Brahmāṇḍa Purāṇa 3.27

इति श्रीब्रह्माण्डे महापुराणे उत्तरभागे हयग्रीवागस्त्यसंवादे ललितोपाख्याने भण्डपुत्रवधो नाम षड्विंशो ऽध्यायः अथ नष्टेषु पुत्रेषु शोकानलपरिप्लुतः । विललाप स दैत्येन्द्रो मत्वा जातं कुलक्षयम्

iti śrībrahmāṇḍe mahāpurāṇe uttarabhāge hayagrīvāgastyasaṃvāde lalitopākhyāne bhaṇḍaputravadho nāma ṣaḍviṃśo 'dhyāyaḥ atha naṣṭeṣu putreṣu śokānalapariplutaḥ / vilalāpa sa daityendro matvā jātaṃ kulakṣayam

Sanskrit only: no published translation is held for this verse.

हा पुत्रा हा गुणोदारा हा मदेकपरायणाः । हा मन्नेत्रसुधापूरा हा मत्कुलविवर्धनाः

hā putrā hā guṇodārā hā madekaparāyaṇāḥ / hā mannetrasudhāpūrā hā matkulavivardhanāḥ

Sanskrit only: no published translation is held for this verse.

हा समस्तसुरश्रेष्ठमदभञ्जनतत्पराः । हा समस्तसुरस्त्रीणामन्तर्मोहनमन्मथाः

hā samastasuraśreṣṭhamadabhañjanatatparāḥ / hā samastasurastrīṇāmantarmohanamanmathāḥ

Sanskrit only: no published translation is held for this verse.

दिशत प्रीतिवाचं मे ममाङ्के वल्गताधुना । किमिदानीमिमं तातमवमुच्य सुखं गताः

diśata prītivācaṃ me mamāṅke valgatādhunā / kimidānīmimaṃ tātamavamucya sukhaṃ gatāḥ

Sanskrit only: no published translation is held for this verse.

युष्मान्विना न शोभन्ते मम राज्यानि पुत्रकाः । रिक्तानि मम गेहानि रिक्ता राजसभापि मे

yuṣmānvinā na śobhante mama rājyāni putrakāḥ / riktāni mama gehāni riktā rājasabhāpi me

Sanskrit only: no published translation is held for this verse.

कथमेवं विनिःशेषं हतायूयं दुराशयाः । अप्रधृष्यभुजासत्त्वान्भवतो मत्कुलाङ्कुरान् । कथमेकपदे दुष्टा वनिता संगरे ऽवधीत्

kathamevaṃ viniḥśeṣaṃ hatāyūyaṃ durāśayāḥ / apradhṛṣyabhujāsattvānbhavato matkulāṅkurān / kathamekapade duṣṭā vanitā saṃgare 'vadhīt

Sanskrit only: no published translation is held for this verse.

मम नष्टानि सौख्यानि मम नष्टाः कुलस्त्रियः । इतः परं कुले क्षीणे साहसानि सुखानि च

mama naṣṭāni saukhyāni mama naṣṭāḥ kulastriyaḥ / itaḥ paraṃ kule kṣīṇe sāhasāni sukhāni ca

Sanskrit only: no published translation is held for this verse.

भवतः सुकृतैर्लब्ध्वा मम पूर्वजनुःकृतैः । नाशो ऽयं भवतामद्य जातो नष्टस्ततो ऽस्म्यहम्

bhavataḥ sukṛtairlabdhvā mama pūrvajanuḥkṛtaiḥ / nāśo 'yaṃ bhavatāmadya jāto naṣṭastato 'smyaham

Sanskrit only: no published translation is held for this verse.

हा हतो ऽस्मि विपन्नो ऽस्मि मन्दभाग्यो ऽस्मि पुत्रकाः । इति शोकात्स पर्यस्यन्प्रलपन्मुक्तमूर्धजः । मूर्च्छया लुप्तहृदयो निष्पपात नुपासनात्

hā hato 'smi vipanno 'smi mandabhāgyo 'smi putrakāḥ / iti śokātsa paryasyanpralapanmuktamūrdhajaḥ / mūrcchayā luptahṛdayo niṣpapāta nupāsanāt

Sanskrit only: no published translation is held for this verse.

विशुक्रश्च विषङ्गश्च कुटिलाक्षश्च संसदि । भण्डमाश्वासयामासुर्दैवस्य कुटिलक्रमैः

viśukraśca viṣaṅgaśca kuṭilākṣaśca saṃsadi / bhaṇḍamāśvāsayāmāsurdaivasya kuṭilakramaiḥ

Sanskrit only: no published translation is held for this verse.

विशुक्र उवाच देवकि प्राकृत इव प्राप्तः शोकस्य वश्यताम् । लपसि त्वे प्रति सुतान्प्राप्तमृत्यून्महाहवे

viśukra uvāca devaki prākṛta iva prāptaḥ śokasya vaśyatām / lapasi tve prati sutānprāptamṛtyūnmahāhave

Sanskrit only: no published translation is held for this verse.

