इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने पुष्परागप्रकारादिभुक्ताकरान्तसप्तकक्षान्तरकथनं नाम त्रयस्त्रिंशो ऽध्यायः अगस्त्य उवाच षोडशावरणं चक्रं किं तद्रुद्राधिदैवतम् । तत्र स्थिताश्च रुद्राः के केन नाम्ना प्रकीर्तिताः
iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne puṣparāgaprakārādibhuktākarāntasaptakakṣāntarakathanaṃ nāma trayastriṃśo 'dhyāyaḥ agastya uvāca ṣoḍaśāvaraṇaṃ cakraṃ kiṃ tadrudrādhidaivatam / tatra sthitāśca rudrāḥ ke kena nāmnā prakīrtitāḥ
Sanskrit only: no published translation is held for this verse.
केष्वावरणबिंबेषु किन्नामानो वसंति ते । यौगिकं रौढिकं नाम तेषां ब्रूहि कृपानिधे
keṣvāvaraṇabiṃbeṣu kinnāmāno vasaṃti te / yaugikaṃ rauḍhikaṃ nāma teṣāṃ brūhi kṛpānidhe
Sanskrit only: no published translation is held for this verse.
हयग्रीव उवाच तत्र रुद्रा लयः प्रोक्तो मुक्ताजालकनिर्मितः । पञ्चयोजनविस्तारस्तत्संख्यायामशोभितः
hayagrīva uvāca tatra rudrā layaḥ prokto muktājālakanirmitaḥ / pañcayojanavistārastatsaṃkhyāyāmaśobhitaḥ
Sanskrit only: no published translation is held for this verse.
षोडशावरणैर्युक्तो मध्यपीठमनोहरः । मध्यपीठे महारुद्रो ज्वलन्मन्युस्त्रिलोचनः
ṣoḍaśāvaraṇairyukto madhyapīṭhamanoharaḥ / madhyapīṭhe mahārudro jvalanmanyustrilocanaḥ
Sanskrit only: no published translation is held for this verse.
सच्चकार्मुकहस्तश्च सर्वदा वर्तते मुने । त्रिकोणे कथिता रुद्रास्त्रय एव घटोद्भव
saccakārmukahastaśca sarvadā vartate mune / trikoṇe kathitā rudrāstraya eva ghaṭodbhava
Sanskrit only: no published translation is held for this verse.
हिरण्य बाहुः सेनानीर्दिशांपतिरथापरः
hiraṇya bāhuḥ senānīrdiśāṃpatirathāparaḥ
Sanskrit only: no published translation is held for this verse.
वृक्षाश्च हरिकेशाश्च तथा पशुपतिः परः । शष्पिञ्जरस्त्विषीमांश्च पथीनां पतिरेव च
vṛkṣāśca harikeśāśca tathā paśupatiḥ paraḥ / śaṣpiñjarastviṣīmāṃśca pathīnāṃ patireva ca
Sanskrit only: no published translation is held for this verse.
एते षट्कोणगाः किं च बभ्रुशास्त्वष्टकोणके । विव्याध्यन्नपतिश्चैव हरिकेशोपवीतिनौ
ete ṣaṭkoṇagāḥ kiṃ ca babhruśāstvaṣṭakoṇake / vivyādhyannapatiścaiva harikeśopavītinau
Sanskrit only: no published translation is held for this verse.
पुष्टानां पतिरप्यन्यो भवो हेतिस्तथैव च । दशापत्रे त्वावरणे प्रथमो जगतां पतिः
puṣṭānāṃ patirapyanyo bhavo hetistathaiva ca / daśāpatre tvāvaraṇe prathamo jagatāṃ patiḥ
Sanskrit only: no published translation is held for this verse.
रुद्रातताविनौ क्षेत्रपतिः सूतस्तथापरः । अहं त्वन्यो वनपती रोहितः स्थपतिस्तथा
rudrātatāvinau kṣetrapatiḥ sūtastathāparaḥ / ahaṃ tvanyo vanapatī rohitaḥ sthapatistathā
Sanskrit only: no published translation is held for this verse.
वृक्षाणां पतिरप्यन्यश्चैते सज्जशरासनाः । मन्त्री च वाणिजश्चैव तथा कक्षपतिः परः
vṛkṣāṇāṃ patirapyanyaścaite sajjaśarāsanāḥ / mantrī ca vāṇijaścaiva tathā kakṣapatiḥ paraḥ
Sanskrit only: no published translation is held for this verse.
भवन्तिस्तु चतुर्थः स्यात्पञ्चमो वारिवस्ततः । ओषधीनां पतिश्चैव षष्ठः कलशसंभव
bhavantistu caturthaḥ syātpañcamo vārivastataḥ / oṣadhīnāṃ patiścaiva ṣaṣṭhaḥ kalaśasaṃbhava
Sanskrit only: no published translation is held for this verse.
