Library·Brahma-Purana·100
ब्रह्मोवाच: सुपर्णासंगमं नाम काद्रवासंगमं तथा । महेश्वरो यत्र देवो गङ्गापुलिनम् आश्रितः
brahmovāca: suparṇāsaṃgamaṃ nāma kādravāsaṃgamaṃ tathā / maheśvaro yatra devo gaṅgāpulinam āśritaḥ
Sanskrit only: no published translation is held for this verse.
अग्निकुण्डं च तत्रैव रौद्रं वैष्णवम् एव च । सौरं सौम्यं तथा ब्राह्मं कौमारं वारुणं तथा
agnikuṇḍaṃ ca tatraiva raudraṃ vaiṣṇavam eva ca / sauraṃ saumyaṃ tathā brāhmaṃ kaumāraṃ vāruṇaṃ tathā
Sanskrit only: no published translation is held for this verse.
अप्सरा च नदी यत्र संगता गङ्गया तथा । तत्तीर्थस्मरणाद् एव कृतकृत्यो भवेन् नरः
apsarā ca nadī yatra saṃgatā gaṅgayā tathā / tattīrthasmaraṇād eva kṛtakṛtyo bhaven naraḥ
Sanskrit only: no published translation is held for this verse.
सर्वपापप्रशमनं शृणु यत्नेन नारद । इन्द्रेण हिंसिताः पूर्वं वालखिल्या महर्षयः । दत्तार्धतपसः सर्वे प्रोचुस् ते काश्यपं मुनिम्
sarvapāpapraśamanaṃ śṛṇu yatnena nārada / indreṇa hiṃsitāḥ pūrvaṃ vālakhilyā maharṣayaḥ / dattārdhatapasaḥ sarve procus te kāśyapaṃ munim
Sanskrit only: no published translation is held for this verse.
वालखिल्या ऊचुः: पुत्रम् उत्पादयानेन इन्द्रदर्पहरं शुभम् । तपसो ऽर्धं तु दास्यामस् तथेत्य् आह मुनिस् तु तान्
vālakhilyā ūcuḥ: putram utpādayānena indradarpaharaṃ śubham / tapaso 'rdhaṃ tu dāsyāmas tathety āha munis tu tān
Sanskrit only: no published translation is held for this verse.
सुपर्णायां ततो गर्भम् आदधे स प्रजापतिः । कद्र्वां चैव शनैर् ब्रह्मन् सर्पाणां सर्पमातरि
suparṇāyāṃ tato garbham ādadhe sa prajāpatiḥ / kadrvāṃ caiva śanair brahman sarpāṇāṃ sarpamātari
Sanskrit only: no published translation is held for this verse.
ते गर्भिण्याव् उभे आह गन्तुकामः प्रजापतिः । अपराधो न च क्वापि कार्यो गमनम् एव च
te garbhiṇyāv ubhe āha gantukāmaḥ prajāpatiḥ / aparādho na ca kvāpi kāryo gamanam eva ca
Sanskrit only: no published translation is held for this verse.
अन्यत्र गमनाच् छापो भविष्यति न संशयः ॥* ब्र्प् १००।८ ॥ ब्रह्मोवाच: इत्य् उक्त्वा स ययौ पत्न्यौ गते भर्तरि ते उभे । तदैव जग्मतुः सत्त्रम् ऋषीणां भावितात्मनाम्
anyatra gamanāc chāpo bhaviṣyati na saṃśayaḥ //* BrP 100.8 // brahmovāca: ity uktvā sa yayau patnyau gate bhartari te ubhe / tadaiva jagmatuḥ sattram ṛṣīṇāṃ bhāvitātmanām
Sanskrit only: no published translation is held for this verse.
ब्रह्मवृन्दसमाकीर्णं गङ्गातीरसमाश्रितम् । उन्मत्ते ते उभे नित्यं वयःसंपत्तिगर्विते
brahmavṛndasamākīrṇaṃ gaṅgātīrasamāśritam / unmatte te ubhe nityaṃ vayaḥsaṃpattigarvite
Sanskrit only: no published translation is held for this verse.
निवार्यमाणे बहुशो मुनिभिस् तत्त्वदर्शिभिः । विकुर्वत्यौ तत्र सत्त्रे समानि च हवींषि च
nivāryamāṇe bahuśo munibhis tattvadarśibhiḥ / vikurvatyau tatra sattre samāni ca havīṃṣi ca
Sanskrit only: no published translation is held for this verse.
