इति श्रीब्रह्माण्डे महापुराणे उत्तरभागे हयग्रीवागस्त्यसंवादे ललितोपाख्याने हिंसाद्यस्वरूपकथनं नाम षष्ठो ऽध्यायः इन्द्र उवाच भगवन्सर्वमाख्यातं हिंसाद्यस्य तु लक्षणम् । स्तेयस्य लक्षणं किं वा तन्मे विस्तरतो वद
iti śrībrahmāṇḍe mahāpurāṇe uttarabhāge hayagrīvāgastyasaṃvāde lalitopākhyāne hiṃsādyasvarūpakathanaṃ nāma ṣaṣṭho 'dhyāyaḥ indra uvāca bhagavansarvamākhyātaṃ hiṃsādyasya tu lakṣaṇam / steyasya lakṣaṇaṃ kiṃ vā tanme vistarato vada
Sanskrit only: no published translation is held for this verse.
बृहस्पतिरुवाच पापानामधिकं पापं हननं जीवजातिनाम् । एतस्मादधिकं पापं विश्वस्ते शरणं गते
bṛhaspatiruvāca pāpānāmadhikaṃ pāpaṃ hananaṃ jīvajātinām / etasmādadhikaṃ pāpaṃ viśvaste śaraṇaṃ gate
Sanskrit only: no published translation is held for this verse.
विश्वस्य हत्वा पापिष्ठं शूद्रं वाप्यन्त्यजातिजम् । ब्रह्महत्याधिकं पापं तस्मान्नास्त्यस्य निष्कृतिः
viśvasya hatvā pāpiṣṭhaṃ śūdraṃ vāpyantyajātijam / brahmahatyādhikaṃ pāpaṃ tasmānnāstyasya niṣkṛtiḥ
Sanskrit only: no published translation is held for this verse.
ब्रह्मज्ञस्य दरिद्रस्य कृच्छ्रार्जितधनस्य च । बहुपुत्रकलत्रस्य तेन जीवितुमिच्छतः । तद्द्रव्यस्तेयदोषस्य प्रायश्चित्तं न विद्यते
brahmajñasya daridrasya kṛcchrārjitadhanasya ca / bahuputrakalatrasya tena jīvitumicchataḥ / taddravyasteyadoṣasya prāyaścittaṃ na vidyate
Sanskrit only: no published translation is held for this verse.
विश्वस्तद्रव्यहरणं तस्याप्यधिकमुच्यते । विश्वस्ते वाप्यविश्वस्ते न दरिद्रधनं हरेत्
viśvastadravyaharaṇaṃ tasyāpyadhikamucyate / viśvaste vāpyaviśvaste na daridradhanaṃ haret
Sanskrit only: no published translation is held for this verse.
ततो देवद्विजातीनां हेमरत्नापहारकम् । यो हन्यादविचारेण सो ऽश्वमेधफलं लभेत्
tato devadvijātīnāṃ hemaratnāpahārakam / yo hanyādavicāreṇa so 'śvamedhaphalaṃ labhet
Sanskrit only: no published translation is held for this verse.
गुरुदेवद्विजसुहृत्पुत्रस्वात्मसुखेषु च । स्तेयादधःक्रमेणैव दशोत्तरगुणं त्वघम्
gurudevadvijasuhṛtputrasvātmasukheṣu ca / steyādadhaḥkrameṇaiva daśottaraguṇaṃ tvagham
Sanskrit only: no published translation is held for this verse.
अन्त्यजात्पादजाद्वैश्यात्क्षत्रियाद्ब्राह्मणादपि । दशोत्तरगुणैः पापैर्लिप्यते धनहारकः
antyajātpādajādvaiśyātkṣatriyādbrāhmaṇādapi / daśottaraguṇaiḥ pāpairlipyate dhanahārakaḥ
Sanskrit only: no published translation is held for this verse.
