Brahmāṇḍa Purāṇa 3.21

इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने किरिचक्ररथदेवताप्रकाशनं नाम विंशो ऽध्यायः आकर्ण्य ललितादेव्या यात्रानिगमनिस्वनम् । महान्तं क्षोभमायाता भण्डासुरपुरालयाः

iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne kiricakrarathadevatāprakāśanaṃ nāma viṃśo 'dhyāyaḥ ākarṇya lalitādevyā yātrānigamanisvanam / mahāntaṃ kṣobhamāyātā bhaṇḍāsurapurālayāḥ

Sanskrit only: no published translation is held for this verse.

यत्र चास्ति दुराशस्य भण्डदैत्यस्य दुर्धियः । महेन्द्रपर्वतोपान्ते महार्णवतटे पुरम्

yatra cāsti durāśasya bhaṇḍadaityasya durdhiyaḥ / mahendraparvatopānte mahārṇavataṭe puram

Sanskrit only: no published translation is held for this verse.

तत्तु शून्यकनाम्नैव विख्यातं भुवनत्रये । विषङ्गाग्रजदैत्यस्य सदावासः किलाभवत्

tattu śūnyakanāmnaiva vikhyātaṃ bhuvanatraye / viṣaṅgāgrajadaityasya sadāvāsaḥ kilābhavat

Sanskrit only: no published translation is held for this verse.

तस्मिन्नेव पुरे तस्य शतयोजनविस्तरे । वित्रेसुर सुराः सर्वे श्रीदेव्यागमसंभ्रमात्

tasminneva pure tasya śatayojanavistare / vitresura surāḥ sarve śrīdevyāgamasaṃbhramāt

Sanskrit only: no published translation is held for this verse.

शतयोजनविस्तीर्णं तत्सर्वं पुरमासुरम् । धूमैरिवावृतमभूदुत्पातजनितैर्मुहुः

śatayojanavistīrṇaṃ tatsarvaṃ puramāsuram / dhūmairivāvṛtamabhūdutpātajanitairmuhuḥ

Sanskrit only: no published translation is held for this verse.

अकाल एव निर्भिन्ना भित्तयो दैत्यपत्तने । धूर्णमाना पतन्ति स्म महोल्का गगनस्थलात्

akāla eva nirbhinnā bhittayo daityapattane / dhūrṇamānā patanti sma maholkā gaganasthalāt

Sanskrit only: no published translation is held for this verse.

उत्पातानां प्राथमिको भूकंपः पर्यवर्तत । मही जज्वाल सकला तत्र शून्यकपत्तने

utpātānāṃ prāthamiko bhūkaṃpaḥ paryavartata / mahī jajvāla sakalā tatra śūnyakapattane

Sanskrit only: no published translation is held for this verse.

अकाल एव हृत्कंपं भेजुर्दैत्यपुरौकसः । ध्वजाग्रवर्तिनः कङ्कगृध्राश्चैव बकाः खगाः

akāla eva hṛtkaṃpaṃ bhejurdaityapuraukasaḥ / dhvajāgravartinaḥ kaṅkagṛdhrāścaiva bakāḥ khagāḥ

Sanskrit only: no published translation is held for this verse.

आदित्यमण्डले दृष्ट्वादृष्ट्वा चक्रन्दुरुच्चकैः । क्रव्यादा बहवस्तत्र लोचनैर्नावलोकिताः

ādityamaṇḍale dṛṣṭvādṛṣṭvā cakranduruccakaiḥ / kravyādā bahavastatra locanairnāvalokitāḥ

Sanskrit only: no published translation is held for this verse.

मुहुराकाशवाणीभिः परुषाभिर्बभाषिरे । सर्वतो दिक्षुदृश्यन्ते केतवस्तु मलीमसाः

muhurākāśavāṇībhiḥ paruṣābhirbabhāṣire / sarvato dikṣudṛśyante ketavastu malīmasāḥ

Sanskrit only: no published translation is held for this verse.

धूमायमानाः प्रक्षोभजनका दैत्यरक्षसाम् । दैत्यस्त्रीणां च विभ्रष्टा अकाले भूषणस्रजः

dhūmāyamānāḥ prakṣobhajanakā daityarakṣasām / daityastrīṇāṃ ca vibhraṣṭā akāle bhūṣaṇasrajaḥ

Sanskrit only: no published translation is held for this verse.

हाहेति दूरं क्रन्दन्त्यः पर्यश्रु समरोदिषुः । दपणानां वर्मणां च ध्वजानां खड्गसंपदाम्

hāheti dūraṃ krandantyaḥ paryaśru samarodiṣuḥ / dapaṇānāṃ varmaṇāṃ ca dhvajānāṃ khaḍgasaṃpadām

Sanskrit only: no published translation is held for this verse.

