Brahmāṇḍa Purāṇa 3.17

इति श्रीब्रह्माण्डे महापुराणे उत्तरभागे हयग्रीवागस्त्यसंवादे ललितोपाख्याने ससेनविजययात्रा नाम षोडशो ऽध्यायः दण्डनाथाविनिर्याणे संख्यातीतैः सितप्रभैः । छत्रैर्गगनमारेजे निःसंख्याशशिमण्डितम्

iti śrībrahmāṇḍe mahāpurāṇe uttarabhāge hayagrīvāgastyasaṃvāde lalitopākhyāne sasenavijayayātrā nāma ṣoḍaśo 'dhyāyaḥ daṇḍanāthāviniryāṇe saṃkhyātītaiḥ sitaprabhaiḥ / chatrairgaganamāreje niḥsaṃkhyāśaśimaṇḍitam

Sanskrit only: no published translation is held for this verse.

अन्योन्यसक्तैर्थवलच्छत्रैरन्तर्घनीभवत् । तिमिरं नुनुदे भूयस्तत्काण्डमणिरोचिषा

anyonyasaktairthavalacchatrairantarghanībhavat / timiraṃ nunude bhūyastatkāṇḍamaṇirociṣā

Sanskrit only: no published translation is held for this verse.

वज्रप्रभाधगधगच्छायापूरितदिङ्मुखाः । तालवृन्ताः शतविधाः क्रोडमुख्या बले ऽचलन्

vajraprabhādhagadhagacchāyāpūritadiṅmukhāḥ / tālavṛntāḥ śatavidhāḥ kroḍamukhyā bale 'calan

Sanskrit only: no published translation is held for this verse.

चण्डो दण्डादयस्तीव्राभैरवाः शुलपाणयः । ज्वलत्केशापिशङ्गाभास्तडिद्भासुरदिङ्मुखाः

caṇḍo daṇḍādayastīvrābhairavāḥ śulapāṇayaḥ / jvalatkeśāpiśaṅgābhāstaḍidbhāsuradiṅmukhāḥ

Sanskrit only: no published translation is held for this verse.

दहत्य इव दैत्यौघांस्तीक्ष्णैर्मार्गणवह्निभिः । प्रचेलुर्दण्डनाथायास्सेना नासीरधाविताः

dahatya iva daityaughāṃstīkṣṇairmārgaṇavahnibhiḥ / pracelurdaṇḍanāthāyāssenā nāsīradhāvitāḥ

Sanskrit only: no published translation is held for this verse.

अथ पोत्रीमुखीदेवीसमानाकृतिभूषणाः । तत्समानायुधकरास्तत्समानस्ववाहनाः

atha potrīmukhīdevīsamānākṛtibhūṣaṇāḥ / tatsamānāyudhakarāstatsamānasvavāhanāḥ

Sanskrit only: no published translation is held for this verse.

तीक्ष्मदंष्ट३विनिष्ठ्यूतवह्रिधूमामितांबराः । तमालश्यामलाकाराः कपिलाः क्रूरलोचनाः

tīkṣmadaṃṣṭa3viniṣṭhyūtavahridhūmāmitāṃbarāḥ / tamālaśyāmalākārāḥ kapilāḥ krūralocanāḥ

Sanskrit only: no published translation is held for this verse.

सहस्रमहिषारूढाः प्रचेलुः सूकराननाः । अथ श्रीदण्डनाथा च करिचक्ररथोत्तमात्

sahasramahiṣārūḍhāḥ praceluḥ sūkarānanāḥ / atha śrīdaṇḍanāthā ca karicakrarathottamāt

Sanskrit only: no published translation is held for this verse.

अवरुह्य महासिंहमारुरोह स्ववाहनम् । वज्रघोष इति ख्यातं धूतकेसरमण्डलम्

avaruhya mahāsiṃhamāruroha svavāhanam / vajraghoṣa iti khyātaṃ dhūtakesaramaṇḍalam

Sanskrit only: no published translation is held for this verse.

