Brahma-Purana 133

ब्रह्मोवाच: शुक्लतीर्थम् इति ख्यातं सर्वसिद्धिकरं नृणाम् । यस्य स्मरणमात्रेण सर्वकामान् अवाप्नुयात्

brahmovāca: śuklatīrtham iti khyātaṃ sarvasiddhikaraṃ nṛṇām / yasya smaraṇamātreṇa sarvakāmān avāpnuyāt

Sanskrit only: no published translation is held for this verse.

भरद्वाज इति ख्यातो मुनिः परमधार्मिकः । तस्य पैठीनसी नाम भार्या सुकलभूषणा

bharadvāja iti khyāto muniḥ paramadhārmikaḥ / tasya paiṭhīnasī nāma bhāryā sukalabhūṣaṇā

Sanskrit only: no published translation is held for this verse.

गौतमीतीरम् अध्यास्ते पतिव्रतपरायणा । अग्नीषोमीयम् ऐन्द्राग्नं पुरोडाशम् अकल्पयत्

gautamītīram adhyāste pativrataparāyaṇā / agnīṣomīyam aindrāgnaṃ puroḍāśam akalpayat

Sanskrit only: no published translation is held for this verse.

पुरोडाशे श्रप्यमाणे धूमात् कश्चिद् अजायत । पुरोडाशं भक्षयित्वा लोकत्रितयभीषणः

puroḍāśe śrapyamāṇe dhūmāt kaścid ajāyata / puroḍāśaṃ bhakṣayitvā lokatritayabhīṣaṇaḥ

Sanskrit only: no published translation is held for this verse.

यज्ञं मे ह्य् अत्र को हंसि कोपात् त्वम् इति तं मुनिः । प्रोवाच सत्वरं क्रुद्धो भरद्वाजो द्विजोत्तमः । तद् ऋषेर् वचनं श्रुत्वा राक्षसः प्रत्युवाच तम्

yajñaṃ me hy atra ko haṃsi kopāt tvam iti taṃ muniḥ / provāca satvaraṃ kruddho bharadvājo dvijottamaḥ / tad ṛṣer vacanaṃ śrutvā rākṣasaḥ pratyuvāca tam

Sanskrit only: no published translation is held for this verse.

राक्षस उवाच: हव्यघ्न इति विख्यातं भरद्वाज निबोध माम् । संध्यासुतो ऽहं ज्येष्ठश् च सुतः प्राचीनबर्हिषः

rākṣasa uvāca: havyaghna iti vikhyātaṃ bharadvāja nibodha mām / saṃdhyāsuto 'haṃ jyeṣṭhaś ca sutaḥ prācīnabarhiṣaḥ

Sanskrit only: no published translation is held for this verse.

ब्रह्मणा मे वरो दत्तो यज्ञान् खाद यथासुखम् । ममानुजः कलिश् चापि बलवान् अतिभीषणः

brahmaṇā me varo datto yajñān khāda yathāsukham / mamānujaḥ kaliś cāpi balavān atibhīṣaṇaḥ

Sanskrit only: no published translation is held for this verse.

अहं कृष्णः पिता कृष्णो माता कृष्णा तथानुजः । अहं मखं हनिष्यामि यूपं छेद्मि कृतान्तकः

ahaṃ kṛṣṇaḥ pitā kṛṣṇo mātā kṛṣṇā tathānujaḥ / ahaṃ makhaṃ haniṣyāmi yūpaṃ chedmi kṛtāntakaḥ

Sanskrit only: no published translation is held for this verse.

भरद्वाज उवाच: रक्ष्यतां मे त्वया यज्ञः प्रियो धर्मः सनातनः । जाने त्वां यज्ञहन्तारं सद्द्विजं रक्ष मे क्रतुम्

bharadvāja uvāca: rakṣyatāṃ me tvayā yajñaḥ priyo dharmaḥ sanātanaḥ / jāne tvāṃ yajñahantāraṃ saddvijaṃ rakṣa me kratum

Sanskrit only: no published translation is held for this verse.

यज्ञघ्न उवाच: भरद्वाज निबोधेदं वाक्यं मम समासतः । ब्रह्मणाहं पुरा शप्तो देवदानवसंनिधौ

yajñaghna uvāca: bharadvāja nibodhedaṃ vākyaṃ mama samāsataḥ / brahmaṇāhaṃ purā śapto devadānavasaṃnidhau

Sanskrit only: no published translation is held for this verse.

ततः प्रसादितो देवो मया लोकपितामहः । अमृतैः प्रोक्षयिष्यन्ति यदा त्वां मुनिसत्तमाः

tataḥ prasādito devo mayā lokapitāmahaḥ / amṛtaiḥ prokṣayiṣyanti yadā tvāṃ munisattamāḥ

Sanskrit only: no published translation is held for this verse.

तदा विशापो भविता हव्यघ्न त्वं न चान्यथा । एवं करिष्यसि यदा ततः सर्वं भविष्यति

tadā viśāpo bhavitā havyaghna tvaṃ na cānyathā / evaṃ kariṣyasi yadā tataḥ sarvaṃ bhaviṣyati

Sanskrit only: no published translation is held for this verse.

ब्रह्मोवाच: भरद्वाजः पुनः प्राह सखा मे ऽसि महामते । मखसंरक्षणं येन स्यान् मे वद करोमि तत्

brahmovāca: bharadvājaḥ punaḥ prāha sakhā me 'si mahāmate / makhasaṃrakṣaṇaṃ yena syān me vada karomi tat

Sanskrit only: no published translation is held for this verse.

संभूय देवा दैतेया ममन्थुः क्षीरसागरम् । अलभन्तामृतं कष्टात् तद् अस्मत्सुलभं कथम्

saṃbhūya devā daiteyā mamanthuḥ kṣīrasāgaram / alabhantāmṛtaṃ kaṣṭāt tad asmatsulabhaṃ katham

Sanskrit only: no published translation is held for this verse.