मणीनामंबराणां च मालिन्यमभवन्मुहुः । सौधेषु चन्द्रशालासु केलिवेश्मसु सर्वतः

maṇīnāmaṃbarāṇāṃ ca mālinyamabhavanmuhuḥ / saudheṣu candraśālāsu keliveśmasu sarvataḥ

Sanskrit only: no published translation is held for this verse.

अट्टालकेषु गोष्ठेषु विपणेषु सभासु च । चतुष्किकास्वलिङ्गेषु प्रग्रीवेषु वलेषु च

aṭṭālakeṣu goṣṭheṣu vipaṇeṣu sabhāsu ca / catuṣkikāsvaliṅgeṣu pragrīveṣu valeṣu ca

Sanskrit only: no published translation is held for this verse.

सर्वतोभद्रवासेषु नन्द्यावर्तेषु वेश्मसु । विच्छन्दकेषु संक्षुब्धेष्ववरोधनपालिषु । स्वस्तिकेषु च सर्वेषु गर्भागारपुटेषु च

sarvatobhadravāseṣu nandyāvarteṣu veśmasu / vicchandakeṣu saṃkṣubdheṣvavarodhanapāliṣu / svastikeṣu ca sarveṣu garbhāgārapuṭeṣu ca

Sanskrit only: no published translation is held for this verse.

गोपुरेषु कपाटेषु वलभीनां च सीमसु । वातायनेषु कक्ष्यासु धिष्ण्येषु च खलेषु च

gopureṣu kapāṭeṣu valabhīnāṃ ca sīmasu / vātāyaneṣu kakṣyāsu dhiṣṇyeṣu ca khaleṣu ca

Sanskrit only: no published translation is held for this verse.

सर्वत्र दैत्य नगरवासिभिर्जनमण्डलैः । अश्रूयन्त महाघोषाः परुषा भूतभाषिताः

sarvatra daitya nagaravāsibhirjanamaṇḍalaiḥ / aśrūyanta mahāghoṣāḥ paruṣā bhūtabhāṣitāḥ

Sanskrit only: no published translation is held for this verse.

शिथिली सवतो जाता घोरपर्णा भयानका । करटैः कटुकालापैर्वलोकि दिवाकरः । आराविषु करोटीनां कोटयश्चापतन्भुवि

śithilī savato jātā ghoraparṇā bhayānakā / karaṭaiḥ kaṭukālāpairvaloki divākaraḥ / ārāviṣu karoṭīnāṃ koṭayaścāpatanbhuvi

Sanskrit only: no published translation is held for this verse.

अपतन्वेदिमध्येषु बिन्दवः शोणितांभसाम् । केशौघकाश्च निष्पेतुः सर्वतो धूमधूसराः

apatanvedimadhyeṣu bindavaḥ śoṇitāṃbhasām / keśaughakāśca niṣpetuḥ sarvato dhūmadhūsarāḥ

Sanskrit only: no published translation is held for this verse.

भौमान्तरिक्षदिव्यानामुत्पातानामिति व्रजम् । अवलोक्य भृशं त्रस्ताः सर्वे नगरवासिनः । निवेदयामासुरमी भण्डाय प्रथितौजसे

bhaumāntarikṣadivyānāmutpātānāmiti vrajam / avalokya bhṛśaṃ trastāḥ sarve nagaravāsinaḥ / nivedayāmāsuramī bhaṇḍāya prathitaujase

Sanskrit only: no published translation is held for this verse.

स च भण्डः प्रचण्डोत्थैस्तैरुत्पातकदंबकैः । असंजातधृतिभ्रंशो मन्त्र स्थानमुपागमत्

sa ca bhaṇḍaḥ pracaṇḍotthaistairutpātakadaṃbakaiḥ / asaṃjātadhṛtibhraṃśo mantra sthānamupāgamat

Sanskrit only: no published translation is held for this verse.

मेरोरिव वपुर्भेदं बहुरत्नविचित्रितम् । अध्यासामास दैत्येन्द्रः सिंहासनमनुत्तमम्

meroriva vapurbhedaṃ bahuratnavicitritam / adhyāsāmāsa daityendraḥ siṃhāsanamanuttamam

Sanskrit only: no published translation is held for this verse.

स्फुरन्मुकुटलग्नानां रत्नानां किरणैर्घनैः । दीपयन्नखिलाशान्तानद्युतद्दानवेश्वरः

sphuranmukuṭalagnānāṃ ratnānāṃ kiraṇairghanaiḥ / dīpayannakhilāśāntānadyutaddānaveśvaraḥ

Sanskrit only: no published translation is held for this verse.

एकयोजनविस्तारे महत्यास्थानमण्डपे । तुङ्गसिंहासनस्थं तं सिषेवाते तदानुजै

ekayojanavistāre mahatyāsthānamaṇḍape / tuṅgasiṃhāsanasthaṃ taṃ siṣevāte tadānujai

Sanskrit only: no published translation is held for this verse.

