Brahmāṇḍa Purāṇa 3.29

राजासुरं नाम महत्ससर्जास्त्रं महाबलः । तस्मादस्त्रात्समुद्भूता बहवो नृपदानवाः

rājāsuraṃ nāma mahatsasarjāstraṃ mahābalaḥ / tasmādastrātsamudbhūtā bahavo nṛpadānavāḥ

Sanskrit only: no published translation is held for this verse.

शिशुपालो दन्तवक्त्रः शाल्वः काशीपतिस्तथा । पैण्ड्रको वासुदेवश्च रुक्मी डिंभकहंसकौ

śiśupālo dantavaktraḥ śālvaḥ kāśīpatistathā / paiṇḍrako vāsudevaśca rukmī ḍiṃbhakahaṃsakau

Sanskrit only: no published translation is held for this verse.

शंबरश्च प्रलंबश्च तथा बाणासुरो ऽपि च । कंसश्चाणूरमल्लश्च मुष्टिकोत्पलशेखरौ

śaṃbaraśca pralaṃbaśca tathā bāṇāsuro 'pi ca / kaṃsaścāṇūramallaśca muṣṭikotpalaśekharau

Sanskrit only: no published translation is held for this verse.

अरिष्टो धेनुकः केशी कालियो यमलार्जुनौ । पूतना शकटश्चैव तृणावर्तादयो ऽसुराः

ariṣṭo dhenukaḥ keśī kāliyo yamalārjunau / pūtanā śakaṭaścaiva tṛṇāvartādayo 'surāḥ

Sanskrit only: no published translation is held for this verse.

नरकाख्यो महावीरो विष्णुरूपी मुरासुरः । अनेके सह सेनाभिरुत्थिताः शस्त्रपाणयः

narakākhyo mahāvīro viṣṇurūpī murāsuraḥ / aneke saha senābhirutthitāḥ śastrapāṇayaḥ

Sanskrit only: no published translation is held for this verse.

तान्विनाशयितुंसर्वान्वासुदेवः सनातनः । श्रीदेवीवामहस्ताब्जानामिकानखसंभवः

tānvināśayituṃsarvānvāsudevaḥ sanātanaḥ / śrīdevīvāmahastābjānāmikānakhasaṃbhavaḥ

Sanskrit only: no published translation is held for this verse.

चतुर्व्यूहं समातेने चत्वारस्ते ततो ऽभवन् । वासुदेवो द्वितीयस्तु संकर्षण इति स्मृतः

caturvyūhaṃ samātene catvāraste tato 'bhavan / vāsudevo dvitīyastu saṃkarṣaṇa iti smṛtaḥ

Sanskrit only: no published translation is held for this verse.

प्रद्युम्नश्चानिरुद्धश्च ते सर्वे प्रीद्यतायुधाः । तानशेषान्दुराचारान्भूमभोरप्रवर्तकान्

pradyumnaścāniruddhaśca te sarve prīdyatāyudhāḥ / tānaśeṣāndurācārānbhūmabhorapravartakān

Sanskrit only: no published translation is held for this verse.

नाशयामासुरुर्वीशवेषच्छन्नान्महासुरान्

nāśayāmāsururvīśaveṣacchannānmahāsurān

Sanskrit only: no published translation is held for this verse.

अथ तेषु विनष्टेषु संक्रुद्धो भण्ड्रदानवः । धर्मविप्लावकं घोरं कल्यस्त्रं सममुञ्चत

atha teṣu vinaṣṭeṣu saṃkruddho bhaṇḍradānavaḥ / dharmaviplāvakaṃ ghoraṃ kalyastraṃ samamuñcata

Sanskrit only: no published translation is held for this verse.

ततः कल्यस्त्रतोजाता आन्ध्राः पुण्डाश्च भूमिपाः । किराताः शबरा हूणा यवनाः पापवृत्तयः

tataḥ kalyastratojātā āndhrāḥ puṇḍāśca bhūmipāḥ / kirātāḥ śabarā hūṇā yavanāḥ pāpavṛttayaḥ

Sanskrit only: no published translation is held for this verse.

