Brahmāṇḍa Purāṇa 3.25

इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने बलाहकादिसप्तसेनापतिवधो नाम चतुर्विंशो ऽध्यायः ततः श्रुत्वा वधं तेषां तपोबलवतामपि । न्यश्वसत्कृष्णसर्पेन्द्र इव भण्डो महासुरः

iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne balāhakādisaptasenāpativadho nāma caturviṃśo 'dhyāyaḥ tataḥ śrutvā vadhaṃ teṣāṃ tapobalavatāmapi / nyaśvasatkṛṣṇasarpendra iva bhaṇḍo mahāsuraḥ

Sanskrit only: no published translation is held for this verse.

एकान्ते मन्त्रयामास स आहूय महोदरौ । भण्डः प्रचण्डशैण्डीर्यः काङ्क्षमाणो रणे जयम्

ekānte mantrayāmāsa sa āhūya mahodarau / bhaṇḍaḥ pracaṇḍaśaiṇḍīryaḥ kāṅkṣamāṇo raṇe jayam

Sanskrit only: no published translation is held for this verse.

युवराजो ऽपि सक्रोधो विषङ्गेण यवीयसा । भण्डासुरं नमस्कृत्य मन्त्रस्थानमुपागमत्

yuvarājo 'pi sakrodho viṣaṅgeṇa yavīyasā / bhaṇḍāsuraṃ namaskṛtya mantrasthānamupāgamat

Sanskrit only: no published translation is held for this verse.

अत्याप्तैर्मन्त्रिभिर्युक्तः कुटिलाक्षपुरःसरैः । ललिताविजये मन्त्रं चकार क्वथिताश्यः

atyāptairmantribhiryuktaḥ kuṭilākṣapuraḥsaraiḥ / lalitāvijaye mantraṃ cakāra kvathitāśyaḥ

Sanskrit only: no published translation is held for this verse.

भण्ड उवाच अहो बत कुलभ्रंशः समायातः सुरद्विषाम् । उपेक्षामधुना कर्तुं प्रवृत्तो बलवान्विधिः

bhaṇḍa uvāca aho bata kulabhraṃśaḥ samāyātaḥ suradviṣām / upekṣāmadhunā kartuṃ pravṛtto balavānvidhiḥ

Sanskrit only: no published translation is held for this verse.

मद्भृत्यनाममात्रेण विद्रवन्ति दिवौकसः । तादृशानामिहास्माकमागतो ऽयं विपर्ययः

madbhṛtyanāmamātreṇa vidravanti divaukasaḥ / tādṛśānāmihāsmākamāgato 'yaṃ viparyayaḥ

Sanskrit only: no published translation is held for this verse.

करोति बलिनं क्लीबं धनिनं धनवर्जितम् । दीर्घायुषमनायुष्कं दुर्धाता भवितव्यता

karoti balinaṃ klībaṃ dhaninaṃ dhanavarjitam / dīrghāyuṣamanāyuṣkaṃ durdhātā bhavitavyatā

Sanskrit only: no published translation is held for this verse.

क्व सत्त्वमस्मद्बाहुनां क्वेयं दुर्ल्ललिता वधूः । अकाण्ड एव विधिना कृतो ऽयं निष्ठुरो विधिः

kva sattvamasmadbāhunāṃ kveyaṃ durllalitā vadhūḥ / akāṇḍa eva vidhinā kṛto 'yaṃ niṣṭhuro vidhiḥ

Sanskrit only: no published translation is held for this verse.

सर्पिणीमाययोदग्रास्तंया दुर्घटशौर्यया । अधिसंग्रामभूचक्रे सेनान्यो विनिपातिताः

sarpiṇīmāyayodagrāstaṃyā durghaṭaśauryayā / adhisaṃgrāmabhūcakre senānyo vinipātitāḥ

Sanskrit only: no published translation is held for this verse.

एवमुद्दामदर्पाढ्या वनिता कापि मायिनी । यदि संप्रहरत्यस्मान्धिग्बलं नो भुजार्जितम्

evamuddāmadarpāḍhyā vanitā kāpi māyinī / yadi saṃpraharatyasmāndhigbalaṃ no bhujārjitam

Sanskrit only: no published translation is held for this verse.

इमं प्रसंगं वक्तुं च जिह्वा जिह्वेति मामकी । वनिता किमु मत्सैन्यं मर्द यिष्यति दुर्मदा

imaṃ prasaṃgaṃ vaktuṃ ca jihvā jihveti māmakī / vanitā kimu matsainyaṃ marda yiṣyati durmadā

Sanskrit only: no published translation is held for this verse.

तदत्र मूलच्छेदाय तस्या यत्नो विधीयताम् । मया चारमुखाज्ज्ञाता तस्या वृत्तिर्महाबला

tadatra mūlacchedāya tasyā yatno vidhīyatām / mayā cāramukhājjñātā tasyā vṛttirmahābalā

Sanskrit only: no published translation is held for this verse.

सर्वेषामपि सैन्यानां पश्चादेवावतिष्ठते । अग्रतश्चलितं सैन्यं हयहस्तिरथादिकम्

sarveṣāmapi sainyānāṃ paścādevāvatiṣṭhate / agrataścalitaṃ sainyaṃ hayahastirathādikam

Sanskrit only: no published translation is held for this verse.

