Brahmāṇḍa Purāṇa 3.16

इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने वैवाहिकोत्सवो नाम पञ्चदशो ऽध्यायः अथ सा जगतां माता ललिता परमेश्वरी । त्रैलोक्यकण्टकं भण्डं दैत्यं जेतुं विनिर्ययौ

iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne vaivāhikotsavo nāma pañcadaśo 'dhyāyaḥ atha sā jagatāṃ mātā lalitā parameśvarī / trailokyakaṇṭakaṃ bhaṇḍaṃ daityaṃ jetuṃ viniryayau

Sanskrit only: no published translation is held for this verse.

चकार मर्दलाकारानंभोराशींस्तु सप्त ते । प्रभूतमर्द्दलध्वानैः पूरयामासुरंबरम्

cakāra mardalākārānaṃbhorāśīṃstu sapta te / prabhūtamarddaladhvānaiḥ pūrayāmāsuraṃbaram

Sanskrit only: no published translation is held for this verse.

मृदङ्गमुरजाश्चैव पटहो ऽतुकुलीङ्गणाः । सेलुकाझल्लरीराङ्घाहुहुकाहुण्डुकाघटाः

mṛdaṅgamurajāścaiva paṭaho 'tukulīṅgaṇāḥ / selukājhallarīrāṅghāhuhukāhuṇḍukāghaṭāḥ

Sanskrit only: no published translation is held for this verse.

आनकाः पणवाश्चैव गोमुखाश्चार्धचन्द्रिकाः । यवमध्या मुष्टिमध्या मर्द्दलाडिण्डिमा अपि

ānakāḥ paṇavāścaiva gomukhāścārdhacandrikāḥ / yavamadhyā muṣṭimadhyā marddalāḍiṇḍimā api

Sanskrit only: no published translation is held for this verse.

झर्झराश्च बरीताश्च इङ्ग्यालिङ्ग्यप्रभेदजाः । उद्धकाश्चैतुहुण्डाश्च निःसाणा बर्बराः परे

jharjharāśca barītāśca iṅgyāliṅgyaprabhedajāḥ / uddhakāścaituhuṇḍāśca niḥsāṇā barbarāḥ pare

Sanskrit only: no published translation is held for this verse.

हुङ्कारा काकतुण्डाश्च वाद्यभेदास्तथापरे । दध्वनुः शक्तिसेनाभिराहताः समरोद्यमे

huṅkārā kākatuṇḍāśca vādyabhedāstathāpare / dadhvanuḥ śaktisenābhirāhatāḥ samarodyame

Sanskrit only: no published translation is held for this verse.

ललितापरमेशान्या अङ्कुशास्त्रान्समुद्गता । संपत्करी नाम देवी चचाल सह शक्तिभिः

lalitāparameśānyā aṅkuśāstrānsamudgatā / saṃpatkarī nāma devī cacāla saha śaktibhiḥ

Sanskrit only: no published translation is held for this verse.

अनेककोटिमातङ्गतुरङ्गरथपङ्क्तिभिः । सेविता तरुणादित्यपाटला संपदीश्वरी

anekakoṭimātaṅgaturaṅgarathapaṅktibhiḥ / sevitā taruṇādityapāṭalā saṃpadīśvarī

Sanskrit only: no published translation is held for this verse.

मत्तमुद्दण्डसंग्रामरसिकं शैलसन्निभम् । रणकोलाहलं नाम सारुरोह मतङ्गजम्

mattamuddaṇḍasaṃgrāmarasikaṃ śailasannibham / raṇakolāhalaṃ nāma sāruroha mataṅgajam

Sanskrit only: no published translation is held for this verse.

तामन्वगा ययौ सेना महती धोरराविणी । लोलाभिः केतुमालाभिरुल्लिखन्ती धनाधनात्

tāmanvagā yayau senā mahatī dhorarāviṇī / lolābhiḥ ketumālābhirullikhantī dhanādhanāt

Sanskrit only: no published translation is held for this verse.

तस्याश्च संपन्नाथायाः पीनस्तनसुसंकटः । कण्टको घनसंनाहो रुरुचे वक्षसिस्थितः

tasyāśca saṃpannāthāyāḥ pīnastanasusaṃkaṭaḥ / kaṇṭako ghanasaṃnāho ruruce vakṣasisthitaḥ

Sanskrit only: no published translation is held for this verse.

कंपमाना खड्गलता व्यरुचत्तत्करे धृता । कुटिला कालनाथस्य भृकुटीव भयङ्करा

kaṃpamānā khaḍgalatā vyarucattatkare dhṛtā / kuṭilā kālanāthasya bhṛkuṭīva bhayaṅkarā

Sanskrit only: no published translation is held for this verse.