व्यक्तास्यं विकटाकारं विशङ्कटविलोचनम् । दंष्ट्राकटकटत्कारबधिरीकृतदिक्तटम्

vyaktāsyaṃ vikaṭākāraṃ viśaṅkaṭavilocanam / daṃṣṭrākaṭakaṭatkārabadhirīkṛtadiktaṭam

Sanskrit only: no published translation is held for this verse.

आदिकूर्मकठोरास्थि खर्परप्रतिमैर्नखैः । विबन्तमिव भूचक्रमापातालं निमज्जिभिः

ādikūrmakaṭhorāsthi kharparapratimairnakhaiḥ / vibantamiva bhūcakramāpātālaṃ nimajjibhiḥ

Sanskrit only: no published translation is held for this verse.

योजनत्रयमुत्तुङ्गं वगादुद्धूतवालधिम् । सिंहवाहनमारुह्य व्यचलद्दण्डनायिका

yojanatrayamuttuṅgaṃ vagāduddhūtavāladhim / siṃhavāhanamāruhya vyacaladdaṇḍanāyikā

Sanskrit only: no published translation is held for this verse.

तस्यामसुरसंहारे प्रवृत्तायां ज्वलत्क्रुधि । उद्वेगं बहुलं प्राप त्रैलोक्यं सचराचरम्

tasyāmasurasaṃhāre pravṛttāyāṃ jvalatkrudhi / udvegaṃ bahulaṃ prāpa trailokyaṃ sacarācaram

Sanskrit only: no published translation is held for this verse.

किमसौ धक्ष्यति रुषा विश्वमद्यैव पोत्रिणी । किं वा मुसलघातेन भूमिं द्वेधा करिष्यति

kimasau dhakṣyati ruṣā viśvamadyaiva potriṇī / kiṃ vā musalaghātena bhūmiṃ dvedhā kariṣyati

Sanskrit only: no published translation is held for this verse.

अथ वा हलनिर्घातैः क्षोभयिष्यति वारिधीन् । इति त्रस्तहृदः सर्वे गगने नाकिनां गणाः

atha vā halanirghātaiḥ kṣobhayiṣyati vāridhīn / iti trastahṛdaḥ sarve gagane nākināṃ gaṇāḥ

Sanskrit only: no published translation is held for this verse.

दूराद्रुतं विमानैश्च सत्रासं ददृशुर्गताः । ववन्दिरे च ता देवा बद्धाञ्जलिपुटान्विताः । मुहुर्द्वादशनामानि कीर्तयन्तो नभस्तले

dūrādrutaṃ vimānaiśca satrāsaṃ dadṛśurgatāḥ / vavandire ca tā devā baddhāñjalipuṭānvitāḥ / muhurdvādaśanāmāni kīrtayanto nabhastale

Sanskrit only: no published translation is held for this verse.

अगस्त्य उवाच कानि द्वादशनामानि तस्या देव्या वद प्रभो । अश्वानन महाप्राज्ञ येषु मे कौतुकं महत्

agastya uvāca kāni dvādaśanāmāni tasyā devyā vada prabho / aśvānana mahāprājña yeṣu me kautukaṃ mahat

Sanskrit only: no published translation is held for this verse.

हयग्रीव उवाच शृणु द्वादशनामानि तस्या देव्या घटोद्भव । यदाकर्णनमात्रेण प्रसन्ना सा भविष्यति । पञ्चमी दण्डनाथा च संकेता समयेश्वरी

hayagrīva uvāca śṛṇu dvādaśanāmāni tasyā devyā ghaṭodbhava / yadākarṇanamātreṇa prasannā sā bhaviṣyati / pañcamī daṇḍanāthā ca saṃketā samayeśvarī

Sanskrit only: no published translation is held for this verse.

तथा समयसंकेता वाराही पोत्रिणी तथा । वार्ताली च महासेनाप्याज्ञा चक्रेश्वरी तथा

tathā samayasaṃketā vārāhī potriṇī tathā / vārtālī ca mahāsenāpyājñā cakreśvarī tathā

Sanskrit only: no published translation is held for this verse.