अस्मिन्नेव ह्यवसरे पार्ष्णिग्राहो विधीयताम् । पार्ष्णिग्रहमिमं कर्तुं विषङ्गश्चतुरो भवेत्

asminneva hyavasare pārṣṇigrāho vidhīyatām / pārṣṇigrahamimaṃ kartuṃ viṣaṅgaścaturo bhavet

Sanskrit only: no published translation is held for this verse.

तेन प्रौढमदोन्मता बहुसंग्रामदुर्मदाः । दश पञ्च च सेनान्यः सह यान्तु युयुत्सया

tena prauḍhamadonmatā bahusaṃgrāmadurmadāḥ / daśa pañca ca senānyaḥ saha yāntu yuyutsayā

Sanskrit only: no published translation is held for this verse.

पृष्ठतः परिवारास्तु न तथा संति ते पुनः । अल्पैस्तु रक्षिता वै स्यात्तेनैवासौ सुनिग्रहा

pṛṣṭhataḥ parivārāstu na tathā saṃti te punaḥ / alpaistu rakṣitā vai syāttenaivāsau sunigrahā

Sanskrit only: no published translation is held for this verse.

अतस्त्वं बहुसन्नाहमाविधाय मदोत्कटः । विषङ्ग गुप्तरूपेण पार्ष्णिग्राहं समाचर

atastvaṃ bahusannāhamāvidhāya madotkaṭaḥ / viṣaṅga guptarūpeṇa pārṣṇigrāhaṃ samācara

Sanskrit only: no published translation is held for this verse.

अल्पीयसी त्वया सार्द्धं सेना गच्छतु विक्रमात् । सज्जाश्च लन्तु सेनान्यो दिक्पालविजयोद्धताः

alpīyasī tvayā sārddhaṃ senā gacchatu vikramāt / sajjāśca lantu senānyo dikpālavijayoddhatāḥ

Sanskrit only: no published translation is held for this verse.

अक्षौहिण्यश्च सेनानां दश पञ्च चलन्तु ते । त्वं गुप्तवेषस्तां दुष्टां सन्निपत्य दृढं जहि

akṣauhiṇyaśca senānāṃ daśa pañca calantu te / tvaṃ guptaveṣastāṃ duṣṭāṃ sannipatya dṛḍhaṃ jahi

Sanskrit only: no published translation is held for this verse.

सैव निःशेषशक्तीनां मूलभूता महीयसी । तस्याः समूलनाशेन शक्तिवृन्दं विनश्यति

saiva niḥśeṣaśaktīnāṃ mūlabhūtā mahīyasī / tasyāḥ samūlanāśena śaktivṛndaṃ vinaśyati

Sanskrit only: no published translation is held for this verse.

कन्दच्छेदे सरोजिन्या दलजालमिवांभसि । सर्वेषामेव पश्चाद्यो रथश्चलति भासुरः

kandacchede sarojinyā dalajālamivāṃbhasi / sarveṣāmeva paścādyo rathaścalati bhāsuraḥ

Sanskrit only: no published translation is held for this verse.

दशयोजनसंपन्ननिजदेहसमुच्छ्रयः । महामुक्तातपत्रेण सर्वोद्ध्व परिशोभितः

daśayojanasaṃpannanijadehasamucchrayaḥ / mahāmuktātapatreṇa sarvoddhva pariśobhitaḥ

Sanskrit only: no published translation is held for this verse.

वहन्मुहर्वीज्यमानं चामराणां चतुष्टयम् । उत्तङ्गकेतुसंघातलिखितांबुदमण्डलः

vahanmuharvījyamānaṃ cāmarāṇāṃ catuṣṭayam / uttaṅgaketusaṃghātalikhitāṃbudamaṇḍalaḥ

Sanskrit only: no published translation is held for this verse.

तस्मिन्रथे समायाति सा दृष्टा हरिणेक्षणा । निबृतं संनिपत्य त्वं चिह्नेनानेन लक्षिताम्

tasminrathe samāyāti sā dṛṣṭā hariṇekṣaṇā / nibṛtaṃ saṃnipatya tvaṃ cihnenānena lakṣitām

Sanskrit only: no published translation is held for this verse.

तां विजित्य दुराचारां केशेष्वा कृष्य मर्दय । पुरतश्चलिते सैन्ये सत्त्वशालिनि सा वधूः

tāṃ vijitya durācārāṃ keśeṣvā kṛṣya mardaya / purataścalite sainye sattvaśālini sā vadhūḥ

Sanskrit only: no published translation is held for this verse.

स्त्रीमात्ररक्षा भवतो वशमेष्यति सत्त्वरम् । भवत्सहायभूतायां सेनेन्द्राणामिहाभिधा

strīmātrarakṣā bhavato vaśameṣyati sattvaram / bhavatsahāyabhūtāyāṃ senendrāṇāmihābhidhā

Sanskrit only: no published translation is held for this verse.

शृणु यैर्भवतो युद्धे साह्यकार्यमतन्द्रितैः । आद्यो मदनको नाम दीर्घजिह्वो द्वितीयकः

śṛṇu yairbhavato yuddhe sāhyakāryamatandritaiḥ / ādyo madanako nāma dīrghajihvo dvitīyakaḥ

Sanskrit only: no published translation is held for this verse.

