Brahma-Purana 116

ब्रह्मोवाच: महानलम् इति ख्यातं वडवानलम् उच्यते । महानलो यत्र देवो वडवा यत्र सा नदी

brahmovāca: mahānalam iti khyātaṃ vaḍavānalam ucyate / mahānalo yatra devo vaḍavā yatra sā nadī

Sanskrit only: no published translation is held for this verse.

तत् तीर्थं पुत्र वक्ष्यामि मृत्युदोषजरापहम् । पुरासन् नैमिषारण्ये ऋषयः सत्त्रकारिणः

tat tīrthaṃ putra vakṣyāmi mṛtyudoṣajarāpaham / purāsan naimiṣāraṇye ṛṣayaḥ sattrakāriṇaḥ

Sanskrit only: no published translation is held for this verse.

शमितारं च ऋषयो मृत्युं चक्रुस् तपस्विनः । वर्तमाने सत्त्रयागे मृत्यौ शमितरि स्थिते

śamitāraṃ ca ṛṣayo mṛtyuṃ cakrus tapasvinaḥ / vartamāne sattrayāge mṛtyau śamitari sthite

Sanskrit only: no published translation is held for this verse.

न ममार तदा कश्चिद् उभयं स्थास्नु जङ्गमम् । विना पशून् मुनिश्रेष्ठ मर्त्यं चामर्त्यतां गतम्

na mamāra tadā kaścid ubhayaṃ sthāsnu jaṅgamam / vinā paśūn muniśreṣṭha martyaṃ cāmartyatāṃ gatam

Sanskrit only: no published translation is held for this verse.

ततस् त्रिविष्टपे शून्ये मर्त्ये चैवातिसंभृते । मृत्युनोपेक्षिते देवा राक्षसान् ऊचिरे तदा

tatas triviṣṭape śūnye martye caivātisaṃbhṛte / mṛtyunopekṣite devā rākṣasān ūcire tadā

Sanskrit only: no published translation is held for this verse.

देवा ऊचुः: गच्छध्वम् ऋषिसत्त्रं तन् नाशयध्वं महाध्वरम् । ब्रह्मोवाच: इति देववचः श्रुत्वा प्रोचुस् ते राक्षसाः सुरान्

devā ūcuḥ: gacchadhvam ṛṣisattraṃ tan nāśayadhvaṃ mahādhvaram / brahmovāca: iti devavacaḥ śrutvā procus te rākṣasāḥ surān

Sanskrit only: no published translation is held for this verse.

असुरा ऊचुः: विध्वंसयामस् तं यज्ञम् अस्माकं किं फलं ततः । प्रवर्तते विना हेतुं न कोपि क्वापि जातुचित्

asurā ūcuḥ: vidhvaṃsayāmas taṃ yajñam asmākaṃ kiṃ phalaṃ tataḥ / pravartate vinā hetuṃ na kopi kvāpi jātucit

Sanskrit only: no published translation is held for this verse.

ब्रह्मोवाच: देवा अप्य् असुरान् ऊचुर् यज्ञार्धं भवताम् अपि । भवेद् एव ततो यान्तु ऋषीणां सत्त्रम् उत्तमम्

brahmovāca: devā apy asurān ūcur yajñārdhaṃ bhavatām api / bhaved eva tato yāntu ṛṣīṇāṃ sattram uttamam

Sanskrit only: no published translation is held for this verse.

ते श्रुत्वा त्वरिताः सर्वे यत्र यज्ञः प्रवर्तते । जग्मुस् तत्र विनाशाय देववाक्याद् विशेषतः

te śrutvā tvaritāḥ sarve yatra yajñaḥ pravartate / jagmus tatra vināśāya devavākyād viśeṣataḥ

Sanskrit only: no published translation is held for this verse.

तज् ज्ञात्वा ऋषयो मृत्युम् आहुः किं कुर्महे वयम् । आगता देववचनाद् राक्षसा यज्ञनाशिनः

taj jñātvā ṛṣayo mṛtyum āhuḥ kiṃ kurmahe vayam / āgatā devavacanād rākṣasā yajñanāśinaḥ

Sanskrit only: no published translation is held for this verse.

मृत्युना सह संमन्त्र्य नैमिषारण्यवासिनः । सर्वे त्यक्त्वा स्वाश्रमं तं शमित्रा सह नारद

mṛtyunā saha saṃmantrya naimiṣāraṇyavāsinaḥ / sarve tyaktvā svāśramaṃ taṃ śamitrā saha nārada

Sanskrit only: no published translation is held for this verse.

अग्निमात्रम् उपादाय त्यक्त्वा पात्रादिकं तु यत् । क्रतुनिष्पत्तये जग्मुर् गौतमीं प्रति सत्वराः

agnimātram upādāya tyaktvā pātrādikaṃ tu yat / kratuniṣpattaye jagmur gautamīṃ prati satvarāḥ

Sanskrit only: no published translation is held for this verse.

तत्र स्नात्वा महेशानं रक्षणायोपतस्थिरे । कृताञ्जलिपुटास् ते तु तुष्टुवुस् त्रिदशेश्वरम्

tatra snātvā maheśānaṃ rakṣaṇāyopatasthire / kṛtāñjalipuṭās te tu tuṣṭuvus tridaśeśvaram

Sanskrit only: no published translation is held for this verse.

