Brahma-Purana 107

अमृता सैव विख्याता प्रवरैवं महानदी ॥* ब्र्प् १०६।५८ ॥ ब्रह्मोवाच: वृद्धासंगमम् आख्यातं यत्र वृद्धेश्वरः शिवः । तस्याख्यानं प्रवक्ष्यामि शृणु पापप्रणाशनम्

amṛtā saiva vikhyātā pravaraivaṃ mahānadī //* BrP 106.58 // brahmovāca: vṛddhāsaṃgamam ākhyātaṃ yatra vṛddheśvaraḥ śivaḥ / tasyākhyānaṃ pravakṣyāmi śṛṇu pāpapraṇāśanam

Sanskrit only: no published translation is held for this verse.

गौतमो वृद्ध इत्य् उक्तो मुनिर् आसीन् महातपाः । यदा पुराभवद् बालो गौतमस्य सुतो द्विजः

gautamo vṛddha ity ukto munir āsīn mahātapāḥ / yadā purābhavad bālo gautamasya suto dvijaḥ

Sanskrit only: no published translation is held for this verse.

अनासः स पुरोत्पन्नस् तस्माद् विकृतरूपधृक् । स वैराग्याज् जगामाथ देशं तीर्थम् इतस् ततः

anāsaḥ sa purotpannas tasmād vikṛtarūpadhṛk / sa vairāgyāj jagāmātha deśaṃ tīrtham itas tataḥ

Sanskrit only: no published translation is held for this verse.

उपाध्यायेन नैवासील् लज्जितस्य समागमः । शिष्यैर् अन्यैः सहाध्यायो लज्जितस्य च नाभवत्

upādhyāyena naivāsīl lajjitasya samāgamaḥ / śiṣyair anyaiḥ sahādhyāyo lajjitasya ca nābhavat

Sanskrit only: no published translation is held for this verse.

उपनीतः कथंचिच् च पित्रा वै गौतमेन सः । एतावता गौतमो ऽपि व्यगमच् चरितुं बहिः

upanītaḥ kathaṃcic ca pitrā vai gautamena saḥ / etāvatā gautamo 'pi vyagamac carituṃ bahiḥ

Sanskrit only: no published translation is held for this verse.

एवं बहुतिथे काले ब्रह्ममात्रा धृते द्विजे । नैव चाध्ययनं तस्य संजातं गौतमस्य हि

evaṃ bahutithe kāle brahmamātrā dhṛte dvije / naiva cādhyayanaṃ tasya saṃjātaṃ gautamasya hi

Sanskrit only: no published translation is held for this verse.

नैव शास्त्रस्य चाभ्यासो गौतमस्याभवत् तदा । अग्निकार्यं ततश् चक्रे नित्यम् एव यतव्रतः

naiva śāstrasya cābhyāso gautamasyābhavat tadā / agnikāryaṃ tataś cakre nityam eva yatavrataḥ

Sanskrit only: no published translation is held for this verse.

गायत्र्यभ्यासमात्रेण ब्राह्मणो नामधारकः । अग्न्युपासनमात्रं च गायत्र्यभ्यसनं तथा

gāyatryabhyāsamātreṇa brāhmaṇo nāmadhārakaḥ / agnyupāsanamātraṃ ca gāyatryabhyasanaṃ tathā

Sanskrit only: no published translation is held for this verse.

एतावता ब्राह्मणत्वं गौतमस्याभवन् मुने । उपासतो ऽग्निं विधिवद् गायत्रीं च महात्मनः

etāvatā brāhmaṇatvaṃ gautamasyābhavan mune / upāsato 'gniṃ vidhivad gāyatrīṃ ca mahātmanaḥ

Sanskrit only: no published translation is held for this verse.

तस्यायुर् ववृधे पुत्र गौतमस्य चिरायुषः । न दारसंग्रहं लेभे नैव दातास्ति कन्यकाम्

tasyāyur vavṛdhe putra gautamasya cirāyuṣaḥ / na dārasaṃgrahaṃ lebhe naiva dātāsti kanyakām

Sanskrit only: no published translation is held for this verse.