उच्चैर्घोषाक्रन्दयन्तौ पतीनां च पतिस्तथा । कृत्स्नवीतश्च धावंश्च सत्त्वानां पतिरेव च
uccairghoṣākrandayantau patīnāṃ ca patistathā / kṛtsnavītaśca dhāvaṃśca sattvānāṃ patireva ca
Sanskrit only: no published translation is held for this verse.
एते द्वादश पत्रस्थाः पञ्चमावरणस्थिताः । सहमानश्च निर्व्याधिरव्याधीनां पतिस्तथा
ete dvādaśa patrasthāḥ pañcamāvaraṇasthitāḥ / sahamānaśca nirvyādhiravyādhīnāṃ patistathā
Sanskrit only: no published translation is held for this verse.
ककुभश्च निषङ्गी च स्तेनानां च पतिस्तथा । निचेरुश्चेति विज्ञेयाः षष्ठावरणदेवताः
kakubhaśca niṣaṅgī ca stenānāṃ ca patistathā / niceruśceti vijñeyāḥ ṣaṣṭhāvaraṇadevatāḥ
Sanskrit only: no published translation is held for this verse.
अधः परिचरो ऽरण्यः पतिः किं च सृकाविषः । जिघांसंतो मुष्णतां च पतयः कुंभसंभव
adhaḥ paricaro 'raṇyaḥ patiḥ kiṃ ca sṛkāviṣaḥ / jighāṃsaṃto muṣṇatāṃ ca patayaḥ kuṃbhasaṃbhava
Sanskrit only: no published translation is held for this verse.
असीमन्तश्च सुप्राज्ञस्तथा नक्तञ्चरो मुने । प्रकृतीनां पतिश्चैव उष्णीषी च गिरेश्चरः
asīmantaśca suprājñastathā naktañcaro mune / prakṛtīnāṃ patiścaiva uṣṇīṣī ca gireścaraḥ
Sanskrit only: no published translation is held for this verse.
कुलुञ्चानां पतिश्चैवेषुमन्तः कलशोद्भव । धन्वाविदश्चातन्वानप्रतिपूर्वदधानकाः
kuluñcānāṃ patiścaiveṣumantaḥ kalaśodbhava / dhanvāvidaścātanvānapratipūrvadadhānakāḥ
Sanskrit only: no published translation is held for this verse.
आयच्छतः षोडशैते षोडशारनिवासिनः । विसृजन्तस्तथास्यन्तो विध्यन्तश्चापि सिंधुप
āyacchataḥ ṣoḍaśaite ṣoḍaśāranivāsinaḥ / visṛjantastathāsyanto vidhyantaścāpi siṃdhupa
Sanskrit only: no published translation is held for this verse.
आसीनाश्च शयानाश्च यन्तो जाग्रत एव च । तिष्ठन्तश्चैव धावन्तः सभ्याश्चैव समाधिपाः
āsīnāśca śayānāśca yanto jāgrata eva ca / tiṣṭhantaścaiva dhāvantaḥ sabhyāścaiva samādhipāḥ
Sanskrit only: no published translation is held for this verse.
अश्वाश्चैवाश्वपतय अव्याधिन्यस्तथैव च । विविध्यन्तो गणाध्यक्षा बृहन्तो विन्ध्यमर्द्दन
aśvāścaivāśvapataya avyādhinyastathaiva ca / vividhyanto gaṇādhyakṣā bṛhanto vindhyamarddana
Sanskrit only: no published translation is held for this verse.
गृत्सश्चाष्टादशविधा देवता अष्टमावृतौ । अथ गृत्साधिपतयो व्राता व्राताधिपास्तथा
gṛtsaścāṣṭādaśavidhā devatā aṣṭamāvṛtau / atha gṛtsādhipatayo vrātā vrātādhipāstathā
Sanskrit only: no published translation is held for this verse.
गणाश्च गणपाश्चैव विश्वरुपा विरूपकाः । महान्तः क्षुल्लकाश्चैव रथिनश्चारथाः परे
gaṇāśca gaṇapāścaiva viśvarupā virūpakāḥ / mahāntaḥ kṣullakāścaiva rathinaścārathāḥ pare
Sanskrit only: no published translation is held for this verse.
रथाश्च रथपत्त्याख्याः सेनाः सेनान्य एव च । क्षत्तारः संग्रही तारस्तक्षाणो रथकारकाः
rathāśca rathapattyākhyāḥ senāḥ senānya eva ca / kṣattāraḥ saṃgrahī tārastakṣāṇo rathakārakāḥ
Sanskrit only: no published translation is held for this verse.