अत्रैवोदाहरन्तीममितिहासं पुरातनम् । रहस्यातिरहस्यं च सर्वपापप्रणाशनम्
atraivodāharantīmamitihāsaṃ purātanam / rahasyātirahasyaṃ ca sarvapāpapraṇāśanam
Sanskrit only: no published translation is held for this verse.
पुरा काञ्चीपुरे जातो वज्राख्यो नाम चोरकः । तस्मिन्पुरवरे रम्ये सर्वैश्वर्यसमन्विताः । सर्वे नीरोगिणो दान्ताः सुखिनो दययाञ्चिताः
purā kāñcīpure jāto vajrākhyo nāma corakaḥ / tasminpuravare ramye sarvaiśvaryasamanvitāḥ / sarve nīrogiṇo dāntāḥ sukhino dayayāñcitāḥ
Sanskrit only: no published translation is held for this verse.
सर्वैश्वर्यसमृद्धे ऽस्मिन्नगरे स तु तस्करः । स्तोकास्तोकक्रमेणैव बहुद्रव्यमपाहरत्
sarvaiśvaryasamṛddhe 'sminnagare sa tu taskaraḥ / stokāstokakrameṇaiva bahudravyamapāharat
Sanskrit only: no published translation is held for this verse.
तदरण्ये ऽवटं कृत्वा स्थापयामास लोभतः । तद्गोपनं निशार्धायां तस्मिन्दूरं गते सति
tadaraṇye 'vaṭaṃ kṛtvā sthāpayāmāsa lobhataḥ / tadgopanaṃ niśārdhāyāṃ tasmindūraṃ gate sati
Sanskrit only: no published translation is held for this verse.
किरातः कश्चिदागत्य तं दृष्ट्वा तु दशांशतः । जहाराविदितस्तेन काष्ठभारं वहन्ययौ
kirātaḥ kaścidāgatya taṃ dṛṣṭvā tu daśāṃśataḥ / jahārāviditastena kāṣṭhabhāraṃ vahanyayau
Sanskrit only: no published translation is held for this verse.
सो ऽपि तच्छिलयाच्छाद्य मृद्भिरापूर्ययत्नतः । पुनश्च तत्पुरं प्रायाद्वज्रो ऽपि धनतृष्मया
so 'pi tacchilayācchādya mṛdbhirāpūryayatnataḥ / punaśca tatpuraṃ prāyādvajro 'pi dhanatṛṣmayā
Sanskrit only: no published translation is held for this verse.
एवं बहुधनं त्दृत्वा निश्चिक्षेप महीतले । किरातो ऽपि गृहं प्राप्य बभाषे मुदितः प्रियाम्
evaṃ bahudhanaṃ tdṛtvā niścikṣepa mahītale / kirāto 'pi gṛhaṃ prāpya babhāṣe muditaḥ priyām
Sanskrit only: no published translation is held for this verse.
मया काष्ठं समाहर्तुं गच्छता पथि निर्जने । लब्धं धनमिदं भीरु समाधत्स्व धनार्थिनि
mayā kāṣṭhaṃ samāhartuṃ gacchatā pathi nirjane / labdhaṃ dhanamidaṃ bhīru samādhatsva dhanārthini
Sanskrit only: no published translation is held for this verse.
तच्छ्रुत्वा तत्समादाय निधायाभ्यन्तरे ततः । चिन्तयन्ती ततो वाक्यमिदं स्वपतिमब्रवीत्
tacchrutvā tatsamādāya nidhāyābhyantare tataḥ / cintayantī tato vākyamidaṃ svapatimabravīt
Sanskrit only: no published translation is held for this verse.
नित्यं संचरते विप्रो मामकानां गृहेषु यः । मां विलोक्यैवमचिराद्बहुभाग्यवती भवेत्
nityaṃ saṃcarate vipro māmakānāṃ gṛheṣu yaḥ / māṃ vilokyaivamacirādbahubhāgyavatī bhavet
Sanskrit only: no published translation is held for this verse.