विशुक्रश्च विषङ्गश्च महाबलपराक्रमौ । त्रैलोक्यकण्टकीभूतभुजदण्डभयङ्करौ

viśukraśca viṣaṅgaśca mahābalaparākramau / trailokyakaṇṭakībhūtabhujadaṇḍabhayaṅkarau

Sanskrit only: no published translation is held for this verse.

अग्रजस्य सदैवाज्ञामविलङ्घ्य मुहुर्मुहुः । त्रैलोक्यविजये लब्धं वर्धयन्तौ महद्यशः

agrajasya sadaivājñāmavilaṅghya muhurmuhuḥ / trailokyavijaye labdhaṃ vardhayantau mahadyaśaḥ

Sanskrit only: no published translation is held for this verse.

न तेन शिरसा तस्य मृदूनन्तौ पादपीठिकाम् । कृतां जरिप्रणामौ च समुपाविशता भुवि

na tena śirasā tasya mṛdūnantau pādapīṭhikām / kṛtāṃ jaripraṇāmau ca samupāviśatā bhuvi

Sanskrit only: no published translation is held for this verse.

अथास्थाने स्थिते तस्मिन्नमरद्वेषिणां वरे । सर्वे सामन्तदैत्येन्द्रास्तं द्रष्टुं समुपागताः

athāsthāne sthite tasminnamaradveṣiṇāṃ vare / sarve sāmantadaityendrāstaṃ draṣṭuṃ samupāgatāḥ

Sanskrit only: no published translation is held for this verse.

तेषामे कैकसैन्यानां गणना न हि विद्यते । स्वंस्वं नाम समुच्चार्य प्रणेमुर्भण्डकेश्वरम्

teṣāme kaikasainyānāṃ gaṇanā na hi vidyate / svaṃsvaṃ nāma samuccārya praṇemurbhaṇḍakeśvaram

Sanskrit only: no published translation is held for this verse.

म च तानसुरान्सर्वानतिधीरकनीनकैः । संभावयन्समालोकैः कियन्तं चित्क्षणं स्थितः

ma ca tānasurānsarvānatidhīrakanīnakaiḥ / saṃbhāvayansamālokaiḥ kiyantaṃ citkṣaṇaṃ sthitaḥ

Sanskrit only: no published translation is held for this verse.

अवोचत विशुक्रस्तमग्रजं दानवेश्वरम् । मथ्यमानमहासिंधुसमानार्गलनिस्वनः

avocata viśukrastamagrajaṃ dānaveśvaram / mathyamānamahāsiṃdhusamānārgalanisvanaḥ

Sanskrit only: no published translation is held for this verse.

देवत्वदीयदोर्द्दण्डविध्वस्तबलविक्रमाः । पापिनः पामराचारा दुरात्मानः सुराधमाः

devatvadīyadorddaṇḍavidhvastabalavikramāḥ / pāpinaḥ pāmarācārā durātmānaḥ surādhamāḥ

Sanskrit only: no published translation is held for this verse.

शरण्यमन्यतः क्वापि नाप्नुवन्तो विषादिनः । ज्वलज्ज्वालाकुले वह्नौ पतित्वा नाशमागताः

śaraṇyamanyataḥ kvāpi nāpnuvanto viṣādinaḥ / jvalajjvālākule vahnau patitvā nāśamāgatāḥ

Sanskrit only: no published translation is held for this verse.

तस्माद्देवात्समुत्पन्ना काचित्स्त्री बलगर्विता । स्वयमेव किलास्राक्षुस्तां देवा वासवादयः

tasmāddevātsamutpannā kācitstrī balagarvitā / svayameva kilāsrākṣustāṃ devā vāsavādayaḥ

Sanskrit only: no published translation is held for this verse.

तैः पुनः प्रबलोत्साहैः प्रोत्साहितपराक्रमाः । बहुस्त्रीपरिवाराश्च विविधायुधमण्डिताः

taiḥ punaḥ prabalotsāhaiḥ protsāhitaparākramāḥ / bahustrīparivārāśca vividhāyudhamaṇḍitāḥ

Sanskrit only: no published translation is held for this verse.

अस्माञ्जेतुं किलायान्ति हा कष्टं विधिवैशसम् । अबलानां समूहस्छेद्बलिनो ऽस्मान्विजेष्यते

asmāñjetuṃ kilāyānti hā kaṣṭaṃ vidhivaiśasam / abalānāṃ samūhaschedbalino 'smānvijeṣyate

Sanskrit only: no published translation is held for this verse.

तर्हि पल्लवभङ्गेन पाषाणस्य विदारणम् । ऊह्यमानमिदं हन्तुं परिहासाय कल्प्यते

tarhi pallavabhaṅgena pāṣāṇasya vidāraṇam / ūhyamānamidaṃ hantuṃ parihāsāya kalpyate

Sanskrit only: no published translation is held for this verse.

