Brahmāṇḍa Purāṇa 3.14

इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने ललितास्तवराजो नाम त्रयोदशो ऽध्यायः हयग्रीव उवाच एतस्मिन्नेव काले तु ब्रह्मा लोकपितामहः । आजगामाथ देवेशीं द्रष्टुकामो महर्षिभिः

iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne lalitāstavarājo nāma trayodaśo 'dhyāyaḥ hayagrīva uvāca etasminneva kāle tu brahmā lokapitāmahaḥ / ājagāmātha deveśīṃ draṣṭukāmo maharṣibhiḥ

Sanskrit only: no published translation is held for this verse.

आजगाम ततो विष्णुरारूढो विनतासुतम् । शिवो ऽपि वृषमारूढः समायातो ऽखिलेश्वरीम्

ājagāma tato viṣṇurārūḍho vinatāsutam / śivo 'pi vṛṣamārūḍhaḥ samāyāto 'khileśvarīm

Sanskrit only: no published translation is held for this verse.

देवर्षयो नारदाद्याः समाजग्मुर्महेश्वरीम् । आययुस्तां महादेवीं सर्वे चाप्सरसां गणाः

devarṣayo nāradādyāḥ samājagmurmaheśvarīm / āyayustāṃ mahādevīṃ sarve cāpsarasāṃ gaṇāḥ

Sanskrit only: no published translation is held for this verse.

विश्वावसुप्रभृतयो गन्धर्वाश्चैव यक्षकाः । ब्रह्मणाथ समादिष्टो विश्वकर्मा विशांपतिः

viśvāvasuprabhṛtayo gandharvāścaiva yakṣakāḥ / brahmaṇātha samādiṣṭo viśvakarmā viśāṃpatiḥ

Sanskrit only: no published translation is held for this verse.

चकार नगरं दिव्यं यथामरपुरं तथा । ततो भगवती दुर्गा सर्वमन्त्राधिदेवता

cakāra nagaraṃ divyaṃ yathāmarapuraṃ tathā / tato bhagavatī durgā sarvamantrādhidevatā

Sanskrit only: no published translation is held for this verse.

विद्याधिदेवता श्यामा समाजग्मतुरंबिकाम् । ब्राहयाद्या मातरश्चैव स्वस्वभूतगणावृताः

vidyādhidevatā śyāmā samājagmaturaṃbikām / brāhayādyā mātaraścaiva svasvabhūtagaṇāvṛtāḥ

Sanskrit only: no published translation is held for this verse.

सिद्धयो ह्यणिमाद्याश्च योगिन्यश्चैव कोटिशः । भैरवाः क्षेत्रपालाश्च महाशास्ता गणाग्रणीः

siddhayo hyaṇimādyāśca yoginyaścaiva koṭiśaḥ / bhairavāḥ kṣetrapālāśca mahāśāstā gaṇāgraṇīḥ

Sanskrit only: no published translation is held for this verse.

महागणेश्वरः स्कन्दो बटुको वीरभद्रकः । आगत्य ते महादेवीं तुष्टुवुः प्रणतास्तदा

mahāgaṇeśvaraḥ skando baṭuko vīrabhadrakaḥ / āgatya te mahādevīṃ tuṣṭuvuḥ praṇatāstadā

Sanskrit only: no published translation is held for this verse.

तत्राथ नगरीं रम्यां साट्टप्राकारतोरणाम् । गजाश्वरथशालाढ्यां राजवीथिविराजिताम्

tatrātha nagarīṃ ramyāṃ sāṭṭaprākāratoraṇām / gajāśvarathaśālāḍhyāṃ rājavīthivirājitām

Sanskrit only: no published translation is held for this verse.

सामन्तानाममात्यानां सैनिकानां द्विजन्म नाम् । वेतालदासदासीनां गृहाणि रुचिराणि च

sāmantānāmamātyānāṃ sainikānāṃ dvijanma nām / vetāladāsadāsīnāṃ gṛhāṇi rucirāṇi ca

Sanskrit only: no published translation is held for this verse.

