Brahmāṇḍa Purāṇa 3.22

इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने भण्डासुराहङ्कारो नामैकविंशो ऽध्यायः अथ श्रीललितासेनानिस्साणप्रतिनिस्वनः । उच्चचालसुरेन्द्राणां योद्धतो दुन्दुभिध्वनिः

iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne bhaṇḍāsurāhaṅkāro nāmaikaviṃśo 'dhyāyaḥ atha śrīlalitāsenānissāṇapratinisvanaḥ / uccacālasurendrāṇāṃ yoddhato dundubhidhvaniḥ

Sanskrit only: no published translation is held for this verse.

तेन मर्दितदिक्केन क्षुभ्यद्गर्भपयोधिना । बधिरीकृतलोकेन चकम्पे जगतां त्रयी

tena marditadikkena kṣubhyadgarbhapayodhinā / badhirīkṛtalokena cakampe jagatāṃ trayī

Sanskrit only: no published translation is held for this verse.

मर्दयन्ककुभां वृन्दं भिन्दन्भूधरकन्दराः । पुप्रोथे गगनाभोगे दैत्य निःसाणनिस्वनः

mardayankakubhāṃ vṛndaṃ bhindanbhūdharakandarāḥ / puprothe gaganābhoge daitya niḥsāṇanisvanaḥ

Sanskrit only: no published translation is held for this verse.

महानरहरिक्रुद्धहुङ्कारोद्धतिमद्ध्वनिः । विरसं विररासोच्चैर्विबुधद्वेषिझल्लरी

mahānaraharikruddhahuṅkāroddhatimaddhvaniḥ / virasaṃ virarāsoccairvibudhadveṣijhallarī

Sanskrit only: no published translation is held for this verse.

ततः किलकिलारावमुखरा दैत्यकोटयः । समनह्यन्त संक्रुद्धाः प्रति तां परमेश्वरीम्

tataḥ kilakilārāvamukharā daityakoṭayaḥ / samanahyanta saṃkruddhāḥ prati tāṃ parameśvarīm

Sanskrit only: no published translation is held for this verse.

कश्चिद्रत्नविचित्रेण वर्मणाच्छन्नविग्रहः । चकाशे जङ्गम इव प्रोत्तुङ्गो रोहणाचलः

kaścidratnavicitreṇa varmaṇācchannavigrahaḥ / cakāśe jaṅgama iva prottuṅgo rohaṇācalaḥ

Sanskrit only: no published translation is held for this verse.

कालरात्रिमिवोदग्रां शस्त्रकारेण गोपिताम् । अधुनीत भटः कश्चिदतिधौतां कृपाणिकाम्

kālarātrimivodagrāṃ śastrakāreṇa gopitām / adhunīta bhaṭaḥ kaścidatidhautāṃ kṛpāṇikām

Sanskrit only: no published translation is held for this verse.

उल्ला सयन्कराग्रेण कुन्तपल्लवमेकतः । आरूढतुरगो वीथ्यां चारिभेदं चकार ह

ullā sayankarāgreṇa kuntapallavamekataḥ / ārūḍhaturago vīthyāṃ cāribhedaṃ cakāra ha

Sanskrit only: no published translation is held for this verse.

केचिदारुरुहुर्योधा मातङ्गांस्तुङ्गवर्ष्मणः । उत्पात वातसंपातप्रेरितानिव पर्वतान्

kecidāruruhuryodhā mātaṅgāṃstuṅgavarṣmaṇaḥ / utpāta vātasaṃpātapreritāniva parvatān

Sanskrit only: no published translation is held for this verse.

पट्टिशैर्मुद्गरैश्चैव भिदुरैर्भिण्डिपालकैः । द्रुहणैश्च भुशुण्डीभिः कुठारैर्मुसलैरपि

paṭṭiśairmudgaraiścaiva bhidurairbhiṇḍipālakaiḥ / druhaṇaiśca bhuśuṇḍībhiḥ kuṭhārairmusalairapi

Sanskrit only: no published translation is held for this verse.

गदाभिश्च शतघ्नीभिस्त्रिशिखैर्विशिखैरपि । अर्धचक्रैर्महाचक्रैर्वक्राङ्गैरुरगाननैः

gadābhiśca śataghnībhistriśikhairviśikhairapi / ardhacakrairmahācakrairvakrāṅgairuragānanaiḥ

Sanskrit only: no published translation is held for this verse.

फणिशीर्षप्रभेदैश्च धनुर्भिः शार्ङ्गधन्विभिः । दण्डैः क्षेपणिकाशस्त्रैर्वज्रबाणैर्दृषद्वरैः

phaṇiśīrṣaprabhedaiśca dhanurbhiḥ śārṅgadhanvibhiḥ / daṇḍaiḥ kṣepaṇikāśastrairvajrabāṇairdṛṣadvaraiḥ

Sanskrit only: no published translation is held for this verse.

यवमध्यैर्मुष्टिमध्यैर्वललैः खण्डलैरपि । कटारैः कोणमध्यैश्च फणिदन्तैः परःशतैः

yavamadhyairmuṣṭimadhyairvalalaiḥ khaṇḍalairapi / kaṭāraiḥ koṇamadhyaiśca phaṇidantaiḥ paraḥśataiḥ

Sanskrit only: no published translation is held for this verse.