विडंबना न किमसौ लज्जाकरमिदं न किम् । अस्मत्सैनिकनासीरभटेभ्यो ऽपि भवेद्भयम्

viḍaṃbanā na kimasau lajjākaramidaṃ na kim / asmatsainikanāsīrabhaṭebhyo 'pi bhavedbhayam

Sanskrit only: no published translation is held for this verse.

कातरत्वं समापन्नाः शक्राद्यास्त्रिदिवौकसः । ब्रह्मादयश्च निर्विण्णविग्रहा मद्बलायुधैः

kātaratvaṃ samāpannāḥ śakrādyāstridivaukasaḥ / brahmādayaśca nirviṇṇavigrahā madbalāyudhaiḥ

Sanskrit only: no published translation is held for this verse.

विष्णोश्च का कथैवास्ते वित्रस्तः स महेश्वरः । अन्येषामिह का वार्ता दिक्पालास्ते पलायिताः

viṣṇośca kā kathaivāste vitrastaḥ sa maheśvaraḥ / anyeṣāmiha kā vārtā dikpālāste palāyitāḥ

Sanskrit only: no published translation is held for this verse.

अस्माकमिषुभिस्तीक्ष्णैरदृश्यैरङ्गपातिभिः । सर्वत्र विद्धवर्माणो दुर्मदा विबुधाः कृताः

asmākamiṣubhistīkṣṇairadṛśyairaṅgapātibhiḥ / sarvatra viddhavarmāṇo durmadā vibudhāḥ kṛtāḥ

Sanskrit only: no published translation is held for this verse.

तादृशानामपि महापराक्रमभुजोष्मणाम् । अस्माकंविजयायाद्य स्त्री काचिदभिधावति

tādṛśānāmapi mahāparākramabhujoṣmaṇām / asmākaṃvijayāyādya strī kācidabhidhāvati

Sanskrit only: no published translation is held for this verse.

यद्यपि स्त्री तथाप्येषा नावमान्या कदाचन । अल्पो ऽपि रिपुरात्मज्ञैर्नावमान्यो जिगीषुभिः

yadyapi strī tathāpyeṣā nāvamānyā kadācana / alpo 'pi ripurātmajñairnāvamānyo jigīṣubhiḥ

Sanskrit only: no published translation is held for this verse.

तस्मात्तदुत्सारणार्थं प्रेषणीयास्तु किङ्कराः । सकचग्रहमाकृष्य सानेतव्या मदोद्धता

tasmāttadutsāraṇārthaṃ preṣaṇīyāstu kiṅkarāḥ / sakacagrahamākṛṣya sānetavyā madoddhatā

Sanskrit only: no published translation is held for this verse.

देव त्वदीय शुद्धान्तर्वर्तिनीनां मृगीदृशाम् । चिरेण चेटिकाभावं सा दुष्टा संश्रयिष्यति

deva tvadīya śuddhāntarvartinīnāṃ mṛgīdṛśām / cireṇa ceṭikābhāvaṃ sā duṣṭā saṃśrayiṣyati

Sanskrit only: no published translation is held for this verse.

एकैकस्माद्भटादस्मात्सैन्येषु परिपन्थिनः । शङ्कते खलु वित्रस्तं त्रैलोक्यं सचराचरम्

ekaikasmādbhaṭādasmātsainyeṣu paripanthinaḥ / śaṅkate khalu vitrastaṃ trailokyaṃ sacarācaram

Sanskrit only: no published translation is held for this verse.

अन्यद्देवस्य चित्तं तु प्रमाणमिति दानव । निवेद्य भण्डदैत्यस्य क्रोधं तस्य व्यवीवृधत्

anyaddevasya cittaṃ tu pramāṇamiti dānava / nivedya bhaṇḍadaityasya krodhaṃ tasya vyavīvṛdhat

Sanskrit only: no published translation is held for this verse.

विषङ्गस्तु महासत्त्वो विचारज्ञो विचक्षणः । इदमाह महादैत्यमग्रजन्मानमुद्धतम्

viṣaṅgastu mahāsattvo vicārajño vicakṣaṇaḥ / idamāha mahādaityamagrajanmānamuddhatam

Sanskrit only: no published translation is held for this verse.

देव त्वमेव जानासि सर्वं कार्यमरिन्दम । न तु ते क्वापि वक्तव्यं नीतिवर्त्मनि वर्तते

deva tvameva jānāsi sarvaṃ kāryamarindama / na tu te kvāpi vaktavyaṃ nītivartmani vartate

Sanskrit only: no published translation is held for this verse.

सर्वं विचार्य कर्तव्यं विचारः परमा गतिः । अविचारेण चेत्कर्म समूलमवकृन्तति

sarvaṃ vicārya kartavyaṃ vicāraḥ paramā gatiḥ / avicāreṇa cetkarma samūlamavakṛntati

Sanskrit only: no published translation is held for this verse.

