Brahma-Purana 102

ब्रह्मोवाच: सावित्री चैव गायत्री श्रद्धा मेधा सरस्वती । एतानि पञ्च तीर्थानि पुण्यानि मुनयो विदुः

brahmovāca: sāvitrī caiva gāyatrī śraddhā medhā sarasvatī / etāni pañca tīrthāni puṇyāni munayo viduḥ

Sanskrit only: no published translation is held for this verse.

तत्र स्नात्वा तु पीत्वा तु मुच्यते सर्वकल्मषात् । सावित्री चैव गायत्री श्रद्धा मेधा सरस्वती

tatra snātvā tu pītvā tu mucyate sarvakalmaṣāt / sāvitrī caiva gāyatrī śraddhā medhā sarasvatī

Sanskrit only: no published translation is held for this verse.

एता मम सुता ज्येष्ठा धर्मसंस्थानहेतवः । सर्वासाम् उत्तमां कांचिन् निर्ममे लोकसुन्दरीम्

etā mama sutā jyeṣṭhā dharmasaṃsthānahetavaḥ / sarvāsām uttamāṃ kāṃcin nirmame lokasundarīm

Sanskrit only: no published translation is held for this verse.

तां दृष्ट्वा विकृता बुद्धिर् ममासीन् मुनिसत्तम । गृह्यमाणा मया बाला सा मां दृष्ट्वा पलायिता

tāṃ dṛṣṭvā vikṛtā buddhir mamāsīn munisattama / gṛhyamāṇā mayā bālā sā māṃ dṛṣṭvā palāyitā

Sanskrit only: no published translation is held for this verse.

मृगीभूता तु सा बाला मृगो ऽहम् अभवं तदा । मृगव्याधो ऽभवच् छंभुर् धर्मसंरक्षणाय च

mṛgībhūtā tu sā bālā mṛgo 'ham abhavaṃ tadā / mṛgavyādho 'bhavac chaṃbhur dharmasaṃrakṣaṇāya ca

Sanskrit only: no published translation is held for this verse.

ता मद्भीताः पञ्च सुता गङ्गाम् ईयुर् महानदीम् । ततो महेश्वरः प्रायाद् धर्मसंरक्षणाय सः

tā madbhītāḥ pañca sutā gaṅgām īyur mahānadīm / tato maheśvaraḥ prāyād dharmasaṃrakṣaṇāya saḥ

Sanskrit only: no published translation is held for this verse.

धनुर् गृहीत्वा सशरम् ईशो ऽपि मृगरूपिणम् । माम् उवाच वधिष्ये त्वां मृगव्याधस् तदा हरः

dhanur gṛhītvā saśaram īśo 'pi mṛgarūpiṇam / mām uvāca vadhiṣye tvāṃ mṛgavyādhas tadā haraḥ

Sanskrit only: no published translation is held for this verse.

तत्कर्मणो निवृत्तो ऽहं प्रादां कन्यां विवस्वते । सावित्र्याद्याः पञ्च सुता नदीरूपेण संगताः

tatkarmaṇo nivṛtto 'haṃ prādāṃ kanyāṃ vivasvate / sāvitryādyāḥ pañca sutā nadīrūpeṇa saṃgatāḥ

Sanskrit only: no published translation is held for this verse.

ता आगताः पुनश् चापि स्वर्गं लोकं ममान्तिकम् । यत्र ताः संगता देव्या पञ्च तीर्थानि नारद

tā āgatāḥ punaś cāpi svargaṃ lokaṃ mamāntikam / yatra tāḥ saṃgatā devyā pañca tīrthāni nārada

Sanskrit only: no published translation is held for this verse.

संगतानि च पुण्यानि पञ्च नद्यः सरस्वती । तेषु स्नानं तथा दानं यत् किंचित् कुरुते नरः

saṃgatāni ca puṇyāni pañca nadyaḥ sarasvatī / teṣu snānaṃ tathā dānaṃ yat kiṃcit kurute naraḥ

Sanskrit only: no published translation is held for this verse.

सर्वकामप्रदं तत् स्यान् नैष्कर्म्यान् मुक्तिदं स्मृतम् । तत्राभवन् मृगव्याधं तीर्थं सर्वार्थदं नृणाम् । स्वर्गमोक्षफलं चान्यद् ब्रह्मतीर्थफलं स्मृतम्

sarvakāmapradaṃ tat syān naiṣkarmyān muktidaṃ smṛtam / tatrābhavan mṛgavyādhaṃ tīrthaṃ sarvārthadaṃ nṛṇām / svargamokṣaphalaṃ cānyad brahmatīrthaphalaṃ smṛtam

Sanskrit only: no published translation is held for this verse.