कुलालश्चेति रुद्रास्ते नवमावृतिदेवताः । कर्माराश्चैव पुञ्जिष्ठा निषादाश्चेषुकृद्गणाः
kulālaśceti rudrāste navamāvṛtidevatāḥ / karmārāścaiva puñjiṣṭhā niṣādāśceṣukṛdgaṇāḥ
Sanskrit only: no published translation is held for this verse.
धन्वकारा मृगयवः श्वनयः श्वान एव च । अश्वाश्चैवश्वपतयो भवो रुद्रो घटोद्भव
dhanvakārā mṛgayavaḥ śvanayaḥ śvāna eva ca / aśvāścaivaśvapatayo bhavo rudro ghaṭodbhava
Sanskrit only: no published translation is held for this verse.
शर्वः पशुपतिर्नीलग्रीवश्च शितिकण्ठकः । कपर्दी व्युप्तकेशश्च सहस्रक्षस्तथापरः
śarvaḥ paśupatirnīlagrīvaśca śitikaṇṭhakaḥ / kapardī vyuptakeśaśca sahasrakṣastathāparaḥ
Sanskrit only: no published translation is held for this verse.
शतधन्वा च गिरिशः शिपिविष्टश्च कुंभज । मीढुष्टम इति प्रोक्ता रुद्रा दशमशालगाः
śatadhanvā ca giriśaḥ śipiviṣṭaśca kuṃbhaja / mīḍhuṣṭama iti proktā rudrā daśamaśālagāḥ
Sanskrit only: no published translation is held for this verse.
अथैकादशचक्रस्था इषुमद्ध्रस्ववामनाः । बृहंश्च वर्षीयां श्चैव वृद्धः समृद्धिना सह
athaikādaśacakrasthā iṣumaddhrasvavāmanāḥ / bṛhaṃśca varṣīyāṃ ścaiva vṛddhaḥ samṛddhinā saha
Sanskrit only: no published translation is held for this verse.
अग्र्यः प्रथम आशुश्चाजिरोन्यः शीघ्रशिभ्यकौ । उर्म्यावस्वन्यरुद्रौ च स्रोतस्यो दिव्य एव च
agryaḥ prathama āśuścājironyaḥ śīghraśibhyakau / urmyāvasvanyarudrau ca srotasyo divya eva ca
Sanskrit only: no published translation is held for this verse.
ज्येष्ठश्चैव कनिष्ठश्च पूर्वजावरजौ तथा । मध्यमश्चावगम्यश्च जघन्यश्च घटोद्भव
jyeṣṭhaścaiva kaniṣṭhaśca pūrvajāvarajau tathā / madhyamaścāvagamyaśca jaghanyaśca ghaṭodbhava
Sanskrit only: no published translation is held for this verse.
चतुर्विंशतिराख्याता एते रुद्रा महाबलाः । अथ बुध्न्यः सोम्यरुद्रः प्रतिसर्पकयाम्यकौ
caturviṃśatirākhyātā ete rudrā mahābalāḥ / atha budhnyaḥ somyarudraḥ pratisarpakayāmyakau
Sanskrit only: no published translation is held for this verse.
क्षेम्योवोचवखल्यश्च ततः श्लोक्यावसान्यकौ । वन्यः कक्ष्यः श्रवश्चैव ततो ऽन्यस्तु प्रतिश्रवः
kṣemyovocavakhalyaśca tataḥ ślokyāvasānyakau / vanyaḥ kakṣyaḥ śravaścaiva tato 'nyastu pratiśravaḥ
Sanskrit only: no published translation is held for this verse.
आशुषेणश्चाशुरथः शूरश्च तपसां निधे । अवभिन्दश्च वर्मी च वरूथी बिल्मिना सह
āśuṣeṇaścāśurathaḥ śūraśca tapasāṃ nidhe / avabhindaśca varmī ca varūthī bilminā saha
Sanskrit only: no published translation is held for this verse.
कवची च श्रुतश्चैव सेनो दुन्दुभ्य एव च । आहनन्यश्च धृष्णुश्च ते च षड्विंशतिः स्मृताः । द्वादशावरणस्थास्ते महाकाया महाबलाः
kavacī ca śrutaścaiva seno dundubhya eva ca / āhananyaśca dhṛṣṇuśca te ca ṣaḍviṃśatiḥ smṛtāḥ / dvādaśāvaraṇasthāste mahākāyā mahābalāḥ
Sanskrit only: no published translation is held for this verse.
प्रभृशाश्चैव दूताश्च प्रहिताश्च निपङ्गिणः । अन्यस्त्विषुधिमानन्यस्तक्ष्णेषुश्च तथा युधि
prabhṛśāścaiva dūtāśca prahitāśca nipaṅgiṇaḥ / anyastviṣudhimānanyastakṣṇeṣuśca tathā yudhi
Sanskrit only: no published translation is held for this verse.
