Library·Brahmāṇḍa Purāṇa·3·3.28
इति श्रीब्रह्माण्डपुराणे उत्तरभागे हयग्रीवागस्त्यसंवादे ललितोपाख्याने गणनाथपराक्रमो नाम सप्तविंशो ऽध्यायः रणेभग्नं महादैत्यं भण्डदैत्यः सहोदरम् । सेनानां कदनं श्रुत्वा सन्तप्तो बहुचिन्तया
iti śrībrahmāṇḍapurāṇe uttarabhāge hayagrīvāgastyasaṃvāde lalitopākhyāne gaṇanāthaparākramo nāma saptaviṃśo 'dhyāyaḥ raṇebhagnaṃ mahādaityaṃ bhaṇḍadaityaḥ sahodaram / senānāṃ kadanaṃ śrutvā santapto bahucintayā
Sanskrit only: no published translation is held for this verse.
उभावपि समेतौ तौ युक्तौ सर्वैश्चसैनिकैः । प्रेषयामास युद्धाय भण्डदैत्यः सहोदरौ
ubhāvapi sametau tau yuktau sarvaiścasainikaiḥ / preṣayāmāsa yuddhāya bhaṇḍadaityaḥ sahodarau
Sanskrit only: no published translation is held for this verse.
तावुभौ परमक्रुद्धौ भण्डदैत्येन देशितौ । विषङ्गश्च विशुक्रश्च महोद्यम मवापनुः
tāvubhau paramakruddhau bhaṇḍadaityena deśitau / viṣaṅgaśca viśukraśca mahodyama mavāpanuḥ
Sanskrit only: no published translation is held for this verse.
कनिष्ठसहितं तत्र युवराजं महाबलम् । विशुक्रमनुवव्राज सेना त्रैलोक्यकम्पिनी
kaniṣṭhasahitaṃ tatra yuvarājaṃ mahābalam / viśukramanuvavrāja senā trailokyakampinī
Sanskrit only: no published translation is held for this verse.
अक्षौहिणीचतुःशत्या सेनानामावृतश्च सः । युवराजः प्रववृधे प्रतापेन महीयसा
akṣauhiṇīcatuḥśatyā senānāmāvṛtaśca saḥ / yuvarājaḥ pravavṛdhe pratāpena mahīyasā
Sanskrit only: no published translation is held for this verse.
उलूकजित्प्रभृतयो भागिनेया दशोद्धताः । भण्डस्य च भगिन्यान्तु धूमिन्यां जातयोनयः
ulūkajitprabhṛtayo bhāgineyā daśoddhatāḥ / bhaṇḍasya ca bhaginyāntu dhūminyāṃ jātayonayaḥ
Sanskrit only: no published translation is held for this verse.
कृतास्त्रशिक्षा भण्डेन मातुलेन महीयसा । विक्रमेण वलन्तस्ते सेनानाथाः प्रतस्थिरे
kṛtāstraśikṣā bhaṇḍena mātulena mahīyasā / vikrameṇa valantaste senānāthāḥ pratasthire
Sanskrit only: no published translation is held for this verse.
प्रोद्गतैश्चापनिर्घोषैर्घोषयन्तो दिशो दश । द्वयोर्मातुलयोः प्रीतिं भागिनेया वितेनिरे
prodgataiścāpanirghoṣairghoṣayanto diśo daśa / dvayormātulayoḥ prītiṃ bhāgineyā vitenire
Sanskrit only: no published translation is held for this verse.
आरूढयानाः प्रत्येकगाढाहङ्कारशालिनः । आकृष्टगुरुधन्वानो विशुक्रमनुवव्रजुः
ārūḍhayānāḥ pratyekagāḍhāhaṅkāraśālinaḥ / ākṛṣṭagurudhanvāno viśukramanuvavrajuḥ
Sanskrit only: no published translation is held for this verse.
यौवराज्यप्रभाचिह्नच्छत्रचामरशोभितः । आरूढवारणः प्राप विशुक्रो युद्धमेदिनीम्
yauvarājyaprabhācihnacchatracāmaraśobhitaḥ / ārūḍhavāraṇaḥ prāpa viśukro yuddhamedinīm
Sanskrit only: no published translation is held for this verse.
ततः कलकलारावकारिण्या सेनया वृतः । विशुक्रः पटु दध्वान सिंहनादं भयङ्करम्
tataḥ kalakalārāvakāriṇyā senayā vṛtaḥ / viśukraḥ paṭu dadhvāna siṃhanādaṃ bhayaṅkaram
Sanskrit only: no published translation is held for this verse.
तत्क्षोभात्क्षुभितस्वान्ताः शक्तयः संभ्रमोद्धताः । अग्निप्राकारवलयान्निर्जगमुर्बद्धपङ्कयः
tatkṣobhātkṣubhitasvāntāḥ śaktayaḥ saṃbhramoddhatāḥ / agniprākāravalayānnirjagamurbaddhapaṅkayaḥ
Sanskrit only: no published translation is held for this verse.
तडिन्मयमिवाकाशं कुर्वन्त्यः स्वस्वरोचिषा । रक्ताम्वुजावृतमिव व्योमचक्रं रणोन्मुखाः
taḍinmayamivākāśaṃ kurvantyaḥ svasvarociṣā / raktāmvujāvṛtamiva vyomacakraṃ raṇonmukhāḥ
Sanskrit only: no published translation is held for this verse.
अथ भण्डकनीयांसावागतौ युद्धदुर्मदौ । निशम्य युगपद्योद्धं मन्त्रिणीदण्डनायके
atha bhaṇḍakanīyāṃsāvāgatau yuddhadurmadau / niśamya yugapadyoddhaṃ mantriṇīdaṇḍanāyake
Sanskrit only: no published translation is held for this verse.