धर्मवान्विहितः पन्था वीराणामेष शाश्वतः । अशोच्यमाहवे मृत्युं प्राप्नुवन्ति यदर्हितम्

dharmavānvihitaḥ panthā vīrāṇāmeṣa śāśvataḥ / aśocyamāhave mṛtyuṃ prāpnuvanti yadarhitam

Sanskrit only: no published translation is held for this verse.

एतदेव विनाशाय शल्यवद्बाधते मनः । यत्स्त्री समागत्य हठान्नि हन्ति सुभटान्रणे

etadeva vināśāya śalyavadbādhate manaḥ / yatstrī samāgatya haṭhānni hanti subhaṭānraṇe

Sanskrit only: no published translation is held for this verse.

इत्युक्ते तेन दैत्येन पुत्रशोको व्यमुच्यत । भण्डेन चण्डकालाग्निसदृशः क्रोध आदधे

ityukte tena daityena putraśoko vyamucyata / bhaṇḍena caṇḍakālāgnisadṛśaḥ krodha ādadhe

Sanskrit only: no published translation is held for this verse.

स कोशात्क्षिप्रमुद्धृत्य खड्गमुग्रं यमोपमम् । विस्फारिताक्षियुगलो भृशं जज्वाल तेजसा

sa kośātkṣipramuddhṛtya khaḍgamugraṃ yamopamam / visphāritākṣiyugalo bhṛśaṃ jajvāla tejasā

Sanskrit only: no published translation is held for this verse.

इदानीमेव तां दुष्टां खड्गेनानेन खण्डशः । शकलीकृत्य समरे श्रमं प्राप्स्यामि बन्धुभिः

idānīmeva tāṃ duṣṭāṃ khaḍgenānena khaṇḍaśaḥ / śakalīkṛtya samare śramaṃ prāpsyāmi bandhubhiḥ

Sanskrit only: no published translation is held for this verse.

इति रोषस्खलद्वर्णः श्वसन्निव भुजङ्गमः । खड्गं विधुन्वन्नुत्थाय प्रचचाला तिमत्तवत्

iti roṣaskhaladvarṇaḥ śvasanniva bhujaṅgamaḥ / khaḍgaṃ vidhunvannutthāya pracacālā timattavat

Sanskrit only: no published translation is held for this verse.

तं निरुध्य च संभ्रान्ताः सर्वे दानवपुङ्गवाः । वाचमूचुरतिक्रोधाज्ज्वलन्तो ललितां प्रति

taṃ nirudhya ca saṃbhrāntāḥ sarve dānavapuṅgavāḥ / vācamūcuratikrodhājjvalanto lalitāṃ prati

Sanskrit only: no published translation is held for this verse.

न तदर्थे त्वया कार्यः स्वामिन्संभ्रम ईदृशः । अस्माभिः स्वबलैर्युक्तै रणोत्साहो विधीयते

na tadarthe tvayā kāryaḥ svāminsaṃbhrama īdṛśaḥ / asmābhiḥ svabalairyuktai raṇotsāho vidhīyate

Sanskrit only: no published translation is held for this verse.

भवदाज्ञालवं प्राप्य समस्तभुवनं हठात् । विमर्द्दयितुमीशाः स्मः किमु तां मुग्धभामिनीम्

bhavadājñālavaṃ prāpya samastabhuvanaṃ haṭhāt / vimarddayitumīśāḥ smaḥ kimu tāṃ mugdhabhāminīm

Sanskrit only: no published translation is held for this verse.

किं चूषयामः सप्ताब्धीन्क्षोदयामो ऽथ वा गिरीन् । अधरोत्तरमेवैतत्त्रैलोक्यं करवाम वा

kiṃ cūṣayāmaḥ saptābdhīnkṣodayāmo 'tha vā girīn / adharottaramevaitattrailokyaṃ karavāma vā

Sanskrit only: no published translation is held for this verse.

छिनदाम सुरान्सर्वान्भिनदाम तदालयान् । पिन्षाम हरित्पालानाज्ञां देहि महामते

chinadāma surānsarvānbhinadāma tadālayān / pinṣāma haritpālānājñāṃ dehi mahāmate

Sanskrit only: no published translation is held for this verse.

इत्युदीरित माकर्ण्य महाहङ्कारगर्वितम् । उवाच वचनं क्रुद्धः प्रतिघारुणलोचनः

ityudīrita mākarṇya mahāhaṅkāragarvitam / uvāca vacanaṃ kruddhaḥ pratighāruṇalocanaḥ

Sanskrit only: no published translation is held for this verse.

विशुक्र भवता गत्वा मायान्तार्हितवर्ष्मणा । जयविघ्नं महायन्त्रं कर्त्तव्यं कटके द्विषाम्

viśukra bhavatā gatvā māyāntārhitavarṣmaṇā / jayavighnaṃ mahāyantraṃ karttavyaṃ kaṭake dviṣām

Sanskrit only: no published translation is held for this verse.