अरिघ्नी चेति सम्प्रोक्तं नामद्वादशकं मुने । नामद्वादशकाभिख्यवज्रपञ्जरमध्यगः । संकटे दुःखमाप्नोति न कदाचन मानवः

arighnī ceti samproktaṃ nāmadvādaśakaṃ mune / nāmadvādaśakābhikhyavajrapañjaramadhyagaḥ / saṃkaṭe duḥkhamāpnoti na kadācana mānavaḥ

Sanskrit only: no published translation is held for this verse.

एतैर्नामभिरभ्रस्थाः संकेतां बहु तुष्टुवुः । तेषामनुग्रहार्थाय प्रचचालच सा पुनः

etairnāmabhirabhrasthāḥ saṃketāṃ bahu tuṣṭuvuḥ / teṣāmanugrahārthāya pracacālaca sā punaḥ

Sanskrit only: no published translation is held for this verse.

अथ संकेतयोगिन्या मन्त्रनाथा पदस्पृशः । निर्याणसूचनकरी दिवि दध्वान काहली

atha saṃketayoginyā mantranāthā padaspṛśaḥ / niryāṇasūcanakarī divi dadhvāna kāhalī

Sanskrit only: no published translation is held for this verse.

शृङ्गारप्रायभूषाणां शार्दूलश्यामलत्विषाम् । वीणासंयतपाणीनां शक्तीनां निर्ययौ बलम्

śṛṅgāraprāyabhūṣāṇāṃ śārdūlaśyāmalatviṣām / vīṇāsaṃyatapāṇīnāṃ śaktīnāṃ niryayau balam

Sanskrit only: no published translation is held for this verse.

काश्चद्गायन्ति नृत्यन्ति मत्तकोकिलनिःस्वनाः । वीणावेणुमृदङ्गाद्याः सविलासपदक्रमाः

kāścadgāyanti nṛtyanti mattakokilaniḥsvanāḥ / vīṇāveṇumṛdaṅgādyāḥ savilāsapadakramāḥ

Sanskrit only: no published translation is held for this verse.

प्रचेलुः शक्तयः श्यामा हर्षयन्त्यो जगज्जनान् । मयूरवाहनाः काश्चित्कतिचिद्धंसवाहनाः

praceluḥ śaktayaḥ śyāmā harṣayantyo jagajjanān / mayūravāhanāḥ kāścitkaticiddhaṃsavāhanāḥ

Sanskrit only: no published translation is held for this verse.

कतिचिन्नकुलारूढाः कतिचित्कोकिलासनाः । सर्वाश्च श्यामलाकाराः काश्चित्कर्णीरथस्थिताः

katicinnakulārūḍhāḥ katicitkokilāsanāḥ / sarvāśca śyāmalākārāḥ kāścitkarṇīrathasthitāḥ

Sanskrit only: no published translation is held for this verse.

कादंबमधुमत्ताश्च काश्चिदारूढसैन्धवाः । मन्त्रनाथां पुरस्कृत्य संप्रचेलुः पुरः पुरः

kādaṃbamadhumattāśca kāścidārūḍhasaindhavāḥ / mantranāthāṃ puraskṛtya saṃpraceluḥ puraḥ puraḥ

Sanskrit only: no published translation is held for this verse.

अथारुह्य समुत्तुङ्गध्वजचक्रं महारथम् । बालार्कवर्णकवचा मदालोलविलोचना

athāruhya samuttuṅgadhvajacakraṃ mahāratham / bālārkavarṇakavacā madālolavilocanā

Sanskrit only: no published translation is held for this verse.

ईषत्प्रस्वेदकणिकामनोहरमुखांबुजा । प्रेक्षयन्ती कटाक्षौधौः किञ्चिद्भ्रूवल्लिताण्डवैः

īṣatprasvedakaṇikāmanoharamukhāṃbujā / prekṣayantī kaṭākṣaudhauḥ kiñcidbhrūvallitāṇḍavaiḥ

Sanskrit only: no published translation is held for this verse.