किरिचकं ज्ञेयचक्रमारूढे रथशेखरम् । धृतातपत्रवलये चामराभ्यां च वीजिते
kiricakaṃ jñeyacakramārūḍhe rathaśekharam / dhṛtātapatravalaye cāmarābhyāṃ ca vījite
Sanskrit only: no published translation is held for this verse.
अप्सरोभिः प्रनृत्ताभिर्गीयमानमहोदये । निर्जगमतू रणं कर्तुमुभाभ्यां ललिताज्ञया
apsarobhiḥ pranṛttābhirgīyamānamahodaye / nirjagamatū raṇaṃ kartumubhābhyāṃ lalitājñayā
Sanskrit only: no published translation is held for this verse.
श्रीचक्ररथराजस्य रक्षणार्थं निवेशिते । शताक्षौहिणिकां सेनां वर्जयित्वास्त्रभीषणम्
śrīcakraratharājasya rakṣaṇārthaṃ niveśite / śatākṣauhiṇikāṃ senāṃ varjayitvāstrabhīṣaṇam
Sanskrit only: no published translation is held for this verse.
अन्यत्सर्वं चमुजालं निर्जगाम रणोन्मुखी । पुरतः प्राचलद्दण्डनाथा रथनिषेदुषी
anyatsarvaṃ camujālaṃ nirjagāma raṇonmukhī / purataḥ prācaladdaṇḍanāthā rathaniṣeduṣī
Sanskrit only: no published translation is held for this verse.
एकयैव कराङ्गुल्या घूर्णयन्ती हलायुधम् । मुसलं चान्यहस्तेन भ्रामयन्ती मुहुर्मुहुः
ekayaiva karāṅgulyā ghūrṇayantī halāyudham / musalaṃ cānyahastena bhrāmayantī muhurmuhuḥ
Sanskrit only: no published translation is held for this verse.
तरलेन्दुकलाचूडास्फुरत्पोत्रमुखाम्बुजा । पुरः प्रहर्त्री समरे सर्वदा विक्रमोद्धता । अस्या अनुप्रचलिता गेयचक्ररथस्थिता
taralendukalācūḍāsphuratpotramukhāmbujā / puraḥ prahartrī samare sarvadā vikramoddhatā / asyā anupracalitā geyacakrarathasthitā
Sanskrit only: no published translation is held for this verse.
धनुषो ध्वनिना विश्वं पूरयन्ती महोद्धता । वेणीकृतकचन्यस्तविलसच्चन्द्रपल्लवा
dhanuṣo dhvaninā viśvaṃ pūrayantī mahoddhatā / veṇīkṛtakacanyastavilasaccandrapallavā
Sanskrit only: no published translation is held for this verse.
स्फुरत्त्रितयनेत्रेण सिन्दूरतिलकत्विषा । पाणिना पद्मरम्येण मणिकङ्कणचारुणा
sphurattritayanetreṇa sindūratilakatviṣā / pāṇinā padmaramyeṇa maṇikaṅkaṇacāruṇā
Sanskrit only: no published translation is held for this verse.
तूणीरमुखतः कृष्टं भ्रामयन्ती शिलीमुखम् । जय वर्धस्ववर्धस्वेत्यतिहर्षसमाकुले
tūṇīramukhataḥ kṛṣṭaṃ bhrāmayantī śilīmukham / jaya vardhasvavardhasvetyatiharṣasamākule
Sanskrit only: no published translation is held for this verse.
नृत्यद्भिर्दिव्यमुनिभिर्वर्द्धिताशीर्वचो ऽमृतैः । गेयचक्ररथेन्द्रस्य चक्रनेमिविघट्टनैः
nṛtyadbhirdivyamunibhirvarddhitāśīrvaco 'mṛtaiḥ / geyacakrarathendrasya cakranemivighaṭṭanaiḥ
Sanskrit only: no published translation is held for this verse.
दारयन्ती क्षितितलं दैत्यानां हृदयैः सह । लोकातिशायिता विश्वमनोमोहनकारिणा । गीतिबन्धेनामरीभिर्बह्वीभिर्गीतवैभवा
dārayantī kṣititalaṃ daityānāṃ hṛdayaiḥ saha / lokātiśāyitā viśvamanomohanakāriṇā / gītibandhenāmarībhirbahvībhirgītavaibhavā
Sanskrit only: no published translation is held for this verse.
अक्षौहिणीसहस्राणामष्टकं समरोद्धतम् । कर्षती कल्पविश्लेषनिर्मर्यादाब्धिसंनिभम्
akṣauhiṇīsahasrāṇāmaṣṭakaṃ samaroddhatam / karṣatī kalpaviśleṣanirmaryādābdhisaṃnibham
Sanskrit only: no published translation is held for this verse.
तस्याः शक्तिचमूचक्रे काश्चित्कनकरोचिषः । काश्चिद्दाडिमसंकाशाः काश्चिज्जीमूतरोचिषः
tasyāḥ śakticamūcakre kāścitkanakarociṣaḥ / kāściddāḍimasaṃkāśāḥ kāścijjīmūtarociṣaḥ
Sanskrit only: no published translation is held for this verse.
अन्याः सिंदूररुचयः पराः पाटलपाटलाः । काचाद्रिकाम्बराः काश्चित्पराः श्यामलकोमलाः
anyāḥ siṃdūrarucayaḥ parāḥ pāṭalapāṭalāḥ / kācādrikāmbarāḥ kāścitparāḥ śyāmalakomalāḥ
Sanskrit only: no published translation is held for this verse.