इति तस्य वचः श्रुत्वा विशुक्रो रोषरूषितः । मायातिरोहितवपुर्जगाम ललिताबलम्

iti tasya vacaḥ śrutvā viśukro roṣarūṣitaḥ / māyātirohitavapurjagāma lalitābalam

Sanskrit only: no published translation is held for this verse.

तस्मिन्प्रयातुमुद्युक्ते सुर्यो ऽस्तं समुपागतः । पर्यस्तकिरणस्तोमपाटलीकृतदिङ्मुखः

tasminprayātumudyukte suryo 'staṃ samupāgataḥ / paryastakiraṇastomapāṭalīkṛtadiṅmukhaḥ

Sanskrit only: no published translation is held for this verse.

अनुरागवती संध्या प्रयान्तं भानुमालिनम् । अनुवव्राज पातालकुञ्जे रन्तुमिवोत्सुका

anurāgavatī saṃdhyā prayāntaṃ bhānumālinam / anuvavrāja pātālakuñje rantumivotsukā

Sanskrit only: no published translation is held for this verse.

वेगात्प्रपततो भानोर्देहसंगात्समुत्थिताः । चरमाब्धेरिव पयःकणास्तारा विरेजिरे

vegātprapatato bhānordehasaṃgātsamutthitāḥ / caramābdheriva payaḥkaṇāstārā virejire

Sanskrit only: no published translation is held for this verse.

अथाससाद बहुलं तमः कज्जलमेचकम् । सार्थं कर्त्तुमिवोद्युक्तं सवर्णस्यासिदुर्धिया

athāsasāda bahulaṃ tamaḥ kajjalamecakam / sārthaṃ karttumivodyuktaṃ savarṇasyāsidurdhiyā

Sanskrit only: no published translation is held for this verse.

मायारथं समारूढो गूढशर्वरसंवृतः । अदृश्यवपुरापेदे ललिताकटकं खलः

māyārathaṃ samārūḍho gūḍhaśarvarasaṃvṛtaḥ / adṛśyavapurāpede lalitākaṭakaṃ khalaḥ

Sanskrit only: no published translation is held for this verse.

तत्र गत्वा ज्वलज्ज्वालं वह्निप्राकारमण्डलम् । शतयोजनविस्तारामालोकयत् दुर्मतिः

tatra gatvā jvalajjvālaṃ vahniprākāramaṇḍalam / śatayojanavistārāmālokayat durmatiḥ

Sanskrit only: no published translation is held for this verse.

परितो विभ्रमञ्शालमवकाशमवाप्नुवन् । दक्षिणं द्वारमासाद्य निदध्यौ क्षणमुद्धतः

parito vibhramañśālamavakāśamavāpnuvan / dakṣiṇaṃ dvāramāsādya nidadhyau kṣaṇamuddhataḥ

Sanskrit only: no published translation is held for this verse.

तत्रापश्यन्महासत्त्वास्सावधाना धृतायुधाः । आरूढयानाः सनद्धवर्माणो द्वारदेशतः

tatrāpaśyanmahāsattvāssāvadhānā dhṛtāyudhāḥ / ārūḍhayānāḥ sanaddhavarmāṇo dvāradeśataḥ

Sanskrit only: no published translation is held for this verse.

स्तंभिनीप्रमुखाः शक्तीर्विशत्यक्षौहिणीयुताः । सर्वदा द्वाररक्षार्थं निर्दिष्टा दण्डनाथया

staṃbhinīpramukhāḥ śaktīrviśatyakṣauhiṇīyutāḥ / sarvadā dvārarakṣārthaṃ nirdiṣṭā daṇḍanāthayā

Sanskrit only: no published translation is held for this verse.

विलोक्य विस्मयाविष्टो विचार्य च चिरं तदा । शालस्य बहिरेवासौ स्थित्वा यन्त्रं समातनोत्

vilokya vismayāviṣṭo vicārya ca ciraṃ tadā / śālasya bahirevāsau sthitvā yantraṃ samātanot

Sanskrit only: no published translation is held for this verse.

गव्यूतिमात्रकायामे तत्समानप्रविस्तरे । शिलापट्टे सुमहति प्रालिखद्यन्त्रमुत्तमम्

gavyūtimātrakāyāme tatsamānapravistare / śilāpaṭṭe sumahati prālikhadyantramuttamam

Sanskrit only: no published translation is held for this verse.

अष्टदिक्ष्वष्टशूलेन संहाराक्षरमौलिना । अष्टभिर्दैवतैश्चैव युक्तं यन्त्रं समालिखत्

aṣṭadikṣvaṣṭaśūlena saṃhārākṣaramaulinā / aṣṭabhirdaivataiścaiva yuktaṃ yantraṃ samālikhat

Sanskrit only: no published translation is held for this verse.

अलसा कृपणा दीना नितन्द्राच प्रमीलिका । क्लीबा च निरहङ्कारा चेत्यष्टौ देवताः स्मृताः

alasā kṛpaṇā dīnā nitandrāca pramīlikā / klībā ca nirahaṅkārā cetyaṣṭau devatāḥ smṛtāḥ

Sanskrit only: no published translation is held for this verse.