तथा चरंस् तीर्थदेशे वनेषु विविधेषु च । आश्रमेषु च पुण्येषु अटन्न् आस्ते स गौतमः

tathā caraṃs tīrthadeśe vaneṣu vividheṣu ca / āśrameṣu ca puṇyeṣu aṭann āste sa gautamaḥ

Sanskrit only: no published translation is held for this verse.

एवं भ्रमञ् शीतगिरिम् आश्रित्यास्ते स गौतमः । तत्रापश्यद् गुहां रम्यां वल्लीविटपमालिनीम्

evaṃ bhramañ śītagirim āśrityāste sa gautamaḥ / tatrāpaśyad guhāṃ ramyāṃ vallīviṭapamālinīm

Sanskrit only: no published translation is held for this verse.

तत्रोपविश्य विप्रेन्द्रो वस्तुं समकरोन् मतिम् । चिन्तयंस् तु प्रविष्टो ऽसाव् अपश्यत् स्त्रियम् उत्तमाम्

tatropaviśya viprendro vastuṃ samakaron matim / cintayaṃs tu praviṣṭo 'sāv apaśyat striyam uttamām

Sanskrit only: no published translation is held for this verse.

शिथिलाङ्गीम् अथ कृशां वृद्धां च तपसि स्थिताम् । ब्रह्मचर्येण वर्तन्तीं विरागां रहसि स्थिताम्

śithilāṅgīm atha kṛśāṃ vṛddhāṃ ca tapasi sthitām / brahmacaryeṇa vartantīṃ virāgāṃ rahasi sthitām

Sanskrit only: no published translation is held for this verse.

स तां दृष्ट्वा मुनिश्रेष्ठो नमस्काराय तस्थिवान् । नमस्यन्तं मुनिश्रेष्ठं तं गौतमम् अवारयत्

sa tāṃ dṛṣṭvā muniśreṣṭho namaskārāya tasthivān / namasyantaṃ muniśreṣṭhaṃ taṃ gautamam avārayat

Sanskrit only: no published translation is held for this verse.

वृद्धोवाच: गुरुस् त्वं भविता मह्यं न मां वन्दितुम् अर्हसि । आयुर् विद्या धनं कीर्तिर् धर्मः स्वर्गादिकं च यत् । तस्य नश्यति वै सर्वं यं नमस्यति वै गुरुः

vṛddhovāca: gurus tvaṃ bhavitā mahyaṃ na māṃ vanditum arhasi / āyur vidyā dhanaṃ kīrtir dharmaḥ svargādikaṃ ca yat / tasya naśyati vai sarvaṃ yaṃ namasyati vai guruḥ

Sanskrit only: no published translation is held for this verse.

ब्रह्मोवाच: कृताञ्जलिपुटस् तां वै गौतमः प्राह विस्मितः ॥* ब्र्प् १०७।१७ ॥ गौतम उवाच: तपस्विनी त्वं वृद्धा च गुणज्येष्ठा च भामिनी । अल्पविद्यस् त्व् अल्पवया अहं तव गुरुः कथम्

brahmovāca: kṛtāñjalipuṭas tāṃ vai gautamaḥ prāha vismitaḥ //* BrP 107.17 // gautama uvāca: tapasvinī tvaṃ vṛddhā ca guṇajyeṣṭhā ca bhāminī / alpavidyas tv alpavayā ahaṃ tava guruḥ katham

Sanskrit only: no published translation is held for this verse.

वृद्धोवाच: आर्ष्टिषेणप्रियपुत्र ऋतध्वज इति श्रुतः । गुणवान् मतिमाञ् शूरः क्षत्रधर्मपरायणः

vṛddhovāca: ārṣṭiṣeṇapriyaputra ṛtadhvaja iti śrutaḥ / guṇavān matimāñ śūraḥ kṣatradharmaparāyaṇaḥ

Sanskrit only: no published translation is held for this verse.

स कदाचिद् वनं प्रायान् मृगयाकृष्टचेतनः । विश्रामम् अकरोद् अस्यां गुहायां स ऋतध्वजः

sa kadācid vanaṃ prāyān mṛgayākṛṣṭacetanaḥ / viśrāmam akarod asyāṃ guhāyāṃ sa ṛtadhvajaḥ

Sanskrit only: no published translation is held for this verse.