मध्यं राजगृहं दिव्यं द्वारगोपुरभूषितम् । शालाभिर्बहुभिर्युक्तं सभा भिरुषशोभितम्

madhyaṃ rājagṛhaṃ divyaṃ dvāragopurabhūṣitam / śālābhirbahubhiryuktaṃ sabhā bhiruṣaśobhitam

Sanskrit only: no published translation is held for this verse.

सिंहासनसभां चैव नवरत्नमयीं शुभाम् । मध्ये सिंहासनं दिव्यं चिन्तामणिवीनिर्मितम्

siṃhāsanasabhāṃ caiva navaratnamayīṃ śubhām / madhye siṃhāsanaṃ divyaṃ cintāmaṇivīnirmitam

Sanskrit only: no published translation is held for this verse.

स्वयं प्रकाशमद्वन्द्वमुदयादित्यसंनिभम् । विलोक्य चिन्तयामास ब्रह्मा लोकपितामहः

svayaṃ prakāśamadvandvamudayādityasaṃnibham / vilokya cintayāmāsa brahmā lokapitāmahaḥ

Sanskrit only: no published translation is held for this verse.

यस्त्वेतत्समधिष्ठाय वर्तते बालिशो ऽपिवा । पुरस्यास्य प्रभावेण सर्वलोकाधिको भवेत्

yastvetatsamadhiṣṭhāya vartate bāliśo 'pivā / purasyāsya prabhāveṇa sarvalokādhiko bhavet

Sanskrit only: no published translation is held for this verse.

न केवला स्त्री राज्यार्हा पुरुषो ऽपि तया विना । मङ्गलाचार्यसंयुक्तं महापुरुषलक्षणम् । अनुकूलाङ्गनायुक्तमभिषिञ्चेदिति श्रुतिः

na kevalā strī rājyārhā puruṣo 'pi tayā vinā / maṅgalācāryasaṃyuktaṃ mahāpuruṣalakṣaṇam / anukūlāṅganāyuktamabhiṣiñcediti śrutiḥ

Sanskrit only: no published translation is held for this verse.

विभातीयं वरारोहा भूर्ता शृङ्गारदेवता । वरो ऽस्यास्त्रिषु लोकेषु न चान्यः शङ्करादृते

vibhātīyaṃ varārohā bhūrtā śṛṅgāradevatā / varo 'syāstriṣu lokeṣu na cānyaḥ śaṅkarādṛte

Sanskrit only: no published translation is held for this verse.

जडिलो मुण्डधारी च विरूपाक्षः कपालभृत् । कल्माषी भस्मदिग्धाङ्गः श्मशानास्थिविभूषणः

jaḍilo muṇḍadhārī ca virūpākṣaḥ kapālabhṛt / kalmāṣī bhasmadigdhāṅgaḥ śmaśānāsthivibhūṣaṇaḥ

Sanskrit only: no published translation is held for this verse.

अमङ्गलास्पदं चैनं वरयेत्सा सुमङ्गला । इति चिन्तयमानस्य ब्रह्मणो ऽग्रे महेश्वरः

amaṅgalāspadaṃ cainaṃ varayetsā sumaṅgalā / iti cintayamānasya brahmaṇo 'gre maheśvaraḥ

Sanskrit only: no published translation is held for this verse.

कोटिकन्दर्पलावण्ययुक्तो दिव्य शरीरवान् । दिव्यांबरधरः स्रग्वी दिव्यगन्धानुलेपनः

koṭikandarpalāvaṇyayukto divya śarīravān / divyāṃbaradharaḥ sragvī divyagandhānulepanaḥ

Sanskrit only: no published translation is held for this verse.

किरीटहारकेयूरकुण्डलाद्यैरलङ्कृतः । प्रादुर्बभूव पुरतो जगन्मोहन रुपधृक्

kirīṭahārakeyūrakuṇḍalādyairalaṅkṛtaḥ / prādurbabhūva purato jaganmohana rupadhṛk

Sanskrit only: no published translation is held for this verse.