परस्य कटके चाराः प्रेषणीयाः प्रयत्नतः । तेषां बलाबलं ज्ञेयं जयसंसिद्धिमिच्छता

parasya kaṭake cārāḥ preṣaṇīyāḥ prayatnataḥ / teṣāṃ balābalaṃ jñeyaṃ jayasaṃsiddhimicchatā

Sanskrit only: no published translation is held for this verse.

चारचक्षुर्दृढप्रज्ञः सदाशङ्कितमानसः । अशङ्किताकारवांश्च गुप्तमन्त्रः स्वमन्त्रिषु

cāracakṣurdṛḍhaprajñaḥ sadāśaṅkitamānasaḥ / aśaṅkitākāravāṃśca guptamantraḥ svamantriṣu

Sanskrit only: no published translation is held for this verse.

षडुपायान्प्रयुञ्जानः सर्वत्रा भ्यर्हिते पदे । विजयं लभते राजा जाल्मो मक्षु विनश्यति

ṣaḍupāyānprayuñjānaḥ sarvatrā bhyarhite pade / vijayaṃ labhate rājā jālmo makṣu vinaśyati

Sanskrit only: no published translation is held for this verse.

अविमृश्यैव यः कश्चिदारम्भः स विनाशकृत् । विमृश्य तु कृतं कर्म विशेषाज्जयदायकम्

avimṛśyaiva yaḥ kaścidārambhaḥ sa vināśakṛt / vimṛśya tu kṛtaṃ karma viśeṣājjayadāyakam

Sanskrit only: no published translation is held for this verse.

तिर्यगित्यपि नारीति क्षुद्रा चेत्यपि राजभिः । नावज्ञा वैरिणां कार्या शक्तेः सर्वत्र सम्भवः

tiryagityapi nārīti kṣudrā cetyapi rājabhiḥ / nāvajñā vairiṇāṃ kāryā śakteḥ sarvatra sambhavaḥ

Sanskrit only: no published translation is held for this verse.

स्तंभोत्पन्नेन केनापि नरतिर्यग्वपुर्भृता । भूतेन सर्वभूतानां हिरण्यकशिपुर्हतः

staṃbhotpannena kenāpi naratiryagvapurbhṛtā / bhūtena sarvabhūtānāṃ hiraṇyakaśipurhataḥ

Sanskrit only: no published translation is held for this verse.

पुरा हि चण्डिका नाम नारी मयाविजृंभिणी । निशुम्भशुंभौ महिषं व्यापादितवती रणे

purā hi caṇḍikā nāma nārī mayāvijṛṃbhiṇī / niśumbhaśuṃbhau mahiṣaṃ vyāpāditavatī raṇe

Sanskrit only: no published translation is held for this verse.

तत्प्रसंगेन बहवस्तया दैत्या विनाशिताः । अतो वदामिनावज्ञा स्त्रीमात्रे क्रियतां क्वचित्

tatprasaṃgena bahavastayā daityā vināśitāḥ / ato vadāmināvajñā strīmātre kriyatāṃ kvacit

Sanskrit only: no published translation is held for this verse.

शक्तिरेव हि सर्वत्र कारणं विजयश्रियः । शक्तेराधारतां प्रप्तैः स्त्रीपुंलिङ्गैर्न नो भयम्

śaktireva hi sarvatra kāraṇaṃ vijayaśriyaḥ / śakterādhāratāṃ praptaiḥ strīpuṃliṅgairna no bhayam

Sanskrit only: no published translation is held for this verse.

शक्तिस्तु सर्वतो भाति संसारस्य स्वभावतः । तर्हि तस्या दुराशायाः प्रवृत्तिर्ज्ञायतां त्वया

śaktistu sarvato bhāti saṃsārasya svabhāvataḥ / tarhi tasyā durāśāyāḥ pravṛttirjñāyatāṃ tvayā

Sanskrit only: no published translation is held for this verse.

केयं कस्मात्समुत्पन्ना किमाचारा किमाश्रया । किंबला किंसहाया वा देव तत्प्रविचार्यताम्

keyaṃ kasmātsamutpannā kimācārā kimāśrayā / kiṃbalā kiṃsahāyā vā deva tatpravicāryatām

Sanskrit only: no published translation is held for this verse.

इत्युक्तः स विषङ्गेण को विचारो महौजसाम् । अस्मद्बले महासत्त्वा अक्षौहिण्यधिपाः शतम्

ityuktaḥ sa viṣaṅgeṇa ko vicāro mahaujasām / asmadbale mahāsattvā akṣauhiṇyadhipāḥ śatam

Sanskrit only: no published translation is held for this verse.

पातुं क्षमास्ते जलधीनलं दग्धुं त्रिविष्टपम् । अरे पापसमाचार किंवृथा शङ्कसे स्त्रियः

pātuṃ kṣamāste jaladhīnalaṃ dagdhuṃ triviṣṭapam / are pāpasamācāra kiṃvṛthā śaṅkase striyaḥ

Sanskrit only: no published translation is held for this verse.