पाशायुधैः पाशतुण्डैः काकतुण्डैः सहस्रशः । एवमादिभिरत्युग्रैरायुधैर्जीवहारिभिः

pāśāyudhaiḥ pāśatuṇḍaiḥ kākatuṇḍaiḥ sahasraśaḥ / evamādibhiratyugrairāyudhairjīvahāribhiḥ

Sanskrit only: no published translation is held for this verse.

परिकल्पितहस्ताग्रा वर्मिता दैत्यकोटयः । अश्वारोहा गजारोहा गर्दभारोहिणः परे

parikalpitahastāgrā varmitā daityakoṭayaḥ / aśvārohā gajārohā gardabhārohiṇaḥ pare

Sanskrit only: no published translation is held for this verse.

उष्ट्रारोहा वृकारोहा शुनकारोहिणः परे । काकादिरोहिणो गृध्रारोहाः कङ्कादिरोहिणः

uṣṭrārohā vṛkārohā śunakārohiṇaḥ pare / kākādirohiṇo gṛdhrārohāḥ kaṅkādirohiṇaḥ

Sanskrit only: no published translation is held for this verse.

व्याघ्रादिरोहिणश्चान्ये परे सिंहादिरोहिणः । शरभारोहिणश्चान्ये भेरुण्डारोहिणः परे

vyāghrādirohiṇaścānye pare siṃhādirohiṇaḥ / śarabhārohiṇaścānye bheruṇḍārohiṇaḥ pare

Sanskrit only: no published translation is held for this verse.

सूकरारोहिणो व्यालारूढाः प्रेतादिरोहिणः । एवं नानाविधैर्वाहवाहिनो ललितां प्रति

sūkarārohiṇo vyālārūḍhāḥ pretādirohiṇaḥ / evaṃ nānāvidhairvāhavāhino lalitāṃ prati

Sanskrit only: no published translation is held for this verse.

प्रचेलुः प्रबलक्रोधसंमूर्च्छितनिजाशयाः । कुटिलं सैन्यभर्त्तारं दुर्मदं नाम दानवम् । दशाक्षौहिणिकायुक्तं प्राहिणोल्ललितां प्रति

praceluḥ prabalakrodhasaṃmūrcchitanijāśayāḥ / kuṭilaṃ sainyabharttāraṃ durmadaṃ nāma dānavam / daśākṣauhiṇikāyuktaṃ prāhiṇollalitāṃ prati

Sanskrit only: no published translation is held for this verse.

दिधक्षुभिरिवाशेषं विश्वं सह बलोत्कटैः । भटैर्युक्तः स सेनानी ललिताभिमुखे ययौ

didhakṣubhirivāśeṣaṃ viśvaṃ saha balotkaṭaiḥ / bhaṭairyuktaḥ sa senānī lalitābhimukhe yayau

Sanskrit only: no published translation is held for this verse.

भिन्दन्पटहसंरावैश्चतुर्दश जगन्ति सः । अट्टहासान्वितन्वानो दुर्मदस्तन्मुखो ययौ

bhindanpaṭahasaṃrāvaiścaturdaśa jaganti saḥ / aṭṭahāsānvitanvāno durmadastanmukho yayau

Sanskrit only: no published translation is held for this verse.

अथ भण्डासुराज्ञप्तः कुटिलाक्षो महाबलः । शून्यकस्य पुरद्वारे प्रचीने समकल्पयत् । रक्षणार्थं दशाक्षौ हिण्युपेतं तालजङ्घकम्

atha bhaṇḍāsurājñaptaḥ kuṭilākṣo mahābalaḥ / śūnyakasya puradvāre pracīne samakalpayat / rakṣaṇārthaṃ daśākṣau hiṇyupetaṃ tālajaṅghakam

Sanskrit only: no published translation is held for this verse.

अवाचीने पुरद्वारे दशाक्षौहिणिकायुतम् । नाम्ना तालभुजं दैत्यं रक्षणार्थमकल्पयत्

avācīne puradvāre daśākṣauhiṇikāyutam / nāmnā tālabhujaṃ daityaṃ rakṣaṇārthamakalpayat

Sanskrit only: no published translation is held for this verse.

प्रतीचीने पुरद्वारे दशाक्षौहिणिकायुतम् । तालग्रीवं नाम दैत्यं रक्षार्थं समकल्पयत्

pratīcīne puradvāre daśākṣauhiṇikāyutam / tālagrīvaṃ nāma daityaṃ rakṣārthaṃ samakalpayat

Sanskrit only: no published translation is held for this verse.

उत्तरे तु पुरद्वारे तालकेतुं महा बलम् । आदिदेश स रक्षार्थं दशाक्षौहिणिकायुतम्

uttare tu puradvāre tālaketuṃ mahā balam / ādideśa sa rakṣārthaṃ daśākṣauhiṇikāyutam

Sanskrit only: no published translation is held for this verse.

पुरस्य सालवलये कपिशीर्षकवेश्मसु । मण्डलाकारतो वस्तुन्दशाक्षौहिणिमादिशत्

purasya sālavalaye kapiśīrṣakaveśmasu / maṇḍalākārato vastundaśākṣauhiṇimādiśat

Sanskrit only: no published translation is held for this verse.