योषितां दुर्विलसितं कः संवरितुम् ईश्वरः । ते दृष्ट्वा चुक्षुभुर् विप्रा अपमार्गरते उभे
yoṣitāṃ durvilasitaṃ kaḥ saṃvaritum īśvaraḥ / te dṛṣṭvā cukṣubhur viprā apamārgarate ubhe
Sanskrit only: no published translation is held for this verse.
अपमार्गस्थिते यस्माद् आपगे हि भविष्यथः । सुपर्णा चैव कद्रूश् च नद्यौ ते संबभूवतुः
apamārgasthite yasmād āpage hi bhaviṣyathaḥ / suparṇā caiva kadrūś ca nadyau te saṃbabhūvatuḥ
Sanskrit only: no published translation is held for this verse.
स कदाचिद् गृहं प्रायात् कश्यपो ऽथ प्रजापतिः । ऋषिभ्यस् तत्र वृत्तान्तं शापं ताभ्यां सविस्तरम्
sa kadācid gṛhaṃ prāyāt kaśyapo 'tha prajāpatiḥ / ṛṣibhyas tatra vṛttāntaṃ śāpaṃ tābhyāṃ savistaram
Sanskrit only: no published translation is held for this verse.
श्रुत्वा तु विस्मयाविष्टः किं करोमीत्य् अचिन्तयत् । ऋषिभ्यः कथयाम् आस वालखिल्या इति श्रुताः
śrutvā tu vismayāviṣṭaḥ kiṃ karomīty acintayat / ṛṣibhyaḥ kathayām āsa vālakhilyā iti śrutāḥ
Sanskrit only: no published translation is held for this verse.
त ऊचुः कश्यपं विप्रं गत्वा गङ्गां तु गौतमीम् । तत्र स्तुहि महेशानं पुनर् भार्ये भविष्यतः
ta ūcuḥ kaśyapaṃ vipraṃ gatvā gaṅgāṃ tu gautamīm / tatra stuhi maheśānaṃ punar bhārye bhaviṣyataḥ
Sanskrit only: no published translation is held for this verse.
ब्रह्महत्याभयाद् एव यत्र देवो महेश्वरः । गङ्गामध्ये सदा ह्य् आस्ते मध्यमेश्वरसंज्ञया
brahmahatyābhayād eva yatra devo maheśvaraḥ / gaṅgāmadhye sadā hy āste madhyameśvarasaṃjñayā
Sanskrit only: no published translation is held for this verse.
तथेत्य् उक्त्वा कश्यपो ऽपि स्नात्वा गङ्गां जितव्रतः । तुष्टाव स्तवनैः पुण्यैर् देवदेवं महेश्वरम्
tathety uktvā kaśyapo 'pi snātvā gaṅgāṃ jitavrataḥ / tuṣṭāva stavanaiḥ puṇyair devadevaṃ maheśvaram
Sanskrit only: no published translation is held for this verse.
कश्यप उवाच: लोकत्रयैकाधिपतेर् न यस्य ब्र्प् १००।१९अ कुत्रापि वस्तुन्य् अभिमानलेशः ब्र्प् १००।१९ब् स सिद्धनाथो ऽखिलविश्वकर्ता ब्र्प् १००।१९च् भर्ता शिवाया भवतु प्रसन्नः ब्र्प् १००।१९द् तापत्रयोष्णद्युतितापितानाम् ब्र्प् १००।२०अ इतस् ततो वै परिधावतां च ब्र्प् १००।२०ब् शरीरिणां स्थावरजङ्गमानां ब्र्प् १००।२०च् त्वम् एव दुःखव्यपनोददक्षः ब्र्प् १००।२०द् सत्त्वादियोगस् त्रिविधो ऽपि यस्य ब्र्प् १००।२१अ शक्रादिभिर् वक्तुम् अशक्य एव ब्र्प् १००।२१ब् विचित्रवृत्तिं परिचिन्त्य सोमं ब्र्प् १००।२१च् सुखी सदा दानपरो वरेण्यः ब्र्प् १००।२१द् ब्रह्मोवाच: इत्यादिस्तुतिभिर् देवः स्तुतो गौरीपतिः शिवः । प्रसन्नो ह्य् अददाच् छंभुः कश्यपाय वरान् बहून्
kaśyapa uvāca: lokatrayaikādhipater na yasya BrP 100.19a kutrāpi vastuny abhimānaleśaḥ BrP 100.19b sa siddhanātho 'khilaviśvakartā BrP 100.19c bhartā śivāyā bhavatu prasannaḥ BrP 100.19d tāpatrayoṣṇadyutitāpitānām BrP 100.20a itas tato vai paridhāvatāṃ ca BrP 100.20b śarīriṇāṃ sthāvarajaṅgamānāṃ BrP 100.20c tvam eva duḥkhavyapanodadakṣaḥ BrP 100.20d sattvādiyogas trividho 'pi yasya BrP 100.21a śakrādibhir vaktum aśakya eva BrP 100.21b vicitravṛttiṃ paricintya somaṃ BrP 100.21c sukhī sadā dānaparo vareṇyaḥ BrP 100.21d brahmovāca: ityādistutibhir devaḥ stuto gaurīpatiḥ śivaḥ / prasanno hy adadāc chaṃbhuḥ kaśyapāya varān bahūn
Sanskrit only: no published translation is held for this verse.