उत्पातवातसंपाताच्चलिता इव पर्वताः । तामन्वगा ययुः कोटिसंख्याकाः कुञ्जरोत्तमाः

utpātavātasaṃpātāccalitā iva parvatāḥ / tāmanvagā yayuḥ koṭisaṃkhyākāḥ kuñjarottamāḥ

Sanskrit only: no published translation is held for this verse.

अथ श्रीललितादेव्या श्रीपाशायुधसंभवा । अतित्वरितविक्रान्तिरश्वारूढाचलत्पुरः

atha śrīlalitādevyā śrīpāśāyudhasaṃbhavā / atitvaritavikrāntiraśvārūḍhācalatpuraḥ

Sanskrit only: no published translation is held for this verse.

तया सह हयप्रायं सैन्यं हेषातरङ्गितम् । व्यचरत्खुरकुद्दालविदारितमहीतलम्

tayā saha hayaprāyaṃ sainyaṃ heṣātaraṅgitam / vyacaratkhurakuddālavidāritamahītalam

Sanskrit only: no published translation is held for this verse.

वनायुजाश्च कांबोजाः पारदाः सिंधुदेशजाः । टङ्कणाः पर्वतीयाश्च पारसीकास्तथा परे

vanāyujāśca kāṃbojāḥ pāradāḥ siṃdhudeśajāḥ / ṭaṅkaṇāḥ parvatīyāśca pārasīkāstathā pare

Sanskrit only: no published translation is held for this verse.

अजानेया घट्टधरा दरदाः काल वन्दिजाः । वाल्मीकयावनोद्भूता गान्धर्वाश्चाथ ये हयाः

ajāneyā ghaṭṭadharā daradāḥ kāla vandijāḥ / vālmīkayāvanodbhūtā gāndharvāścātha ye hayāḥ

Sanskrit only: no published translation is held for this verse.

प्राग्देशजाताः कैराता प्रान्तदेशोद्भवास्तथा । विनीताः साधुवोढारो वेगिनः स्थिरचेतसः

prāgdeśajātāḥ kairātā prāntadeśodbhavāstathā / vinītāḥ sādhuvoḍhāro veginaḥ sthiracetasaḥ

Sanskrit only: no published translation is held for this verse.

स्वामिचित्तविशेषज्ञा महायुद्धसहिष्णवः । लक्षणैर्बहुभिर्युक्ता जितक्रोधा जितश्रमाः

svāmicittaviśeṣajñā mahāyuddhasahiṣṇavaḥ / lakṣaṇairbahubhiryuktā jitakrodhā jitaśramāḥ

Sanskrit only: no published translation is held for this verse.

पञ्चधारासु शक्षढ्या विनीताश्च प्लवान्विताः

pañcadhārāsu śakṣaḍhyā vinītāśca plavānvitāḥ

Sanskrit only: no published translation is held for this verse.

फलशुक्तिश्रिया युक्ताः श्वेतशुक्तिसमन्विताः । देवपद्मं देवमणिं देवस्वस्तिकमेव च

phalaśuktiśriyā yuktāḥ śvetaśuktisamanvitāḥ / devapadmaṃ devamaṇiṃ devasvastikameva ca

Sanskrit only: no published translation is held for this verse.

अथ स्वस्तिकशुक्तिश्च गडुरं पुष्पगण्डिकाम् । एतानि शुभलक्ष्माणि ज्यराज्यप्रदानि च । वहन्तो वातजवना वाजिनस्तां समन्वयुः

atha svastikaśuktiśca gaḍuraṃ puṣpagaṇḍikām / etāni śubhalakṣmāṇi jyarājyapradāni ca / vahanto vātajavanā vājinastāṃ samanvayuḥ

Sanskrit only: no published translation is held for this verse.

अपराजितनामानमतितेजस्विनं चलम् । अत्यन्तोत्तुङ्गवर्ष्माणं कविकाविलसन्मुखम्

aparājitanāmānamatitejasvinaṃ calam / atyantottuṅgavarṣmāṇaṃ kavikāvilasanmukham

Sanskrit only: no published translation is held for this verse.

पार्श्वद्वये ऽपि पतितस्फुरत्केसरमण्डलम् । स्थूलवालधिविक्षेपक्षिप्यमाणपयोधरम्

pārśvadvaye 'pi patitasphuratkesaramaṇḍalam / sthūlavāladhivikṣepakṣipyamāṇapayodharam

Sanskrit only: no published translation is held for this verse.