युवा स मतिमान् दक्षो बलेन महता वृतः । तं विश्रान्तं नृपवरम् अप्सरा ददृशे ततः

yuvā sa matimān dakṣo balena mahatā vṛtaḥ / taṃ viśrāntaṃ nṛpavaram apsarā dadṛśe tataḥ

Sanskrit only: no published translation is held for this verse.

गन्धर्वराजस्य सुता सुश्यामा इति विश्रुता । तां दृष्ट्वा चकमे राजा राजानं चकमे च सा

gandharvarājasya sutā suśyāmā iti viśrutā / tāṃ dṛṣṭvā cakame rājā rājānaṃ cakame ca sā

Sanskrit only: no published translation is held for this verse.

इति क्रीडा समभवत् तया राज्ञो महामते । निवृत्तकामो राजेन्द्रस् ताम् आपृच्छ्यागमद् गृहम्

iti krīḍā samabhavat tayā rājño mahāmate / nivṛttakāmo rājendras tām āpṛcchyāgamad gṛham

Sanskrit only: no published translation is held for this verse.

उत्पन्नाहं ततस् तस्यां सुश्यामायां महामते । गच्छन्ती मां तदा माता इदम् आह तपोधन

utpannāhaṃ tatas tasyāṃ suśyāmāyāṃ mahāmate / gacchantī māṃ tadā mātā idam āha tapodhana

Sanskrit only: no published translation is held for this verse.

सुश्यामोवाच: यस् त्व् अस्यां प्रविशेद् भद्रे स ते भर्ता भविष्यति ॥* ब्र्प् १०७।२५ ॥ वृद्धोवाच: इत्य् उक्त्वा सा जगमाथ माता मम महामते । तस्माद् अत्र प्रविष्टस् त्वं पुमान् नान्यः कदाचन

suśyāmovāca: yas tv asyāṃ praviśed bhadre sa te bhartā bhaviṣyati //* BrP 107.25 // vṛddhovāca: ity uktvā sā jagamātha mātā mama mahāmate / tasmād atra praviṣṭas tvaṃ pumān nānyaḥ kadācana

Sanskrit only: no published translation is held for this verse.

सहस्राणि तथाशीतिं कृत्वा राज्यं पिता मम । अत्रैव च तपस् तप्त्वा ततः स्वर्गम् उपेयिवान्

sahasrāṇi tathāśītiṃ kṛtvā rājyaṃ pitā mama / atraiva ca tapas taptvā tataḥ svargam upeyivān

Sanskrit only: no published translation is held for this verse.

स्वर्गं याते ऽपि पितरि सहस्राणि तथा दश । वर्षाणि मुनिशार्दूल राज्यं कृत्वा तथा परः

svargaṃ yāte 'pi pitari sahasrāṇi tathā daśa / varṣāṇi muniśārdūla rājyaṃ kṛtvā tathā paraḥ

Sanskrit only: no published translation is held for this verse.

स्वर्गे यातो मम भ्राता अहम् अत्रैव संस्थिता । अहं ब्रह्मन् नान्यवृत्ता न माता न पिता मम

svarge yāto mama bhrātā aham atraiva saṃsthitā / ahaṃ brahman nānyavṛttā na mātā na pitā mama

Sanskrit only: no published translation is held for this verse.

अहम् आत्मेश्वरी ब्रह्मन् निविष्टा क्षत्रकन्यका । तस्माद् भजस्व मां ब्रह्मन् व्रतस्थां पुरुषार्थिनीम्

aham ātmeśvarī brahman niviṣṭā kṣatrakanyakā / tasmād bhajasva māṃ brahman vratasthāṃ puruṣārthinīm

Sanskrit only: no published translation is held for this verse.

गौतम उवाच: सहस्रायुर् अहं भद्रे मत्तस् त्वं वयसाधिका । अहं बालस् त्वं तु वृद्धा नैवायं घटते मिथः

gautama uvāca: sahasrāyur ahaṃ bhadre mattas tvaṃ vayasādhikā / ahaṃ bālas tvaṃ tu vṛddhā naivāyaṃ ghaṭate mithaḥ

Sanskrit only: no published translation is held for this verse.