अन्यास्तु हीरकप्रख्याः परा गारुत्मतोपमाः । विरुद्धैः पञ्चभिर्बाणैर्मिश्रितैः शतकोटिभिः
anyāstu hīrakaprakhyāḥ parā gārutmatopamāḥ / viruddhaiḥ pañcabhirbāṇairmiśritaiḥ śatakoṭibhiḥ
Sanskrit only: no published translation is held for this verse.
व्यञ्जयन्त्यो देहरुचं कतिचिद्विविधायुधाः । असंख्याः शक्तयश्चेलुर्दण्डिन्यास्सैनिके तथा
vyañjayantyo deharucaṃ katicidvividhāyudhāḥ / asaṃkhyāḥ śaktayaścelurdaṇḍinyāssainike tathā
Sanskrit only: no published translation is held for this verse.
तथैव सैन्यसन्नाहो मन्त्रिण्याः कुम्भसम्भव । यथा भूषणवेषादि यथा प्रभावलक्षणम्
tathaiva sainyasannāho mantriṇyāḥ kumbhasambhava / yathā bhūṣaṇaveṣādi yathā prabhāvalakṣaṇam
Sanskrit only: no published translation is held for this verse.
यथा सद्गुणशालित्वं यथा चाश्रितलक्षणम् । यथा दैत्यौघसंहारो यथा सर्वैश्च पूजिता
yathā sadguṇaśālitvaṃ yathā cāśritalakṣaṇam / yathā daityaughasaṃhāro yathā sarvaiśca pūjitā
Sanskrit only: no published translation is held for this verse.
यथा शक्तिर्महाराज्ञ्या देडिन्यश्च तथाखिलम् । विशेषस्तु परं तस्याः साचिव्ये तत्करे स्थितम् । महाराज्ञीवितीर्णं तदाज्ञामुद्राङ्गुलीयकम्
yathā śaktirmahārājñyā deḍinyaśca tathākhilam / viśeṣastu paraṃ tasyāḥ sācivye tatkare sthitam / mahārājñīvitīrṇaṃ tadājñāmudrāṅgulīyakam
Sanskrit only: no published translation is held for this verse.
इत्थं प्रचलिते सैन्ये मन्त्रिणीदण्डनाथयोः । तद्भारभङ्गुरा भूमिर्देलालीलामलंबत
itthaṃ pracalite sainye mantriṇīdaṇḍanāthayoḥ / tadbhārabhaṅgurā bhūmirdelālīlāmalaṃbata
Sanskrit only: no published translation is held for this verse.
ततः प्रववृते युद्धं तुमुलं रोमहर्षणम् । उद्धूतधूलिजंबालीभूतसप्तार्णवीजलम्
tataḥ pravavṛte yuddhaṃ tumulaṃ romaharṣaṇam / uddhūtadhūlijaṃbālībhūtasaptārṇavījalam
Sanskrit only: no published translation is held for this verse.
हयस्थैर्हयसादिन्यो रथस्थै रथसंस्थिताः । आधोरणैर्हस्तिपकाः खड्गैः पद्गाश्च सङ्गताः
hayasthairhayasādinyo rathasthai rathasaṃsthitāḥ / ādhoraṇairhastipakāḥ khaḍgaiḥ padgāśca saṅgatāḥ
Sanskrit only: no published translation is held for this verse.
दण्डनाथाविषङ्गेण समयुध्यन्त सङ्गरे । विशुक्रेण समं श्यामा विकृष्टमणिकार्मुका
daṇḍanāthāviṣaṅgeṇa samayudhyanta saṅgare / viśukreṇa samaṃ śyāmā vikṛṣṭamaṇikārmukā
Sanskrit only: no published translation is held for this verse.
अश्वरूढा चकारोच्चैः सहोलूकजिता रणम् । सम्पदीशाच जग्राह पुरुषेण युयुत्सया
aśvarūḍhā cakāroccaiḥ saholūkajitā raṇam / sampadīśāca jagrāha puruṣeṇa yuyutsayā
Sanskrit only: no published translation is held for this verse.
विषेण नकुली देवी समाह्वास्त युयुत्सया । कुन्तिषेणेन समरं महामाया तदाकरोत्
viṣeṇa nakulī devī samāhvāsta yuyutsayā / kuntiṣeṇena samaraṃ mahāmāyā tadākarot
Sanskrit only: no published translation is held for this verse.
मलदेन समं चक्रे युद्धमुन्मत्तभैरवी । लघुश्यामा चकारोच्चैः कुशूरेण समं रणम्
maladena samaṃ cakre yuddhamunmattabhairavī / laghuśyāmā cakāroccaiḥ kuśūreṇa samaṃ raṇam
Sanskrit only: no published translation is held for this verse.
स्वप्नेशी मङ्गलाख्येन दैत्येन्द्रेण रणंव्यधात् । वाग्वादिनी तु जघटे द्रुघणेन समं रणे
svapneśī maṅgalākhyena daityendreṇa raṇaṃvyadhāt / vāgvādinī tu jaghaṭe drughaṇena samaṃ raṇe
Sanskrit only: no published translation is held for this verse.
कोलाटेन च दुष्टेन चण्डकाल्यकरोद्रणम् । अक्षौहिणीभिर्दैत्यानां शताक्षौहिणिकास्तथा । महान्तं समरे चक्रुरन्योन्यं क्रोधमूर्छिताः
kolāṭena ca duṣṭena caṇḍakālyakarodraṇam / akṣauhiṇībhirdaityānāṃ śatākṣauhiṇikāstathā / mahāntaṃ samare cakruranyonyaṃ krodhamūrchitāḥ
Sanskrit only: no published translation is held for this verse.