स्वायुधश्च सुधन्वा च स्तुत्यः पथ्यश्च कुंभज । काप्यो नाढ्यस्तथा सूधः सरस्यो विन्ध्यमर्दन
svāyudhaśca sudhanvā ca stutyaḥ pathyaśca kuṃbhaja / kāpyo nāḍhyastathā sūdhaḥ sarasyo vindhyamardana
Sanskrit only: no published translation is held for this verse.
ततश्चान्यो नाधमानो वेशन्तः कुप्य एव च । अवधवर्ष्यो ऽवर्ष्यश्च मेध्यो विद्युत्य एव च
tataścānyo nādhamāno veśantaḥ kupya eva ca / avadhavarṣyo 'varṣyaśca medhyo vidyutya eva ca
Sanskrit only: no published translation is held for this verse.
इध्र्यातप्यौ तथा वात्यौ रेष्म्यश्चैव तथापरः । वास्तव्यो वास्तुपश्चैव सोमश्चेति महाबलाः
idhryātapyau tathā vātyau reṣmyaścaiva tathāparaḥ / vāstavyo vāstupaścaiva somaśceti mahābalāḥ
Sanskrit only: no published translation is held for this verse.
त्रयोदशावरणगाञ्छृणु रुद्रांश्च तान्मुने । रुद्रस्ताम्रारुणः शङ्गस्तथा पशुपतिर्मुने
trayodaśāvaraṇagāñchṛṇu rudrāṃśca tānmune / rudrastāmrāruṇaḥ śaṅgastathā paśupatirmune
Sanskrit only: no published translation is held for this verse.
उग्रो भीमस्तथैवाग्रेवधदूरेवधावपि । हन्ता चैव हनीयांश्च वृषश्च हरिकेशकः
ugro bhīmastathaivāgrevadhadūrevadhāvapi / hantā caiva hanīyāṃśca vṛṣaśca harikeśakaḥ
Sanskrit only: no published translation is held for this verse.
तारः शंभुर्मयोभूश्च शङ्करश्च मयस्करः । शिवः शिवतरश्चैव तीर्थ्यः कुल्यस्तथैव च । पार्यो ऽपार्यः प्रतरणस्तथा चोत्तरणो मुने
tāraḥ śaṃbhurmayobhūśca śaṅkaraśca mayaskaraḥ / śivaḥ śivataraścaiva tīrthyaḥ kulyastathaiva ca / pāryo 'pāryaḥ prataraṇastathā cottaraṇo mune
Sanskrit only: no published translation is held for this verse.
आतर्यश्च तथा लभ्यः षष्ठः फेन्यस्तथैव च । चतुर्दशावरणके कथिता रुद्रदेवताः
ātaryaśca tathā labhyaḥ ṣaṣṭhaḥ phenyastathaiva ca / caturdaśāvaraṇake kathitā rudradevatāḥ
Sanskrit only: no published translation is held for this verse.
सिकत्यश्च प्रवाह्यश्च तथेरिण्यस्तपोनिधे । प्रपथ्यः किंशिलश्चैव क्षयणस्तदनन्तरम्
sikatyaśca pravāhyaśca tatheriṇyastaponidhe / prapathyaḥ kiṃśilaścaiva kṣayaṇastadanantaram
Sanskrit only: no published translation is held for this verse.
कपर्दी च पुलस्त्यंश्च गोष्ठ्यो गृह्यस्तथैव च । तल्पयो गेह्य स्तथा काट्यो गह्वरेष्ठोरुदीपकः
kapardī ca pulastyaṃśca goṣṭhyo gṛhyastathaiva ca / talpayo gehya stathā kāṭyo gahvareṣṭhorudīpakaḥ
Sanskrit only: no published translation is held for this verse.
निवेष्ट्यश्चापि पान्तव्यो रथन्यः शुक्य एव च । हरीत्यलोथा लोप्याश्च उर्य्यसूर्म्यै तथा मुने
niveṣṭyaścāpi pāntavyo rathanyaḥ śukya eva ca / harītyalothā lopyāśca uryyasūrmyai tathā mune
Sanskrit only: no published translation is held for this verse.
पयेयश्च पर्णशश्च तथा वगुरमाणकः । अभिघ्ननाशिदुश्चैव प्रखिदन किरिकास्तथा
payeyaśca parṇaśaśca tathā vaguramāṇakaḥ / abhighnanāśiduścaiva prakhidana kirikāstathā
Sanskrit only: no published translation is held for this verse.
