Brahma-Purana 110

सर्वम् अस्मन्मुखे विद्याद् वक्तव्यं नावशिष्यते । मया संमन्त्र्य ते देवाः पुनर् ऊचुर् उभाव् अपि

sarvam asmanmukhe vidyād vaktavyaṃ nāvaśiṣyate / mayā saṃmantrya te devāḥ punar ūcur ubhāv api

Sanskrit only: no published translation is held for this verse.

भक्षयेताम् उभौ सर्वं यथानुक्रमतस् तथा । वडवापि सुरान् एवम् उवाच शृणु नारद

bhakṣayetām ubhau sarvaṃ yathānukramatas tathā / vaḍavāpi surān evam uvāca śṛṇu nārada

Sanskrit only: no published translation is held for this verse.

वडवोवाच: भवताम् इच्छया सर्वं भक्ष्यं मे सुरसत्तमाः ॥* ब्र्प् ११०।१९९ ॥ ब्रह्मोवाच: वडवा सा नदी जाता गङ्गया संगता मुने । तद्भवस् तु महान् अग्निर् य आसीद् अतिभीषणः । तम् आहुर् अमरा वह्निं भूतानाम् आदितो विदुः

vaḍavovāca: bhavatām icchayā sarvaṃ bhakṣyaṃ me surasattamāḥ //* BrP 110.199 // brahmovāca: vaḍavā sā nadī jātā gaṅgayā saṃgatā mune / tadbhavas tu mahān agnir ya āsīd atibhīṣaṇaḥ / tam āhur amarā vahniṃ bhūtānām ādito viduḥ

Sanskrit only: no published translation is held for this verse.

सुरा ऊचुः: आपो ज्येष्ठतमा ज्ञेयास् तथैव प्रथमं भवान् । तत्राप्य् अपांपतिं ज्येष्ठं समुद्रम् अशनं कुरु । यथैव तु वयं ब्रूमो गच्छ भुङ्क्ष्व यथासुखम्

surā ūcuḥ: āpo jyeṣṭhatamā jñeyās tathaiva prathamaṃ bhavān / tatrāpy apāṃpatiṃ jyeṣṭhaṃ samudram aśanaṃ kuru / yathaiva tu vayaṃ brūmo gaccha bhuṅkṣva yathāsukham

Sanskrit only: no published translation is held for this verse.

ब्रह्मोवाच: अनलस् त्व् अमरान् आह आपस् तत्र कथं त्व् अहम् । व्रजेयं यदि मां तत्र प्रापयन्त्य् उदकं महत्

brahmovāca: analas tv amarān āha āpas tatra kathaṃ tv aham / vrajeyaṃ yadi māṃ tatra prāpayanty udakaṃ mahat

Sanskrit only: no published translation is held for this verse.

भवन्त एव ते ऽप्य् आहुः कथं ते ऽग्ने गतिर् भवेत् । अग्निर् अप्य् आह तान् देवान् कन्या मां गुणशालिनी

bhavanta eva te 'py āhuḥ kathaṃ te 'gne gatir bhavet / agnir apy āha tān devān kanyā māṃ guṇaśālinī

Sanskrit only: no published translation is held for this verse.

हिरण्यकलशे स्थाप्य नयेद् यत्र गतिर् मम । तस्य तद् वचनं श्रुत्वा कन्याम् ऊचुः सरस्वतीम्

hiraṇyakalaśe sthāpya nayed yatra gatir mama / tasya tad vacanaṃ śrutvā kanyām ūcuḥ sarasvatīm

Sanskrit only: no published translation is held for this verse.

देवा ऊचुः: नयैनम् अनलं शीघ्रं शिरसा वरुणालयम् ॥* ब्र्प् ११०।२०५ ॥ ब्रह्मोवाच: सरस्वती सुरान् आह नैका शक्ता च धारणे । युक्ता चतसृभिः शीघ्रं वहेयं वरुणालयम्

devā ūcuḥ: nayainam analaṃ śīghraṃ śirasā varuṇālayam //* BrP 110.205 // brahmovāca: sarasvatī surān āha naikā śaktā ca dhāraṇe / yuktā catasṛbhiḥ śīghraṃ vaheyaṃ varuṇālayam

Sanskrit only: no published translation is held for this verse.

सरस्वत्या वचः श्रुत्वा गङ्गां च यमुनां तथा । नर्मदां तपतीं चैव सुराः प्रोचुः पृथक् पृथक्

sarasvatyā vacaḥ śrutvā gaṅgāṃ ca yamunāṃ tathā / narmadāṃ tapatīṃ caiva surāḥ procuḥ pṛthak pṛthak

Sanskrit only: no published translation is held for this verse.