तत्सर्वं हि मया पूर्वं चारद्वारावलोकितम् । अग्रे समुदिता काचिल्ललितानामधारिणी

tatsarvaṃ hi mayā pūrvaṃ cāradvārāvalokitam / agre samuditā kācillalitānāmadhāriṇī

Sanskrit only: no published translation is held for this verse.

यथार्थनामवत्येषा पुष्पवत्पेशलाकृतिः । न स्त्त्वं न च वीर्यं वा न संग्रामेषु वा गतिः

yathārthanāmavatyeṣā puṣpavatpeśalākṛtiḥ / na sttvaṃ na ca vīryaṃ vā na saṃgrāmeṣu vā gatiḥ

Sanskrit only: no published translation is held for this verse.

सा चाविचारनिवहा किन्तु मायापरायणा । तत्सत्त्वेनाविद्यमानं स्त्रीकदम्बकमात्मनः

sā cāvicāranivahā kintu māyāparāyaṇā / tatsattvenāvidyamānaṃ strīkadambakamātmanaḥ

Sanskrit only: no published translation is held for this verse.

उत्पादितवती किं ते न चैवं तु विचेष्टते । अथ वा भव दुक्तेन न्यायेनास्तु महद्बलम्

utpāditavatī kiṃ te na caivaṃ tu viceṣṭate / atha vā bhava duktena nyāyenāstu mahadbalam

Sanskrit only: no published translation is held for this verse.

त्रैलोक्योल्लङ्घिमहिमा भण्डः केन विजीयते

trailokyollaṅghimahimā bhaṇḍaḥ kena vijīyate

Sanskrit only: no published translation is held for this verse.

इदानीमपि मद्बाहुबलसंमर्दमूर्च्छिताः । श्वसितुं चापि पटवो न कदाचन नाकिनः

idānīmapi madbāhubalasaṃmardamūrcchitāḥ / śvasituṃ cāpi paṭavo na kadācana nākinaḥ

Sanskrit only: no published translation is held for this verse.

केचित्पातालगर्भेषु केचिदम्बुधिवारिषु । केचिद्दिगन्तकोणेषु केचित्कुञ्जेषुभूभृताम्

kecitpātālagarbheṣu kecidambudhivāriṣu / keciddigantakoṇeṣu kecitkuñjeṣubhūbhṛtām

Sanskrit only: no published translation is held for this verse.

विलीना भृशवित्रस्तास्त्यक्तदारसुतश्रियः । भ्रष्टाधिकाराः पशवश्छन्नवेषाश्चरन्ति ते

vilīnā bhṛśavitrastāstyaktadārasutaśriyaḥ / bhraṣṭādhikārāḥ paśavaśchannaveṣāścaranti te

Sanskrit only: no published translation is held for this verse.

एतादृशं न जानाति मम बाहुपराक्रमम् । अबला न चिरोत्पन्ना तेनैषा दर्पमश्नुते

etādṛśaṃ na jānāti mama bāhuparākramam / abalā na cirotpannā tenaiṣā darpamaśnute

Sanskrit only: no published translation is held for this verse.

न जानन्ति स्त्रियो मूढा वृथा कल्पितसाहसाः । विनाशमनुधावन्ति कार्याकार्यविमोहिताः

na jānanti striyo mūḍhā vṛthā kalpitasāhasāḥ / vināśamanudhāvanti kāryākāryavimohitāḥ

Sanskrit only: no published translation is held for this verse.

अथ वा तां पुरस्कृत्य यद्यागच्छन्ति नाकिनः । यथा महोरगाः सिद्धाः साध्या वा युद्धदुर्मदाः

atha vā tāṃ puraskṛtya yadyāgacchanti nākinaḥ / yathā mahoragāḥ siddhāḥ sādhyā vā yuddhadurmadāḥ

Sanskrit only: no published translation is held for this verse.

ब्रह्मा वा पद्मनाभो वा रुद्रो वापि सुराधिपः । अन्ये वा हरितां नाथास्तान्संपेष्टुमहं पटुः

brahmā vā padmanābho vā rudro vāpi surādhipaḥ / anye vā haritāṃ nāthāstānsaṃpeṣṭumahaṃ paṭuḥ

Sanskrit only: no published translation is held for this verse.

अथ वा मम सेनासु सेनान्यो रणदुर्मदाः । पक्वकर्करिकापेषमवपेक्ष्यति वैरिणः

atha vā mama senāsu senānyo raṇadurmadāḥ / pakvakarkarikāpeṣamavapekṣyati vairiṇaḥ

Sanskrit only: no published translation is held for this verse.

कुटिलाक्षः कुरण्डश्च करङ्कः कालवाशितः । वज्रदन्तो वज्रमुखो वज्रलोमा बलाहकः

kuṭilākṣaḥ kuraṇḍaśca karaṅkaḥ kālavāśitaḥ / vajradanto vajramukho vajralomā balāhakaḥ

Sanskrit only: no published translation is held for this verse.