चातुर्वर्ण्यासु नरीषु स्थेयं चेद्राजवल्लभा । किं तु भिल्ले किराते च शैलूषे चान्त्यजातिजे । लक्ष्मीर्न तिष्ठति चिरं शापाद्वल्मीकजन्मनः
cāturvarṇyāsu narīṣu stheyaṃ cedrājavallabhā / kiṃ tu bhille kirāte ca śailūṣe cāntyajātije / lakṣmīrna tiṣṭhati ciraṃ śāpādvalmīkajanmanaḥ
Sanskrit only: no published translation is held for this verse.
तथापि बहुभाग्यानां पुण्यानामपि पात्रिणे । दृष्टपूर्वं तु तद्वाक्यं न कदाचिद्वृथा भवेत्
tathāpi bahubhāgyānāṃ puṇyānāmapi pātriṇe / dṛṣṭapūrvaṃ tu tadvākyaṃ na kadācidvṛthā bhavet
Sanskrit only: no published translation is held for this verse.
अथ वात्मप्रयासेन कृच्छ्राद्यल्लभ्यते धनम् । तदेव तिष्ठति चिरादन्यद्गच्छति कालतः
atha vātmaprayāsena kṛcchrādyallabhyate dhanam / tadeva tiṣṭhati cirādanyadgacchati kālataḥ
Sanskrit only: no published translation is held for this verse.
स्वयमागतवित्तं तु धर्मार्थैर्विनियोजयेत् । कुरुष्वैतेन तस्मात्त्वं वापीकूपादिकाञ्छुभान्
svayamāgatavittaṃ tu dharmārthairviniyojayet / kuruṣvaitena tasmāttvaṃ vāpīkūpādikāñchubhān
Sanskrit only: no published translation is held for this verse.
इति तद्वचनं श्रुत्वा भाविभाग्यप्रबोधितम् । बहूदकसमं देशं तत्र तत्र व्यलोकयत्
iti tadvacanaṃ śrutvā bhāvibhāgyaprabodhitam / bahūdakasamaṃ deśaṃ tatra tatra vyalokayat
Sanskrit only: no published translation is held for this verse.
निर्ममे ऽथ महेन्द्रस्य दिग्भागे विमलोदकम् । सुबहुद्रव्यसं साध्यं तटाकं चाक्षयोदकम्
nirmame 'tha mahendrasya digbhāge vimalodakam / subahudravyasaṃ sādhyaṃ taṭākaṃ cākṣayodakam
Sanskrit only: no published translation is held for this verse.
दत्तेषु कर्मकारिभ्यो निखिलेषु धनेषु च । असंबूर्णं तु तत्कर्म दृष्ट्वा चिन्ताकुलो ऽभवत्
datteṣu karmakāribhyo nikhileṣu dhaneṣu ca / asaṃbūrṇaṃ tu tatkarma dṛṣṭvā cintākulo 'bhavat
Sanskrit only: no published translation is held for this verse.
तं चोर वज्रनामानमज्ञातो ऽनुचराम्यहम् । तेनैव बहुधा क्षिप्तं धनं भूरि महीतले
taṃ cora vajranāmānamajñāto 'nucarāmyaham / tenaiva bahudhā kṣiptaṃ dhanaṃ bhūri mahītale
Sanskrit only: no published translation is held for this verse.
स्तोकंस्तोकं हरिष्यामि तत्रतत्र धनं बहु । इति निश्चित्य मनसा तेनाज्ञातस्तमन्वगात्
stokaṃstokaṃ hariṣyāmi tatratatra dhanaṃ bahu / iti niścitya manasā tenājñātastamanvagāt
Sanskrit only: no published translation is held for this verse.
तथैवात्दृत्य तद्द्रव्यं तेन सेतुमपूरयत् । मध्ये जलावृतस्तेन प्रासादश्चापि शार्ङ्गिणः
tathaivātdṛtya taddravyaṃ tena setumapūrayat / madhye jalāvṛtastena prāsādaścāpi śārṅgiṇaḥ
Sanskrit only: no published translation is held for this verse.