समस्तमपि तत्सैन्यं शक्तीनामुद्धतोद्धतम् । पिच्छत्रिकोणच्छत्रेण बिरुदेन महीयसा

samastamapi tatsainyaṃ śaktīnāmuddhatoddhatam / picchatrikoṇacchatreṇa birudena mahīyasā

Sanskrit only: no published translation is held for this verse.

आसां मध्ये न चान्यासां शक्तीनामुज्ज्वलोदया । निर्जगाम घनश्यामश्यामला मन्त्रनायिका

āsāṃ madhye na cānyāsāṃ śaktīnāmujjvalodayā / nirjagāma ghanaśyāmaśyāmalā mantranāyikā

Sanskrit only: no published translation is held for this verse.

तां तुष्टुवुः षोडशभिर्नामभिर्नाकवासिनः । तानि षोडशनामानि शृणु कुंभसमुद्भव

tāṃ tuṣṭuvuḥ ṣoḍaśabhirnāmabhirnākavāsinaḥ / tāni ṣoḍaśanāmāni śṛṇu kuṃbhasamudbhava

Sanskrit only: no published translation is held for this verse.

संगीतयोगिनी श्यामा श्यामला मन्त्रनायिका । मन्त्रिणी सचिवेशी च प्रधानेशी शुकप्रिया

saṃgītayoginī śyāmā śyāmalā mantranāyikā / mantriṇī saciveśī ca pradhāneśī śukapriyā

Sanskrit only: no published translation is held for this verse.

वीणावती वैणिकी च मुद्रिणी प्रियकप्रिया । निपप्रिया कदंबेशी कदंबवनवासिनी

vīṇāvatī vaiṇikī ca mudriṇī priyakapriyā / nipapriyā kadaṃbeśī kadaṃbavanavāsinī

Sanskrit only: no published translation is held for this verse.

सदामदा च नामानि षोडशैतानि कुंभज । एतैर्यः सचिवेशानीं सकृत्स्तौति शरीरवान् । तस्य त्रैलोक्यमखिलं हस्ते तिष्ठत्यसंशयम्

sadāmadā ca nāmāni ṣoḍaśaitāni kuṃbhaja / etairyaḥ saciveśānīṃ sakṛtstauti śarīravān / tasya trailokyamakhilaṃ haste tiṣṭhatyasaṃśayam

Sanskrit only: no published translation is held for this verse.

मन्त्रिनाथा यत्रयत्र कटाक्षं विकिरत्यसौ । तत्रतत्र गताशङ्कं शत्रुसैन्यं पतत्यलम्

mantrināthā yatrayatra kaṭākṣaṃ vikiratyasau / tatratatra gatāśaṅkaṃ śatrusainyaṃ patatyalam

Sanskrit only: no published translation is held for this verse.

ललितापरमेशान्या राज्यचर्चा तु यावती । शक्तीनामपि चर्चा या सा सर्वत्र जयप्रदा

lalitāparameśānyā rājyacarcā tu yāvatī / śaktīnāmapi carcā yā sā sarvatra jayapradā

Sanskrit only: no published translation is held for this verse.

अथ संगीतयोगिन्याः करस्थाच्छुकपोतकात् । निर्जगाम धनुर्वेदो वहन्सज्जंशरासनम्

atha saṃgītayoginyāḥ karasthācchukapotakāt / nirjagāma dhanurvedo vahansajjaṃśarāsanam

Sanskrit only: no published translation is held for this verse.

चतुर्बाहुयुतो वीरस्त्रिशिरास्त्रिविलोचनः । नमस्कृत्य प्रधानेशीमिदमाह स भक्तिमान्

caturbāhuyuto vīrastriśirāstrivilocanaḥ / namaskṛtya pradhāneśīmidamāha sa bhaktimān

Sanskrit only: no published translation is held for this verse.

देवि भण्डासुरेद्रस्य युद्धाय त्वं प्रवर्त्तसे । अतस्तव मया साह्यं कर्तव्यं मन्त्रिनायिके

devi bhaṇḍāsuredrasya yuddhāya tvaṃ pravarttase / atastava mayā sāhyaṃ kartavyaṃ mantrināyike

Sanskrit only: no published translation is held for this verse.