हुबको हुलुमुलुश्च कक्लसः कक्लिवाहनः । थुक्लसः पुण्ड्रकेतुश्च चण्डबाहुश्च कुक्कुरः

hubako hulumuluśca kaklasaḥ kaklivāhanaḥ / thuklasaḥ puṇḍraketuśca caṇḍabāhuśca kukkuraḥ

Sanskrit only: no published translation is held for this verse.

जंबुकाक्षो जंभनश्च तीक्ष्णशृङ्गस्त्रिकण्टकः । चन्द्रगुप्तश्च पञ्चैते दश चोक्ताश्चमूवराः

jaṃbukākṣo jaṃbhanaśca tīkṣṇaśṛṅgastrikaṇṭakaḥ / candraguptaśca pañcaite daśa coktāścamūvarāḥ

Sanskrit only: no published translation is held for this verse.

एकैकाक्षौहिणीयुक्ताः प्रत्येकं भवता सह । आगमिष्यन्ति सेनान्यो दमनाद्या महाबलाः

ekaikākṣauhiṇīyuktāḥ pratyekaṃ bhavatā saha / āgamiṣyanti senānyo damanādyā mahābalāḥ

Sanskrit only: no published translation is held for this verse.

परस्य कटकं नैव यथा जानाति ते गतिम् । तथा गुप्तसमाचारः पार्ष्णिग्राहं समाचर

parasya kaṭakaṃ naiva yathā jānāti te gatim / tathā guptasamācāraḥ pārṣṇigrāhaṃ samācara

Sanskrit only: no published translation is held for this verse.

अस्मिन्कार्ये सुमहतां प्रौढिमानं समुद्वहन् । निषङ्ग त्वं हि तभसे जयसिद्धिमनुत्तमाम्

asminkārye sumahatāṃ prauḍhimānaṃ samudvahan / niṣaṅga tvaṃ hi tabhase jayasiddhimanuttamām

Sanskrit only: no published translation is held for this verse.

इति मन्त्रितमन्त्रो ऽयं दुर्मन्त्री भण्डदानवः । विषङ्गं प्रेषयामास रक्षितं सैन्यपालकैः

iti mantritamantro 'yaṃ durmantrī bhaṇḍadānavaḥ / viṣaṅgaṃ preṣayāmāsa rakṣitaṃ sainyapālakaiḥ

Sanskrit only: no published translation is held for this verse.

अथ श्रीललितादेव्याः पार्ष्णिग्राहकृतोद्यमे । युवराजानुजे दैत्ये सूर्यो ऽस्तगिरिमाययौ

atha śrīlalitādevyāḥ pārṣṇigrāhakṛtodyame / yuvarājānuje daitye sūryo 'stagirimāyayau

Sanskrit only: no published translation is held for this verse.

प्रथमे युद्धदिवसे व्यतीते लोकभीषणे । अन्धकारः समभवत्तस्य बाह्यचिकीर्षया

prathame yuddhadivase vyatīte lokabhīṣaṇe / andhakāraḥ samabhavattasya bāhyacikīrṣayā

Sanskrit only: no published translation is held for this verse.

महिषस्कन्धधूम्राभं वनक्रोडवपुर्द्दुति । नीलकण्ठनिभच्छायं निबिडं पप्रथे तमः

mahiṣaskandhadhūmrābhaṃ vanakroḍavapurdduti / nīlakaṇṭhanibhacchāyaṃ nibiḍaṃ paprathe tamaḥ

Sanskrit only: no published translation is held for this verse.

कुञ्जेषु पिण्डितमिव प्रधावदिव संधिषु । उज्जिहानमिव क्षोणीविवरेभ्यः सहस्रशः

kuñjeṣu piṇḍitamiva pradhāvadiva saṃdhiṣu / ujjihānamiva kṣoṇīvivarebhyaḥ sahasraśaḥ

Sanskrit only: no published translation is held for this verse.

निर्गच्छदिव शैलानां भूरि कन्दरमन्दिरात् । क्वचिद्दीपप्रभाजाले कृतकातरचेष्टितम्

nirgacchadiva śailānāṃ bhūri kandaramandirāt / kvaciddīpaprabhājāle kṛtakātaraceṣṭitam

Sanskrit only: no published translation is held for this verse.

दत्तावलंबनमिव स्त्रीणां कर्णोत्पलत्विषि । एकीभूतमिव प्रौढदिङ्नागमिव कज्जले । आबद्धमैत्रकमिव स्फुरच्छाद्वलमण्डले

dattāvalaṃbanamiva strīṇāṃ karṇotpalatviṣi / ekībhūtamiva prauḍhadiṅnāgamiva kajjale / ābaddhamaitrakamiva sphuracchādvalamaṇḍale

Sanskrit only: no published translation is held for this verse.

कृतप्रियाश्लेषमिव स्फुरन्तीष्वसियष्टिषु । गुप्तप्रविष्टमिव च श्यामासु वनपङ्क्तिषु

kṛtapriyāśleṣamiva sphurantīṣvasiyaṣṭiṣu / guptapraviṣṭamiva ca śyāmāsu vanapaṅktiṣu

Sanskrit only: no published translation is held for this verse.

क्रमेण बहुलीभूतं प्रससार महत्तमः । त्रियामावामनयना नीलकञ्चुकरोचिषा

krameṇa bahulībhūtaṃ prasasāra mahattamaḥ / triyāmāvāmanayanā nīlakañcukarociṣā

Sanskrit only: no published translation is held for this verse.