प्रवर्तमाने समरे विशुक्रो दुष्टदानवः । वर्धमानां शक्तिचमूं हीयमानां निजां चमूम्
pravartamāne samare viśukro duṣṭadānavaḥ / vardhamānāṃ śakticamūṃ hīyamānāṃ nijāṃ camūm
Sanskrit only: no published translation is held for this verse.
अवलोक्य रुषाविष्टः स कृष्टगुरुकार्मुकः । शक्तिसैन्ये समस्ते ऽपि तृषास्त्रं प्रमुमोच ह
avalokya ruṣāviṣṭaḥ sa kṛṣṭagurukārmukaḥ / śaktisainye samaste 'pi tṛṣāstraṃ pramumoca ha
Sanskrit only: no published translation is held for this verse.
तेन दावानलज्वालादीप्तेन मथितं बलम् । तृतीये युद्धदिवसे याममात्रं गते रवौ । विशुक्रमुक्ततर्षास्त्रव्याकुलाः शक्तयो ऽवन्
tena dāvānalajvālādīptena mathitaṃ balam / tṛtīye yuddhadivase yāmamātraṃ gate ravau / viśukramuktatarṣāstravyākulāḥ śaktayo 'van
Sanskrit only: no published translation is held for this verse.
क्षोभयन्निन्द्रियग्रामं तालुमूलं विशोषयन् । रूक्षयन्कर्णकुहरमङ्गदौर्वल्यमाहवन्
kṣobhayannindriyagrāmaṃ tālumūlaṃ viśoṣayan / rūkṣayankarṇakuharamaṅgadaurvalyamāhavan
Sanskrit only: no published translation is held for this verse.
पातयन्पृथिवीपृष्ठे देहं विस्रंसितायुधम् । आविर्बभूव शक्तीनामतितीव्रस्तृषाज्वरः
pātayanpṛthivīpṛṣṭhe dehaṃ visraṃsitāyudham / āvirbabhūva śaktīnāmatitīvrastṛṣājvaraḥ
Sanskrit only: no published translation is held for this verse.
युद्धेष्वनुद्यमकृता सर्वोत्साहविरोधिना । तर्षेण तेन क्वथितं शक्तिसैन्यं विलोक्यसा । मन्त्रिणी सह पोत्रिण्या भृशं चिन्तामवाप ह
yuddheṣvanudyamakṛtā sarvotsāhavirodhinā / tarṣeṇa tena kvathitaṃ śaktisainyaṃ vilokyasā / mantriṇī saha potriṇyā bhṛśaṃ cintāmavāpa ha
Sanskrit only: no published translation is held for this verse.
उवाच तां दण्डनाथामत्याहितविशङ्किनीम् । रथस्थिता रथगता तत्प्रती कारकर्मणे । सखि पोत्रिणि दुष्टस्य तर्षास्त्रमिदमागतम्
uvāca tāṃ daṇḍanāthāmatyāhitaviśaṅkinīm / rathasthitā rathagatā tatpratī kārakarmaṇe / sakhi potriṇi duṣṭasya tarṣāstramidamāgatam
Sanskrit only: no published translation is held for this verse.
शिथिलीकुरुते सैन्यमस्माकं हा विधेः क्रमः । विशुष्कतालुमूलानां विभ्रष्टायुधतेजसाम् । शक्तीनां मण्डलेनात्र समरे समुपेक्षितम्
śithilīkurute sainyamasmākaṃ hā vidheḥ kramaḥ / viśuṣkatālumūlānāṃ vibhraṣṭāyudhatejasām / śaktīnāṃ maṇḍalenātra samare samupekṣitam
Sanskrit only: no published translation is held for this verse.
न कापि कुरुते युद्धं न धारयति चायुधम् । विशुष्कतालुमूलत्वा द्वक्तुमप्यालि न क्षमाः
na kāpi kurute yuddhaṃ na dhārayati cāyudham / viśuṣkatālumūlatvā dvaktumapyāli na kṣamāḥ
Sanskrit only: no published translation is held for this verse.
ईदृशीन्नो गतिं श्रुत्वा किं वक्ष्यति महेश्वरी । कृता चापकृतिर्दैत्यैरुपायः प्रविचिन्त्यताम्
īdṛśīnno gatiṃ śrutvā kiṃ vakṣyati maheśvarī / kṛtā cāpakṛtirdaityairupāyaḥ pravicintyatām
Sanskrit only: no published translation is held for this verse.
सर्वत्र द्व्यष्टसाहस्राक्षौहिण्यमत्र पोत्रिणि । एकापि शक्तिर्नैवास्ति या तर्षेण न पीडिता
sarvatra dvyaṣṭasāhasrākṣauhiṇyamatra potriṇi / ekāpi śaktirnaivāsti yā tarṣeṇa na pīḍitā
Sanskrit only: no published translation is held for this verse.
अत्रैवावसरे दृष्ट्वा मुक्तशस्त्रां पताकिनीम् । रन्ध्रप्रहारिणो हन्त बाणैर्निघ्नन्ति दानवाः
atraivāvasare dṛṣṭvā muktaśastrāṃ patākinīm / randhraprahāriṇo hanta bāṇairnighnanti dānavāḥ
Sanskrit only: no published translation is held for this verse.
अत्रोपायस्त्वया कार्यो मया च समरोद्यमे । त्वदीयरथपर्वस्थो यो ऽस्ति शीतमहार्णवः
atropāyastvayā kāryo mayā ca samarodyame / tvadīyarathaparvastho yo 'sti śītamahārṇavaḥ
Sanskrit only: no published translation is held for this verse.