चत्रजीवमिमं नाम कोदण्डं सुमहत्तरम् । गृहाण जगतामंब दानवानां निबर्हणम्

catrajīvamimaṃ nāma kodaṇḍaṃ sumahattaram / gṛhāṇa jagatāmaṃba dānavānāṃ nibarhaṇam

Sanskrit only: no published translation is held for this verse.

इमौ चाक्षयबाणाढ्यौ तूणीरौ स्वर्णचित्रितौ । गृहाण दैत्यनाशाय ममानुग्रहहेतवे

imau cākṣayabāṇāḍhyau tūṇīrau svarṇacitritau / gṛhāṇa daityanāśāya mamānugrahahetave

Sanskrit only: no published translation is held for this verse.

इति प्रणम्य शिरसा धनुर्वेदेन भक्तितः । अर्पितांश्चापतूणीराञ्जग्राह प्रियकप्रिया

iti praṇamya śirasā dhanurvedena bhaktitaḥ / arpitāṃścāpatūṇīrāñjagrāha priyakapriyā

Sanskrit only: no published translation is held for this verse.

चित्रजीवं महाचापमादाय च शूकप्रिया । विस्फारं जनयामास मौर्वीमुद्वाद्य भूरिशः

citrajīvaṃ mahācāpamādāya ca śūkapriyā / visphāraṃ janayāmāsa maurvīmudvādya bhūriśaḥ

Sanskrit only: no published translation is held for this verse.

संगीतयोगिनी चापध्वनिना पूरितं जगत् । नाकालयानां च मनोन यनानन्दसंपदा

saṃgītayoginī cāpadhvaninā pūritaṃ jagat / nākālayānāṃ ca manona yanānandasaṃpadā

Sanskrit only: no published translation is held for this verse.

यन्त्रिणी चेति द्वे तस्याः परिचारिके । शुकं वीणां च सहसा वहन्त्यौ परिचेरतुः

yantriṇī ceti dve tasyāḥ paricārike / śukaṃ vīṇāṃ ca sahasā vahantyau pariceratuḥ

Sanskrit only: no published translation is held for this verse.

आलोलवलयक्वाणवर्धिष्णुगुणनिस्वनम् । धारयन्ती घनश्यामा चकारातिमनोहरम्

ālolavalayakvāṇavardhiṣṇuguṇanisvanam / dhārayantī ghanaśyāmā cakārātimanoharam

Sanskrit only: no published translation is held for this verse.

चित्रजीवशरासेन भूषिता गीतयोगिनी । कदंबिनीव रुरुचे कदम्बच्छत्रकार्मुका

citrajīvaśarāsena bhūṣitā gītayoginī / kadaṃbinīva ruruce kadambacchatrakārmukā

Sanskrit only: no published translation is held for this verse.

कालीकटाक्षवत्तीक्ष्णो नृत्यद्भुजगभीषणः । उल्लसन्दक्षिणे पाणौ विललास शिलीमुखः

kālīkaṭākṣavattīkṣṇo nṛtyadbhujagabhīṣaṇaḥ / ullasandakṣiṇe pāṇau vilalāsa śilīmukhaḥ

Sanskrit only: no published translation is held for this verse.

गेयचक्ररथारूढां तां पश्चाच्च सिषेविरे । तद्वच्छ्यामलशोभाढ्या देव्यो बाणधनुर्धराः

geyacakrarathārūḍhāṃ tāṃ paścācca siṣevire / tadvacchyāmalaśobhāḍhyā devyo bāṇadhanurdharāḥ

Sanskrit only: no published translation is held for this verse.

सहस्राक्षौहिणीसंख्यास्तीव्रवेगा मदालसाः । आपूरयन्त्यः ककुभं कलैः किलिकिलारवैः

sahasrākṣauhiṇīsaṃkhyāstīvravegā madālasāḥ / āpūrayantyaḥ kakubhaṃ kalaiḥ kilikilāravaiḥ

Sanskrit only: no published translation is held for this verse.