देवताष्टकमेतश्च शूलाष्टकपुटोपरि । नियोज्य लिखितं यन्त्रं मायावी सममन्त्रयत्

devatāṣṭakametaśca śūlāṣṭakapuṭopari / niyojya likhitaṃ yantraṃ māyāvī samamantrayat

Sanskrit only: no published translation is held for this verse.

पूजां विधाय मन्त्रस्य बलिभिश्छागलादिभिः । तद्यन्त्रं चारिकटके प्राक्षिपत्समरे ऽसुरः

pūjāṃ vidhāya mantrasya balibhiśchāgalādibhiḥ / tadyantraṃ cārikaṭake prākṣipatsamare 'suraḥ

Sanskrit only: no published translation is held for this verse.

पाकारस्य बहिर्भागे वर्तिना तेन दुर्धिया । क्षिप्तमुल्लङ्घ्य च रणे पपात कटकान्तरे

pākārasya bahirbhāge vartinā tena durdhiyā / kṣiptamullaṅghya ca raṇe papāta kaṭakāntare

Sanskrit only: no published translation is held for this verse.

तद्यन्त्रस्य विकारेण कटकस्थास्तुशक्तयः । विमुक्तशस्त्रसंन्यासमास्थिता दीनमानसाः

tadyantrasya vikāreṇa kaṭakasthāstuśaktayaḥ / vimuktaśastrasaṃnyāsamāsthitā dīnamānasāḥ

Sanskrit only: no published translation is held for this verse.

किं हतैरसुरैः कार्यं शस्त्राशस्त्रिक्रमैरलम् । जयसिद्धफलं किं वा प्राणिहिंसा च पापदा

kiṃ hatairasuraiḥ kāryaṃ śastrāśastrikramairalam / jayasiddhaphalaṃ kiṃ vā prāṇihiṃsā ca pāpadā

Sanskrit only: no published translation is held for this verse.

अमराणां कृते को ऽयं किमस्माकं भविष्यति । वृथा कलकलं कृत्वा न फलं युद्धकर्मणा

amarāṇāṃ kṛte ko 'yaṃ kimasmākaṃ bhaviṣyati / vṛthā kalakalaṃ kṛtvā na phalaṃ yuddhakarmaṇā

Sanskrit only: no published translation is held for this verse.

का स्वामिनी महाराज्ञी का वासौ दण्डनायिका । का वा सा मन्त्रिणी श्यामा भृत्यत्वं नो ऽथ कीदृशम्

kā svāminī mahārājñī kā vāsau daṇḍanāyikā / kā vā sā mantriṇī śyāmā bhṛtyatvaṃ no 'tha kīdṛśam

Sanskrit only: no published translation is held for this verse.

इह सर्वाभिरस्माभिर्भृत्यभूताभिरेकिका । वनिता स्वामिनीकृत्ये किं फलं मोक्ष्यते परम्

iha sarvābhirasmābhirbhṛtyabhūtābhirekikā / vanitā svāminīkṛtye kiṃ phalaṃ mokṣyate param

Sanskrit only: no published translation is held for this verse.

परेषां मर्मभिदुरैरायुधैर्न प्रयोजनम् । युद्धं शाम्यतु चास्माकं देहशस्त्रक्षतिप्रदम्

pareṣāṃ marmabhidurairāyudhairna prayojanam / yuddhaṃ śāmyatu cāsmākaṃ dehaśastrakṣatipradam

Sanskrit only: no published translation is held for this verse.

युद्धे च मरणं भावि वृथा स्युर्जीवितानि नः । युद्धे मृत्युर्भवेदेव इति तत्र प्रमैव का

yuddhe ca maraṇaṃ bhāvi vṛthā syurjīvitāni naḥ / yuddhe mṛtyurbhavedeva iti tatra pramaiva kā

Sanskrit only: no published translation is held for this verse.

उत्साहेन फलं नास्ति निद्रैवैका सुखावहा । आलस्यसदृशं नास्ति चित्तविश्रान्तिदायकम्

utsāhena phalaṃ nāsti nidraivaikā sukhāvahā / ālasyasadṛśaṃ nāsti cittaviśrāntidāyakam

Sanskrit only: no published translation is held for this verse.

एतादृशीश्च नो ज्ञात्वा सा राज्ञी किं करिष्यति । तस्या राज्ञीत्वमपि नः समवायेन कल्पितम्

etādṛśīśca no jñātvā sā rājñī kiṃ kariṣyati / tasyā rājñītvamapi naḥ samavāyena kalpitam

Sanskrit only: no published translation is held for this verse.

एवं चोपेक्षितास्माभिः सा विनष्टबला भवेत् । नष्ट सत्त्वा च सा राज्ञी कान्नः शिक्षां करिष्यति

evaṃ copekṣitāsmābhiḥ sā vinaṣṭabalā bhavet / naṣṭa sattvā ca sā rājñī kānnaḥ śikṣāṃ kariṣyati

Sanskrit only: no published translation is held for this verse.