वृद्धोवाच: त्वं भर्ता मे पुरा दिष्टो नान्यो भर्ता मतो मम । धात्रा दत्तस् ततस् त्वं मां न निराकर्तुम् अर्हसि

vṛddhovāca: tvaṃ bhartā me purā diṣṭo nānyo bhartā mato mama / dhātrā dattas tatas tvaṃ māṃ na nirākartum arhasi

Sanskrit only: no published translation is held for this verse.

अथवा नेच्छसि मां त्वम् अप्रदुष्टाम् अनुव्रताम् । ततस् त्यक्ष्यामि जीवं मे इदानीं तव पश्यतः

athavā necchasi māṃ tvam apraduṣṭām anuvratām / tatas tyakṣyāmi jīvaṃ me idānīṃ tava paśyataḥ

Sanskrit only: no published translation is held for this verse.

अपेक्षिताप्राप्तितो हि देहिनां मरणं वरम् । अनुरक्तजनत्यागे पातकान्तो न विद्यते

apekṣitāprāptito hi dehināṃ maraṇaṃ varam / anuraktajanatyāge pātakānto na vidyate

Sanskrit only: no published translation is held for this verse.

ब्रह्मोवाच: वृद्धायास् तद् वचः श्रुत्वा गौतमो वाक्यम् अब्रवीत् ॥* ब्र्प् १०७।३५ ॥ गौतम उवाच: अहं तपोविरहितो विद्याहीनो ह्य् अकिंचनः । नाहं वरो हि योग्यस् ते कुरूपो भोगवर्जितः

brahmovāca: vṛddhāyās tad vacaḥ śrutvā gautamo vākyam abravīt //* BrP 107.35 // gautama uvāca: ahaṃ tapovirahito vidyāhīno hy akiṃcanaḥ / nāhaṃ varo hi yogyas te kurūpo bhogavarjitaḥ

Sanskrit only: no published translation is held for this verse.

अनासो ऽहं किं करोमि अतपोविद्य एव च । तस्मात् सुरूपं सुविद्याम् आपाद्य प्रथमं शुभे । पश्चात् ते वचनं कार्यं ततो वृद्धाब्रवीद् द्विजम्

anāso 'haṃ kiṃ karomi atapovidya eva ca / tasmāt surūpaṃ suvidyām āpādya prathamaṃ śubhe / paścāt te vacanaṃ kāryaṃ tato vṛddhābravīd dvijam

Sanskrit only: no published translation is held for this verse.

वृद्धोवाच: मया सरस्वती देवी तोषिता तपसा द्विज । तथैवापो रूपवत्यो रूपदाताग्निर् एव च

vṛddhovāca: mayā sarasvatī devī toṣitā tapasā dvija / tathaivāpo rūpavatyo rūpadātāgnir eva ca

Sanskrit only: no published translation is held for this verse.

तस्माद् वागीश्वरी देवी सा ते विद्यां प्रदास्यति । अग्निश् च रूपवान् देवस् तव रूपं प्रदास्यति

tasmād vāgīśvarī devī sā te vidyāṃ pradāsyati / agniś ca rūpavān devas tava rūpaṃ pradāsyati

Sanskrit only: no published translation is held for this verse.

ब्रह्मोवाच: एवम् उक्त्वा गौतमं तं वृद्धोवाच विभावसुम् । प्रार्थयित्वा सुविद्यं तं सुरूपं चाकरोन् मुनिम्

brahmovāca: evam uktvā gautamaṃ taṃ vṛddhovāca vibhāvasum / prārthayitvā suvidyaṃ taṃ surūpaṃ cākaron munim

Sanskrit only: no published translation is held for this verse.