वेद विप्लावका धर्मद्रोहिणः प्राणहिंसकाः । वर्णाश्रमेषु सांकर्यकारिणो मलिनाङ्गकाः । ललिताशक्तिसैन्यानि भूयोभूयो व्यमर्दयन्

veda viplāvakā dharmadrohiṇaḥ prāṇahiṃsakāḥ / varṇāśrameṣu sāṃkaryakāriṇo malināṅgakāḥ / lalitāśaktisainyāni bhūyobhūyo vyamardayan

Sanskrit only: no published translation is held for this verse.

अथ श्रीललितावामहस्तपद्मस्य भास्वतः । कनिष्ठिकानखोद्भूतः कल्किर्नाम जनार्दनः

atha śrīlalitāvāmahastapadmasya bhāsvataḥ / kaniṣṭhikānakhodbhūtaḥ kalkirnāma janārdanaḥ

Sanskrit only: no published translation is held for this verse.

अश्वारूढः प्रतीप्त श्रीरट्टहासं चकार सः । तस्यैव ध्वनिना सर्वे वज्रनिष्पेषबन्धुना

aśvārūḍhaḥ pratīpta śrīraṭṭahāsaṃ cakāra saḥ / tasyaiva dhvaninā sarve vajraniṣpeṣabandhunā

Sanskrit only: no published translation is held for this verse.

किराता मूर्च्छिता नेशुः शक्तयश्चापि हर्षिताः । दशावतारनाथास्ते कृत्वेदं कर्म दुष्करम्

kirātā mūrcchitā neśuḥ śaktayaścāpi harṣitāḥ / daśāvatāranāthāste kṛtvedaṃ karma duṣkaram

Sanskrit only: no published translation is held for this verse.

ललितां तां नमस्कृत्य बद्धाञ्जलिपुटाः स्थिताः । प्रतिकल्पं धर्मरक्षां कर्तुं मत्स्या दिजन्मभिः । ललितांबानियुक्तास्ते वैकुण्ठाय प्रतस्थिरे

lalitāṃ tāṃ namaskṛtya baddhāñjalipuṭāḥ sthitāḥ / pratikalpaṃ dharmarakṣāṃ kartuṃ matsyā dijanmabhiḥ / lalitāṃbāniyuktāste vaikuṇṭhāya pratasthire

Sanskrit only: no published translation is held for this verse.

इत्थं समस्तेष्वस्त्रंषु नाशितेषु दुराशयः । महामोहास्त्रमसृजच्छक्तयस्तेन मूर्छिताः

itthaṃ samasteṣvastraṃṣu nāśiteṣu durāśayaḥ / mahāmohāstramasṛjacchaktayastena mūrchitāḥ

Sanskrit only: no published translation is held for this verse.

शांभवास्त्रं विसृज्यांबा महामोहास्त्रमक्षिणोत् । अस्त्रप्रत्यस्त्रधाराभिरित्थं जाते महाहवे । अस्तशैलङ्गभस्तीशो गन्तुमारभतारुणः

śāṃbhavāstraṃ visṛjyāṃbā mahāmohāstramakṣiṇot / astrapratyastradhārābhiritthaṃ jāte mahāhave / astaśailaṅgabhastīśo gantumārabhatāruṇaḥ

Sanskrit only: no published translation is held for this verse.

अथ नारायणास्त्रेण सा देवी ललितांबिका । सर्वा अक्षौहिणीस्तस्य भस्मसादकरोद्रणे

atha nārāyaṇāstreṇa sā devī lalitāṃbikā / sarvā akṣauhiṇīstasya bhasmasādakarodraṇe

Sanskrit only: no published translation is held for this verse.

अथ पाशुपतास्त्रेण दीप्तकालानलत्विषा । चत्वारिंशच्चमूनाथान्महाराज्ञी व्यमर्दयत्

atha pāśupatāstreṇa dīptakālānalatviṣā / catvāriṃśaccamūnāthānmahārājñī vyamardayat

Sanskrit only: no published translation is held for this verse.