एवमेव रणारंभं विमुच्य विधुतायुधाः । शक्तयो निद्रया द्वारे घूर्णमाना इवाभवन्

evameva raṇāraṃbhaṃ vimucya vidhutāyudhāḥ / śaktayo nidrayā dvāre ghūrṇamānā ivābhavan

Sanskrit only: no published translation is held for this verse.

सर्वत्र मान्द्यं कार्येषु महदालस्यमागतम् । शिथिलं चाभवत्सर्वं शक्तीनां कटकं महत्

sarvatra māndyaṃ kāryeṣu mahadālasyamāgatam / śithilaṃ cābhavatsarvaṃ śaktīnāṃ kaṭakaṃ mahat

Sanskrit only: no published translation is held for this verse.

जयविघ्नं महायन्त्रमिति कृत्वा स दानवः

jayavighnaṃ mahāyantramiti kṛtvā sa dānavaḥ

Sanskrit only: no published translation is held for this verse.

निर्विद्य तत्प्रभावेण कटकं प्रमिमन्थिषुः । द्वितीययुद्धदिवसस्यार्धरात्रे गते सति

nirvidya tatprabhāveṇa kaṭakaṃ pramimanthiṣuḥ / dvitīyayuddhadivasasyārdharātre gate sati

Sanskrit only: no published translation is held for this verse.

निस्मृत्य नगराद्भूयस्त्रिंशदक्षौहिणीवृतः । आजगाम पुनर्दैत्यो विशुक्रः कटकं द्विषाम्

nismṛtya nagarādbhūyastriṃśadakṣauhiṇīvṛtaḥ / ājagāma punardaityo viśukraḥ kaṭakaṃ dviṣām

Sanskrit only: no published translation is held for this verse.

अश्रूयन्त ततस्तस्य रणनिःसाणनिस्वनाः । तथापि ता निरुद्योगाः शक्तयः कटके ऽभवन्

aśrūyanta tatastasya raṇaniḥsāṇanisvanāḥ / tathāpi tā nirudyogāḥ śaktayaḥ kaṭake 'bhavan

Sanskrit only: no published translation is held for this verse.

तदा महानुभावत्वाद्विकारैर्विघ्नयन्त्रजैः । अस्पृष्टे मन्त्रिणीदण्डनाथे चिन्तामवा पतुः

tadā mahānubhāvatvādvikārairvighnayantrajaiḥ / aspṛṣṭe mantriṇīdaṇḍanāthe cintāmavā patuḥ

Sanskrit only: no published translation is held for this verse.

अहो बत महत्कष्टमिदमापतितं भयम् । कस्य वाथ विकारेण सैनिका निर्गतोद्यमाः

aho bata mahatkaṣṭamidamāpatitaṃ bhayam / kasya vātha vikāreṇa sainikā nirgatodyamāḥ

Sanskrit only: no published translation is held for this verse.

निरस्तायुधसंरंभा निद्रातन्द्राविघूर्णिताः । न मानयन्ति वाक्यानि रार्चयन्ति महेश्वरीम् । औदासीन्यं वितन्वन्ति शक्तयो निस्पृहा इमाः

nirastāyudhasaṃraṃbhā nidrātandrāvighūrṇitāḥ / na mānayanti vākyāni rārcayanti maheśvarīm / audāsīnyaṃ vitanvanti śaktayo nispṛhā imāḥ

Sanskrit only: no published translation is held for this verse.

इति ते मन्त्रिणीदण्डनाथे चिन्तापरायणे । चक्रस्यन्दनमारूढे महाराज्ञीं समूचतुः

iti te mantriṇīdaṇḍanāthe cintāparāyaṇe / cakrasyandanamārūḍhe mahārājñīṃ samūcatuḥ

Sanskrit only: no published translation is held for this verse.

मन्त्रिण्युवाच देवि सक्य विकारो ऽयं शक्तयो विगतोद्यमाः । न शृण्वन्ति महाराज्ञि तवाज्ञां विश्वपालिताम्

mantriṇyuvāca devi sakya vikāro 'yaṃ śaktayo vigatodyamāḥ / na śṛṇvanti mahārājñi tavājñāṃ viśvapālitām

Sanskrit only: no published translation is held for this verse.

अन्योन्यं च विरक्तास्ताः पराच्यः सर्वकर्मसु । निद्रातन्द्रामुकुलिता दुर्वाक्यानि वितन्वते

anyonyaṃ ca viraktāstāḥ parācyaḥ sarvakarmasu / nidrātandrāmukulitā durvākyāni vitanvate

Sanskrit only: no published translation is held for this verse.

का दण्डिनी मन्त्रिणी का महाराज्ञीति का पुनः । युद्धं च कीदृशमिति क्षेपं भूरि वितन्वते

kā daṇḍinī mantriṇī kā mahārājñīti kā punaḥ / yuddhaṃ ca kīdṛśamiti kṣepaṃ bhūri vitanvate

Sanskrit only: no published translation is held for this verse.