जङ्घाकाण्डसमुन्नद्धमणिकिङ्किणिभासुरम् । वादयन्तमिवोच्चण्डैः खुरनिष्ठुरकुट्टनैः

jaṅghākāṇḍasamunnaddhamaṇikiṅkiṇibhāsuram / vādayantamivoccaṇḍaiḥ khuraniṣṭhurakuṭṭanaiḥ

Sanskrit only: no published translation is held for this verse.

भूमण्डलमहावाद्यं विजयस्य समृद्धये । घोषमाणं प्रति मुहुः संदर्शितगतिक्रमम्

bhūmaṇḍalamahāvādyaṃ vijayasya samṛddhaye / ghoṣamāṇaṃ prati muhuḥ saṃdarśitagatikramam

Sanskrit only: no published translation is held for this verse.

आलोलचामरव्याजाद्वहन्तं पक्षती इव । भाण्डैर्मनोहरैर्युक्तं घर्घरीजालमण्डितम्

ālolacāmaravyājādvahantaṃ pakṣatī iva / bhāṇḍairmanoharairyuktaṃ ghargharījālamaṇḍitam

Sanskrit only: no published translation is held for this verse.

एषां घोषस्य कपटाद्धुङ्कुर्वतीमि वासुरान् । अश्वारूढा महादेवी समारूढा हयं ययौ

eṣāṃ ghoṣasya kapaṭāddhuṅkurvatīmi vāsurān / aśvārūḍhā mahādevī samārūḍhā hayaṃ yayau

Sanskrit only: no published translation is held for this verse.

चतुर्भिर्वाहुभिः पाशमङ्कुशं वेत्रमेव च । हयवल्गां च दधती बहुविक्रमशोभिनी

caturbhirvāhubhiḥ pāśamaṅkuśaṃ vetrameva ca / hayavalgāṃ ca dadhatī bahuvikramaśobhinī

Sanskrit only: no published translation is held for this verse.

तरुणादित्यसङ्काशा ज्वलत्काञ्चीतरङ्गिणी । सञ्चचाल हयारूढा नर्तयन्तीव वाजिनम्

taruṇādityasaṅkāśā jvalatkāñcītaraṅgiṇī / sañcacāla hayārūḍhā nartayantīva vājinam

Sanskrit only: no published translation is held for this verse.

अथ श्रीदण्डनाथाया निर्याणपटहध्वनिः । उद्दण्डसिन्धुनिस्वानश्चकार बधिरं जगत्

atha śrīdaṇḍanāthāyā niryāṇapaṭahadhvaniḥ / uddaṇḍasindhunisvānaścakāra badhiraṃ jagat

Sanskrit only: no published translation is held for this verse.

वज्रबाणैः कठोरैश्चभिन्दन्त्यः ककुभो दश । अन्युद्धतभुजाश्मानः शक्तयः काश्चिदुच्छ्रिताः

vajrabāṇaiḥ kaṭhoraiścabhindantyaḥ kakubho daśa / anyuddhatabhujāśmānaḥ śaktayaḥ kāściducchritāḥ

Sanskrit only: no published translation is held for this verse.

काश्चिच्छ्रीदण्डनाथायाः सेनानासीरसङ्गताः । खड्गं फलकमादाय पुप्लुवुश्चण्डसक्तयः

kāścicchrīdaṇḍanāthāyāḥ senānāsīrasaṅgatāḥ / khaḍgaṃ phalakamādāya pupluvuścaṇḍasaktayaḥ

Sanskrit only: no published translation is held for this verse.

अत्यन्तसैन्यसम्बाधं वेत्रसंताडनैः शतैः । निवारयन्त्यो वेत्रिण्यो व्युच्छलन्ति स्मशक्तयः

atyantasainyasambādhaṃ vetrasaṃtāḍanaiḥ śataiḥ / nivārayantyo vetriṇyo vyucchalanti smaśaktayaḥ

Sanskrit only: no published translation is held for this verse.

अथ तुङ्गध्वजश्रेणीर्महिषाङ्का मृगाङ्किकाम् । सिहाङ्काश्चैव बिभ्राणाः शक्तयो व्यचलन्पुरा

atha tuṅgadhvajaśreṇīrmahiṣāṅkā mṛgāṅkikām / sihāṅkāścaiva bibhrāṇāḥ śaktayo vyacalanpurā

Sanskrit only: no published translation is held for this verse.

ततः श्रीदण्डनाथायाः श्वेतच्छत्रं सहस्रशः । स्फुरत्कराः प्रचलिताः शक्तयः काश्चिदाददुः

tataḥ śrīdaṇḍanāthāyāḥ śvetacchatraṃ sahasraśaḥ / sphuratkarāḥ pracalitāḥ śaktayaḥ kāścidādaduḥ

Sanskrit only: no published translation is held for this verse.