तत्तटाकमभूद्दिव्यमशोषितजलं महत् । सेतुमध्ये चकारासौ शङ्करायतनं महत्
tattaṭākamabhūddivyamaśoṣitajalaṃ mahat / setumadhye cakārāsau śaṅkarāyatanaṃ mahat
Sanskrit only: no published translation is held for this verse.
काननं च क्षयं नीतं बहुसत्त्वसमाकुलम् । तेनाग्र्याणि महार्हाणि क्षेत्राण्यपि चकार सः
kānanaṃ ca kṣayaṃ nītaṃ bahusattvasamākulam / tenāgryāṇi mahārhāṇi kṣetrāṇyapi cakāra saḥ
Sanskrit only: no published translation is held for this verse.
देवताभ्यो द्विजेभ्यश्च पदत्तानि विभज्य वै । ब्राह्मणांश्च समामन्त्र्य देवव्रातमुखान्बहून्
devatābhyo dvijebhyaśca padattāni vibhajya vai / brāhmaṇāṃśca samāmantrya devavrātamukhānbahūn
Sanskrit only: no published translation is held for this verse.
संतोष्य हेमवस्त्राद्यैरिदं वचनमब्रवीत् । क्व चाहं वीरदत्ताख्यः किरातः काष्ठविक्रयी
saṃtoṣya hemavastrādyairidaṃ vacanamabravīt / kva cāhaṃ vīradattākhyaḥ kirātaḥ kāṣṭhavikrayī
Sanskrit only: no published translation is held for this verse.
क्व वा महासेतुबन्धः क्व देवालयकल्पना । क्व वा क्षेत्राणि कॢप्तानि ब्राह्मणायतनानि च
kva vā mahāsetubandhaḥ kva devālayakalpanā / kva vā kṣetrāṇi kḷptāni brāhmaṇāyatanāni ca
Sanskrit only: no published translation is held for this verse.
कृपयैव कृतं सर्वं भवतां भूसुरोत्तमाः । प्रतिगृह्य तथैवैतद्देवव्रातमुखा द्विजाः
kṛpayaiva kṛtaṃ sarvaṃ bhavatāṃ bhūsurottamāḥ / pratigṛhya tathaivaitaddevavrātamukhā dvijāḥ
Sanskrit only: no published translation is held for this verse.
द्विजवर्मेति नामास्मै तस्यै शीलवतीति च । चक्रुः संतुष्टमनसो महात्मानो महौजसः
dvijavarmeti nāmāsmai tasyai śīlavatīti ca / cakruḥ saṃtuṣṭamanaso mahātmāno mahaujasaḥ
Sanskrit only: no published translation is held for this verse.
तेषां संरक्षणार्थाय बन्धुमिः सहितो वशी । तत्रैव वसतिं चक्रे मुदितो भार्यया सह
teṣāṃ saṃrakṣaṇārthāya bandhumiḥ sahito vaśī / tatraiva vasatiṃ cakre mudito bhāryayā saha
Sanskrit only: no published translation is held for this verse.
पुरोहिताभिधानेन देवरातपुरन्त्विति । नाम चक्रे पुरस्यास्य तोष यन्नखिलान्द्विजान्
purohitābhidhānena devarātapurantviti / nāma cakre purasyāsya toṣa yannakhilāndvijān
Sanskrit only: no published translation is held for this verse.
ततः कालवशं प्राप्तो द्विजवर्मा मृतस्तदा । यमस्य ब्रह्मणो विष्णोर्दूता रुद्रस्य चागताः
tataḥ kālavaśaṃ prāpto dvijavarmā mṛtastadā / yamasya brahmaṇo viṣṇordūtā rudrasya cāgatāḥ
Sanskrit only: no published translation is held for this verse.