ततः सुविद्यः सुभगः सुकान्तो ब्र्प् १०७।४१अ वृद्धां स पत्नीम् अकरोत् प्रीतियुक्तः ब्र्प् १०७।४१ब् तया स रेमे बहुला मनोज्ञया ब्र्प् १०७।४१च् समाः सुखं प्रीतमना गुहायाम् ब्र्प् १०७।४१द् कदाचित् तत्र वसतोर् दंपत्योर् मुदतोर् गिरौ । गुहायां मुनिशार्दूल आजग्मुर् मुनयो ऽमलाः

tataḥ suvidyaḥ subhagaḥ sukānto BrP 107.41a vṛddhāṃ sa patnīm akarot prītiyuktaḥ BrP 107.41b tayā sa reme bahulā manojñayā BrP 107.41c samāḥ sukhaṃ prītamanā guhāyām BrP 107.41d kadācit tatra vasator daṃpatyor mudator girau / guhāyāṃ muniśārdūla ājagmur munayo 'malāḥ

Sanskrit only: no published translation is held for this verse.

वसिष्ठवामदेवाद्या ये चान्ये च महर्षयः । भ्रमन्तः पुण्यतीर्थानि प्राप्नुवंस् तस्य तां गुहाम्

vasiṣṭhavāmadevādyā ye cānye ca maharṣayaḥ / bhramantaḥ puṇyatīrthāni prāpnuvaṃs tasya tāṃ guhām

Sanskrit only: no published translation is held for this verse.

आगतांस् तान् ऋषीञ् ज्ञात्वा गौतमः सह भार्यया । सत्कारम् अकरोत् तेषां जहसुस् तं च केचन

āgatāṃs tān ṛṣīñ jñātvā gautamaḥ saha bhāryayā / satkāram akarot teṣāṃ jahasus taṃ ca kecana

Sanskrit only: no published translation is held for this verse.

ये बाला यौवनोन्मत्ता वयसा ये च मध्यमाः । वृद्धां च गौतमं प्रेक्ष्य जहसुस् तत्र केचन

ye bālā yauvanonmattā vayasā ye ca madhyamāḥ / vṛddhāṃ ca gautamaṃ prekṣya jahasus tatra kecana

Sanskrit only: no published translation is held for this verse.

ऋषय ऊचुः: पुत्रो ऽयं तव पौत्रो वा वृद्धे को गौतमो ऽभवत् । सत्यं वदस्व कल्याणि इत्य् एवं जहसुर् द्विजाः

ṛṣaya ūcuḥ: putro 'yaṃ tava pautro vā vṛddhe ko gautamo 'bhavat / satyaṃ vadasva kalyāṇi ity evaṃ jahasur dvijāḥ

Sanskrit only: no published translation is held for this verse.

विषं वृद्धस्य युवती वृद्धाया अमृतं युवा । इष्टानिष्टसमायोगो दृष्टो ऽस्माभिर् अहो चिरात्

viṣaṃ vṛddhasya yuvatī vṛddhāyā amṛtaṃ yuvā / iṣṭāniṣṭasamāyogo dṛṣṭo 'smābhir aho cirāt

Sanskrit only: no published translation is held for this verse.

ब्रह्मोवाच: इत्य् एवम् ऊचिरे केचिद् दंपत्योः शृण्वतोस् तदा । एवम् उक्त्वा कृतातिथ्या ययुः सर्वे महर्षयः

brahmovāca: ity evam ūcire kecid daṃpatyoḥ śṛṇvatos tadā / evam uktvā kṛtātithyā yayuḥ sarve maharṣayaḥ

Sanskrit only: no published translation is held for this verse.

ऋषीणां वचनं श्रुत्वा उभाव् अपि सुदुःखितौ । लज्जितौ च महाप्राज्ञौ गौतमो भार्यया सह । पप्रच्छ मुनिशार्दूलम् अगस्त्यम् ऋषिसत्तमम्

ṛṣīṇāṃ vacanaṃ śrutvā ubhāv api suduḥkhitau / lajjitau ca mahāprājñau gautamo bhāryayā saha / papraccha muniśārdūlam agastyam ṛṣisattamam

Sanskrit only: no published translation is held for this verse.