एवं पञ्चाशता कृत्वाक्षौहिण्या पुररक्षणम् । शून्यकस्य पुरस्यैव तद्वृत्तं स्वामिने ऽवदत्

evaṃ pañcāśatā kṛtvākṣauhiṇyā purarakṣaṇam / śūnyakasya purasyaiva tadvṛttaṃ svāmine 'vadat

Sanskrit only: no published translation is held for this verse.

कुटिलाक्ष उवाच देव त्वदाज्ञया दत्तं सैन्यं नगररक्षणे । दुर्मदः प्रेषितः पूर्वं दुष्टां तां ललितां प्रति

kuṭilākṣa uvāca deva tvadājñayā dattaṃ sainyaṃ nagararakṣaṇe / durmadaḥ preṣitaḥ pūrvaṃ duṣṭāṃ tāṃ lalitāṃ prati

Sanskrit only: no published translation is held for this verse.

अस्मत्किङ्कर मात्रेण सुनिराशा हि साबला । तथापि राज्ञामाचारः कर्त्तव्यं पुररक्षणम्

asmatkiṅkara mātreṇa sunirāśā hi sābalā / tathāpi rājñāmācāraḥ karttavyaṃ purarakṣaṇam

Sanskrit only: no published translation is held for this verse.

इत्युक्त्वा भण्डदैत्येन्द्रं कुबिलाक्षो ऽतिगर्वितः । स्वसैन्यं सज्जयामास सेनापतिभिरन्वितः

ityuktvā bhaṇḍadaityendraṃ kubilākṣo 'tigarvitaḥ / svasainyaṃ sajjayāmāsa senāpatibhiranvitaḥ

Sanskrit only: no published translation is held for this verse.

दूतस्तु प्रेषितः पूर्वं कुटिलाक्षेण दानवः । स ध्वनन्ध्वजिनीयुक्तो ललितासैन्य मावृणोत्

dūtastu preṣitaḥ pūrvaṃ kuṭilākṣeṇa dānavaḥ / sa dhvanandhvajinīyukto lalitāsainya māvṛṇot

Sanskrit only: no published translation is held for this verse.

कृत्वा किलकिलारावं भटास्तत्र सहस्रशः । दोधूयमानैरसिभिर्निपेतुः शक्तिसैनिकैः

kṛtvā kilakilārāvaṃ bhaṭāstatra sahasraśaḥ / dodhūyamānairasibhirnipetuḥ śaktisainikaiḥ

Sanskrit only: no published translation is held for this verse.

ताश्च शक्त्य उद्दण्डाः स्फुरिताट्टहसस्वनाः । देदीप्यमानशस्त्राभाः समयुध्यन्त दानवैः

tāśca śaktya uddaṇḍāḥ sphuritāṭṭahasasvanāḥ / dedīpyamānaśastrābhāḥ samayudhyanta dānavaiḥ

Sanskrit only: no published translation is held for this verse.

शक्तीनां दानवानां च संशोभितजगत्त्रयः । समवर्तत संग्रामो धूलिग्रामतताम्बरः

śaktīnāṃ dānavānāṃ ca saṃśobhitajagattrayaḥ / samavartata saṃgrāmo dhūligrāmatatāmbaraḥ

Sanskrit only: no published translation is held for this verse.

रथवंशेषु मूर्च्छन्त्यः करिकण्ठैः प्रपञ्चिताः । अश्वनिःश्वासविक्षिप्ता धूलयः रवं प्रपेदिरे

rathavaṃśeṣu mūrcchantyaḥ karikaṇṭhaiḥ prapañcitāḥ / aśvaniḥśvāsavikṣiptā dhūlayaḥ ravaṃ prapedire

Sanskrit only: no published translation is held for this verse.

तमापतन्तमालोक्य दशाक्षौहिणिकावृतम् । संपत्सरस्वती क्रोधादभिदुद्राव संगरे

tamāpatantamālokya daśākṣauhiṇikāvṛtam / saṃpatsarasvatī krodhādabhidudrāva saṃgare

Sanskrit only: no published translation is held for this verse.

सम्पत्करीसमानाभिः शक्तिभिः समधिष्ठिताः । अश्वाश्च दन्तिनो मत्ता व्यमर्दन्दानत्रीं चमुम्

sampatkarīsamānābhiḥ śaktibhiḥ samadhiṣṭhitāḥ / aśvāśca dantino mattā vyamardandānatrīṃ camum

Sanskrit only: no published translation is held for this verse.

अन्योन्यतुमुले युद्धे जाते किलिकिलारवे । धूलीषु धूयमानासु ताड्यमानासु भेरिषु

anyonyatumule yuddhe jāte kilikilārave / dhūlīṣu dhūyamānāsu tāḍyamānāsu bheriṣu

Sanskrit only: no published translation is held for this verse.

इतस्ततः प्रववृधे रक्तसिन्धुर्महीयसी । शक्तिभिः पात्यमानानां दानवानां सहस्रशः

itastataḥ pravavṛdhe raktasindhurmahīyasī / śaktibhiḥ pātyamānānāṃ dānavānāṃ sahasraśaḥ

Sanskrit only: no published translation is held for this verse.

ध्वजानि लुठितान्यासन्विलूनानि शिलीमुखैः । विस्रस्ततत्तच्छिह्नानि समं छत्रकदम्बकैः

dhvajāni luṭhitānyāsanvilūnāni śilīmukhaiḥ / visrastatattacchihnāni samaṃ chatrakadambakaiḥ

Sanskrit only: no published translation is held for this verse.