अस्मिन्नेवान्तरे शत्रुरागच्छति महाबलः । उद्दण्डभेरीनिस्वानैर्विभिन्दन्निव रोदसी

asminnevāntare śatrurāgacchati mahābalaḥ / uddaṇḍabherīnisvānairvibhindanniva rodasī

Sanskrit only: no published translation is held for this verse.

अत्र यत्प्राप्तरूपं तन्महाराज्ञि प्रपद्यताम् । इत्युक्त्वा सह दण्डिन्या मन्त्रिणी प्रणतिं व्यधात्

atra yatprāptarūpaṃ tanmahārājñi prapadyatām / ityuktvā saha daṇḍinyā mantriṇī praṇatiṃ vyadhāt

Sanskrit only: no published translation is held for this verse.

ततः सा ललिता देवी कामेश्वरमुखं प्रति । दत्तदृष्टडिः समहसदतिरक्तरदावलिः

tataḥ sā lalitā devī kāmeśvaramukhaṃ prati / dattadṛṣṭaḍiḥ samahasadatiraktaradāvaliḥ

Sanskrit only: no published translation is held for this verse.

तस्याः स्मितप्रभापुञ्जे कुञ्जराकृतिमान्मुखे । कटक्रोडगलद्दानः कश्चिदेव व्यजृंभत

tasyāḥ smitaprabhāpuñje kuñjarākṛtimānmukhe / kaṭakroḍagaladdānaḥ kaścideva vyajṛṃbhata

Sanskrit only: no published translation is held for this verse.

जपापटलपाटल्यो बालचन्द्रवपुर्धरः । बीजपूरगदामिक्षुचापं शूलं सुदर्शनम्

japāpaṭalapāṭalyo bālacandravapurdharaḥ / bījapūragadāmikṣucāpaṃ śūlaṃ sudarśanam

Sanskrit only: no published translation is held for this verse.

अब्जपाशोत्पलव्रीहिमञ्जरीवरदां कुशान् । रत्नकुंभं च दशभिः स्वकैर्हस्तैः समुद्वहन्

abjapāśotpalavrīhimañjarīvaradāṃ kuśān / ratnakuṃbhaṃ ca daśabhiḥ svakairhastaiḥ samudvahan

Sanskrit only: no published translation is held for this verse.

तुन्दिलश्चन्द्रचूडालो मन्द्रबृंहितनिस्वनः । सिद्धिलक्ष्मीसमाश्लिष्टः प्रणनाम महेश्वरीम्

tundilaścandracūḍālo mandrabṛṃhitanisvanaḥ / siddhilakṣmīsamāśliṣṭaḥ praṇanāma maheśvarīm

Sanskrit only: no published translation is held for this verse.

तया कृताशीः स महान्गणनाथो गजाननः । जयविघ्नमहायन्त्रंभेत्तुं वेगाद्विनिर्ययौ

tayā kṛtāśīḥ sa mahāngaṇanātho gajānanaḥ / jayavighnamahāyantraṃbhettuṃ vegādviniryayau

Sanskrit only: no published translation is held for this verse.

अन्तरेवहि शालस्य भ्रमद्दन्तावलाननः । निभृतं कुत्रचिल्लग्नं जयविघ्नं व्यलोकयत्

antarevahi śālasya bhramaddantāvalānanaḥ / nibhṛtaṃ kutracillagnaṃ jayavighnaṃ vyalokayat

Sanskrit only: no published translation is held for this verse.

स देवो घोरनिर्घातैर्दुःसहैर्दन्तपातनैः । क्षणाच्चूर्मीकरोति स्म जयविघ्नमहाशिलाम्

sa devo ghoranirghātairduḥsahairdantapātanaiḥ / kṣaṇāccūrmīkaroti sma jayavighnamahāśilām

Sanskrit only: no published translation is held for this verse.

तत्र स्थिताभिर्दुष्टाभिर्देवताभिः सहैव सः । परागशेषतां नीत्वा तद्यन्त्रं प्रक्षिपद्दिवि

tatra sthitābhirduṣṭābhirdevatābhiḥ sahaiva saḥ / parāgaśeṣatāṃ nītvā tadyantraṃ prakṣipaddivi

Sanskrit only: no published translation is held for this verse.

ततः किलकिलारावं कृत्वाऽलस्यविवर्जिताः । उद्यताः समरं कर्तुं शक्तयः शस्त्रपाणयः

tataḥ kilakilārāvaṃ kṛtvā'lasyavivarjitāḥ / udyatāḥ samaraṃ kartuṃ śaktayaḥ śastrapāṇayaḥ

Sanskrit only: no published translation is held for this verse.

स देतिवदनः कण्ठकलिताकुण्ठनिस्वनः । जययन्त्रं हि तत्सृष्टं तथा रात्रौ व्यनाशयत्

sa detivadanaḥ kaṇṭhakalitākuṇṭhanisvanaḥ / jayayantraṃ hi tatsṛṣṭaṃ tathā rātrau vyanāśayat

Sanskrit only: no published translation is held for this verse.