भार्यार्थिनं तु तं प्राह स्यातां भार्ये उभे तु ते । नदीस्वरूपे पत्न्यौ ये गङ्गां प्राप्य सरिद्वराम्
bhāryārthinaṃ tu taṃ prāha syātāṃ bhārye ubhe tu te / nadīsvarūpe patnyau ye gaṅgāṃ prāpya saridvarām
Sanskrit only: no published translation is held for this verse.
तत्संगमनमात्रेण ताभ्यां भूयात् स्वकं वपुः । ते गर्भिण्यौ पुनर् जाते गङ्गायाश् च प्रसादतः
tatsaṃgamanamātreṇa tābhyāṃ bhūyāt svakaṃ vapuḥ / te garbhiṇyau punar jāte gaṅgāyāś ca prasādataḥ
Sanskrit only: no published translation is held for this verse.
ततः प्रजापतिः प्रीतो भार्ये प्राप्य महामनाः । आह्वयाम् आस तान् विप्रान् गौतमीतीरम् आश्रितान्
tataḥ prajāpatiḥ prīto bhārye prāpya mahāmanāḥ / āhvayām āsa tān viprān gautamītīram āśritān
Sanskrit only: no published translation is held for this verse.
सीमन्तोन्नयनं चक्रे ताभ्यां प्रीतः प्रजापतिः । ब्राह्मणान् पूजयाम् आस विधिदृष्टेन कर्मणा
sīmantonnayanaṃ cakre tābhyāṃ prītaḥ prajāpatiḥ / brāhmaṇān pūjayām āsa vidhidṛṣṭena karmaṇā
Sanskrit only: no published translation is held for this verse.
भुक्तवत्स्व् अथ विप्रेषु कश्यपस्याथ मन्दिरे । भर्तृसमीपोपविष्टा कद्रूर् विप्रान् निरीक्ष्य च
bhuktavatsv atha vipreṣu kaśyapasyātha mandire / bhartṛsamīpopaviṣṭā kadrūr viprān nirīkṣya ca
Sanskrit only: no published translation is held for this verse.
ततः कद्रूर् ऋषीन् अक्ष्णा प्राहसत् ते च चुक्षुभुः । येनाक्ष्णा हसिता पापे भज्यतां ते ऽक्षि पापवत्
tataḥ kadrūr ṛṣīn akṣṇā prāhasat te ca cukṣubhuḥ / yenākṣṇā hasitā pāpe bhajyatāṃ te 'kṣi pāpavat
Sanskrit only: no published translation is held for this verse.
काणाभवत् ततः कद्रूः सर्पमातेति योच्यते । ततः प्रसादयाम् आस कश्यपो भगवान् ऋषीन्
kāṇābhavat tataḥ kadrūḥ sarpamāteti yocyate / tataḥ prasādayām āsa kaśyapo bhagavān ṛṣīn
Sanskrit only: no published translation is held for this verse.
ततः प्रसन्नास् ते प्रोचुर् गौतमी सरितां वरा । अपराधसहस्रेभ्यो रक्षिष्यति च सेवनात्
tataḥ prasannās te procur gautamī saritāṃ varā / aparādhasahasrebhyo rakṣiṣyati ca sevanāt
Sanskrit only: no published translation is held for this verse.
भार्यान्वितस् तथा चक्रे कश्यपो मुनिसत्तमः । ततः प्रभृति तत् तीर्थम् उभयोः संगमं विदुः । सर्वपापप्रशमनं सर्वक्रतुफलप्रदम्
bhāryānvitas tathā cakre kaśyapo munisattamaḥ / tataḥ prabhṛti tat tīrtham ubhayoḥ saṃgamaṃ viduḥ / sarvapāpapraśamanaṃ sarvakratuphalapradam
Sanskrit only: no published translation is held for this verse.