अथैकशेषं तं दुष्टं निहताशेषबान्धवम् । क्रोधेन प्रज्वलन्तं च जगद्विप्लवकारिणम्

athaikaśeṣaṃ taṃ duṣṭaṃ nihatāśeṣabāndhavam / krodhena prajvalantaṃ ca jagadviplavakāriṇam

Sanskrit only: no published translation is held for this verse.

महासुरं महासत्त्वं भण्डं चण्डपराक्रमम् । महाकामेश्वरास्त्रेण सहस्रादित्यवर्चसा । गतासुमकरोन्माता ललिता परमेश्वरी

mahāsuraṃ mahāsattvaṃ bhaṇḍaṃ caṇḍaparākramam / mahākāmeśvarāstreṇa sahasrādityavarcasā / gatāsumakaronmātā lalitā parameśvarī

Sanskrit only: no published translation is held for this verse.

तदस्त्रज्वालयाक्रान्तं शून्यकं तस्य पट्टनम् । सस्त्रीकं च सबालं च सगोष्ठं धनधान्यकम्

tadastrajvālayākrāntaṃ śūnyakaṃ tasya paṭṭanam / sastrīkaṃ ca sabālaṃ ca sagoṣṭhaṃ dhanadhānyakam

Sanskrit only: no published translation is held for this verse.

निर्दग्धमासीत्सहसा स्थलमात्रमशिष्यत । भण्डस्य संक्षयेणासीत्त्रैलोक्यं हर्षनर्तितम्

nirdagdhamāsītsahasā sthalamātramaśiṣyata / bhaṇḍasya saṃkṣayeṇāsīttrailokyaṃ harṣanartitam

Sanskrit only: no published translation is held for this verse.

इत्थं विधाय सुरकार्यमनिन्द्यशीला श्रीचक्रराजरथमण्डलमण्डनश्रीः । कामेश्वरी त्रिजगतां जननी बभासे विद्योतमानविभवा विज्यश्रियाढ्या

itthaṃ vidhāya surakāryamanindyaśīlā śrīcakrarājarathamaṇḍalamaṇḍanaśrīḥ / kāmeśvarī trijagatāṃ jananī babhāse vidyotamānavibhavā vijyaśriyāḍhyā

Sanskrit only: no published translation is held for this verse.

सैन्यं समस्तमपि सङ्गरकर्मखिन्नं भण्डासुरप्रबलबाणकृशानुतप्तम् । अस्तं गते सवितरि प्रथितप्रभावा श्रीदेवता शिबिरमात्मन आनिनाय

sainyaṃ samastamapi saṅgarakarmakhinnaṃ bhaṇḍāsuraprabalabāṇakṛśānutaptam / astaṃ gate savitari prathitaprabhāvā śrīdevatā śibiramātmana ānināya

Sanskrit only: no published translation is held for this verse.

यो भण्डदानववधं ललितांबयेमं कॢप्तं सकृत्पठति तस्य तपोधनेन्द्र । नाशं प्रयान्ति कदनानि दृताष्टसिद्धेर्भुक्तिश्च मुक्तिरपि वर्तत एव हस्ते

yo bhaṇḍadānavavadhaṃ lalitāṃbayemaṃ kḷptaṃ sakṛtpaṭhati tasya tapodhanendra / nāśaṃ prayānti kadanāni dṛtāṣṭasiddherbhuktiśca muktirapi vartata eva haste

Sanskrit only: no published translation is held for this verse.

इमं पवित्रं ललितापराक्रमं समस्तपापघ्नमशेषसिद्धिदम् । पठन्ति पुण्येषु दिनेषु ये नरा भजन्ति ते भाग्यसमृद्धिमुत्तमाम्

imaṃ pavitraṃ lalitāparākramaṃ samastapāpaghnamaśeṣasiddhidam / paṭhanti puṇyeṣu dineṣu ye narā bhajanti te bhāgyasamṛddhimuttamām

Sanskrit only: no published translation is held for this verse.