सूचीमुखः फलमुखो विकटो विकटाननः । करालाक्षः कर्कटको मदनो दीर्घजिह्वकः

sūcīmukhaḥ phalamukho vikaṭo vikaṭānanaḥ / karālākṣaḥ karkaṭako madano dīrghajihvakaḥ

Sanskrit only: no published translation is held for this verse.

हुंबको हलमुल्लुञ्चः कर्कशः कल्किवाहनः । पुल्कसः पुण्ड३केतुश्च चण्डबाहुश्च कुक्कुरः

huṃbako halamulluñcaḥ karkaśaḥ kalkivāhanaḥ / pulkasaḥ puṇḍa3ketuśca caṇḍabāhuśca kukkuraḥ

Sanskrit only: no published translation is held for this verse.

जंबुकाक्षो जृंभणश्च तीक्ष्मशृङ्गस्त्रिकण्टक । चतुर्गुप्तश्चतुर्बाहुश्चकाराक्षश्चतुःशिराः

jaṃbukākṣo jṛṃbhaṇaśca tīkṣmaśṛṅgastrikaṇṭaka / caturguptaścaturbāhuścakārākṣaścatuḥśirāḥ

Sanskrit only: no published translation is held for this verse.

वज्रघोषश्चोर्ध्वकेशो महामायामहाहनुः । मखशत्रुर्मखास्कन्दी सिंहघोषः शिरालकः

vajraghoṣaścordhvakeśo mahāmāyāmahāhanuḥ / makhaśatrurmakhāskandī siṃhaghoṣaḥ śirālakaḥ

Sanskrit only: no published translation is held for this verse.

अन्धकः सिंधुनेत्रश्च कूपकः कूपलोचनः । गुहाक्षो गण्डगल्लश्च चण्डधर्मो यमान्तकः

andhakaḥ siṃdhunetraśca kūpakaḥ kūpalocanaḥ / guhākṣo gaṇḍagallaśca caṇḍadharmo yamāntakaḥ

Sanskrit only: no published translation is held for this verse.

लडुनः पट्टसेनश्च पुरजित्पूर्वमारकः । स्वर्गशत्रुः स्वर्गबलो दुर्गाख्यः स्वर्गकण्टकः

laḍunaḥ paṭṭasenaśca purajitpūrvamārakaḥ / svargaśatruḥ svargabalo durgākhyaḥ svargakaṇṭakaḥ

Sanskrit only: no published translation is held for this verse.

अतिमायो बृहन्माय उपमाय उलूकजित् । पुरुषेणो विषेणश्च कुन्तिषेणः परूषकः

atimāyo bṛhanmāya upamāya ulūkajit / puruṣeṇo viṣeṇaśca kuntiṣeṇaḥ parūṣakaḥ

Sanskrit only: no published translation is held for this verse.

मलकश्च कशूरश्च मङ्गलो द्रघणस्तथा । कोल्लाटः कुजिलाश्वश्च दासेरो बभ्रुवाहनः

malakaśca kaśūraśca maṅgalo draghaṇastathā / kollāṭaḥ kujilāśvaśca dāsero babhruvāhanaḥ

Sanskrit only: no published translation is held for this verse.

दृष्टहासो दृष्टकेतुः परिक्षेप्तापकञ्चुकः । महामहो महादंष्ट्रो दुर्गतिः स्वर्गमेजयः

dṛṣṭahāso dṛṣṭaketuḥ parikṣeptāpakañcukaḥ / mahāmaho mahādaṃṣṭro durgatiḥ svargamejayaḥ

Sanskrit only: no published translation is held for this verse.

षट्केतुः षड्वसुश्चैव षड्दन्त षट्प्रियस्तथा । दुःशठो दुर्विनीतश्च छिन्नकर्णश्च मूषकः

ṣaṭketuḥ ṣaḍvasuścaiva ṣaḍdanta ṣaṭpriyastathā / duḥśaṭho durvinītaśca chinnakarṇaśca mūṣakaḥ

Sanskrit only: no published translation is held for this verse.

अदृहासी महाशी च महाशीर्षो मदोत्कटः । कुम्भोत्कचः कुम्भनासः कुम्भग्रीवो घटोदरः

adṛhāsī mahāśī ca mahāśīrṣo madotkaṭaḥ / kumbhotkacaḥ kumbhanāsaḥ kumbhagrīvo ghaṭodaraḥ

Sanskrit only: no published translation is held for this verse.

अश्वमेढ्रो महाण्डश्च कुम्भाण्डः पूतिनासिकः । पूतिदन्तः पूतिचक्षुः पूत्यास्यः पूतिमेहनः

aśvameḍhro mahāṇḍaśca kumbhāṇḍaḥ pūtināsikaḥ / pūtidantaḥ pūticakṣuḥ pūtyāsyaḥ pūtimehanaḥ

Sanskrit only: no published translation is held for this verse.