देवानां हृदयश्चैव द्वात्रिंशद्रुद्रदेवताः । वर्तते सायुधाः प्राज्ञ नित्यं पञ्चादशावृतौ
devānāṃ hṛdayaścaiva dvātriṃśadrudradevatāḥ / vartate sāyudhāḥ prājña nityaṃ pañcādaśāvṛtau
Sanskrit only: no published translation is held for this verse.
षोडशे त्वावरणके पूर्वादिद्वारवर्तिनः । विक्षिणत्काविचिन्वत्कास्तथा निर्हतनामकाः
ṣoḍaśe tvāvaraṇake pūrvādidvāravartinaḥ / vikṣiṇatkāvicinvatkāstathā nirhatanāmakāḥ
Sanskrit only: no published translation is held for this verse.
आमीवक्ताश्च निष्टप्ता महारुद्रमुपासते । इति षोडशशालेषु स्थितै रुद्रैः सहस्रशः
āmīvaktāśca niṣṭaptā mahārudramupāsate / iti ṣoḍaśaśāleṣu sthitai rudraiḥ sahasraśaḥ
Sanskrit only: no published translation is held for this verse.
सेवितस्तु महारुद्रो ललिताज्ञाप्रवर्तकः । वर्तते जगतामृद्ध्यै मुक्ताशालेशकोणके
sevitastu mahārudro lalitājñāpravartakaḥ / vartate jagatāmṛddhyai muktāśāleśakoṇake
Sanskrit only: no published translation is held for this verse.
शतरुद्रियसंख्याता एते रुद्रा महाबलाः । ललिताभक्तिमम्पन्नान्पालयन्ति दिवानिशम् । अभक्तांल्लरितादेव्याः प्रत्यूहैर्योजयन्त्यमी
śatarudriyasaṃkhyātā ete rudrā mahābalāḥ / lalitābhaktimampannānpālayanti divāniśam / abhaktāṃllaritādevyāḥ pratyūhairyojayantyamī
Sanskrit only: no published translation is held for this verse.
इत्थं शक्रादिदिक्पाला सुक्ताशालं समाश्रिताः । ललितापरमेश्वर्याः सेवामेव वितन्वते
itthaṃ śakrādidikpālā suktāśālaṃ samāśritāḥ / lalitāparameśvaryāḥ sevāmeva vitanvate
Sanskrit only: no published translation is held for this verse.
अथ मुक्ताख्यशालस्यान्तरे मारुतयोजने । शालोमारकताभिख्यश्चतुर्योजनमुच्छ्रितः
atha muktākhyaśālasyāntare mārutayojane / śālomārakatābhikhyaścaturyojanamucchritaḥ
Sanskrit only: no published translation is held for this verse.
पूर्ववद्गोपुरादीना संस्थानैश्च सुशोभितः । तत्र श्रीदण्डनाथाया दहनादिविदिग्गताः
pūrvavadgopurādīnā saṃsthānaiśca suśobhitaḥ / tatra śrīdaṇḍanāthāyā dahanādividiggatāḥ
Sanskrit only: no published translation is held for this verse.
चत्वारो निलयाः प्रोक्ता मन्त्रिणीगृहविस्तराः । गीतिचक्ररथेन्द्रस्य याः पर्वाणि समाश्रिताः
catvāro nilayāḥ proktā mantriṇīgṛhavistarāḥ / gīticakrarathendrasya yāḥ parvāṇi samāśritāḥ
Sanskrit only: no published translation is held for this verse.
भण्डासुरमहायुद्धे ता देव्यस्तत्र जाग्रति । सर्वाः स्थल्यो मरकतश्रेणिभिः खचिताः शुभाः
bhaṇḍāsuramahāyuddhe tā devyastatra jāgrati / sarvāḥ sthalyo marakataśreṇibhiḥ khacitāḥ śubhāḥ
Sanskrit only: no published translation is held for this verse.
हेमतालवनाढ्याश्च सर्ववस्तुसमाकुलाः । तत्रदेव्यः समस्ताश्च दण्डनाथासमश्रियः
hematālavanāḍhyāśca sarvavastusamākulāḥ / tatradevyaḥ samastāśca daṇḍanāthāsamaśriyaḥ
Sanskrit only: no published translation is held for this verse.
हलोद्धर्णहलाद्धर्णमुसलाः सञ्चरन्त्यपि । संख्यातीतास्तालवृक्षा नवस्वर्णविचित्रिताः
haloddharṇahalāddharṇamusalāḥ sañcarantyapi / saṃkhyātītāstālavṛkṣā navasvarṇavicitritāḥ
Sanskrit only: no published translation is held for this verse.
