Brahma-Purana 132

ब्रह्मोवाच: यक्षिणीसंगमं नाम तीर्थं सर्वफलप्रदम् । तत्र स्नानेन दानेन सर्वान् कामान् अवाप्नुयात्

brahmovāca: yakṣiṇīsaṃgamaṃ nāma tīrthaṃ sarvaphalapradam / tatra snānena dānena sarvān kāmān avāpnuyāt

Sanskrit only: no published translation is held for this verse.

यत्र यक्षेश्वरो देवो दर्शनाद् भुक्तिमुक्तिदः । तत्र च स्नानमात्रेण सत्त्रयागफलं लभेत्

yatra yakṣeśvaro devo darśanād bhuktimuktidaḥ / tatra ca snānamātreṇa sattrayāgaphalaṃ labhet

Sanskrit only: no published translation is held for this verse.

विश्वावसोः स्वसा नाम्ना पिप्पला गुरुहासिनी । ऋषीणां सत्त्रम् अगमद् गौतमीतीरवर्तिनाम्

viśvāvasoḥ svasā nāmnā pippalā guruhāsinī / ṛṣīṇāṃ sattram agamad gautamītīravartinām

Sanskrit only: no published translation is held for this verse.

दृष्ट्वा तत्र ऋषीन् क्षामान् सा जहासातिगर्विता । या गत्वाश्रावय वौषड् अस्तु श्रौषड् इति स्थिरम्

dṛṣṭvā tatra ṛṣīn kṣāmān sā jahāsātigarvitā / yā gatvāśrāvaya vauṣaḍ astu śrauṣaḍ iti sthiram

Sanskrit only: no published translation is held for this verse.

विस्वरेण ब्रुवती तां ते शेपुः स्राविणी भव । ततो नद्य् अभवत् तत्र यक्षिणीति सुविश्रुता

visvareṇa bruvatī tāṃ te śepuḥ srāviṇī bhava / tato nady abhavat tatra yakṣiṇīti suviśrutā

Sanskrit only: no published translation is held for this verse.

ततो विश्वावसुः पूज्य ऋषीन् देवं त्रिलोचनम् । संगम्य चैव गौतम्या तां विशापाम् अथाकरोत्

tato viśvāvasuḥ pūjya ṛṣīn devaṃ trilocanam / saṃgamya caiva gautamyā tāṃ viśāpām athākarot

Sanskrit only: no published translation is held for this verse.

ततः प्रभृति तत् तीर्थं यक्षिणीसंगमं स्मृतम् । तत्र स्नानादिदानेन सर्वान् कामान् अवाप्नुयात्

tataḥ prabhṛti tat tīrthaṃ yakṣiṇīsaṃgamaṃ smṛtam / tatra snānādidānena sarvān kāmān avāpnuyāt

Sanskrit only: no published translation is held for this verse.

विश्वावसोः प्रसन्नो ऽभूद् यत्र शंभुः शिवान्वितः । शैवं तत् परमं तीर्थं दुर्गातीर्थं च विश्रुतम्

viśvāvasoḥ prasanno 'bhūd yatra śaṃbhuḥ śivānvitaḥ / śaivaṃ tat paramaṃ tīrthaṃ durgātīrthaṃ ca viśrutam

Sanskrit only: no published translation is held for this verse.

सर्वपापौघहरणं सर्वदुर्गतिनाशनम् । सर्वेषां तीर्थमुख्यानां तद् धि सारं महामुने । तीर्थं मुनिवरैः ख्यातं सर्वसिद्धिप्रदं नृणाम्

sarvapāpaughaharaṇaṃ sarvadurgatināśanam / sarveṣāṃ tīrthamukhyānāṃ tad dhi sāraṃ mahāmune / tīrthaṃ munivaraiḥ khyātaṃ sarvasiddhipradaṃ nṛṇām

Sanskrit only: no published translation is held for this verse.