रक्तारुणायां युद्धोर्व्यां पतितैश्छत्रमण्डलैः । आलंबि तुलना संध्यारक्ताभ्रहिमरोचिषा

raktāruṇāyāṃ yuddhorvyāṃ patitaiśchatramaṇḍalaiḥ / ālaṃbi tulanā saṃdhyāraktābhrahimarociṣā

Sanskrit only: no published translation is held for this verse.

ज्वालाकपालः कल्पाग्निरिव चारुपयोनिधौ । दैत्यसैन्यानि निवहाः शक्तीनां पर्यवारयन्

jvālākapālaḥ kalpāgniriva cārupayonidhau / daityasainyāni nivahāḥ śaktīnāṃ paryavārayan

Sanskrit only: no published translation is held for this verse.

शक्तिच्छन्दोज्ज्वलच्छस्त्रधारानिष्कृत्तकन्धराः । दानवानां रणतले निपेतुर्मुण्डराशयः

śakticchandojjvalacchastradhārāniṣkṛttakandharāḥ / dānavānāṃ raṇatale nipeturmuṇḍarāśayaḥ

Sanskrit only: no published translation is held for this verse.

दष्टौष्ठैर्भ्रुकुटीक्रूरैः क्रोधसंरक्तलोचनैः । मुण्डैरखण्डमभवत्संग्रामधरणीतलम्

daṣṭauṣṭhairbhrukuṭīkrūraiḥ krodhasaṃraktalocanaiḥ / muṇḍairakhaṇḍamabhavatsaṃgrāmadharaṇītalam

Sanskrit only: no published translation is held for this verse.

एवं प्रवृत्ते समये जगच्चक्रभयङ्करे । शक्तयो भृशसंक्रुद्धा दैत्यसेनाममर्दयन्

evaṃ pravṛtte samaye jagaccakrabhayaṅkare / śaktayo bhṛśasaṃkruddhā daityasenāmamardayan

Sanskrit only: no published translation is held for this verse.

इतस्ततः शक्तिशस्त्रैस्ताडिता मूर्च्छिता इति । विनेशुर्दानवास्तत्र संपद्देवीबलाहताः

itastataḥ śaktiśastraistāḍitā mūrcchitā iti / vineśurdānavāstatra saṃpaddevībalāhatāḥ

Sanskrit only: no published translation is held for this verse.

अथ भग्नं समाश्वास्य निजं बलमरिन्दमः । उष्ट्रमारुह्य सहसा दुर्मदो ऽभ्यद्रवच्चमुम्

atha bhagnaṃ samāśvāsya nijaṃ balamarindamaḥ / uṣṭramāruhya sahasā durmado 'bhyadravaccamum

Sanskrit only: no published translation is held for this verse.

दीर्घग्रीवः समुन्नद्धः पृष्ठे निष्ठुरतोदनः । अधिष्ठितो दुर्मदेन वाहनोष्ट्रश्चचाल ह

dīrghagrīvaḥ samunnaddhaḥ pṛṣṭhe niṣṭhuratodanaḥ / adhiṣṭhito durmadena vāhanoṣṭraścacāla ha

Sanskrit only: no published translation is held for this verse.

तमुष्ट्रवाहनं दुष्टमन्वीयुः क्रुद्धचेतसः । दानावनश्वसत्सर्वान्भीताञ्छक्तियुयुत्सया

tamuṣṭravāhanaṃ duṣṭamanvīyuḥ kruddhacetasaḥ / dānāvanaśvasatsarvānbhītāñchaktiyuyutsayā

Sanskrit only: no published translation is held for this verse.

अवाकिरद्दिशो भल्लैरुल्लसत्फलशालिभिः । संपत्करीचमूचक्रं वनं वार्भिरिवांबुदः

avākiraddiśo bhallairullasatphalaśālibhiḥ / saṃpatkarīcamūcakraṃ vanaṃ vārbhirivāṃbudaḥ

Sanskrit only: no published translation is held for this verse.

तेन दुःसहसत्त्वेन ताडिता बहुभिः शरैः । स्तंभितेवाभवत्सेना संपत्कर्याः क्षणं रणे

tena duḥsahasattvena tāḍitā bahubhiḥ śaraiḥ / staṃbhitevābhavatsenā saṃpatkaryāḥ kṣaṇaṃ raṇe

Sanskrit only: no published translation is held for this verse.

अथ क्रोधारुणं चक्षुर्दधाना संपदंबिका । रणकोलाहलगजमारूढायुध्यतामुना

atha krodhāruṇaṃ cakṣurdadhānā saṃpadaṃbikā / raṇakolāhalagajamārūḍhāyudhyatāmunā

Sanskrit only: no published translation is held for this verse.

आलोलकङ्कणक्वाणरमणीयतरः करः । तस्याश्चाकृष्य कोदण्डमौर्वीमाकर्णमाहवे

ālolakaṅkaṇakvāṇaramaṇīyataraḥ karaḥ / tasyāścākṛṣya kodaṇḍamaurvīmākarṇamāhave

Sanskrit only: no published translation is held for this verse.