तमादिश समस्तानां शक्तीनां तर्षनुत्तये । नाल्पैः पानीयपानाद्यैरेतासां तर्षसंक्षयः
tamādiśa samastānāṃ śaktīnāṃ tarṣanuttaye / nālpaiḥ pānīyapānādyairetāsāṃ tarṣasaṃkṣayaḥ
Sanskrit only: no published translation is held for this verse.
स एव मदिरासिंधुः शक्त्यौघं तर्पयिष्यति । तमादिश महात्मानं समरोत्साहकारिणम् । सर्वतर्षप्रशमनं महाबलविवर्धनम्
sa eva madirāsiṃdhuḥ śaktyaughaṃ tarpayiṣyati / tamādiśa mahātmānaṃ samarotsāhakāriṇam / sarvatarṣapraśamanaṃ mahābalavivardhanam
Sanskrit only: no published translation is held for this verse.
इत्युक्ते दण्डनाथा सा सदुपायेन हर्षिता । आजुहाव सुधासिंधुमाज्ञां चक्रेश्वरी रणे
ityukte daṇḍanāthā sā sadupāyena harṣitā / ājuhāva sudhāsiṃdhumājñāṃ cakreśvarī raṇe
Sanskrit only: no published translation is held for this verse.
स मदालसरक्ताक्षो हेमाभः स्रग्विभूषितः
sa madālasaraktākṣo hemābhaḥ sragvibhūṣitaḥ
Sanskrit only: no published translation is held for this verse.
प्रणम्य दण्डनाथां तां तदाज्ञापरिपारकः
praṇamya daṇḍanāthāṃ tāṃ tadājñāparipārakaḥ
Sanskrit only: no published translation is held for this verse.
आत्मानं बहुधा कृत्वा तरुणादित्यपाटलम् । क्वचित्तापिच्छवच्छ्यामं क्वचिच्च धवलद्युतिम्
ātmānaṃ bahudhā kṛtvā taruṇādityapāṭalam / kvacittāpicchavacchyāmaṃ kvacicca dhavaladyutim
Sanskrit only: no published translation is held for this verse.
कोटिशो मधुराधारा करिहस्तसमाकृतीः । ववर्ष सिंधुराजो ऽयं वायुना बहुलीकृतः
koṭiśo madhurādhārā karihastasamākṛtīḥ / vavarṣa siṃdhurājo 'yaṃ vāyunā bahulīkṛtaḥ
Sanskrit only: no published translation is held for this verse.
पुष्कलावर्तकाद्यैस्तु कलपक्षयबलाहकैः । निषिच्यमानो मध्ये ऽब्धिः शक्तिसैन्ये पपात ह
puṣkalāvartakādyaistu kalapakṣayabalāhakaiḥ / niṣicyamāno madhye 'bdhiḥ śaktisainye papāta ha
Sanskrit only: no published translation is held for this verse.
यद्गन्धाघ्राममात्रेण मृत उत्तिष्ठते स्फुटम् । दुर्बलः प्रबलश्च स्यात्तद्ववर्ष सुरांबुधिः
yadgandhāghrāmamātreṇa mṛta uttiṣṭhate sphuṭam / durbalaḥ prabalaśca syāttadvavarṣa surāṃbudhiḥ
Sanskrit only: no published translation is held for this verse.
परार्द्धसंख्यातीतास्ता मधुधारापरंपराः । प्रपिबन्त्यः पिपासार्तैर्मुखैः शक्तय उत्थिताः
parārddhasaṃkhyātītāstā madhudhārāparaṃparāḥ / prapibantyaḥ pipāsārtairmukhaiḥ śaktaya utthitāḥ
Sanskrit only: no published translation is held for this verse.
यथा सा मदिरासिंधुवृष्टिर्दैत्येषु नो पतेत् । तथा सैन्यस्य परितो महाप्राकारमण्डलम्
yathā sā madirāsiṃdhuvṛṣṭirdaityeṣu no patet / tathā sainyasya parito mahāprākāramaṇḍalam
Sanskrit only: no published translation is held for this verse.
लघुहस्ततया मुक्तैः शरजातैः सहस्रशः । चकार विस्मयकरी कदंबवनवासिनी
laghuhastatayā muktaiḥ śarajātaiḥ sahasraśaḥ / cakāra vismayakarī kadaṃbavanavāsinī
Sanskrit only: no published translation is held for this verse.
कर्मणा तेन सर्वे ऽपि विस्मिता मरुतो ऽभवन् । अथ ताः शक्तयो भूरि पिबन्ति स्म रणान्तरे
karmaṇā tena sarve 'pi vismitā maruto 'bhavan / atha tāḥ śaktayo bhūri pibanti sma raṇāntare
Sanskrit only: no published translation is held for this verse.
विविधा मदिराधारा बलोत्साहविवर्धनीः । यस्या यस्या मनःप्रीती रुचिः स्वादो यथायथा
vividhā madirādhārā balotsāhavivardhanīḥ / yasyā yasyā manaḥprītī ruciḥ svādo yathāyathā
Sanskrit only: no published translation is held for this verse.
तृतीये युद्धदिवसे प्रहरद्वितयावधि । संततं मध्यधाराभिः प्रववर्ष सुरांबुधिः
tṛtīye yuddhadivase praharadvitayāvadhi / saṃtataṃ madhyadhārābhiḥ pravavarṣa surāṃbudhiḥ
Sanskrit only: no published translation is held for this verse.