अन्यो ऽन्यमभवत्तेषां युद्धं देवासुरोपमम् । अत्रान्तरे समागत्य नारदो मुनिरब्रवीत्
anyo 'nyamabhavatteṣāṃ yuddhaṃ devāsuropamam / atrāntare samāgatya nārado munirabravīt
Sanskrit only: no published translation is held for this verse.
मा कुर्वन्तु मिथो युद्धं शृण्वन्तु वचनं मम । अयं किरातश्चैर्येण सेतुबन्धं पुराकरोत्
mā kurvantu mitho yuddhaṃ śṛṇvantu vacanaṃ mama / ayaṃ kirātaścairyeṇa setubandhaṃ purākarot
Sanskrit only: no published translation is held for this verse.
वायुभूतस्चरेदेको यावद्द्रव्यवतो मृतिः । स बहुभ्यो हरेद्द्रव्यं तेषां यावत्तथा मृतिः
vāyubhūtascaredeko yāvaddravyavato mṛtiḥ / sa bahubhyo hareddravyaṃ teṣāṃ yāvattathā mṛtiḥ
Sanskrit only: no published translation is held for this verse.
गतेष्वखिलदूतेषु श्रुत्वा नारदभाषितम् । चचार द्वादशाब्दं तु वायुभूत्ॐऽतरिक्षगः
gateṣvakhiladūteṣu śrutvā nāradabhāṣitam / cacāra dvādaśābdaṃ tu vāyubhūtoṃ'tarikṣagaḥ
Sanskrit only: no published translation is held for this verse.
भार्यां तस्याह स मुनिस्तव दोषो न किञ्चन । त्वया कृतेन पुण्येन ब्रह्मलोकमितो व्रज
bhāryāṃ tasyāha sa munistava doṣo na kiñcana / tvayā kṛtena puṇyena brahmalokamito vraja
Sanskrit only: no published translation is held for this verse.
वायुभूतं पतिं दृष्ट्वा नेच्छति ब्रह्ममन्दिरम् । निर्वेदं परमापन्ना मुनिमेवमभाषत
vāyubhūtaṃ patiṃ dṛṣṭvā necchati brahmamandiram / nirvedaṃ paramāpannā munimevamabhāṣata
Sanskrit only: no published translation is held for this verse.
विना पतिमहं तेन न गच्छेयं पितामहम् । हहैवास्ते पतिर्यावत्स्वदेहं लभते तथा
vinā patimahaṃ tena na gaccheyaṃ pitāmaham / hahaivāste patiryāvatsvadehaṃ labhate tathā
Sanskrit only: no published translation is held for this verse.
ततस्तु या गतिस्तस्य तामेवानुचराम्यहम् । परिहारो ऽथवा किं तु मया कार्यस्तु तेन वा
tatastu yā gatistasya tāmevānucarāmyaham / parihāro 'thavā kiṃ tu mayā kāryastu tena vā
Sanskrit only: no published translation is held for this verse.
इति तस्या वचः श्रुत्वा प्रीतः प्राह तपोधनः । भोगात्मकं शरीरं तु कर्म कार्यकरं तव
iti tasyā vacaḥ śrutvā prītaḥ prāha tapodhanaḥ / bhogātmakaṃ śarīraṃ tu karma kāryakaraṃ tava
Sanskrit only: no published translation is held for this verse.
मम प्रभावाद्भविता परिहारं वदामि ते । निराहारो महातीर्थेस्नात्वा नित्यं हि सांबिकम्
mama prabhāvādbhavitā parihāraṃ vadāmi te / nirāhāro mahātīrthesnātvā nityaṃ hi sāṃbikam
Sanskrit only: no published translation is held for this verse.
पूजयित्वा शिवं भक्त्या कन्दमूलफलाशनः । ध्यात्वा हृदि महेशानं शतरुद्रमनुं जपेत्
pūjayitvā śivaṃ bhaktyā kandamūlaphalāśanaḥ / dhyātvā hṛdi maheśānaṃ śatarudramanuṃ japet
Sanskrit only: no published translation is held for this verse.