लघुहस्ततयापश्यन्नाकृष्टन्न च मोक्षणम् । ददृशे घनुषश्चक्रं केवलं शरधारणे

laghuhastatayāpaśyannākṛṣṭanna ca mokṣaṇam / dadṛśe ghanuṣaścakraṃ kevalaṃ śaradhāraṇe

Sanskrit only: no published translation is held for this verse.

आश्वर्काबरसंपर्कस्फुटप्रतिफलत्फलाः । शराः सम्पत्करीचापच्युताः समदहन्नरीन्

āśvarkābarasaṃparkasphuṭapratiphalatphalāḥ / śarāḥ sampatkarīcāpacyutāḥ samadahannarīn

Sanskrit only: no published translation is held for this verse.

दुर्मदस्याथ तस्याश्च समभूद्युद्धमुद्धतम् । अभूदन्योन्यसंघट्टाद्विस्फुलिङ्गशिलीमुखैः

durmadasyātha tasyāśca samabhūdyuddhamuddhatam / abhūdanyonyasaṃghaṭṭādvisphuliṅgaśilīmukhaiḥ

Sanskrit only: no published translation is held for this verse.

प्रथमं प्रसृतैर्बाणैः सम्पद्देवीसुरद्विषोः । अन्धकारः समभवत्तिरस्कुर्वन्नहस्करम्

prathamaṃ prasṛtairbāṇaiḥ sampaddevīsuradviṣoḥ / andhakāraḥ samabhavattiraskurvannahaskaram

Sanskrit only: no published translation is held for this verse.

तदन्तरे च बाणानामतिसंघट्टयोनयः । विष्फुलिङ्गा विदधिरे दधिरे भ्रमचातुरीम्

tadantare ca bāṇānāmatisaṃghaṭṭayonayaḥ / viṣphuliṅgā vidadhire dadhire bhramacāturīm

Sanskrit only: no published translation is held for this verse.

तयाधिरूढः संश्रोण्यारणकोलाहलः करी । पराक्रमं बहुविधं दर्शयामास संगरे

tayādhirūḍhaḥ saṃśroṇyāraṇakolāhalaḥ karī / parākramaṃ bahuvidhaṃ darśayāmāsa saṃgare

Sanskrit only: no published translation is held for this verse.

करेण कतिचिद्दैत्यान्पादघातेन कांश्चन । उदग्रदन्तमुसलघातैरन्यांश्च दानवान्

kareṇa katiciddaityānpādaghātena kāṃścana / udagradantamusalaghātairanyāṃśca dānavān

Sanskrit only: no published translation is held for this verse.

वालकाण्डहतैरन्यान्फेत्कारैरपरान्रिपून् । गात्रव्यामर्द्दनैरन्यान्नखघातैस्तथापरान्

vālakāṇḍahatairanyānphetkārairaparānripūn / gātravyāmarddanairanyānnakhaghātaistathāparān

Sanskrit only: no published translation is held for this verse.

पृथुमानाभिघातेन कांश्चिद्दैत्यन्व्यमर्दयत् । चतुरं चरितं चक्रे संपद्देवीमतङ्गजः

pṛthumānābhighātena kāṃściddaityanvyamardayat / caturaṃ caritaṃ cakre saṃpaddevīmataṅgajaḥ

Sanskrit only: no published translation is held for this verse.

सुदुर्मदः क्रुधा रक्तो दृढेनैकेन पत्रिणा । संपत्करीमुकुटगं मणिमेकमपाहरत्

sudurmadaḥ krudhā rakto dṛḍhenaikena patriṇā / saṃpatkarīmukuṭagaṃ maṇimekamapāharat

Sanskrit only: no published translation is held for this verse.

अथ क्रोधारुणदृशा तया मुक्तैः शिलीमुखैः । विक्षतो वक्षसि क्षिप्रं दुर्मदो जीवितं जहौ

atha krodhāruṇadṛśā tayā muktaiḥ śilīmukhaiḥ / vikṣato vakṣasi kṣipraṃ durmado jīvitaṃ jahau

Sanskrit only: no published translation is held for this verse.

ततः किलकिला रावं कृत्वा शक्तिचमूवरैः । तत्सैनिकवरास्त्वन्ये निहता दानवोत्तमाः

tataḥ kilakilā rāvaṃ kṛtvā śakticamūvaraiḥ / tatsainikavarāstvanye nihatā dānavottamāḥ

Sanskrit only: no published translation is held for this verse.

हतावशिष्टा दैत्यास्तु शक्तिबाणैः खिलीकृताः । पलायिता रणक्षोण्याः शून्यकं पुरमाश्रयन्

hatāvaśiṣṭā daityāstu śaktibāṇaiḥ khilīkṛtāḥ / palāyitā raṇakṣoṇyāḥ śūnyakaṃ puramāśrayan

Sanskrit only: no published translation is held for this verse.

तद्वृत्तान्तमथाकर्ण्य संक्रुद्धो दानवेश्वरः

tadvṛttāntamathākarṇya saṃkruddho dānaveśvaraḥ

Sanskrit only: no published translation is held for this verse.

प्रचण्डेन प्रभावेण दीप्यमान इवात्मनि । स पस्पर्श नियुद्धाय खड्गमुग्रविलोचनः । कुटिलाक्षं निकटगं बभाषे पृतनापतिम्

pracaṇḍena prabhāveṇa dīpyamāna ivātmani / sa pasparśa niyuddhāya khaḍgamugravilocanaḥ / kuṭilākṣaṃ nikaṭagaṃ babhāṣe pṛtanāpatim

Sanskrit only: no published translation is held for this verse.