तं कुमारमथालिङ्ग्य ब्रह्मा लोकपितामहः । चक्रे कामेश्वरं नाम्ना कमनीयवपुर्धरम्

taṃ kumāramathāliṅgya brahmā lokapitāmahaḥ / cakre kāmeśvaraṃ nāmnā kamanīyavapurdharam

Sanskrit only: no published translation is held for this verse.

तस्यास्तु परमाशक्तेरनुरूपो वरस्त्वयम् । इति निश्चित्य तेनैव सहितास्तामथाययुः

tasyāstu paramāśakteranurūpo varastvayam / iti niścitya tenaiva sahitāstāmathāyayuḥ

Sanskrit only: no published translation is held for this verse.

अस्तुवंस्ते परां शक्तिं ब्रह्मविष्णुमहेश्वराः । तां दृष्ट्वा मृगशावाक्षीं कुमारो नीललोहितः । अभवन्मन्मथाविष्टो विस्मृत्य सकलाः क्रियाः

astuvaṃste parāṃ śaktiṃ brahmaviṣṇumaheśvarāḥ / tāṃ dṛṣṭvā mṛgaśāvākṣīṃ kumāro nīlalohitaḥ / abhavanmanmathāviṣṭo vismṛtya sakalāḥ kriyāḥ

Sanskrit only: no published translation is held for this verse.

सापि तं वीक्ष्य तन्वङ्गो मूर्तिंमन्तमिव स्मरम् । मदनाविष्टसर्वाङ्गी स्वात्मरूपममन्यत । अन्योन्यालोकनासक्तौ तावृभौ मदनातुरौ

sāpi taṃ vīkṣya tanvaṅgo mūrtiṃmantamiva smaram / madanāviṣṭasarvāṅgī svātmarūpamamanyata / anyonyālokanāsaktau tāvṛbhau madanāturau

Sanskrit only: no published translation is held for this verse.

सर्वभावविशेषज्ञौ धृतिमन्तौ मनस्विनौ । परैरज्ञातचारित्रौ मुहूर्तास्वस्थचेतनौ

sarvabhāvaviśeṣajñau dhṛtimantau manasvinau / parairajñātacāritrau muhūrtāsvasthacetanau

Sanskrit only: no published translation is held for this verse.

अथोवाच महादेवीं ब्रह्मा लोकैकनायिकाम् । इमे देवाश्च ऋषयो गन्धर्वाप्सरसां गणाः । त्वामीशां द्रष्टुमिच्छन्ति सप्रियां परमाहवे

athovāca mahādevīṃ brahmā lokaikanāyikām / ime devāśca ṛṣayo gandharvāpsarasāṃ gaṇāḥ / tvāmīśāṃ draṣṭumicchanti sapriyāṃ paramāhave

Sanskrit only: no published translation is held for this verse.

को वानुरूपस्ते देवि प्रियो धन्यतमः पुमान् । लोकसंरक्षणार्थाय भजस्व पुरुषं परम्

ko vānurūpaste devi priyo dhanyatamaḥ pumān / lokasaṃrakṣaṇārthāya bhajasva puruṣaṃ param

Sanskrit only: no published translation is held for this verse.

राज्ञी भव पुरस्यास्य स्थिता भव वरासने । अभिषिक्तां महाभागैर्देवार्षे भिरकल्मषैः

rājñī bhava purasyāsya sthitā bhava varāsane / abhiṣiktāṃ mahābhāgairdevārṣe bhirakalmaṣaiḥ

Sanskrit only: no published translation is held for this verse.

साम्राज्यचिह्नसंयुक्तां सर्वाभरणसंयुताम् । सप्रियामासनगतां द्रष्टुमिच्छामहे वयम्

sāmrājyacihnasaṃyuktāṃ sarvābharaṇasaṃyutām / sapriyāmāsanagatāṃ draṣṭumicchāmahe vayam

Sanskrit only: no published translation is held for this verse.