गौडी पैष्टी च माध्वी च वरा कादंबरी तथा । हैताली लाङ्गलेया च तालजातास्तथा सुराः
gauḍī paiṣṭī ca mādhvī ca varā kādaṃbarī tathā / haitālī lāṅgaleyā ca tālajātāstathā surāḥ
Sanskrit only: no published translation is held for this verse.
कल्पवृक्षोद्भवा दिव्या नानादेशसमुद्भवाः । सुस्वादुसौरभाद्याश्च शुभगन्धसुखप्रदाः
kalpavṛkṣodbhavā divyā nānādeśasamudbhavāḥ / susvādusaurabhādyāśca śubhagandhasukhapradāḥ
Sanskrit only: no published translation is held for this verse.
बकुलप्रसवामोदा ध्वनन्त्यो बुद्बुदोज्ज्वलाः । कटुकाश्च कषायाश्च मधुरास्तिक्ततास्पृशः
bakulaprasavāmodā dhvanantyo budbudojjvalāḥ / kaṭukāśca kaṣāyāśca madhurāstiktatāspṛśaḥ
Sanskrit only: no published translation is held for this verse.
बहुवर्मसमाविष्टाश्छेदिनीः पिच्छलास्तथा । ईषदम्लाश्च कट्वम्ला मधुराम्लास्तथा पराः
bahuvarmasamāviṣṭāśchedinīḥ picchalāstathā / īṣadamlāśca kaṭvamlā madhurāmlāstathā parāḥ
Sanskrit only: no published translation is held for this verse.
शस्त्रक्षतरुगाहन्त्री चास्थिसंधानदायिनी । रणभ्रमहरा शीता लघ्व्यस्तद्वत्कवोष्ठकाः
śastrakṣatarugāhantrī cāsthisaṃdhānadāyinī / raṇabhramaharā śītā laghvyastadvatkavoṣṭhakāḥ
Sanskrit only: no published translation is held for this verse.
संतापहारिणीश्चैव वारुणीस्ता जयप्रदाः । नानाविधाः सुराधारा ववर्ष मदिरार्णवः
saṃtāpahāriṇīścaiva vāruṇīstā jayapradāḥ / nānāvidhāḥ surādhārā vavarṣa madirārṇavaḥ
Sanskrit only: no published translation is held for this verse.
अविच्छिन्नं याममात्रमेकैका तत्र योगिनी । ऐरावतकर प्रख्यां सुराधारां मुदा पपौ
avicchinnaṃ yāmamātramekaikā tatra yoginī / airāvatakara prakhyāṃ surādhārāṃ mudā papau
Sanskrit only: no published translation is held for this verse.
उत्तानं वदनं कृत्वा विलोलरसनाश्चलम् । शक्तयः प्रपपुः सीधु मुदा मीलितलोचनाः
uttānaṃ vadanaṃ kṛtvā vilolarasanāścalam / śaktayaḥ prapapuḥ sīdhu mudā mīlitalocanāḥ
Sanskrit only: no published translation is held for this verse.
इत्थं बहुविधं माध्वीधारापातैः सुधांबुधिः । आगतस्तर्पयित्वा तु दिव्यरूपं समास्थितः
itthaṃ bahuvidhaṃ mādhvīdhārāpātaiḥ sudhāṃbudhiḥ / āgatastarpayitvā tu divyarūpaṃ samāsthitaḥ
Sanskrit only: no published translation is held for this verse.
पुनर्गत्वा दण्डनाथां प्रणम्य स सुरांबुधिः । स्निग्धगंभीरघोषेण वाक्यं चेदमुवाच ताम्
punargatvā daṇḍanāthāṃ praṇamya sa surāṃbudhiḥ / snigdhagaṃbhīraghoṣeṇa vākyaṃ cedamuvāca tām
Sanskrit only: no published translation is held for this verse.
देवि पश्य महाराज्ञि दण्डमण्डलनायिके । मया संतर्पिता मुग्धरूपा शक्तिवरूथिनी
devi paśya mahārājñi daṇḍamaṇḍalanāyike / mayā saṃtarpitā mugdharūpā śaktivarūthinī
Sanskrit only: no published translation is held for this verse.
काश्चिन्नृत्यन्ति गायन्त्यो कलक्वणितमेखलाः । नृत्यन्तीनां पुरः काश्चित्करतालं वितन्वते
kāścinnṛtyanti gāyantyo kalakvaṇitamekhalāḥ / nṛtyantīnāṃ puraḥ kāścitkaratālaṃ vitanvate
Sanskrit only: no published translation is held for this verse.
काश्चिद्धसंति व्यावल्गद्वल्गुवक्षोजमण्डलाः । पतन्त्यन्योन्यमङ्गेषु काश्चिदानन्दमन्थराः
kāściddhasaṃti vyāvalgadvalguvakṣojamaṇḍalāḥ / patantyanyonyamaṅgeṣu kāścidānandamantharāḥ
Sanskrit only: no published translation is held for this verse.
काश्चिद्वल्गन्ति च श्रोणिविगलन्मेखलांबराः । काश्चिदुत्थाय संनद्धा घूर्णयन्ति निरायुधाः
kāścidvalganti ca śroṇivigalanmekhalāṃbarāḥ / kāścidutthāya saṃnaddhā ghūrṇayanti nirāyudhāḥ
Sanskrit only: no published translation is held for this verse.
इत्थं निर्दिश्यमानास्ताः शक्ती मैरेय सिंधुनां । अवलोक्य भृशं तुष्टा दण्डिनी तमुवाच ह
itthaṃ nirdiśyamānāstāḥ śaktī maireya siṃdhunāṃ / avalokya bhṛśaṃ tuṣṭā daṇḍinī tamuvāca ha
Sanskrit only: no published translation is held for this verse.