कथं सा दुष्टवनिता दुर्मदं बलशालिनम् । निपातितवती युद्धे कष्ट एव विधेः क्रमः

kathaṃ sā duṣṭavanitā durmadaṃ balaśālinam / nipātitavatī yuddhe kaṣṭa eva vidheḥ kramaḥ

Sanskrit only: no published translation is held for this verse.

न सुरेषु न यक्षेषु नोरगेन्द्रेषु यद्बलम् । अभूत्प्रतिहतं सो ऽपि दुर्मदो ऽबलया हतः

na sureṣu na yakṣeṣu noragendreṣu yadbalam / abhūtpratihataṃ so 'pi durmado 'balayā hataḥ

Sanskrit only: no published translation is held for this verse.

तां दुष्टवनितां जेतुमाक्रष्टुं च कचं हठात् । सेनापतिं कुरण्डाख्यं प्रेषयाहवदुर्मदम्

tāṃ duṣṭavanitāṃ jetumākraṣṭuṃ ca kacaṃ haṭhāt / senāpatiṃ kuraṇḍākhyaṃ preṣayāhavadurmadam

Sanskrit only: no published translation is held for this verse.

एति संप्रोषितस्तेन कुटिलाक्षो महापलम् । कुरण्डं चण्डदोर्द्दण्डमाजुहाव प्रभोः पुरः

eti saṃproṣitastena kuṭilākṣo mahāpalam / kuraṇḍaṃ caṇḍadorddaṇḍamājuhāva prabhoḥ puraḥ

Sanskrit only: no published translation is held for this verse.

स कुरण्डः समागत्य प्रणाम स्वामिने ऽदिशत् । उवाच कुटिलाक्षस्तं गच्छ सज्जय सैनिकान्

sa kuraṇḍaḥ samāgatya praṇāma svāmine 'diśat / uvāca kuṭilākṣastaṃ gaccha sajjaya sainikān

Sanskrit only: no published translation is held for this verse.

मायायां चतुरो ऽसि त्वं चित्रयुद्धविशारद । कूटयुद्धे च निपुणस्तां स्त्रियं परिमर्दय

māyāyāṃ caturo 'si tvaṃ citrayuddhaviśārada / kūṭayuddhe ca nipuṇastāṃ striyaṃ parimardaya

Sanskrit only: no published translation is held for this verse.

इति स्वामिपुरस्तेन कुटिलाक्षेण देशितः । निर्जगाम पुरात्तूर्णं कुरण्डश्चण्डविक्रमः

iti svāmipurastena kuṭilākṣeṇa deśitaḥ / nirjagāma purāttūrṇaṃ kuraṇḍaścaṇḍavikramaḥ

Sanskrit only: no published translation is held for this verse.

विंशत्यक्षौहिणीभिश्च समन्तात्परिवारितः । मर्दयन्स महीगोलं हस्तिवाजिपदातिभिः । दुर्मदस्याग्रजश्चण्डः कुरण्डः समरं ययौ

viṃśatyakṣauhiṇībhiśca samantātparivāritaḥ / mardayansa mahīgolaṃ hastivājipadātibhiḥ / durmadasyāgrajaścaṇḍaḥ kuraṇḍaḥ samaraṃ yayau

Sanskrit only: no published translation is held for this verse.

दूलीभिस्तुमुलीकुर्वन्दिगन्तं धीरमानसः । शोकरोषग्रहग्रस्तो जवनाश्वगतो ययौ

dūlībhistumulīkurvandigantaṃ dhīramānasaḥ / śokaroṣagrahagrasto javanāśvagato yayau

Sanskrit only: no published translation is held for this verse.

शार्ङ्गं धनुः समादाय घोरटङ्कारमुत्स्वनम् । ववर्ष शरधारभिः संपत्कर्या महाचमूम्

śārṅgaṃ dhanuḥ samādāya ghoraṭaṅkāramutsvanam / vavarṣa śaradhārabhiḥ saṃpatkaryā mahācamūm

Sanskrit only: no published translation is held for this verse.

पापे मदनुजं हत्वा दुर्मदं युद्धदुर्मदम् । वृथा वहसि विक्रान्तिलवलेशं महामदम्

pāpe madanujaṃ hatvā durmadaṃ yuddhadurmadam / vṛthā vahasi vikrāntilavaleśaṃ mahāmadam

Sanskrit only: no published translation is held for this verse.

इदानीं चैव भवतीमेतैर्नाराचमण्डलैः । अन्तकस्य पुरीमत्र प्रापयिष्यामि पश्य माम्

idānīṃ caiva bhavatīmetairnārācamaṇḍalaiḥ / antakasya purīmatra prāpayiṣyāmi paśya mām

Sanskrit only: no published translation is held for this verse.

अतिहृद्यमतिस्वादु त्वद्वपुर्बिलनिर्गतम् । अपूर्वमङ्गनारक्तं पिबन्तु रणपूतनाः

atihṛdyamatisvādu tvadvapurbilanirgatam / apūrvamaṅganāraktaṃ pibantu raṇapūtanāḥ

Sanskrit only: no published translation is held for this verse.