तिमिरेणावृतं विश्वं न किञ्चित्प्रत्यपद्यत । असुराणां प्रदुष्टानां रात्रिरेव बलावहा

timireṇāvṛtaṃ viśvaṃ na kiñcitpratyapadyata / asurāṇāṃ praduṣṭānāṃ rātrireva balāvahā

Sanskrit only: no published translation is held for this verse.

तेषां मायाविलासो ऽयं तस्यामेव हि वर्धते । अथ प्रचलितं सैन्यं विषङ्गेण महौजसा

teṣāṃ māyāvilāso 'yaṃ tasyāmeva hi vardhate / atha pracalitaṃ sainyaṃ viṣaṅgeṇa mahaujasā

Sanskrit only: no published translation is held for this verse.

धौतखड्गलताच्छायावर्धिष्णु तिमिरच्छटम् । दमनाद्याश्च सेनान्यः श्मामकङ्कटधारिणः

dhautakhaḍgalatācchāyāvardhiṣṇu timiracchaṭam / damanādyāśca senānyaḥ śmāmakaṅkaṭadhāriṇaḥ

Sanskrit only: no published translation is held for this verse.

श्यामोष्णीषधराः श्यामवर्णसर्वपरिच्छदाः । एकत्वमिव संप्राप्तास्तिमिरेणातिभूयसा

śyāmoṣṇīṣadharāḥ śyāmavarṇasarvaparicchadāḥ / ekatvamiva saṃprāptāstimireṇātibhūyasā

Sanskrit only: no published translation is held for this verse.

विषङ्गमनुसंचेलुः कृताग्रजनमस्कृतिम् । कूटेन युद्धकृत्येन विजिगीषुर्महेश्वरीम्

viṣaṅgamanusaṃceluḥ kṛtāgrajanamaskṛtim / kūṭena yuddhakṛtyena vijigīṣurmaheśvarīm

Sanskrit only: no published translation is held for this verse.

मेघडंबरकं नाम दधे वक्षसि कङ्कटम् । यथा तस्य निशायुद्धानुरूपो वेषसंग्रहः

meghaḍaṃbarakaṃ nāma dadhe vakṣasi kaṅkaṭam / yathā tasya niśāyuddhānurūpo veṣasaṃgrahaḥ

Sanskrit only: no published translation is held for this verse.

तथा कृतवती सेना श्यामलं कञ्चुकादिकम् । न च दुन्दुभिनिस्वानो न च मर्द्दलगर्जितम्

tathā kṛtavatī senā śyāmalaṃ kañcukādikam / na ca dundubhinisvāno na ca marddalagarjitam

Sanskrit only: no published translation is held for this verse.

पणवानकभेरीणां न च घोषविजृंभणम् । गुप्ताचाराः प्रचलितास्तिमिरेण समावृताः

paṇavānakabherīṇāṃ na ca ghoṣavijṛṃbhaṇam / guptācārāḥ pracalitāstimireṇa samāvṛtāḥ

Sanskrit only: no published translation is held for this verse.

परैरदृश्यगतयो विष्कोशीकृतरिष्टयः । पश्चिमाभिमुखं यान्ति ललितायाः पताकिनीम्

parairadṛśyagatayo viṣkośīkṛtariṣṭayaḥ / paścimābhimukhaṃ yānti lalitāyāḥ patākinīm

Sanskrit only: no published translation is held for this verse.

आवृतोत्तरमार्गेण पूर्वभागमशिश्रियन् । निश्वासमपि सस्वानमकुर्वन्तः पदेपदे

āvṛtottaramārgeṇa pūrvabhāgamaśiśriyan / niśvāsamapi sasvānamakurvantaḥ padepade

Sanskrit only: no published translation is held for this verse.

सावधानाः प्रचलिताः पार्ष्णिग्राहाय दानवाः । भूयः पुरस्य दिग्भागं गत्वा मन्दपराक्रमाः

sāvadhānāḥ pracalitāḥ pārṣṇigrāhāya dānavāḥ / bhūyaḥ purasya digbhāgaṃ gatvā mandaparākramāḥ

Sanskrit only: no published translation is held for this verse.

ललितासैन्यमेव स्वान्सूचयन्तः प्रपृच्छतः । आगत्य निभृतं पृष्ठे कवचच्छन्नविग्रहाः

lalitāsainyameva svānsūcayantaḥ prapṛcchataḥ / āgatya nibhṛtaṃ pṛṣṭhe kavacacchannavigrahāḥ

Sanskrit only: no published translation is held for this verse.

चक्रराजरथं तुङ्गं मेरुमन्दरसंनिभम् । अपश्यन्नतिदीप्ताभिः शक्तिभिः परिवारितम्

cakrarājarathaṃ tuṅgaṃ merumandarasaṃnibham / apaśyannatidīptābhiḥ śaktibhiḥ parivāritam

Sanskrit only: no published translation is held for this verse.

तत्र मुक्तातपत्रस्य वर्त्तमानामधःस्थले । सहस्रादित्यसंकाशां पश्चिमाभिमुखीं स्थिताम्

tatra muktātapatrasya varttamānāmadhaḥsthale / sahasrādityasaṃkāśāṃ paścimābhimukhīṃ sthitām

Sanskrit only: no published translation is held for this verse.

