Library·Brahma-Purana·119
ब्रह्मोवाच: सोमतीर्थम् इति ख्यातं तद् अप्य् उक्तं महात्मभिः । तत्र स्नानेन दानेन सोमपानफलं लभेत्
brahmovāca: somatīrtham iti khyātaṃ tad apy uktaṃ mahātmabhiḥ / tatra snānena dānena somapānaphalaṃ labhet
Sanskrit only: no published translation is held for this verse.
जगतां मातरः पूर्वम् ओषध्यो जीवसंमताः । ममापि मातरो देव्यः पूर्वासां पूर्ववत्तराः
jagatāṃ mātaraḥ pūrvam oṣadhyo jīvasaṃmatāḥ / mamāpi mātaro devyaḥ pūrvāsāṃ pūrvavattarāḥ
Sanskrit only: no published translation is held for this verse.
आसु प्रतिष्ठितो धर्मः स्वाध्यायो यज्ञकर्म च । आभिर् एव धृतं सर्वं त्रैलोक्यं सचराचरम्
āsu pratiṣṭhito dharmaḥ svādhyāyo yajñakarma ca / ābhir eva dhṛtaṃ sarvaṃ trailokyaṃ sacarācaram
Sanskrit only: no published translation is held for this verse.
अशेषरोगोपशमो भवत्य् आभिर् असंशयम् । अन्नम् एताभिर् एव स्याद् अशेषप्राणरक्षणम् । अत्रौषध्यो जगद्वन्द्या माम् ऊचुर् अनहंकृताः
aśeṣarogopaśamo bhavaty ābhir asaṃśayam / annam etābhir eva syād aśeṣaprāṇarakṣaṇam / atrauṣadhyo jagadvandyā mām ūcur anahaṃkṛtāḥ
Sanskrit only: no published translation is held for this verse.
ओषध्य ऊचुः: अस्माकं त्वं पतिं देहि राजानं सुरसत्तम ॥* ब्र्प् ११९।५ ॥ ब्रह्मोवाच: तच् छ्रुत्वा वचनं तासां मयोक्ता ओषधीर् इदम् । पतिं प्राप्स्यथ सर्वाश् च राजानं प्रीतिवर्धनम्
oṣadhya ūcuḥ: asmākaṃ tvaṃ patiṃ dehi rājānaṃ surasattama //* BrP 119.5 // brahmovāca: tac chrutvā vacanaṃ tāsāṃ mayoktā oṣadhīr idam / patiṃ prāpsyatha sarvāś ca rājānaṃ prītivardhanam
Sanskrit only: no published translation is held for this verse.
राजानम् इति तच् छ्रुत्वा ता माम् ऊचुः पुनर् मुने । गन्तव्यं क्व पुनश् चोक्ता गौतमीं यान्तु मातरः
rājānam iti tac chrutvā tā mām ūcuḥ punar mune / gantavyaṃ kva punaś coktā gautamīṃ yāntu mātaraḥ
Sanskrit only: no published translation is held for this verse.
तुष्टायाम् अथ तस्यां वो राजा स्याल् लोकपूजितः । ताश् च गत्वा मुनिश्रेष्ठ तुष्टुवुर् गौतमीं नदीम्
tuṣṭāyām atha tasyāṃ vo rājā syāl lokapūjitaḥ / tāś ca gatvā muniśreṣṭha tuṣṭuvur gautamīṃ nadīm
Sanskrit only: no published translation is held for this verse.