ताभिः समन्वितोवाह हिरण्यकलशे ऽनलम् । संस्थाप्य शिरसाधार्य ता जग्मुर् वरुणालयम्

tābhiḥ samanvitovāha hiraṇyakalaśe 'nalam / saṃsthāpya śirasādhārya tā jagmur varuṇālayam

Sanskrit only: no published translation is held for this verse.

संस्थाप्य यत्र देवेशः सोमनाथो जगत्पतिः । अध्यास्ते विबुधैः सार्धं प्रभासे शशिभूषणः

saṃsthāpya yatra deveśaḥ somanātho jagatpatiḥ / adhyāste vibudhaiḥ sārdhaṃ prabhāse śaśibhūṣaṇaḥ

Sanskrit only: no published translation is held for this verse.

प्रापयाम् आसुर् अनलं पञ्चनद्यः सरस्वती । अध्यास्ते च महान् अग्निः पिबन् वारि शनैः शनैः

prāpayām āsur analaṃ pañcanadyaḥ sarasvatī / adhyāste ca mahān agniḥ piban vāri śanaiḥ śanaiḥ

Sanskrit only: no published translation is held for this verse.

ततः सुरगणाः सर्वे शिवम् ऊचुः सुरोत्तमम् ॥* ब्र्प् ११०।२११ ॥ देवा ऊचुः: अस्थ्नां च पावनं ब्रूहि अस्माकं च गवां तथा ॥* ब्र्प् ११०।२१२ ॥ ब्रह्मोवाच: शिवः प्राह तदा सर्वान् गङ्गाम् आप्लुत्य यत्नतः । देवाश् च गावस् तत्पापान् मुच्यन्ते नात्र संशयः

tataḥ suragaṇāḥ sarve śivam ūcuḥ surottamam //* BrP 110.211 // devā ūcuḥ: asthnāṃ ca pāvanaṃ brūhi asmākaṃ ca gavāṃ tathā //* BrP 110.212 // brahmovāca: śivaḥ prāha tadā sarvān gaṅgām āplutya yatnataḥ / devāś ca gāvas tatpāpān mucyante nātra saṃśayaḥ

Sanskrit only: no published translation is held for this verse.

प्रक्षालितानि चास्थीनि ऋषिदेहभवान्य् अथ । तानि प्रक्षालनाद् एव तत्र प्राप्तानि पूतताम्

prakṣālitāni cāsthīni ṛṣidehabhavāny atha / tāni prakṣālanād eva tatra prāptāni pūtatām

Sanskrit only: no published translation is held for this verse.

यत्र देवा मुक्तपापास् तत् तीर्थं पापनाशनम् । तत्र स्नानं च दानं च ब्रह्महत्याविनाशनम्

yatra devā muktapāpās tat tīrthaṃ pāpanāśanam / tatra snānaṃ ca dānaṃ ca brahmahatyāvināśanam

Sanskrit only: no published translation is held for this verse.

गवां च पावनं यत्र गोतीर्थं तद् उदाहृतम् । तत्र स्नानान् महाबुद्धिर् गोमेधफलम् आप्नुयात्

gavāṃ ca pāvanaṃ yatra gotīrthaṃ tad udāhṛtam / tatra snānān mahābuddhir gomedhaphalam āpnuyāt

Sanskrit only: no published translation is held for this verse.

यत्र तद्ब्राह्मणास्थीनि आसन् पुण्यानि नारद । पितृतीर्थं तु वै ज्ञेयं पितॄणां प्रीतिवर्धनम्

yatra tadbrāhmaṇāsthīni āsan puṇyāni nārada / pitṛtīrthaṃ tu vai jñeyaṃ pitṝṇāṃ prītivardhanam

Sanskrit only: no published translation is held for this verse.

भस्मास्थिनखरोमाणि प्राणिनो यस्य कस्यचित् । तत्र तीर्थे संक्रमेरन् यावच् चन्द्रार्कतारकम्

bhasmāsthinakharomāṇi prāṇino yasya kasyacit / tatra tīrthe saṃkrameran yāvac candrārkatārakam

Sanskrit only: no published translation is held for this verse.

स्वर्गे वासो भवेत् तस्य अपि दुष्कृतकर्मणः । तथा चक्रेश्वरात् तीर्थात् त्रीणि तीर्थानि नारद । ततः पूताः सुरगणा गावः शंभुम् अथाब्रुवन्

svarge vāso bhavet tasya api duṣkṛtakarmaṇaḥ / tathā cakreśvarāt tīrthāt trīṇi tīrthāni nārada / tataḥ pūtāḥ suragaṇā gāvaḥ śaṃbhum athābruvan

Sanskrit only: no published translation is held for this verse.