ऋषय ऊचुः: यो लीलया विश्वम् इदं चकार ब्र्प् ११६।१४अ धाता विधाता भुवनत्रयस्य ब्र्प् ११६।१४ब् यो विश्वरूपः सदसत्परो यः ब्र्प् ११६।१४च् सोमेश्वरं तं शरणं व्रजामः ब्र्प् ११६।१४द् मृत्युर् उवाच: इच्छामात्रेण यः सर्वं हन्ति पाति करोति च । तम् अहं त्रिदशेशानं शरणं यामि शंकरम्

ṛṣaya ūcuḥ: yo līlayā viśvam idaṃ cakāra BrP 116.14a dhātā vidhātā bhuvanatrayasya BrP 116.14b yo viśvarūpaḥ sadasatparo yaḥ BrP 116.14c someśvaraṃ taṃ śaraṇaṃ vrajāmaḥ BrP 116.14d mṛtyur uvāca: icchāmātreṇa yaḥ sarvaṃ hanti pāti karoti ca / tam ahaṃ tridaśeśānaṃ śaraṇaṃ yāmi śaṃkaram

Sanskrit only: no published translation is held for this verse.

महानलं महाकायं महानागविभूषणम् । महामूर्तिधरं देवं शरणं यामि शंकरम्

mahānalaṃ mahākāyaṃ mahānāgavibhūṣaṇam / mahāmūrtidharaṃ devaṃ śaraṇaṃ yāmi śaṃkaram

Sanskrit only: no published translation is held for this verse.

ब्रह्मोवाच: ततः प्रोवाच भगवान् मृत्यो का प्रीतिर् अस्तु ते ॥* ब्र्प् ११६।१७ ॥ मृत्युर् उवाच: राक्षसेभ्यो भयं घोरम् आपन्नं त्रिदशेश्वर । यज्ञम् अस्मांश् च रक्षस्व यावत् सत्त्रं समाप्यते

brahmovāca: tataḥ provāca bhagavān mṛtyo kā prītir astu te //* BrP 116.17 // mṛtyur uvāca: rākṣasebhyo bhayaṃ ghoram āpannaṃ tridaśeśvara / yajñam asmāṃś ca rakṣasva yāvat sattraṃ samāpyate

Sanskrit only: no published translation is held for this verse.

ब्रह्मोवाच: तथा चकार भगवांस् त्रिनेत्रो वृषभध्वजः । शमित्रा मृत्युना सत्त्रम् ऋषीणां पूर्णतां ययौ

brahmovāca: tathā cakāra bhagavāṃs trinetro vṛṣabhadhvajaḥ / śamitrā mṛtyunā sattram ṛṣīṇāṃ pūrṇatāṃ yayau

Sanskrit only: no published translation is held for this verse.

हविषां भागधेयाय आजग्मुर् अमराः क्रमात् । तान् अवोचन् मुनिगणाः संक्षुब्धा मृत्युना सह

haviṣāṃ bhāgadheyāya ājagmur amarāḥ kramāt / tān avocan munigaṇāḥ saṃkṣubdhā mṛtyunā saha

Sanskrit only: no published translation is held for this verse.

ऋषय ऊचुः: अस्मन्मखविनाशाय राक्षसाः प्रेषिता यतः । तस्माद् भवद्भ्यः पापिष्ठा राक्षसाः सन्तु शत्रवः

ṛṣaya ūcuḥ: asmanmakhavināśāya rākṣasāḥ preṣitā yataḥ / tasmād bhavadbhyaḥ pāpiṣṭhā rākṣasāḥ santu śatravaḥ

Sanskrit only: no published translation is held for this verse.

ब्रह्मोवाच: ततः प्रभृति देवानां राक्षसा वैरिणो ऽभवन् । कृत्यां च वडवां तत्र देवाश् च ऋषयो ऽमलाः

brahmovāca: tataḥ prabhṛti devānāṃ rākṣasā vairiṇo 'bhavan / kṛtyāṃ ca vaḍavāṃ tatra devāś ca ṛṣayo 'malāḥ

Sanskrit only: no published translation is held for this verse.

मृत्योर् भार्या भव त्वं ताम् इत्य् उक्त्वा ते ऽभ्यषेचयन् । अभिषेकोदकं यत् तु सा नदी वडवाभवत्

mṛtyor bhāryā bhava tvaṃ tām ity uktvā te 'bhyaṣecayan / abhiṣekodakaṃ yat tu sā nadī vaḍavābhavat

Sanskrit only: no published translation is held for this verse.

मृत्युना स्थापितं लिङ्गं महानलम् इति श्रुतम् । ततः प्रभृति तत् तीर्थं वडवासंगमं विदुः

mṛtyunā sthāpitaṃ liṅgaṃ mahānalam iti śrutam / tataḥ prabhṛti tat tīrthaṃ vaḍavāsaṃgamaṃ viduḥ

Sanskrit only: no published translation is held for this verse.

महानलो यत्र देवस् तत् तीर्थं भुक्तिमुक्तिदम् । सहस्रं तत्र तीर्थानां सर्वाभीष्टप्रदायिनाम् । उभयोस् तीरयोस् तत्र स्मरणाद् अघघातिनाम्

mahānalo yatra devas tat tīrthaṃ bhuktimuktidam / sahasraṃ tatra tīrthānāṃ sarvābhīṣṭapradāyinām / ubhayos tīrayos tatra smaraṇād aghaghātinām

Sanskrit only: no published translation is held for this verse.