ओषध्य ऊचुः: किं वाकरिष्यन् भववर्तिनो जना ब्र्प् ११९।९अ नानाघसंघाभिभवाच् च दुःखिताः ब्र्प् ११९।९ब् न चागमिष्यद् भवती भुवं चेत् ब्र्प् ११९।९च् पुण्योदके गौतमि शंभुकान्ते ब्र्प् ११९।९द् को वेत्ति भाग्यं नरदेहभाजां ब्र्प् ११९।१०अ महीगतानां सरिताम् अधीशे ब्र्प् ११९।१०ब् एषां महापातकसंघहन्त्री ब्र्प् ११९।१०च् त्वम् अम्ब गङ्गे सुलभा सदैव ब्र्प् ११९।१०द् न ते विभूतिं ननु वेत्ति को ऽपि ब्र्प् ११९।११अ त्रैलोक्यवन्द्ये जगदम्ब गङ्गे ब्र्प् ११९।११ब् गौरीसमालिङ्गितविग्रहो ऽपि ब्र्प् ११९।११च् धत्ते स्मरारिः शिरसापि यत् त्वाम् ब्र्प् ११९।११द् नमो ऽस्तु ते मातर् अभीष्टदायिनि ब्र्प् ११९।१२अ नमो ऽस्तु ते ब्रह्ममये ऽघनाशिनि ब्र्प् ११९।१२ब् नमो ऽस्तु ते विष्णुपदाब्जनिःसृते ब्र्प् ११९।१२च् नमो ऽस्तु ते शंभुजटाविनिःसृते ब्र्प् ११९।१२द् ब्रह्मोवाच: इत्य् एवं स्तुवताम् ईशा किं ददामीत्य् अवोचत ॥* ब्र्प् ११९।१३ ॥ ओषध्य ऊचुः: पतिं देहि जगन्माता राजानम् अतितेजसम् ॥* ब्र्प् ११९।१४ ॥ ब्रह्मोवाच: तदोवाच नदी गङ्गा ओषधीस् ता इदं वचः ॥* ब्र्प् ११९।१५ ॥ गङ्गोवाच: अहं चामृतरूपास्मि ओषध्यो मातरो ऽमृताः । तादृशं चामृतात्मानं पतिं सोमं ददामि वः
oṣadhya ūcuḥ: kiṃ vākariṣyan bhavavartino janā BrP 119.9a nānāghasaṃghābhibhavāc ca duḥkhitāḥ BrP 119.9b na cāgamiṣyad bhavatī bhuvaṃ cet BrP 119.9c puṇyodake gautami śaṃbhukānte BrP 119.9d ko vetti bhāgyaṃ naradehabhājāṃ BrP 119.10a mahīgatānāṃ saritām adhīśe BrP 119.10b eṣāṃ mahāpātakasaṃghahantrī BrP 119.10c tvam amba gaṅge sulabhā sadaiva BrP 119.10d na te vibhūtiṃ nanu vetti ko 'pi BrP 119.11a trailokyavandye jagadamba gaṅge BrP 119.11b gaurīsamāliṅgitavigraho 'pi BrP 119.11c dhatte smarāriḥ śirasāpi yat tvām BrP 119.11d namo 'stu te mātar abhīṣṭadāyini BrP 119.12a namo 'stu te brahmamaye 'ghanāśini BrP 119.12b namo 'stu te viṣṇupadābjaniḥsṛte BrP 119.12c namo 'stu te śaṃbhujaṭāviniḥsṛte BrP 119.12d brahmovāca: ity evaṃ stuvatām īśā kiṃ dadāmīty avocata //* BrP 119.13 // oṣadhya ūcuḥ: patiṃ dehi jaganmātā rājānam atitejasam //* BrP 119.14 // brahmovāca: tadovāca nadī gaṅgā oṣadhīs tā idaṃ vacaḥ //* BrP 119.15 // gaṅgovāca: ahaṃ cāmṛtarūpāsmi oṣadhyo mātaro 'mṛtāḥ / tādṛśaṃ cāmṛtātmānaṃ patiṃ somaṃ dadāmi vaḥ
Sanskrit only: no published translation is held for this verse.
ब्रह्मोवाच: देवाश् च ऋषयो वाक्यं मेनिरे सोम एव च । ओषध्यश् चापि तद् वाक्यं ततो जग्मुः स्वम् आलयम्
brahmovāca: devāś ca ṛṣayo vākyaṃ menire soma eva ca / oṣadhyaś cāpi tad vākyaṃ tato jagmuḥ svam ālayam
Sanskrit only: no published translation is held for this verse.
यत्र चापुर् महौषध्यो राजानम् अमृतात्मकम् । सोमं समस्तसंताप- पापसंघनिवारकम्
yatra cāpur mahauṣadhyo rājānam amṛtātmakam / somaṃ samastasaṃtāpa- pāpasaṃghanivārakam
Sanskrit only: no published translation is held for this verse.
सोमतीर्थं तु तत् ख्यातं सोमपानफलप्रदम् । तत्र स्नानेन दानेन पितरः स्वर्गम् आप्नुयुः
somatīrthaṃ tu tat khyātaṃ somapānaphalapradam / tatra snānena dānena pitaraḥ svargam āpnuyuḥ
Sanskrit only: no published translation is held for this verse.
य इदं शृणुयान् नित्यं पठेद् वा भक्तितः स्मरेत् । दीर्घम् आयुर् अवाप्नोति स पुत्री धनवान् भवेत्
ya idaṃ śṛṇuyān nityaṃ paṭhed vā bhaktitaḥ smaret / dīrgham āyur avāpnoti sa putrī dhanavān bhavet
Sanskrit only: no published translation is held for this verse.