परितुष्टास्मि मद्याब्धे त्वया साह्यमनुष्ठितम् । देवकार्यमिद किञ्च निर्विघ्नितमिदं कृतम्
parituṣṭāsmi madyābdhe tvayā sāhyamanuṣṭhitam / devakāryamida kiñca nirvighnitamidaṃ kṛtam
Sanskrit only: no published translation is held for this verse.
अतः परं मत्प्रसादाद्द्वापरे याज्ञिकैर्मखे । सोमपानवदत्यन्तमुपयोज्यो भविष्यसि
ataḥ paraṃ matprasādāddvāpare yājñikairmakhe / somapānavadatyantamupayojyo bhaviṣyasi
Sanskrit only: no published translation is held for this verse.
मन्त्रेण पूतं त्वां यागे पास्यन्त्यखिलदेवताः । यागेषु मन्त्रपूतेन पीतेन भवता जनाः
mantreṇa pūtaṃ tvāṃ yāge pāsyantyakhiladevatāḥ / yāgeṣu mantrapūtena pītena bhavatā janāḥ
Sanskrit only: no published translation is held for this verse.
सिद्धिमृद्धिं बलं स्वर्गमपवर्गं च बिभ्रतु । महेश्वरी महादेवो बलदेवश्च भार्गवः । दत्तात्रेयो विधिर्विष्णुस्त्वां पास्यन्ति महाजनाः
siddhimṛddhiṃ balaṃ svargamapavargaṃ ca bibhratu / maheśvarī mahādevo baladevaśca bhārgavaḥ / dattātreyo vidhirviṣṇustvāṃ pāsyanti mahājanāḥ
Sanskrit only: no published translation is held for this verse.
यागे समर्चितस्त्वं तु सर्वसिद्धिं प्रदास्यसि
yāge samarcitastvaṃ tu sarvasiddhiṃ pradāsyasi
Sanskrit only: no published translation is held for this verse.
इत्थं वरप्रदानेन तोषयित्वा सुरांबुधिम्
itthaṃ varapradānena toṣayitvā surāṃbudhim
Sanskrit only: no published translation is held for this verse.
मन्त्रिणीं त्वरयामास पुनर्युद्धाय दण्डिनी । पुनः प्रववृते युद्धं शक्तीनां दानवैः सह
mantriṇīṃ tvarayāmāsa punaryuddhāya daṇḍinī / punaḥ pravavṛte yuddhaṃ śaktīnāṃ dānavaiḥ saha
Sanskrit only: no published translation is held for this verse.
मुदाट्टहासनिर्भिन्नदिगष्टकधरा धरम् । प्रत्यग्रमदिरामत्ताः पाटलीकृतलोचनाः । शक्तयो दैत्यचक्रेषु न्यपतन्नेकहेलया
mudāṭṭahāsanirbhinnadigaṣṭakadharā dharam / pratyagramadirāmattāḥ pāṭalīkṛtalocanāḥ / śaktayo daityacakreṣu nyapatannekahelayā
Sanskrit only: no published translation is held for this verse.
द्वयेन द्वयमारेजे शक्तीनां समदश्रियाम् । मदरागेण चक्षूंषि दैत्यरक्तेन शस्त्रिका
dvayena dvayamāreje śaktīnāṃ samadaśriyām / madarāgeṇa cakṣūṃṣi daityaraktena śastrikā
Sanskrit only: no published translation is held for this verse.
तथा बभूव तुमुलं युद्धं शक्तिसुरद्विषाम् । यथा मृत्युरवित्रस्तः प्रजाः संहरते स्वयम्
tathā babhūva tumulaṃ yuddhaṃ śaktisuradviṣām / yathā mṛtyuravitrastaḥ prajāḥ saṃharate svayam
Sanskrit only: no published translation is held for this verse.
संस्खलत्पदविन्यासा मदेनारक्तदृष्टयः । स्खलदक्षरसंदर्भवीरभाषा रणोद्धताः
saṃskhalatpadavinyāsā madenāraktadṛṣṭayaḥ / skhaladakṣarasaṃdarbhavīrabhāṣā raṇoddhatāḥ
Sanskrit only: no published translation is held for this verse.
कदंबगोलकाकारा दृष्टसर्वाङ्गदृष्टयः । युवराजस्य सैन्यानि शक्त्यः समानाशयन्
kadaṃbagolakākārā dṛṣṭasarvāṅgadṛṣṭayaḥ / yuvarājasya sainyāni śaktyaḥ samānāśayan
Sanskrit only: no published translation is held for this verse.
अक्षौहिणीशतं तत्र दण्डिनी सा व्यदारयत् । अक्षौहिणीसार्द्धशत नाशयामास मन्त्रिणी
akṣauhiṇīśataṃ tatra daṇḍinī sā vyadārayat / akṣauhiṇīsārddhaśata nāśayāmāsa mantriṇī
Sanskrit only: no published translation is held for this verse.
अश्वारूढाप्रभृतयो मदारुणविलोचनाः । अक्षौहिणीसार्धशतं नित्युरन्तकमन्दिरम्
aśvārūḍhāprabhṛtayo madāruṇavilocanāḥ / akṣauhiṇīsārdhaśataṃ nityurantakamandiram
Sanskrit only: no published translation is held for this verse.
अङ्कुशेनातितीक्ष्णेन तुरगा रोहिणी रणे । उलूकजितमुन्मथ्य परलोकातिथिं व्यधात्
aṅkuśenātitīkṣṇena turagā rohiṇī raṇe / ulūkajitamunmathya paralokātithiṃ vyadhāt
Sanskrit only: no published translation is held for this verse.