कामेश्वर्यादिनित्याभिः स्वसमानसमृद्धिभिः । नर्मालापविनोदेन सेव्यमानां रथोत्तमे

kāmeśvaryādinityābhiḥ svasamānasamṛddhibhiḥ / narmālāpavinodena sevyamānāṃ rathottame

Sanskrit only: no published translation is held for this verse.

तां तथाभूतवृत्तान्ताम तादृशरणोद्यमाम् । पुरोगतं महत्सैन्यं वीक्षमाण सकौतुकम्

tāṃ tathābhūtavṛttāntāma tādṛśaraṇodyamām / purogataṃ mahatsainyaṃ vīkṣamāṇa sakautukam

Sanskrit only: no published translation is held for this verse.

मन्वानश्च हि तामेव विषङ्गः सुदुराशयः । पृष्ठवंशे रथेन्द्रस्य घट्टयामास सैनिकैः

manvānaśca hi tāmeva viṣaṅgaḥ sudurāśayaḥ / pṛṣṭhavaṃśe rathendrasya ghaṭṭayāmāsa sainikaiḥ

Sanskrit only: no published translation is held for this verse.

तत्राणि मादिशक्तीनां परिवारवरूथिनी । महाकलकलं चक्रुरणिमाद्याः परःशतम्

tatrāṇi mādiśaktīnāṃ parivāravarūthinī / mahākalakalaṃ cakruraṇimādyāḥ paraḥśatam

Sanskrit only: no published translation is held for this verse.

पट्टिशैर्द्रुघणैश्चैव भिन्दिपालैर्भुशुण्डिभिः । कठोरवज्रनिर्धातनिष्ठुरैः शक्तिमण्डलैः

paṭṭiśairdrughaṇaiścaiva bhindipālairbhuśuṇḍibhiḥ / kaṭhoravajranirdhātaniṣṭhuraiḥ śaktimaṇḍalaiḥ

Sanskrit only: no published translation is held for this verse.

मर्दयन्तो महासत्त्वाः समरं बहुमेनिरे । आकस्मिकरणोत्साहविपर्याविष्टविग्रहम्

mardayanto mahāsattvāḥ samaraṃ bahumenire / ākasmikaraṇotsāhaviparyāviṣṭavigraham

Sanskrit only: no published translation is held for this verse.

अकाण्डक्षुभितं चासीद्रथस्थं शक्तिमण्डलम् । विपाटैः पाटयामासुरदृश्यैरन्धकारिणः

akāṇḍakṣubhitaṃ cāsīdrathasthaṃ śaktimaṇḍalam / vipāṭaiḥ pāṭayāmāsuradṛśyairandhakāriṇaḥ

Sanskrit only: no published translation is held for this verse.

ततश्चक्ररथेन्द्रस्य नवमे पर्वणि स्थिताः । अदृश्यमानशस्त्राणामदृश्यनिजवर्मणाम्

tataścakrarathendrasya navame parvaṇi sthitāḥ / adṛśyamānaśastrāṇāmadṛśyanijavarmaṇām

Sanskrit only: no published translation is held for this verse.

तिमिरच्छन्नरूपाणां दानवानां शिलीमुखैः । इतस्ततो बहु क्लिष्टं छन्नवर्मितमर्मवत्

timiracchannarūpāṇāṃ dānavānāṃ śilīmukhaiḥ / itastato bahu kliṣṭaṃ channavarmitamarmavat

Sanskrit only: no published translation is held for this verse.

शक्तीनां मण्डलं तेने क्रन्दनं ललितां प्रति । पूर्वानुक्रम तस्तत्र संप्राप्तं सुमहद्भयम्

śaktīnāṃ maṇḍalaṃ tene krandanaṃ lalitāṃ prati / pūrvānukrama tastatra saṃprāptaṃ sumahadbhayam

Sanskrit only: no published translation is held for this verse.

कर्णाकर्णिकयाकर्ण्य ललिता कोपमादधे । एतस्मिन्नन्तरे भण्डश्चण्डदुर्मत्रिपण्डितः

karṇākarṇikayākarṇya lalitā kopamādadhe / etasminnantare bhaṇḍaścaṇḍadurmatripaṇḍitaḥ

Sanskrit only: no published translation is held for this verse.

दशाक्षौहिणिकायुक्तं कुटिलाक्षं महौजसम् । ललितासैन्यनाशाय युद्धाय प्रजिघाय सः

daśākṣauhiṇikāyuktaṃ kuṭilākṣaṃ mahaujasam / lalitāsainyanāśāya yuddhāya prajighāya saḥ

Sanskrit only: no published translation is held for this verse.

यथा पश्चात्कलकलं श्रुत्वाग्रेवर्तिनी चमूः । नागच्छति तथा चक्रे कुटिलाक्षो महारणम्

yathā paścātkalakalaṃ śrutvāgrevartinī camūḥ / nāgacchati tathā cakre kuṭilākṣo mahāraṇam

Sanskrit only: no published translation is held for this verse.

एवं चोभयतो युद्धं पश्चादग्रे तथाभवत् । अत्यन्ततुमुलं चासीच्छक्तीनां सैनिके महत्

evaṃ cobhayato yuddhaṃ paścādagre tathābhavat / atyantatumulaṃ cāsīcchaktīnāṃ sainike mahat

Sanskrit only: no published translation is held for this verse.