गौतम उवाच: को देशः किम् उ तीर्थं वा यत्र श्रेयः समाप्यते । शीघ्रम् एव महाप्राज्ञ भुक्तिमुक्तिप्रदायकम्

gautama uvāca: ko deśaḥ kim u tīrthaṃ vā yatra śreyaḥ samāpyate / śīghram eva mahāprājña bhuktimuktipradāyakam

Sanskrit only: no published translation is held for this verse.

अगस्त्य उवाच: वदद्भिर् मुनिभिर् ब्रह्मन् मया श्रुतम् इदं वचः । सर्वे कामास् तत्र पूर्णा गौतम्यां नात्र संशयः

agastya uvāca: vadadbhir munibhir brahman mayā śrutam idaṃ vacaḥ / sarve kāmās tatra pūrṇā gautamyāṃ nātra saṃśayaḥ

Sanskrit only: no published translation is held for this verse.

तस्माद् गच्छ महाबुद्धे गौतमीं पापनाशिनीम् । अहं त्वाम् अनुयास्यामि यथेच्छसि तथा कुरु

tasmād gaccha mahābuddhe gautamīṃ pāpanāśinīm / ahaṃ tvām anuyāsyāmi yathecchasi tathā kuru

Sanskrit only: no published translation is held for this verse.

ब्रह्मोवाच: एतच् छ्रुत्वागस्त्यवाक्यं वृद्धया गौतमो ऽभ्यगात् । तत्र तेपे तपस् तीव्रं पत्न्या स भगवान् ऋषिः

brahmovāca: etac chrutvāgastyavākyaṃ vṛddhayā gautamo 'bhyagāt / tatra tepe tapas tīvraṃ patnyā sa bhagavān ṛṣiḥ

Sanskrit only: no published translation is held for this verse.

स्तुतिं चकार देवस्य शंभोर् विष्णोस् तथैव च । गङ्गां च तोषयाम् आस भार्यार्थं भगवान् ऋषिः

stutiṃ cakāra devasya śaṃbhor viṣṇos tathaiva ca / gaṅgāṃ ca toṣayām āsa bhāryārthaṃ bhagavān ṛṣiḥ

Sanskrit only: no published translation is held for this verse.

गौतम उवाच: खिन्नात्मनाम् अत्र भवे त्वम् एव शरणं शिवः । मरुभूमाव् अध्वगानां विटपीव प्रियायुतः

gautama uvāca: khinnātmanām atra bhave tvam eva śaraṇaṃ śivaḥ / marubhūmāv adhvagānāṃ viṭapīva priyāyutaḥ

Sanskrit only: no published translation is held for this verse.

उच्चावचानां भूतानां सर्वथा पापनोदनः । सस्यानां घनवत् कृष्ण त्वम् अवग्रहशोषिणाम्

uccāvacānāṃ bhūtānāṃ sarvathā pāpanodanaḥ / sasyānāṃ ghanavat kṛṣṇa tvam avagrahaśoṣiṇām

Sanskrit only: no published translation is held for this verse.

वैकुण्ठदुर्गनिःश्रेणिस् त्वं पीयूषतरंगिणी । अधोगतानां तप्तानां शरणं भव गौतमि

vaikuṇṭhadurganiḥśreṇis tvaṃ pīyūṣataraṃgiṇī / adhogatānāṃ taptānāṃ śaraṇaṃ bhava gautami

Sanskrit only: no published translation is held for this verse.

ब्रह्मोवाच: ततस् तुष्टावदद् वाक्यं गौतमं वृद्धया युतम् । शरणागतदीनार्तं शरण्या गौतमी मुदा

brahmovāca: tatas tuṣṭāvadad vākyaṃ gautamaṃ vṛddhayā yutam / śaraṇāgatadīnārtaṃ śaraṇyā gautamī mudā

Sanskrit only: no published translation is held for this verse.

गौतम्य् उवाच: अभिषिञ्चस्व भार्यां त्वं मज्जलैर् मन्त्रसंयुतैः । कलशैर् उपचारैश् च ततः पत्नी तव प्रिया

gautamy uvāca: abhiṣiñcasva bhāryāṃ tvaṃ majjalair mantrasaṃyutaiḥ / kalaśair upacāraiś ca tataḥ patnī tava priyā

Sanskrit only: no published translation is held for this verse.