गोसुरा ऊचुः: यामः स्वं स्वम् अधिष्ठानम् अत्र सूर्यः प्रतिष्ठितः । अस्मिन् स्थिते दिनकरे सुराः सर्वे प्रतिष्ठिताः

gosurā ūcuḥ: yāmaḥ svaṃ svam adhiṣṭhānam atra sūryaḥ pratiṣṭhitaḥ / asmin sthite dinakare surāḥ sarve pratiṣṭhitāḥ

Sanskrit only: no published translation is held for this verse.

भवेयुर् जगताम् ईश तद् अनुज्ञातुम् अर्हसि । सूर्यो ह्य् आत्मास्य जगतस् तस्थुषश् च सनातनः

bhaveyur jagatām īśa tad anujñātum arhasi / sūryo hy ātmāsya jagatas tasthuṣaś ca sanātanaḥ

Sanskrit only: no published translation is held for this verse.

दिवाकरो देवमयस् तत्रास्माभिः प्रतिष्ठितः । यत्र गङ्गा जगद्धात्री यत्र वै त्र्यम्बकः स्वयम् । सुरवासं प्रतिष्ठानं भवेद् यत्र च त्र्यम्बकम्

divākaro devamayas tatrāsmābhiḥ pratiṣṭhitaḥ / yatra gaṅgā jagaddhātrī yatra vai tryambakaḥ svayam / suravāsaṃ pratiṣṭhānaṃ bhaved yatra ca tryambakam

Sanskrit only: no published translation is held for this verse.

ब्रह्मोवाच: आपृच्छ्य पिप्पलादं तं सुराः स्वं सदनं ययुः । पिप्पलाः कालपर्याये स्वर्गं जग्मुर् अथाक्षयम्

brahmovāca: āpṛcchya pippalādaṃ taṃ surāḥ svaṃ sadanaṃ yayuḥ / pippalāḥ kālaparyāye svargaṃ jagmur athākṣayam

Sanskrit only: no published translation is held for this verse.

पादपानां पदं विप्रः पिप्पलादः प्रतापवान् । क्षेत्राधिपत्ये संस्थाप्य पूजयाम् आस शंकरम्

pādapānāṃ padaṃ vipraḥ pippalādaḥ pratāpavān / kṣetrādhipatye saṃsthāpya pūjayām āsa śaṃkaram

Sanskrit only: no published translation is held for this verse.

दधीचिसूनुर् मुनिर् उग्रतेजा ब्र्प् ११०।२२५अ अवाप्य भार्यां गौतमस्यात्मजां च ब्र्प् ११०।२२५ब् पुत्रान् अथावाप्य श्रियं यशश् च ब्र्प् ११०।२२५च् सुहृज्जनैः स्वर्गम् अवाप धीरः ब्र्प् ११०।२२५द् ततः प्रभृति तत् तीर्थं पिप्पलेश्वरम् उच्यते । सर्वक्रतुफलं पुण्यं स्मरणाद् अघनाशनम्

dadhīcisūnur munir ugratejā BrP 110.225a avāpya bhāryāṃ gautamasyātmajāṃ ca BrP 110.225b putrān athāvāpya śriyaṃ yaśaś ca BrP 110.225c suhṛjjanaiḥ svargam avāpa dhīraḥ BrP 110.225d tataḥ prabhṛti tat tīrthaṃ pippaleśvaram ucyate / sarvakratuphalaṃ puṇyaṃ smaraṇād aghanāśanam

Sanskrit only: no published translation is held for this verse.

किं पुनः स्नानदानाभ्याम् आदित्यस्य तु दर्शनात् । चक्रेश्वरः पिप्पलेशो देवदेवस्य नामनी

kiṃ punaḥ snānadānābhyām ādityasya tu darśanāt / cakreśvaraḥ pippaleśo devadevasya nāmanī

Sanskrit only: no published translation is held for this verse.

सरहस्यं विदित्वा तु सर्वकामान् अवाप्नुयात् । सूर्यस्य च प्रतिष्ठानात् सुरवासे प्रतिष्ठिते । प्रतिष्ठानं तु तत् क्षेत्रं सुराणाम् अपि वल्लभम्

sarahasyaṃ viditvā tu sarvakāmān avāpnuyāt / sūryasya ca pratiṣṭhānāt suravāse pratiṣṭhite / pratiṣṭhānaṃ tu tat kṣetraṃ surāṇām api vallabham

Sanskrit only: no published translation is held for this verse.