इमं वृत्तान्तमाकर्ण्य भण्डः स क्षोभमाययौ । ससर्जय बहूनात्मरूपान्दन्तावलाननान्

imaṃ vṛttāntamākarṇya bhaṇḍaḥ sa kṣobhamāyayau / sasarjaya bahūnātmarūpāndantāvalānanān

Sanskrit only: no published translation is held for this verse.

ते कटक्रोडविगलन्मदसौरभचञ्चलैः । चञ्चरीककुलैरग्रे गीयमानमहोदयाः

te kaṭakroḍavigalanmadasaurabhacañcalaiḥ / cañcarīkakulairagre gīyamānamahodayāḥ

Sanskrit only: no published translation is held for this verse.

स्फुरद्दाडिमकिञ्जल्कविक्षेपकररोचिषः । सदा रत्नाकरानेकहेलया पातुमुद्यताः

sphuraddāḍimakiñjalkavikṣepakararociṣaḥ / sadā ratnākarānekahelayā pātumudyatāḥ

Sanskrit only: no published translation is held for this verse.

आमोदप्रमुखा ऋद्धिमुख्यशक्तिनिषेविताः । आमोदश्च प्रमोदश्च मुमुखो दुर्मुखस्तथा

āmodapramukhā ṛddhimukhyaśaktiniṣevitāḥ / āmodaśca pramodaśca mumukho durmukhastathā

Sanskrit only: no published translation is held for this verse.

अरिघ्नो विघ्नकर्त्ता च षडेते विघ्ननायकाः । ते सप्तकोटिसंख्यानां हेरंबाणामधीश्वराः

arighno vighnakarttā ca ṣaḍete vighnanāyakāḥ / te saptakoṭisaṃkhyānāṃ heraṃbāṇāmadhīśvarāḥ

Sanskrit only: no published translation is held for this verse.

ते पुरश्चलितास्तस्य महागणपते रणे । अग्निप्राकारवलयाद्विनिर्गत्य गजाननाः

te puraścalitāstasya mahāgaṇapate raṇe / agniprākāravalayādvinirgatya gajānanāḥ

Sanskrit only: no published translation is held for this verse.

क्रोधहुङ्कारतुमुलाः प्रत्य पद्यन्त दानवान् । पुनः प्रचण्डफूत्कारबधिरीकृतविष्टपाः

krodhahuṅkāratumulāḥ pratya padyanta dānavān / punaḥ pracaṇḍaphūtkārabadhirīkṛtaviṣṭapāḥ

Sanskrit only: no published translation is held for this verse.

पपात दैत्यसैन्येषु गणचक्रचमूगणः । अच्छिदन्निशितैर्बाणैर्गणनाथः स दानवान्

papāta daityasainyeṣu gaṇacakracamūgaṇaḥ / acchidanniśitairbāṇairgaṇanāthaḥ sa dānavān

Sanskrit only: no published translation is held for this verse.

गणनाथेन तस्याभूद्विशुक्रस्य महौजसः । युद्धमुद्धतहुङ्कारभिन्नकार्मुकनिःस्वनम्

gaṇanāthena tasyābhūdviśukrasya mahaujasaḥ / yuddhamuddhatahuṅkārabhinnakārmukaniḥsvanam

Sanskrit only: no published translation is held for this verse.

भ्रुकुटी कुटिले चक्रे दष्टोष्ठमतिपाटलम् । विशुक्रो युधि बिभ्राणः समयुध्यत तेन सः

bhrukuṭī kuṭile cakre daṣṭoṣṭhamatipāṭalam / viśukro yudhi bibhrāṇaḥ samayudhyata tena saḥ

Sanskrit only: no published translation is held for this verse.

शस्त्राघट्टननिस्वानैर् हुंकारैश्च सुरद्विषाम् । दैत्यसप्तिखुरक्रीडत्कुद्दालीकूटनिस्वनैः

śastrāghaṭṭananisvānair huṃkāraiśca suradviṣām / daityasaptikhurakrīḍatkuddālīkūṭanisvanaiḥ

Sanskrit only: no published translation is held for this verse.

फेत्कारैश्च गचेन्द्राणां भयेनाक्रन्दनैरपि । हेषया च हयश्रेण्या रथचक्रस्वनैरपि

phetkāraiśca gacendrāṇāṃ bhayenākrandanairapi / heṣayā ca hayaśreṇyā rathacakrasvanairapi

Sanskrit only: no published translation is held for this verse.

धनुषां गुणनिस्स्वानैश्चक्रचीत्करणैरपि

dhanuṣāṃ guṇanissvānaiścakracītkaraṇairapi

Sanskrit only: no published translation is held for this verse.

