Brahma-Purana 121

ब्रह्मोवाच: विदर्भासंगमं पुण्यं रेवतीसंगमं तथा । तत्र यद् वृत्तम् आख्यास्ये यत् पुराणविदो विदुः

brahmovāca: vidarbhāsaṃgamaṃ puṇyaṃ revatīsaṃgamaṃ tathā / tatra yad vṛttam ākhyāsye yat purāṇavido viduḥ

Sanskrit only: no published translation is held for this verse.

भरद्वाज इति ख्यात ऋषिर् आसीत् तपोधिकः । तस्य स्वसा रेवतीति कुरूपा विकृतस्वरा

bharadvāja iti khyāta ṛṣir āsīt tapodhikaḥ / tasya svasā revatīti kurūpā vikṛtasvarā

Sanskrit only: no published translation is held for this verse.

तां दृष्ट्वा विकृतां भ्राता भरद्वाजः प्रतापवान् । चिन्तया परया युक्तो गङ्गाया दक्षिणे तटे

tāṃ dṛṣṭvā vikṛtāṃ bhrātā bharadvājaḥ pratāpavān / cintayā parayā yukto gaṅgāyā dakṣiṇe taṭe

Sanskrit only: no published translation is held for this verse.

कस्मै दद्याम् इमां कन्यां स्वसारं भीषणाकृतिम् । न कश्चित् प्रतिगृह्णाति दातव्या च स्वसा तथा

kasmai dadyām imāṃ kanyāṃ svasāraṃ bhīṣaṇākṛtim / na kaścit pratigṛhṇāti dātavyā ca svasā tathā

Sanskrit only: no published translation is held for this verse.

अहो भूयान् न कस्यापि कन्या दुःखैककारणम् । मरणं जीवतो ऽप्य् अस्य प्राणिनस् तु पदे पदे

aho bhūyān na kasyāpi kanyā duḥkhaikakāraṇam / maraṇaṃ jīvato 'py asya prāṇinas tu pade pade

Sanskrit only: no published translation is held for this verse.

एवं विमृशतस् तस्य स्वाश्रमे चातिशोभने । द्रष्टुं मुनिवरः प्रायाद् भरद्वाजं यतव्रतम्

evaṃ vimṛśatas tasya svāśrame cātiśobhane / draṣṭuṃ munivaraḥ prāyād bharadvājaṃ yatavratam

Sanskrit only: no published translation is held for this verse.

द्व्यष्टवर्षः शुभवपुः शान्तो दान्तो गुणाकरः । नाम्ना कठ इति ख्यातो भरद्वाजं ननाम सः

dvyaṣṭavarṣaḥ śubhavapuḥ śānto dānto guṇākaraḥ / nāmnā kaṭha iti khyāto bharadvājaṃ nanāma saḥ

Sanskrit only: no published translation is held for this verse.

विधिवत् पूज्य तं विप्रं भरद्वाजः कठं तदा । तस्यागमनकार्यं च पप्रच्छ पुरतः स्थितः

vidhivat pūjya taṃ vipraṃ bharadvājaḥ kaṭhaṃ tadā / tasyāgamanakāryaṃ ca papraccha purataḥ sthitaḥ

Sanskrit only: no published translation is held for this verse.

कठो ऽप्य् आह भरद्वाजं विद्यार्थ्य् अहम् उपागतः । तथा च दर्शनाकाङ्क्षी यद् युक्तं तद् विधीयताम्

kaṭho 'py āha bharadvājaṃ vidyārthy aham upāgataḥ / tathā ca darśanākāṅkṣī yad yuktaṃ tad vidhīyatām

Sanskrit only: no published translation is held for this verse.

भरद्वाजः कठं प्राह अधीष्व यद् अभीप्सितम् । पुराणं स्मृतयो वेदा धर्मस्थानान्य् अनेकशः

bharadvājaḥ kaṭhaṃ prāha adhīṣva yad abhīpsitam / purāṇaṃ smṛtayo vedā dharmasthānāny anekaśaḥ

Sanskrit only: no published translation is held for this verse.

सर्वं वेद्मि महाप्राज्ञ रुचिरं वद मा चिरम् । कुलीनो धर्मनिरतो गुरुशुश्रूषणे रतः । अभिमानी श्रुतधरः शिष्यः पुण्यैर् अवाप्यते

sarvaṃ vedmi mahāprājña ruciraṃ vada mā ciram / kulīno dharmanirato guruśuśrūṣaṇe rataḥ / abhimānī śrutadharaḥ śiṣyaḥ puṇyair avāpyate

Sanskrit only: no published translation is held for this verse.

कठ उवाच: अध्यापयस्व भो ब्रह्मञ् शिष्यं मां वीतकल्मषम् । शुश्रूषणरतं भक्तं कुलीनं सत्यवादिनम्

kaṭha uvāca: adhyāpayasva bho brahmañ śiṣyaṃ māṃ vītakalmaṣam / śuśrūṣaṇarataṃ bhaktaṃ kulīnaṃ satyavādinam

Sanskrit only: no published translation is held for this verse.

ब्रह्मोवाच: तथेत्य् उक्त्वा भरद्वाजः प्रादाद् विद्याम् अशेषतः । प्राप्तविद्यः कठः प्रीतो भरद्वाजम् अथाब्रवीत्

brahmovāca: tathety uktvā bharadvājaḥ prādād vidyām aśeṣataḥ / prāptavidyaḥ kaṭhaḥ prīto bharadvājam athābravīt

Sanskrit only: no published translation is held for this verse.

