādimadhyāntamapāñcabhautikaṃ hyavāṅmanogamyamatarkyavaibhavam / arūpamadvandvamadṛṣṭagocaraṃ prabhāvamagryaṃ kathamaṃba varṇaye

Sanskrit only: no published translation is held for this verse.

प्रसीद विश्वेश्वरि विश्ववन्दिते प्रसीद विद्येश्वरि वेदरूपिणि । प्रसीद मायामयि मन्त्राविग्रहे प्रसीद सर्वेश्वरि सर्वरूपिणि

prasīda viśveśvari viśvavandite prasīda vidyeśvari vedarūpiṇi / prasīda māyāmayi mantrāvigrahe prasīda sarveśvari sarvarūpiṇi

Sanskrit only: no published translation is held for this verse.

इति स्तत्वा महादेवीं देवाः सर्वे सवासवाः । भूयोभूयो नमस्कृत्य शरणं जगमुरञ्जसा

iti statvā mahādevīṃ devāḥ sarve savāsavāḥ / bhūyobhūyo namaskṛtya śaraṇaṃ jagamurañjasā

Sanskrit only: no published translation is held for this verse.

ततः प्रसन्ना सा देवी प्रणतं वीक्ष्य वासवम् । वरेण च्छन्दयामास वरदाखिलदेहिनाम्

tataḥ prasannā sā devī praṇataṃ vīkṣya vāsavam / vareṇa cchandayāmāsa varadākhiladehinām

Sanskrit only: no published translation is held for this verse.

इन्द्र उवाच यदि तुष्टासि कर्याणि वरं दैत्येन्द्र पीडितः । दुर्धरं जीवितं देहि त्वां गताः शरणार्थिनः

indra uvāca yadi tuṣṭāsi karyāṇi varaṃ daityendra pīḍitaḥ / durdharaṃ jīvitaṃ dehi tvāṃ gatāḥ śaraṇārthinaḥ

Sanskrit only: no published translation is held for this verse.

श्रीदेव्युवाच अहमेव विनिर्जित्य भण्डं दैत्यकुलोद्भवम् । अचिरात्तव दास्यामि त्रैलोक्यं सचराचरम्

śrīdevyuvāca ahameva vinirjitya bhaṇḍaṃ daityakulodbhavam / acirāttava dāsyāmi trailokyaṃ sacarācaram

Sanskrit only: no published translation is held for this verse.

निर्भया मुदिताः सन्तु सर्वे देवगणास्तथा । ये स्तोष्यन्ति च मां भक्त्या स्तवेनानेन मानवाः

nirbhayā muditāḥ santu sarve devagaṇāstathā / ye stoṣyanti ca māṃ bhaktyā stavenānena mānavāḥ

Sanskrit only: no published translation is held for this verse.

भाजनं ते भविष्यन्ति धर्मश्रीयशसां सदा । विद्याविनयसंपन्ना नीरोगा दीर्घजीविनः

bhājanaṃ te bhaviṣyanti dharmaśrīyaśasāṃ sadā / vidyāvinayasaṃpannā nīrogā dīrghajīvinaḥ

Sanskrit only: no published translation is held for this verse.

पुत्रमित्रकल त्राढ्या भवन्तु मदनुग्रहात् । इति लब्धवरा देवा देवेन्द्रो ऽपि महाबलः

putramitrakala trāḍhyā bhavantu madanugrahāt / iti labdhavarā devā devendro 'pi mahābalaḥ

Sanskrit only: no published translation is held for this verse.

आमोदं परमं जग्मुस्तां विलोक्य मुहुर्मुहुः

āmodaṃ paramaṃ jagmustāṃ vilokya muhurmuhuḥ

Sanskrit only: no published translation is held for this verse.