योजनायतकाण्डाश्च दलैर्युक्ता विशङ्कटैः । हेमत्वचो ऽतिसुस्निग्धाः सच्छायाः फलभङ्गुराः
yojanāyatakāṇḍāśca dalairyuktā viśaṅkaṭaiḥ / hematvaco 'tisusnigdhāḥ sacchāyāḥ phalabhaṅgurāḥ
Sanskrit only: no published translation is held for this verse.
आमूलाग्रं लम्बमानास्ताला हालाघटाकुलाः । वर्तन्ते दण्डनाथायाः प्रीत्यर्थं शिल्पिभिः कृताः
āmūlāgraṃ lambamānāstālā hālāghaṭākulāḥ / vartante daṇḍanāthāyāḥ prītyarthaṃ śilpibhiḥ kṛtāḥ
Sanskrit only: no published translation is held for this verse.
तं च तालरसापूरं पीत्वापीत्वा मदाकुलाः । जृंभिण्याद्याश्चक्रदेव्यो हेतुकाद्याश्च भैरवाः
taṃ ca tālarasāpūraṃ pītvāpītvā madākulāḥ / jṛṃbhiṇyādyāścakradevyo hetukādyāśca bhairavāḥ
Sanskrit only: no published translation is held for this verse.
सप्तनिग्रहदेव्यश्च नृत्यन्ति मदविह्वलाः । चतुर्विदिक्षु दण्डिन्या यत्रयत्र महादृशः
saptanigrahadevyaśca nṛtyanti madavihvalāḥ / caturvidikṣu daṇḍinyā yatrayatra mahādṛśaḥ
Sanskrit only: no published translation is held for this verse.
तत्र पूर्वादिदिग्भागे देवीसदृशवर्चसः । उन्मत्तभैरवी चव स्वप्नेशी सर्वतोदिशम्
tatra pūrvādidigbhāge devīsadṛśavarcasaḥ / unmattabhairavī cava svapneśī sarvatodiśam
Sanskrit only: no published translation is held for this verse.
निवासो दण्डनाथायाः केवलं त्वाभिमानिकः । तस्यास्तु सेवावासो ऽन्यो महापद्माटवीस्थले । तत्कक्षातिदवीयस्त्वान्सेवार्थं तत्र तद्गृहः
nivāso daṇḍanāthāyāḥ kevalaṃ tvābhimānikaḥ / tasyāstu sevāvāso 'nyo mahāpadmāṭavīsthale / tatkakṣātidavīyastvānsevārthaṃ tatra tadgṛhaḥ
Sanskrit only: no published translation is held for this verse.
अथो मरकताकारे शाले तत्सप्तयोजने । प्राकारो विद्रुमाकारः प्रातरर्यमपाटलः
atho marakatākāre śāle tatsaptayojane / prākāro vidrumākāraḥ prātararyamapāṭalaḥ
Sanskrit only: no published translation is held for this verse.
तत्र स्थलास्तु सकला विद्रुमैरेव निर्मिताः । तद्वद्विद्रुमसंकाशो ब्रह्मा नलिनविष्टरः
tatra sthalāstu sakalā vidrumaireva nirmitāḥ / tadvadvidrumasaṃkāśo brahmā nalinaviṣṭaraḥ
Sanskrit only: no published translation is held for this verse.
ब्रह्मलोकात्समागत्य सार्द्धं सर्वैर्मुनीश्वरैः । सदा श्रीललितादेव्याः सेवनार्थमतन्द्रितः
brahmalokātsamāgatya sārddhaṃ sarvairmunīśvaraiḥ / sadā śrīlalitādevyāḥ sevanārthamatandritaḥ
Sanskrit only: no published translation is held for this verse.
मरीच्याद्यैः प्रजासृग्भिर्वर्तते साकमब्धिप । चतुर्दशापि विद्यास्ता उपविद्याः सहस्रशः
marīcyādyaiḥ prajāsṛgbhirvartate sākamabdhipa / caturdaśāpi vidyāstā upavidyāḥ sahasraśaḥ
Sanskrit only: no published translation is held for this verse.
चतुष्षष्टिकलाश्चैव शरीरिण्यो महत्तराः । प्राकारे विद्रुमाकारे ब्रह्मलोकसमाश्रिताः । वर्तन्ते जगतामृद्ध्यै ललिता देवताज्ञया
catuṣṣaṣṭikalāścaiva śarīriṇyo mahattarāḥ / prākāre vidrumākāre brahmalokasamāśritāḥ / vartante jagatāmṛddhyai lalitā devatājñayā
Sanskrit only: no published translation is held for this verse.
अथ विद्रुमशालस्यानतरे मारुतयोजने । माणिक्यमण्डपस्थाने परीतः सर्वतोदिशम् । वर्तते विष्णुलोकस्तु ललितासेवनोत्सुकः
atha vidrumaśālasyānatare mārutayojane / māṇikyamaṇḍapasthāne parītaḥ sarvatodiśam / vartate viṣṇulokastu lalitāsevanotsukaḥ
Sanskrit only: no published translation is held for this verse.