शरसात्कारघोषैश्च वीरभाषाकदंबकैः । अट्टहासैर्महेन्द्राणां सिंहनादैश्चभूरिशः

śarasātkāraghoṣaiśca vīrabhāṣākadaṃbakaiḥ / aṭṭahāsairmahendrāṇāṃ siṃhanādaiścabhūriśaḥ

Sanskrit only: no published translation is held for this verse.

क्षुभ्यद्दिगन्तरं तत्र ववृधे युद्धमुद्धतम् । त्रिंशदक्षौहिणी सेना विशुक्रस्य दुरात्मनः

kṣubhyaddigantaraṃ tatra vavṛdhe yuddhamuddhatam / triṃśadakṣauhiṇī senā viśukrasya durātmanaḥ

Sanskrit only: no published translation is held for this verse.

प्रत्येकं योधया मासुर्गणनाथा महारथाः । दन्तैर्मर्म विभिन्दन्तो विष्टंयतश्च शुण्डया

pratyekaṃ yodhayā māsurgaṇanāthā mahārathāḥ / dantairmarma vibhindanto viṣṭaṃyataśca śuṇḍayā

Sanskrit only: no published translation is held for this verse.

क्रोधयन्तः कर्णतालैः पुष्कलावर्त्तकोपमैः । नासाश्वासैश्च परुषैर्विक्षिपन्तः पताकिनीम्

krodhayantaḥ karṇatālaiḥ puṣkalāvarttakopamaiḥ / nāsāśvāsaiśca paruṣairvikṣipantaḥ patākinīm

Sanskrit only: no published translation is held for this verse.

उरोभिर्मर्दयन्तश्च शैलवप्रसमप्रभैः । पिंषन्तश्च पदाघातैः पीनैर्घ्नन्तस्तथोदरैः

urobhirmardayantaśca śailavaprasamaprabhaiḥ / piṃṣantaśca padāghātaiḥ pīnairghnantastathodaraiḥ

Sanskrit only: no published translation is held for this verse.

विभिन्दन्तश्च शूलेन कृत्तन्तश्चक्रपातनैः । शङ्खस्वनेन महता त्रासयन्तो वरूथिनीम्

vibhindantaśca śūlena kṛttantaścakrapātanaiḥ / śaṅkhasvanena mahatā trāsayanto varūthinīm

Sanskrit only: no published translation is held for this verse.

गणनाथमुखोद्भूता गजवक्राः सहस्रशः । धूलीशेषं समस्तं तत्सैन्यं चक्रुर्महोद्यताः

gaṇanāthamukhodbhūtā gajavakrāḥ sahasraśaḥ / dhūlīśeṣaṃ samastaṃ tatsainyaṃ cakrurmahodyatāḥ

Sanskrit only: no published translation is held for this verse.

अथ क्रोधसमाविष्टो निजसैन्यपुरोगमः । प्रेषयामास देवस्य गजासुर मसौ पुनः

atha krodhasamāviṣṭo nijasainyapurogamaḥ / preṣayāmāsa devasya gajāsura masau punaḥ

Sanskrit only: no published translation is held for this verse.

प्रचण्डसिंहनादेन गजदैत्येन दुर्धिया । सप्ताक्षौहिणियुक्तेन युयुधे स गणेश्वरः

pracaṇḍasiṃhanādena gajadaityena durdhiyā / saptākṣauhiṇiyuktena yuyudhe sa gaṇeśvaraḥ

Sanskrit only: no published translation is held for this verse.

हीयमानं समालोक्य गजासुरभुजाबलम् । वर्धमानं च तद्वीर्यं विशुक्रः प्रपलायितः

hīyamānaṃ samālokya gajāsurabhujābalam / vardhamānaṃ ca tadvīryaṃ viśukraḥ prapalāyitaḥ

Sanskrit only: no published translation is held for this verse.

स एक एव वीरेद्रः प्रचलन्नाखुवाहनः । सप्ताक्षौहिणिकायुक्तं गजासुरममर्दयत्

sa eka eva vīredraḥ pracalannākhuvāhanaḥ / saptākṣauhiṇikāyuktaṃ gajāsuramamardayat

Sanskrit only: no published translation is held for this verse.

गजासुरे च निहते विशुक्रे प्रपलायिते । ललितान्तिकमापेदे महागमपतिर्मृधात्

gajāsure ca nihate viśukre prapalāyite / lalitāntikamāpede mahāgamapatirmṛdhāt

Sanskrit only: no published translation is held for this verse.

कालरात्रिश्च दैत्यानां सा रात्रिर्विरतिं गता । ललिता चाति मुदिता बभूवास्य पराक्रमैः

kālarātriśca daityānāṃ sā rātrirviratiṃ gatā / lalitā cāti muditā babhūvāsya parākramaiḥ

Sanskrit only: no published translation is held for this verse.

विततार महाराज्ञीप्रीयमाणा गणेशितुः । सर्वदैवतपूजायाः पूर्वपूज्यत्वमुत्तमम्

vitatāra mahārājñīprīyamāṇā gaṇeśituḥ / sarvadaivatapūjāyāḥ pūrvapūjyatvamuttamam

Sanskrit only: no published translation is held for this verse.