सम्पत्करीप्रभृतयः शक्तिदण्डाधिनायिकाः । परुषेण मुखान्यन्यान्यवरुद्धाव्यदारयन्
sampatkarīprabhṛtayaḥ śaktidaṇḍādhināyikāḥ / paruṣeṇa mukhānyanyānyavaruddhāvyadārayan
Sanskrit only: no published translation is held for this verse.
अस्तं गते सवितरि ध्वस्तसर्वबलं ततः । विशुक्रं योधयामास श्यामला कोपशालिनी
astaṃ gate savitari dhvastasarvabalaṃ tataḥ / viśukraṃ yodhayāmāsa śyāmalā kopaśālinī
Sanskrit only: no published translation is held for this verse.
अस्त्रप्रत्य स्त्रमोक्षेण भीषणेन दिवौकसाम् । महता रणकृत्येन योधयामास मन्त्रिणी
astrapratya stramokṣeṇa bhīṣaṇena divaukasām / mahatā raṇakṛtyena yodhayāmāsa mantriṇī
Sanskrit only: no published translation is held for this verse.
आयुधानि सुतीक्ष्णानि विशुक्रस्य महौजसः । क्रमशः खण्डयन्ती सा केतनं रथसारथिम्
āyudhāni sutīkṣṇāni viśukrasya mahaujasaḥ / kramaśaḥ khaṇḍayantī sā ketanaṃ rathasārathim
Sanskrit only: no published translation is held for this verse.
धनुर्गुणं धनुर्दण्डं खण्डयन्ती शिलीमुखैः । अस्त्रेण ब्रह्मशिरसा ज्वलत्पावकरोचिषा
dhanurguṇaṃ dhanurdaṇḍaṃ khaṇḍayantī śilīmukhaiḥ / astreṇa brahmaśirasā jvalatpāvakarociṣā
Sanskrit only: no published translation is held for this verse.
विशुक्रं मर्दयामास सो ऽपतच्छूर्णविग्रहः । विषङ्गं च महादैत्यं दण्डनाथा मदोद्धता
viśukraṃ mardayāmāsa so 'patacchūrṇavigrahaḥ / viṣaṅgaṃ ca mahādaityaṃ daṇḍanāthā madoddhatā
Sanskrit only: no published translation is held for this verse.
योधयामास चण्डन मुसलेन विनिघ्नती । सचापि दुष्टो दनुजः कालदण्डनिभां गदाम् । उद्यम्य बाहुना युद्धं चकाराशेषभीषणम्
yodhayāmāsa caṇḍana musalena vinighnatī / sacāpi duṣṭo danujaḥ kāladaṇḍanibhāṃ gadām / udyamya bāhunā yuddhaṃ cakārāśeṣabhīṣaṇam
Sanskrit only: no published translation is held for this verse.
अन्योन्यमङ्गं मृद्नन्तौ गदायुद्धप्रवर्तिनौ । चण्डाट्टहासमुखरौ परिभ्रमणकारिणौ
anyonyamaṅgaṃ mṛdnantau gadāyuddhapravartinau / caṇḍāṭṭahāsamukharau paribhramaṇakāriṇau
Sanskrit only: no published translation is held for this verse.
कुर्वाणौ विविधांश्चारान्घूर्णन्तौ तूर्मवेष्टिनौ । अन्योन्यदण्डहननैर्मोहयन्तौ मुहुर्मुहुः
kurvāṇau vividhāṃścārānghūrṇantau tūrmaveṣṭinau / anyonyadaṇḍahananairmohayantau muhurmuhuḥ
Sanskrit only: no published translation is held for this verse.
अन्योन्यप्रहृतौ रन्ध्रमीक्षमाणौ महोद्धतौ । महामुसलदण्डाग्रघट्टनक्षोभितांबरौ । अयुध्येतां दुराधर्षौं दण्डिनीदैत्यशेखरौ
anyonyaprahṛtau randhramīkṣamāṇau mahoddhatau / mahāmusaladaṇḍāgraghaṭṭanakṣobhitāṃbarau / ayudhyetāṃ durādharṣauṃ daṇḍinīdaityaśekharau
Sanskrit only: no published translation is held for this verse.
अथार्द्धरात्रिसमयपर्यन्तं कृतसंगरा । संक्रुद्धा हन्तुमारेभे विषङ्गं दण्डनायिका
athārddharātrisamayaparyantaṃ kṛtasaṃgarā / saṃkruddhā hantumārebhe viṣaṅgaṃ daṇḍanāyikā
Sanskrit only: no published translation is held for this verse.
तं मूर्धनि निमग्नेन हलेनाकृष्य वैरिणम् । कठोरं ताडनं चक्रे मुसलेनाथ पोत्रिणी
taṃ mūrdhani nimagnena halenākṛṣya vairiṇam / kaṭhoraṃ tāḍanaṃ cakre musalenātha potriṇī
Sanskrit only: no published translation is held for this verse.
ततो मुसलघातेन त्यक्तप्राणो महासुरः । चूर्णितेन शताङ्गेन समं भूतलमाश्रयत्
tato musalaghātena tyaktaprāṇo mahāsuraḥ / cūrṇitena śatāṅgena samaṃ bhūtalamāśrayat
Sanskrit only: no published translation is held for this verse.
इति कृत्वा महत्कर्म मन्त्रिणीदण्डनायिके । तत्रैव तं निशा शेषं निन्यतुः शिबिरं प्रति
iti kṛtvā mahatkarma mantriṇīdaṇḍanāyike / tatraiva taṃ niśā śeṣaṃ ninyatuḥ śibiraṃ prati
Sanskrit only: no published translation is held for this verse.