ममानुजवधोत्थस्य प्रत्यवायस्य तत्फलम् । अधुना भोक्ष्यसे दुष्टे पश्य मे भुजयोर्बलम्

mamānujavadhotthasya pratyavāyasya tatphalam / adhunā bhokṣyase duṣṭe paśya me bhujayorbalam

Sanskrit only: no published translation is held for this verse.

इति संतर्जयन्संपत्करीं करिवरस्थिताम् । सैन्यं प्रोत्साहयामास शक्तिसेनाविमर्दने

iti saṃtarjayansaṃpatkarīṃ karivarasthitām / sainyaṃ protsāhayāmāsa śaktisenāvimardane

Sanskrit only: no published translation is held for this verse.

अथ तां पृतनां चण्डी कुरण्डस्य महौजसः । विमर्दयितुमुद्युक्ता स्वसैन्यं प्रोदसीसहत्

atha tāṃ pṛtanāṃ caṇḍī kuraṇḍasya mahaujasaḥ / vimardayitumudyuktā svasainyaṃ prodasīsahat

Sanskrit only: no published translation is held for this verse.

अपुर्वाहवसंजातकौतुकाथ जगाद ताम् । अश्वरूढा समागत्य सस्नेहार्द्रमिदं वचः

apurvāhavasaṃjātakautukātha jagāda tām / aśvarūḍhā samāgatya sasnehārdramidaṃ vacaḥ

Sanskrit only: no published translation is held for this verse.

सखि संपत्करि प्रीत्या मम वाणी निशम्यतम् । अस्य युद्धमिदं देहि मम कर्तुं गुणोत्तरम्

sakhi saṃpatkari prītyā mama vāṇī niśamyatam / asya yuddhamidaṃ dehi mama kartuṃ guṇottaram

Sanskrit only: no published translation is held for this verse.

क्षणं सहस्व समरे मयैवैष नियोत्स्यते । याचितासि सखित्वेन नात्र संशयमाचर

kṣaṇaṃ sahasva samare mayaivaiṣa niyotsyate / yācitāsi sakhitvena nātra saṃśayamācara

Sanskrit only: no published translation is held for this verse.

इति तस्या वचः श्रुत्वा संपद्देव्या शुचिस्मिता । निवर्तयामास चमूङ्कुरुण्डाभिमुखोत्थिताम्

iti tasyā vacaḥ śrutvā saṃpaddevyā śucismitā / nivartayāmāsa camūṅkuruṇḍābhimukhotthitām

Sanskrit only: no published translation is held for this verse.

अथ बालार्कवर्णाभिः शक्तिभिः समधिष्ठिताः । तरङ्गा इव सैन्याब्धेस्तुरङ्गा वातरंहसः

atha bālārkavarṇābhiḥ śaktibhiḥ samadhiṣṭhitāḥ / taraṅgā iva sainyābdhesturaṅgā vātaraṃhasaḥ

Sanskrit only: no published translation is held for this verse.

खरैः खुरपुटैः क्षोणीमुल्लिखन्तो मुहुर्मुहुः । पेतुरेकप्रवाहेण कुरण्डस्य चमूमुखे

kharaiḥ khurapuṭaiḥ kṣoṇīmullikhanto muhurmuhuḥ / peturekapravāheṇa kuraṇḍasya camūmukhe

Sanskrit only: no published translation is held for this verse.

वल्गाविभागकृत्येषु संवर्तनविवर्तने । घतिभेदेषु चारेषु पञ्चधा खुरपातने

valgāvibhāgakṛtyeṣu saṃvartanavivartane / ghatibhedeṣu cāreṣu pañcadhā khurapātane

Sanskrit only: no published translation is held for this verse.

प्रोत्साहने च संज्ञाभिः करपादाग्रयोनिभिः । चतुराभिस्तुरङ्गस्य हृदयज्ञाभिराहवे

protsāhane ca saṃjñābhiḥ karapādāgrayonibhiḥ / caturābhisturaṅgasya hṛdayajñābhirāhave

Sanskrit only: no published translation is held for this verse.

अश्वारूढांबिकासैन्यशक्तिभिः सह दानवाः । प्रोत्साहिताः कुरण्डेन समयुध्यन्त दुर्मदाः

aśvārūḍhāṃbikāsainyaśaktibhiḥ saha dānavāḥ / protsāhitāḥ kuraṇḍena samayudhyanta durmadāḥ

Sanskrit only: no published translation is held for this verse.

एवं प्रवृत्ते समरे शक्तीनां च सुरद्विषाम् । अपराजितनामानं हयमारुह्य वेगिनम् । अभ्यद्रवद्दुराचारमश्वारूढाः कुरण्डकम्

evaṃ pravṛtte samare śaktīnāṃ ca suradviṣām / aparājitanāmānaṃ hayamāruhya veginam / abhyadravaddurācāramaśvārūḍhāḥ kuraṇḍakam

Sanskrit only: no published translation is held for this verse.

प्रचलद्वेणिसुभगा शरच्चन्द्रकलोज्ज्वला । संध्यानुरक्तशीतांशुमण्डलीसुंदरानना

pracaladveṇisubhagā śaraccandrakalojjvalā / saṃdhyānuraktaśītāṃśumaṇḍalīsuṃdarānanā

Sanskrit only: no published translation is held for this verse.