कठ उवाच: इच्छेयं दक्षिणां दातुं गुरो तव मनःप्रियाम् । वदस्व दुर्लभं वापि गुरो तुभ्यं नमो ऽस्तु ते

kaṭha uvāca: iccheyaṃ dakṣiṇāṃ dātuṃ guro tava manaḥpriyām / vadasva durlabhaṃ vāpi guro tubhyaṃ namo 'stu te

Sanskrit only: no published translation is held for this verse.

विद्यां प्राप्यापि ये मोहात् स्वगुरोः पारितोषिकम् । न प्रयच्छन्ति निरयं ते यान्त्य् आचन्द्रतारकम्

vidyāṃ prāpyāpi ye mohāt svaguroḥ pāritoṣikam / na prayacchanti nirayaṃ te yānty ācandratārakam

Sanskrit only: no published translation is held for this verse.

भरद्वाज उवाच: गृहाण कन्यां विधिवद् भार्यां कुरु मम स्वसाम् । अस्यां प्रीत्या वर्तितव्यं याचेयं दक्षिणाम् इमाम्

bharadvāja uvāca: gṛhāṇa kanyāṃ vidhivad bhāryāṃ kuru mama svasām / asyāṃ prītyā vartitavyaṃ yāceyaṃ dakṣiṇām imām

Sanskrit only: no published translation is held for this verse.

कठ उवाच: भ्रातृवत् पुत्रवच् चापि शिष्यः स्यात् तु गुरोः सदा । गुरुश् च पितृवच् च स्यात् संबन्धो ऽत्र कथं भवेत्

kaṭha uvāca: bhrātṛvat putravac cāpi śiṣyaḥ syāt tu guroḥ sadā / guruś ca pitṛvac ca syāt saṃbandho 'tra kathaṃ bhavet

Sanskrit only: no published translation is held for this verse.

भरद्वाज उवाच: मद्वाक्यं कुरु सत्यं त्वं ममाज्ञा तव दक्षिणा । सर्वं स्मृत्वा कठाद्य त्वं रेवतीं भर तन्मनाः

bharadvāja uvāca: madvākyaṃ kuru satyaṃ tvaṃ mamājñā tava dakṣiṇā / sarvaṃ smṛtvā kaṭhādya tvaṃ revatīṃ bhara tanmanāḥ

Sanskrit only: no published translation is held for this verse.

ब्रह्मोवाच: तथेत्य् उक्त्वा गुरोर् वाक्यात् कठो जग्राह पाणिना । रेवतीं विधिवद् दत्तां तां समीक्ष्य कठस् त्व् अथ

brahmovāca: tathety uktvā guror vākyāt kaṭho jagrāha pāṇinā / revatīṃ vidhivad dattāṃ tāṃ samīkṣya kaṭhas tv atha

Sanskrit only: no published translation is held for this verse.

तत्रैव पूजयाम् आस देवेशं शंकरं तदा । रेवत्या रूपसंपत्त्यै शिवप्रीत्यै च रेवती

tatraiva pūjayām āsa deveśaṃ śaṃkaraṃ tadā / revatyā rūpasaṃpattyai śivaprītyai ca revatī

Sanskrit only: no published translation is held for this verse.

सुरूपा चारुसर्वाङ्गी न रूपेणोपमीयते । अभिषेकोदकं तत्र रेवत्या यद् विनिःसृतम्

surūpā cārusarvāṅgī na rūpeṇopamīyate / abhiṣekodakaṃ tatra revatyā yad viniḥsṛtam

Sanskrit only: no published translation is held for this verse.

साभवत् तत्र गङ्गायां तस्मात् तन्नामतो नदी । रेवतीति समाख्याता रूपसौभाग्यदायिनी

sābhavat tatra gaṅgāyāṃ tasmāt tannāmato nadī / revatīti samākhyātā rūpasaubhāgyadāyinī

Sanskrit only: no published translation is held for this verse.

पुनर् दर्भैश् च विविधैर् अभिषेकं चकार सः । पुण्यरूपत्वसंसिद्ध्यै विदर्भा तद् अभून् नदी

punar darbhaiś ca vividhair abhiṣekaṃ cakāra saḥ / puṇyarūpatvasaṃsiddhyai vidarbhā tad abhūn nadī

Sanskrit only: no published translation is held for this verse.

श्रद्धया संगमे स्नात्वा रेवतीगङ्गयोर् नरः । सर्वपापविनिर्मुक्तो विष्णुलोके महीयते

śraddhayā saṃgame snātvā revatīgaṅgayor naraḥ / sarvapāpavinirmukto viṣṇuloke mahīyate

Sanskrit only: no published translation is held for this verse.

तथा विदर्भागौतम्योः संगमे श्रद्धया मुने । स्नानं करोत्य् असौ याति भुक्तिं मुक्तिं च तत्क्षणात्

tathā vidarbhāgautamyoḥ saṃgame śraddhayā mune / snānaṃ karoty asau yāti bhuktiṃ muktiṃ ca tatkṣaṇāt

Sanskrit only: no published translation is held for this verse.

उभयोस् तीरयोस् तत्र तीर्थानां शतम् उत्तमम् । सर्वपापक्षयकरं सर्वसिद्धिप्रदायकम्

ubhayos tīrayos tatra tīrthānāṃ śatam uttamam / sarvapāpakṣayakaraṃ sarvasiddhipradāyakam

Sanskrit only: no published translation is held for this verse.