प्रीत्या यदि प्रसन्नो ऽसि सुलभं यद् वदस्व तत् । तद् ऋषेर् वचनं श्रुत्वा रक्षः प्राह तदा मुदा

prītyā yadi prasanno 'si sulabhaṃ yad vadasva tat / tad ṛṣer vacanaṃ śrutvā rakṣaḥ prāha tadā mudā

Sanskrit only: no published translation is held for this verse.

रक्ष उवाच: अमृतं गौतमीवारि अमृतं स्वर्णम् उच्यते । अमृतं गोभवं चाज्यम् अमृतं सोम एव च

rakṣa uvāca: amṛtaṃ gautamīvāri amṛtaṃ svarṇam ucyate / amṛtaṃ gobhavaṃ cājyam amṛtaṃ soma eva ca

Sanskrit only: no published translation is held for this verse.

एतैर् माम् अभिषिञ्चस्व अथवैतैस् तथा त्रिभिः । गङ्गाया वारिणाज्येन हिरण्येन तथैव च । सर्वेभ्यो ऽप्य् अधिकं दिव्यम् अमृतं गौतमीजलम्

etair mām abhiṣiñcasva athavaitais tathā tribhiḥ / gaṅgāyā vāriṇājyena hiraṇyena tathaiva ca / sarvebhyo 'py adhikaṃ divyam amṛtaṃ gautamījalam

Sanskrit only: no published translation is held for this verse.

ब्रह्मोवाच: एतद् आकर्ण्य स ऋषिः परं संतोषम् आगतः । पाणाव् आदाय गङ्गायाः सलिलामृतम् आदरात्

brahmovāca: etad ākarṇya sa ṛṣiḥ paraṃ saṃtoṣam āgataḥ / pāṇāv ādāya gaṅgāyāḥ salilāmṛtam ādarāt

Sanskrit only: no published translation is held for this verse.

तेनाकरोद् ऋषी रक्षो ह्य् अभिषिक्तं तदा मखे । पुनश् च यूपे च पशाव् ऋत्विक्षु मखमण्डले

tenākarod ṛṣī rakṣo hy abhiṣiktaṃ tadā makhe / punaś ca yūpe ca paśāv ṛtvikṣu makhamaṇḍale

Sanskrit only: no published translation is held for this verse.

सर्वम् एवाभवच् छुक्लम् अभिषेकान् महात्मनः । तद् रक्षो ऽपि तदा शुक्लो भूत्वोत्पन्नो महाबलः

sarvam evābhavac chuklam abhiṣekān mahātmanaḥ / tad rakṣo 'pi tadā śuklo bhūtvotpanno mahābalaḥ

Sanskrit only: no published translation is held for this verse.

यः पुरा कृष्णरूपो ऽभूत् स तु शुक्लो ऽभवत् क्षणात् । यज्ञं सर्वं समाप्याथ भरद्वाजः प्रतापवान्

yaḥ purā kṛṣṇarūpo 'bhūt sa tu śuklo 'bhavat kṣaṇāt / yajñaṃ sarvaṃ samāpyātha bharadvājaḥ pratāpavān

Sanskrit only: no published translation is held for this verse.

ऋत्विजो ऽपि विसृज्याथ यूपं गङ्गोदके ऽक्षिपत् । गङ्गामध्ये तद् धि यूपम् अद्याप्य् आस्ते महामते

ṛtvijo 'pi visṛjyātha yūpaṃ gaṅgodake 'kṣipat / gaṅgāmadhye tad dhi yūpam adyāpy āste mahāmate

Sanskrit only: no published translation is held for this verse.

अभिषिक्तं चामृतेन अभिज्ञानं तु तन् महत् । तत्र तीर्थे पुना रक्षो भरद्वाजम् उवाच ह

abhiṣiktaṃ cāmṛtena abhijñānaṃ tu tan mahat / tatra tīrthe punā rakṣo bharadvājam uvāca ha

Sanskrit only: no published translation is held for this verse.

रक्ष उवाच: अहं यामि भरद्वाज कृतः शुक्लस् त्वया पुनः । तस्मात् तवात्र तीर्थे ये स्नानदानादिपूजनम्

rakṣa uvāca: ahaṃ yāmi bharadvāja kṛtaḥ śuklas tvayā punaḥ / tasmāt tavātra tīrthe ye snānadānādipūjanam

Sanskrit only: no published translation is held for this verse.

कुर्युस् तेषाम् अभीष्टानि भवेयुर् यत् फलं मखे । स्मरणाद् अपि पापानि नाशं यान्तु सदा मुने

kuryus teṣām abhīṣṭāni bhaveyur yat phalaṃ makhe / smaraṇād api pāpāni nāśaṃ yāntu sadā mune

Sanskrit only: no published translation is held for this verse.

ततः प्रभृति तत् तीर्थं शुक्लतीर्थम् इति स्मृतम् । गौतम्यां दण्डकारण्ये स्वर्गद्वारम् अपावृतम्

tataḥ prabhṛti tat tīrthaṃ śuklatīrtham iti smṛtam / gautamyāṃ daṇḍakāraṇye svargadvāram apāvṛtam

Sanskrit only: no published translation is held for this verse.

उभयोस् तीरयोः सप्त सहस्राण्य् अपराणि च । तीर्थानां मुनिशार्दूल सर्वसिद्धिप्रदायिनाम्

ubhayos tīrayoḥ sapta sahasrāṇy aparāṇi ca / tīrthānāṃ muniśārdūla sarvasiddhipradāyinām

Sanskrit only: no published translation is held for this verse.