ब्रह्महा मुच्यते पापैरष्टोत्तरसहस्रतः । पापैरन्यैश्च सकलैर्मुच्यते नात्र संशयः
brahmahā mucyate pāpairaṣṭottarasahasrataḥ / pāpairanyaiśca sakalairmucyate nātra saṃśayaḥ
Sanskrit only: no published translation is held for this verse.
इत्यादिश्य ददौ तस्यै रुद्राध्यायं तपोधनः । अनुगृह्येति तां नारीं तत्रैवान्तर्द्धिमागमत्
ityādiśya dadau tasyai rudrādhyāyaṃ tapodhanaḥ / anugṛhyeti tāṃ nārīṃ tatraivāntarddhimāgamat
Sanskrit only: no published translation is held for this verse.
भर्तुः प्रियार्थे संकल्प्य जजाप परमं जपम् । विमुक्तस्तेयदोषेण स्वशरीरमवाप सः
bhartuḥ priyārthe saṃkalpya jajāpa paramaṃ japam / vimuktasteyadoṣeṇa svaśarīramavāpa saḥ
Sanskrit only: no published translation is held for this verse.
ततो वज्राभिधश्चौरः कालधर्ममुपागतः । अन्ये तद्द्रव्यवन्तो ऽपि कालधर्ममुपागताः
tato vajrābhidhaścauraḥ kāladharmamupāgataḥ / anye taddravyavanto 'pi kāladharmamupāgatāḥ
Sanskrit only: no published translation is held for this verse.
यमस्तु तान्समाहूय वाक्यं चैतदुवाच ह
yamastu tānsamāhūya vākyaṃ caitaduvāca ha
Sanskrit only: no published translation is held for this verse.
भवद्भिस्तु कृतं पापं दैवात्सुकृतमप्युत । किमिच्छथ फलं भोक्तुं दुष्कृतस्य शुभस्य वा
bhavadbhistu kṛtaṃ pāpaṃ daivātsukṛtamapyuta / kimicchatha phalaṃ bhoktuṃ duṣkṛtasya śubhasya vā
Sanskrit only: no published translation is held for this verse.
इति तस्य वचः श्रुत्वा प्रोचुर्वज्रादिकास्ततः । सुकृतस्य फलं त्वादौ पश्चात्पापस्य भुज्यते
iti tasya vacaḥ śrutvā procurvajrādikāstataḥ / sukṛtasya phalaṃ tvādau paścātpāpasya bhujyate
Sanskrit only: no published translation is held for this verse.
पुनराह यमो यूयं पुत्रमित्र कलत्रकैः । एतस्यैव बलात्सर्वे त्रिदिवं गच्छत द्रुतम्
punarāha yamo yūyaṃ putramitra kalatrakaiḥ / etasyaiva balātsarve tridivaṃ gacchata drutam
Sanskrit only: no published translation is held for this verse.
ते ऽधिरुह्य विमानाग्र्यं द्विजवर्माणमाश्रिताः । यथोचितफलोपेतास्त्रिदिवं जग्मुरञ्जसा
te 'dhiruhya vimānāgryaṃ dvijavarmāṇamāśritāḥ / yathocitaphalopetāstridivaṃ jagmurañjasā
Sanskrit only: no published translation is held for this verse.
द्विजवर्माखिलांल्लोकानतीत्य प्रमदासखः । गाणपत्यमनुप्राप्य कैलासे ऽद्यापि मोदते
dvijavarmākhilāṃllokānatītya pramadāsakhaḥ / gāṇapatyamanuprāpya kailāse 'dyāpi modate
Sanskrit only: no published translation is held for this verse.
इन्द्र उवाच तारतम्यविभागं च कथय त्वं महामते । सेतुबन्धादिकानां च पुण्यानां पुण्यवर्धनम्
indra uvāca tāratamyavibhāgaṃ ca kathaya tvaṃ mahāmate / setubandhādikānāṃ ca puṇyānāṃ puṇyavardhanam
Sanskrit only: no published translation is held for this verse.