नक्तसत्त्वाश्च दैत्येन्द्रास्तिमिरेण समावृताः । इतस्ततः शिथिलतां कण्टके निन्युरुद्धताः

naktasattvāśca daityendrāstimireṇa samāvṛtāḥ / itastataḥ śithilatāṃ kaṇṭake ninyuruddhatāḥ

Sanskrit only: no published translation is held for this verse.

निषङ्गेण दुराशेन धमनाद्यैश्चमूवरैः । चमूभिश्च प्रणहिता न्यपतञ्छत्रुकोटयः

niṣaṅgeṇa durāśena dhamanādyaiścamūvaraiḥ / camūbhiśca praṇahitā nyapatañchatrukoṭayaḥ

Sanskrit only: no published translation is held for this verse.

ताभिर्दैत्यास्त्रमालाभिश्चक्रराजरथो वृतः । बकावलीनिबिडतः शैलराज इवाबभौ

tābhirdaityāstramālābhiścakrarājaratho vṛtaḥ / bakāvalīnibiḍataḥ śailarāja ivābabhau

Sanskrit only: no published translation is held for this verse.

आक्रान्तपर्वणाधस्ताद्विषङ्गेण दुरात्मना । मुक्त एकः शरोदेव्यास्तालवृन्तमचूर्णयत्

ākrāntaparvaṇādhastādviṣaṅgeṇa durātmanā / mukta ekaḥ śarodevyāstālavṛntamacūrṇayat

Sanskrit only: no published translation is held for this verse.

अथ तेनाव्याहितेन संभ्रान्ते शक्तिमण्डले । कामेश्वरीमुखा नित्या महान्तं क्रोधमाययुः

atha tenāvyāhitena saṃbhrānte śaktimaṇḍale / kāmeśvarīmukhā nityā mahāntaṃ krodhamāyayuḥ

Sanskrit only: no published translation is held for this verse.

ईषद्भृकुटिसंसक्तं श्रीदेव्या वदनांबुजम् । अवलोक्य भृशोद्विग्ना नित्या दधुरतिश्रमम्

īṣadbhṛkuṭisaṃsaktaṃ śrīdevyā vadanāṃbujam / avalokya bhṛśodvignā nityā dadhuratiśramam

Sanskrit only: no published translation is held for this verse.

नित्या कालस्वरूपिण्यः प्रत्येकं तिथिविग्रहाः । क्रोधमुद्वीक्ष्य सम्नाज्ञ्या युद्धाय दधुरुद्यमम्

nityā kālasvarūpiṇyaḥ pratyekaṃ tithivigrahāḥ / krodhamudvīkṣya samnājñyā yuddhāya dadhurudyamam

Sanskrit only: no published translation is held for this verse.

प्रणिपत्य च तां देवीं महाराज्ञीं महोदयाम् । ऊचुर्वाचमकाण्डोत्थां युद्धकौतुकगद्गदाम्

praṇipatya ca tāṃ devīṃ mahārājñīṃ mahodayām / ūcurvācamakāṇḍotthāṃ yuddhakautukagadgadām

Sanskrit only: no published translation is held for this verse.

तिथिनित्या उचुः । देवदेवी महाराज्ञी तवाग्रे ब्रेक्षितां चमूम् । दण्डिनीमन्त्रनाथादिमहाशक्त्याभपालिताम्

tithinityā ucuḥ / devadevī mahārājñī tavāgre brekṣitāṃ camūm / daṇḍinīmantranāthādimahāśaktyābhapālitām

Sanskrit only: no published translation is held for this verse.

धर्षितु कातरा दुष्टा मायाच्छद्मपरायणाः । पार्ष्णिग्राहेण युद्धेन बाधन्ते रथपुङ्गवम्

dharṣitu kātarā duṣṭā māyācchadmaparāyaṇāḥ / pārṣṇigrāheṇa yuddhena bādhante rathapuṅgavam

Sanskrit only: no published translation is held for this verse.

तस्मात्तिमिरसंछन्नमूर्तीनां विबुधद्रुहाम् । शमयामो वयं दर्पं क्षणमात्रं विलोकय

tasmāttimirasaṃchannamūrtīnāṃ vibudhadruhām / śamayāmo vayaṃ darpaṃ kṣaṇamātraṃ vilokaya

Sanskrit only: no published translation is held for this verse.

या वह्निवासिनी नित्या या ज्वालामालिनी परा । ताभ्यां प्रदीपिते युद्धे द्रष्टुं शक्ताः सुरद्विषः

yā vahnivāsinī nityā yā jvālāmālinī parā / tābhyāṃ pradīpite yuddhe draṣṭuṃ śaktāḥ suradviṣaḥ

Sanskrit only: no published translation is held for this verse.

प्रशमय्य महादर्पं पार्ष्णिग्राहप्रवर्तिनाम् । सहसैवागमिष्यामः सेवितुं श्रीपदांबुजम् । आज्ञां देहि महाराज्ञि मर्दनार्थं दुरात्मनाम्

praśamayya mahādarpaṃ pārṣṇigrāhapravartinām / sahasaivāgamiṣyāmaḥ sevituṃ śrīpadāṃbujam / ājñāṃ dehi mahārājñi mardanārthaṃ durātmanām

Sanskrit only: no published translation is held for this verse.