तत्र वैष्णवलोके तु विष्णुः साक्षात्सनातनः । चतुर्घा दशधा चैव तथा द्वादशधा पुनः । विभिन्नमूर्तिः सततं वर्तते माधवः सदा
tatra vaiṣṇavaloke tu viṣṇuḥ sākṣātsanātanaḥ / caturghā daśadhā caiva tathā dvādaśadhā punaḥ / vibhinnamūrtiḥ satataṃ vartate mādhavaḥ sadā
Sanskrit only: no published translation is held for this verse.
भण्डासुरमहायुद्धे ये श्रीदेवीनखोद्भवाः । दशावतारदेवास्तु ते ऽपि माणिक्यमण्डपे
bhaṇḍāsuramahāyuddhe ye śrīdevīnakhodbhavāḥ / daśāvatāradevāstu te 'pi māṇikyamaṇḍape
Sanskrit only: no published translation is held for this verse.
पूर्वकक्षान्तरेभ्यस्तु तत्कक्षायां विशेषतः । उपर्याच्छादनामात्रं माणिक्यदृषदां गणैः
pūrvakakṣāntarebhyastu tatkakṣāyāṃ viśeṣataḥ / uparyācchādanāmātraṃ māṇikyadṛṣadāṃ gaṇaiḥ
Sanskrit only: no published translation is held for this verse.
तत्र कक्षान्तरे देवः शङ्खचक्रगदाधरः । भिन्नो द्वादशमूर्त्या च पूर्वाद्याशासुरक्षति
tatra kakṣāntare devaḥ śaṅkhacakragadādharaḥ / bhinno dvādaśamūrtyā ca pūrvādyāśāsurakṣati
Sanskrit only: no published translation is held for this verse.
जाम्बूनदप्रभश्चक्री पूर्वस्यां दिशि केशवः । पश्चान्नारायणः शङ्खी नीलजीमूतसंनिभः
jāmbūnadaprabhaścakrī pūrvasyāṃ diśi keśavaḥ / paścānnārāyaṇaḥ śaṅkhī nīlajīmūtasaṃnibhaḥ
Sanskrit only: no published translation is held for this verse.
इन्दीवरदलश्या मो मधुमान्माधवो ऽवति । गोविन्दो दक्षिणे पार्श्वे धन्वी चन्द्रप्रभो महान्
indīvaradalaśyā mo madhumānmādhavo 'vati / govindo dakṣiṇe pārśve dhanvī candraprabho mahān
Sanskrit only: no published translation is held for this verse.
उत्तरे हलधृग्विष्णुः पद्मकिञ्जल्कसंनिभः । आग्नेय्यामरविन्दाभो मुसली मधुसूदनः
uttare haladhṛgviṣṇuḥ padmakiñjalkasaṃnibhaḥ / āgneyyāmaravindābho musalī madhusūdanaḥ
Sanskrit only: no published translation is held for this verse.
त्रिविक्रमः खड्गपाणिर्नैरृत्ये च्वलनप्रभः । वायव्यां वामनो वज्री तरुणादित्य दीप्तिमान्
trivikramaḥ khaḍgapāṇirnairṛtye cvalanaprabhaḥ / vāyavyāṃ vāmano vajrī taruṇāditya dīptimān
Sanskrit only: no published translation is held for this verse.
ईशान्यां पुण्डरीकाभः श्रीधरः पट्टिशायुधः । विद्युत्प्रभो हृषीकेशो ह्यवाच्यां दिशि मुद्गरी
īśānyāṃ puṇḍarīkābhaḥ śrīdharaḥ paṭṭiśāyudhaḥ / vidyutprabho hṛṣīkeśo hyavācyāṃ diśi mudgarī
Sanskrit only: no published translation is held for this verse.
पद्मनाभः शार्ङ्गपाणिः सहस्रार्कसमप्रभः । माणिक्यमण्डपस्थानमनुलोम्येन वेष्टते
padmanābhaḥ śārṅgapāṇiḥ sahasrārkasamaprabhaḥ / māṇikyamaṇḍapasthānamanulomyena veṣṭate
Sanskrit only: no published translation is held for this verse.
सर्वायुधः सर्वशक्तिः सर्वज्ञः सर्वतोमुखः । इन्द्रगोपकसंकाशः पाशहस्तो ऽपराजितः
sarvāyudhaḥ sarvaśaktiḥ sarvajñaḥ sarvatomukhaḥ / indragopakasaṃkāśaḥ pāśahasto 'parājitaḥ
Sanskrit only: no published translation is held for this verse.