बृहस्पतिरुवाच पुण्यस्यार्द्धफलं प्राप्य द्विजवर्मा महायशाः । वज्रः प्राप्य तदर्धं तु तदर्धेन युताः परे
bṛhaspatiruvāca puṇyasyārddhaphalaṃ prāpya dvijavarmā mahāyaśāḥ / vajraḥ prāpya tadardhaṃ tu tadardhena yutāḥ pare
Sanskrit only: no published translation is held for this verse.
मनोवाक्कायचेष्टाभिश्चतुर्धाक्रियते कृतिः । विनश्येत्तेन तेनैव कृतैस्तत्परिहारकैः
manovākkāyaceṣṭābhiścaturdhākriyate kṛtiḥ / vinaśyettena tenaiva kṛtaistatparihārakaiḥ
Sanskrit only: no published translation is held for this verse.
इन्द्र उवाच आसवस्य तु किं रूपं को दोषः कश्चवा गुणः । अन्नं दोषकरं किं तु तन्मे विस्तरतो वद
indra uvāca āsavasya tu kiṃ rūpaṃ ko doṣaḥ kaścavā guṇaḥ / annaṃ doṣakaraṃ kiṃ tu tanme vistarato vada
Sanskrit only: no published translation is held for this verse.
बृहस्पतिरुवाच पैष्टिकं तालजं कैरं माधूकं गुडसंभवम् । क्रमान्न्यूनतरं पापं तदर्द्धार्द्धार्द्धतस्तथा
bṛhaspatiruvāca paiṣṭikaṃ tālajaṃ kairaṃ mādhūkaṃ guḍasaṃbhavam / kramānnyūnataraṃ pāpaṃ tadarddhārddhārddhatastathā
Sanskrit only: no published translation is held for this verse.
क्षत्रियादित्रिवर्णानामासवं पेयमुच्यते । स्त्रीणामपि तृतीयादि पेयं स्याद्ब्राह्मणीं विना
kṣatriyāditrivarṇānāmāsavaṃ peyamucyate / strīṇāmapi tṛtīyādi peyaṃ syādbrāhmaṇīṃ vinā
Sanskrit only: no published translation is held for this verse.
पतिहीना च कन्या च त्यजेदृतुमती तथा । अभर्तृसन्निधौ नारी मद्यं पिबति लोलुपा
patihīnā ca kanyā ca tyajedṛtumatī tathā / abhartṛsannidhau nārī madyaṃ pibati lolupā
Sanskrit only: no published translation is held for this verse.
उन्मादिनीति साख्याता तां त्यजेदन्त्यजामिव
unmādinīti sākhyātā tāṃ tyajedantyajāmiva
Sanskrit only: no published translation is held for this verse.
दशाष्टषट्चतस्रस्तु द्विजातीनामयं भवेत् । स्त्रीणां मद्यं तदर्द्धं स्यात्पादं स्याद्भर्तृसङ्गमे
daśāṣṭaṣaṭcatasrastu dvijātīnāmayaṃ bhavet / strīṇāṃ madyaṃ tadarddhaṃ syātpādaṃ syādbhartṛsaṅgame
Sanskrit only: no published translation is held for this verse.
मद्यं पीत्वा द्विजो मोहात्कृच्छ्रचान्द्रायमं चरेत् । जपेच्चायुतगायत्रीं जातवेदसमेव वा
madyaṃ pītvā dvijo mohātkṛcchracāndrāyamaṃ caret / japeccāyutagāyatrīṃ jātavedasameva vā
Sanskrit only: no published translation is held for this verse.
अम्बिका हृदयं वापि जपेच्छुद्धो भवेन्नरः । क्षत्रियो ऽपि त्रिवर्णानां द्विजादर्धोर्ऽधतः क्रमात्
ambikā hṛdayaṃ vāpi japecchuddho bhavennaraḥ / kṣatriyo 'pi trivarṇānāṃ dvijādardhor'dhataḥ kramāt
Sanskrit only: no published translation is held for this verse.