इत्युक्ते सति नित्याभिस्तथास्त्विति जगाद सा । अथ कामेश्वरी नित्या प्रणम्य ललितेश्वरीम् । तया संप्रेषिता ताभिः कुण्डलीकृत कार्मुका

ityukte sati nityābhistathāstviti jagāda sā / atha kāmeśvarī nityā praṇamya laliteśvarīm / tayā saṃpreṣitā tābhiḥ kuṇḍalīkṛta kārmukā

Sanskrit only: no published translation is held for this verse.

सा हन्तुं तान्दुराचारान्कूटयुद्धकृतक्षणान् । बालारुणमिव क्रोधारुणं वक्त्रं वितन्वती

sā hantuṃ tāndurācārānkūṭayuddhakṛtakṣaṇān / bālāruṇamiva krodhāruṇaṃ vaktraṃ vitanvatī

Sanskrit only: no published translation is held for this verse.

रे रे तिष्ठत पापिष्ठा मायानिष्ठाश्छिनद्मि वः । अन्धकारमनुप्राप्य कूटयुद्धपरायणाः

re re tiṣṭhata pāpiṣṭhā māyāniṣṭhāśchinadmi vaḥ / andhakāramanuprāpya kūṭayuddhaparāyaṇāḥ

Sanskrit only: no published translation is held for this verse.

इति तान्भर्त्सयन्ती सा तूणीरोत्खातसायकात् । पर्वावरोहणं चक्रे क्रोधेन प्रस्खलद्गतिः

iti tānbhartsayantī sā tūṇīrotkhātasāyakāt / parvāvarohaṇaṃ cakre krodhena praskhaladgatiḥ

Sanskrit only: no published translation is held for this verse.

सज्जकार्मुकहस्ताश्च भगमालापुरःसराः । अन्याश्च चरिता नित्याः कृत पर्वावरोहणाः

sajjakārmukahastāśca bhagamālāpuraḥsarāḥ / anyāśca caritā nityāḥ kṛta parvāvarohaṇāḥ

Sanskrit only: no published translation is held for this verse.

ज्वालामालिनि नित्या च या नित्या वह्निवासिनी । सज्जे युद्धे स्वतेजोभिः समदीपयतां रणे

jvālāmālini nityā ca yā nityā vahnivāsinī / sajje yuddhe svatejobhiḥ samadīpayatāṃ raṇe

Sanskrit only: no published translation is held for this verse.

अथ ते दुष्टदनुजाः प्रदीप्ते युद्धमण्डले । प्रकाशवपुषस्तत्र मरान्तं क्रोधमाययुः

atha te duṣṭadanujāḥ pradīpte yuddhamaṇḍale / prakāśavapuṣastatra marāntaṃ krodhamāyayuḥ

Sanskrit only: no published translation is held for this verse.

कामेश्वर्यादिका नित्यास्ताः पञ्चदश सायुधाः । ससिंहनादास्तान्दैत्यानमृद्नन्नेव हेलया

kāmeśvaryādikā nityāstāḥ pañcadaśa sāyudhāḥ / sasiṃhanādāstāndaityānamṛdnanneva helayā

Sanskrit only: no published translation is held for this verse.

महाकलकलस्तत्र समभूद्युद्धसीमनि । मन्दरक्षोभितांभोदिवेल्लत्कल्लोलमण्डलः

mahākalakalastatra samabhūdyuddhasīmani / mandarakṣobhitāṃbhodivellatkallolamaṇḍalaḥ

Sanskrit only: no published translation is held for this verse.

ताश्च नित्यावलत्क्वाणकङ्कणैर्युधि पाणिभिः । आकृष्य प्रामकोदण्डास्तेनिरे युद्धमुद्धतम्

tāśca nityāvalatkvāṇakaṅkaṇairyudhi pāṇibhiḥ / ākṛṣya prāmakodaṇḍāstenire yuddhamuddhatam

Sanskrit only: no published translation is held for this verse.

यामत्रितयपर्यन्तमेवं युद्धमवर्त्तत । नित्यानां निशितैर्बाणैरक्षौहिण्यश्च संहृताः

yāmatritayaparyantamevaṃ yuddhamavarttata / nityānāṃ niśitairbāṇairakṣauhiṇyaśca saṃhṛtāḥ

Sanskrit only: no published translation is held for this verse.

जघान दमनं दुष्टं कामेशी प्रथमं शरैः । दीर्घजिह्वं चमूनाथं भगमाला व्यदारत्

jaghāna damanaṃ duṣṭaṃ kāmeśī prathamaṃ śaraiḥ / dīrghajihvaṃ camūnāthaṃ bhagamālā vyadārat

Sanskrit only: no published translation is held for this verse.

नित्यक्लिन्ना च भेरुण्डा हुम्बेकं हुलुमल्लकम् । कक्लसं वह्निवासा च निजघान शरैः शतैः

nityaklinnā ca bheruṇḍā humbekaṃ hulumallakam / kaklasaṃ vahnivāsā ca nijaghāna śaraiḥ śataiḥ

Sanskrit only: no published translation is held for this verse.

महावज्रेश्वरी बाणैरभिनत्केकिवाहनम् । पुक्लसं शिवदूती च प्राहिणोद्यमसादनम्

mahāvajreśvarī bāṇairabhinatkekivāhanam / puklasaṃ śivadūtī ca prāhiṇodyamasādanam

Sanskrit only: no published translation is held for this verse.