स्मयमानेव समरे गृहीतमणिकार्मुका । अवाकिरच्छरासारैः कुरण्डं तुरगानना

smayamāneva samare gṛhītamaṇikārmukā / avākiraccharāsāraiḥ kuraṇḍaṃ turagānanā

Sanskrit only: no published translation is held for this verse.

तुरगारूढयोत्क्षिप्ताः समाक्रामन्दिगन्तरान् । दिशो दश व्यानशिरे रुक्मपुङ्खाः शिलीमुखाः

turagārūḍhayotkṣiptāḥ samākrāmandigantarān / diśo daśa vyānaśire rukmapuṅkhāḥ śilīmukhāḥ

Sanskrit only: no published translation is held for this verse.

दुर्मदस्याग्रजः क्रुद्धः कुरण्डश्चण्डविक्रमः । विशिखैः शार्ङ्गनिष्ठ्यूतैरश्वारूढा मवाकिरत्

durmadasyāgrajaḥ kruddhaḥ kuraṇḍaścaṇḍavikramaḥ / viśikhaiḥ śārṅganiṣṭhyūtairaśvārūḍhā mavākirat

Sanskrit only: no published translation is held for this verse.

चण्डैः खुरपुटैः सैन्यं खण्डयन्नतिवेगतः । अश्वारूढातुरङ्गो ऽपि मर्दयामास दानवान्

caṇḍaiḥ khurapuṭaiḥ sainyaṃ khaṇḍayannativegataḥ / aśvārūḍhāturaṅgo 'pi mardayāmāsa dānavān

Sanskrit only: no published translation is held for this verse.

तस्या हेषारवाद्दूरमुत्पातांबुधिनिःस्वनः । अमूर्च्छयन्ननेकानि तस्यानीतानि वैरिणः

tasyā heṣāravāddūramutpātāṃbudhiniḥsvanaḥ / amūrcchayannanekāni tasyānītāni vairiṇaḥ

Sanskrit only: no published translation is held for this verse.

इतस्ततः प्रचलितैर्दैत्यचक्रे हयासना । निजं पाशायुधं दिव्यं मुमोच ज्वलिताकृति

itastataḥ pracalitairdaityacakre hayāsanā / nijaṃ pāśāyudhaṃ divyaṃ mumoca jvalitākṛti

Sanskrit only: no published translation is held for this verse.

तस्मात्पाशात्कोटिशो ऽन्ये पाशा भुजगभीषणाः । समस्तमपि तत्सैन्यं बद्ध्वाबद्ध्वा व्यमूर्छयन्

tasmātpāśātkoṭiśo 'nye pāśā bhujagabhīṣaṇāḥ / samastamapi tatsainyaṃ baddhvābaddhvā vyamūrchayan

Sanskrit only: no published translation is held for this verse.

थ सैनिकबन्धेन क्रुद्धः स च कुरण्डकः । सरेणैकेन चिच्छेद तस्या मणिधनुर्गुणम्

tha sainikabandhena kruddhaḥ sa ca kuraṇḍakaḥ / sareṇaikena ciccheda tasyā maṇidhanurguṇam

Sanskrit only: no published translation is held for this verse.

छिन्नमौर्वि धनुस्त्यक्त्वा भृशङ्क्रुद्धा हयासना । अङ्कुशं पातयामास तस्य वक्षसि दुर्मतेः

chinnamaurvi dhanustyaktvā bhṛśaṅkruddhā hayāsanā / aṅkuśaṃ pātayāmāsa tasya vakṣasi durmateḥ

Sanskrit only: no published translation is held for this verse.

तेनाङ्कुशेन ज्वलता पीतजीवितशोणितः । कुरण्डो न्यपतद्भूमौ वज्ररुग्ण इव द्रुमः

tenāṅkuśena jvalatā pītajīvitaśoṇitaḥ / kuraṇḍo nyapatadbhūmau vajrarugṇa iva drumaḥ

Sanskrit only: no published translation is held for this verse.

तदङ्कुशविनिष्ठ्यूताः पुतनाः काश्चिदुद्भटाः । तत्सैन्यं पाशनिष्यन्दं भक्षयित्वा क्षयं गताः

tadaṅkuśaviniṣṭhyūtāḥ putanāḥ kāścidudbhaṭāḥ / tatsainyaṃ pāśaniṣyandaṃ bhakṣayitvā kṣayaṃ gatāḥ

Sanskrit only: no published translation is held for this verse.

इत्थं कुरुण्डे निहते विंशत्यक्षौहिणीपतौ । हतावशिष्टास्ते दैत्याः प्रपलायन्त वै द्रुतम्

itthaṃ kuruṇḍe nihate viṃśatyakṣauhiṇīpatau / hatāvaśiṣṭāste daityāḥ prapalāyanta vai drutam

Sanskrit only: no published translation is held for this verse.

कुरण्डं सानुजं युद्धे शक्तिसैन्यैर्निपातितम् । श्रुत्वा शून्यकनाथो ऽपि निशश्वास भुजङ्गवत्

kuraṇḍaṃ sānujaṃ yuddhe śaktisainyairnipātitam / śrutvā śūnyakanātho 'pi niśaśvāsa bhujaṅgavat

Sanskrit only: no published translation is held for this verse.