स्त्रीणामर्धार्धकॢप्तिः स्यात्कारयेद्वा द्विजैरपि । अन्तर्जले सहस्रं वा जपेच्छुद्धिमवाप्नुयात्
strīṇāmardhārdhakḷptiḥ syātkārayedvā dvijairapi / antarjale sahasraṃ vā japecchuddhimavāpnuyāt
Sanskrit only: no published translation is held for this verse.
लक्ष्मीः सरस्वती गौरी चण्डिका त्रिपुरांबिका । भैरवो भैरवी काली महाशास्त्री च मातरः
lakṣmīḥ sarasvatī gaurī caṇḍikā tripurāṃbikā / bhairavo bhairavī kālī mahāśāstrī ca mātaraḥ
Sanskrit only: no published translation is held for this verse.
अन्याश्च शक्तयस्तासां पूजने मधु शस्यते । ब्राह्मणस्तु विना तेन यजेद्वेदाङ्गपारगः
anyāśca śaktayastāsāṃ pūjane madhu śasyate / brāhmaṇastu vinā tena yajedvedāṅgapāragaḥ
Sanskrit only: no published translation is held for this verse.
तन्निवेदितमश्नन्तस्तदनन्यास्तदात्मकाः । तासां प्रवाहा गच्छन्ति निर्लेपास्ते परां गतिम्
tanniveditamaśnantastadananyāstadātmakāḥ / tāsāṃ pravāhā gacchanti nirlepāste parāṃ gatim
Sanskrit only: no published translation is held for this verse.
कृतस्याखिलपापस्य ज्ञानतो ऽज्ञानतो ऽपि वा । प्रायश्चित्तमिदं प्रोक्तं पराशक्तेः पदस्मृतिः
kṛtasyākhilapāpasya jñānato 'jñānato 'pi vā / prāyaścittamidaṃ proktaṃ parāśakteḥ padasmṛtiḥ
Sanskrit only: no published translation is held for this verse.
अनभ्यर्च्य परां शक्तिं पिबेन्मद्यं तु यो ऽधमः । रौरवे नरके ऽब्दं तु निवसेद्ब्रिन्दुसंख्यया
anabhyarcya parāṃ śaktiṃ pibenmadyaṃ tu yo 'dhamaḥ / raurave narake 'bdaṃ tu nivasedbrindusaṃkhyayā
Sanskrit only: no published translation is held for this verse.
भोगेच्छया तु यो मद्यं पिबेत्स मानुषाधमः । प्रायश्चितं न चैवास्य शिलाग्निपतनादृते
bhogecchayā tu yo madyaṃ pibetsa mānuṣādhamaḥ / prāyaścitaṃ na caivāsya śilāgnipatanādṛte
Sanskrit only: no published translation is held for this verse.
द्विजो मोहान्न तु पिबेत्स्नेहाद्वा कामतो ऽपि वा । अनुग्रहाच्च महतामनुतापाच्च कर्मणः
dvijo mohānna tu pibetsnehādvā kāmato 'pi vā / anugrahācca mahatāmanutāpācca karmaṇaḥ
Sanskrit only: no published translation is held for this verse.
अर्चनाच्च पराशक्तेर्यमैश्च नियमैरपि । चान्द्रायणेन कृच्छ्रेण दिनसंख्याकृतेन च । शुद्ध्येच्च ब्राह्मणो दोषाद्द्विगुणाद्बुद्धिपूर्वतः
arcanācca parāśakteryamaiśca niyamairapi / cāndrāyaṇena kṛcchreṇa dinasaṃkhyākṛtena ca / śuddhyecca brāhmaṇo doṣāddviguṇādbuddhipūrvataḥ
Sanskrit only: no published translation is held for this verse.