पुण्ड्रकेतुं भुजोद्दण्डं त्वरिता समदारयत् । कुलसुन्दरिका नित्या चण्डबाहुं च कुक्कुरम्

puṇḍraketuṃ bhujoddaṇḍaṃ tvaritā samadārayat / kulasundarikā nityā caṇḍabāhuṃ ca kukkuram

Sanskrit only: no published translation is held for this verse.

अथ निलपताका च विजया च जयोद्धते । जंबुकाक्षं जृंभणं च व्यतन्वातां रणे बलिम् । सर्वमङ्गलिका नित्या तीक्ष्णशृङ्गमखण्डयत् । ज्वालामालिनिका नित्या जघानोग्रं त्रिकर्णकम्

atha nilapatākā ca vijayā ca jayoddhate / jaṃbukākṣaṃ jṛṃbhaṇaṃ ca vyatanvātāṃ raṇe balim / sarvamaṅgalikā nityā tīkṣṇaśṛṅgamakhaṇḍayat / jvālāmālinikā nityā jaghānograṃ trikarṇakam

Sanskrit only: no published translation is held for this verse.

चन्द्रगुप्तं च दुःशीलं चित्रं चित्रा व्यदारत् । सेनानाथेषु सर्वेषु निहतेषु दुरात्मसु

candraguptaṃ ca duḥśīlaṃ citraṃ citrā vyadārat / senānātheṣu sarveṣu nihateṣu durātmasu

Sanskrit only: no published translation is held for this verse.

विषङ्गः परमः कुद्धश्चचाल पुरतो बली । अथ यामावशेषायां यामिन्यां घटिकाद्वयम्

viṣaṅgaḥ paramaḥ kuddhaścacāla purato balī / atha yāmāvaśeṣāyāṃ yāminyāṃ ghaṭikādvayam

Sanskrit only: no published translation is held for this verse.

नित्याभिः सह संग्रामं विधाय स दुराशयः । अशक्यत्वं समुद्दिश्य चक्राम प्रपलायितुम्

nityābhiḥ saha saṃgrāmaṃ vidhāya sa durāśayaḥ / aśakyatvaṃ samuddiśya cakrāma prapalāyitum

Sanskrit only: no published translation is held for this verse.

कामेश्वरीकराकृष्टचापोत्थौर्निशितैः शरैः । भिन्नवर्मा दृढतरं विषङ्गो विह्वलाशयः । हतावशिष्टैर्योधैश्च सार्धमेव पलायितः

kāmeśvarīkarākṛṣṭacāpotthaurniśitaiḥ śaraiḥ / bhinnavarmā dṛḍhataraṃ viṣaṅgo vihvalāśayaḥ / hatāvaśiṣṭairyodhaiśca sārdhameva palāyitaḥ

Sanskrit only: no published translation is held for this verse.

ताभिर्न निहतो दुष्टो यस्माद्वध्यः स दानवः । दण्डनाथाशरेणैव कालदण्डसमत्विषा

tābhirna nihato duṣṭo yasmādvadhyaḥ sa dānavaḥ / daṇḍanāthāśareṇaiva kāladaṇḍasamatviṣā

Sanskrit only: no published translation is held for this verse.

तस्मिन्पलायिते दुष्टे विषङ्गे भण्डसोदरे । सा विभाता च रजनी प्रसन्नाश्चाभवन्दिशः

tasminpalāyite duṣṭe viṣaṅge bhaṇḍasodare / sā vibhātā ca rajanī prasannāścābhavandiśaḥ

Sanskrit only: no published translation is held for this verse.

पलायितं रणेवीरमनुसर्त्तुमनौचिती । इति ताः समरान्नित्यास्तस्मिन्काले व्यरंसिषुः

palāyitaṃ raṇevīramanusarttumanaucitī / iti tāḥ samarānnityāstasminkāle vyaraṃsiṣuḥ

Sanskrit only: no published translation is held for this verse.

दैत्यशस्त्रव्रणस्यन्दिशोणितप्लुतविग्रहाः । नित्याः श्रीललितां देवीं प्रणिपेतुर्जयोद्धताः

daityaśastravraṇasyandiśoṇitaplutavigrahāḥ / nityāḥ śrīlalitāṃ devīṃ praṇipeturjayoddhatāḥ

Sanskrit only: no published translation is held for this verse.

इत्थं रात्रौ महद्युद्धं तत्र जातं भयङ्करम् । नित्यानां रूपजालं च शस्त्रक्षतमलोकयत्

itthaṃ rātrau mahadyuddhaṃ tatra jātaṃ bhayaṅkaram / nityānāṃ rūpajālaṃ ca śastrakṣatamalokayat

Sanskrit only: no published translation is held for this verse.

श्रुत्वोदन्तं महाराज्ञी कृपापाङ्गेन सैक्षत । तदालोकनमात्रेण व्रणो निर्व्रणतामगात्

śrutvodantaṃ mahārājñī kṛpāpāṅgena saikṣata / tadālokanamātreṇa vraṇo nirvraṇatāmagāt

Sanskrit only: no published translation is held for this verse.

नित्यानां विक्रमैश्चापि ललिता प्रीतिमासदत्

nityānāṃ vikramaiścāpi lalitā prītimāsadat

Sanskrit only: no published translation is held for this verse.