इत्येवमादयः शूरा हिरण्यकशिपोः समाः । हिरण्याक्ष समाश्चैव मम पुत्रा महाबलाः

ityevamādayaḥ śūrā hiraṇyakaśipoḥ samāḥ / hiraṇyākṣa samāścaiva mama putrā mahābalāḥ

Sanskrit only: no published translation is held for this verse.

एकैकस्य सुतास्तेषु जाताः शुराः परःशतम् । सेनान्यो मे मदोदुवृत्ता मम पुत्रैरनुद्रुताः

ekaikasya sutāsteṣu jātāḥ śurāḥ paraḥśatam / senānyo me madoduvṛttā mama putrairanudrutāḥ

Sanskrit only: no published translation is held for this verse.

नाशयिष्यन्ति समरे प्रोद्धतानमराधमान् । ये केचित्कुपिता युद्धे सहस्राक्षौहिणी वराः । भस्मशेषा भवेयुस्तै हा हन्त किमुताबला

nāśayiṣyanti samare proddhatānamarādhamān / ye kecitkupitā yuddhe sahasrākṣauhiṇī varāḥ / bhasmaśeṣā bhaveyustai hā hanta kimutābalā

Sanskrit only: no published translation is held for this verse.

मायाविलासाः सर्वे ऽपि तस्याः समरसीमनि । महामायाविनोदाश्च कुप्युस्ते भस्मसाद्बलम्

māyāvilāsāḥ sarve 'pi tasyāḥ samarasīmani / mahāmāyāvinodāśca kupyuste bhasmasādbalam

Sanskrit only: no published translation is held for this verse.

तद्वृथा शङ्कया खिन्नं मा ते भवतु मानसम् । इत्यक्त्वा भण्डदैत्येन्द्रः समुत्थाय नृपासनात्

tadvṛthā śaṅkayā khinnaṃ mā te bhavatu mānasam / ityaktvā bhaṇḍadaityendraḥ samutthāya nṛpāsanāt

Sanskrit only: no published translation is held for this verse.

उवाच निजसेनान्यं कुटिलाक्षं महाबलम् । उत्तिष्ठ रे बलं सर्वं संनाहय समन्ततः

uvāca nijasenānyaṃ kuṭilākṣaṃ mahābalam / uttiṣṭha re balaṃ sarvaṃ saṃnāhaya samantataḥ

Sanskrit only: no published translation is held for this verse.

शून्यकस्य समन्ताच्च द्वारेषु बलमर्पय । दुर्गाणि संगृहाण त्वं कुरुक्षेपणिकाशतम्

śūnyakasya samantācca dvāreṣu balamarpaya / durgāṇi saṃgṛhāṇa tvaṃ kurukṣepaṇikāśatam

Sanskrit only: no published translation is held for this verse.

दुष्टाभिचाराः कर्तव्या मेत्रिभिश्च पुरोहितैः । सज्जीकुरु त्वं शस्त्राणि युद्धमेतदुपस्थितम्

duṣṭābhicārāḥ kartavyā metribhiśca purohitaiḥ / sajjīkuru tvaṃ śastrāṇi yuddhametadupasthitam

Sanskrit only: no published translation is held for this verse.

सेनापतिषु यं केचिदग्रे प्रस्थापयाधुना । अनेकबलसंघातसहितं घोरदर्शनम्

senāpatiṣu yaṃ kecidagre prasthāpayādhunā / anekabalasaṃghātasahitaṃ ghoradarśanam

Sanskrit only: no published translation is held for this verse.

तेन संग्रामसमये सन्निपत्य विनिर्जितम् । केशेष्वाकृष्य तां मूढां देवसत्त्वे न दर्पिताम्

tena saṃgrāmasamaye sannipatya vinirjitam / keśeṣvākṛṣya tāṃ mūḍhāṃ devasattve na darpitām

Sanskrit only: no published translation is held for this verse.

इत्याभाष्य चमूनाथं सहस्रत्रितयाधिपम् । कुटिलाक्षं महासत्त्वं स्वयं चान्तः पुरं ययौ

ityābhāṣya camūnāthaṃ sahasratritayādhipam / kuṭilākṣaṃ mahāsattvaṃ svayaṃ cāntaḥ puraṃ yayau

Sanskrit only: no published translation is held for this verse.

अथापतन्त्याः श्रीदेव्या यात्रानिः साणनिःस्वनाः । अश्रूयन्त च दैत्येन्द्रैरतिकर्णज्वरावहाः

athāpatantyāḥ śrīdevyā yātrāniḥ sāṇaniḥsvanāḥ / aśrūyanta ca daityendrairatikarṇajvarāvahāḥ

Sanskrit only: no published translation is held for this verse.