दामोदरस्तु सर्वात्मा ललिताभक्तिनिर्भरः । माणिक्यमण्डपस्थानं विलोमेन विवेष्टते
dāmodarastu sarvātmā lalitābhaktinirbharaḥ / māṇikyamaṇḍapasthānaṃ vilomena viveṣṭate
Sanskrit only: no published translation is held for this verse.
इति द्वादशभिर्देहैर्भगवानम्बुजेक्षणः । माणिक्यमण्डपगतो विष्णुलोके विराजते
iti dvādaśabhirdehairbhagavānambujekṣaṇaḥ / māṇikyamaṇḍapagato viṣṇuloke virājate
Sanskrit only: no published translation is held for this verse.
अथ नानारत्नशालान्तरे मारुतयोजने । सहस्रस्तम्भकं नाम मण्डपं सुमनोहरम्
atha nānāratnaśālāntare mārutayojane / sahasrastambhakaṃ nāma maṇḍapaṃ sumanoharam
Sanskrit only: no published translation is held for this verse.
नानारत्नैस्तु खचितं नानारत्नैरलङ्कृतम् । नानारत्नकृतश्शालस्तुङ्गस्तत्राभिवर्तते
nānāratnaistu khacitaṃ nānāratnairalaṅkṛtam / nānāratnakṛtaśśālastuṅgastatrābhivartate
Sanskrit only: no published translation is held for this verse.
एका पङ्क्तिः सहस्रैस्तु स्तम्भस्तियक्प्रवर्तते । तादृशाः पङ्क्तयो बह्व्यः स्तम्भानां तु चतुर्दिशम्
ekā paṅktiḥ sahasraistu stambhastiyakpravartate / tādṛśāḥ paṅktayo bahvyaḥ stambhānāṃ tu caturdiśam
Sanskrit only: no published translation is held for this verse.
उपर्याच्छादनं चापि पूर्ववद्रत्नदारुभिः । शिवलोकस्तत्र महाञ्जागर्ति स्फुरितद्युतिः
uparyācchādanaṃ cāpi pūrvavadratnadārubhiḥ / śivalokastatra mahāñjāgarti sphuritadyutiḥ
Sanskrit only: no published translation is held for this verse.
शैवागमा मूर्तिमन्तस्तत्राष्टाविंशतिः स्मृताः । नन्दिभृङ्गिमहाकालप्रमुखास्तत्र चोत्तमाः
śaivāgamā mūrtimantastatrāṣṭāviṃśatiḥ smṛtāḥ / nandibhṛṅgimahākālapramukhāstatra cottamāḥ
Sanskrit only: no published translation is held for this verse.
षड्विंशत्तत्त्वदेवाश्च गजवक्त्राः सहस्रशः । शिवलोकोत्तमे तस्मिन्सहस्रस्तम्भमण्डपे
ṣaḍviṃśattattvadevāśca gajavaktrāḥ sahasraśaḥ / śivalokottame tasminsahasrastambhamaṇḍape
Sanskrit only: no published translation is held for this verse.
ईशानः सर्वविद्यानामधिपश्चन्द्रशेखरः । ललिताज्ञापालकश्च ललिताज्ञाप्रवर्तकः
īśānaḥ sarvavidyānāmadhipaścandraśekharaḥ / lalitājñāpālakaśca lalitājñāpravartakaḥ
Sanskrit only: no published translation is held for this verse.
ललितामन्त्र जापी च नित्यमानन्दमानसः । शैव्या दृष्ट्या स्वभक्तानां ललितामन्त्रसिद्धये
lalitāmantra jāpī ca nityamānandamānasaḥ / śaivyā dṛṣṭyā svabhaktānāṃ lalitāmantrasiddhaye
Sanskrit only: no published translation is held for this verse.
अन्तर्बहिस्तमः पुञ्जनिर्भेदनपटी यसीम् । महाप्रकाशरूपां तां मेधाशक्ति प्रकाशयन्
antarbahistamaḥ puñjanirbhedanapaṭī yasīm / mahāprakāśarūpāṃ tāṃ medhāśakti prakāśayan
Sanskrit only: no published translation is held for this verse.
सर्वज्ञः सर्वकर्ता च सहस्रस्तम्भमण्डपे । वर्तमानो महादेव देवीः श्रीभक्तिनिर्भरः । तत्तच्छालान्समाश्रित्य वर्तते कुम्भसंभवः
sarvajñaḥ sarvakartā ca sahasrastambhamaṇḍape / vartamāno mahādeva devīḥ śrībhaktinirbharaḥ / tattacchālānsamāśritya vartate kumbhasaṃbhavaḥ
Sanskrit only: no published translation is held for this verse.