सुरूपा चारुसर्वाङ्गी सुभगा चारुलोचना । सर्वलक्षणसंपूर्णा रम्यरूपम् अवाप्स्यति

surūpā cārusarvāṅgī subhagā cārulocanā / sarvalakṣaṇasaṃpūrṇā ramyarūpam avāpsyati

Sanskrit only: no published translation is held for this verse.

रूपवत्या पुनस् त्वं वै भार्यया चाभिषेचितः । सर्वलक्षणसंपूर्णः कान्तं रूपम् अवाप्स्यसि

rūpavatyā punas tvaṃ vai bhāryayā cābhiṣecitaḥ / sarvalakṣaṇasaṃpūrṇaḥ kāntaṃ rūpam avāpsyasi

Sanskrit only: no published translation is held for this verse.

ब्रह्मोवाच: तथेति गाङ्गवचनाद् यथोक्तं तौ च चक्रतुः । सुरूपताम् उभौ प्राप्तौ गौतम्याश् च प्रसादतः

brahmovāca: tatheti gāṅgavacanād yathoktaṃ tau ca cakratuḥ / surūpatām ubhau prāptau gautamyāś ca prasādataḥ

Sanskrit only: no published translation is held for this verse.

अभिषेकोदकं यच् च सा नदी समजायत । तस्या नाम्ना तु विख्याता वृद्धाया मुनिसत्तम

abhiṣekodakaṃ yac ca sā nadī samajāyata / tasyā nāmnā tu vikhyātā vṛddhāyā munisattama

Sanskrit only: no published translation is held for this verse.

वृद्धा नदीति विख्याता गौतमो ऽपि तथोच्यते । वृद्धगौतम इत्य् उक्त ऋषिभिः समवासिभिः । वृद्धा तु गौतमीं प्राह गङ्गां प्रत्यक्षरूपिणीम्

vṛddhā nadīti vikhyātā gautamo 'pi tathocyate / vṛddhagautama ity ukta ṛṣibhiḥ samavāsibhiḥ / vṛddhā tu gautamīṃ prāha gaṅgāṃ pratyakṣarūpiṇīm

Sanskrit only: no published translation is held for this verse.

वृद्धोवाच: मन्नाम्नीयं नदी देवि वृद्धा चेत्य् अभिधीयताम् । त्वया च संगमस् तस्यास् तस्यास् तीर्थम् अनुत्तमम्

vṛddhovāca: mannāmnīyaṃ nadī devi vṛddhā cety abhidhīyatām / tvayā ca saṃgamas tasyās tasyās tīrtham anuttamam

Sanskrit only: no published translation is held for this verse.

रूपसौभाग्यसंपत्ति- पुत्रपौत्रप्रवर्धनम् । आयुरारोग्यकल्याणं जयप्रीतिविवर्धनम् । स्नानदानादिहोमैश् च पितॄणां पावनं परम्

rūpasaubhāgyasaṃpatti- putrapautrapravardhanam / āyurārogyakalyāṇaṃ jayaprītivivardhanam / snānadānādihomaiś ca pitṝṇāṃ pāvanaṃ param

Sanskrit only: no published translation is held for this verse.

ब्रह्मोवाच: अस्त्व् इत्य् आह च तां गङ्गा सुवृद्धां गौतमप्रियाम् । गौतमस्थापितं लिङ्गं वृद्धानाम्नैव कीर्तितम्

brahmovāca: astv ity āha ca tāṃ gaṅgā suvṛddhāṃ gautamapriyām / gautamasthāpitaṃ liṅgaṃ vṛddhānāmnaiva kīrtitam

Sanskrit only: no published translation is held for this verse.

तत्रैव च मुदं प्राप्तो वृद्धया मुनिसत्तमः । तत्र स्नानं च दानं च सर्वाभीष्टप्रदायकम्

tatraiva ca mudaṃ prāpto vṛddhayā munisattamaḥ / tatra snānaṃ ca dānaṃ ca sarvābhīṣṭapradāyakam

Sanskrit only: no published translation is held for this verse.